ᒨᓯᓯ ᑕᓪᓕᒪᖏᑦ 17:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᑕᒪᓐᓇᓗ ᑐᓂᔭᒃᓴᕆᕙᓯ ᓕᕔᑎᒃᑯᓐᓄᑦ ᑐᓂᕐᕈᓯᕐᑎᑦᓯᔨᓄᑦ, ᑕᒪᑐᒪᓂᐅᑎᓪᓗᒍᓗ ᑕᕝᕙᓂ ᐋᖅᑭᒃᓱᐃᔨᐅᔪᒧᑦ, ᑕᕝᕙ ᑖᒃᑯᐊ ᑐᑭᑖᖃᑎᒌᓕᕋᔭᕐᐳᑦ ᑕᒪᑐᒧᖓ.

ᒨᓯᓯ ᑕᓪᓕᒪᖏᑦ 17:9 Iomraidhean Croise

ᑯᕉᓂᑲ ᓯᕗᓪᓖᑦ 26:29

ᐃᔾᕼᐊᕅᑎᓂᑦ, ᓯᓇᓁᐊ ᐃᕐᓂᖏᓪᓗ ᐱᔭᒃᓴᖃᕐᐳᑦ ᐊᖓᔪᖅᑳᖑᓪᓗᑎᒃ ᐃᓱᐊᕐᓮᔨᐅᓪᓗᑎᒡᓗ ᐃᓴᕆᐊᓕᒥᐅᓄᑦ ᔨᕉᓴᓕᐅᑉ ᓯᓚᑖᓃᑦᑐᓄᑦ.

ᒨᓯᓯ ᐂᑉᐸᖏᑦ 18:16

ᐊᑲᐅᖏᑦᔪᑎᒃᓴᖃᕐᑑᖕᓄᓪᓗ ᐃᓅᖕᓄᑦ ᒪᕐᕉᖕᓄᑦ ᐅᐸᒃᑕᐅᔭᕌᖓᒪ ᑐᑭᑖᕆᐊᖃᖃᑦᑕᕐᐳᖓ ᖃᓄᐃᓕᐅᕆᐊᖃᕐᒪᖔᑎᒃ, ᑐᑭᓯᑎᓪᓗᒋᓪᓗ ᖃᓄᖅ ᒎᑎᐅᑉ ᐱᖁᔭᖏᓐᓂᒃ ᒪᓕᒃᑕᐅᖁᔭᖏᓐᓂᒡᓗ.”

ᒨᓯᓯ ᐂᑉᐸᖏᑦ 22:8

ᑎᒡᓕᒃᑐᕕᓂᕐᓕ ᖃᐅᔨᔭᐅᖏᑉᐸᑦ, ᑕᕝᕙ ᐊᖏᕐᕋᓕᒃ ᐱᖁᑎᓂᒃ ᐱᓯᒪᑎᑕᐅᔪᕕᓂᖅ ᒎᑎᒧᑦ ᐂᑎᑕᐅᔪᒃᓴᐅᕗᖅ, ᑕᕝᕙᓂ ᓇᓗᓁᕐᓯᖁᓪᓗᒍ ᓱᓕᓪᓗᓂ ᐱᓯᒪᔭᒥᓂᒃ ᑎᒡᓕᓚᐅᖏᓐᓂᕐᒥᓂᒃ.

ᔨᕆᒤᐊᐅᑉ ᐊᒡᓚᖏᑦ 18:18

ᐃᓄᐃᓪᓕ ᐅᖃᕐᐳᑦ, “ᔨᕆᒤᐊ ᖃᓄᐃᓕᐅᕈᑎᒋᓚᐅᕐᓚᕗᑦ! ᑐᓂᕐᕈᓯᕐᑎᑦᓯᔩᑦ ᐱᖁᔭᓂᒃ ᐊᔪᕆᕐᑐᐃᓂᕆᕙᒃᑕᖏᑦ ᐊᓯᐅᑎᑕᐅᔭᕆᐊᖃᖏᒻᒪᑕ, ᐃᓕᓯᒪᑦᓯᐊᕐᑐᓪᓗ ᐅᖃᐅᑦᔪᐃᓂᖏᑦ, ᐱᔪᖃᓛᕐᑐᒥᒡᓗ ᐅᖃᕐᑎᑦ ᐅᖃᐅᓯᖏᑦ. ᔨᕆᒤᐊ ᐸᓯᔭᒃᓴᓕᐊᕆᓚᐅᕐᓚᕗᑦ ᐅᖃᐅᓯᖏᓪᓗ ᓈᓚᖏᓪᓗᒋᑦ.”

ᐃᓯᑭᐊᓕᐅᑉ ᐊᒡᓚᖏᑦ 44:24

ᑲᒪᒋᔭᐅᔭᕆᐊᖃᕐᑐᒥᒃ ᐃᓱᐊᖏᑦᔪᑎᒃᓴᖃᕐᑐᖃᓕᕐᐸᑦ ᐃᖅᑲᕐᑐᐃᔪᓐᓇᕐᐳᑦ, ᑲᒪᔪᒃᓴᐅᕗᓪᓗ ᐃᖅᑲᕐᑐᐃᓂᕋ ᒪᓕᒡᓗᒍ. ᐱᖁᔭᒃᑲ ᒪᓕᒃᑕᐅᖁᔭᒃᑲᓗ ᓇᓪᓕᐅᓐᓂᕐᓯᐅᕕᐅᑎᑕᒃᑲᓗ ᒪᓕᑦᓯᐊᕐᑕᒃᓴᕆᕔᑦ, ᓴᐸᑎᖁᑎᒃᑲᓗ ᐃᑦᔪᕐᓁᑎᑕᒃᓴᕆᕔᑦ.

ᕼᐊᒊᑉ ᐊᒡᓚᖏᑦ 2:11

“ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ; ᑐᓂᕐᕈᓯᕐᑎᑦᓯᔩᑦ ᐊᐱᕐᓱᓚᐅᒃᑭᑦ ᐱᖁᔧᑦ ᐅᖃᕐᓯᒪᓂᖏᓐᓂᒃ ᐃᒤᓕᔪᓂᒃ,

ᓴᑲᕅᐊᐅᑉ ᐊᒡᓚᖏᑦ 3:7

“ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ; ᐱᖁᔭᒃᑲ ᒪᓕᑦᓯᐊᕈᕕᒋᑦ ᐱᔭᕆᐊᖃᕐᑕᑎᓪᓗ ᑎᓕᓯᑦᔪᑎᒃᑲ ᐃᓕᖕᓄᑦ ᐊᑐᑦᓯᐊᕈᕕᒋᑦ, ᑕᕝᕙ ᐃᒡᓗᓐᓂ ᐊᐅᓚᑦᓯᔨᐅᓂᐊᕐᐳᑎᑦ ᐃᒡᓗᕈᓯᖏᓐᓄᓪᓗ, ᐊᑦᔨᒋᔭᐅᑎᓐᓂᐊᕐᐸᒋᓪᓗ ᐅᕙᓂ ᐃᓂᖃᕐᑐᓄᑦ.

ᓴᑲᕅᐊᐅᑉ ᐊᒡᓚᖏᑦ 7:3

ᑐᓂᕐᕈᓯᕐᑎᑦᓯᔨᓂᒃ ᒎᑎᐅᓪᓗ ᐅᖃᕐᑎᖏᓐᓂᒃ ᐊᐱᕆᔭᕐᑐᓚᐅᕐᒪᑕ ᐊᑕᓂᐅᑉ ᐊᔪᒐᖃᖏᑦᑑᑉ ᑐᒃᓯᐊᕐᕕᒡᔪᐊᖓ ᐱᓪᓗᒍ ᐅᖃᕐᓗᑎᒃ, “ᑕᖅᑮᑦ ᑕᓪᓕᒪᖓᓐᓂ ᓱᓕ ᕿᒃᓵᒍᑎᖃᕆᐊᖃᕐᐱᑖ ᓂᕆᑦᑍᓕᓗᑕᓗ, ᑍᒫᒃ ᐱᕙᒃᑲᑦᑕ ᑍᒪᓐᖓᓂᐊᓗᒃ?”

ᒪᓚᑬᑉ ᐊᒡᓚᖏᑦ 2:7

ᑐᓂᕐᕈᓯᕐᑎᑦᓯᔨᐅᑉ ᖃᓂᖓ ᓴᐳᒻᒥᔪᒃᓴᐅᖕᒪᑦ ᖃᐅᔨᒪᓂᕐᒥᒃ, ᐃᓄᐃᓪᓗ ᕿᓂᕐᑐᒃᓴᐅᕗᑦ ᐊᔪᕆᕐᑐᕐᑕᐅᓂᕐᒥᒃ ᑖᑦᓱᒪ ᖃᓂᖓᓂᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐅᖃᕐᑎᒋᒪᒍ.

ᒨᓯᓯ ᑕᓪᓕᒪᖏᑦ 16:18

“ᐋᖅᑭᒃᓱᐃᔨᒃᓴᓂᒃ ᑎᓕᓯᔪᒃᓴᐅᕗᓯ ᐊᖓᔪᖅᑳᖑᓂᐊᕐᑐᓂᒡᓗ ᐊᑕᓂᐅᑉ ᑐᓂᓯᒪᔭᖏᓐᓂ ᓄᓇᑦᓯᓐᓂ, ᑭᖑᕚᖑᖃᑎᒌᑦ ᒪᓕᒡᓗᒋᑦ; ᑖᒃᑯᐊᓗ ᐋᖅᑭᒃᓱᐃᔨᐅᔪᒃᓴᐅᕗᑦ ᐃᓄᖕᓂᒃ ᐊᑦᔨᒌᒃᑎᑦᓯᓗᑎᒃ.

ᒨᓯᓯ ᑕᓪᓕᒪᖏᑦ 17:10

ᑖᒃᑯᐊ ᐊᖏᖃᑎᒌᒡᓗᑎᒃ ᑐᑭᑖᖃᑎᒌᒃᑐᒃᓴᐅᕗᑦ, ᐃᓕᑦᓯᓐᓄᑦ ᑖᒃᑯᐊ ᐅᖃᐅᓯᕆᔭᖏᑦ ᖃᓄᐃᓕᐅᖁᔨᑦᔪᑎᒋᔭᖏᓪᓗ ᒪᓕᑦᓯᐊᕐᓗᒋᑦ ᐊᑐᕆᐊᖃᕋᔭᕐᐸᓯ.

ᒨᓯᓯ ᑕᓪᓕᒪᖏᑦ 21:5

ᑕᕝᕙ ᓕᕔᑉ ᑭᖑᕚᖏᑦ ᑐᓂᕐᕈᓯᕐᑎᑦᓯᔩᑦ ᓯᕗᒧᐊᒃᑐᒃᓴᐅᕗᑦ, ᑖᒃᑯᐊ ᐊᑕᓂᐅᑉ ᒎᑎᑦᓯ ᓂᕈᐊᕐᓯᒪᖕᒪᒋᑦ ᐱᔨᑦᓯᖁᓪᓗᒋᑦ ᐃᒻᒥᓄᑦ ᓮᒻᒪᕐᑎᑦᓯᔨᐅᖁᓪᓗᒋᓪᓗ ᐊᑕᓂᐅᑉ ᐊᑎᖓᓂ, ᑖᒃᑯᐊ ᐅᖃᐅᓯᖏᑎᒍᑦ ᐊᑭᕋᕐᑑᑎᑦᔪᑎᓕᒫᑦ ᐋᓐᓂᕐᓯᓇᓱᐊᕐᓂᓕᒫᓪᓗ ᑖᒃᑯᓇᓐᖓᑦ ᐃᓱᐊᕐᓯᑎᑕᐅᔪᓐᓇᕐᒪᑕ.

ᒨᓯᓯ ᑕᓪᓕᒪᖏᑦ 25:1

“ᐃᓅᒃ ᒪᕐᕉᒃ ᐃᖅᑲᕐᑐᐃᕕᖕᒧᐊᕋᔭᕐᐸᑎᒃ ᐊᑲᐅᖏᑦᔪᑎᒋᔭᒥᖕᓂᒃ ᐋᖅᑭᒃᑕᐅᖁᔨᓗᑎᒃ, ᐃᖅᑲᕐᑐᐃᔨᐅᑉ ᐃᓱᒪᓕᐅᕈᑎᒃᐸᒋᒃ, ᐂᑉᐸᖓ ᐸᓯᔭᒃᓴᐅᖏᓐᓂᕋᕐᓗᒍ ᐂᑉᐸᖓᓗ ᐸᓯᔭᒃᓴᐅᓂᕋᕐᓗᒍ.

ᒨᓯᓯ ᑕᓪᓕᒪᖏᑦ 33:10

ᑖᒃᑯᐊ ᐃᓕᓮᓂᐊᕐᐳᑦ ᒪᓕᒐᒃᓴᓂᒃ ᔧᑰᑉ ᑭᖑᕚᖏᓐᓄᑦ, ᐱᖁᔭᕐᓂᒡᓗ ᐃᓴᕆᐊᓕᒥᐅᓄᑦ; ᐃᓯᕐᓗᐊᕐᓂᑎᑦᓯᓗᑎᒡᓗ ᓵᖕᓂ, ᑐᓂᕐᕈᓯᕐᕕᖁᑎᖕᓂᓗ ᐃᑯᐊᓚᑦᓯᓗᑎᒃ ᑐᓂᕐᕈᓯᕐᓂᐊᕐᐳᑦ.