ᒨᓯᓯ ᑕᓪᓕᒪᖏᑦ 17:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᑖᓐᓇ ᐅᓄᕐᑐᐊᓗᖕᓂᒃ ᕿᒻᒥᕐᔪᐊᖃᕐᑐᒃᓴᐅᓐᖏᓚᖅ ᓇᖕᒥᓂᒃᓴᒥᓂᒃ, ᐃᓄᖁᑎᒥᓂᒡᓗ ᐄᑦᔨᑉᑎᒧᑦ ᐅᑎᕐᑎᑦᓯᔪᒃᓴᐅᓐᖏᓚᖅ ᕿᒻᒥᕐᔪᐊᓂᒃ ᐅᓄᕐᓯᑎᑦᓯᔪᒪᓗᓂ, ᐊᑕᓂᖅ ᐅᖃᕐᓯᒪᖕᒪᑦ ᐃᓕᑦᓯᓐᓄᑦ, ‘ᑕᐅᕗᖓ ᐅᑎᓚᐅᕐᓯᒪᓂᐊᓐᖏᓚᓯ ᖃᖓᓕᒫᖅ.’

ᒨᓯᓯ ᑕᓪᓕᒪᖏᑦ 17:16 Iomraidhean Croise

ᓴᒧᐃᓕ ᐂᑉᐸᖏᑦ 8:4

ᑍᕕᑎᐅᓪᓗ ᑎᒍᓚᐅᕐᐰᑦ 1,700ᐃᑦ ᕿᒻᒥᕐᔪᐊᒃᑰᕐᑏᑦ, 20,000ᐃᓪᓗ ᐅᓇᑕᕐᑐᒃᓮᑦ ᐱᓱᒃᑏᑦ; 100ᓂᒡᓗ ᕿᒧᒃᓯᐅᑎᓂᒃ ᐊᒃᓴᓗᐊᓕᖕᓂᒃ ᑎᒍᓯᓚᐅᕐᐳᖅ ᐊᓯᓕᒫᖏᑦ ᑭᖑᓪᓖᖏᑕ ᓄᑭᖏᑦ ᓱᒃᑯᑎᕐᓗᒋᑦ.

ᐊᑕᓃᑦ ᓯᕗᓪᓖᑦ 1:5

ᑕᕝᕙ ᐊᑐᓁᔭ ᕼᐊᒋᑎᐅᑉ ᐃᕐᓂᖓ ᐃᒻᒥᓂᒃ ᐊᖏᔪᕈᕐᑎᓐᓇᓱᐊᓚᐅᕐᐳᖅ, ᐅᖃᕐᓗᓂ, “ᐊᖓᔪᖅᑳᕐᔪᐊᓐᖑᕐᓂᐊᕐᐳᖓ”; ᓇᖕᒥᓂᕐᓗ ᕿᒧᒃᓯᐅᑎᑖᓚᐅᕐᐳᖅ ᐊᒃᓴᓗᐊᓕᖕᒥᒃ ᕿᒻᒥᔪᐊᓂᓗ ᐃᑭᒪᔪᒃᓴᓂᒃ, 50ᓂᒡᓗ ᐊᖑᑎᓂᒃ ᓯᕗᓂᕐᒥᓂ ᐅᓪᓚᒃᑐᒃᓴᓂᒃ ᐋᖅᑮᓚᐅᕐᐳᖅ.

ᐊᑕᓃᑦ ᓯᕗᓪᓖᑦ 4:26

ᓲᓗᒨᓂ 40,000ᓂᒃ ᕿᒻᒥᕐᔪᐊᒃᑯᕕᖃᓚᐅᕐᐳᖅ ᐊᒃᓴᓗᐊᓕᖕᓄᑦ ᐊᑐᕐᑐᒃᓴᓂᒃ, 12,000ᓂᒡᓗ ᕿᒥᔪᐊᖁᑎᖃᕐᓗᓂ ᐅᓇᑕᕈᑎᒃᓴᓂᒃ.

ᐊᑕᓃᑦ ᓯᕗᓪᓖᑦ 5:6

ᑍᒤᒻᒪᑦ ᑎᓕᓯᖁᕙᒋᑦ ᐊᖑᑎᓂᒃ ᓕᐸᓇᓂᒧᑦ ᓇᐹᕐᑐᓂᒃ ᓰᑕᕆᓂᒃ ᓇᑲᑎᕆᖁᔨᓕᕆᑦ ᐅᕙᓐᓄᐊᕐᑐᒃᓴᓂᒃ, ᐱᔨᒃᑲ ᑖᒃᑯᓂᖓ ᐃᑲᔪᕐᓂᐊᕐᐳᑦ, ᓴᓇᔨᖁᑎᑎᑦ ᐊᑭᓕᓛᕐᐸᒃᑲ ᐊᑭᒋᔭᐅᖁᔭᕐᓂᒃ; ᖃᐅᔨᒪᑦᓯᐊᕋᕕᑦ ᐅᕙᑦᑎᓐᓂᑦ ᐱᓯᒪᔪᑦ ᓇᓪᓕᕐᓯᔪᓐᓇᖏᒻᒪᑕ ᓮᑐᓂᒥᐅᑦ ᕿᔪᓕᕆᔨᖏᓐᓂᒃ ᕿᔪᖕᓂᒃ ᓇᑲᑎᕆᓗᑎᒃ.”

ᑯᕉᓂᑲ ᐂᑉᐸᖏᑦ 1:16

ᓲᓗᒨᓂᓗ ᑎᑭᑎᑦᓯᖃᑦᑕᓚᐅᕐᐳᖅ ᕿᒻᒥᕐᔪᐊᓂᒃ ᐄᑦᔨᑉᑎᒥᑦ ᑭᕕᒥᓪᓗ, ᐊᖓᔪᖅᑳᕐᔪᐊᓪᓗ ᓂᐅᕕᕐᑎᖏᑦ ᑕᒪᒃᑯᓄᖓ ᐊᑭᓖᖃᑦᑕᓚᐅᕐᐳᑦ ᓂᐅᕕᕈᑎᒋᔭᒥᖕᓂᒃ ᑭᕕᒥᒃᑯᓐᓂᒃ.

ᑯᕉᓂᑲ ᐂᑉᐸᖏᑦ 9:25

ᓲᓗᒨᓂ 4,000ᓂᒃ ᕿᒻᒥᕐᔪᐊᒃᑯᕕᖃᓚᐅᕐᐳᖅ ᕿᒧᒃᓯᐅᑎᓄᓪᓗ ᐊᒃᓴᓗᐊᓕᖕᓄᑦ, 12,000ᓂᒡᓗ ᕿᒻᒥᕐᔪᐊᒃᑰᕐᑎᖁᑎᖃᕐᓗᓂ, ᑖᒃᑯᐊ ᐃᒡᓗᒐᓴᖕᓂ ᕿᒧᒃᓯᐅᑎᓄᑦ ᐊᒃᓴᓗᐊᓕᒃᑯᕕᖕᒥᓂ ᐃᓂᖃᕐᑎᑉᐰᑦ ᔨᕉᓴᓕᒥᓗ ᐊᖓᔪᖅᑳᕐᔪᐊᖃᕐᕕᖕᒥ.

ᐃᓐᖏᕈᑎᑦ 20:7

ᐃᓚᖏᑦ ᑕᑎᖃᕐᐳᑦ ᐊᒃᓴᓗᐊᓕᖕᓂᒃ ᐃᑭᒪᕕᖕᓂᒃ, ᐃᓚᖏᓪᓗ ᑕᑎᖃᕐᐳᑦ ᕿᒧᒃᓯᐅᑎᓂᒃ; ᐅᕙᒍᓪᓕ ᐃᖅᑲᐅᒪᔪᒪᕗᒍᑦ ᐊᑕᓂᐅᑉ ᒎᑎᑦᑕ ᐊᑎᖓᓂᒃ.

ᒨᓯᓯ ᐂᑉᐸᖏᑦ 13:17

ᐰᕉᓪᓕ ᐃᓄᐃᑦ ᐊᐅᓪᓚᖁᓕᕐᒪᒋᑦ, ᒎᑎᐅᑉ ᑕᓯᐅᓚᓐᖏᓔᑦ ᐱᓕᔅᑍᓂᒥᐅᑦ ᓄᓇᖓᒍᑦ, ᑕᒪᓐᓇᓕ ᖃᓂᒋᓈᓚᐅᕋᓗᐊᕐᐹᑦ; ᒎᑎ ᐅᖃᓚᐅᕐᒪᑦ, “ᐃᓄᐃᑦ ᐅᓇᑕᕐᑐᓂᒃ ᑕᑯᓕᕈᑎᒃ ᐃᓱᒪᖏᑦ ᓴᖑᒐᔭᕐᒪᑕ, ᐄᑦᔨᑉᑎᒧᓪᓗ ᐅᑎᑐᐃᓐᓇᕆᐊᖃᕐᓗᑎᒃ.”

ᒨᓯᓯ ᐂᑉᐸᖏᑦ 13:18

ᒎᑎᐅᓪᓕ ᐃᓄᐃᑦ ᑕᓯᐅᓚᐅᕐᐰᑦ ᐃᓄᖃᖏᑦᑐᒃᑯᑦ ᓂᒍᕈᑎᓪᓗᓂᒋᑦ ᐃᒪᖅ ᐊᐅᐸᓗᒃᑕ ᑐᕌᕐᓗᒍ. ᐃᓴᕆᐊᓕᒥᐅᓪᓗ ᑕᐸᐅᓐᖓᓚᐅᕐᐳᑦ ᐄᑦᔨᑉᑎᐅᑉ ᓄᓇᖓᓂᑦ ᐊᓂᓪᓗᑎᒃ ᐅᓇᑕᕐᓂᕐᒧᑦ ᐅᐸᓗᖎᔭᕈᓐᓇᖁᓪᓗᒋᑦ.

ᒨᓯᓯ ᐂᑉᐸᖏᑦ 14:13

ᒨᓯᓯᐅᑉ ᑭᐅᕔᑦ, “ᑲᑉᐱᐊᓱᖏᓪᓗᓯ ᓱᕐᕋᒃᑍᓕᒋᑦᓯ ᑕᑯᓂᐊᕐᐳᓯ ᐊᑕᓂᐅᑉ ᓴᐳᑦᔨᓂᖓᓂᒃ ᐃᓕᑦᓯᓐᓂᒃ ᐅᓪᓗᒥ. ᑖᒃᑯᐊ ᐄᑦᔨᑉᑎᒥᐅᑦ ᑕᑯᒃᑲᓐᓂᕈᓐᓇᕐᓂᐊᓐᖏᓚᓯ.

ᐂᓮᐊᓯᐅᑉ ᐊᒡᓚᖏᑦ 2:7

ᓄᓇᖓᑦ ᑕᑕᑉᐳᖅ ᓯᐅᓪᕕᕆᓂᒃ ᒎᓗᓂᒡᓗ, ᐊᔪᕐᓴᖏᑦᔪᑎᒃᓴᖏᓪᓗ ᐊᒥᒐᖏᑦᑐᕐᔪᐊᖑᓪᓗᑎᒃ; ᓄᓇᖓᓪᓗ ᑕᑕᑉᐳᖅ ᕿᒻᒥᕐᔪᐊᓂᒃ, ᐊᖓᔪᖅᑳᕐᓯᐅᑎᓪᓗ ᐊᒃᓴᓗᐊᓖᑦ ᐊᒥᒐᖏᑦᑐᕐᔪᐊᖑᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 42:19

“ᐃᓕᑦᓯ ᔫᑕᒥ ᐊᒥᐊᒃᑰᔪᓯ, ᐊᑕᓂᐅᑉ ᐅᖃᐅᑎᕚᓯ, ᐃᓂᕐᑎᕐᓗᓯ ᐄᑦᔨᑉᑎᒧᐊᖁᓐᖏᓚᑦᓯ. ᖃᐅᔨᓕᕆᑦᓯ ᖁᓚᕐᓇᖏᑦᑐᒥᒃ ᐅᓪᓗᒥ ᐃᓂᕐᑎᕋᑦᓯ.

ᐃᓯᑭᐊᓕᐅᑉ ᐊᒡᓚᖏᑦ 17:15

ᑖᓐᓇᓕ ᐊᖓᔪᖅᑳᕐᔪᐊᖅ ᑖᑦᓱᒥᖓ ᐊᑭᕋᕐᑐᓕᕋᒥ ᐄᑦᔨᑉᑎᒥᐅᓄᑦ ᑎᓕᓯᓚᐅᕐᐳᖅ ᐅᖃᕐᑎᒋᓂᐊᕐᑕᒥᓂᒃ, ᑐᓂᓯᕕᐅᔪᒪᓪᓗᓂ ᕿᒻᒥᕐᔪᐊᓂᒃ ᐅᓇᑕᕐᑎᒐᓴᒡᔪᐊᓂᒡᓗ. ᓵᓚᖃᕈᓐᓇᕐᐹ? ᑍᒤᓕᐅᕐᑐᖅ ᐊᓐᓇᒍᓐᓇᕐᐹ? ᐊᖏᖃᑎᒌᒍᑎᓕᐊᕆᓚᐅᕐᑕᒥᓂᒃ ᓯᖁᑦᑎᕆᓯᒪᔪᖅ ᐊᓐᓇᒍᓐᓇᕐᐹ?

ᕼᐆᓯᐊᑉ ᐊᒡᓚᖏᑦ 11:5

ᐅᑎᕈᒫᓕᕐᐳᑦ ᐄᑦᔨᑉᑎᒧᑦ, ᐊᓯᕆᐊᓗ ᐊᖓᔪᖅᑳᕐᔪᐊᕆᔪᒫᕐᐹᑦ, ᐅᕙᓐᓄᑦ ᐅᑎᕈᒪᓚᐅᖏᒻᒪᑕ.

ᕼᐆᓯᐊᑉ ᐊᒡᓚᖏᑦ 14:3

ᐊᓯᕆᐊᒧᑦ ᐱᐅᓕᔭᐅᓂᐊᓐᖏᓚᒍᑦ, ᕿᒻᒥᕐᔪᐊᒃᑰᕐᓂᐊᓐᖏᓚᒍᑦ; ᐅᖃᕐᓂᐊᕈᓐᓁᕐᐳᒍᓪᓗ, ‘ᒎᑎᕗᑦ,’ ᐊᒡᒐᑦᑕ ᓴᓇᓯᒪᔭᖏᓐᓄᑦ. ᐃᓕᖕᓂᑦ ᐃᓕᐊᕐᔪᐃᑦ ᓂᑲᒋᔭᐅᓂᕐᒥᒃ ᓇᒡᕚᕐᒪᑕ.”

ᒤᑲᐅᑉ ᐊᒡᓚᖏᑦ 5:10

ᐊᑕᓂᖅ ᐅᖃᕐᐳᖅ, “ᑍᑲᓂ ᐅᓪᓗᒥ, ᕿᒻᒥᕐᔪᐊᓯ ᑐᖁᕋᕈᒫᕐᐸᒃᑲ ᐊᑯᓐᓇᑦᓯᓐᓃᑦᑐᑦ, ᐅᓇᑕᐅᑎᓯᓗ ᐊᒃᓴᓗᐊᓖᑦ ᐊᓯᕈᕈᒫᕐᐸᒃᑲ ᓯᖁᑦᑎᕐᓗᒋᑦ.

ᒨᓯᓯ ᑕᓪᓕᒪᖏᑦ 28:68

ᐊᑕᓂᐅᑉ ᐄᑦᔨᑉᑎᒧᑦ ᐅᑎᕐᑎᑦᓱᒫᕐᐹᓯ ᐅᒥᐊᕐᔪᐊᑎᒍᑦ, ᑕᕝᕗᖓ ᓄᓇᒧᑦ ᐅᑎᓚᐅᕐᓯᒫᑦᔮᖏᓐᓂᕋᕐᓗᓯ ᐅᖃᕐᓯᒪᒐᓗᐊᕐᑎᓪᓗᒍ. ᑕᕝᕙᓂᓗ ᐊᑭᕋᑦᓯᓐᓄᑦ ᐃᓕᑦᓯᓐᓂᒃ ᓂᐅᕐᕈᑎᒋᓇᓱᐊᕈᒫᕐᐳᓯ ᓯᐊᓛᕐᑕᕆᔭᐅᔪᒪᓗᓯ, ᓇᓪᓕᐊᓐᓄᓪᓘᓐᓃᓪᓕ ᓂᐅᕕᕐᑕᐅᔪᒪᓛᓐᖏᓚᓯ.”

ᓴᒧᐃᓕ ᓯᕗᓪᓖᑦ 8:11

ᓴᒧᐃᓕᐅᑉ ᐅᖃᐅᑎᕔᑦ, “ᐊᖓᔪᖅᑳᕐᔪᐊᑦᓯ ᐊᐅᓚᑦᓯᓕᕈᓂ ᐃᒫᒃ ᐱᐅᓯᖃᕐᕕᒋᔪᒫᕐᐹᓯ: ᐃᕐᓂᓯ ᐅᓇᑕᕐᑐᒃᓴᓐᖑᕐᑎᑦᓱᒫᕐᐰᑦ ᐃᓚᖏᓪᓗ ᐅᓇᑕᕐᑎᒋᓗᓂᒋᑦ ᕿᒧᒃᓯᐅᑎᓄᑦ ᐊᒃᓴᓗᐊᓕᖕᓄᑦ, ᐃᓚᖏᓪᓗ ᕿᒻᒥᕐᔪᐊᒃᑯᑦ ᐅᓇᑕᕐᑎᒋᓗᓂᒋᑦ, ᐃᓚᖏᓪᓗ ᐅᓪᓚᒃᑎᐅᓗᑎᒃ ᕿᒧᒃᓯᐅᑏᑦ ᐊᒃᓴᓗᐊᓖᑦ ᓯᕗᕌᓂ;