ᒨᓯᓯ ᑕᓪᓕᒪᖏᑦ 17:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᓇᓪᓕᐊᓪᓕ ᓈᓚᖏᑦᑐᖅ ᒪᓕᖏᓪᓗᓂ ᐋᖅᑭᒃᓱᐃᔨᒥᒃ ᑐᓂᕐᕈᓯᕐᑎᑦᓯᔨᒥᒡᓘᓐᓃᑦ ᐱᓇᓱᐊᕆᐊᖃᕐᑕᒥᓂᒃ ᐱᓇᓱᐊᕐᑐᒥᒃ ᑖᓐᓇ ᑐᖁᑕᐅᔪᒃᓴᐅᕗᖅ; ᑍᒫᒃ ᑕᕝᕙ ᑍᒤᓕᐅᕐᓗᓯ ᐱᐅᖏᑦᑐᓕᓂᖅ ᐲᕐᑎᒐᔭᕐᐸᓯ ᐃᓴᕆᐊᓕᒥᑦ.

ᒨᓯᓯ ᑕᓪᓕᒪᖏᑦ 17:12 Iomraidhean Croise

ᐄᓱᕋᐅᑉ ᐊᒡᓚᖏᑦ 10:8

ᐃᓄᖕᓄᑦ ᐊᖓᔪᖅᑳᖑᔪᑦ ᐱᖁᔨᓂᖏᑦ ᒪᓕᒡᓗᒋᑦ, ᕾᖁᔭᐅᔪᓪᓗ ᕾᓐᖏᑐᐊᕐᐸᑕ ᐅᓪᓘᑉ ᐱᖓᔪᒋᓕᕐᑕᖓᓂ, ᐱᖁᑎᓕᒫᖏᑦ ᐊᓯᕈᕐᑕᐅᒐᔭᕐᐳᑦ, ᐃᓚᒋᔭᐅᔪᓐᓃᕐᑎᑕᐅᓗᓂᓗ ᐅᑎᓚᐅᕐᑐᓄᑦ.

ᐃᓐᖏᕈᑎᑦ 19:13

ᐱᔩᑦ ᓴᐳᑎᓯᒪᓚᐅᕈᒃ ᐱᔮᕆᓂᕐᒧᑦ ᐊᔪᕐᓂᕐᓂᑦ; ᑕᒪᒃᑯᐊ ᐊᐅᓚᑦᓯᓕᖁᓇᒋᑦ ᐅᕙᓐᓂᒃ. ᑕᕝᕙ ᓵᑕᒃᓴᐅᓂᐊᓐᖏᓚᖓ, ᐸᓯᔭᒃᓴᐅᓂᐊᓐᖏᓚᖓᓗ ᐊᔪᕐᓂᕐᓂᑦ ᐊᖏᔪᓂᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:11

ᒥᑕᐅᑎᒃᓴᕐᑐᖅ ᓱᒋᐊᕐᑕᐅᔭᕌᖓᑦ, ᓯᓔᑦᑐᖅ ᓯᓚᑦᑐᕐᐹᓪᓕᓲᖑᕗᖅ; ᓯᓚᑐᔪᕐᓕ ᐅᖃᐅᑦᔪᕐᑕᐅᒍᓂ ᖃᐅᔨᑎᑕᐅᓂᕐᒥᒃ ᐱᑖᕈᓐᓇᕐᐳᖅ.

ᕼᐆᓯᐊᑉ ᐊᒡᓚᖏᑦ 4:4

ᐊᑕᓂᖅ ᐅᖃᕐᐳᖅ, “ᑭᓇᓘᓐᓃᑦ ᐃᓄᖕᓂᒃ ᐸᓯᒃᓯᕐᑍᓕᓕ, ᐅᕝᕙᓗ ᐅᖃᐅᑦᔭᐅᒋᐊᕐᑍᓕᓕ, ᐃᓱᐊᕐᓴᓐᖏᓚᖓᓕ ᐃᓕᑦᓯᓐᓂᒃ ᑐᓂᕐᕈᓯᕐᑎᑦᓯᔨᓂᒃ.

ᓴᑲᕅᐊᐅᑉ ᐊᒡᓚᖏᑦ 3:7

“ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ; ᐱᖁᔭᒃᑲ ᒪᓕᑦᓯᐊᕈᕕᒋᑦ ᐱᔭᕆᐊᖃᕐᑕᑎᓪᓗ ᑎᓕᓯᑦᔪᑎᒃᑲ ᐃᓕᖕᓄᑦ ᐊᑐᑦᓯᐊᕈᕕᒋᑦ, ᑕᕝᕙ ᐃᒡᓗᓐᓂ ᐊᐅᓚᑦᓯᔨᐅᓂᐊᕐᐳᑎᑦ ᐃᒡᓗᕈᓯᖏᓐᓄᓪᓗ, ᐊᑦᔨᒋᔭᐅᑎᓐᓂᐊᕐᐸᒋᓪᓗ ᐅᕙᓂ ᐃᓂᖃᕐᑐᓄᑦ.

ᒨᓯᓯ ᓯᑕᒪᖏᑦ 15:30

“ᐱᔮᕆᓗᓂᓕ ᐊᔪᕐᑐᓕᔪᖅ, ᐃᓴᕆᐊᓕᒥᐅᓂ ᐃᓅᓯᒪᒐᓗᐊᕈᓂ, ᓄᓇᐅᓪᓗ ᐊᓯᐊᓂᑦ ᐱᓯᒪᒐᓗᐊᕈᓂ, ᐊᑕᓂᕐᒥᒃ ᓇᕐᕈᓇᕐᑎᑦᓯᕗᖅ, ᑖᓐᓇ ᐃᓅᖃᑎᒥᓂᑦ ᐊᕕᑕᐅᔭᕆᐊᖃᕐᐳᖅ.

ᒨᓯᓯ ᓯᑕᒪᖏᑦ 15:31

ᐊᑕᓂᐅᑉ ᐅᖃᐅᓯᖓᓂᒃ ᓇᕐᕈᖕᒪᑦ, ᐱᖁᔭᖓᓂᒡᓗ ᓯᖁᒥᑦᓯᓪᓗᓂ, ᑖᓐᓇ ᐊᕕᑕᐅᒻᒪᕆᒋᐊᖃᕐᐳᖅ; ᐸᓯᔭᒃᓴᐅᓐᓚᕆᖕᒪᑦ.”

ᒫᑎᐅᓯᐅᑉ ᐊᒡᓚᖏᑦ 10:14

ᓄᓇᓕᖕᓂᑦ ᑐᓐᖓᓱᒃᑎᑕᐅᖏᒃᑯᑦᓯ ᐅᖃᐅᓯᕆᔭᓯ ᓈᓚᒃᑕᐅᔪᒪᖏᑉᐸᑕ, ᑕᕝᕙᓐᖓᑦ ᐊᐅᓪᓚᕆᑦᓯ ᐃᑎᒐᑦᓯ ᓴᓂᖏᑦ ᑲᑕᒐᕐᑎᓪᓗᒋᑦ.

ᓘᑲᓯᐅᑉ ᐊᒡᓚᖏᑦ 10:16

“ᐃᓕᑦᓯᓐᓂᒃ ᓈᓚᒃᑐᑦ, ᓈᓚᒃᑭᕚᖓ; ᐃᓕᑦᓯᓐᓂᒡᓗ ᓇᕐᕈᔫᑉ ᓇᕐᕈᒋᕚᖓ; ᐅᕙᓐᓂᒡᓕ ᓇᕐᕈᔫᑉ ᑎᓕᓯᓚᐅᕐᑐᖅ ᐅᕙᓐᓂᒃ ᓇᕐᕈᒋᕚ.”

ᔪᐊᓇᓯᐅᑉ ᐊᒡᓚᖏᑦ 12:48

ᐅᕙᓐᓂᒃ ᓇᕐᕈᔪᖅ ᐃᓚᓕᐅᕐᓯᓇᓂᓗ ᐅᖃᐅᓯᓐᓂᒃ ᓇᔪᕐᑎᖃᓕᕐᐳᖅ ᐃᖅᑲᕐᑐᕐᑕᐅᑦᔪᑎᒃᓴᒥᓂᒃ; ᐅᖃᐅᓯᕐᓄᑦ ᐅᖃᐅᓯᕆᓚᐅᕐᑕᓐᓄᑦ ᐃᖅᑲᕐᑐᕐᑕᐅᔪᒫᕐᐳᖅ ᐅᓪᓗᐃᑦ ᓇᒡᒐᑖᓂ.

ᔪᐊᓇᓯᐅᑉ ᐊᒡᓚᖏᑦ 20:23

ᓇᓪᓕᐊᑦᑕ ᐊᔪᕐᓂᖏᑦ ᐃᓱᒪᒋᔪᓐᓁᕐᑕᓯ, ᑖᒃᑯᐊ ᐃᓱᒪᒋᔪᓐᓁᕐᑕᐅᕗᑦ; ᓇᓪᓕᐊᑦᑕᓕ ᐊᔪᕐᓂᖏᑦ ᐃᓱᒪᒋᔪᓐᓁᓐᖏᑕᓯ, ᑖᒃᑯᐊ ᐃᓱᒪᒋᔪᓐᓁᕐᑕᐅᓐᖏᓚᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:13

ᐊᒡᓔᑦ ᐅᖃᕐᒪᑕ, “ᐃᓄᒃ ᐊᔪᕐᑐᓕᔪᖅ ᐃᓚᒌᖕᓂᑦᓯᓐᓂᑦ ᐊᓂᑎᓯᐅᒃ.”

ᒨᓯᓯ ᑕᓪᓕᒪᖏᑦ 1:43

ᐊᑕᓂᐅᑉ ᐅᖃᐅᓯᕆᓚᐅᕐᑕᖏᓐᓂᒃ ᐅᖃᐅᑎᓚᐅᕐᐸᑦᓯ, ᐃᓕᑦᓯᓕ ᓈᓚᓚᐅᓐᖏᓚᓯ. ᐊᑭᕋᕐᑐᖔᓚᐅᕐᐸᓯᓕ ᐊᑕᓂᐅᑉ ᐱᖁᔨᓂᖓ, ᐊᔪᖏᑦᑑᓇᓱᒋᓪᓗᓯ ᑕᕝᕙ ᐅᓇᑕᕆᐊᓕᓚᐅᕐᐳᓯ ᖃᖅᑲᒥᐅᓄᑦ.

ᒨᓯᓯ ᑕᓪᓕᒪᖏᑦ 10:8

ᑍᑦᓱᒪᓂᐅᑎᓪᓗᒍ ᖃᖅᑲᒦᑎᓪᓗᒋᑦ ᓱᓕ ᐊᑕᓂᖅ ᑎᓕᓯᓚᐅᕐᐳᖅ ᐃᓄᖕᓂᒃ ᓕᕔᑎᒃᑯᑦ ᑭᖑᕚᖏᓐᓂᒃ ᐊᖏᖃᑎᒌᒍᑎᐅᑉ ᐃᒃᓯᕐᕕᖁᑎᖓᓂᒃ ᐊᐅᓚᑦᓯᔨᐅᖁᓪᓗᒋᑦ ᐊᒡᔭᕐᑕᐅᔭᕆᐊᖃᓕᕐᐸᑦ, ᐊᑕᓂᕐᒧᓪᓗ ᑐᓂᕐᕈᓯᕐᑎᑦᓯᔨᐅᖁᓪᓗᒋᑦ, ᐊᑕᓂᐅᓪᓗ ᐊᑎᖓᓂ ᓮᒻᒪᕐᑎᑦᓯᔨᐅᖁᓪᓗᒋᑦ. ᐅᓪᓗᒥᒧᓪᓗ ᑎᑭᓪᓗᒍ ᓱᓕ ᑖᒃᑯᐊ ᑕᒪᒃᑯᓂᖓ ᐱᓇᓱᐊᕐᑎᐅᕗᑦ.

ᒨᓯᓯ ᑕᓪᓕᒪᖏᑦ 13:11

ᑕᕝᕙ ᐃᓴᕆᐊᓕᒥᐅᓕᒫᑦ ᑐᓴᓕᕋᔭᕐᐳᑦ, ᓯᕘᕋᓕᕐᓗᑎᒡᓗ, ᑭᖑᓂᖓᒍᓪᓗ ᑍᒫᒃ ᐱᐅᖏᑦᑐᐊᓗᖕᒥᒃ ᐱᓕᕆᔪᖃᕈᓐᓃᕋᔭᕐᐳᖅ ᐊᑯᓐᓇᑦᓯᓐᓂ.

ᒨᓯᓯ ᑕᓪᓕᒪᖏᑦ 13:5

ᓇᓪᓕᐊᓪᓕ ᓯᓐᓇᒃᑑᒪᓂᒃ ᑐᑭᓯᓇᕐᓯᑎᑦᓯᔪᓐᓇᕐᓂᕋᕐᑐᖅ ᐱᔪᖃᓛᕐᑐᒥᒡᓗ ᐅᖃᕐᑎᐅᓂᕋᕐᑐᖅ ᑐᑯᑕᐅᔪᒃᓴᐅᕗᖅ, ᐃᓕᑦᓯᓐᓂᒃ ᐊᔪᕆᕐᑐᐃᖕᒪᑦ ᐊᑭᕋᕐᑐᕐᓂᕐᒥᒃ ᐊᑕᓂᕐᒧᑦ ᒎᑎᑦᓯᓐᓂᒃ, ᑖᑦᓱᒥᖓ ᓴᐳᑦᔨᔨᒋᓚᐅᕐᑕᑦᓯᓐᓂᒃ ᓄᓇᒥᑦ ᐄᑦᔨᑉᑎᒥᑦ ᐱᐅᓕᓪᓗᓯᓗ ᕿᓚᒃᓱᕐᑕᐅᓯᒪᕕᖕᒥᑦ, ᑍᒤᑦᑐᖅ ᐃᓄᒃ ᑕᓯᐅᕐᓯᓇᓱᐊᕐᒪᑦ ᐊᖅᑯᑎᒥᒃ ᕿᒤᖁᓪᓗᓯ ᐊᑕᓂᐅᑉ ᒎᑎᑦᓯ ᐃᓕᑦᓯᓐᓄᑦ ᐊᑐᕐᑕᐅᖁᓚᐅᕐᑕᖓᓂᑦ. ᑍᒤᑦᑐᖅ ᐃᓄᒃ ᑐᖁᑕᐅᔪᒃᓴᐅᕗᖅ, ᐊᑯᓐᓇᑦᓯᓐᓂ.

ᒨᓯᓯ ᑕᓪᓕᒪᖏᑦ 13:6

“ᖃᑕᓐᖑᑎᕕᑦ, ᐊᓈᓇᕕᑦ ᐃᕐᓂᕕᓪᓘᓐᓃᑦ, ᐸᓂᕕᓪᓘᓐᓃᑦ, ᓄᓕᐊᕕᓪᓘᓐᓃᑦ ᓇᒡᓕᒋᒻᒪᕆᒃᑕᕕᑦ ᐱᖃᓐᓇᕆᔭᕕᓪᓘᓐᓃᑦ ᖃᓂᒋᒻᒪᕆᒃᑕᕕᑦ ᐃᔨᕋᕐᑐᕐᓗᓂ ᒎᑎᓐᖑᐊᓄᑦ ᑐᒃᓯᐊᖃᑦᑕᖁᓗᓂᑎᑦ ᐃᓇᓐᓇᓱᐊᕐᐸᑎᑦ, ᒎᑎᒋᔭᐅᔪᓄᑦ ᐃᕝᕕᓪᓗ ᓯᕗᓕᕕᓂᕐᐱᓪᓗ ᖃᐅᔨᓚᐅᕐᓯᒪᓐᖏᑕᖏᓐᓄᑦ.

ᒨᓯᓯ ᑕᓪᓕᒪᖏᑦ 17:13

ᑕᒪᓐᓇ ᑕᕝᕙ ᑐᓴᕐᑕᐅᒍᓂ ᐃᓄᓕᒫᓄᑦ ᓯᕘᕋᓕᕈᑕᐅᒐᔭᕐᐳᖅ, ᓇᓪᓕᐊᓐᓄᓪᓘᓐᓃᑦ ᐃᓱᒪᒋᑐᐃᓐᓇᕐᑕᒥᓂᒃ ᐱᓇᓱᐊᕈᒪᔪᓐᓁᕈᑕᐅᖓᔭᕐᐳᖅ ᑭᖑᓂᖓᒍᑦ.”

ᒨᓯᓯ ᑕᓪᓕᒪᖏᑦ 17:7

ᖃᐅᔨᓯᒪᔪᓪᓕ ᓯᕗᓪᓕᕐᐸᐅᓗᑎᒃ ᒥᓗᕆᐊᖅᑳᕐᑐᒃᓴᐅᕗᑦ ᐅᔭᖅᑲᓄᑦ ᑐᖁᖁᓪᓗᒍ, ᑕᕝᕙ ᑭᖑᓂᖓᒍᑦ ᐃᓄᓕᒫᑦ ᒥᓪᓗᓕᕋᔭᕐᐳᑦ ᑖᑦᓱᒥᖓ; ᑕᕝᕙ ᑍᒤᓕᐅᕐᓗᓯ ᐱᐅᖏᑦᑐᓕᓂᖅ ᑍᒤᑦᑐᖅ ᓄᖅᑲᕐᑎᒃᑲᔭᕐᐸᓯ.

ᒨᓯᓯ ᑕᓪᓕᒪᖏᑦ 18:20

ᓇᓪᓕᐊᓪᓕ ᐅᖃᓪᓚᒐᓱᐊᕐᐸᑦ ᐅᕙᓐᓄᑦ ᐅᖃᖁᔭᐅᓯᒪᖏᓪᓗᓂ, ᑖᓐᓇ ᑍᒫᑦᓮᓐᓇᕐᑕᐅᖅ ᒎᑎᒋᔭᐅᔪᓂᒃ ᐱᑦᔪᑎᖃᕐᓗᓂ ᐅᖃᓪᓚᒐᓱᐊᕐᑐᖅ ᑍᒫᑦᓮᓐᓇᖅ ᑖᓐᓇ ᑐᖁᔪᒪᕐᐳᖅ.’

ᒨᓯᓯ ᑕᓪᓕᒪᖏᑦ 18:5

ᐊᑕᓂᖅ ᒎᑎᓯ ᑖᒃᑯᓂᖓ ᓂᕈᐊᕐᓯᒪᖕᒪᑦ ᑭᖑᕚᖑᖃᑎᓕᒫᑦᓯᓐᓂᑦ, ᓕᕔᑎᒃᑯᑦ ᑭᖑᕚᖏᓐᓂᒃ ᑐᓂᕐᕈᓯᕐᑎᑦᓯᔨᐅᓂᕐᒧᑦ ᐱᔨᑦᓯᖁᓪᓗᒋᑦ ᐊᑕᓂᐅᑉ ᐊᑎᖓᓂ, ᐃᓱᖃᖏᑦᑐᒧᑦ.

ᒨᓯᓯ ᑕᓪᓕᒪᖏᑦ 18:7

ᑕᕝᕙᓂᓗ ᐱᔨᑦᓯᕋᔭᕐᐳᖅ ᑐᓂᕐᕈᓯᕐᑎᑦᓯᔨᐅᓂᕐᒥᒃ ᐱᓇᓱᐊᕐᓗᓂ ᐊᑕᓂᕐᒧᑦ ᒎᑎᒥᓄᑦ, ᓕᕔᑎᐅᖃᑎᒥᑐᑦ ᐱᔨᑦᓯᕐᑐᑎᑐᑦ ᐊᑕᓂᐅᑉ ᓵᖓᓂ ᐱᔪᓐᓇᕐᓂᖃᑦᓯᐊᕋᔭᕐᐳᖅ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:2

ᖃᐅᔨᒪᒐᑦᓯ ᖃᓄᐃᓕᐅᕆᐊᖃᕐᓂᑦᓯᓐᓂᒃ ᐊᔪᕆᕐᓲᑦᔨᓯᒪᒐᑦᑕ ᐊᑕᓂᑦᑎᓐᓂᑦ ᔩᓱᓯᒥᑦ ᐱᔪᓂᒃ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:8

ᑍᒤᒻᒪᑦ ᑕᒪᑐᒥᖓ ᐊᔪᕆᕐᑑᓯᕐᒥᒃ ᓇᕐᕈᔪᖅ, ᐃᓄᖕᒥᒃ ᓇᕐᕈᖏᓚᖅ ᒎᑎᒥᒡᓕ, ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓕᑦᓯᓐᓄᑦ ᑐᓂᓯᔪᒥᒃ.

ᑎᒧᑎᒧᑦ ᓯᕗᓪᓖᑦ 5:20

ᐊᔪᕐᑐᓕᓐᓇᕐᑐᑦ ᐃᓂᕐᑎᒃᑭᑦ, ᐃᓄᓕᒫᑦ ᓵᖏᓐᓂ, ᐊᓯᖏᑦ ᐊᔪᕐᑐᓕᓂᕐᒥᒃ ᓯᕘᕋᓕᖁᓪᓗᒋᑦ.

ᔮᓱᐊᑉ ᐊᒡᓚᖏᑦ 1:18

ᓇᓪᓕᐊᑦ ᐃᓕᖕᓂᒃ ᐊᑭᕋᕐᑐᕐᑐᑦ ᓈᓚᖏᑦᑐᓪᓘᓐᓃᑦ ᐅᖃᐅᓯᕐᓂᒃ ᑎᓕᓯᑎᓪᓗᑎᑦ, ᑖᓐᓇ ᑐᖁᑕᒃᓴᐅᕗᖅ. ᓲᖑᓂᖃᕐᓯᐊᕆᑦ ᓴᐱᖏᓪᓗᑎᓪᓗ.”

ᐃᓗᐊᕐᓮᔩᑦ ᐊᒡᓚᖏᑦ 20:13

ᑍᒃᑯᐊ ᐃᓄᐃᑦ ᒋᐱᐊᒥ ᕾᓚᐅᕐᓯᐅᒃ, ᐱᐅᖏᑦᑐᐊᓗᖕᒥᒃ ᐱᓂᐊᕐᓂᖃᕐᑐᕕᓃᑦ, ᑐᖁᓐᓂᐊᕋᑦᑎᒍ, ᐱᐅᖏᑦᑐᕐᓗ ᐲᕐᓂᐊᕋᑦᑎᒍ ᐃᓴᕆᐊᓕᒥᑦ.” ᐱᓐᔭᒥᓂᐅᓪᓕ ᑭᖑᕚᖏᑦ ᓈᓚᓚᐅᓐᖏᓚᑦ, ᖃᑕᓐᖑᑎᒥᖕᓂᒃ ᐃᓴᕆᐊᓕᒥᐅᑦ ᐃᓄᖏᓐᓂᒃ.

ᓴᒧᐃᓕ ᓯᕗᓪᓖᑦ 3:13

ᐅᖃᐅᑎᓚᐅᕐᐸᕋ ᐃᓚᖏᑦ ᓱᒋᐊᕐᓂᐊᕐᓂᕋᓕᕐᓗᒋᑦ ᐃᓱᖃᖏᑦᑐᒧᑦ, ᐃᓔᑉ ᖃᐅᔨᒪᓚᐅᕐᐰᖅ ᐱᐅᖏᑦᑐᓕᓂᖏᑦ, ᐃᕐᓂᖏᑦ ᐅᖃᕐᓂᕐᓘᑦᔨᓚᐅᕐᒪᑕ ᒎᑎᒥᒃ, ᐃᓂᕐᑎᓚᐅᓐᖏᓔᓪᓕ.