ᒨᓯᓯ ᑕᓪᓕᒪᖏᑦ 16:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐅᓪᓗᓂᒃ 7ᓂᒃ ᓄᓇᒋᔭᑦᓯᓐᓂ ᐃᓘᓐᓇᑦᓯᐊᖓᓂ ᐳᕙᓪᓚᕐᓴᐅᑎᑕᖃᕐᑐᒃᓴᐅᓐᖏᓚᖅ ᐊᑐᓂᑦ ᐊᖏᕐᕋᕆᔭᖏᓐᓂ; ᐃᑯᐊᓚᑎᑦᓯᓂᒃᑯᑦ ᑐᓂᕐᕈᑎᕕᓂᕐᒥᒃ ᐅᓐᓄᒥᓗ ᑕᕝᕙᓂ ᑐᓂᕐᕈᑕᐅᔪᕕᓂᐅᑉ ᓂᕿᖓ ᐅᓪᓗᒥ ᑕᕝᕙᓂᑦᓮᓐᓇᖅ ᓂᕆᔭᐅᔪᒃᓴᐅᕗᖅ ᓄᖑᑕᐅᓗᓂ.

ᒨᓯᓯ ᑕᓪᓕᒪᖏᑦ 16:4 Iomraidhean Croise

ᒨᓯᓯ ᐂᑉᐸᖏᑦ 12:10

ᐊᒥᐊᒃᑯᖃᕐᑐᒃᓴᐅᓐᖏᓚᓯᓗ ᑕᕝᕙᓐᖓᑦ ᐅᓪᓛᓐᖑᖅᑳᕐᑎᓐᓇᒍ, ᐊᒥᐊᒃᑯᖃᕐᓂᕈᑦᓯᓕ ᑕᕝᕙ ᐅᓪᓛᓐᖑᕐᑎᓪᓗᒍ ᐃᑯᐊᓪᓚᒡᓗᒍ ᓄᖑᑕᐅᔪᒃᓴᐅᕗᖅ.

ᒨᓯᓯ ᐂᑉᐸᖏᑦ 12:15

ᐊᑕᓂᖅ ᐅᖃᕐᐳᖅ, “ᐅᓪᓗᓂᒃ 7ᓂᒃ ᓂᐊᑰᔭᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᓂᕆᔪᒃᓴᐅᕗᓯ; ᐅᓪᓗᑦ ᓯᕗᓪᓕᕐᐹᖓᓐᓂ ᐳᕙᓪᓚᕐᓴᐅᑎᑦ ᐃᒡᓗᑦᓯᓐᓃᑦᑐᑦ ᐊᓂᑕᐅᔪᒃᓴᐅᕗᑦ, ᓇᓪᓕᐊᑦ ᐳᕙᓪᓚᕐᓴᐅᑎᖃᕐᑐᒥᒃ ᓂᕆᔪᖅ, ᑖᒃᑯᐊ ᐅᓪᓗᑦ 7 ᓈᓚᐅᕐᑎᓐᓇᒋᑦ, ᑖᓐᓇ ᐃᓴᕆᐊᓕᒥᐅᓄᑦ ᐃᓄᖁᑎᓐᓄᑦ ᐃᓚᒋᔭᐅᔪᓐᓃᕐᑐᒃᓴᐅᕗᖅ.

ᒨᓯᓯ ᐂᑉᐸᖏᑦ 12:6

ᑭᓯᐊᓂᓕ ᓇᔪᕐᑎᒋᔭᒃᓴᕆᕙᓯ ᑕᖅᑭᐅᑉ ᑕᒪᑐᒪ ᐅᓪᓗᖓᑕ 14ᖓᑦ ᑎᑭᓪᓗᒍ, ᐊᑕᐅᑦᓯᒃᑯᒃ ᐃᓴᕆᐊᓕᒥᐅᑦ ᑲᑎᒪᔪᑦ ᓄᕐᕋᐅᔭᖁᑎᒥᖕᓂᒃ ᑐᖁᑦᓯᔪᒃᓴᐅᕗᑦ ᐅᓐᓄᒃᑯᑦ.

ᒨᓯᓯ ᐂᑉᐸᖏᑦ 12:8

ᑕᒪᑐᒪᓂᓗ ᐅᓐᓄᒥ ᓂᕿᖓ ᓂᕆᔭᐅᔪᒃᓴᐅᕗᖅ, ᐃᑯᒪᒧᑦ ᐆᑕᐅᓯᒪᑎᓪᓗᒍ; ᓂᐊᖂᔭᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᐃᓚᖃᕐᑎᓪᓗᒍ ᐱᕈᕐᑐᕕᓂᕐᓂᒡᓗ ᖃᓯᓕᓇᕐᑐᓂᒃ ᓂᕿᒧᑦ ᐃᓚᒋᔭᐅᓲᓂᒃ ᐃᓚᖃᕐᑎᓪᓗᒍ.

ᒨᓯᓯ ᐂᑉᐸᖏᑦ 13:7

ᐅᓪᓗᓂᒃ 7ᓂᒃ ᓂᐊᖂᔭᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᓂᕿᖃᕐᑐᒃᓴᐅᕗᓯ; ᓂᐊᖂᔭᒥᒃ ᐳᕙᓪᓚᕐᓴᐅᑎᓕᖕᒥᒃ ᐃᒡᓗᑦᓯᓐᓃᑦᑐᖃᕐᑐᒃᓴᐅᓐᖏᓚᖅ, ᐳᕙᓪᓚᕐᓴᐅᒥᒡᓘᓐᓃᑦ ᓇᓂᓕᒫᖅ ᓄᓇᑦᓯᓐᓃᑦᑐᑲᕐᑐᒃᓴᐅᖏᓚᖅ.

ᒨᓯᓯ ᐂᑉᐸᖏᑦ 23:18

“ᐅᕙᓐᓄᑦ ᑐᓂᕐᕈᓯᐅᑎᒋᔭᕕᑦ ᐊᐅᖓᓂᒃ ᑐᓂᓯᓕᕐᑎᓪᓗᑎᑦ ᓂᐊᖂᔭᒥᒃ ᐳᕙᓪᓚᕐᓴᐅᑎᖃᕐᑐᒥᒃ ᑐᓂᕐᕈᓯᖃᓯᐅᑦᔨᔪᒃᓴᐅᓐᖏᓚᑎᑦ, ᐅᕙᓐᓄᓪᓗ ᓇᓪᓕᐅᓐᓂᕐᓯᐅᕐᓇᐅᑎᓪᓗᒍ ᑐᓂᕐᕈᑕᐅᔫᑉ ᑐᓐᓄᖓᓂᒃ ᐊᒥᐊᒃᑯᑕᖃᕐᑐᒃᓴᐅᓐᖏᓚᖅ ᖃᐅᑎᓪᓗᒍ ᐅᓪᓛᒃᑯᑦ.

ᒨᓯᓯ ᐂᑉᐸᖏᑦ 34:25

“ᓂᐊᖂᔭᒥᒃ ᐳᕙᓪᓚᕐᓴᐅᑎᓕᖕᒥᒃ ᑐᓂᕐᕈᓯᕐᑐᒃᓴᐅᓐᖏᓚᓯ ᐆᒪᔪᒥᒃ ᐊᐅᓕᖕᒥᒃ ᑐᓂᕐᕈᓯᓕᕐᑎᓪᓗᓯ ᐅᕙᓐᓄᑦ, ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕐᕕᒃ ᓇᓪᓕᐅᑎᓯᒪᑎᓪᓗᒍ ᐆᒪᔫᑉ ᑐᓂᕐᕈᑎᕕᓂᐅᑉ ᐃᓚᖓᓂᒃ ᐅᓪᓛᒧᑦ ᑎᑭᓪᓗᒍ ᐊᒥᐊᒃᑯᖃᕐᑐᒃᓴᐅᓐᖏᓚᓯ.

ᒫᑎᐅᓯᐅᑉ ᐊᒡᓚᖏᑦ 13:33

ᔩᓱᓯᐅᑉ ᓱᓕ ᐊᑦᔨᐅᔪᒥᒃ ᐊᓯᐊᓂᒃ ᐅᖃᐅᑎᒃᑲᓐᓂᕐᐰᑦ: “ᒎᑎᐅᑉ ᐊᑕᓂᐅᕕᖓ ᐃᒤᑦᑐᒥᒃ ᐊᑦᔨᖃᕐᐳᖅ, ᐊᕐᓇᖅ ᐳᕙᓪᓚᖅᑯᒻᒥᒃ ᑎᒍᓯᕗᖅ, ᓂᐊᖂᔭᒃᓴᓕᐊᒥᓄᑦ ᐊᖏᔪᒧᑦ ᐊᑯᑉᐹ, ᑖᓐᓇᓕᒫᕐᓗ ᐳᕙᓪᓚᕐᑎᑉᐹ.”

ᒨᓯᓯ ᑕᓪᓕᒪᖏᑦ 16:5

“ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕈᑎᒃᓴᒧᑦ ᑐᓂᕐᕈᑎᒃᓴᖅ ᐆᒪᔪᖅ ᑐᖁᑕᒃᓴᕆᕙᓯ ᑐᒃᓯᐊᕐᕕᖕᒥ ᐊᓯᐊᓂᐅᖏᑦᑐᖅ ᐊᑕᓂᐅᑉ ᒎᑎᑦᓯ ᑐᓂᓯᒪᔭᖓᓂ ᓄᓇᒥ;