ᒨᓯᓯ ᑕᓪᓕᒪᖏᑦ 16:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᑐᒃᓯᐊᕐᕕᖕᒧᐊᕐᑐᒃᓴᐅᕗᓯ ᑐᖁᑦᓯᓗᓯᓗ ᓰᐱᖁᑎᑦᓯ ᐃᓚᖓᓐᓂᒃ ᐅᕝᕙᓗ ᐃᒻᒧᒃᓯᐅᒐᖁᑎᑦᓯᓐᓂᒃ ᖄᖏᕐᑕᐅᕕᒃᓯᐅᑎᒥ ᓂᕆᔭᒃᓴᐅᖁᓪᓗᒍ ᐊᑕᓂᐅᑉ ᒎᑎᓯ ᐅᐱᓐᓇᕐᓯᑎᑕᐅᓂᖓᓄᑦ.

ᒨᓯᓯ ᑕᓪᓕᒪᖏᑦ 16:2 Iomraidhean Croise

ᐊᑕᓃᑦ ᐂᑉᐸᖏᑦ 23:21

ᐊᖓᔪᖅᑳᕐᔪᐊᖅ ᔫᓮᐊ ᐃᓄᓕᒫᓂᒃ ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᖁᔨᕗᖅ, “ᐊᑕᓂᖅ ᒎᑎᒋᔭᓯ ᐱᓪᓗᒍ ᖄᖏᕐᑕᐅᕕᒃ ᓇᓪᓕᐅᓐᓂᕐᓯᐅᕐᓯᐅᒃ, ᐊᒡᓚᖕᓂ ᐅᑯᓇᓂ ᐊᖏᖃᑎᒌᒍᑎᓂ ᑎᑎᕋᕐᓯᒪᓂᖓ ᒪᓕᒡᓗᒍ.”

ᑯᕉᓂᑲ ᐂᑉᐸᖏᑦ 35:7

ᔫᓮᐊᐅᓪᓗ ᐃᓄᐃᑦ ᑐᓂᕔᑦ ᓄᕐᕋᐅᔭᕐᓂᒃ ᒎᑦᓯᓪᓗ ᓄᕐᕋᖏᓐᓂᒃ ᑕᕝᕙᓂ ᓇᔫᑎᔪᓕᒫᑦ ᖄᖏᕐᑕᐅᕕᒃᓯᐅᕈᑎᒃᓴᒧᑦ ᑐᓂᕐᕈᓯᖁᓪᓗᒋᑦ, ᐆᒪᔪᖁᑎᒥᓂᒃ ᑲᑎᓪᓗᒋᑦ 30,000ᓂᒃ, ᐃᒻᒧᒃᓯᐅᒊᓪᓗ ᐊᖑᓴᓪᓗᖏᓐᓂᒃ 3,000ᓂᒃ; ᑕᒪᒃᑯᐊ ᐊᖓᔪᖅᑲᕐᔪᐊᑉ ᓇᖕᒥᓂᖅ ᐆᒪᔪᖁᑎᖏᓐᓂᑦ ᐱᓚᐅᕐᐳᑦ.

ᒨᓯᓯ ᓯᑕᒪᖏᑦ 9:2

“ᐃᓴᕆᐊᓕᐅᑉ ᕿᑐᕐᖓᖏᑦ ᓇᓪᓕᐅᓐᓂᕐᓯᐅᖃᑦᑕᕆᐊᖃᕐᐳᑦ ᓇᓪᓕᐅᑎᔭᕌᖓᑦ.

ᒫᑎᐅᓯᐅᑉ ᐊᒡᓚᖏᑦ 26:17

ᐳᕙᓪᓚᖅᑯᑎᖃᖏᑦᑐᓂᒃ ᓂᐊᖂᔭᕐᑐᕐᕕᐅᑉ ᐅᓪᓗᖏᑕ ᓯᕗᓪᓕᕐᐹᖓᓂ ᐃᓕᓐᓂᐊᕐᑎᖏᑦ ᔩᓱᓯᒧᐊᕐᓗᑎᒃ ᐊᐱᕆᕚᑦ, “ᓇᓂ ᐊᑐᐃᓐᓇᕈᐃᖁᕕᑎᒎᑦ ᖄᖏᕐᑕᐅᕕᖕᒥᒃ ᓂᕆᖃᑎᒌᒃᕕᒃᓴᑦᑎᓐᓂᒃ?”

ᒫᑎᐅᓯᐅᑉ ᐊᒡᓚᖏᑦ 26:2

“ᖃᐅᔨᒪᕗᓯ ᐅᓪᓘᒃ ᒪᕐᕉᒃ ᐊᓂᒍᕐᐸᑎᒃ ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕐᕕᐅᓂᐊᓕᕐᒪᑦ, ᐃᓅᑉ ᐃᕐᓂᖓ ᑐᓂᔭᐅᓛᕐᐳᖅ ᑭᑭᐊᒃᑐᕐᑕᐅᖁᓪᓗᒍ.”

ᒫᑯᓯᐅᑉ ᐊᒡᓚᖏᑦ 14:12

ᓇᓪᓕᐅᓐᓂᕐᓯᐅᕐᕕᐅᑉ ᓂᐊᖂᔭᓂᒃ ᐳᕙᓪᓚᖅᑯᑎᖃᖏᑦᑐᓂᒃ ᓂᕆᕕᐅᑉ ᐅᓪᓗᖏᑕ ᓯᕗᓪᓕᕐᐹᖓᓂ, ᓰᐱᐅᑉ ᓄᕐᕋᖓᑕ ᑐᖁᑕᐅᕕᐊᓂ ᖄᖏᕐᑕᐅᕕᒃ ᐱᑦᔪᑎᒋᓪᓗᒍ, ᐃᓕᓐᓂᐊᕐᑎᖏᑕ ᐊᐱᕆᕚᑦ, “ᓇᓂ ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕈᑎᒃᓴᒥᒃ ᐋᖅᑭᒃᓱᐃᔭᕐᑐᖁᕕᑎᒎᑦ ᓂᕆᓂᐊᕐᑕᕐᓂᒃ?”

ᓘᑲᓯᐅᑉ ᐊᒡᓚᖏᑦ 22:15

ᐅᖃᐅᑎᓪᓗᒋᑦ, “ᐆᒥᖓ ᕿᓚᓈᒻᒪᕆᒃᓗᖓ ᖄᖏᕐᑕᐅᕕᒃᓯᐅᑎᒥᒃ ᓂᕆᖃᑎᒋᔪᒪᓚᐅᕐᐸᑦᓯ ᐋᓐᓂᐊᑎᑕᐅᖏᓐᓂᓐᓂ;

ᓘᑲᓯᐅᑉ ᐊᒡᓚᖏᑦ 22:8

ᔩᓱᓯᐅᑉ ᐲᑦᑐᕉᓯᒃᑯᒃ ᔪᐊᓇᓯᒃᑯᒃ ᑎᓕᕚᒃ, ᐅᖃᐅᑎᓪᓗᒋᒃ, “ᐂᓕᕆᑦᓯᒃ ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕈᑎᒃᓴᕗᑦ ᐊᑐᐃᓐᓇᕈᕆᐊᕐᑐᕐᓗᒍ, ᓂᕆᖃᑎᒌᖁᓪᓗᑕ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:7

ᐳᕙᓪᓚᕐᓯᐊᒃᓴᑐᖃᖅ ᐊᔪᕐᓂᕐᒦᑦᔪᑎᒋᓚᐅᕐᑕᓯ ᐲᔭᓕᕐᓯᐅᒃ ᓄᑖᒥᒃ ᓂᐊᖂᔭᒃᓴᐅᓂᐊᕋᑦᓯ ᐳᕙᓪᓚᖅᑯᑎᖃᖏᑦᑐᒥᒃ, ᖃᐅᔨᒪᕗᖓ ᐳᕙᓪᓚᖅᑯᑎᖃᖏᑦᑑᒐᑦᓯ. ᖄᖏᕐᑕᐅᕕᖕᒥ ᓇᓪᓕᐅᓐᓂᕐᓯᐅᕐᓂᕗᑦ ᐱᔭᕇᕐᓯᒪᓕᕐᒪᑦ, ᓄᕐᕋᐅᔮᕐᑐᖁᑎᕗᑦ ᙭ᔅᑑᓯ ᑐᓂᕐᕈᑕᐅᔭᕇᕐᓯᒪᓕᕐᒪᑦ.

ᒨᓯᓯ ᑕᓪᓕᒪᖏᑦ 12:11

ᑕᕝᕙᓂᓗ ᐊᑕᓂᖅ ᒎᑎᓯ ᓂᕈᐊᕈᒫᕐᐳᖅ ᐊᑕᐅᓯᕐᒥᒃ ᑖᑦᓱᒧᖓ ᑐᒃᓯᐊᖃᑦᑕᕐᕕᒃᓴᑦᓯᓐᓂᒃ, ᑕᕝᕙᓂ ᑐᓂᓯᖃᑦᑕᕐᕈᒫᕐᐳᓯ ᐃᓕᑦᓯᓐᓄᑦ ᐱᖁᔨᑦᔪᑎᒋᓯᒪᔭᓕᒫᓐᓂᒃ: ᑐᓂᕐᕈᑎᒃᓴᑦᓯᓐᓂᒃ ᐃᑯᐊᓚᑎᑕᒃᓴᓂᒃ ᐊᓯᖏᓐᓂᒡᓗ ᑐᓂᕐᕈᑎᒃᓴᑦᓯᓐᓂᒃ ᑐᓂᓯᔪᓐᓇᖁᓪᓗᓯ, ᑕᓪᓕᒪᐅᔪᐃᕈᑎᒋᔭᓯᓗ ᐊᓯᖏᓪᓗ ᑐᓂᕐᕈᑎᒃᓴᕆᔭᓯ, ᑐᓂᔭᒃᓴᓯᓗ ᐱᓪᓚᕆᐅᔪᑦ ᐊᑕᓂᕐᒧᑦ ᑐᓂᔭᒃᓴᕆᓪᓗᒋᑦ ᐊᖏᕈᑎᒋᓯᒪᔭᓯ.

ᒨᓯᓯ ᑕᓪᓕᒪᖏᑦ 12:14

ᑕᒪᒃᑯᐊᓕ ᑐᓂᕐᕈᑎᒃᓮᑦ ᑐᓂᔭᒃᓴᕆᕙᓯ ᑐᓂᕐᕈᓯᕐᕕᖕᒥ ᐊᑕᓂᐅᑉ ᓄᓇᒥ ᓂᕈᐊᕐᓯᒪᔭᖓᓂ ᓇᓪᓕᐊᑦᑕ ᑭᖑᕚᕇᑦ ᓄᓇᖁᑎᖓᑦᑕ ᐃᓚᖓᓂ ᐊᓯᐊᓂᐅᖏᑦᑐᖅ. ᑕᕝᕙᓂ ᑭᓯᐊᓂ ᑐᓂᕐᕈᓯᕐᑐᒃᓴᐅᕗᓯ ᐃᑯᐊᓚᑎᑕᒃᓴᓂᒃ ᐊᓯᖏᓐᓂᒡᓗ ᐃᓕᑦᓯᓐᓄᑦ ᐊᑐᕐᑕᐅᖁᓯᒪᔭᓐᓂᒃ.

ᒨᓯᓯ ᑕᓪᓕᒪᖏᑦ 12:18

ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᓕᕔᑎᓪᓗ ᓄᓇᒋᔭᑦᓯᓐᓂ ᓄᓇᖃᕐᑐᑦ, ᑕᒪᒃᑯᐊ ᓂᕆᔭᒃᓴᕆᕙᓯ ᑐᓂᕐᕈᑎᐅᓯᒪᔪᑦ ᐊᑕᓂᐅᑉ ᒎᑎᑦᓯ ᓇᔪᒑᖓᓂ ᐊᓯᐊᓂᐅᖏᑦᑐᖅ, ᐊᑕᓂᐅᑉ ᒎᑎᑦᓯ ᓂᕈᐊᕐᓯᒪᔭᖓᓂ ᑐᓂᕐᕈᓯᕐᕕᒃᓴᐅᖁᔭᖓᓂ ᑕᕝᕙᓂᑐᐊᖅ. ᑕᕝᕙᓂᓗ ᖁᕕᐊᓲᑎᖃᕐᑐᒃᓴᐅᕗᑎᑦ ᐱᓇᓱᐊᕐᓯᒪᔭᓕᒫᕐᓂᒃ.

ᒨᓯᓯ ᑕᓪᓕᒪᖏᑦ 12:26

ᐊᑕᓂᐅᓪᓕ ᑐᒃᓯᐊᕐᕕᒃᓴᐅᑎᑕᖓᓄᑦ ᐊᑕᐅᓯᕐᒧᑦ ᐋᑦᓯᔪᒃᓴᐅᕗᑎᑦ ᑐᓂᕐᕈᑎᒃᓴᕆᔭᕐᓂᒃ ᑐᓂᔭᒃᓴᕆᔭᕐᓂᒡᓗ ᐊᑕᓂᕐᒧᑦ ᐊᖏᕈᑎᒋᓯᒪᔭᕐᓂᒃ.

ᒨᓯᓯ ᑕᓪᓕᒪᖏᑦ 12:5

ᕿᓂᕆᐊᖃᕈᒫᕐᐳᓯᓕ ᐃᓂᒃᓴᒥᒃ ᐊᑕᓂᐅᑉ ᒎᑎᑦᓯ ᓂᕈᐊᕐᑕᖓᓂᒃ ᑭᖑᕚᖑᖃᑎᒌᓕᒫᑦ ᓄᓇᖏᓐᓂ ᐊᑎᖓᑕ ᐃᓂᒃᓴᖓᓂᒃ ᓇᔪᒐᒃᓴᖓᓂᒡᓗ; ᑕᕝᕙ ᑍᑯᖓ ᐂᖃᑦᑕᕆᐊᖃᕈᒫᕐᐳᓯ,

ᒨᓯᓯ ᑕᓪᓕᒪᖏᑦ 15:20

ᑕᒪᒃᑯᐊᓕ ᐊᕐᕌᒍᑕᒫᑦ ᑍᒤᑦᑐᑦ ᓂᕆᔭᒃᓴᕆᕙᓯ, ᐃᓚᓯ ᐃᓚᒋᓗᒋᑦ ᐊᑕᓂᐅᑉ ᒎᑎᑦᓯ ᓵᖓᓂ ᑐᒃᓯᐊᕐᕕᖕᒥ.

ᒨᓯᓯ ᑕᓪᓕᒪᖏᑦ 16:1

“ᐊᑕᓂᖅ ᒎᑎᒋᔧᑦ ᐅᐱᓐᓇᕐᓯᑎᑕᒃᓴᕆᕙᑦ ᓇᓪᓕᐅᓐᓂᕐᓯᐅᕐᓗᑎᑦ ᖄᖏᕐᑕᐅᕕᖕᒥᒃ ᑕᖅᑭᒥ ᐊᐱᑉᒥᒃ ᑍᔭᐅᔪᒥ; ᑕᕝᕙᓂ ᑕᖅᑭᒥ ᐅᓐᓄᐊᒃᑯᑦ ᓴᐳᑎᔭᐅᓚᐅᕐᓯᒪᒐᑦᓯ ᐊᐅᓪᓚᕐᑎᑕᐅᓪᓗᓯᓗ ᐄᑦᔨᑉᑎᒥᑦ.

ᒨᓯᓯ ᑕᓪᓕᒪᖏᑦ 16:3

ᑍᒤᑦᑐᒥᒃ ᓂᕆᓕᕐᑎᓪᓗᓯ, ᓂᐊᖂᔭᕐᑐᕐᑐᒃᓴᐅᓐᖏᓚᓯ ᐳᕙᓪᓚᕐᓴᐅᑎᖃᕐᑐᒥᒃ. ᐅᓪᓗᓂᒃ 7ᓂᒃ ᓂᐊᖂᔭᓂᒃ ᐳᕙᓪᓚᕐᓴᐅᑎᖃᖏᑦᑐᓂᒃ ᓂᕿᖃᕐᑐᒃᓴᐅᕗᓯ, ᑍᒤᑦᓴᕆᐊᖃᓚᐅᕋᑦᓯ ᐄᑦᔨᑉᑎᒥᑦ ᑐᐊᕕᕐᓗᓯ ᐊᐅᓪᓚᕆᐊᖃᓕᕐᑎᓪᓗᓯ. ᓂᐊᖂᔭᓂᒃ ᑕᒪᒃᑯᓂᖓ ᓂᕆᔪᒃᓴᐅᕗᓯ ᑍᒤᑦᑐᑦ ᑍᔭᐅᕙᖕᓂᐊᕐᒪᑕ ᐅᖁᒤᒃᓴᑎᕐᑕᐅᓂᐅᑉ ᓂᐊᖂᔭᖁᑎᖏᓐᓂᒃ; ᑍᒫᓐᖓᑦ ᐃᓅᓯᓕᒫᑦᓯᓐᓂ ᐃᖅᑲᐅᒪᒃᓯᔪᓐᓇᖁᓪᓗᓯ ᐄᑦᔨᑉᑎᒥᑦ ᐊᐅᓪᓚᕐᑎᑕᐅᓚᐅᕐᓯᒪᓂᑦᓯᓐᓂᒃ, ᓄᓇᒥᑦ ᐅᖁᒤᒃᓴᕐᑎᑕᐅᕕᖕᒥᑦ.