ᒨᓯᓯ ᑕᓪᓕᒪᖏᑦ 16:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ “ᐊᖑᑎᓕᒫᑦ ᐃᓅᖃᑎᒌᒡᔪᐊᓂᑦ ᐱᓯᒪᔪᑦ ᑐᒃᓯᐊᕆᐊᖃᑦᑕᕐᑐᒃᓴᐅᕗᑦ ᐊᑕᓂᕐᒧᑦ ᐱᖓᓱᐃᕐᑐᕐᓗᑎᒃ ᐊᕐᕌᒍᒥ ᐊᑕᐅᓯᕐᒥ ᑕᕝᕙᓂ ᑐᒃᓯᐊᕐᕕᖕᒥ: ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕐᕕᒥ, ᐱᕈᕐᑐᓂᒃ ᑲᑎᕐᓯᕕᐅᑉ ᓇᓪᓕᐅᓐᓂᕐᓯᐅᕐᑕᐅᓂᖓᓂ, ᑐᐲᓐᓇᕐᒥᓗ ᐃᓂᖃᓚᐅᕐᓂᑦᓯ ᓇᓪᓕᐅᓐᓂᕐᓯᐅᕐᑕᐅᓂᖓᓂ. ᐊᖑᑎᓪᓕ ᐊᑐᓂᑦ ᑐᓂᕐᕈᑎᒃᓴᒥᖕᓂᒃ ᓇᒃᓴᕐᑐᒃᓴᐅᕗᑦ;

ᒨᓯᓯ ᑕᓪᓕᒪᖏᑦ 16:16 Iomraidhean Croise

ᐊᑕᓃᑦ ᓯᕗᓪᓖᑦ 9:25

ᐊᕐᕌᒍ ᐱᖓᓱᐊᕐᑎᕐᓗᓂ ᓲᓗᒨᓂ ᑐᓂᕐᕈᓯᕐᐸᓚᐅᕐᐳᖅ ᐃᑯᐊᓚᑎᑕᒃᓴᓂᒃ ᑐᒃᓯᐊᕈᑎᓂᒡᓗ ᓮᒻᒪᕐᑎᑕᐅᔪᒪᑦᔪᑎᓂᒃ ᑐᓂᕐᕈᓯᕐᕕᖕᒥ ᓴᓇᓚᐅᕐᑕᒥᓂ ᐊᑕᓂᕐᒧᑦ, ᑎᐱᑦᓯᐊᕆᒃᓴᐅᑎᓂᒡᓗ ᐃᑯᐊᓚᑎᑦᓯᕙᒡᓗᓂ ᐊᑕᓂᕐᒧᑦ. ᑕᕝᕙ ᐱᔭᕇᓕᓚᐅᕐᐳᖅ ᑐᒃᓯᐊᕐᕕᒡᔪᐊᒥᒃ ᓴᓇᓪᓗᓂ.

ᑯᕉᓂᑲ ᐂᑉᐸᖏᑦ 8:13

ᖃᐅᑕᒫᕐᓯᐅᑎᑦ ᒪᓕᒡᓗᒋᑦ, ᑐᓂᕐᕈᓯᕐᐳᖅ ᒨᓯᓯᐅᑉ ᐱᖁᔭᖏᑦ ᒪᓕᒡᓗᒋᑦ ᓴᐸᑎᓯᐅᑎᓂᒃ, ᑕᖅᑭᓂᕋᑖᕐᑐᕐᓯᐅᑎᓂᒃ, ᐊᕐᕌᒍᑕᒫᓪᓗ ᐱᖓᓱᓄᑦ ᓇᓪᓕᐅᓐᓂᕐᓯᐅᕕᖕᓄᑦ ᓂᐊᖂᔭᓄᑦ ᐳᕙᓪᓚᕐᓴᐅᑎᖃᖏᑦᑐᓂᒃ ᓇᓪᓕᐅᓐᓂᕐᓯᐅᕐᕕᖕᓄᑦ, ᐱᕈᕐᑐᓪᓗ ᑲᑎᕐᓱᕐᑕᐅᓂᖏᓐᓄᑦ ᓇᓪᓕᐅᓐᓂᕐᓯᐅᕐᕕᖕᓄᑦ, ᑐᐱᕐᒦᖃᑦᑕᓚᐅᕐᓂᕐᒧᓪᓗ ᓇᓪᓕᐅᓐᓂᕐᓯᐅᕐᕕᖕᓄᑦ.

ᐄᓱᕋᐅᑉ ᐊᒡᓚᖏᑦ 3:1

ᑕᖅᑭᐅᑉ 7ᒋᓕᕐᑕᖓᓂ, ᐃᓴᕆᐊᓕᐅᑉ ᐃᓄᖏᑦ ᓄᓇᑖᕐᑐᐃᓐᓇᐅᓚᐅᕐᐳᑦ ᓄᓇᒥᖕᓂ, ᐃᓄᐃᓪᓗ ᑲᑎᓚᐅᕐᐳᑦ ᔨᕉᓴᓕᒥ ᐊᑕᐅᓯᐅᓕᖅᑲᖓᑦᓯᐊᕐᓗᑎᒃ.

ᓂᕼᐃᒤᐊᐅᑉ ᐊᒡᓚᖏᑦ 8:15

ᑕᒪᓐᓇᓗ ᓇᓗᓁᕐᑕᐅᔭᕆᐊᖃᕐᓗᓂ ᔨᕉᓴᓕᒥᐅᓕᒫᓄᑦ, ᐃᒡᓗᒐᓴᖕᓄᓪᓗ ᓄᓇᓕᖕᓄᓪᓗ ᐊᓯᖏᓐᓃᑦᑐᓄᑦ, ᐅᖃᕐᓗᓂᒃ, “ᖃᖅᑲᓄᑦ ᐂᓕᕆᑦᓯ ᓇᐹᕐᑑᓪᓗ ᐊᕙᓚᖓᔪᖏᓐᓂᒃ ᑎᒍᓯᓗᓯ ᓇᐹᕐᑐᓂᑦ ᐅᕐᓱᒃᓴᓕᖕᓂᑦ, ᓇᐹᕐᑑᓪᓗ ᐅᕐᓱᒃᓴᓖᑦ ᐊᕙᓚᖓᔪᖏᓐᓂᒃ, ᒨᕐᑐᐃᓪᓗ ᐊᕙᓚᖓᔪᖏᓐᓂᒃ, ᐹᓪᒦᓪᓗ ᐊᕙᓚᖓᔪᖏᓐᓂᒃ, ᐊᓯᖏᓐᓂᒡᓗ ᓇᐹᕐᑐᓂᒃ ᐊᕙᓚᖓᔪᖏᓐᓂᒃ ᐅᖃᐅᔭᓕᖕᓂᒃ ᖁᓕᑦᔪᑎᒃᓴᑦᓯᓐᓂᒃ ᐱᖁᔧᑦ ᐱᖁᔨᓯᒪᓂᖏᑦ ᒪᓕᒡᓗᒋᑦ.”

ᐃᓐᖏᕈᑎᑦ 122:4

ᑕᕝᕗᖓ ᑭᖑᕚᕇᑦ ᒪᔪᐊᖃᑦᑕᕐᐳᑦ, ᐊᑕᓂᐅᑉ ᑭᖑᕚᕇᖁᑎᖏᑦ, ᐃᓴᕆᐊᓕᑎᒃᑯᓐᓄᑦ ᐊᖏᕈᑕᐅᓯᒪᔪᒥᒃ ᐊᑐᕐᓗᑎᒃ, ᖁᔭᓕᔭᕐᑐᕐᓗᑎᒃ ᐊᑕᓂᐅᑉ ᐊᑎᖓᓂᒃ.

ᐃᓐᖏᕈᑎᑦ 84:7

ᐃᖏᕐᕋᕗᑦ ᐱᔪᓐᓇᕐᓂᕐᒥᑦ ᐱᔪᓐᓇᕐᓂᕐᒧᑦ; ᐊᑐᓂᓪᓗ ᑕᒤᓐᓄᑦ ᒎᑎᐅᔪᒧᑦ ᐅᐸᒍᑎᕗᑦ ᓮᐅᓂᒧᑦ.

ᐃᓐᖏᕈᑎᑦ 84:8

ᐊᑕᓃᖅ ᕿᓚᖕᒥᐅᒐᓴᒡᔪᐃᑦ ᒎᑎᖓᑦ, ᑐᒃᓯᐊᕐᓂᕋ ᑐᓴᕈᒃ; ᑐᓵᓚᐅᓐᖓ, ᔧᑰᑉ ᒎᑎᖓ! ᓰᓚ

ᐃᓐᖏᕈᑎᑦ 96:8

ᐊᑕᓂᖅ ᑐᓂᓯᕕᒋᓯᐅᒃ ᐊᑎᖓᑕ ᓂᕐᑐᕐᓇᕐᓂᖓᓂᒃ; ᑐᓂᕐᕈᓯᕐᕕᒋᓯᐅᒃ ᑐᒃᓯᐊᕐᕕᒃᔪᐊᑉ ᐱᕕᑐᓂᖓᓄᐊᕐᓗᓯ!

ᒨᓯᓯ ᐂᑉᐸᖏᑦ 34:20

ᓯᐅᑎᖅᑯᕐᑐᔫᓪᓕ ᐃᕐᓂᐊᕆᖅᑳᕐᑕᖏᑦ ᑕᐅᕐᓯᐅᑎᔪᓐᓇᕐᐸᓯ ᓰᐱᐅᑉ ᓄᕐᕋᖓᓂᒃ ᑐᓂᕐᕈᓯᖔᕐᓗᓯ ᑖᑦᓱᒥᖓ ᐃᓇᖐᑎᖔᕐᓗᒍ, ᑭᓯᐊᓂᓕ ᑕᐅᕐᓯᐅᑎᓂᐊᖏᒃᑯᑦᓯᐅᒃ, ᖁᖓᓯᖓ ᓇᑲᑕᒃᓴᕆᕙᓯ, ᐊᖑᑎᓕᒫᑦ ᐃᕐᓂᐊᖑᖅᑳᕐᑐᑦ ᑕᐅᕐᓯᒐᒃᓴᕆᕙᓯ. “ᓇᓪᓕᐊᓐᓂᒡᓘᓐᓃᑦ ᑐᓂᕐᕈᓯᖏᑦᑐᒥᒃ ᓵᓐᓄᑦ ᓴᖅᑭᑦᑐᖃᕐᑐᒃᓴᐅᓐᖏᓚᖅ.

ᒨᓯᓯ ᐂᑉᐸᖏᑦ 34:24

ᐃᓅᖃᑎᒌᒡᔪᐊᑦ ᓯᕗᓂᑦᓯᓐᓂ ᐊᐅᓪᓚᕐᑎᓐᓂᐊᕐᐸᒃᑲ ᓄᓇᒋᔭᓯ ᑭᒡᓕᖓ ᐊᖏᓂᕐᓴᐅᔪᓐᓇᖁᓪᓗᒍ, ᓇᓪᓕᐊᓐᓄᓪᓘᓐᓃᑦ ᐃᓅᖃᑎᒌᒡᔪᐊᓄᑦ ᐅᓇᖕᒥᔭᐅᓂᐊᓐᖏᓚᓯ ᓄᓇᒋᔭᓯ ᐱᓪᓗᒍ ᐊᕐᕌᒍᒥ ᐱᖓᓱᕕᒡᓗᓯ ᐊᑕᓂᕐᒧᑦ ᒎᑎᒧᑦ, ᐃᓴᕆᐊᓕᒥᐅᑦ ᒎᑎᖓᓄᑦ, ᑐᒃᓯᐊᕆᐊᖃᑦᑕᕐᓂᑦᓯᓐᓂᒃ ᑲᒪᑦᓯᐊᑐᐊᕈᑦᓯ.

ᐂᓮᐊᓯᐅᑉ ᐊᒡᓚᖏᑦ 23:18

ᓂᐅᕕᕋᕐᑎᑦᓯᓂᕐᒧᓪᓗ ᑮᓇᐅᔭᕐᑖᕆᔭᑎᒃ ᐊᑕᓂᕐᒧᑦ ᑐᕌᖓᑎᑦᓱᒫᕐᐰᑦ; ᑮᓇᐅᔭᒃᑯᕕᖕᓄᑦ ᑲᑎᕐᓱᕈᒫᓐᖏᓔᑦ. ᐊᑕᓂᕐᒥᒡᓕ ᐅᐱᒍᓱᒃᑐᑦ ᑮᓇᐅᔭᖏᓐᓂᒃ ᓂᕿᑖᕋᓲᑎᖃᕈᒫᕐᐳᑦ ᐊᓐᓄᕌᒃᓴᕐᑖᕈᑎᒋᓗᒋᓪᓗ ᐱᔭᕆᐊᖃᕐᑕᒥᖕᓂᒃ.

ᐂᓮᐊᓯᐅᑉ ᐊᒡᓚᖏᑦ 33:20

ᓮᐅᓂ ᑕᑯᓐᓈᓕᕐᓯᐅᒃ, ᓇᓪᓕᐅᓐᓂᕐᓯᐅᕕᖕᓂ ᓂᕆᕕᒡᔪᐊᕐᕕᐅᕙᒃᑐᖅ! ᐃᔨᑦᓯᓐᓄᑦ ᑕᑯᔪᒫᕐᐸᓯ ᔨᕉᓴᓕᒻ ᓂᐰᑦᑐᒥᒃ ᐃᓂᓪᓚᖓᑦᓯᐊᕐᓇᓕᕐᑐᖅ, ᑐᐱᕐᓗ ᓅᓚᐅᕐᓯᒪᔪᓐᓃᕐᑐᖅ ᐃᓂᒥᓂᑦ, ᐊᒃᓱᓈᖏᑕᓗ ᐸᐅᒍᐊᖏᑦ ᐊᒧᓚᐅᕐᓯᒪᖏᑦᑐᑦ, ᓄᑦᓲᑎᖏᓪᓗ ᕿᒃᑐᕋᓚᐅᕐᓯᒪᖏᑦᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 36:38

ᓰᐱᑎᑐᑦ ᑐᓂᕐᕈᑎᒃᓴᑎᑐᑦ ᑲᑎᕐᓱᕐᑕᐅᓯᒪᔪᑎᑐᑦ, ᓲᕐᓗ ᓰᐱᑎᑐᑦ ᑲᑎᕐᓱᕐᑕᐅᓯᒪᔪᑎᑐᑦ ᔨᕉᓴᓕᒥ ᓇᓪᓕᐅᓐᓂᕐᓯᐅᕐᕕᖕᒥ ᓇᓪᓕᐅᓐᓂᕐᓯᐅᕐᑎᓪᓗᒋᑦ, ᑍᒫᒃᑕᐅᖅ ᐃᒡᓗᒐᓴᒡᔪᐊᕕᓃᑦ ᐃᓄᖕᓂᒃ ᑕᑕᓕᕈᒫᕐᐳᑦ ᓰᐱᑎᑐᑦ ᑲᑎᕐᓱᕐᑕᐅᓯᒪᔪᑎᑐᑦ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ.”

ᒨᓯᓯ ᐱᖓᔪᖏᑦ 23:34

“ᐃᓴᕆᐊᓕᒥᐅᑦ ᐅᖃᐅᑎᒃᑭᑦ, ᑕᖅᑮᑦ 7ᖓᓐᓂ ᐅᓪᓗᖓᑕ 15ᖓᓐᓂ ᐊᑕᓂᐅᑉ ᓇᓪᓕᐅᓐᓂᕐᓯᐅᕐᕕᖓ ᑐᐱᕐᓯᒪᓂᕐᒧᑦ ᓇᓪᓕᐅᑎᕗᖅ, ᓇᓪᓕᐅᑎᓯᒪᕙᒡᓗᓂ ᐅᓪᓗᓂᒃ 7ᓂᒃ.

ᕼᐊᒊᑉ ᐊᒡᓚᖏᑦ 1:9

“ᑕᑯᔪᒪᓚᐅᕐᐳᓯ ᐊᖏᔪᒥᒃ, ᒥᑭᔪᒥᒡᓕ ᑕᑯᕗᓯ, ᐊᖏᕐᕋᐅᑎᔭᓯᓗ ᑎᒃᑕᐅᑎᓚᐅᕐᐸᒃᑲ, ᓱᖕᒫᑦ? ᐊᑕᓂᖅ ᐅᖃᕐᐳᖅ, ‘ᐃᒡᓗᒐ ᓱᕋᒃᓯᒪᖕᒪᑦ, ᐃᓕᑦᓯ ᐊᑐᓂᑦ ᐃᒡᓗᑦᓯᓐᓂᒃ ᓴᓇᑐᐃᓐᓇᕐᑎᓪᓗᓯ,’ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 2:11

ᐃᒡᓗᒧᑦ ᐃᑎᕋᒥᒃ, ᓄᑕᕋᑯᓗᒃ ᐊᓈᓇᖓᓗ ᒥᐊᕆ ᑕᑯᒐᒥᑦᔪᒃ, ᓵᖓᓄᑦ ᓰᖅᑯᕐᓗᑎᒃ ᑐᒃᓯᐊᕐᕕᒋᕚᑦ. ᑐᓂᕐᕈᑎᒥᖕᓂᒃ ᓴᖅᑭᑎᑦᓯᓪᓗᑎᒃ ᑐᓂᓯᕕᒋᕚᑦ, ᒎᓗᒥᒃ, ᑎᐱᑦᓯᐊᕆᒃᓴᐅᒥᒡᓗ ᕗᕋᖕᑭᓐᓯᓐᓯᒥᒃ, ᑎᐱᑦᓯᐊᕆᒃᓴᐅᒻᒥᒡᓗ ᒧᕐᒥᒃ.

ᒫᑯᓯᐅᑉ ᐊᒡᓚᖏᑦ 12:3

ᐱᕈᕐᓰᕕᓕᕆᔪᑦ ᑖᓐᓇ ᑎᒍᕚᑦ ᐋᓐᓂᕐᓯᕐᓗᒍᓗ, ᐅᑎᕐᑎᑉᐹᑦ ᓱᓇᒥᒡᓘᓐᓃᑦ ᓇᒃᓴᕐᑎᓐᓇᒍ.

ᔪᐊᓇᓯᐅᑉ ᐊᒡᓚᖏᑦ 7:2

ᔫᑎᑦ ᓯᓂᒃᑕᕐᕕᖕᒥ ᐊᖏᕐᕋᖃᕐᐸᓚᐅᕐᓂᕐᒥᖕᓂᒃ ᓇᓪᓕᐅᓐᓂᕐᓯᐅᕐᕕᖓᑦ ᖃᒡᓕᓕᕐᒪᑦ.

ᒨᓯᓯ ᑕᓪᓕᒪᖏᑦ 16:15

ᐊᑕᓂᖅ ᒎᑎᓯ ᐅᐱᓐᓇᕐᓯᑎᑕᒃᓴᕆᕙᓯ ᓇᓪᓕᐅᕐᓂᕐᓯᐅᕐᓗᓯ ᐅᓪᓗᓂᒃ 7ᓂᒃ ᑲᑎᖃᑦᑕᕐᕕᖕᒥ ᑐᒃᓯᐊᕐᕕᖕᒥ. ᖁᕕᐊᓱᒃᑐᒃᓴᐅᕗᓯ, ᐊᑕᓂᐅᑉ ᒎᑎᑦᓯ ᓮᒻᒪᕐᑎᓯᒪᖕᒪᓯ ᐱᕈᕐᑎᑕᑦᓯᒍᑦ ᐃᖅᑲᓁᔭᕐᓂᑦᓯᒍᓪᓗ.

ᒨᓯᓯ ᑕᓪᓕᒪᖏᑦ 16:17

ᐊᖑᑎᓕᒪᑦ ᑐᓂᓯᔪᒃᓴᐅᕗᑦ ᐱᔪᓐᓇᕐᑕᒥᖕᓂᒃ, ᓮᒻᒪᕐᑎᑕᐅᓂᒃᑯᑦ ᐊᑕᓂᕐᒧᑦ ᒎᑎᑦᓯᓐᓄᑦ ᑐᓂᓯᕕᐅᓯᒪᓂᑎᒃ ᒪᓕᒡᓗᒋᑦ.”

ᒨᓯᓯ ᑕᓪᓕᒪᖏᑦ 31:11

ᐊᑐᐊᕐᑕᐅᖃᑦᑕᕐᑐᒃᓴᐅᕗᑦ ᐃᓴᕆᐊᓕᒥᐅᑦ ᐃᓄᖏᓐᓄᑦ ᑐᒃᓯᐊᕆᐊᕐᑐᕐᓯᒪᑎᓪᓗᒋᑦ ᐊᑕᓂᕐᒧᑦ ᒎᑎᑦᓯᓐᓄᑦ ᑐᒃᓯᐊᕐᕕᐅᕙᒃᑐᒥ ᑲᑎᖃᑦᑕᕐᕕᖕᒥ.

ᓴᒧᐃᓕ ᓯᕗᓪᓖᑦ 1:3

ᐊᕐᕌᒍᑕᒫᓪᓕ ᐃᐅᓪᑳᓇ ᐂᕙᓚᐅᕐᐳᖅ ᕌᒪᒥᑦ ᓮᓗᐊᒧᑦ ᑐᓂᕐᕈᓯᕆᐊᕐᑐᕐᓗᓂ ᑐᒃᓯᐊᕆᐊᕐᓗᓂᓗ ᐊᑕᓂᕐᒧᑦ ᐊᔪᒐᖃᖏᑦᑐᒧᑦ, ᕼᐅᐱᓂ ᐱᓂᕼᐋᓯᓗ ᐃᓔᑉ ᐃᕐᓂᖏᒃ ᐃᓚᒋᒡᓗᒋᒃ, ᑖᒃᑯᐊᒃ ᑐᓂᕐᕈᓯᕐᑎᑦᓯᔨᐅᔫᒃ ᐊᑕᓂᕐᒧᑦ.

ᓴᒧᐃᓕ ᓯᕗᓪᓖᑦ 6:3

ᑖᒃᑯᐊ ᑭᐅᕗᑦ, “ᐃᓴᕆᐊᓕᒥᐅᑉ ᒎᑎᖓᑕ ᐊᖏᕈᑎᖓᑕ ᐃᒃᓯᕐᕕᖁᑎᖓ ᐊᐅᓪᓚᕐᑎᓐᓂᐊᕈᑦᓯᐅᒃ, ᐃᓚᖃᖏᓪᓗᒍ ᐊᐅᓪᓚᕐᑎᑕᒃᓴᕆᓐᖏᓚᓯ, ᐊᐅᓪᓚᕐᑎᑦᓯᖃᓯᐅᑦᔨᔪᒃᓴᐅᕗᓯᓕ ᐂᑦᑑᑎᓂᒃ ᐸᓯᔭᒃᓴᐅᓂᑦᓯ ᐊᑭᓕᐅᑎᒃᓴᖓᓂᒃ. ᑕᕝᕙ ᑍᒤᓕᐅᕈᑦᓯ ᐋᖅᑭᒃᑕᐅᓂᐊᕐᐳᓯ, ᖃᐅᔨᓂᐊᕐᐳᓯᓗ ᓱᖕᒪᑦ ᑖᑦᓱᒧᖓ ᓱᒋᐊᕐᑕᐅᓐᓂᕐᒪᒑᑦᓯ.”