ᒨᓯᓯ ᑕᓪᓕᒪᖏᑦ 15:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ “ᓄᓇᓖᓪᓕ ᓇᓪᓕᐊᓐᓂᑐᐃᓐᓇᖅ ᓄᓇᒥ ᐊᑕᓂᐅᑉ ᒎᑎᑦᓯ ᑐᓂᓯᒪᔭᖓᓂ ᐃᓕᑦᓯᓐᓄᑦ ᐃᓴᕆᐊᓕᒥᐅᖑᖃᑎᑦᓯᓐᓂᒃ ᐊᔪᕐᓴᕐᑐᖃᕐᐸᑦ, ᐃᒻᒥᓂᒃ ᑭᓯᐊᓂ ᐃᓱᒪᒋᓂᕐᒧᑦ ᐃᑲᔪᕐᑍᓕᒪᔪᒃᓴᐅᓐᖏᓚᑎᑦ.

ᒨᓯᓯ ᑕᓪᓕᒪᖏᑦ 15:7 Iomraidhean Croise

ᓂᕼᐃᒤᐊᐅᑉ ᐊᒡᓚᖏᑦ 5:1

ᑕᒪᑐᒪ ᑭᖑᓂᐊᒍᑦ ᐃᓄᐃᑦ ᐅᓄᕐᑐᑦ, ᐊᖑᑎᓪᓗ ᐊᕐᓁᓪᓗ ᓈᒻᒪᒃᓴᓐᖏᕙᓪᓛᓕᓚᐅᕐᐳᑦ ᔫᑎᐅᖃᑎᒥᖕᓄᑦ.

ᐃᔅᑕᐅᑉ ᐊᒡᓚᖏᑦ 9:19

ᑍᒤᒻᒪᑦ ᔫᑎᑦ ᓄᓇᓕᖕᓃᑦᑐᑦ ᒥᑭᓐᓂᕐᓴᓂ, ᓄᓇᖃᕐᑐᑦ ᐊᕙᓗᕐᔪᐊᖃᖏᑦᑐᓂ, ᐅᓪᓗᖅ 14ᖑᓕᕐᒪᑦ ᑕᖅᑭᒥ ᐊᑖᕆᒥ ᖁᕕᐊᓱᖃᑎᒌᓚᐅᕐᐳᑦ ᓂᕆᕕᒡᔪᐊᕐᓗᑎᒡᓗ ᕿᑲᓚᐅᕐᐳᑦ ᐱᓇᓱᐊᕐᓂᕐᒥᖕᓂᑦ, ᐃᒻᒥᖕᓄᓪᓗ ᐊᑐᓂᑦ ᓂᕿᑦᓯᐊᕙᖁᑎᒥᖕᓂᒃ ᐂᑦᑑᑎᖃᑦᑕᐅᑎᓪᓗᑎᒃ.

ᐃᔅᑕᐅᑉ ᐊᒡᓚᖏᑦ 9:22

ᑕᕝᕙᓂ ᐅᓪᓘᖕᓂ ᔫᑎᑦ ᐊᑭᕋᕐᑐᕐᑎᒥᖕᓂᒃ ᓵᓚᖃᓚᐅᕐᒪᑕ, ᑕᖅᑭᒥᓗ ᑕᕝᕙᓂ ᕿᒃᓵᖕᓂᖓᑦ ᒧᒥᒃᑎᑕᐅᓚᐅᕐᒪᑦ ᖁᕕᓱᖕᓂᕐᒧᑦ, ᐅᒡᒍᐊᕐᓂᖓᑦ ᖁᕕᐊᓱᖕᓂᓐᖑᕐᓗᓂ; ᑖᒃᑯᐊᒃ ᐅᓪᓘᒃ ᓂᕆᕕᒡᔪᐊᖃᑎᒌᒃᕕᒃᓴᐅᖕᒪᑎᒃ ᖁᕕᐊᓱᖃᑎᒌᖕᓂᕐᒧᑦ, ᐃᒻᒥᖕᓄᑦ ᓂᕿᒃᓴᑦᓯᐊᖑᓂᕐᐹᓂᒃ ᑐᓂᓯᖃᑦᑕᐅᑎᓗᑎᒃ ᐊᔪᕐᓴᕐᑐᓄᓪᓗ ᓂᕆᔭᒃᓴᓂᒃ ᑐᓂᓯᓗᑎᒃ.

ᒨᓯᓯ ᐂᑉᐸᖏᑦ 22:25

“ᐃᓄᖁᑎᒪ ᓇᓪᓕᐊᓐᓄᑦ ᐊᔪᕐᓴᕐᑐᒧᑦ ᑮᓇᐅᔭᒥᒃ ᐊᑐᕐᑕᐅᑎᑦᓯᒍᑦᓯ, ᐊᑐᕐᑐᐊᕐᕕᓪᓚᕆᒃᑎᑐᑦ ᐱᓇᓱᐊᕐᑐᒃᓴᐅᓐᖏᓚᓯ, ᐊᑐᕐᑕᐅᔪᕕᓃᓪᓗ ᕿᑐᕐᖏᐅᕐᑎᑕᒃᓴᕆᓐᖏᓚᓯ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:17

ᐊᒃᓗᔪᓂᒃ ᐱᑦᓯᐊᕐᕕᖃᕐᑐᖅ ᐊᑕᓂᕐᒥᒃ ᐊᑐᕐᑎᑦᓯᔪᑎᑐᑦ ᑍᒤᑉᐳᖅ, ᐱᓂᐊᕐᓂᖏᓪᓗ ᐱᓪᓗᒋᑦ ᐅᑎᕐᑎᑦᓯᕕᐅᓂᐊᕆᕗᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:13

ᐊᔪᕐᓴᕐᑐᑦ ᕿᓄᓂᖏᓐᓂᒃ ᑐᓴᕐᑍᓕᒪᔪᖅ, ᕿᓄᓇᓱᐊᓕᕋᓗᐊᕐᐸᑦ ᑐᓴᕐᑕᐅᓂᐊᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 58:10

ᑳᒃᑐᓂᒃ ᐃᑲᔪᕋᓱᐊᑦᓯᐊᖃᑦᑕᕈᑦᓯ, ᓵᓚᐅᓯᒪᔪᓪᓗ ᐱᔭᕆᐊᖃᕐᑕᖏᓐᓂᒃ ᓈᒻᒪᒃᓯᑎᑦᓯᖃᑦᑕᕈᑦᓯ, ᑕᕝᕙ ᖃᐅᒪᓂᓯ ᑖᕐᑐᒥ ᖃᐅᒪᓕᕐᓂᐊᕐᐳᖅ, ᑖᕐᓯᐅᕐᓂᓯᓗ ᐅᓪᓗᓪᓗᐊᑐᑦ ᖃᐅᒪᑎᒋᓕᕐᓗᓂ.

ᒨᓯᓯ ᐱᖓᔪᖏᑦ 25:35

“ᐃᓴᕆᐊᓕᒥᐅᖑᖃᑎᓯ ᐊᔪᕐᓴᓕᕐᐸᑦ ᐃᓅᑦᔪᑎᒃᓴᒥᓂᒡᓗ ᓇᖕᒥᓂᖅ ᐊᔪᓕᕐᓗᓂ, ᐃᑲᔪᕆᐊᖃᕐᐸᓯ ᓲᕐᓗ ᓂᐅᕐᕈᐊᑎᑐᑦ ᐃᖅᑲᓁᔭᕐᑎᑐᓪᓘᓐᓃᑦ ᑲᒪᒋᑎᒋᓗᒍ, ᓄᓇᑦᓯᓐᓂ ᐃᓂᖃᓯᐊᑦᓮᓐᓇᖁᓪᓗᒍ.

ᒫᑎᐅᓯᐅᑉ ᐊᒡᓚᖏᑦ 18:30

ᑖᓐᓇ ᐊᖏᓐᖏᓚᖅ ᑎᒍᔭᐅᓯᒪᕕᖕᒧᓪᓗ ᐱᑎᑉᐹ ᐊᑭᓕᒃᓴᒥᓂᒃ ᐊᑭᓖᓚᐅᖏᓐᓂᖓᓂ.

ᒫᑎᐅᓯᐅᑉ ᐊᒡᓚᖏᑦ 5:42

ᓇᓪᓕᐊᓐᓄᑦ ᐱᔪᒪᕕᐅᒍᕕᑦ ᑐᓂᓯᕕᒋᓚᐅᕈᒃ: ᓱᓇᑐᐃᓐᓇᕐᒥᒃ ᐊᑐᕐᕕᐅᔪᒪᒍᕕᑦ ᐊᑐᕐᑎᓚᐅᕈᒃ.”

ᒨᓯᓯ ᑕᓪᓕᒪᖏᑦ 15:11

ᐊᔪᕐᓴᕐᑐᑦ ᓄᖑᓚᐅᕐᓯᒪᓂᐊᖏᒻᒪᑕ ᓄᓇᒥ; ᑍᒤᒻᒪᑦ ᑕᕝᕙ ᐱᖁᓪᓚᕆᒃᐸᑦᓯ, ᐊᓐᓂᕈᓱᖏᓪᓗᓯ ᐃᑲᔪᕆᐊᖃᕐᐳᓯ ᖃᑕᓐᖑᑎᑦᓯᓐᓂᒃ, ᐱᖃᖏᑦᑐᓂᒃ ᐊᔪᕐᓴᕐᑐᓂᒡᓗ ᓄᓇᒥ.”

ᒨᓯᓯ ᑕᓪᓕᒪᖏᑦ 15:9

ᐅᑦᔨᕐᑐᑦᓯᐊᕆᑦᓯ, ᐱᐅᖏᑦᑐᒥᒃ ᐆᒻᒪᑎᑦᓯᓐᓂ ᐃᓱᒪᖁᓇᓯ, ᐅᖃᕐᓗᓯ, ‘ᐊᕐᕌᒍᑦ 7ᖓ, ᐊᑭᓕᒃᓴᓂᒃ ᓴᒃᑯᐃᕕᒃ ᖃᓂᓗᐊᓕᕐᒪᑦ,’ ᓈᒻᒪᒋᖏᓪᓗᒍᓗ ᖃᑕᓐᖑᑏᑦ ᑕᑯᓐᓇᕐᓗᒍ, ᑐᓂᓯᕕᒋᖏᒃᑯᕕᐅᒃ, ᐊᑕᓂᕐᒧᑦ ᓂᓪᓕᐊᓕᕋᔭᕐᒪᑦ ᐱᑦᔪᑎᒋᓗᑎᑦ, ᑕᕝᕙ ᐊᔪᕐᑐᓕᓯᒪᓕᕋᔭᕐᐳᑎᑦ.

ᒨᓯᓯ ᑕᓪᓕᒪᖏᑦ 24:14

“ᑎᓕᓯᒪᔭᕐᓂᒃ ᐱᔨᒥᒃ ᐊᔪᕐᓴᕐᑐᒥᒃ ᐃᑲᔪᕐᑕᐅᔭᕆᐊᖃᕐᑐᒥᒡᓗ ᓴᒡᓗᕿᑦᓯᓗᑎᑦ ᐱᔮᕆᔪᒃᓴᐅᓐᖏᓚᑎᑦ, ᐃᓴᕆᐊᓕᒥᐅᖑᖃᑎᒋᒍᕕᐅᒃ ᐅᕝᕙᓗ ᓄᓇᖃᑎᑐᖃᕆᖏᒃᑲᓗᐊᕈᕕᐅᒃ ᐃᒡᓗᒐᓴᒡᔪᐊᑦᓯᓐᓂ ᓇᓪᓕᐊᓐᓂ ᓄᓇᖃᖃᑕᐅᒃᐸᑦ.