ᒨᓯᓯ ᑕᓪᓕᒪᖏᑦ 15:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑕᕝᕙ ᐊᑕᓂᐅᑉ ᒎᑎᑦᓯ ᓮᒻᒪᕐᑎᓐᓂᐊᕐᐹᓯ, ᑕᒪᓐᓇ ᐊᖏᕈᑎᒋᓯᒪᖕᒪᒍ. ᐃᓅᖃᑎᒌᒡᔪᐊᓄᑦ ᐅᓄᕐᑐᓄᑦ ᑮᓇᐅᔭᑦᓯᓐᓂᒃ ᐊᑐᕐᑕᐅᑎᑦᓯᔪᒫᕐᐳᓯ, ᑭᓯᐊᓂᓕ ᓇᓪᓕᐊᓐᓂᓪᓘᓐᓃᑦ ᐊᑐᕐᑐᐊᕆᐊᖃᕈᒫᓐᖏᓚᓯ; ᐃᓅᖃᑎᒌᒡᔪᐊᓂᒃ ᐅᓄᕐᑐᓂᒃ ᐊᐅᓚᑦᓯᔪᒫᕐᐳᓯ, ᑭᓯᐊᓂᓕ ᐃᓅᖃᑎᒌᒡᔪᐊᓄᑦ ᓇᓪᓕᐊᓐᓄᓪᓘᓐᓃᑦ ᐊᐅᓚᑕᐅᔪᒫᓐᖏᓚᓯ.

ᒨᓯᓯ ᑕᓪᓕᒪᖏᑦ 15:6 Iomraidhean Croise

ᐊᑕᓃᑦ ᓯᕗᓪᓖᑦ 4:21

ᓲᓗᒨᓂᐅᑉ ᐊᐅᓚᑦᓯᓂᖓ ᑎᑭᐅᒪᓚᐅᕐᐳᖅ ᑰᖕᒧᑦ ᐃᕗᕅᑎᒧᑦ ᐱᓕᔅᑍᓂᒥᐅᑦ ᓄᓇᖓ ᑎᑭᓪᓗᒍ ᐄᑦᔨᑉᑎᓂᐅᓪᓗ ᓄᓇᖓᑕ ᑭᒡᓕᖓᓄᑦ ᐃᓱᖃᕐᓗᓂ; ᐊᖓᔪᖅᑳᐅᕕᒋᔭᓕᒪᖓᓂ ᓄᓇᓖᑦ ᑕᒪᕐᒥᒃ ᑖᒃᓯᔭᕐᐸᓚᐅᕐᐳᑦ, ᑖᑦᓱᒪ ᐃᓅᓂᓕᒫᖓᓂ.

ᐊᑕᓃᑦ ᓯᕗᓪᓖᑦ 4:24

ᓲᓗᒨᓂ ᐊᐅᓚᑦᓯᓚᐅᕐᐳᖅ ᓄᓇᓂᒃ ᓯᕿᓂᐅᑉ ᓂᐱᕕᐊᑕ ᓇᓛᓃᑦᑐᓕᒫᓂᒃ ᑰᑉ ᐃᕗᕅᑎᐅᑉ ᑎᑉᓴᒥᑦ ᒑᓴᒧᑦ, ᐊᒻᒪᓗ ᓯᕿᓂᐅᑉ ᓂᐱᕕᐊᑕ ᓇᓛᓃᑦᑐᓕᒫᓄᑦ ᒑᓴ ᑎᑭᓪᓗᒍ, ᑕᒪᕐᒥᒃ ᐊᖓᔪᖅᑳᕐᔪᐊᑦ ᐃᕗᕅᑎᐅᑉ ᖃᓂᒋᔭᖓᓃᑦᑐᓕᒫᑦ ᑖᑦᓱᒥᖓ ᓈᓚᓯᐊᓚᐅᕐᐳᑦ, ᓮᓕᓇᓯᐊᕐᑐᒥᒡᓗ ᐃᓅᓯᖃᕐᑎᑕᐅᓪᓗᓂ ᖃᓂᒋᔭᖓᓃᑦᑐᓕᒫᓂᑦ.

ᑯᕉᓂᑲ ᓯᕗᓪᓖᑦ 17:27

ᒫᓐᓇ ᑍᒤᒻᒪᑦ ᖁᕕᐊᒋᒍᕕᐅᒃ ᓮᒻᒪᕐᑎᓚᐅᒃᑭᑦ ᐱᔨᕕᑦ ᐃᓚᒋᔭᖏᑦ, ᑲᔪᓯᖁᓪᓗᒋᑦ ᓵᖕᓂ ᐃᓱᖃᖏᑦᑐᒧᑦ; ᐃᕝᕕᑦ ᐊᑕᓃᖅ, ᓮᒻᒪᕐᑎᑦᓯᒪᔭᑎᑦ ᑖᒃᑯᐊ ᓮᒻᒪᕐᑎᑕᐅᓯᒪᓂᐊᕐᒪᑕ ᐃᓱᖃᖏᑦᑐᒧᑦ.”

ᑯᕉᓂᑲ ᐂᑉᐸᖏᑦ 9:26

ᐊᐅᓚᑦᓯᓚᐅᕐᐳᖅ ᐊᖓᔪᖅᑳᕐᔪᐊᓕᒫᓂᒃ ᐃᕗᕅᑎᒥᑦ ᑰᖕᒥᑦ ᐱᒋᐊᕐᓗᒍ ᐱᓕᔅᑍᓂᒥᐅᑦ ᓄᓇᖓᓄᑦ ᑎᑭᓪᓗᒍ, ᐄᑦᔨᑉᑎᐅᓪᓗ ᓄᓇᖓᑕ ᑭᒡᓕᖓᓄᑦ ᑎᑭᓪᓗᒍ.

ᐄᓱᕋᐅᑉ ᐊᒡᓚᖏᑦ 4:20

ᐊᔪᖏᑦᑐᒻᒪᕆᐊᓗᐃᑦ ᔨᕉᓴᓕᒥ ᐊᖓᔪᖅᑳᕐᔪᐊᖑᖃᑦᑕᕐᓯᒪᖕᒪᑕ, ᐊᐅᓚᑦᓯᕙᓚᐅᕐᒪᑕᓗ ᓄᓇᓕᖕᓂ ᐊᕕᒃᑐᕐᓯᒪᔪᓂᒃ ᑖᕙᓂ ᑰᑉ ᐅᖓᑖᓂᒥᐅᓂᒃ, ᑖᒃᓰᔭᕐᓂᒃᑯᑦ ᑮᓇᐅᔭᓕᐅᕐᑐᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 9:27

ᑍᒤᒻᒪᑦ ᐊᑭᕋᕐᑐᕐᑎᖏᓐᓄᑦ ᓵᓚᐅᑎᓚᐅᕐᐸᑎᑦ ᐊᐅᓚᑕᐅᓕᕐᑎᓪᓗᒋᓪᓗ, ᑖᒃᑯᓄᖓ ᐊᒃᓱᕈᕐᑎᑕᐅᓕᕋᒥᒃ, ᐃᓕᖕᓄᑦ ᐃᑲᔪᕐᑕᐅᔪᒪᓕᓚᐅᕐᐳᖅ, ᐃᕝᕕᓪᓗ ᑭᐅᓚᐅᕐᐸᑎᑦ ᕿᓚᖕᒥᑦ; ᓈᒃᑭᒍᓱᖕᓂᕐᔪᐊᕐᓄᑦ ᑎᓕᓯᓚᐅᕐᐳᑎᑦ ᑕᓯᐅᕐᓯᓂᐊᕐᑐᓂᒃ ᓴᐳᑦᔭᐅᖁᓪᓗᒋᑦ ᐅᖁᒤᒃᓴᕐᑎᑕᐅᓂᖏᓐᓂᑦ ᐊᑭᕋᒥᖕᓄᑦ.

ᐃᓐᖏᕈᑎᑦ 112:5

ᐱᓪᓗᕆᒃᐳᖅ ᐊᓐᓂᕈᓱᖃᖏᑦᑐᖅ ᐊᑦᑕᑐᕐᑎᑦᓯᖃᑦᑕᕐᑐᕐᓗ; ᑖᑦᓱᒪ ᒪᑭᒪᐅᑎᒃᓴᓂ ᓯᓔᕐᕆᒃᓯᓂᖃᖏᑦᑐᒃᑯᑦ ᐋᖅᑭᒃᓯᒪᑎᓐᓂᐊᕐᒪᒋᑦ.

ᐃᓐᖏᕈᑎᑦ 37:21

ᐱᐅᖏᑦᑐᓕᔪᑦ ᐊᑐᕐᑐᐊᕐᐳᑦ ᐅᑎᕐᑎᑦᓯᓇᑎᒡᓗ, ᐃᓱᐊᕐᑐᓪᓕ ᓂᑲᒍᓱᖕᓂᕐᒥᒃ ᐱᓇᓱᐊᕐᐳᑦ ᑐᓂᓯᔪᒪᓪᓗᑎᒡᓗ.

ᐃᓐᖏᕈᑎᑦ 37:26

ᑍᒪᓐᖓᑦ ᐊᓐᓂᕈᓱᓐᖏᓚᑦ, ᐊᑐᕐᑎᑦᓯᔪᒪᕙᒡᓗᑎᒡᓗ; ᑭᖑᕚᖏᓪᓗ ᓮᒻᒪᕐᑎᓯᒪᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 22:7

ᐊᒃᓱᐃᑦᑐᑦ ᐊᐅᓚᑦᓯᕗᑦ ᐊᒃᓱᔪᓂᒃ, ᐊᑦᑕᑐᕐᑎᓗ ᑭᒡᒐᕆᔭᐅᕗᖅ ᐊᑦᑕᑐᕐᑎᑦᓯᔨᒧᑦ.

ᓘᑲᓯᐅᑉ ᐊᒡᓚᖏᑦ 6:35

ᐊᑭᕋᕐᑐᕐᑎᓯ ᓇᒡᓕᒋᓯᐅᒃ, ᐱᑦᓯᐊᕐᕕᒋᓗᒋᓪᓗ, ᐊᑐᕐᑎᑉᐸᒡᓗᒋᓪᓗ ᐅᑎᕐᑎᑦᓯᕕᐅᓂᐊᕆᐊᒃᓴᖅ ᐃᓱᒪᖏᓪᓗᓯ; ᑕᕝᕙ ᐊᑭᓕᕐᑕᐅᓂᒃᓴᓯ ᐊᖏᔪᐊᓘᔪᒫᕐᐳᖅ, ᖁᑦᓯᖕᓂᕐᐹᖑᔫᑉ ᐃᕐᓂᕆᓂᐊᕐᐹᓯ; ᑖᓐᓇ ᐱᑦᓯᐊᕐᒪᑦ ᖁᔭᓕᖏᑦᑐᓄᑦ ᐱᐅᖏᑦᑐᓕᔪᓄᓪᓗ.

ᒨᓯᓯ ᑕᓪᓕᒪᖏᑦ 15:5

ᑖᓐᓇ ᓈᓚᖕᓂᐊᕈᑦᓯᐅᒃ ᐊᑐᕐᑕᐅᖁᔭᓕᒫᖏᓐᓂᒡᓗ ᐊᑐᕋᓱᑦᓯᐊᕈᑦᓯ ᐅᓪᓗᒥ ᐃᓕᑦᓯᓐᓄᑦ ᐱᖁᔨᑦᔪᑎᒋᔭᓐᓂᒃ.

ᒨᓯᓯ ᑕᓪᓕᒪᖏᑦ 28:44

ᑖᒃᑯᐊᓗ ᐃᓕᑦᓯᓐᓂᒃ ᑮᓇᐅᔭᓂᒃ ᐊᑐᕐᑐᐊᕐᑎᑦᓯᕙᒍᒫᕐᐳᑦ, ᐃᓕᑦᓯᓗ ᑖᒃᑯᓄᖓ ᐊᑐᕐᑐᐊᕐᑎᑦᓯᕙᓕᕐᓗᓯ; ᑭᖑᓂᖓᒍᑦ ᑖᒃᑯᐊ ᓂᐊᖂᓕᕈᒫᕐᐳᑦ ᐃᓕᑦᓯᓗ ᐸᒥᐅᖑᓕᕐᓗᓯ.