ᒨᓯᓯ ᑕᓪᓕᒪᖏᑦ 14:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ “ᐊᑕᓂᕐᒧᑦ ᒎᑎᑦᓯᓐᓄᑦ ᕿᑐᕐᖓᐅᒐᑦᓯ; ᐃᓕᑦᓯᓐᓂᒃ ᑭᓪᓕᐊᔪᒃᓴᐅᓐᖏᓚᓯ ᐅᕝᕙᓗ ᓴᓕᔪᒃᓴᐅᓐᖏᓚᓯ ᓄᔧᕈᑎᓗᓯ, ᑐᖁᔪᑦ ᐱᔪᑎᒋᓗᒋᑦ.

ᒨᓯᓯ ᑕᓪᓕᒪᖏᑦ 14:1 Iomraidhean Croise

ᒨᓯᓯ ᓯᕗᓪᓖᑦ 6:2

ᒎᑎᐅᑉ ᐃᕐᓂᖏᑦ ᑕᑯᓐᓇᓕᕋᒥᒃ ᐊᕐᓇᑦᓯᐊᓂᒃ ᐃᓄᐃᑦ ᐸᓂᖏᓐᓂᒃ; ᑖᒃᑯᓇᓐᖓᑦ ᓄᓕᐊᕐᑖᓚᐅᕐᐳᑦ ᓂᕈᐊᕐᑕᒥᖕᓂᒃ.

ᒨᓯᓯ ᓯᕗᓪᓖᑦ 6:4

ᑍᑦᓱᒪᓂᐅᑎᓪᓗᒍ ᐃᓄᖃᓚᐅᕐᐳᖅ ᓄᓇᒥ ᐊᖏᔪᐊᓗᖕᓂᒃ ᑍᔭᐅᔪᓂᒃ ᓂᕕᓕᒻᓂᒃ, ᒎᑎᐅᑉ ᐃᕐᓂᖏᑦ ᐱᖃᑎᖃᖃᑦᑕᓕᕐᑎᓪᓗᒋᑦ ᐃᓄᐃᑦ ᐸᓂᖏᓐᓂᒃ, ᑖᒃᑯᓂᖓ ᕿᑐᕐᖓᕐᑖᓚᐅᕐᐳᑦ, ᑖᒃᑯᐊᓗ ᐱᔪᓐᓇᕐᓂᕐᐹᖑᓚᐅᕐᐳᑦ ᑍᑦᓱᒪᓂᐅᑎᓪᓗᒍ, ᖃᐅᔨᒪᔭᐅᑦᓯᐊᕐᓗᑎᒃ ᐊᔪᖏᑦᑐᑦ.

ᐊᑕᓃᑦ ᓯᕗᓪᓖᑦ 18:28

ᓂᐱᖅᑯᕐᑐᓯᒋᐊᕐᐳᓪᓗ, ᐃᒻᒥᖕᓂᒡᓗ ᑭᓪᓕᐊᓪᓗᑎᒃ ᑍᒫᒃ ᐱᐅᓯᖃᕋᒥᒃ ᓴᕕᒡᔪᐊᓄᑦ ᓴᕕᑐᐃᓐᓇᓄᓪᓗ, ᐊᐅᓈᓕᓚᐅᖏᓐᓂᕐᒥᖕᓂ.

ᐂᓮᐊᓯᐅᑉ ᐊᒡᓚᖏᑦ 63:16

ᐊᑖᑕᒋᕙᑦᑎᒋᓪᓕ, ᐂᑉᕋᕼᐋᒻᒧᑦ ᖃᐅᔨᒪᔭᐅᖏᒃᑲᓗᐊᕐᑎᓪᓗᑕ, ᐃᓴᕆᐊᓕᒥᐅᓄᓪᓗ ᐃᓕᑕᕆᔭᐅᓯᒪᓇᑕ; ᐊᑕᓃᕐᓕ ᐃᓕᖕᓂᒃ ᐊᑖᑕᖃᕐᐳᒍᑦ ᐃᓕᖕᓄᑦ ᐅᑎᕐᑎᑦᓯᔨᒋᕙᑦᑎᒋᑦ ᑍᑦᓱᒪᓂᐊᓗᖕᓂᑦ ᑍᒫᒃ ᐊᑎᖃᕋᕕᑦ.

ᔨᕆᒤᐊᐅᑉ ᐊᒡᓚᖏᑦ 16:6

ᑕᒪᕐᒥᒃ ᐊᔪᖏᑦᑐᑦ ᐊᔪᕐᑐᓪᓗ ᑐᖁᔪᒫᕐᐳᑦ ᓄᓇᒥ ᑕᒫᓂ; ᐃᓗᕕᕐᑕᐅᔪᒫᓐᖏᓚᑦ, ᕿᒃᓵᒍᑕᐅᔪᒫᓐᖏᓚᓪᓘᓐᓃᑦ ᐅᒡᒍᐊᕐᓂᕐᒧᑦ ᑭᓪᓕᐊᑦᔪᑕᐅᔪᒫᓐᖏᓚᑦ ᓄᔧᔭᕈᑕᐅᔪᒫᕋᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 3:19

ᐊᑕᓂᖅ ᐅᖃᕐᐳᖅ, “ᐅᖃᓚᐅᕐᐳᖓᓕ, ᖁᕕᐊᓱᒃᑲᔭᓚᐅᕐᐳᖓ ᐃᕐᓂᑦᑐᑦ ᐱᔪᒪᓗᓯ, ᓄᓇᒃᑯᒥᓇᕐᑐᒥᓗ ᓄᓇᖃᕐᑎᓪᓗᓯ. ᐃᓅᖃᑎᒌᒡᔪᐊᓄᑦ ᑭᖑᕐᖑᑎᔭᐅᕙᒃᑐᓂᑦ ᐱᐅᓂᕐᐹᒥᒃ. ᐊᑖᑕᒥᒡᓗ ᑍᔭᐅᕙᖕᓂᐊᕈᒪᓪᓗᖓ, ᖁᔭᓈᕐᑕᐅᓂᐊᕋᓱᒋᓇᖓᓗ.

ᔨᕆᒤᐊᐅᑉ ᐊᒡᓚᖏᑦ 31:9

ᕿᐊᓗᑎᒃ ᕾᔪᒫᕐᐳᑦ, ᑐᒃᓯᐊᕐᓗᑎᒡᓗ ᐱᔪᒫᕐᐳᑦ ᐅᑎᕐᑎᓕᕈᒃᑭᑦ, ᑕᓯᐅᕈᒫᕐᐸᒃᑲ ᑰᖕᒧᑦ ᐃᒥᖃᕐᑐᒧᑦ, ᒪᓂᕋᑦᑐᒃᑯᑦ ᐱᓱᕕᒃᓴᖃᕈᒫᕐᐳᑦ ᐹᓪᓚᒡᕕᒃᓴᖃᖁᓇᒋᑦ ᐃᓴᕆᐊᓕᒥᐅᓄᑦ ᐊᑖᑕᐅᒐᒪ, ᐃᕗᕅᑎᓗ ᐊᖓᔪᒃᓯᕐᐹᖁᑎᒋᕙᕋ.”

ᔨᕆᒤᐊᐅᑉ ᐊᒡᓚᖏᑦ 41:5

ᐊᖑᑎᓂᒃ 80ᓂᒃ ᑎᑭᑦᑐᖃᕐᐳᖅ ᓯᑭᒻᒥᑦ ᓮᓗᐊᒥᓪᓗ ᓴᒥᐊᕆᐊᒥᓪᓗ, ᐅᓐᖏᔭᕐᓯᒪᓪᓗᑎᒃ, ᐊᓐᓄᕌᑎᒡᓗ ᐊᓕᒃᑐᕐᓯᒪᓪᓗᒋᑦ ᑭᓪᓕᐊᓯᒪᓪᓗᑎᒡᓗ, ᓂᐊᖂᔭᒃᓴᒥᒃ ᑎᐱᑦᓯᐊᕆᒃᑐᒥᒡᓗ ᓇᒃᓴᕐᓗᑎᒃ ᑐᒃᓯᐊᕐᕕᒃᔪᐊᒥ ᑐᓂᕐᕈᓯᐅᑎᔭᒃᓴᒥᖕᓂᒃ.

ᔨᕆᒤᐊᐅᑉ ᐊᒡᓚᖏᑦ 47:5

ᒑᓴᒥᐅᑦ ᕿᒃᓵᖕᓂᕐᒧᑦ ᓄᔧᔭᕐᓯᒪᓂᐊᕐᐳᑦ, ᐊᓯᑭᓗᓂᒥᐅᑦ ᓂᐱᖃᕈᓐᓃᕐᓗᑎᒃ, ᓄᓇᑐᐃᓐᓇᕐᒥᐅᑕᐅᔪᓯ ᖃᓄᖅ ᐊᑯᓂᐅᑎᒋᔪᖅ ᐃᓕᑦᓯᓐᓂᒃ ᑭᓪᓕᐊᓂᐊᕐᐱᓰ?

ᕼᐆᓯᐊᑉ ᐊᒡᓚᖏᑦ 1:10

ᐃᓴᕆᐊᓕᒥᐅᓪᓕ ᐃᓄᖏᑦ ᓯᐅᕋᕐᑎᑐᑦ ᐃᒪᐅᑉ ᓯᓈᓃᑦᑐᑎᑐᑦ ᐅᓄᕐᑎᒋᔪᒫᕐᐳᑦ, ᐆᒃᑐᕋᕐᑕᐅᔪᓐᓇᖏᓪᓗᑎᒃ ᓈᓴᕐᑕᐅᔪᓐᓇᖏᓪᓗᑎᒡᓗ; ᑕᕝᕙᓂ ᐅᖃᐅᑦᔭᐅᔪᒫᕐᐳᑦ, “ᐃᓄᖁᑎᒋᓐᖏᓚᑦᓯ,” ᐅᖃᕐᕕᐅᓕᕈᒫᕆᕗᑦ, “ᒎᑎᐅᑉ ᐆᒪᔫᑉ ᕿᑐᕐᖓᖏᑦ.”

ᒨᓯᓯ ᐱᖓᔪᖏᑦ 21:5

“ᑐᓂᕐᕈᓯᕐᑎᑦᓯᔩᑦ ᓂᐊᖁᑎᒃ ᓴᓕᔭᕆᐊᖃᖏᓔᑦ ᐅᒥᒃᑎᒡᓘᓐᓃᑦ ᓯᓈᒍᑦ ᑭᐱᔭᕆᐊᖃᖏᓔᑦ ᑎᒥᒥᒃᑎᒍᓪᓗ ᑭᓪᓕᐊᔪᒃᓴᐅᓐᖏᓚᑦ ᕿᒃᓵᖕᓂᕐᒥᖕᓄᑦ ᓇᓗᓁᒃᑯᑕᕆᓇᓱᐊᕐᓗᒋᑦ.

ᔪᐊᓇᓯᐅᑉ ᐊᒡᓚᖏᑦ 1:12

ᑖᑦᓱᒥᖓᓕ ᐃᓚᓕᐅᕆᔪᓕᒫᑦ, ᐅᒃᐱᓕᕐᓗᑎᒡᓗ ᑖᑦᓱᒪ ᐊᑎᖓᓄᑦ, ᑖᒃᑯᐊ ᕿᑐᕐᖓᑖᕆᔭᐅᔪᓐᓇᕐᓯᑎᑉᐰᑦ ᒎᑎᒧᑦ;

ᔪᐊᓇᓯᐅᑉ ᐊᒡᓚᖏᑦ 11:52

ᐃᓅᖃᑎᒌᒡᔪᐊᓪᓕ ᑖᒃᑯᐊᑐᐊᖅ ᐱᓇᒋᑦ, ᒎᑎᐅᓪᓕ ᕿᑐᕐᖓᖏᑦ ᓇᒧᑐᐃᓐᓇᖅ ᓯᐊᒻᒪᕐᓯᒪᔪᑦ ᑲᑎᕐᓱᕐᑕᐅᖁᓪᓗᒋᑦ ᐊᑕᐅᓯᕐᒧᑦ.

ᕉᒪᒥᐅᓄᑦ 8:16

ᐊᓂᕐᓂᖅ ᓇᖕᒥᓂᖅ ᐊᓂᕐᓂᑦᑎᓐᓄᑦ ᖃᐅᔨᑎᑦᓯᕗᖅ ᒎᑎᒧᑦ ᕿᑐᕐᖓᕆᔭᐅᓂᑦᑎᓐᓂᒃ.

ᕉᒪᒥᐅᓄᑦ 9:26

“ᑕᕝᕙᓂᑦᓮᓐᓇᖅ ᐅᖃᐅᑦᔭᐅᕝᕕᕕᓂᕐᒥᖕᓂ, ‘ᐃᓄᖁᑎᒋᓐᖏᓚᑦᓯ,’ ᑍᔭᐅᓕᕈᒫᕐᐳᑦ ‘ᒎᑎᐅᑉ ᐆᒤᓐᓇᕐᑑᑉ ᕿᑐᕐᖓᖏᓐᓂᒃ.’”

ᕉᒪᒥᐅᓄᑦ 9:4

ᑖᒃᑯᐊ ᐃᓴᕆᐊᓕᒥᐅᖑᕗᑦ; ᕿᑐᕐᖓᐅᓂᕐᒥᒡᓗ ᐱᖃᕐᐳᑦ, ᓂᕐᑐᕐᓇᕐᓂᕐᒥᒃ ᖃᐅᔨᑎᓯᒪᕔᑦ; ᐊᖏᖃᑎᒌᖕᓂᕐᒥᒡᓗ ᐱᑎᓯᒪᓪᓗᒋᑦ, ᐱᖁᔭᓂᒃ ᑐᓂᓯᕕᒋᓯᒪᕔᑦ, ᑐᒃᓯᐊᖃᑦᑕᕐᓂᕐᒥᒡᓗ ᐊᑐᕐᐳᑦ, ᐊᖏᕐᕕᒋᓯᒪᓪᓗᓂᖏᓪᓗ;

ᕉᒪᒥᐅᓄᑦ 9:8

ᐅᓇ ᑐᑭᓕᒃ ᑎᒥᒃᑯᑦ ᑭᖑᕚᖑᔪᑑᖏᑦᑐᑦ ᒎᑎᐅᑉ ᕿᑐᕐᖓᕆᖕᒪᒋᑦ; ᐊᖏᕐᓯᒪᓂᒃᑯᓪᓕ ᕿᑐᕐᖓᐅᔪᑦ ᐂᑉᕋᕼᐋᒻᒧᑦ ᑭᖑᕚᖑᓂᕋᕐᑕᐅᖕᒪᑕ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:18

ᐃᓕᑦᓯᓐᓄᑦ ᐊᑖᑕᒋᔭᐅᓂᐊᕐᐳᖓ, ᐅᕙᖓᓕ ᐃᕐᓂᕆᓂᐊᕐᐸᑦᓯ ᐸᓂᒋᓗᓯᓗ, ᐊᑕᓂᖅ ᐊᔪᒐᖃᖏᑦᑐᖅ ᐅᖃᕐᐳᖅ.”

ᒐᓔᑎᐊᒥᐅᓄᑦ 3:26

᙭ᔅᑑᓯ ᔩᓱᓯᒃᑯ ᑕᒪᑦᓯ ᒎᑎᐅᑉ ᕿᑐᕐᖓᕆᕚᓯ, ᐅᒃᐱᕐᓂᑦᓯᒃᒍᑦ

ᒨᓯᓯ ᑕᓪᓕᒪᖏᑦ 13:18

ᐊᑕᓂᐅᑉ ᒎᑎᑦᓯ ᓂᐱᖓ ᓈᓚᖕᓂᐊᕈᑦᓯᐅᒃ, ᐱᖁᔨᑦᔪᑎᖏᓪᓗ ᒪᓕᑦᓯᐊᕐᓂᐊᕈᑦᓯᒋᒃ ᐅᓪᓗᒥ, ᒪᓕᒃᑕᐅᖁᓪᓗᒋᑦ ᐅᖃᐅᓯᕆᔭᒃᑲ, ᐱᓂᐊᕐᓂᖃᖁᓪᓗᓯ ᓈᒻᒪᒋᔭᐅᔪᒥᒃ ᐊᑕᓂᐅᑉ ᒎᑎᑦᓯ ᓵᖓᓂ.”

ᒨᓯᓯ ᑕᓪᓕᒪᖏᑦ 32:6

ᑍᒫᒃ ᐊᑕᓂᖅ ᐊᑭᓂᐊᕐᕕᒋᕕᓯᐅᒃ? ᓯᓔᑦᑑᔪᓯ ᑐᑭᖃᖏᑦᑐᓯᓗ ᐃᓅᔪᓯ. ᑖᓐᓇ ᐊᑖᑕᒋᓐᖏᓚᓯᐅᒃ? ᑖᑦᓱᒪ ᓴᓇᓚᐅᓐᖏᓛᓰ? ᑖᑦᓱᒪ ᐱᓐᖑᕐᑎᓚᐅᓐᖏᓛᓰ ᐃᓂᑖᕐᑎᓪᓗᓯᓗ?

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:13

᙭ᔅᑑᓯᒥᐅᑕᐅᖃᑎᒃᑲ, ᖃᐅᔨᒪᖏᑦᑑᖁᓐᖏᓚᑦᓯ ᓯᓂᓕᕐᓯᒪᔪᓂᒃ, ᕿᒃᓵᒍᑎᖃᓗᐊᖁᓇᓯ ᐊᓯᑦᓯᑐᑦ ᓂᕆᐅᒋᔭᒃᓴᖃᖏᑦᑐᑎᑐᑦ.

ᐄᑉᕈᐃᓄᑦ 2:10

ᒎᑎᐅᑉ ᓈᒻᒪᒋᓚᐅᕐᒪᒍ, ᑖᑦᓱᒨᓇ ᓱᓇᓕᒫᑦ ᓴᖅᑭᑎᑕᐅᓯᒪᖕᒪᑕ, ᑖᑦᓱᒪᖓᓪᓗ ᓱᓇᓕᒫᑦ ᐱᓯᒪᓪᓗᑎᒃ, ᐋᓐᓂᐊᑎᑕᐅᓂᒃᑯᑦ ᓈᒻᒪᑦᓯᐊᓕᖁᓪᓗᒍ ᕿᑐᕐᖓᐅᓕᕐᑐᓂᒃ ᐊᒥᓱᓂᒃ ᓂᕐᑐᕐᓇᕐᓂᕐᔪᐊᖓᓂᒃ ᐱᖃᑕᐅᓕᖁᓪᓗᒋᑦ.

ᔪᐊᓇᓯ ᓯᕗᓪᓖᑦ 3:10

ᑕᒪᑐᒨᓇ ᓇᓗᓇᓐᖏᓚᖅ ᑭᓇᒃᑯᑦ ᒎᑎᐅᑉ ᕿᑐᕐᖓᕆᖕᒪᖔᒋᑦ, ᑭᓇᑯᓪᓗ ᓵᑖᓇᓯᐅᑉ ᕿᑐᕐᖓᕆᖕᒪᖔᒋᑦ: ᓇᓪᓕᐊᑦ ᓇᓛᒎᕐᑐᒥᒃ ᐱᓇᓱᐊᖏᑦᑐᖅ ᒎᑎᒥᑦ ᐱᓐᖏᓚᖅ; ᐅᕝᕙᓗ ᐃᓅᖃᑎᒥᓂᒃ ᓇᒡᓕᒍᓱᖏᑦᑐᖅ.

ᔪᐊᓇᓯ ᓯᕗᓪᓖᑦ 5:2

ᑕᒪᑐᒨᓇ ᖃᐅᔨᑦᔪᑎᖃᕐᐳᒍᑦ ᒎᑎᐅᑉ ᕿᑐᕐᖓᖏᓐᓂᒃ ᓇᒡᓕᒍᓱᖕᓂᑦᑎᓐᓂᒃ, ᒎᑎ ᓇᒡᓕᒋᒐᑦᑎᒍ ᐱᖁᔭᖏᓪᓗ ᒪᓕᒃᖢᒋᑦ.