ᒨᓯᓯ ᑕᓪᓕᒪᖏᑦ 13:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᓇᓪᓕᐊᓪᓕ ᓯᓐᓇᒃᑑᒪᓂᒃ ᑐᑭᓯᓇᕐᓯᑎᑦᓯᔪᓐᓇᕐᓂᕋᕐᑐᖅ ᐱᔪᖃᓛᕐᑐᒥᒡᓗ ᐅᖃᕐᑎᐅᓂᕋᕐᑐᖅ ᑐᑯᑕᐅᔪᒃᓴᐅᕗᖅ, ᐃᓕᑦᓯᓐᓂᒃ ᐊᔪᕆᕐᑐᐃᖕᒪᑦ ᐊᑭᕋᕐᑐᕐᓂᕐᒥᒃ ᐊᑕᓂᕐᒧᑦ ᒎᑎᑦᓯᓐᓂᒃ, ᑖᑦᓱᒥᖓ ᓴᐳᑦᔨᔨᒋᓚᐅᕐᑕᑦᓯᓐᓂᒃ ᓄᓇᒥᑦ ᐄᑦᔨᑉᑎᒥᑦ ᐱᐅᓕᓪᓗᓯᓗ ᕿᓚᒃᓱᕐᑕᐅᓯᒪᕕᖕᒥᑦ, ᑍᒤᑦᑐᖅ ᐃᓄᒃ ᑕᓯᐅᕐᓯᓇᓱᐊᕐᒪᑦ ᐊᖅᑯᑎᒥᒃ ᕿᒤᖁᓪᓗᓯ ᐊᑕᓂᐅᑉ ᒎᑎᑦᓯ ᐃᓕᑦᓯᓐᓄᑦ ᐊᑐᕐᑕᐅᖁᓚᐅᕐᑕᖓᓂᑦ. ᑍᒤᑦᑐᖅ ᐃᓄᒃ ᑐᖁᑕᐅᔪᒃᓴᐅᕗᖅ, ᐊᑯᓐᓇᑦᓯᓐᓂ.

ᒨᓯᓯ ᑕᓪᓕᒪᖏᑦ 13:5 Iomraidhean Croise

ᐊᑕᓃᑦ ᓯᕗᓪᓖᑦ 13:19

ᑍᒤᒻᒪᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᔫᑕᒥᐅᑕᖅ ᑖᑦᓱᒪ ᐊᖏᕐᕋᖓᓄᑦ ᒪᓕᒃᐳᖅ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᑐᖄᖓᓄᑦ, ᓂᕆᖃᑎᒋᓪᓗᒍᓗ.

ᐊᑕᓃᑦ ᓯᕗᓪᓖᑦ 18:40

ᐃᓔᑦᔭᐅᓪᓗ ᐅᖃᐅᑎᕔᑦ, “ᐰᓕᐅᑉ ᐅᖃᕐᑎᖏᑦ ᑎᒍᓯᐅᒃ! ᐊᑕᐅᓯᕐᒥᒡᓘᓐᓃᑦ ᕿᒫᓯᔪᖃᖁᓇᒍ!” ᑕᕝᕙ ᑎᒍᕔᑦ, ᐃᓔᑦᔭᐅᓪᓗ ᑭᓲᓂ ᑰᒐᓛᖓᓄᐊᕈᑎᕔᑦ, ᑕᕝᕙᓂᓗ ᑐᖁᓪᓗᒋᑦ.

ᑯᕉᓂᑲ ᐂᑉᐸᖏᑦ 34:31

ᐊᖓᔪᖅᑳᕐᔪᐊᕐᓗ ᓇᖏᕐᐳᖅ ᐃᓂᒥᓂ ᐊᖏᖃᑎᒌᒍᑎᓕᐅᕐᓗᓂ ᐊᑕᓂᐅᑉ ᓵᖓᓂ, ᐊᑕᓂᕐᒥᒃ ᒪᓕᒍᒪᓪᓗᓂ ᐱᖁᔭᖏᓐᓂᒃ ᒪᓕᒃᑕᐅᖁᔭᖏᓐᓂᒡᓗ ᐆᒻᒪᑎᒥᓄᑦ ᑕᕐᓂᕐᒥᓄᓪᓗ ᑕᒤᓐᓄᑦ, ᐊᖏᖃᑎᒌᒍᑕᐅᓯᒪᔪᑦ ᐅᖃᐅᓯᖏᑦ ᐊᒡᓚᖕᓂ ᐊᒡᓚᒃᓯᒪᔪᑦ ᒪᓕᒡᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 14:15

ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ ᑖᒃᑯᓄᖓ ᐱᔪᒫᕐᑐᒃᓴᓂᒃ ᐅᖃᕐᑎᑕᐅᓂᕋᖃᑦᑕᕐᑐᓄᑦ ᐊᑎᕋ ᐊᑐᕐᓗᒍ ᑎᓕᓚᐅᖏᒃᑲᓗᐊᕐᑕᒃᑲ, ᐅᖃᕐᐸᒃᑐᑦ, ‘ᐅᓇᑕᕐᑐᖃᕐᓂᐊᓐᖏᓚᖅ ᑳᖕᓇᕐᑐᖃᕐᓂᐊᕋᓂᓗ ᑕᒫᓂ ᓄᓇᒥ’; ᑖᒃᑯᐊ ᐱᔪᖃᓛᕐᑐᒥᒃ ᐅᖃᕐᑎᐅᓂᕋᕐᑐᑦ ᐅᕙᓐᓄᑦ ᓇᖕᒥᓂᖅ ᐅᓇᑕᕐᓂᒃᑯᑦ ᑳᖕᓇᕐᑐᕐᔪᐊᒧᓪᓗ ᓄᖑᑕᐅᔪᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 29:32

ᐃᒫᒃ ᐊᑕᓂᖅ ᐅᖃᕐᐳᖅ, ᓯᒤᐊ ᓂᕼᐃᓚᒥ ᓱᒋᐊᕐᓂᐊᕐᐸᕋ ᑭᖑᕚᖏᑦ ᐱᖃᓯᐅᑎᓗᒋᑦ, ᐃᓅᖃᑎᒃᓴᖃᕈᓐᓃᕐᓂᐊᕐᐳᖅ ᐃᓚᒋᔭᒥᓂ, ᐱᐅᔪᓂᒡᓗ ᐃᓄᖁᑎᓐᓄᑦ ᐱᓇᓱᐊᕐᓂᕆᔭᒃᑲ ᑕᑯᓂᐊᓐᖏᓔᑦ, ᐊᑕᓂᖅ ᐅᖃᕐᐳᖅ, ᐅᖃᐅᓯᖃᓚᐅᕐᒪᑦ ᐅᕙᓐᓂᒃ ᐊᑭᕋᕐᑐᕐᑐᓂᒃ.’”

ᔨᕆᒤᐊᐅᑉ ᐊᒡᓚᖏᑦ 50:6

“ᐃᓄᖁᑎᒃᑲ ᓰᐱᑎᑐᑦ ᐊᓯᐅᓯᒪᓚᐅᕐᒪᑕ, ᐰᕐᓯᔨᖏᑕ ᑕᒻᒪᕐᑎᓚᐅᕐᒪᒋᑦ, ᖃᖅᑲᓂᓗ ᐃᓂᖃᓕᕐᑎᓪᓗᒋᑦ, ᐃᖏᕐᕋᖃᑦᑕᑐᐃᓐᓇᓕᕐᓗᑎᒃ ᖃᖅᑲᑎᒍᑦ ᐱᖑᕐᑎᒍᓪᓗ, ᒥᕐᖑᐃᕐᓯᕐᕕᒃᓴᒥᖕᓂᒃ ᐳᐃᒍᕋᒥᒃ.

ᔨᕆᒤᐊᐅᑉ ᐊᒡᓚᖏᑦ 7:23

ᑭᓯᐊᓂᓕ ᐱᖁᔭᕐᑖᑎᓚᐅᕐᐸᒃᑲ ᐃᒤᓕᔪᒥᒃ, ᓂᐱᒐ ᓈᓚᒃᑕᒃᓴᕆᕙᓯ, ᒎᑎᒋᔭᐅᓂᐊᕋᒪ ᐃᓕᑦᓯᓐᓄᑦ, ᐃᓕᑦᓯᓗ ᐃᓄᖁᑎᒋᓂᐊᕐᐸᑦᓯ, ᐱᖁᔭᒃᑲ ᒪᓕᒡᓗᒋᑦ ᐃᓅᔪᒃᓴᐅᕗᓯ, ᐃᓅᓯᖃᑦᓯᐊᖁᓪᓗᓯ.

ᓴᑲᕅᐊᐅᑉ ᐊᒡᓚᖏᑦ 13:3

ᐃᒫ ᐱᔪᖃᕈᒫᕐᐳᖅ, ᓇᓚᐅᑦᑍᔪᖃᒃᑲᓐᓂᕋᓱᐊᕐᐸᑦ, ᓇᖕᒥᓂᖅ ᐊᑖᑕᖓᑕ ᐊᓈᓇᖓᑕᓗ ᐊᓂᕕᒋᓚᐅᕐᑕᖏᑕ ᐅᖃᐅᑎᔪᒫᕐᐹ, ‘ᐆᒪᔭᕆᐊᖃᓐᖏᓚᑎᑦ, ᐊᑕᓂᐅᑉ ᐊᑎᖓᓂ ᓱᓕᖏᑦᑐᓂᒃ ᐅᖃᐅᓯᖃᕋᕕᑦ’; ᐊᖓᔪᖅᑳᖏᒃᑕᓗ ᑲᐱᔪᒫᕐᐹ ᓇᓚᐅᑦᑍᑎᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 13:8

ᑖᑦᓱᒪᓕ ᐊᖓᒃᑰᑉ ᒍᕇᑭᑎᑐᑦ ᐃᓔᒪᓯᒥᒃ ᐊᑎᓕᐅᑉ ᐊᑭᕋᕐᑐᕐᐹᒃ, ᐊᖓᔪᖅᑳᖅ ᐅᒃᐱᕐᓂᕐᒥᒃ ᑕᒪᑐᒥᖓ ᑲᒪᔪᓐᓃᕐᑎᓐᓇᓱᐊᕐᐹ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:13

ᐊᒡᓔᑦ ᐅᖃᕐᒪᑕ, “ᐃᓄᒃ ᐊᔪᕐᑐᓕᔪᖅ ᐃᓚᒌᖕᓂᑦᓯᓐᓂᑦ ᐊᓂᑎᓯᐅᒃ.”

ᒨᓯᓯ ᑕᓪᓕᒪᖏᑦ 13:10

ᐅᔭᖅᑲᓄᑦ ᒥᓪᓗᕐᑕᒃᓴᕆᕙᓯ ᑐᖁᓪᓗᒍ, ᑖᑦᓱᒪ ᓴᖑᑎᓐᓇᓱᐊᓚᐅᕐᒪᓯ ᐊᑕᓂᕐᒥᑦ ᒎᑎᑦᓯᓐᓂᑦ, ᐃᓕᑦᓯᓐᓂᒃ ᐊᐅᓪᓚᕐᑎᑦᓯᓚᐅᕐᑐᒥᒃ ᐄᑦᔨᑉᑎᒥᑦ, ᑕᕝᕙᓐᖓᑦ ᕿᓚᒃᓱᕐᑕᐅᓯᒪᕕᒋᓚᐅᕐᑕᑦᓯᓐᓂᑦ.

ᒨᓯᓯ ᑕᓪᓕᒪᖏᑦ 13:15

ᑕᕝᕙ ᑕᕝᕙᓂ ᓄᓇᓕᓕᒫᑦ ᑐᑯᕋᕐᑕᐅᔪᒃᓴᐅᕗᑦ, ᐊᑕᖏᕐᓗᑎᒃ ᓄᖑᑕᐅᑦᓯᐊᕐᑐᒃᓴᐅᕗᑦ, ᑕᕝᕙᓂ ᓄᓇᓖᑦ ᐆᒪᔪᖁᑎᖏᓪᓗ ᑐᖁᕋᕐᑕᐅᓗᑎᒃ ᓴᕕᒡᔪᐊᒧᑦ.

ᒨᓯᓯ ᑕᓪᓕᒪᖏᑦ 13:9

ᑐᖁᑕᒃᓴᕆᕙᓯᓕ! ᓯᕗᓪᓕᕐᐸᐅᓗᑎᑦ ᐊᒡᒐᖕᓄᑦ ᐱᒋᐊᕐᑕᒃᓴᕆᕙᑦ, ᑕᒪᑐᒪ ᑭᖑᓂᖓᒍᑦ ᑕᕝᕙ ᐃᓄᓕᒫᓄᑦ ᐱᒋᐊᕐᑕᐅᔪᒃᓴᐅᕗᖅ ᑐᖁᑕᐅᖁᓪᓗᒍ.

ᒨᓯᓯ ᑕᓪᓕᒪᖏᑦ 17:5

ᑕᕝᕙ ᐃᓅᒃ ᐊᖑᓪᓘᓐᓃᑦ ᐊᕐᓇᕐᓘᓐᓃᑦ ᓄᓇᓖᑦ ᓯᓚᑖᓄᐊᕈᑎᓗᒍ ᒥᓪᓗᕐᑕᐅᓗᓂ ᑐᖁᑕᐅᔪᒃᓴᐅᕗᖅ.

ᒨᓯᓯ ᑕᓪᓕᒪᖏᑦ 17:7

ᖃᐅᔨᓯᒪᔪᓪᓕ ᓯᕗᓪᓕᕐᐸᐅᓗᑎᒃ ᒥᓗᕆᐊᖅᑳᕐᑐᒃᓴᐅᕗᑦ ᐅᔭᖅᑲᓄᑦ ᑐᖁᖁᓪᓗᒍ, ᑕᕝᕙ ᑭᖑᓂᖓᒍᑦ ᐃᓄᓕᒫᑦ ᒥᓪᓗᓕᕋᔭᕐᐳᑦ ᑖᑦᓱᒥᖓ; ᑕᕝᕙ ᑍᒤᓕᐅᕐᓗᓯ ᐱᐅᖏᑦᑐᓕᓂᖅ ᑍᒤᑦᑐᖅ ᓄᖅᑲᕐᑎᒃᑲᔭᕐᐸᓯ.

ᒨᓯᓯ ᑕᓪᓕᒪᖏᑦ 18:20

ᓇᓪᓕᐊᓪᓕ ᐅᖃᓪᓚᒐᓱᐊᕐᐸᑦ ᐅᕙᓐᓄᑦ ᐅᖃᖁᔭᐅᓯᒪᖏᓪᓗᓂ, ᑖᓐᓇ ᑍᒫᑦᓮᓐᓇᕐᑕᐅᖅ ᒎᑎᒋᔭᐅᔪᓂᒃ ᐱᑦᔪᑎᖃᕐᓗᓂ ᐅᖃᓪᓚᒐᓱᐊᕐᑐᖅ ᑍᒫᑦᓮᓐᓇᖅ ᑖᓐᓇ ᑐᖁᔪᒪᕐᐳᖅ.’

ᒨᓯᓯ ᑕᓪᓕᒪᖏᑦ 19:19

ᑕᕝᕙ ᓱᒋᐊᕐᑕᐅᔪᒃᓴᐅᕗᖅ ᑖᑦᓱᒪ ᐸᓯᔭᒃᓴᐅᓂᕋᕐᑕᐅᔫᑉ ᓱᒋᐊᕐᑕᐅᑦᔪᑎᒋᒐᔭᓐᖑᐊᓚᐅᕐᑕᖓᓂᒃ. ᑕᕝᕙ ᑍᒤᓕᐅᕐᓗᓯ ᑕᒪᓐᓇ ᐱᐅᖏᑦᑐᓕᓂᖅ ᓄᖅᑲᕐᑎᒃᑲᔭᕐᐸᓯ.

ᒨᓯᓯ ᑕᓪᓕᒪᖏᑦ 22:21

ᑕᕝᕙ ᑖᒃᑯᓇᓐᖓᑦ ᑕᕝᕙᓐᖓᑦ ᐊᓐᓂᓯᔭᐅᓗᓂ ᐊᑖᑕᖓᑕ ᐃᒡᓗᖓᑕ ᐃᑎᕐᑕᕐᕕᖓᓄᐊᕈᑦᔭᐅᔪᒃᓴᐅᕗᖅ, ᑖᑦᓱᒪᓗ ᐊᕐᓇᐅᑉ ᓄᓇᖓᑕ ᐃᒡᓗᒐᓴᒡᔪᐊᕐᒥᐅᑦ ᐊᖑᑎᖏᑕ ᒥᓪᓗᕐᓗᒍ ᑐᖁᑕᒃᓴᕆᕚᑦ, ᑖᓐᓇ ᐊᕐᓇᖅ ᑲᓐᖑᓇᕐᑐᒥᒃ ᐃᓴᕆᐊᓕᒥᐅᓄᑦ ᑎᑭᑎᑦᓯᖕᒪᑦ ᐃᓐᓇᖓᖃᑎᖃᕐᓯᒪᓂᕐᒥᓄᑦ ᐅᐃᓂᓚᐅᖅᑳᕋᓂ, ᓱᓕ ᐊᑖᑕᖓᑕ ᐃᒡᓗᖓᓂ ᐊᖏᕐᕋᖃᕐᑎᓪᓗᒍ. ᑕᕝᕙ ᑍᒤᓕᐅᕐᓗᓯ ᑕᒪᓐᓇ ᐱᐅᖏᑦᑐᓕᓂᖅ ᓄᖅᑲᕐᑎᒃᑲᔭᕐᐸᓯ.

ᒨᓯᓯ ᑕᓪᓕᒪᖏᑦ 22:24

ᑕᕝᕙ ᑖᒃᑯᐊᒃ ᓄᓇᓖᑦ ᓯᓚᑖᓄᐊᕈᑎᓗᒋᒃ ᒥᓪᓗᕐᑕᐅᓗᑎᒃ ᑐᖁᑕᐅᔪᒃᓴᐅᕘᒃ. ᐊᕐᓇᖅ ᑐᖁᑕᐅᔭᕆᐊᖃᕐᐳᖅ ᐃᑲᔪᕐᑕᐅᔪᒪᓗᓂ ᓂᓪᓕᐊᓚᐅᖏᓐᓂᖓ ᐱᓪᓗᒍ, ᑕᕝᕙᓂ ᓄᓇᓕᖕᓃᒃᑲᓗᐊᕐᓗᓂ, ᓂᓪᓕᑐᐊᕐᐸᑦ ᑐᓴᕐᑕᐅᔪᓐᓇᕋᔭᓚᐅᕋᓗᐊᕐᒪᑦ. ᐊᖑᑦᑕᐅᖅ ᑐᖁᑕᐅᔭᕆᐊᖃᕆᕗᖅ ᐊᕐᓇᒥᒃ ᐃᓐᓇᖓᖃᑎᖃᕐᒪᑦ ᐊᓯᐊᓄᑦ ᓄᓕᐊᒃᓴᕆᔭᐅᔪᒥᒃ. ᑕᕝᕙ ᑍᒤᓕᐅᕐᓗᓯ ᑕᒪᓐᓇ ᐱᐅᖏᑦᑐᓕᓂᖅ ᓄᖅᑲᕐᑎᒃᑲᔭᕐᐸᓯ.

ᒨᓯᓯ ᑕᓪᓕᒪᖏᑦ 24:7

“ᓇᓪᓕᐊᑦ ᐃᓴᕆᐊᓕᒥᐅᖑᖃᑎᒥᓂᒃ ᐃᔨᕋᕐᑐᕐᓗᓂ ᑎᒍᓯᒃᐸᑦ ᑖᓐᓇᓗ ᓯᐊᓛᕐᑖᕆᓗᓂᐅᒃ ᐅᕝᕙᓗ ᓯᐊᓛᕐᑕᕆᔭᐅᖁᓪᓗᒍ ᓂᐅᕐᕈᑎᒋᒃᐸᒍ ᑖᓐᓇ ᑍᒤᓕᐅᕐᑐᖅ ᑐᖁᑕᐅᔪᒃᓴᐅᕗᖅ; ᑕᕝᕙ ᑍᒤᓕᐅᕐᓗᓯ ᑕᒪᓐᓇ ᐊᔪᕐᑐᓕᓂᖅ ᓄᖅᑲᕐᑎᒃᑲᔭᕐᐸᓯ.

ᒨᓯᓯ ᑕᓪᓕᒪᖏᑦ 26:14

ᓂᕆᓚᐅᓐᖏᓚᖓ ᑕᓪᓕᒪᐅᔪᐃᕈᑎᒃᓴᓐᓂᒃ ᐃᓚᓐᖓᕋᑖᕐᓯᒪᓂᕐᒧᑦ ᕿᒃᓵᒃᑎᓪᓗᖓ; ᐃᒡᓗᓐᓂᓪᓗ ᐊᓐᓂᑦᔨᓚᐅᓐᖏᓚᖓ ᐅᒃᐱᕐᓂᒃᑯᑦ ᓴᓗᒤᓕᓯᒪᓂᕋᕐᑕᐅᑎᓪᓗᖓ; ᑐᓂᕐᕈᑎᖃᓚᐅᕐᓇᖓᓗ ᑖᒃᑯᐊ ᐃᓚᖏᓐᓂᒃ ᑐᖁᖓᔪᓄᑦ, ᐊᑕᓃᖅ, ᓈᓚᑦᓯᐊᓚᐅᕐᐸᒋᑦ ᐱᖁᔨᑦᔪᑎᒋᓯᒪᔭᓕᒫᑎᑦ ᐅᕙᓐᓄᑦ ᐊᑐᕐᓯᒪᕙᒃᑲ ᑕᓪᓕᒪᐅᔪᐃᕐᓂᕐᒧᑦ.

ᒨᓯᓯ ᑕᓪᓕᒪᖏᑦ 4:19

ᑐᒃᓯᐊᕐᕕᖃᕈᒪᓗᓯ ᐱᔨᑦᓯᕈᒪᓗᓯᓗ ᐃᓱᒪᑦᑍᓕᒋᑦᓯ ᕿᓚᖕᒥ ᑕᑯᕙᒃᑕᑦᓯᓐᓂᒃ, ᓯᕿᓂᕐᒥᒃ, ᑕᖅᑭᕐᒥᒃ, ᐅᓪᓗᕆᐊᓂᒡᓗ, ᐊᑕᓂᐅᑉ ᒎᑎᑦᓯ ᑕᒪᒃᑯᐊ ᑐᓂᓯᒪᖕᒪᒋᑦ ᐃᓅᖃᑎᒌᓄᑦ ᐊᓯᑦᓯᓐᓄᑦ ᑐᒃᓯᐊᕐᕕᒋᔭᐅᖁᓪᓗᒋᑦ.

ᒨᓯᓯ ᑕᓪᓕᒪᖏᑦ 6:13

ᐊᑕᓂᖅ ᒎᑎᓯ ᓯᕘᕋᒋᔭᒃᓴᕆᕙᓯ, ᑖᓐᓇᑐᐊᕐᓗ ᑐᒃᓯᐊᕐᕕᒋᓗᒍ, ᐊᖏᒻᒪᕆᓕᕈᑦᓯᓗ ᐊᑎᖓ ᑖᓐᓇᑐᐊᖅ ᐊᑐᕐᑕᒃᓴᕆᕙᓯ.

ᒨᓯᓯ ᑕᓪᓕᒪᖏᑦ 7:4

ᕿᑐᕐᖓᑦᓯᓐᓂᒃ ᑕᓯᐅᕐᓯᒐᔭᕐᒪᑕ ᒎᑎᓐᖑᐊᓄᑦ ᑐᒃᓯᐊᖃᑦᑕᓕᕐᑎᑦᓯᓗᑎᒃ ᐊᑕᓂᕐᒥᒃ ᕿᒤᖔᕐᓗᑎᒃ, ᑍᒤᓕᑐᐊᕐᐸᑕ, ᐊᑕᓂᐅᑉ ᓂᓐᖓᐅᓯᖓᑕ ᑎᑭᕝᕕᒋᒐᔭᕐᐹᓯ ᑕᒪᑦᓯᓗ ᓄᖑᑕᐅᓗᓯ ᑕᕝᕔᓐᓇᖅ.

ᔮᓱᐊᑉ ᐊᒡᓚᖏᑦ 23:8

ᐊᑕᓂᕐᒥᒡᓕ ᒎᑎᑦᓯᓐᓂᒃ ᓴᒃᑯᐃᑦᑍᓕᔪᒃᓴᐅᕗᓯ, ᐅᓪᓗᒥᒧᑦ ᑎᑭᓪᓗᒍ ᑍᒤᓯᒪᒐᑦᓯ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:20

ᐆᒪᔪᐊᓗᒡᓗ ᓵᓚᐅᓪᓗᓂ ᑎᒍᔭᐅᕗᖅ ᐊᑦᓱᖏᕐᑕᐅᓪᓗᓂᓗ, ᓇᓚᐅᑦᑍᓂᕐᓗᒃᑐᓪᓗ ᑎᒍᔭᐅᖃᑕᐅᕗᑦ ᑖᑦᓱᒪ ᓵᖓᓂ ᑲᒪᓇᕐᑐᓕᖃᑦᑕᐅᓚᕐᑐᑦ ᑲᒪᓇᕐᑐᓕᓂᕐᒥᓄᓪᓗ ᑕᒻᒪᕐᑎᑦᓯᓚᐅᕐᑐᑦ ᐆᒪᔪᐊᓘᑉ ᓇᓗᓁᒃᑯᑕᖓᓂᒃ ᓇᓗᓁᒃᑯᓯᕐᓯᒪᔪᓂᒃ ᑐᒃᓯᐊᕐᕕᖃᖃᑦᑕᓚᐅᕐᑐᓪᓗ ᐆᒪᔪᐊᓘᑉ ᐊᑦᔨᖓᓂᒃ ᓴᓇᓯᒪᔪᒥᒃ. ᑖᒃᑯᐊᒡᓗ ᑕᒪᕐᒥᒃ ᐃᒋᑕᐅᕘᒃ ᐆᒪᑎᓪᓗᒋᒃ ᑕᓯᕐᒧᑦ ᐃᑯᒪᕐᔪᐊᕐᒧᑦ ᐃᒃᑭᕆᒃᑐᕐᔪᐊᕐᒥᒃ ᓲᓪᕙᒥᒃ ᐃᑯᒪᔪᒧᑦ.

ᐃᓗᐊᕐᓮᔩᑦ ᐊᒡᓚᖏᑦ 20:13

ᑍᒃᑯᐊ ᐃᓄᐃᑦ ᒋᐱᐊᒥ ᕾᓚᐅᕐᓯᐅᒃ, ᐱᐅᖏᑦᑐᐊᓗᖕᒥᒃ ᐱᓂᐊᕐᓂᖃᕐᑐᕕᓃᑦ, ᑐᖁᓐᓂᐊᕋᑦᑎᒍ, ᐱᐅᖏᑦᑐᕐᓗ ᐲᕐᓂᐊᕋᑦᑎᒍ ᐃᓴᕆᐊᓕᒥᑦ.” ᐱᓐᔭᒥᓂᐅᓪᓕ ᑭᖑᕚᖏᑦ ᓈᓚᓚᐅᓐᖏᓚᑦ, ᖃᑕᓐᖑᑎᒥᖕᓂᒃ ᐃᓴᕆᐊᓕᒥᐅᑦ ᐃᓄᖏᓐᓂᒃ.

ᓴᒧᐃᓕ ᓯᕗᓪᓖᑦ 12:14

ᐊᑕᓂᖅ ᐃᓕᕋᒋᓂᐊᕈᑦᓯᐅᒃ ᐱᔨᑦᓯᕐᓗᒍᓗ ᓂᐱᐊᓗ ᓈᓚᖕᓂᐊᕈᑦᓯᐅᒃ, ᐊᑭᕋᕐᑐᓕᕐᓂᐊᖏᒃᑯᑦᓯᓗ ᐊᑕᓂᐅᑉ ᐱᖁᔭᖏᓐᓂᒃ, ᐃᓕᑦᓯᓗ ᐊᖓᔪᖅᑳᕐᔪᐊᓯᓗ ᐃᓕᑦᓯᓐᓂᑦ ᐊᐅᓚᑦᓯᔪᖅ ᒪᓖᓐᓇᕐᓂᐊᕈᑦᓯ ᐊᑕᓂᕐᒥᒃ ᒎᑎᑦᓯᓐᓂᒃ, ᑕᕝᕙ ᖃᓄᐃᖏᑦᓯᐊᕈᓐᓇᕐᓂᐊᕐᐳᓯ;