ᒨᓯᓯ ᑕᓪᓕᒪᖏᑦ 13:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐱᖁᑎᓕᒫᖏᑦ ᐊᑕᐅᓯᕐᒧᑦ ᑲᑎᓪᓗᒋᑦ ᐃᒡᓗᒐᓴᖏᑕ ᕿᑎᖓᓂ, ᐱᕕᑐᓂᖓᓄᑦ, ᓄᓇᓕᓕᒫᖅ ᐃᑯᐊᓪᓚᒃᑕᐅᔪᒃᓴᐅᕗᖅ ᐱᖁᑎᓕᒫᖏᓪᓗ ᐱᖃᓯᐅᑎᓗᒋᑦ, ᐃᑯᐊᓚᓂᒃᑯᑦ ᑐᓂᕐᕈᑎᒋᓗᒋᑦ ᐊᑕᓂᕐᒧᑦ ᒎᑎᑦᓯᓐᓄᑦ. ᕿᒪᒃᑕᐅᔪᒃᓴᐅᕗᑦ ᓱᕋᑦᓯᐊᕐᑎᓪᓗᒋᑦ ᐃᓱᖃᖏᑦᑐᒧᑦ, ᓴᓇᔭᐅᒃᑲᓐᓂᕐᑐᒃᓴᐅᓇᑎᒡᓗ.

ᒨᓯᓯ ᑕᓪᓕᒪᖏᑦ 13:16 Iomraidhean Croise

ᒨᓯᓯ ᐂᑉᐸᖏᑦ 22:19

“ᐊᖑᑎᑦ ᓇᓪᓕᐊᓐᓂᒃ ᐆᒪᔪᒥᒃ ᓄᓕᐊᕐᑐᖃᕐᐸᑦ ᑖᓐᓇ ᐊᖑᑦ ᑐᖁᑕᐅᔪᒃᓴᐅᕗᖅ.

ᐂᓮᐊᓯᐅᑉ ᐊᒡᓚᖏᑦ 17:1

ᐅᖁᒤᒃᓴᐅᑎᖃᕐᓂᖅ ᑕᒫᓯᑰᓯ ᐱᓪᓗᒍ, “ᑕᑯᒋᑦ, ᑕᒫᓯᑰᓯ ᐃᒡᓗᒐᓴᒡᔪᐊᕕᓂᑐᐃᓐᓇᐅᓕᕈᒫᕐᐳᖅ, ᓯᖁᑦᑎᕐᓯᒪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 25:2

ᐃᒡᓗᒐᓴᒡᔪᐊᑦ ᓱᓇᐅᔪᓐᓃᕐᑎᖃᑦᑕᕐᓯᒪᒐᕕᒋᑦ, ᐊᕙᓗᕐᔪᐊᓕᐅᕐᓯᒪᔫᒐᓗᐊᓪᓗ ᐊᓯᕈᕐᑕᐅᑎᖃᑦᑕᕐᓯᒪᓪᓗᒋᑦ, ᐊᑭᕅᑦ ᐊᖓᔪᖅᑳᕐᔪᐊᒥᖕᓄᑦ ᐃᒡᓗᕐᔪᐊᓕᐊᕆᓚᐅᕐᑕᖏᑦ ᓇᑉᐸᒃᑲᓐᓂᕐᓂᐊᕈᓐᓃᕐᑐᒥᒃ ᐅᕐᕉᕋᕐᑎᓯᒪᕙᑎᑦ.

ᔨᕆᒤᐊᐅᑉ ᐊᒡᓚᖏᑦ 49:2

ᑍᒤᒻᒪᑦ, ᑕᑯᒋᑦ, ᐅᓪᓗᐃᑦ ᓇᓪᓕᐅᑦᓱᒫᕐᐳᑦ, ᐊᑕᓂᖅ ᐅᖃᕐᐳᖅ, ᐅᓇᑕᕆᐊᖁᔨᓗᖓ ᓂᓪᓕᕈᒫᕋᒪ ᕌᐸᒥᐅᓄᑦ ᐊᒧᓁᑎᒦᑦᑐᓄᑦ, ᓄᓇᓕᕕᓂᑐᐃᓐᓇᐅᓕᕈᒫᕐᐳᑦ, ᓄᓇᓖᓪᓗ ᖃᓂᒋᔭᖓᓃᑦᑐᑦ ᐃᑭᓐᓂᑯᐃᓐᓇᐅᓕᕐᓗᑎᒃ, ᐃᓴᕆᐊᓕᒥᐅᓪᓗ ᐊᕐᓵᕐᓯᔪᒫᕐᐳᑦ ᐊᕐᓵᕐᓯᔨᒋᓚᐅᕐᑕᒥᖕᓂᒃ, ᐊᑕᓂᖅ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 26:14

ᓄᓇ ᕾᕐᑐᑐᐃᓐᓇᐅᓕᕈᒫᕐᐳᖅ; ᓄᓗᐊᓄᑦ ᐃᓯᕕᑦᓯᕕᐅᓕᕐᓗᓂ; ᐃᒡᓗᒐᓴᓕᐅᕐᕕᐅᒃᑲᓐᓂᕈᒫᓐᖏᓚᖅ; ᐅᕙᖓ ᐊᑕᓂᐅᔪᖓ ᐅᖃᕋᒪ, ᐅᖃᕐᐳᖅ ᐊᑕᓂᖅ ᒎᑎ.

ᒤᑲᐅᑉ ᐊᒡᓚᖏᑦ 1:6

“ᑍᒤᒻᒪᑦ ᓴᒥᐊᕆᐊ ᓯᖁᑦᑎᕈᒫᕐᐸᕋ, ᐱᕈᕐᓰᕕᐅᓕᕐᓗᓂ ᕔᓂᒃᓴᓂᒃ, ᐅᔭᕋᖏᓪᓗ ᑎᓲᒃᑎᑦᓱᒫᕐᐸᒃᑲ ᓇᕐᓴᒧᑦ, ᑐᓐᖓᕕᖏᑦ ᑭᓯᐊᓂ ᐊᒥᐊᒃᑰᓗᑎᒃ.

ᒨᓯᓯ ᑕᓪᓕᒪᖏᑦ 7:25

ᒎᑎᓐᖑᐊᖏᑦ ᐃᑯᐊᓪᓚᒃᑎᑕᒃᓴᕆᕙᓯ. ᐱᔪᒥᒋᔭᒃᓴᕆᓐᖏᓚᓯᓗ ᑕᕝᕙᓃᑦᑐᑦ ᓯᐅᓪᕕᕇᑦ ᒎᓗᐃᓪᓗ, ᓇᖕᒥᓂᒃᓴᑦᓯᓐᓂᒡᓘᓐᓃᑦ ᐱᑖᕐᕕᒋᔭᒃᓴᕆᓐᖏᓚᓯ. ᑍᒤᑦᑐᓂᒃ ᐱᔪᕕᓂᐅᑐᐊᕈᑦᓯ, ᑕᒪᓐᓇ ᐅᓗᕆᐊᓇᓪᓚᕆᒃᐳᖅ, ᐊᑕᓂᐅᑉ ᒎᑎᑦᓯ ᒎᑎᓐᖑᐊᖃᕐᓂᖅ ᐆᒥᒋᓪᓚᕆᖕᒪᒍ.

ᒨᓯᓯ ᑕᓪᓕᒪᖏᑦ 7:26

ᒎᑎᓐᖑᐊᕆᔭᐅᔪᓂᒃ ᓇᓪᓕᐊᓐᓂᒡᓘᓐᓃᑦ ᐊᖏᕐᕋᑦᓯᓐᓄᑦ ᓇᒃᓴᕐᑐᒃᓴᐅᓐᖏᓚᓯ, ᑖᒃᑯᐊ ᓯᕗᓂᕐᓗᒃᑎᑕᐅᓂᖏᑎᑐᑦ ᑎᑭᕝᕕᐅᖁᓇᓯ. ᑍᒤᒻᒪᑦ ᒎᑎᓐᖑᐊᑦ ᐆᒥᒋᔭᒃᓴᕆᕙᓯ ᐱᐅᒋᖏᓪᓗᒋᓪᓗ, ᑕᒪᒃᑯᐊ ᑍᒤᑦᑐᑦ ᐊᑕᓂᐅᑉ ᓯᕗᓂᕐᓗᒃᑎᒻᒪᒋᑦ.”

ᔮᓱᐊᑉ ᐊᒡᓚᖏᑦ 6:21

ᓴᕕᒡᔪᐊᒥᖕᓄᓪᓗ ᑐᖁᕅᕗᑦ ᐃᒡᓗᒐᓴᐅᑉ ᐃᓗᐊᓃᑦᑐᓂᒃ, ᐊᖑᑎᓂᒃ, ᐊᕐᓇᓂᒃ, ᐅᕕᒃᑲᓂᒃ ᐃᓄᑐᖃᕐᓂᒡᓗ, ᐃᒻᒧᒃᓯᐅᒐᕐᓂᒃ, ᓰᐱᓂᒃ ᓯᐅᑎᖅᑯᕐᑐᔪᓂᒡᓗ ᑐᖁᕅᓚᐅᕐᐳᑦ.

ᔮᓱᐊᑉ ᐊᒡᓚᖏᑦ 6:24

ᑕᕝᕙ ᐃᒡᓗᒐᓮᑦ ᐃᑯᐊᓪᓚᒃᐰᑦ, ᓱᓇᓕᒫᑦ ᐃᓗᐊᓃᑦᑐᑦ ᓄᖑᓪᓗᒋᑦ; ᐊᒥᐊᒃᑯᑐᐊᖃᓚᐅᕐᐳᑦ ᒎᓗᓂᒃ, ᓯᐅᓪᕕᕆᓂᒃ, ᑲᓐᓄᔭᓂᒃ ᓴᕕᕋᔭᖕᓂᒡᓗ, ᑖᒃᑯᐊᓗ ᐊᑕᓂᐅᑉ ᓄᐊᑦᓯᕕᖁᑎᖓᓄᐊᕐᑕᐅᓚᐅᕐᐳᑦ.

ᔮᓱᐊᑉ ᐊᒡᓚᖏᑦ 6:26

ᑍᑦᓱᒪᓂᐅᑎᓪᓗᒍ ᔮᓱᐊ ᐃᓂᕐᑎᕐᓯᕆᕗᖅ, “ᓇᓪᓕᐊᑦ ᓴᓇᓇᓱᒃᑐᖅ ᐃᒡᓗᒐᓴᖕᓂᒃ ᔨᕆᑯᒥᒃ ᐊᑕᓂᐅᑉ ᓂᓐᖓᐅᓯᖓᓃᓐᓂᐊᕐᐳᖅ. ᓇᓪᓕᐊᓪᓗ ᑐᓐᖓᕕᖓᓂᒃ ᐋᖅᑭᒃᓯᓇᓱᒃᑐᖅ ᐊᖓᔪᒃᓯᕐᐹᖁᑎᒥᓂᒃ ᐊᓯᐅᔨᔪᒫᕐᐳᖅ, ᐃᑎᕐᑕᕐᕕᖓᓂᒡᓗ ᐋᖅᑭᒃᓯᓇᓱᒃᑐᖅ ᓄᑲᕐᓯᕐᐹᖁᑎᒥᓂᒃ ᐊᓯᐅᔨᔪᒫᕐᐳᖅ.”

ᔮᓱᐊᑉ ᐊᒡᓚᖏᑦ 8:28

ᔮᓱᐊᑉ ᐃᑯᐊᓪᓚᓚᐅᕐᐹ ᐂ, ᕿᒪᓚᐅᕐᐹᓗ ᐊᓯᕈᒻᒪᕆᒡᓗᒍ, ᐅᓪᓗᒥᒧᑦ ᓱᓕ ᑍᒤᓕᖓᕗᖅ ᐃᓄᖃᕋᓂ.