ᒨᓯᓯ ᑕᓪᓕᒪᖏᑦ 13:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐃᓄᐃᑦ ᐃᓚᖏᓐᓂᒃ ᓲᖑᓵᕐᑎᓂᒃ ᐃᓕᑦᓯᓐᓄᐊᕐᓯᒪᔪᓂᒃ ᐃᒡᓗᒐᓴᒡᔪᐊᕐᒥᐅᓂᒡᓗ ᓴᖑᑎᑦᓯᓯᒪᒃᐸᑕ, ᐅᖃᕐᓗᑎᒃ, ‘ᐂᓚᐅᕐᑕ ᒎᑎᓂᒃ ᐊᓯᖏᓐᓂᒃ ᐱᔨᑦᓯᕆᐊᕐᑐᕐᓗᑕ,’ ᖃᐅᔨᒪᓚᐅᓐᖏᑕᑦᓯᓐᓂᒃ.

ᒨᓯᓯ ᑕᓪᓕᒪᖏᑦ 13:13 Iomraidhean Croise

ᓴᒧᐃᓕ ᐂᑉᐸᖏᑦ 16:7

ᓯᒥᐂᑉ ᐅᖃᕐᓂᕐᓗᐊᕕᒋᓚᐅᕐᐹ ᐅᖃᐅᑎᓪᓗᒍᓗ, “ᐊᐅᓪᓚᓚᐅᕆᑦ! ᐊᐅᓪᓚᓚᐅᕆᑦ! ᑐᖁᕅᔩ! ᐱᖁᔭᓂᒃ ᓯᖁᑦᑎᕆᔩ!

ᓴᒧᐃᓕ ᐂᑉᐸᖏᑦ 20:1

ᒋᐅᓪᒐᐅᓪᒦᑦᑐᖃᓚᐅᕐᐳᖅ ᐊᑎᓕᖕᒥᒃ ᓰᐸᒥᒃ, ᐱᑭᕆᐅᑉ ᐃᕐᓂᖓᓂᒃ ᑐᑭᖃᑦᓯᐊᖏᑦᑐᒥᒃ, ᐱᓐᔭᒥᓂᐅᑉ ᑭᖑᕚᖏᓐᓂᒥᐅᑕᒥᒃ; ᑎᑦᑐᓚᐅᑎᓂ ᓂᓪᓕᕐᑎᓪᓗᓂᐅᒃ ᕾᒐᓪᓛᓚᐅᕐᐳᖅ, “ᑍᕕᑎ ᑲᑕᓕᕐᓕ! ᒪᓕᑦᔮᓐᖏᓚᕗᑦ ᔨᓯᐅᑉ ᐃᕐᓂᖓ; ᐃᓴᕆᐊᓕᒥᐅᑦ ᐃᓄᖏᑦ, ᐊᖏᕐᕋᓕᕐᑕ!”

ᓴᒧᐃᓕ ᐂᑉᐸᖏᑦ 23:6

ᒎᑎᖃᖏᑦᑐᓕᒫᓪᓕ ᑲᑭᓪᓚᕐᓇᕐᑎᑐᑦ ᐃᒋᑕᐅᕗᑦ; ᐊᒃᑐᕐᑕᐅᔪᓐᓇᕐᓂᐊᓐᖏᓚᓪᓗ ᐊᒡᒐᑐᐃᓐᓇᕐᓄᑦ;

ᐊᑕᓃᑦ ᓯᕗᓪᓖᑦ 21:10

ᐊᖑᑏᖕᓂᒃ ᒪᕐᕉᖕᓂᒃ ᐊᕙᑖᓄᑦ ᐃᖏᑎᑦᓯᓗᓯ, ᐊᑭᕋᕐᑐᕐᓂᐊᕐᑑᖕᓂᒃ ᑖᑦᓱᒥᖓ ᓱᓕᖏᑦᑐᒥᒃ, ᐅᖃᕐᓂᕐᓘᑎᖃᕐᑐᒃᓵᖕᓂᒃ ᐅᖃᕐᓗᑎᒃ, ‘ᒎᑎᒥᒃ ᐊᖓᔪᖅᑳᕐᔪᐊᒥᒡᓗ ᐅᖃᕐᓂᕐᓘᑎᖃᓚᐅᕐᐳᑎᑦ.’ ᐊᓐᓂᓯᓗᒍ, ᐅᔭᖅᑲᓄᑦ ᒥᓪᓗᕆᐊᕐᑐᕐᓯᐅᒃ ᑐᖁᓪᓗᒍ.”

ᐊᑕᓃᑦ ᓯᕗᓪᓖᑦ 21:13

ᐊᖑᑏᒡᓗ ᒪᕐᕉᒃ, ᓴᒡᓗᔪᒃᓵᒃ, ᐃᑎᕋᒥᒃ ᐃᒃᓯᕚᕐᕕᖓᑕ ᐊᑭᐊᓄᑦ ᐃᖏᑉᐴᒃ, ᐅᖃᕐᓂᕐᓘᑎᖃᕐᐳᒡᓗ ᓁᐹᑦᒥᒃ ᐃᓄᐃ ᓵᖓᓂ, ᐅᖃᕐᓗᑎᒃ, “ᓁᐹᑦ ᐅᖃᕐᓂᕐᓘᑎᖃᓚᐅᕐᐳᖅ ᒎᑎᒥᒃ ᐊᖓᔪᖅᑳᕐᔪᐊᕐᒥᒡᓗ.” ᑕᕝᕙ ᐊᓐᓂᓯᕚᑦ ᐃᒡᓗᒐᓮᑦ ᓯᓚᑖᓄᑦ ᒥᓪᓗᕐᐹᓪᓗ ᐅᔭᖅᑲᓄᑦ ᑐᖁᓪᓗᒍ.

ᐊᑕᓃᑦ ᐂᑉᐸᖏᑦ 17:21

ᐊᑕᓂᐅᑉ ᐊᕕᑎᓯᒪᓕᕐᒪᒋᑦ ᐃᓴᕆᐊᓕᒥᐅᑉ ᔫᑕᒥᐅᓪᓗ, ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᕐᑖᕐᐳᑦ ᔨᕆᐳᐊᒻᒥᒃ ᓂᐹᑎᐅᑉ ᐃᕐᓂᖓᓂᒃ, ᔨᕈᐳᐊᒻ ᐃᓴᕆᐊᓕᒥᐅᑉ ᐊᑕᓂᕐᒥᒃ ᕿᒤᑎᒋᐊᓪᓚᑐᐃᓐᓇᓚᐅᕐᐰᑦ ᐊᔪᕐᑐᓕᓂᕐᒥ ᐃᓅᓯᖃᕐᑎᓪᓗᓂᒋᑦ.

ᑯᕉᓂᑲ ᐂᑉᐸᖏᑦ 13:7

ᐊᑑᑎᖃᖏᑦᑐᓪᓗ ᐃᓚᓕᐅᑎᓚᐅᕐᐳᑦ ᑖᑦᓱᒧᖓ, ᐊᔪᐃᓐᓇᓚᐅᕐᐳᑦ ᐊᑭᕋᕐᑐᕈᒪᓪᓗᑎᒃ ᕆᕼᐅᐳᐊᒻᒧᑦ ᓲᓗᒨᓂᐅᑉ ᐃᕐᓂᖓᓄᑦ, ᕆᕼᐅᐳᐊᒻ ᐃᓅᓱᒃᑑᑎᓪᓗᒍ ᖃᐅᔨᒪᓐᖏᓗᐊᕐᑎᓪᓗᒍᓗ ᑖᒃᑯᓂᖓ ᐊᑭᒪᔪᓐᓇᓚᐅᖏᒻᒪᑦ.

ᔪᐊᓇᓯᐅᑉ ᐊᒡᓚᖏᑦ 8:44

ᐊᑖᑕᑦᓯᓐᓂᑦ ᓵᑖᓇᓯᒥᑦ ᐱᕗᓯ, ᐊᑖᑕᑦᓯᓗ ᐱᔪᒪᔭᖏᑦ ᒪᓕᒍᒪᕙᓯ. ᑖᓐᓇ ᐱᒋᐊᕐᓂᖓᓂᑦ ᐃᓄᐊᕐᑎᐅᕗᖅ, ᓱᓕᔪᒥᒡᓗ ᐱᓯᒪᓚᐅᕐᓯᒪᓐᖏᓚᖅ, ᓱᓕᓂᖅ ᑖᑦᓱᒪᓃᖏᒻᒪᑦ. ᓴᒡᓗᒍᓂ, ᐱᐅᓯᒥᓂᒃ ᐊᑐᕐᐳᖅ, ᓴᒡᓗᑐᔫᒐᒥ ᓴᒡᓗᓂᐅᓪᓗ ᐊᑖᑕᒋᕚ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:15

ᖃᓄᕐᓕ ᙭ᔅᑑᓯᓗ ᐱᓔᐊᓕᓗ ᐊᑕᐅᓯᐅᖃᑎᒌᒍᓐᓇᕐᐹᒃ? ᐅᕝᕙᓗ ᖃᓄᖅ ᐅᒃᐱᕐᑐᕐᓗ ᐅᒃᐱᖏᑦᑐᕐᓗ ᑲᑐᑦᔨᖃᑎᒌᒍᓐᓇᕐᐹᒃ.

ᒨᓯᓯ ᑕᓪᓕᒪᖏᑦ 13:12

“ᑐᓴᕈᑦᓯ ᐃᒡᓗᒐᓴᒡᔪᐊᑦ ᐃᓚᖓᓐᓂ, ᐊᑕᓂᐅᑉ ᒎᑎᑦᓯ ᐃᓕᑦᓯᓐᓄᑦ ᑐᓂᓯᒪᔭᖓᓂᒃ ᓄᓇᒋᖁᓪᓗᒍ,

ᒨᓯᓯ ᑕᓪᓕᒪᖏᑦ 13:14

ᑕᕝᕙ ᐊᐱᕐᓱᕐᑐᒃᓴᐅᕗᓯ ᕿᓂᕐᓗᓯᓗ ᑐᑭᓯᓇᓱᐊᑦᓯᐊᕐᓗᓯ; ᑕᒪᓐᓇ ᓱᓕᒃᐸᑦ ᓇᓗᓁᕐᓗᓂᓗ ᑍᒫᒃ ᒎᑎᐅᑉ ᓇᕐᕈᒋᔭᖓᓂᒃ ᐱᓇᓱᐊᕐᑐᖃᕐᓯᒪᓂᖓᓂᒃ ᐊᑯᓐᓇᑦᓯᓐᓂ,

ᒨᓯᓯ ᑕᓪᓕᒪᖏᑦ 13:2

ᒎᑎᓐᖑᐊᓄᑦ ᑐᒃᓯᐊᖃᑦᑕᓕᖁᓪᓗᓯ ᑕᓯᐅᕐᓯᓇᓱᐊᕐᐸᑕ ᓯᕗᓂᖓᒍᑦ ᑐᒃᓯᐊᕐᕕᒋᓚᐅᕐᓯᒪᓐᖏᑕᑦᓯᓐᓄᑦ ᓇᓗᓁᒃᑯᑍᑦ ᑲᒪᓇᕐᑐᓪᓗ ᐅᖃᐅᓯᕆᓚᐅᕐᑕᖏᑦ ᓇᓚᐅᑦᓯᒐᓗᐊᕐᐸᑕ,

ᒨᓯᓯ ᑕᓪᓕᒪᖏᑦ 13:6

“ᖃᑕᓐᖑᑎᕕᑦ, ᐊᓈᓇᕕᑦ ᐃᕐᓂᕕᓪᓘᓐᓃᑦ, ᐸᓂᕕᓪᓘᓐᓃᑦ, ᓄᓕᐊᕕᓪᓘᓐᓃᑦ ᓇᒡᓕᒋᒻᒪᕆᒃᑕᕕᑦ ᐱᖃᓐᓇᕆᔭᕕᓪᓘᓐᓃᑦ ᖃᓂᒋᒻᒪᕆᒃᑕᕕᑦ ᐃᔨᕋᕐᑐᕐᓗᓂ ᒎᑎᓐᖑᐊᓄᑦ ᑐᒃᓯᐊᖃᑦᑕᖁᓗᓂᑎᑦ ᐃᓇᓐᓇᓱᐊᕐᐸᑎᑦ, ᒎᑎᒋᔭᐅᔪᓄᑦ ᐃᕝᕕᓪᓗ ᓯᕗᓕᕕᓂᕐᐱᓪᓗ ᖃᐅᔨᓚᐅᕐᓯᒪᓐᖏᑕᖏᓐᓄᑦ.

ᒨᓯᓯ ᑕᓪᓕᒪᖏᑦ 17:4

ᑍᒤᑦᑐᒥᒃ ᐅᖃᐅᓯᐅᔪᒥᒃ ᑐᓴᕈᑦᓯ, ᖃᐅᔨᓇᓱᐊᑦᓯᐊᕐᑐᒃᓴᐅᕗᓯ ᐊᐱᕐᓱᖃᑦᑕᕐᓗᓯ, ᑕᒪᓐᓇᓗ ᓱᓕᒃᐸᑦ ᐱᐅᖏᑦᑐᓕᓂᕐᒥᒡᓗ ᑍᒤᑦᑐᒥᒃ ᐊᑐᕐᑐᖃᓕᕐᐸᑦ ᐃᓴᕆᐊᓕᒥ,

ᒨᓯᓯ ᑕᓪᓕᒪᖏᑦ 4:19

ᑐᒃᓯᐊᕐᕕᖃᕈᒪᓗᓯ ᐱᔨᑦᓯᕈᒪᓗᓯᓗ ᐃᓱᒪᑦᑍᓕᒋᑦᓯ ᕿᓚᖕᒥ ᑕᑯᕙᒃᑕᑦᓯᓐᓂᒃ, ᓯᕿᓂᕐᒥᒃ, ᑕᖅᑭᕐᒥᒃ, ᐅᓪᓗᕆᐊᓂᒡᓗ, ᐊᑕᓂᐅᑉ ᒎᑎᑦᓯ ᑕᒪᒃᑯᐊ ᑐᓂᓯᒪᖕᒪᒋᑦ ᐃᓅᖃᑎᒌᓄᑦ ᐊᓯᑦᓯᓐᓄᑦ ᑐᒃᓯᐊᕐᕕᒋᔭᐅᖁᓪᓗᒋᑦ.

ᔪᐊᓇᓯ ᓯᕗᓪᓖᑦ 2:19

ᑖᒃᑯᐊ ᐅᕙᑦᑎᓐᓂᒃ ᕿᒤᕗᑦ, ᐃᓚᒋᔭᐅᓪᓚᕆᒃᓯᒪᖏᓐᓇᒥᒃ; ᐅᕙᑦᑎᓐᓄᑦ ᐃᓚᒋᔭᐅᓪᓚᕆᒃᓯᒪᒍᑎᒃ, ᐃᓚᐅᖏᓐᓇᕋᔭᓚᐅᕐᐳᑦ; ᕿᒤᓯᒪᕗᓪᓕ, ᓇᓗᓇᕈᓐᓁᖁᓪᓗᒋᑦ ᐅᕙᑦᑎᓐᓄᑦ ᐃᓚᒋᔭᐅᓪᓚᕆᒃᓯᒪᖏᓐᓂᖏᓐᓂᒃ.

ᔪᐊᓇᓯ ᓯᕗᓪᓖᑦ 3:10

ᑕᒪᑐᒨᓇ ᓇᓗᓇᓐᖏᓚᖅ ᑭᓇᒃᑯᑦ ᒎᑎᐅᑉ ᕿᑐᕐᖓᕆᖕᒪᖔᒋᑦ, ᑭᓇᑯᓪᓗ ᓵᑖᓇᓯᐅᑉ ᕿᑐᕐᖓᕆᖕᒪᖔᒋᑦ: ᓇᓪᓕᐊᑦ ᓇᓛᒎᕐᑐᒥᒃ ᐱᓇᓱᐊᖏᑦᑐᖅ ᒎᑎᒥᑦ ᐱᓐᖏᓚᖅ; ᐅᕝᕙᓗ ᐃᓅᖃᑎᒥᓂᒃ ᓇᒡᓕᒍᓱᖏᑦᑐᖅ.

ᔫᑎᐅᑉ ᐊᒡᓚᖏᑦ 1:19

ᑖᒃᑯᐊ ᑕᕝᕙ ᐃᓄᖕᓂᒃ ᐊᕕᑎᑦᓯᔪᑦ, ᓯᓚᕐᔪᐊᕐᒥᒃ ᒪᓕᑐᐃᓐᓇᕐᑐᑦ, ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐱᓯᒪᖏᑦᑐᑦ.

ᐃᓗᐊᕐᓮᔩᑦ ᐊᒡᓚᖏᑦ 19:22

ᖁᕕᐊᓱᖃᑎᒋᓕᕐᓗᒋᓪᓗ, ᑕᕝᕔᓐᓇᖅ ᓄᓕᐊᕐᓂᕐᒥᒃ ᐊᑐᕐᓂᕐᓗᒃᑎᓂᑦ ᐃᒡᓗᖓ ᐊᕙᑕᖏᕐᑕᐅᕗᖅ ᐅᒃᑯᐊᖓᓂᒡᓗ ᐊᑦᓴᕐᑕᕐᓗᑎᒃ; ᐊᖑᓪᓗ ᐃᑦᑐᖅ ᐅᖃᐅᑎᕚᑦ, “ᐊᖑᑦ ᑍᓐᓇ ᐊᖏᕐᕋᐅᑎᔧᑦ ᐊᓂᑎᒍᒃ! ᓄᓕᐊᕈᒪᒐᑦᑎᒍ!”

ᐃᓗᐊᕐᓮᔩᑦ ᐊᒡᓚᖏᑦ 20:13

ᑍᒃᑯᐊ ᐃᓄᐃᑦ ᒋᐱᐊᒥ ᕾᓚᐅᕐᓯᐅᒃ, ᐱᐅᖏᑦᑐᐊᓗᖕᒥᒃ ᐱᓂᐊᕐᓂᖃᕐᑐᕕᓃᑦ, ᑐᖁᓐᓂᐊᕋᑦᑎᒍ, ᐱᐅᖏᑦᑐᕐᓗ ᐲᕐᓂᐊᕋᑦᑎᒍ ᐃᓴᕆᐊᓕᒥᑦ.” ᐱᓐᔭᒥᓂᐅᓪᓕ ᑭᖑᕚᖏᑦ ᓈᓚᓚᐅᓐᖏᓚᑦ, ᖃᑕᓐᖑᑎᒥᖕᓂᒃ ᐃᓴᕆᐊᓕᒥᐅᑦ ᐃᓄᖏᓐᓂᒃ.

ᓴᒧᐃᓕ ᓯᕗᓪᓖᑦ 10:27

ᐃᓚᖏᓪᓕ ᐊᑭᕋᕐᑐᕐᑐᑦ ᐅᖃᕐᐳᑦ, “ᖃᓅᖅ ᑖᑦᓱᒧᖓ ᐱᐅᓕᔭᐅᔪᓐᓇᕋᑦᑕ?” ᑕᕝᕙ ᑖᑦᓱᒥᖓ ᓇᕐᕈᓕᕐᐳᑦ, ᐂᑦᑐᕐᓇᒍᓗ ᐱᑖᒃᓴᖏᓐᓂᒃ. ᓴᐅᓕᓕ ᓮᒪᓂᖃᑦᓯᐊᓚᕐᐳᖅ.

ᓴᒧᐃᓕ ᓯᕗᓪᓖᑦ 2:12

ᐃᓔᓪᓕ ᐃᕐᓂᖏᑦ ᐱᐅᖏᑦᑐᓕᒻᒪᕆᓚᐅᕐᐳᑦ; ᐊᑕᓂᕐᒥᒡᓗ ᐃᒃᐱᒍᓱᒐᑎᒃ.

ᓴᒧᐃᓕ ᓯᕗᓪᓖᑦ 25:17

ᑍᒤᒻᒪᑦ ᑕᒪᓐᓇ ᖃᐅᔨᒪᓕᕈᒃ ᐃᓱᒪᒃᓴᕐᓯᐅᕐᓗᑎᓪᓗ ᖃᓄᐃᓕᐅᕐᓂᐊᕐᒪᖔᕐᐱᑦ; ᑕᒪᓐᓇ ᐊᖓᔪᖅᑳᑦᑎᓐᓄᑦ ᐱᐅᖏᑦᑐᒧᑦ ᑐᕌᖓᓕᕐᒪᑦ ᐃᒡᓗᒥᐅᖃᑎᖏᓐᓄᓪᓗ, ᐃᓱᒪᓗᒃᑐᐊᓘᖕᒪᑦ ᓇᓪᓕᐊᓐᓂᒡᓘᓐᓃᑦ ᓈᓚᒍᓐᓇᕋᓂ.”

ᓴᒧᐃᓕ ᓯᕗᓪᓖᑦ 25:25

ᐊᖓᔪᖅᑳᕋ ᐃᓱᒪᒋᑦᑍᓕᒍᒃ ᓁᐴᓪ ᐃᓱᒪᓗᒃᑐᖅ; ᐊᑎᖓ ᒪᓕᒃᐳᖅ ᐃᓄᖕᒥᓄᑦ; ᓁᐳᓪᒥᒃ ᐊᑎᖃᕋᒥ, ᓯᒃᑲᖓᓂᖅ ᐱᒋᕚ; ᐅᕙᖓᓕ ᐱᔩᑦ ᐊᖓᔪᖅᑳᒪ ᑎᓕᓚᐅᕐᑕᖏᓐᓂᒃ ᐃᓅᓱᒃᑐᓂᒃ ᖃᐅᔨᓚᐅᓐᖏᓚᖓ.