ᒨᓯᓯ ᑕᓪᓕᒪᖏᑦ 13:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐅᔭᖅᑲᓄᑦ ᒥᓪᓗᕐᑕᒃᓴᕆᕙᓯ ᑐᖁᓪᓗᒍ, ᑖᑦᓱᒪ ᓴᖑᑎᓐᓇᓱᐊᓚᐅᕐᒪᓯ ᐊᑕᓂᕐᒥᑦ ᒎᑎᑦᓯᓐᓂᑦ, ᐃᓕᑦᓯᓐᓂᒃ ᐊᐅᓪᓚᕐᑎᑦᓯᓚᐅᕐᑐᒥᒃ ᐄᑦᔨᑉᑎᒥᑦ, ᑕᕝᕙᓐᖓᑦ ᕿᓚᒃᓱᕐᑕᐅᓯᒪᕕᒋᓚᐅᕐᑕᑦᓯᓐᓂᑦ.

ᒨᓯᓯ ᑕᓪᓕᒪᖏᑦ 13:10 Iomraidhean Croise

ᐊᑕᓃᑦ ᐂᑉᐸᖏᑦ 11:18

ᐃᓄᓕᒫᑦ ᓇᑭᑐᐃᓐᓇᖅ ᐱᓯᒪᔫᑦ ᐰᓕᐅᑉ ᑐᒃᓯᐊᕐᕕᒡᔪᐊᖓᓄᑦ ᐂᓪᓗᑎᒃ ᒎᑎᓐᖑᐊᖅ ᐅᕐᕈᑎᑉᐹᑉ, ᑐᓂᕐᕈᓯᕐᕕᒃᑕᖏᓪᓗ ᓴᓇᓐᖑᐊᕐᓯᒪᔪᓪᓗ ᓯᖁᑦᑎᕐᑕᐅᕗᑦ. ᒫᑖᓂ ᑐᓂᕐᕈᓯᕐᑎᑦᓯᔨᐅᔪᖅ ᑕᕝᕙᓂ ᑐᓂᕐᕈᓯᕐᕕᐅᑉ ᓴᓂᐊᓂ ᑐᖁᑕᐅᕗᖅ. ᔨᕼᐅᐃᐊᑕ ᑐᓂᕐᕈᓯᕐᑎᑦᓯᔨ ᐅᓇᑕᕐᑎᓂᒃ ᖃᐅᔨᓴᕐᑎᐅᓂᐊᕐᑐᓂᒃ ᑎᓕᓯᕗᖅ ᐊᑕᓂᐅᑉ ᑐᒃᓯᐊᕐᕕᒃᔪᐊᖓᓂ.

ᑯᕉᓂᑲ ᐂᑉᐸᖏᑦ 24:21

ᑖᑦᓱᒥᖓᓕ ᐊᑭᕋᕐᑐᓕᕐᐳᑦ, ᐊᖓᔪᖅᑲᕐᔪᐊᓪᓗ ᑎᓕᓯᓂᖓ ᒪᓕᒡᓗᒍ ᒥᓪᓗᕐᐹᑦ ᐊᑕᓂᐅᑉ ᐃᒡᓗᖓᑕ ᓯᓚᓪᓕᐅᔭᖓᓂᑦ.

ᒨᓯᓯ ᐂᑉᐸᖏᑦ 20:2

“ᐅᕙᖓ ᐊᑕᓂᐅᕗᖓ ᒎᑎᓯ, ᐅᕙᖓ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᐸᑦᓯ ᑕᕝᕙᓐᖓᑦ ᓱᒃᑯᔨᐊᖑᕕᒋᓚᐅᕐᑕᑦᓯᓐᓂᑦ.

ᒨᓯᓯ ᐂᑉᐸᖏᑦ 32:27

ᐅᖃᐅᑎᕔᓪᓗ, “ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓ ᐅᖃᕐᐳᖅ, ‘ᐃᓕᑦᓯ ᐊᑐᓂᑦ ᓴᕕᒡᔪᐊᒥᒃ ᑎᒍᓯᔪᒃᓴᐅᕗᓯ, ᑕᖕᒫᕐᓯᒪᕕᐅᑉ ᐹᖓᓂᑦ ᐱᒋᐊᕐᓗᓯ ᐃᓱᐊᓄᑦ ᑎᑭᓪᓗᓯ ᑐᖁᕅᖁᓪᓗᓯ ᖃᑕᓐᖑᑎᑦᓯᓐᓂᒃ, ᐃᓚᓐᓇᕆᔭᑦᓯᓐᓂᒡᓗ, ᐃᓅᖃᑎᑦᓯᓐᓂᒡᓗ.’”

ᒨᓯᓯ ᐱᖓᔪᖏᑦ 20:2

“ᐃᓴᕆᐊᓕᒥᐅᑦ ᐅᖃᐅᑎᒃᑭᑦ, ᐃᓴᕆᐊᓕᒥᐅᑦ ᐃᓴᕆᐊᓕᒥᐅᖑᖏᑦᑐᓪᓘᓐᓃᑦ ᐃᓴᕆᐊᓕᒥ ᓄᓇᖃᕐᑐᑦ ᕿᑐᕐᖓᒥᖕᓂᒃ ᑐᓂᕐᕈᑎᖃᕐᑐᖅ ᒎᑎᓐᖑᐊᒧᑦ ᒧᓕᑭᒧᑦ ᑐᖁᑕᐅᔭᕆᐊᖃᕐᐳᑦ. ᓄᓇᖅᑲᑎᒌᑦ ᒥᓪᓗᕐᓗᒍ ᑐᖁᑕᒃᓴᕆᕚᑦ.

ᒨᓯᓯ ᐱᖓᔪᖏᑦ 20:27

“ᐊᖑᑦ ᐊᕐᓇᕐᓘᓐᓃᑦ ᑐᖁᖓᔪᓂᒃ ᐅᖃᖃᑎᖃᕈᓐᓇᕋᓱᐊᕐᑐᖅ ᓇᓗᓇᕐᑐᓂᒡᓘᓐᓃᑦ ᖃᐅᔨᒪᑦᔪᑎᖃᕋᓱᐊᕐᑐᖅ ᓄᓇᑦᓯᓐᓃᑦᑐᖅ, ᑐᖁᑕᐅᔭᕆᐊᖃᕐᐳᖅ ᐅᔭᖅᑲᓄᑦ ᒥᓪᓗᕐᑕᐅᓗᓂ ᑐᖁᑕᐅᓕ. ᓇᖕᒥᓂᖅ ᑐᖁᑕᐅᑦᔪᑎᒃᓴᒥᓂᒃ ᐱᓇᓱᐊᕐᒪᑦ.”

ᒨᓯᓯ ᐱᖓᔪᖏᑦ 24:23

ᒨᓯᓯ ᑕᒪᑐᒥᖓ ᐅᖃᐅᓯᖃᓚᐅᕐᑎᓪᓗᒍ ᐃᓴᕆᐊᓕᒥᐅᓄᑦ, ᑍᓐᓇ ᒎᑎᒥᒃ ᐅᖃᕐᓂᕐᓘᑎᖃᕐᓯᒪᔪᖅ ᓄᓇᓕᖕᓂᑦ ᐊᓂᑎᓚᐅᕐᐹᑦ, ᐅᔭᖅᑲᓄᓪᓗ ᒥᓪᓗᕐᓗᒍ ᑐᖁᑉᐹᑦ. ᑍᒫᒃ ᐃᓴᕆᐊᓕᒥᐅᑦ ᐊᑕᓂᐅᑉ ᐱᖁᔭᖓᓂᒃ ᐊᑑᑎᑦᓯᐊᓚᐅᕐᐳᑦ.

ᒨᓯᓯ ᑕᓪᓕᒪᖏᑦ 13:5

ᓇᓪᓕᐊᓪᓕ ᓯᓐᓇᒃᑑᒪᓂᒃ ᑐᑭᓯᓇᕐᓯᑎᑦᓯᔪᓐᓇᕐᓂᕋᕐᑐᖅ ᐱᔪᖃᓛᕐᑐᒥᒡᓗ ᐅᖃᕐᑎᐅᓂᕋᕐᑐᖅ ᑐᑯᑕᐅᔪᒃᓴᐅᕗᖅ, ᐃᓕᑦᓯᓐᓂᒃ ᐊᔪᕆᕐᑐᐃᖕᒪᑦ ᐊᑭᕋᕐᑐᕐᓂᕐᒥᒃ ᐊᑕᓂᕐᒧᑦ ᒎᑎᑦᓯᓐᓂᒃ, ᑖᑦᓱᒥᖓ ᓴᐳᑦᔨᔨᒋᓚᐅᕐᑕᑦᓯᓐᓂᒃ ᓄᓇᒥᑦ ᐄᑦᔨᑉᑎᒥᑦ ᐱᐅᓕᓪᓗᓯᓗ ᕿᓚᒃᓱᕐᑕᐅᓯᒪᕕᖕᒥᑦ, ᑍᒤᑦᑐᖅ ᐃᓄᒃ ᑕᓯᐅᕐᓯᓇᓱᐊᕐᒪᑦ ᐊᖅᑯᑎᒥᒃ ᕿᒤᖁᓪᓗᓯ ᐊᑕᓂᐅᑉ ᒎᑎᑦᓯ ᐃᓕᑦᓯᓐᓄᑦ ᐊᑐᕐᑕᐅᖁᓚᐅᕐᑕᖓᓂᑦ. ᑍᒤᑦᑐᖅ ᐃᓄᒃ ᑐᖁᑕᐅᔪᒃᓴᐅᕗᖅ, ᐊᑯᓐᓇᑦᓯᓐᓂ.

ᒨᓯᓯ ᑕᓪᓕᒪᖏᑦ 17:5

ᑕᕝᕙ ᐃᓅᒃ ᐊᖑᓪᓘᓐᓃᑦ ᐊᕐᓇᕐᓘᓐᓃᑦ ᓄᓇᓖᑦ ᓯᓚᑖᓄᐊᕈᑎᓗᒍ ᒥᓪᓗᕐᑕᐅᓗᓂ ᑐᖁᑕᐅᔪᒃᓴᐅᕗᖅ.

ᒨᓯᓯ ᑕᓪᓕᒪᖏᑦ 17:7

ᖃᐅᔨᓯᒪᔪᓪᓕ ᓯᕗᓪᓕᕐᐸᐅᓗᑎᒃ ᒥᓗᕆᐊᖅᑳᕐᑐᒃᓴᐅᕗᑦ ᐅᔭᖅᑲᓄᑦ ᑐᖁᖁᓪᓗᒍ, ᑕᕝᕙ ᑭᖑᓂᖓᒍᑦ ᐃᓄᓕᒫᑦ ᒥᓪᓗᓕᕋᔭᕐᐳᑦ ᑖᑦᓱᒥᖓ; ᑕᕝᕙ ᑍᒤᓕᐅᕐᓗᓯ ᐱᐅᖏᑦᑐᓕᓂᖅ ᑍᒤᑦᑐᖅ ᓄᖅᑲᕐᑎᒃᑲᔭᕐᐸᓯ.

ᒨᓯᓯ ᑕᓪᓕᒪᖏᑦ 21:21

ᑕᕝᕙ ᐊᖑᑎᓕᒫᑦ ᐃᒡᓗᒐᓴᒡᔪᐊᓃᑦᑐᑦ ᒥᓪᓗᕐᓗᒍ ᑐᖁᑕᒃᓴᕆᕚᑦ; ᑍᒫᒃ ᑕᕝᕙ ᐱᐅᖏᑦᑐᓕᓂᖅ ᐲᕋᔭᕐᐸᓯ ᐊᑯᓐᓇᑦᓯᓐᓂᑦ. ᐃᓴᕆᐊᓕᒥᐅᓕᒫᑦ ᖃᓄᐃᑦᑐᖃᕐᓂᕕᓂᖓᓂᒃ ᑐᓴᕋᔭᕐᐳᑦ, ᓯᕘᕋᓕᕐᓗᑎᒡᓗ.”

ᒨᓯᓯ ᑕᓪᓕᒪᖏᑦ 4:19

ᑐᒃᓯᐊᕐᕕᖃᕈᒪᓗᓯ ᐱᔨᑦᓯᕈᒪᓗᓯᓗ ᐃᓱᒪᑦᑍᓕᒋᑦᓯ ᕿᓚᖕᒥ ᑕᑯᕙᒃᑕᑦᓯᓐᓂᒃ, ᓯᕿᓂᕐᒥᒃ, ᑕᖅᑭᕐᒥᒃ, ᐅᓪᓗᕆᐊᓂᒡᓗ, ᐊᑕᓂᐅᑉ ᒎᑎᑦᓯ ᑕᒪᒃᑯᐊ ᑐᓂᓯᒪᖕᒪᒋᑦ ᐃᓅᖃᑎᒌᓄᑦ ᐊᓯᑦᓯᓐᓄᑦ ᑐᒃᓯᐊᕐᕕᒋᔭᐅᖁᓪᓗᒋᑦ.

ᔮᓱᐊᑉ ᐊᒡᓚᖏᑦ 7:25

ᑕᕝᕙ ᔮᓱᐊᑉ ᐅᖃᐅᑎᕚ, “ᖃᓄᐃᒻᒪᑦ ᐱᐅᖏᑦᑐᒥᒃ ᐅᕙᑦᑎᓐᓄᑦ ᐱᑎᑦᓯᓚᐅᕐᐲᑦ? ᐊᑕᓂᐅᑉ ᒫᓐᓇ ᐱᐅᖏᑦᑐᒥᒃ ᐱᑎᓐᓂᐊᓕᕐᐹᑎᑦ.” ᐃᓴᕆᐊᓕᒥᐅᓕᒫᓪᓗ ᐅᔭᕋᖕᓄᑦ ᒥᓪᓗᕐᐹ ᑐᖁᓪᓗᒍ; ᐃᑭᓪᓗᒋᓪᓗ ᐃᓚᖏᑦ ᐱᖁᑎᖏᓪᓗ.