ᒨᓯᓯ ᑕᓪᓕᒪᖏᑦ 12:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐊᐅᖏᑦ ᓂᕆᔭᕆᐊᖃᕋᔭᓐᖏᑕᑐᐊᕆᕙᓯ; ᒪᓂᖅᑲᒧᓪᓕ ᑯᕕᔭᒃᓴᕆᕙᓯ ᐃᒥᕐᑎᑐᑦ.

ᒨᓯᓯ ᑕᓪᓕᒪᖏᑦ 12:16 Iomraidhean Croise

ᒨᓯᓯ ᓯᕗᓪᓖᑦ 9:4

ᓂᕆᔭᕆᐊᖃᓐᖏᓚᓯᓕ ᓂᕿᒥᒃ ᐃᓅᓯᖓᓂᒃ ᐃᓚᖃᕐᑐᒥᒃ, ᑕᕝᕙ ᐊᐅᖓᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 24:7

ᐃᓄᐊᕐᑕᐅᖃᑦᑕᕐᑐᑦ ᐃᒡᓗᒐᓴᒡᔪᐊᓂ ᓱᓕ ᐊᐅᖏᑦ ᐃᒡᓗᒐᓴᖕᓃᑉᐳᑦ; ᐊᐅᓈᕐᑎᑕᐅᖃᑦᑕᕐᒪᑕ ᕾᕐᑐᒧᑦ; ᓄᓇᒧᑦ ᓴᐅᔭᐅᔪᓐᓇᕐᑐᒧᑦ ᐊᐅᓈᖃᑦᑕᖏᒻᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 33:25

ᑍᒤᒻᒪᑦ ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ, ᓂᕿᒥᒃ ᓂᕆᖃᑦᑕᕐᐳᓯ ᐊᐅᓕᖕᓂᒃ, ᒎᑎᓐᖑᐊᓄᓪᓗ ᑐᒃᓯᐊᕐᕕᖃᕐᐸᒡᓗᓯ, ᐃᓄᐊᕐᐸᒡᓗᓯᓗ; ᑍᒤᑦᑑᓗᓯ ᓄᓇᒥᒃ ᑐᓂᓯᕕᐅᔭᕆᐊᖃᕐᐱᓰ?

ᒨᓯᓯ ᐱᖓᔪᖏᑦ 19:26

“ᓂᕿᒥᒃ ᐊᐅᖏᕐᓯᒪᖏᑦᑐᒥᒃ ᓂᕆᔪᒃᓴᐅᓐᖏᓚᓯ. ᓇᓗᓇᕐᑐᓂᒃ ᖃᐅᔨᒪᓇᓱᐊᕐᓂᕐᒥᒃ ᐊᖓᒃᑰᓇᓱᐊᕐᓂᕐᒥᒡᓗ ᐊᑐᕐᑐᒃᓴᐅᓐᖏᓚᓯ.

ᒨᓯᓯ ᐱᖓᔪᖏᑦ 3:17

ᑕᒪᓐᓇ ᑕᕝᕙ ᐱᖁᔭᖅ ᑭᖑᕚᕇᓄᑦ ᑭᖑᓪᓕᒃᓴᑦᑎᓐᓄᓪᓗ ᑐᕌᕐᑐᖅ, ᓇᓂ ᓄᓇᖃᕋᓗᐊᕈᕕᑦ ᓂᕆᔪᒃᓴᐅᓐᖏᓪᓚᑎᑦ ᑐᓐᓄᕐᒥᒃ ᐊᐅᖕᒥᒡᓘᓐᓃᑦ.’”

ᐋᐴᓯᑕᓖᑦ ᐱᓂᐊᕐᓂᖏᑦ 15:20

ᑎᑎᕋᕐᕕᒋᔭᒃᓴᕆᕙᕗᓪᓕ ᐅᖃᐅᑎᓗᒋᑦ ᓂᕆᖃᑕᐅᖁᖏᓪᓗᒋᑦ ᐆᒪᔪᕕᓂᕐᓂᒃ ᒎᑎᓐᖑᐊᓄᑦ ᑐᓂᕐᕈᑕᐅᓯᒪᔪᓂᒃ, ᓄᓕᐊᕐᓂᕐᒥᒡᓗ ᐊᑐᕐᓂᕐᓗᒃᑍᓕᖏᑦᑐᓄᑦ ᐃᓚᐅᖃᑕᖁᖏᓪᓗᒋᑦ, ᓂᕆᖃᑦᑕᖁᖏᓪᓗᒋᓪᓗ ᐆᒪᔪᓂᒃ ᕿᒥᑕᐅᓗᑎᒃ ᑐᖁᑕᐅᓯᒪᔪᓂᒃ, ᐊᐅᒃᑐᖃᑦᑕᖁᖏᓪᓗᒋᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 15:29

ᒎᑎᓐᖑᐊᓄᑦ ᑐᓂᕐᕈᑎᕕᓂᕐᓂᑦ ᓂᕆᖁᓇᓯ, ᐆᒪᔫᓪᓗ ᕿᒥᑕᕕᓂᐅᑉ ᐊᐅᖓᓂᒃ ᓂᕿᖓᓂᒡᓗ ᓂᕆᖁᓇᓯ; ᓄᓕᐊᕐᓂᕐᒥᒡᓗ ᐊᑐᕐᓂᕐᓗᖁᓇᓯ. ᑕᒪᒃᑯᓂᖓ ᐊᑐᕐᑍᓕᒍᑦᓯ ᐊᑲᐅᔪᒥᒃ ᐱᓂᐊᕐᐳᓯ. ᑕᕝᕙᐅᕗᓯ.”

ᒨᓯᓯ ᑕᓪᓕᒪᖏᑦ 15:22

ᑍᒤᑦᑐᓪᓕ ᓂᕐᔪᑏᑦ ᐊᖏᕐᕋᑦᓯᓐᓂ ᓂᕆᔪᓐᓇᕐᐸᓯ; ᐅᒃᐱᕐᓂᒃᑯᑦ ᓴᓗᒪᓂᕋᕐᑕᐅᒐᓗᐊᕐᐸᑦ ᓴᓗᒪᓂᕋᕐᑕᐅᖏᑉᐸᓪᓘᓐᓃᑦ, ᓂᕆᔭᒃᓴᕆᕙᓯ, ᑐᑐᖓᔪᒥᒃ ᑐᒃᑑᔮᕐᑐᒥᒡᓘᓐᓃᑦ ᓂᕆᒐᔭᕐᓂᑦᓯᑐᑦ.

ᒨᓯᓯ ᑕᓪᓕᒪᖏᑦ 15:23

ᐊᐅᖏᓪᓕ ᓂᕆᔭᐅᔪᒃᓴᐅᓐᖏᓚᑦ; ᒪᓂᖅᑲᒧᓪᓕ ᑯᕕᔭᒃᓴᕆᕙᓯ ᐃᒥᕐᑎᑐᑦ.”

ᑎᒧᑎᒧᑦ ᓯᕗᓪᓖᑦ 4:4

ᒎᑎᐅᑉ ᐱᓐᖑᕐᑎᓯᒪᔭᓐᖏᑦ ᑕᒪᕐᒥᒃ ᐱᐅᖕᒪᑕ, ᓇᕐᕈᒋᔭᒃᓴᐅᓐᖏᓚᑦ ᑐᒃᓯᐊᕐᓂᒃᑯᑦ ᖁᔭᓕᑦᔪᑕᐅᓗᑎᒃ ᑎᒍᔭᐅᒃᐸᑕ;

ᓴᒧᐃᓕ ᓯᕗᓪᓖᑦ 14:32

ᑍᒤᒻᒪᑦ ᑐᐊᕕᕐᓗᑎᒃ ᐂᓚᐅᕐᐳᑦ ᑎᒍᓚᐅᕐᑕᒥᖕᓄᑦ ᐊᑭᕋᒥᖕᓂᑦ, ᓰᐲᑦ ᐃᒻᒧᒃᓯᐅᒊᓪᓗ ᑐᖁᕋᕐᐰᑦ ᑕᕝᕙᓂ ᐃᓂᖏᓐᓂ, ᓂᕆᓚᐅᕐᐳᓪᓗ ᓂᕿᒥᒃ ᐊᐅᓕᖕᒥᒃ.

ᓴᒧᐃᓕ ᓯᕗᓪᓖᑦ 14:33

ᑕᕝᕙ ᓴᐅᓕ ᐅᖃᐅᑦᔭᐅᕗᖅ ᐅᖃᕐᓗᑎᒃ, “ᑕᑯᒋᑦ, ᐃᓄᐃᑦ ᐊᔪᕐᑐᓕᕗᑦ ᐊᑕᓂᕐᒧᑦ ᓂᕆᖕᒪᑕ ᓂᕿᒥᒃ ᐊᐅᓕᖕᒥᒃ.” ᓴᐅᓕᓗ ᐅᖃᕐᐳᖅ, “ᐃᓕᑦᓯ ᐊᑭᕋᕐᑐᕐᑐᓯ, ᐅᔭᕋᒃᔪᐊᖅ ᒪᐅᖓ ᐅᕙᓐᓄᑦ ᐊᒃᓴᑳᑎᓚᐅᕐᓯᐅᒃ.”