ᒨᓯᓯ ᑕᓪᓕᒪᖏᑦ 12:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᑖᑦᓱᒪ ᐊᑕᓂᐅᑉ ᒎᑎᑦᓯ ᓇᔪᕐᑕᖓᓂ ᖁᕕᐊᓱᒃᑐᒃᓴᐅᕗᓯ, ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᐃᓚᒋᓗᒋᑦ, ᓕᕔᑎᒃᑯᓪᓗ ᓄᓇᑦᓯᓐᓂ ᓄᓇᖅᑲᑎᒋᔭᓯ ᐃᓚᒋᓗᒋᑦ; ᐃᖅᑲᐅᒪᓗᓯ ᓕᕔᑎᒃᑯᑦ ᓇᖕᒥᓂᒃᓴᒥᓂᒃ ᓄᓇᖁᑎᖃᖏᒻᒪᑕ.

ᒨᓯᓯ ᑕᓪᓕᒪᖏᑦ 12:12 Iomraidhean Croise

ᐊᑕᓃᑦ ᓯᕗᓪᓖᑦ 8:66

ᐅᓪᓗᐃᑦ 8ᒋᓕᕐᑕᖓᓂ ᓲᓗᒨᓂᐅᑉ ᐃᓄᐃᑦ ᐊᖏᕐᕋᕐᑎᑉᐰᑦ; ᑖᒃᑯᐊᓕᒫᓪᓗ ᓂᕐᑐᐃᕗᑦ ᓲᓗᒨᓂᒥᒃ ᖁᕕᐊᓱᒡᓗᑎᒃ, ᓮᒻᒪᕐᑎᑕᐅᓂᐊᓗᐃᑦ ᑕᒪᕐᒥᒃ ᐊᑕᓂᕐᒥᑦ ᐱᔪᑦ ᐱᓪᓗᒋᑦ, ᑐᓂᓯᓚᐅᕐᓂᖓᓄᑦ ᐱᔨᒥᓄᑦ ᑍᕕᑎᒧᑦ ᐃᓄᓕᒫᓄᓪᓗ ᐃᓴᕆᐊᓕᒥ.

ᑯᕉᓂᑲ ᐂᑉᐸᖏᑦ 29:36

ᕼᐃᓯᑬᐊᓗ ᐃᓄᓕᒫᓪᓗ ᖁᕕᐊᓱᓚᐅᕐᐳᑦ ᒎᑎᐅᑉ ᐱᓂᐊᕐᓂᕆᔭᖏᑦ ᐃᓄᖁᑎᒥᓄᑦ ᐱᑦᔪᑎᒋᓪᓗᒋᑦ; ᑕᒪᒃᑯᐊ ᐱᓂᐊᕐᓃᑦ ᕿᓚᒥᑯᓗᒃ ᐱᓇᓱᐊᕐᑕᐅᓚᐅᕐᒪᑕ.

ᓂᕼᐃᒤᐊᐅᑉ ᐊᒡᓚᖏᑦ 8:9

ᐃᓄᓕᒫᑦ ᑐᓴᕋᒥᒃ ᐱᖁᔭᓂᒃ, ᐊᒃᑐᕐᑕᐅᒻᒪᕆᒃᐳᑦ ᕿᐊᓕᕐᓗᑎᒡᓗ. ᑍᒤᒻᒪᑦ ᓂᕼᐃᒤᐊ, ᑖᓐᓇ ᐊᐅᓚᑦᓯᔨᐅᔪᖅ, ᐄᓱᕋᓗ, ᑐᓂᕐᕈᓯᕐᑎᑦᓯᔨ ᐱᖁᔭᓂᒡᓗ ᐃᓕᓯᒪᔪᖅ, ᓕᕔᑏᓪᓗ ᐱᖁᔭᓂᒃ ᑐᑭᓯᓇᕐᓯᑎᑦᓯᓚᐅᕐᑐᑦ ᐃᓄᖕᓄᑦ ᐅᖃᕐᐳᑦ, “ᐅᓪᓗᖅ ᑖᓐᓇ ᐃᑦᔪᕐᓁᑦᑑᕗᖅ ᐊᑕᓂᕐᒧᑦ ᒎᑎᑦᓯᓐᓄᑦ, ᑍᒤᒻᒪᑦ ᕿᒃᓵᒃᑐᒃᓴᐅᓐᖏᓚᓯ, ᕿᐊᖏᓪᓗᓯᓗ.

ᐃᓐᖏᕈᑎᑦ 147:1

ᐊᑕᓂᖅ ᓂᕐᑐᕐᑕᐅᓕ! ᒎᑎᕗᑦ ᓂᕐᑐᕐᓗᒍ ᐃᓐᖏᕐᕕᒋᓗᒍᓗ ᐱᐅᔫᕗᖅ; ᓂᑲᒍᓱᒃᑑᖕᒪᑦ, ᐃᓐᖏᕐᓗᓂ ᓂᕐᑐᕐᓗᒍ ᓈᒻᒪᓈᑦᓯᐊᕐᐳᖅ.

ᒨᓯᓯ ᐱᖓᔪᖏᑦ 23:40

ᑖᒃᑯᐊ ᐅᓪᓗᐃᑦ ᓯᕗᓪᓕᕐᐹᖓᓂ ᓇᐹᕐᑐᐃᑦ ᐸᐅᕐᖓᖏᑕ ᐱᐅᓂᕐᐹᖏᓐᓂᒃ ᐱᔭᕆᐊᖃᕐᐳᓯ, ᓇᐹᕐᑐᓪᓗ ᐹᒥᓂᒃ ᐊᑎᓖᑦ ᐊᕙᓚᖓᔪᖏᓐᓂᒃ ᓇᐹᕐᑐᓪᓗ ᐅᖃᐅᔭᖅᑯᕐᑐᔪᐃᑦ ᐊᕙᓚᖓᔪᖏᓐᓂᒃ ᐱᔭᕆᐊᖃᕆᕗᓯ, ᖁᕕᐊᓱᒡᓗᓯ ᐊᑕᓂᐅᑉ ᒎᑎᑦᓯ ᓵᖓᓂ ᓇᓪᓕᐅᓐᓂᕐᓯᐅᕆᐊᖃᕐᐳᓯ ᐅᓪᓗᓂᒃ 7ᓂᒃ.

ᒨᓯᓯ ᓯᑕᒪᖏᑦ 18:20

ᐊᑕᓂᐅᓪᓗ ᐂᕉᓂ ᐅᖃᐅᑎᕚ, “ᓄᓇᒥᒃ ᐱᒋᓂᐊᕐᑕᕐᓂᒃ ᐱᓂᐊᖏᑦᑐᑎᑦ ᓄᓇᖁᑎᖏᓐᓂᑦ, ᓄᓇᖁᑎᖏᑕᓘᓐᓃᑦ ᐃᓚᖓᓂᒃ; ᐅᕙᖓ ᐱᖃᕈᑎᒋᕙᕐᒪ ᓇᖕᒥᓂᖃᕈᑎᒋᓪᓗᖓᓗ ᐃᓴᕆᐊᓕᒥᐅᑦ ᐊᑯᕐᖓᓐᓂ.”

ᒨᓯᓯ ᓯᑕᒪᖏᑦ 18:26

“ᓕᕔᑎᑦ ᐅᖃᕐᕕᒋᒃᑭᑦ, ᐃᒫᒃ ᐅᖃᕐᓗᑎᑦ: ‘ᐃᓴᕆᐊᓕᒥᐅᑦ ᑕᓪᓕᒪᐅᔪᐃᕈᑎᖏᓐᓂᒃ ᐱᔭᕌᖓᑦᓯ ᐃᓕᑦᓯᓐᓄᑦ ᑐᓂᔭᓐᓂᒃ ᐃᓕᑦᓯᓐᓄᑦ ᐱᔭᐅᔭᕆᐊᖃᕐᑐᓂᒃ, ᑕᕝᕙ ᐊᑕᓂᕐᒧᑦ ᑐᓂᕐᕈᓯᕆᐊᖃᕐᐳᓯ ᐃᓵᒃᑕᕈᑎᒋᓗᒍ ᑕᓪᓕᒪᐅᔪᐃᕈᑎᐅᓯᒪᔪᑦ ᑕᓪᓕᒪᐅᔪᖏᓐᓂᒃ.

ᔪᐊᓇᓯᐅᑉ ᐊᒡᓚᖏᑦ 13:8

ᐲᑦᑐᕉᓯᐅᑉ ᐅᖃᐅᑎᕚ, “ᐃᑎᒐᓐᓂᒃ ᐅᐊᓴᓚᐅᕐᓯᒪᓂᐊᓐᖏᓚᑎᑦ.” ᔩᓱᓯᐅᑉ ᑭᐅᕚ, “ᐃᑎᒐᑎᑦ ᐅᐊᓴᕐᓂᐊᓐᖏᒍᒃᑭᑦ, ᐃᓚᒋᔪᓐᓃᕐᓂᐊᕐᐸᕐᒪ.”

ᐋᐴᓯᑕᓖᑦ ᐱᓂᐊᕐᓂᖏᑦ 8:21

ᑕᒪᑐᒧᖓ ᐱᓇᓱᐊᕐᑕᑦᑎᓐᓄᑦ ᐱᓇᓱᐊᖃᑕᐅᔪᒃᓴᐅᓐᖏᓚᑎᑦ, ᐃᓚᒋᔭᐅᓂᖃᕐᓇᒡᓘᓐᓃᑦ, ᐆᒻᒪᑏᑦ ᓈᒻᒪᖏᒻᒪᑦ ᒎᑎᐅᑉ ᓵᖓᓂ.

ᒨᓯᓯ ᑕᓪᓕᒪᖏᑦ 10:9

ᑍᒤᒻᒪᑦ ᑕᕝᕙ ᑖᒃᑯᐊ ᓕᕔᒃᑯᑦ ᑭᖑᕚᖏᑦ ᓄᓇᖁᑎᑖᕐᓯᒪᖏᑦᑐᑑᕗᑦ ᐊᓯᖏᑎᑐᑦ ᑭᖑᕚᕇᑎᑐᑦ; ᑭᓯᐊᓂᓕ ᐱᑎᑕᐅᖔᓚᐅᕐᐳᑦ ᐊᑕᓂᕐᒧᑦ ᑐᓂᕐᕈᓯᕐᑎᑦᓯᔨᐅᓂᕐᒥᒃ, ᑍᒫᒃ ᐊᑕᓂᖅ ᒎᑎᓯ ᑕᒪᑐᒥᖓ ᐊᖏᕈᑎᖃᕐᓯᒪᖕᒪᑦ.)

ᒨᓯᓯ ᑕᓪᓕᒪᖏᑦ 12:18

ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᓕᕔᑎᓪᓗ ᓄᓇᒋᔭᑦᓯᓐᓂ ᓄᓇᖃᕐᑐᑦ, ᑕᒪᒃᑯᐊ ᓂᕆᔭᒃᓴᕆᕙᓯ ᑐᓂᕐᕈᑎᐅᓯᒪᔪᑦ ᐊᑕᓂᐅᑉ ᒎᑎᑦᓯ ᓇᔪᒑᖓᓂ ᐊᓯᐊᓂᐅᖏᑦᑐᖅ, ᐊᑕᓂᐅᑉ ᒎᑎᑦᓯ ᓂᕈᐊᕐᓯᒪᔭᖓᓂ ᑐᓂᕐᕈᓯᕐᕕᒃᓴᐅᖁᔭᖓᓂ ᑕᕝᕙᓂᑐᐊᖅ. ᑕᕝᕙᓂᓗ ᖁᕕᐊᓲᑎᖃᕐᑐᒃᓴᐅᕗᑎᑦ ᐱᓇᓱᐊᕐᓯᒪᔭᓕᒫᕐᓂᒃ.

ᒨᓯᓯ ᑕᓪᓕᒪᖏᑦ 12:19

ᐃᒃᐱᒍᓱᑦᓯᐊᕐᑐᒃᓴᐅᕗᓯ, ᓕᕔᑎᓂᒃ ᐱᖃᑕᐅᑎᑦᓯᖏᑦᑑᖁᓇᓯ, ᑕᒫᓂ ᓄᓇᒋᓕᕐᑕᑦᓯᓐᓂ ᓄᓇᖃᕐᓂᓕᒫᑦᓯᓐᓂ.

ᒨᓯᓯ ᑕᓪᓕᒪᖏᑦ 12:7

ᑕᕝᕙᓂᓗ ᐊᑕᓂᐅᑉ ᒎᑎᑦᓯ ᓇᔪᕐᑕᖓᓂ ᓂᕆᔪᒃᓴᐅᕗᓯ ᖁᕕᐊᓱᒻᒪᕆᒡᓗᓯ, ᐃᓚᒋᔭᓯᓗ ᐃᒡᓗᒥᐅᖃᑎᓕᒫᓯ ᐱᓇᓱᐊᕐᓯᒪᔭᓕᒫᓯᓐᓂ, ᐊᑕᓂᐅᑉ ᒎᑎᑦᓯ ᓮᒻᒪᕐᑎᓯᒪᖕᒪᓯ.

ᒨᓯᓯ ᑕᓪᓕᒪᖏᑦ 14:29

ᓕᕔᑉ ᑭᖑᕚᖓ, ᑖᓐᓇ ᓇᖕᒥᓂᕐᑕᕐᓯᒪᖏᒻᒪᑦ ᓄᓇᖁᑎᒃᓴᒥᓂᒃ, ᓄᓇᖃᑎᑐᖃᕆᓐᖏᑕᓯ ᐱᖃᑕᐅᔭᕆᐊᖃᕆᕗᑦ, ᐃᓕᐊᕐᔪᐃᓪᓗ, ᐅᐃᒡᒐᕐᓃᓪᓗ ᑕᕝᕙᓂ ᓄᓇᖃᑎᒋᔭᓯ. ᑖᒃᑯᐊᓗ ᕾᔪᒃᓴᐅᕗᑦ ᓂᕆᓗᑎᒃ ᐊᕿᐊᑦᑐᕐᓗᑎᒡᓗ; ᑕᕝᕙ ᐊᑕᓂᐅᑉ ᒎᑎᑦᓯ ᓮᒻᒪᕐᑎᓐᓂᐊᕐᐹᓯ ᖃᓄᓕᒫᖅ ᐱᓇᓱᐊᕐᓂᕆᔭᑦᓯᓐᓂ.”

ᒨᓯᓯ ᑕᓪᓕᒪᖏᑦ 16:11

ᖁᕕᐊᓱᒃᑐᒃᓴᐅᕗᓯ ᐊᑕᓂᐅᑉ ᒎᑎᑦᓯ ᓵᖓᓂ, ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᐊᕐᓁᑦ ᐊᖑᑎᓪᓗ, ᓕᕔᑎᒃᑯᓪᓗ, ᓄᓇᖃᕐᑐᑐᖃᐅᖏᑦᑐᓪᓗ, ᐃᓕᐊᕐᔪᐃᓪᓗ, ᐅᐃᒡᒐᕐᓃᓪᓗ ᑕᕝᕙᓂ ᓄᓇᑦᓯᓐᓂ ᓄᓇᖅᑲᑎᒋᔭᓯ. ᑍᒤᓕᐅᕐᑐᒃᓴᐅᕗᓯ ᑲᑎᖃᑦᑕᕐᕕᖕᒥ ᑐᒃᓯᐊᕐᕕᖕᒥ.

ᒨᓯᓯ ᑕᓪᓕᒪᖏᑦ 16:14

ᖁᕕᐊᓱᒃᑐᒃᓴᐅᕗᓯ ᓇᓪᓕᐅᓐᓂᕐᓯᐅᓕᕐᑎᓪᓗᓯ ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᐊᖑᑎᑦ ᐊᕐᓁᓪᓗ ᐃᓚᒋᓗᒋᑦ, ᓕᕔᑎᒃᑯᓪᓗ, ᓄᓇᖃᕐᑐᑐᖃᐅᖏᑦᑐᓪᓗ, ᐃᓕᐊᕐᔪᐃᓪᓗ, ᐅᐃᒡᒐᕐᓃᓪᓗ ᓄᓇᑦᓯᓐᓂ ᓄᓇᖅᑲᑎᒋᔭᓯ.

ᒨᓯᓯ ᑕᓪᓕᒪᖏᑦ 18:6

“ᓇᓪᓕᐊᓪᓕ ᓕᕔᑎᑦ ᐃᓴᕆᐊᓕᒥᐅᑦ ᓄᓇᖏᓐᓂᑦ ᑐᒃᓯᐊᕐᕕᐅᕙᒃᑐᒧᐊᕈᒪᒍᓂ ᖃᖓᑐᐃᓐᓇᖅ ᐂᔪᓐᓇᕐᐳᖅ ᐱᔪᒪᓕᕈᓂ, ᐊᑕᓂᐅᑉ ᑐᒃᓯᐊᕐᕕᐅᖁᓪᓗᒍ ᓂᕈᐊᕐᓯᒪᔭᖓᓄᑦ,

ᒨᓯᓯ ᑕᓪᓕᒪᖏᑦ 26:11

ᐊᑕᓂᕐᒧᑦ ᒎᑎᖕᓄᑦ ᖁᔭᓕᔪᒃᓴᐅᕗᓯ ᐱᐅᔪᓂᒃ ᐊᑕᓂᐅᑉ ᒎᑎᑦᓯ ᑐᓂᓯᕕᒋᖕᒪᓯ ᐃᓚᑎᓪᓗ, ᑕᕝᕙ ᖁᕕᐊᓱᖃᑎᒌᒃᑐᒃᓴᐅᕗᓯ ᓕᕔᑎᓪᓗ ᓄᓇᖃᕐᑐᑐᖃᐅᖏᑦᑐᓪᓗ ᑕᕝᕙᓂ ᓄᓇᖅᑲᑎᒋᔭᓯ ᐃᓚᒋᓗᒋᑦ.

ᒨᓯᓯ ᑕᓪᓕᒪᖏᑦ 26:12

“ᐊᕐᕌᒍᑦ ᐱᖓᓱᑦ ᓈᔭᕌᖓᑕ ᑕᒫᑦ ᓂᐊᖂᔭᒃᓴᓂᒃ ᐱᕈᕐᑎᑕᕕᓂᕐᓯ ᑕᓪᓕᒪᐅᔪᖏᓐᓂᒃ ᑐᓂᓯᖃᑦᑕᕐᑐᒃᓴᐅᕗᓯ, ᓕᕔᑎᒃᑯᓐᓄᑦ, ᓄᓇᖃᕐᑐᑐᖃᐅᖏᑦᑐᓄᓪᓗ, ᐃᓕᐊᕐᔪᖕᓄᓪᓗ, ᐅᐃᒡᒐᕐᓂᕐᓄᓪᓗ, ᓄᓇᓕᓕᒫᓂ ᓂᕆᔪᒪᔭᓕᒫᒥᖕᓂᒃ ᓂᕿᒃᓴᕐᑕᖃᑦᓯᐊᖁᓪᓗᒍ. ᑍᒤᓕᐅᕇᕈᑦᓯᓕ,

ᒨᓯᓯ ᑕᓪᓕᒪᖏᑦ 27:7

ᑕᕝᕙᓂᓗ ᑐᓂᕐᕈᓯᕐᑐᒃᓴᐅᕗᓯ ᓂᕆᓗᒋᓪᓗ ᑐᓂᕐᕈᑎᒋᓯᒪᔭᓯ ᐃᓚᒌᖕᓂᕐᒧᑦ ᑐᓂᕐᕈᓯᕈᑎᐅᔪᑦ ᖁᔭᓕᓗᓯᓗ ᐊᑕᓂᐅᑉ ᒎᑎᑦᓯ ᓵᖓᓂ.

ᔮᓱᐊᑉ ᐊᒡᓚᖏᑦ 13:14

ᒨᓯᓯᓕ ᓕᕔᑦ ᑭᖑᕚᖏᓐᓂᒃ ᓄᓇᑖᕐᑎᑦᓯᓚᐅᓐᖏᓚᖅ, ᑍᒫᒃ ᐊᑕᓂᐅᑉ ᐅᖃᐅᑎᓚᐅᕐᒪᒍ, ᐃᓴᕆᐊᓕᒥᐅᓪᓕ ᐊᑕᓂᖓᓄᑦ ᒎᑎᒧᑦ ᑐᓂᕐᕈᓯᕐᓂᒃᑯᑦ ᐃᑯᐊᓚᑎᑦᓯᓪᓗᑎᒃ ᑕᒪᑐᒥᖓ ᑭᖑᕐᖑᑦᔨᓚᐅᕐᐳᑦ.

ᔮᓱᐊᑉ ᐊᒡᓚᖏᑦ 13:33

ᒨᓯᓯᓕ ᑐᓂᓯᓚᐅᓐᖏᓚᖅ ᓕᕔᑦ ᑭᖑᕚᖏᓐᓄᑦ ᓄᓇᒥᒃ ᑭᖑᕐᖑᑎᔭᐅᔪᒃᓴᒥᒃ; ᐅᖃᐅᑎᓚᐅᕐᐰᓪᓕ ᑐᓂᕐᕈᑏᑦ ᐃᓚᖏᓐᓂᒃ ᐱᖃᑦᑕᖁᓪᓗᒋᑦ ᐊᑕᓂᕐᒧᑦ ᐃᓴᕆᐊᓕᒥᐅᑦ ᒎᑎᖓᓄᑦ ᑐᓂᔭᐅᔪᓂᑦ, ᑕᒪᓐᓇ ᑭᖑᕐᖑᑎᔭᒃᓴᐅᖁᓪᓗᒍ ᑖᒃᑯᓄᖓ.

ᔮᓱᐊᑉ ᐊᒡᓚᖏᑦ 14:4

ᔫᓯᐱᐅᑉ ᑭᖑᕚᖏᑦ ᒪᕐᕉᐃᖑᓚᐅᕐᒪᑕ, ᒫᓇᓯᒃᑯᑦ ᐃᕗᕅᒥᒃᑯᓪᓗ; ᒨᓯᓯᓕ ᓄᓇᒥᒃ ᑐᓂᓯᓚᐅᓐᖏᓚᖅ ᓕᕔᑦ ᑭᖑᕚᖏᓐᓄᑦ, ᐃᒡᓗᒐᓴᖕᓂᒡᓕ ᑐᓂᔭᐅᓚᐅᕐᐳᑦ ᓄᓇᖃᕐᕕᒃᓴᖏᓐᓂᒃ ᐆᒪᔪᖁᑎᖏᑕᓗ ᐃᓂᒃᓴᖏᓐᓂᒃ.