ᒨᓯᓯ ᑕᓪᓕᒪᖏᑦ 12:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᑕᕝᕙᓂᓗ ᐊᑕᓂᖅ ᒎᑎᓯ ᓂᕈᐊᕈᒫᕐᐳᖅ ᐊᑕᐅᓯᕐᒥᒃ ᑖᑦᓱᒧᖓ ᑐᒃᓯᐊᖃᑦᑕᕐᕕᒃᓴᑦᓯᓐᓂᒃ, ᑕᕝᕙᓂ ᑐᓂᓯᖃᑦᑕᕐᕈᒫᕐᐳᓯ ᐃᓕᑦᓯᓐᓄᑦ ᐱᖁᔨᑦᔪᑎᒋᓯᒪᔭᓕᒫᓐᓂᒃ: ᑐᓂᕐᕈᑎᒃᓴᑦᓯᓐᓂᒃ ᐃᑯᐊᓚᑎᑕᒃᓴᓂᒃ ᐊᓯᖏᓐᓂᒡᓗ ᑐᓂᕐᕈᑎᒃᓴᑦᓯᓐᓂᒃ ᑐᓂᓯᔪᓐᓇᖁᓪᓗᓯ, ᑕᓪᓕᒪᐅᔪᐃᕈᑎᒋᔭᓯᓗ ᐊᓯᖏᓪᓗ ᑐᓂᕐᕈᑎᒃᓴᕆᔭᓯ, ᑐᓂᔭᒃᓴᓯᓗ ᐱᓪᓚᕆᐅᔪᑦ ᐊᑕᓂᕐᒧᑦ ᑐᓂᔭᒃᓴᕆᓪᓗᒋᑦ ᐊᖏᕈᑎᒋᓯᒪᔭᓯ.

ᒨᓯᓯ ᑕᓪᓕᒪᖏᑦ 12:11 Iomraidhean Croise

ᐊᑕᓃᑦ ᓯᕗᓪᓖᑦ 12:27

ᐃᓄᐃᑦ ᔨᕉᓴᓕᒧᐊᕈᑎᒃ ᑐᓂᕐᕈᓯᕆᐊᕐᑐᕐᓗᑎᒃ ᑐᒃᓯᐊᕐᕕᒡᔪᐊᒥ, ᑕᕝᕙ ᐃᓄᐃᑦ ᐆᒻᒪᑎᖏᑦ ᐅᑎᕐᓂᐊᕆᕗᑦ ᐊᑕᓂᕐᒧᑦ, ᑐᖁᑕᐅᓗᖓᓗ ᐅᑎᕐᓂᐊᕐᐳᑦ ᕆᕼᐅᐳᐊᒻᒧᑦ ᔫᑕᐅᑉ ᐊᖓᔪᖅᑳᕐᔪᐊᖓᓄᑦ.”

ᐊᑕᓃᑦ ᓯᕗᓪᓖᑦ 8:13

ᐱᐅᔪᒻᒪᕆᐊᓗᖕᒥᒃ ᐊᖏᒡᓕᑎᕐᑕᐅᕕᒃᓴᕐᓂᒃ ᓴᓇᓯᒪᕗᖓ ᐃᒡᓗᒃᓴᕐᓂᒃ, ᐃᓂᒋᓂᐊᕐᑕᕐᓂᒃ ᐃᓱᖃᖏᑦᑐᒧᑦ.”

ᐊᑕᓃᑦ ᓯᕗᓪᓖᑦ 8:16

‘ᑍᒪᓐᖓᓂᑦ ᐃᓄᖁᑎᒃᑲ ᐃᓴᕆᐊᓕᒥᐅᑦ ᐊᐅᓪᓚᕐᑎᒐᒃᑭᑦ ᐄᑦᔨᑉᑎᒥᑦ, ᓂᕈᐊᓚᐅᓐᖏᓚᖓ ᐃᓴᕆᐊᓕᐅᑉ ᑭᖑᕚᖏᑕ ᐃᒡᓗᒐᓴᖏᓐᓂᒃ ᓇᓪᓕᐊᓐᓂᒃ, ᐊᑎᕋ ᐃᓂᖃᖁᓪᓗᒍ; ᑍᕕᑎᓕ ᓂᕈᐊᓚᐅᕐᐸᕋ ᐊᐅᓚᑦᓯᔨᐅᖁᓪᓗᒍ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ.’

ᐊᑕᓃᑦ ᓯᕗᓪᓖᑦ 8:29

ᑕᑯᓐᓈᖁᓪᓗᑎᑦ ᑕᕝᕗᖓ ᐃᒡᓗᒧᑦ ᐅᓐᓄᐊᒃᑯᑦ ᐅᓪᓗᒃᑯᓪᓗ, ᑖᑦᓱᒧᖓ ᐅᖃᐅᓯᖃᓚᐅᕋᕕᑦ, ‘ᐊᑎᕋ ᑕᕝᕙᓃᑦᓱᒫᕐᐳᖅ,’ ᑐᓴᖁᓪᓗᑎᑦ ᐱᔨᕕᑦ ᑐᒃᓯᐊᕐᓂᖓᓂᒃ ᑖᓐᓇ ᐱᑦᔪᑎᒋᓪᓗᒍ.

ᐊᑕᓃᑦ ᐂᑉᐸᖏᑦ 18:22

ᓱᓕ ᐅᖃᕐᓗᓂ, “ᐅᕝᕙᓗ ᐅᖃᐅᑎᓂᐊᕐᐱᖓ ᐊᑕᓂᕐᒥᒃ ᒎᑎᑦᓯᓐᓂᒃ ᑕᑎᒃᓴᖃᕐᓂᕋᕐᓗᑎᑦ? ᐊᖓᔪᖅᑳᕐᔪᐊᖅ ᕼᐃᓯᑬᐊ ᐲᔧᓚᐅᓐᖏᓛᖅ ᐊᑕᓂᕐᒧᑦ ᑐᒃᓯᐊᕐᕕᐅᕙᒃᑐᓂᒃ, ᔫᑕᒥᐅᑦ ᔨᕉᓴᓕᒥᐅᓪᓗ ᐅᖃᐅᑎᓪᓗᓂᒋᑦ ᔨᕉᓴᓕᒻ ᑐᓂᕐᕈᓯᕐᕕᖁᑎᖓᓂ ᑭᓯᐊᓂ ᑐᒃᓯᐊᖃᑦᑕᕐᓂᐊᓕᕐᓂᕋᕐᓗᓂᒋᑦ?

ᑯᕉᓂᑲ ᓯᕗᓪᓖᑦ 22:1

ᑕᕝᕙ ᑍᕕᑎ ᐅᖃᕐᐳᖅ, “ᐊᑕᓂᐅᑉ ᒎᑎᐅᑉ ᐃᒡᓗᖓ ᑕᕝᕙᓃᑦᑐᒃᓴᐅᕗᖅ, ᑐᓂᕐᕈᓯᕐᕕᒡᓗ ᐆᑕᒃᓴᓄᑦ ᐃᓴᕆᐊᓕᒥᐅᑦ ᐱᑦᔪᑎᒋᓗᒋᑦ ᒫᓃᑦᑐᒃᓴᐅᕗᖅ.”

ᑯᕉᓂᑲ ᐂᑉᐸᖏᑦ 6:20

ᐃᔩᒃᑭᒃ ᑕᑯᓐᓇᖁᓪᓗᒋᒃ ᐅᕗᖓ ᐃᒡᓗᒧᑦ ᐅᓪᓗᒃᑯᑦ ᐅᓐᓄᒃᑯᓪᓗ, ᐃᓂᒋᓂᐊᕐᓂᕋᓚᐅᕐᑕᕐᓄᑦ ᐊᑏᓪᓗ ᑕᕝᕗᖓ ᐃᓕᓂᐊᕐᓂᕋᓚᐅᕋᕕᐅᒃ, ᑐᓴᖁᓪᓗᑎᑦ ᐱᔨᕕᑦ ᑐᒃᓯᐊᕐᓂᖓᓂᒃ ᑕᕝᕙᓂ ᐃᓂᒋᓂᐊᓚᐅᕐᑕᕐᓂ.

ᑯᕉᓂᑲ ᐂᑉᐸᖏᑦ 7:12

ᑕᕝᕙ ᐊᑕᓂᖅ ᓲᓗᒨᓂᒧᑦ ᓴᖅᑭᑉᐳᑦ ᐅᓐᓄᐊᒃᑯᑦ ᐅᖃᕐᓗᓂᓗ, “ᑐᒃᓯᐊᕐᓂᑎᑦ ᑐᓴᓚᐅᕐᐸᒃᑲ, ᑖᓐᓇᓗ ᐃᒡᓗ ᓂᕈᐊᓚᐅᕐᐸᕋ ᐅᕙᓐᓄᑦ ᐃᒡᓗᒃᓴᐅᖁᓪᓗᒍ ᑐᓂᕐᕈᓯᕐᕕᒃᓴᐅᓗᓂ ᑐᖁᑕᒃᓴᓄᑦ.

ᐄᓱᕋᐅᑉ ᐊᒡᓚᖏᑦ 6:12

ᒎᑎᐅᑉ ᔨᕉᓴᓕᒥᒃ ᓂᕈᐊᓚᐅᕐᑑᑉ ᑐᒃᓯᐊᕐᕕᐅᔪᒪᓪᓗᓂ ᓵᓚᒋᓕᒋᑦ ᐊᖓᔪᖅᑳᕐᔪᐊᑦ ᓄᓇᓕᕐᔪᐊᓪᓘᓐᓃᑦ ᑖᑦᓱᒥᖓ ᐱᖁᔭᒥᒃ ᐊᓯᕈᐃᔪᑦ ᐊᓯᕈᐃᓇᓱᐊᕐᑐᓪᓘᓐᓃᑦ ᑐᒃᓯᐊᕐᕕᒡᔪᐊᒥᒃ ᑍᑲᓃᑦᑐᒥᒃ. ᐅᕙᖓ ᑍᕉᓯ ᑎᓕᓯᕗᖓ; ᑎᓕᓯᑦᔪᑎᒋᔭᕋᓗ ᑲᑦᓱᒊᑦᓯᐊᕐᑐᒥᒃ ᓈᓚᒃᑕᐅᔪᒃᓴᐅᕗᖅ.”

ᐃᓐᖏᕈᑎᑦ 100:2

ᐊᑕᓂᖅ ᐱᔨᑦᓯᕐᓯᐅᒃ ᖁᕕᐊᓱᒡᓗᓯ! ᕾᒋᑦᓯ ᑖᑦᓱᒪ ᓇᔪᕐᑕᖓᓄᑦ ᐃᓐᖏᕐᓗᓯ!

ᐃᓐᖏᕈᑎᑦ 116:17

ᖁᔭᓕᓂᕐᒥᒃ ᑐᓂᕐᕈᓯᕕᒋᓂᐊᕐᐸᒋᑦ ᐊᑕᓂᐅᓪᓗ ᐊᑎᖓ ᐅᖃᐅᑎᒋᓗᒍ ᖁᔭᓕᕕᒋᓂᐊᕐᐸᕋ.

ᐃᓐᖏᕈᑎᑦ 66:13

ᑐᒃᓯᐊᕐᕕᒃᔪᐊᖁᑎᖕᓄᑦ ᐂᓂᐊᕐᐳᖓ ᐆᑕᒃᓴᓂᒃ ᑐᓂᕐᕈᓯᕆᐊᕐᑐᕐᓗᖓ; ᐊᑭᓕᕈᒪᕙᒋᑦ ᐊᖏᒻᒪᕆᒍᑎᒋᓯᒪᔭᓐᓂᒃ.

ᐃᓐᖏᕈᑎᑦ 78:68

ᔫᑕᐅᓪᓕ ᑭᖑᕚᖏᑦ ᓂᕈᐊᓚᐅᕐᐰᑦ, ᖃᖅᑲᕐᓗ ᓮᐅᓂ, ᖁᕕᐊᒋᔭᓂ.

ᒨᓯᓯ ᐂᑉᐸᖏᑦ 25:8

ᑖᒃᑯᓇᓂ ᐃᑦᔪᕐᓁᓐᓂᕐᐹᒥᒃ ᐃᓂᒃᓴᒥᒃ ᓴᓐᓇᔪᖃᕐᑐᒃᓴᐅᕗᖅ, ᐃᓂᒃᓴᖃᖁᓪᓗᖓ ᐊᑯᕐᖓᓐᓂ.

ᒨᓯᓯ ᐂᑉᐸᖏᑦ 29:45

ᐃᓴᕆᐊᓕᒥᐅᓪᓗ ᐃᓄᖏᓐᓂ ᐃᓂᖃᕈᒪᕗᖓ ᑖᒃᑯᓄᖓᓗ ᒎᑎᒋᔭᐅᔪᒪᓪᓗᖓ.

ᔨᕆᒤᐊᐅᑉ ᐊᒡᓚᖏᑦ 7:12

ᐂᓕᕆᑦ ᓮᓗᐊᒦᑦᑐᒧᑦ ᑐᒃᓯᐊᕐᕕᐅᒋᐊᕐᖓᓚᐅᕐᑐᒧᑦ ᐊᑎᓐᓂᒃ ᓇᓗᓁᒃᑯᑕᖃᕐᑐᒧᑦ, ᑕᑯᓗᑎᓪᓗ ᖃᓄᐃᓕᓐᓂᕐᒪᖔᒃᑯ ᐃᓄᖁᑎᒪ ᐱᐅᖏᑦᑐᓕᓂᖏᑦ ᐱᓪᓗᒋᑦ.

ᒨᓯᓯ ᐱᖓᔪᖏᑦ 17:4

ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᖓᓄᐊᖏᑉᐸᒍ ᐊᑕᓂᕐᒧᑦ ᑐᓂᕐᕈᑎᖃᕐᐸᑦ ᑍᒤᓕᐅᕐᑐᖅ ᐸᓯᔭᒃᓴᐅᕗᖅ ᐊᐅᖕᒥᒃ ᑯᕕᓯᓂᖓᓄᑦ, ᐃᓅᖃᑎᒥᓂᑦ ᐊᕕᑕᐅᔪᒃᓴᐅᕗᖅ.

ᒨᓯᓯ ᑕᓪᓕᒪᖏᑦ 12:13

ᐃᒃᐱᒍᓱᑦᓯᐊᕐᑐᒃᓴᐅᕗᓯ ᑐᓂᕐᕈᑎᒃᓴᓯᓐᓂᒃ ᑐᓂᕐᕈᓯᕐᑐᒃᓴᐅᖏᓐᓇᑦᓯ ᐃᓕᑦᓯ ᓇᖕᒥᓂᖅ ᑐᓂᕐᕈᓯᕐᕕᒋᔪᒪᑐᐃᓐᓇᕐᑕᑦᓯᓐᓂ;

ᒨᓯᓯ ᑕᓪᓕᒪᖏᑦ 12:14

ᑕᒪᒃᑯᐊᓕ ᑐᓂᕐᕈᑎᒃᓮᑦ ᑐᓂᔭᒃᓴᕆᕙᓯ ᑐᓂᕐᕈᓯᕐᕕᖕᒥ ᐊᑕᓂᐅᑉ ᓄᓇᒥ ᓂᕈᐊᕐᓯᒪᔭᖓᓂ ᓇᓪᓕᐊᑦᑕ ᑭᖑᕚᕇᑦ ᓄᓇᖁᑎᖓᑦᑕ ᐃᓚᖓᓂ ᐊᓯᐊᓂᐅᖏᑦᑐᖅ. ᑕᕝᕙᓂ ᑭᓯᐊᓂ ᑐᓂᕐᕈᓯᕐᑐᒃᓴᐅᕗᓯ ᐃᑯᐊᓚᑎᑕᒃᓴᓂᒃ ᐊᓯᖏᓐᓂᒡᓗ ᐃᓕᑦᓯᓐᓄᑦ ᐊᑐᕐᑕᐅᖁᓯᒪᔭᓐᓂᒃ.

ᒨᓯᓯ ᑕᓪᓕᒪᖏᑦ 12:18

ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᓕᕔᑎᓪᓗ ᓄᓇᒋᔭᑦᓯᓐᓂ ᓄᓇᖃᕐᑐᑦ, ᑕᒪᒃᑯᐊ ᓂᕆᔭᒃᓴᕆᕙᓯ ᑐᓂᕐᕈᑎᐅᓯᒪᔪᑦ ᐊᑕᓂᐅᑉ ᒎᑎᑦᓯ ᓇᔪᒑᖓᓂ ᐊᓯᐊᓂᐅᖏᑦᑐᖅ, ᐊᑕᓂᐅᑉ ᒎᑎᑦᓯ ᓂᕈᐊᕐᓯᒪᔭᖓᓂ ᑐᓂᕐᕈᓯᕐᕕᒃᓴᐅᖁᔭᖓᓂ ᑕᕝᕙᓂᑐᐊᖅ. ᑕᕝᕙᓂᓗ ᖁᕕᐊᓲᑎᖃᕐᑐᒃᓴᐅᕗᑎᑦ ᐱᓇᓱᐊᕐᓯᒪᔭᓕᒫᕐᓂᒃ.

ᒨᓯᓯ ᑕᓪᓕᒪᖏᑦ 12:21

ᑐᒃᓯᐊᕐᕕᒃᓴᑐᐊᕆᔭᓯᓕ ᓇᔪᕐᑕᑦᓯᓐᓂᑦ ᐅᖓᓯᓗᐊᕐᐸᑦ, ᑕᕝᕙ ᓇᓂᑐᐃᓐᓇᖅ ᐆᒪᔪᓂᒃ ᐃᒻᒧᒃᓯᐅᒐᕐᓂᒃ ᓰᐱᓂᒡᓘᓐᓃᑦ ᐊᑕᓂᐅᑉ ᑐᓂᓯᒪᔭᖏᓐᓂᒃ ᐃᓕᑦᓯᓐᓄᑦ ᓂᕆᕕᒋᔪᒪᔭᑦᓯᓐᓂ ᓂᕆᔪᓐᓇᕐᐳᓯ, ᐊᖏᕐᕋᑦᓯᓐᓂ, ᑍᒫᒃ ᑕᒪᑐᒥᖓ ᐅᖃᐅᑎᓯᒪᒐᑦᓯ.

ᒨᓯᓯ ᑕᓪᓕᒪᖏᑦ 12:26

ᐊᑕᓂᐅᓪᓕ ᑐᒃᓯᐊᕐᕕᒃᓴᐅᑎᑕᖓᓄᑦ ᐊᑕᐅᓯᕐᒧᑦ ᐋᑦᓯᔪᒃᓴᐅᕗᑎᑦ ᑐᓂᕐᕈᑎᒃᓴᕆᔭᕐᓂᒃ ᑐᓂᔭᒃᓴᕆᔭᕐᓂᒡᓗ ᐊᑕᓂᕐᒧᑦ ᐊᖏᕈᑎᒋᓯᒪᔭᕐᓂᒃ.

ᒨᓯᓯ ᑕᓪᓕᒪᖏᑦ 12:5

ᕿᓂᕆᐊᖃᕈᒫᕐᐳᓯᓕ ᐃᓂᒃᓴᒥᒃ ᐊᑕᓂᐅᑉ ᒎᑎᑦᓯ ᓂᕈᐊᕐᑕᖓᓂᒃ ᑭᖑᕚᖑᖃᑎᒌᓕᒫᑦ ᓄᓇᖏᓐᓂ ᐊᑎᖓᑕ ᐃᓂᒃᓴᖓᓂᒃ ᓇᔪᒐᒃᓴᖓᓂᒡᓗ; ᑕᕝᕙ ᑍᑯᖓ ᐂᖃᑦᑕᕆᐊᖃᕈᒫᕐᐳᓯ,

ᒨᓯᓯ ᑕᓪᓕᒪᖏᑦ 14:23

ᑕᕝᕙ ᐊᑕᓂᐅᑉ ᒎᑎᑦᓯ ᓵᖓᓂ, ᑐᒃᓯᐊᕐᕕᒃᓴᐅᖁᓪᓗᒍ ᓂᕈᐊᕐᓯᒪᔭᖓᓄᐊᕐᑐᒃᓴᐅᕗᓯ; ᑕᓪᓕᒪᐅᔪᐃᕈᑎᓯ ᓂᕆᔭᒃᓴᕆᕙᓯ ᓂᐊᖂᔭᒃᓮᑦ, ᐅᐂᓃᓪᓗ, ᓇᐹᕐᑐᐃᓪᓗ ᐸᐅᕐᖓᖏᑕ ᐅᕐᓱᖏᑦ, ᐃᒻᒧᒃᓯᐅᒐᖁᑎᑦᓯᓪᓗ ᓰᐱᖁᑎᑦᓯᓗ ᓯᕗᓪᓕᕐᐹᒥᒃ ᐃᕐᓂᐊᕆᓯᒪᔭᖏᑦ. ᑐᑭᓯᕙᓪᓕᐊᖁᓪᓗᓯ ᐊᑕᓂᕐᒥᒃ ᒎᑎᑦᓯᓐᓂᒃ ᑍᒪᓐᖓᓕᒫᖅ ᐃᓕᕋᓱᒋᐊᖃᕐᓂᕐᒥᒃ.

ᒨᓯᓯ ᑕᓪᓕᒪᖏᑦ 15:19

“ᓴᓂᕐᕔᓯᒪᖃᑦᑕᕐᑐᒃᓴᐅᕗᓯ ᐊᑕᓂᕐᒧᑦ ᒎᑎᑦᓯᓄᑦ ᑐᓂᕐᕈᑎᒃᓴᓕᒫᓂᒃ ᐊᖑᑎᓂᒃ ᐃᕐᓂᐊᕆᔭᐅᖄᕐᓯᒪᔪᓂᒃ ᐃᒻᒧᒃᓯᐅᒐᖁᑎᑦᓯᓐᓄᑦ ᓰᐲᖁᑎᑦᓯᓐᓄᓪᓗ; ᑕᒪᒃᑯᐊ ᐃᒻᒧᒃᓯᐅᒊᑦ ᐃᕐᓂᐊᖑᖅᑳᕐᓯᒪᔪᑦ ᐱᓇᓱᐊᕈᑎᒋᔭᒃᓴᕆᓐᖏᓚᓯ, ᓰᐲᓪᓗ ᐃᕐᓂᐊᖑᖅᑲᕐᓯᒪᔪᑦ ᓴᓕᔭᒃᓴᕆᓇᒋᑦ.

ᒨᓯᓯ ᑕᓪᓕᒪᖏᑦ 15:20

ᑕᒪᒃᑯᐊᓕ ᐊᕐᕌᒍᑕᒫᑦ ᑍᒤᑦᑐᑦ ᓂᕆᔭᒃᓴᕆᕙᓯ, ᐃᓚᓯ ᐃᓚᒋᓗᒋᑦ ᐊᑕᓂᐅᑉ ᒎᑎᑦᓯ ᓵᖓᓂ ᑐᒃᓯᐊᕐᕕᖕᒥ.

ᒨᓯᓯ ᑕᓪᓕᒪᖏᑦ 17:8

“ᐃᓚᖏᓪᓕ ᓄᓇᓕᖕᓂᑦ ᐋᖅᑭᒃᓱᐃᔨᐅᔪᓂᑦ ᐃᓄᑑᑦᔭᐅᓗᑎᒃ ᐅᖁᒤᓗᐊᕐᐸᑕ ᐋᖅᑭᒃᑕᐅᔭᕆᐊᒃᓴᖅ, ᓄᓇᖁᑎᖃᕐᓂᖅ ᓇᓪᓕᐊᑦ ᐱᖃᕆᐊᖃᕐᒪᖔᑦ ᐅᕝᕙᓗ ᑎᒥᒃᑯᑦ ᐋᓐᓂᕐᑕᐅᓯᒪᔪᖃᕐᐸᑦ ᐅᕝᕙᓗ ᑲᒪᔪᖃᕆᐊᖃᕐᐸᑦ ᐱᔮᕆᓗᓂ ᐃᓄᐊᕐᓯᒪᔪᒥᒃ ᑐᖁᑦᓯᓯᒪᔪᒥᒡᓘᓐᓃᑦ. ᑕᒪᒃᑯᐊ ᓇᓪᓕᐊᑦ ᐊᑐᕐᑕᐅᓯᒪᒃᐸᑕ, ᑕᕝᕙ ᑐᒃᓯᐊᕐᕕᖕᒧᐊᕐᑐᒃᓴᐅᕗᓯ ᑲᑎᖃᑦᑕᕐᕕᖕᒧᑦ ᐊᑕᓂᐅᑉ ᒎᑎᑦᓯ ᓂᕈᐊᕐᓯᒪᔭᖓᓄᑦ,

ᒨᓯᓯ ᑕᓪᓕᒪᖏᑦ 18:6

“ᓇᓪᓕᐊᓪᓕ ᓕᕔᑎᑦ ᐃᓴᕆᐊᓕᒥᐅᑦ ᓄᓇᖏᓐᓂᑦ ᑐᒃᓯᐊᕐᕕᐅᕙᒃᑐᒧᐊᕈᒪᒍᓂ ᖃᖓᑐᐃᓐᓇᖅ ᐂᔪᓐᓇᕐᐳᖅ ᐱᔪᒪᓕᕈᓂ, ᐊᑕᓂᐅᑉ ᑐᒃᓯᐊᕐᕕᐅᖁᓪᓗᒍ ᓂᕈᐊᕐᓯᒪᔭᖓᓄᑦ,

ᒨᓯᓯ ᑕᓪᓕᒪᖏᑦ 23:16

ᓄᓇᒋᔭᑦᓯᓐᓂ ᓇᓂᑐᐃᓐᓇᖅ ᓄᓇᖃᕈᓐᓇᕐᐳᖅ ᐃᓂᒋᔪᒪᔭᒥᓂ; ᐃᕝᕕᓪᓕ ᐅᖁᒤᒃᓴᕐᑎᑕᒃᓴᕆᓐᖏᓚᑦ.

ᒨᓯᓯ ᑕᓪᓕᒪᖏᑦ 26:2

ᑕᕝᕙᓂ ᓯᕗᓪᓕᕐᐹᒥᒃ ᐱᕈᕐᑎᑕᑦᓯᓐᓂ ᐊᑕᓂᐅᑉ ᒎᑎᑦᓯ ᑐᓂᔭᖓᓂᒃ ᐃᓕᑦᓯᓐᓄᑦ, ᑲᑎᑦᓯᓯᒋᐊᕈᑦᓯ ᐊᑐᓂᑦ ᐃᕕᐅᔭᕐᓂᒃ ᐴᒃᓴᑦᓯᓐᓂᒃ ᓇᒃᓴᕐᑐᒃᓴᐅᕗᓯ ᑖᒃᑯᐊᓗ ᓯᕗᓪᓖᕐᐹᒥᒃ ᐲᔭᕐᑕᑎᑦ ᑐᓂᕐᕈᑎᒋᔭᒃᓴᕆᕙᑎᑦ ᑐᒃᓯᐊᕐᕕᖕᒧᑦ.

ᒨᓯᓯ ᑕᓪᓕᒪᖏᑦ 31:11

ᐊᑐᐊᕐᑕᐅᖃᑦᑕᕐᑐᒃᓴᐅᕗᑦ ᐃᓴᕆᐊᓕᒥᐅᑦ ᐃᓄᖏᓐᓄᑦ ᑐᒃᓯᐊᕆᐊᕐᑐᕐᓯᒪᑎᓪᓗᒋᑦ ᐊᑕᓂᕐᒧᑦ ᒎᑎᑦᓯᓐᓄᑦ ᑐᒃᓯᐊᕐᕕᐅᕙᒃᑐᒥ ᑲᑎᖃᑦᑕᕐᕕᖕᒥ.

ᔮᓱᐊᑉ ᐊᒡᓚᖏᑦ 18:1

ᓄᓇ ᐅᓇᑕᕐᓂᒃᑯᑦ ᐱᑖᕆᒐᒥᑦᔪᒃ, ᐃᓴᕆᐊᓕᒥᐅᓕᒫᑦ ᑲᑎᕗᑦ ᓮᓗᐊᒥ, ᑕᕝᕙᓂᓗ ᑐᐱᖅ ᐊᑕᓂᐅᑉ ᓇᔪᕐᑕᖓ ᓇᑉᐸᕐᐹᑦ ᑲᑎᒪᕕᒃᓴᕆᓪᓗᒍ.

ᔮᓱᐊᑉ ᐊᒡᓚᖏᑦ 22:11

ᐃᓴᕆᐊᓕᒥᐅᑦ ᐃᓄᖏᑦ ᐅᖃᐅᑦᔭᐅᕗᑦ, “ᑕᑯᒋᑦᓯ, ᕉᐱᓂᐅᑉ, ᒑᑦᓗ, ᒫᓇᓯᒃᑯᓪᓗ ᑭᖑᕚᖏᑕ ᐊᕝᕙᖏᑦ ᑐᓂᕐᕈᓯᕐᕕᖕᒥᒃ ᓴᓇᕗᑦ ᑬᓇᓂᒥ, ᐃᓴᕆᐊᓕᒥᐅᑦ ᐃᓄᖏᑕ ᓄᓇᖓᓂ ᔪᐊᕐᑕᓂᐅᑉ ᑰᖓᑕ ᑭᒡᓕᖓᓂ.”

ᔮᓱᐊᑉ ᐊᒡᓚᖏᑦ 22:16

“ᐊᑕᓂᐅᑉ ᐃᓄᖁᑎᖏᑦ ᐅᖃᕐᐳᑦ, ‘ᓲᖕᒪᑦ ᐊᔪᕐᑐᓕᓂᐊᓗᖕᒥᒃ ᐱᓇᓱᐊᕐᐱᓯ ᐃᓴᕆᐊᓕᐅᑉ ᒎᑎᖓᓄ ᐊᑭᕋᕐᑐᓕᕐᓗᓯ? ᐊᑕᓂᕐᒥᒃ ᐊᑭᕋᕐᑐᓕᕐᐳᓯ ᑐᓂᕐᕈᓯᕐᕕᓕᐅᓂᕐᒧᑦ ᓇᖕᒥᓂᑦᓯᓐᓂᒃ ᒪᓕᒍᓐᓃᕋᑦᓯ ᑖᑦᓱᒥᖓ.

ᔮᓱᐊᑉ ᐊᒡᓚᖏᑦ 22:23

ᐊᑕᓂᕐᒥᒃ ᓈᓚᖏᓪᓗᑕ ᑐᓂᕐᕈᓯᕐᕕᓕᐅᓚᐅᕈᑦᑕ; ᐅᕝᕙᓗ ᑐᓂᕐᕈᑎᒃᓴᓂᒃ ᐃᑯᐊᓚᑎᑕᒃᓴᓂᒃ ᑐᓂᕐᕈᑎᒃᓴᒥᒡᓗ ᓂᐊᖂᔭᒃᓴᒥᒃ ᐃᓚᒌᑦᓯᐊᕐᓂᕐᒧᓪᓗ ᑐᓂᕐᕈᓯᕐᓂᕐᒥᒃ, ᐊᑕᓂᐅᑉ ᓇᖕᒥᓂᖅ ᐊᑭᒋᐊᕐᑕᒃᓴᕆᕚᑎᒍᑦ.

ᔮᓱᐊᑉ ᐊᒡᓚᖏᑦ 22:27

ᑭᓯᐊᓂᓕ ᓇᓗᓁᒃᑯᑕᐅᖁᓪᓗᒍ ᐃᓄᖁᑎᑦᑎᓐᓄᑦ ᐃᓕᑦᓯᓐᓄᓪᓗ ᑭᖑᕚᑦᑎᓐᓄᓪᓗ, ᑐᒃᓯᐊᕐᕕᖃᕐᓂᑦᑎᓐᓂᒃ ᐊᑕᓂᕐᒧᑦ ᐃᑦᔪᕐᓁᑦᑑᑉ ᑐᐱᖓᑕ ᓵᖓᓂ ᑐᓂᕐᕈᑎᒃᓴᕗᓪᓗ ᐃᑯᐊᓚᑎᑕᒃᓮᑦ ᑐᓂᕐᕈᓯᕈᑎᒃᓮᓪᓗ ᐃᓚᒌᑦᓯᐊᕈᑎᒃᓴᒧᓪᓗ ᑐᓂᕐᕈᓯᕐᓃᑦ; ᑍᒤᓚᐅᕐᐳᒍᑦ ᑭᖑᕚᓯ ᐅᖃᓛᖁᓇᒋᑦ ᑭᖑᕚᑦᑎᓐᓄᑦ, ‘ᐊᑕᓂᕐᒧᑦ ᐱᓂᐊᕐᓂᖃᖃᑕᐅᓐᖏᓚᓯ.’

ᔮᓱᐊᑉ ᐊᒡᓚᖏᑦ 22:29

ᐊᑕᓂᕐᒥᒃ ᐊᑭᕋᕐᑐᕐᓂᐊᓐᖏᓚᒍᑦ, ᒪᓕᒍᓐᓁᕐᓂᐊᕐᓇᒍᓗ ᒫᓐᓇ ᑐᓂᕐᕈᓯᕐᕕᓕᐅᕐᓂᑦᑎᓐᓄᑦ ᐃᑯᐊᓚᑎᑦᓯᓂᕐᒧᑦ ᑐᓂᕐᕈᑎᓂᒃ ᓂᐊᖂᔭᒃᓴᒧᑦ ᑐᓂᕐᕈᑎᓂᒃ ᐅᕝᕙᓘᓐᓃᑦ ᑐᓂᕐᕈᓯᑐᐃᓐᓇᕐᓂᕐᒧᑦ, ᑐᓂᕐᕈᓯᕐᕕᖕᒥᒃ ᓴᓇᓂᐊᓐᖏᓚᒍᑦ ᐊᑕᓂᐅᑉ ᒎᑎᑦᑕ ᑐᓂᕐᕈᓯᕐᕕᖓᑕ ᑐᐱᕐᒦᑦᑑᑉ ᐊᓯᐊᓂᒃ!”

ᔮᓱᐊᑉ ᐊᒡᓚᖏᑦ 9:27

ᐅᓪᓗᒥ ᑖᑦᓱᒪᓂ ᔮᓱᐊᑉ ᐱᔨᓐᖑᕐᑎᓚᐅᕐᐰᑦ, ᕿᔪᖕᓂᒃ ᓇᑲᑎᕆᔨᓐᖑᕐᓗᑎᒃ ᐃᒥᕐᑕᕐᑎᐅᓕᕐᓗᑎᒡᓗ ᐃᓴᕆᐊᓕᒥᐅᓄᑦ ᐊᑕᓂᐅᓪᓗ ᑐᓂᕐᕈᓯᕐᕕᖁᑎᖓᓄᑦ, ᐅᓪᓗᒥᒧᑦ ᑎᑭᓪᓗᒍ ᓱᓕ ᑍᒤᓕᐅᕐᐳᑦ ᐊᑕᓂᐅᑉ ᑐᒃᓯᐊᕆᐊᕐᑐᕐᕕᐅᖁᔭᖓᓄᑦ, ᐱᓇᓱᐊᕐᑎᐅᓪᓗᑎᒃ.

ᓴᒧᐃᓕ ᓯᕗᓪᓖᑦ 1:21

ᐃᐅᓪᑳᓇᐅᓪᓗ ᐃᓚᓕᒫᖏᑕᓗ ᐊᐅᓪᓚᕐᕕᒃᓴᖓ ᓮᓗᐊᒧᑦ ᓇᓪᓕᐅᑎᖕᒪᑦ ᑐᓂᕐᕈᓯᕆᐊᕐᑐᕐᐳᖅ ᐊᑕᓂᕐᒧᑦ ᐊᕐᕌᒍᑕᒫᕐᓯᐅᑎᒥᒃ ᑐᓂᕐᕈᓯᕆᐊᕐᑐᕐᓗᑎᒃ, ᐊᖏᕈᑎᒋᓯᒪᔭᒥᓂᒡᓗ ᑐᓂᕐᕈᓯᕆᐊᕐᑐᕐᓗᓂ.