ᒨᓯᓯ ᑕᓪᓕᒪᖏᑦ 12:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᑰᖕᒥᒃ ᔪᐊᕐᑕᓂᐅᑉ ᑰᖓᓂᒃ ᐃᑳᕈᑦᓯ, ᐊᑕᓂᐅᑉ ᓄᓇᑖᕐᑎᑦᓱᒫᕐᐹᓯ ᑕᕝᕙᓂ ᓄᓇᖃᕈᓐᓇᖁᓪᓗᓯ. ᐊᑕᓂᐅᑉ ᓴᐳᑎᓯᒪᔪᒫᕐᐹᓯ ᐊᑭᕋᕐᑐᕐᑎᑦᓯᓐᓂᑦ, ᐃᓱᒫᓗᖏᓪᓗᓯ ᑕᕝᕙᓂ ᓄᓇᖃᕈᓐᓇᖁᓪᓗᓯ.

ᒨᓯᓯ ᑕᓪᓕᒪᖏᑦ 12:10 Iomraidhean Croise

ᐊᑕᓃᑦ ᓯᕗᓪᓖᑦ 4:25

ᐃᓄᐃᑦ ᓄᓇᖃᕐᑐᑦ ᔫᑕᒥ ᐃᓴᕆᐊᓕᒥᓗ ᓄᓇᖃᓚᐅᕐᐳᑦ ᐊᑦᑕᕐᓇᖏᑦᓯᐊᕐᑐᒥ, ᑖᓐᒥᑦ ᐱᐊᕐᓯᐸᒧᑦ ᑎᑭᓪᓗᒋᑦ, ᐃᓄᓕᒫᑦ ᓇᖕᒥᓂᖅ ᐸᐅᕐᖓᓂᒃ ᕔᓂᒃᓴᓂᒃ ᐱᕈᕐᓯᐊᖃᕐᓗᑎᒃ ᓇᐹᕐᑐᖁᑎᖃᕐᓗᑎᒡᓗ ᐸᐅᕐᖓᓕᖕᓂᒃ, ᓲᓗᒨᓂᐅᑉ ᐃᓅᓂᓕᒫᖓᓂ.

ᐊᑕᓃᑦ ᓯᕗᓪᓖᑦ 8:56

“ᐊᑕᓂᖅ ᓂᕐᑐᕐᑕᐅᓕ, ᐃᓄᖁᑎᒥᓄᑦ ᐃᓕᒪᓱᖏᑦᓯᐊᕐᓂᕐᒥᒃ ᑐᓂᓯᔪᖅ ᐊᖏᕈᑎᒋᓯᒪᔭᒥᓂᒃ ᑲᔪᓯᑎᑦᓯᓪᓗᓂ ᑍᒤᓐᓂᐊᕐᓂᕋᕐᓯᒪᒐᒥ, ᐊᖏᕈᑎᒋᓯᒪᔭᓕᒫᒥᓂᒃ ᑐᓂᓯᓂᐊᕐᓂᕋᕐᓗᓂ ᓱᓕᑎᓯᒪᖕᒪᒋᑦ ᐱᔨᒥᒍᑦ ᒨᓯᓯᒃᑯᑦ.

ᑯᕉᓂᑲ ᓯᕗᓪᓖᑦ 22:18

“ᐊᑕᓂᐅᑉ ᒎᑎᓯ ᐃᓚᒋᓐᖏᓛᓰ? ᐅᓇᑕᕐᑕᐅᑎᖏᒻᒪᓯ ᐊᕙᑎᓕᒫᑦᓯᓐᓃ? ᑕᒫᓂ ᓄᓇᖃᕐᑐᑦ ᑐᓂᓚᐅᕐᒪᒋᑦ ᐅᕙᑦᑎᓐᓄᑦ; ᓄᓇᓗ ᒪᓂᓚᐅᕐᒪᒍ ᐊᑕᓂᐅᑉ ᓵᖓᓂ ᐃᓄᖁᑎᒥᓄᓪᓗ.

ᐃᓐᖏᕈᑎᑦ 4:8

ᓇᓪᓚᖓᓂᐊᕐᐳᖓ ᓯᓂᒡᓗᖓᓗ ᐃᓱᒪᔮᖏᑦᓯᐊᕐᓗᖓ; ᐃᕝᕕᑦ ᑭᓯᕕᑦ ᐊᑕᓃᖅ ᑲᑉᐱᐊᓇᖏᑦᑐᒥᒃ ᐃᓂᖃᕐᑎᒃᑲᕕᖓ.

ᒨᓯᓯ ᐂᑉᐸᖏᑦ 33:14

ᐊᑕᓂᖅ ᐅᖃᕐᐳᖅ, “ᐅᕙᖓ ᐱᖃᑎᒋᓂᐊᕐᐸᒋᑦ, ᓵᓚᖃᕐᑎᓐᓂᐊᕐᐸᒋᓪᓗ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:33

ᓇᓪᓕᐊᓪᓕ ᐅᕙᓐᓂᒃ ᓈᓚᒃᑐᖅ ᐃᓅᓯᕐᒥᓂᒃ ᐃᓂᖃᕐᓂᐊᕐᐳᖅ ᓴᐳᑦᔭᐅᓯᒪᔪᒥ ᖃᓄᐃᓐᓇᖏᑦᑐᒦᓐᓂᐊᕐᐳᖅ ᑲᑉᐱᐊᓲᑎᒃᓴᖃᖏᓪᓗᓂᓗ.

ᔨᕆᒤᐊᐅᑉ ᐊᒡᓚᖏᑦ 23:6

ᑍᑦᓱᒪ ᐊᐅᓚᑦᓯᓂᖓᓂ ᔫᑕ ᐱᐅᓕᔭᐅᔪᒫᕐᐳᖅ, ᐃᓴᕆᐊᓕᒥᐅᓪᓗ ᐅᓇᑕᕐᑕᐅᓂᐊᕐᓂᕐᒥᒃ ᓯᕘᕋᖏᓪᓗᑎᒃ ᐃᓅᔪᒫᕐᐳᑦ, ᐊᑎᖃᕐᑎᑕᐅᔪᒫᕐᐳᕐᓗ: ‘ᐊᑕᓂᖅ ᐃᓱᐊᕐᓯᑦᔪᑎᒋᔭᕗᑦ.’

ᔨᕆᒤᐊᐅᑉ ᐊᒡᓚᖏᑦ 32:37

ᑕᑯᒋᑦ, ᑲᑎᕐᓱᕈᒫᕆᕙᒃᑲ ᓄᓇᓕᖕᓂᑦ ᓂᓐᖓᕕᒡᔪᐊᕐᓂᓐᓄᑦ ᐊᐅᓪᓚᕐᑎᑕᐅᕕᒋᓚᐅᕐᑕᖏᓐᓂᑦ, ᑕᒪᐅᖓᓗ ᐅᑎᕐᑎᑦᓱᒫᕐᐸᒃᑲ, ᐃᓅᓯᖃᓕᕐᑎᓪᓗᒋᑦ ᐃᓂᓪᓚᖓᑦᓯᐊᕐᓇᕐᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 33:11

ᓂᐲᑦ ᖁᕕᐊᓱᒡᕙᓗᒃᑐᑦ, ᓯᕆᔪᓪᓗ, ᓄᓕᐊᓂᕋᑖᕐᑐᑦ ᐅᐃᓂᕋᑖᕐᑐᓪᓗ ᓂᐱᖏᑦ ᐃᓐᖏᕐᕙᓗᒃᑐᑦ, ᖁᔭᓕᑦᔪᑎᒥᖕᓂᒃ ᐊᑕᓂᕐᒧᑦ ᑐᓂᕐᕈᓯᕆᐊᕐᑐᕐᑐᑦ ᐊᑕᓂᐅᑉ ᐃᒡᓗᖓᓄᑦ ᐅᖃᕐᓗᑎᒡᓗ, ‘ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᖁᔭᓕᕕᒋᓯᐅᒃ, ᐊᑕᓂᖅ ᐱᐅᔫᖕᒪᑦ, ᓇᒡᓕᒍᓱᖕᓂᖓᓗ ᐃᓱᖃᖏᑦᑑᓪᓗᓂ.’ ᓄᓇᓯ ᐊᔪᕐᓴᕈᓐᓃᕐᑎᑦᓱᒫᕋᒃᑯ ᐃᓕᖅᑯᓯᕆᓚᐅᕐᑕᖓᓄᑦ ᐅᑎᕐᑎᓪᓗᒍ, ᐊᑕᓂᖅ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 28:26

ᓄᓇᖃᓕᕈᒫᕐᐳᑦ ᐃᓱᒫᓗᒋᔭᖃᖏᓪᓗᑎᒃ, ᐃᒡᓗᓕᐅᕈᒫᕐᐳᑦ ᐱᕈᕐᓰᕕᓕᐅᕐᓗᑎᒡᓗ ᕔᓂᖃᕐᕕᒃᓴᓂᒃ. ᓄᓇᖃᓕᕈᒫᕐᐳᑦ ᐃᓱᒫᓗᓇᖏᑦᑐᒥ, ᓄᓇᖃᑎᒌᑦ ᐋᓐᓂᕐᓯᔪᒪᔪᑦ ᑖᒃᑯᓂᖓ ᓱᒋᐊᖃᑦᑕᕈᒫᕐᐸᒃᑲ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ ᑖᒃᑯᐊ ᒎᑎᖓᑦ.”

ᐃᓯᑭᐊᓕᐅᑉ ᐊᒡᓚᖏᑦ 34:25

ᐊᖏᖃᑎᒌᒍᑎᓕᐅᕈᒫᕐᐳᖓ ᐸᒡᕕᓴᒃᑕᐅᓇᖏᑦᑐᒥᒃ ᐃᓅᓯᖃᕈᑎᒋᓛᕐᑕᖓᓐᓂᒃ, ᐆᒪᔪᓪᓗ ᐃᕐᓯᓇᕐᑐᑦ ᓄᓇᒥᑦ ᐲᔭᕈᒫᕐᐸᒃᑲ, ᓰᐱᖁᑎᒃᑲ ᐃᓱᒫᓗᒋᔭᖃᖏᓪᓗᑎᒃ ᐃᓄᖃᖏᑦᑐᒦᖃᑦᑕᓛᕐᒪᑕ ᓯᓂᖃᑦᑕᕐᓗᑎᒡᓗ ᓇᐹᕐᑐᓕᖕᓂ.

ᐃᓯᑭᐊᓕᐅᑉ ᐊᒡᓚᖏᑦ 34:28

ᐃᓅᖃᑎᒌᒡᔪᐊᓄᑦ ᓂᑭᒃᓴᐅᕙᒍᓐᓁᕈᒫᕐᐳᑦ, ᐆᒪᔪᓄᓪᓗ ᓄᔪᐊᕐᑐᓄᑦ ᓂᕆᔭᐅᕙᒍᓐᓃᕐᓗᑎᒃ; ᓄᓇᖃᕈᒫᕐᐳᑦ ᖃᓄᐃᑕᐅᓐᓇᖏᑦᑐᒥ, ᓇᓪᓕᐊᓐᓄᓪᓘᓐᓃᑦ ᑲᑉᐱᐊᓱᒃᑎᑕᐅᕙᒍᓐᓁᕐᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 38:11

ᐅᖃᕐᓗᑎᓪᓗ, ‘ᓄᓇᓕᖕᓄᑦ ᐊᕙᓗᕐᔪᐊᖃᖏᑦᑐᓄᐊᕈᒪᕗᖓ; ᐃᓄᖕᓄᑦ ᐃᓂᓪᓚᖓᑦᓯᐊᕐᑐᓄᑦ, ᓄᓇᓕᖕᓄᑦ ᐊᕙᓗᕐᔪᐊᖃᖏᑦᑐᓄᑦ, ᓴᕕᕋᔭᖕᓄᓪᓗ ᐅᑯᐊᕐᔪᐊᓄᑦ ᐱᔭᐅᑦᔧᕐᓯᒪᖏᑦᑐᓄᑦ ᐃᑎᕐᑕᕐᕕᖃᖏᑦᑐᓄᑦ’;

ᐃᓯᑭᐊᓕᐅᑉ ᐊᒡᓚᖏᑦ 38:8

ᐅᓪᓗᐃᑦ ᐅᓄᕐᑐᑦ ᓈᒃᐸᑕ ᐅᓇᑕᕆᐊᖁᔪᒫᕋᒃᑭᑦ; ᐊᕐᕌᒎᓛᕐᑐᓂ ᐅᓇᑕᕆᐊᖁᔪᒫᕋᒃᑭᑦ ᐅᓇᑕᕋᓱᒍᓐᓃᕐᑐᓂᒃ, ᐃᓴᕆᐊᓕᒥᐅᑦ ᖃᖅᑲᖏᓐᓂᕐᒥᐅᓂᒃ ᑲᑎᕐᓱᕐᓯᒪᔪᓂᒃ ᐃᓅᖃᑎᒌᒡᔪᐊᓂᑦ, ᐊᑯᓂ ᓱᓇᐅᔪᓐᓃᕐᓯᒪᔪᓂᒃ; ᐃᓄᖃᕐᑐᓂᒃ ᐃᓅᖃᑎᒌᒡᔪᐊᓂᓐᖔᕐᓯᒪᔪᓂᒃ ᒫᓐᓇᓗ ᐃᓂᓪᓚᑦᑎᐊᕐᓯᒪᓕᕐᑐᓂᒃ, ᑖᒃᑯᓂᖓᓕᒫᖅ.

ᒨᓯᓯ ᑕᓪᓕᒪᖏᑦ 11:31

ᑰᖕᒥᒃ ᔪᐊᕐᑕᓂᒥᒃ ᐃᑳᕈᑦᓯ ᓄᓇᑖᕆᐊᕐᑐᕐᓗᓯ ᐊᑕᓂᐅᑉ ᒎᑎᑦᓯ ᑐᓂᔭᖓᓂᒃ ᐃᓕᑦᓯᓐᓄᑦ; ᓄᓇᑖᕆᒍᑦᓯᐅᒃ ᑍᑲᓂᓗ ᓄᓇᖃᓕᕈᑦᓯ,

ᒨᓯᓯ ᑕᓪᓕᒪᖏᑦ 3:27

ᖃᖅᑲᐅᓪᓕ ᐱᔅᒐᐅᑉ ᖄᖓᓄᑦ ᒪᔪᕋᓕᕆᑦ ᐅᓐᓄᐊᓪᓗᐊᓪᓗ ᓇᓛᓄᑦ ᑕᑯᓗᑎᑦ ᓯᕿᓂᐅᓪᓗ ᓇᓛᓄᑦ ᑕᑯᖕᒥᓗᑎᑦ, ᓯᕿᓂᐅᓪᓗ ᓄᐃᕕᐊᓄᑦ ᓂᐱᕕᐊᓄᓪᓗ. ᑕᑯᔭᑎᑦ ᑕᑯᑦᓯᐊᕐᓗᒋᑦ ᐃᒃᐱᒋᑦᓯᐊᒃᑭᑦ, ᑕᒪᑐᒥᖓ ᑰᖕᒥᒃ ᔪᐊᕐᑕᓂᐅᑉ ᑰᖓᓂᒃ ᐃᑳᓚᐅᕐᓯᒪᓂᐊᖏᓐᓇᕕᑦ.

ᒨᓯᓯ ᑕᓪᓕᒪᖏᑦ 33:12

ᐱᓐᔭᒥᓂᐅᓪᓕ ᑭᒍᕚᖏᑦ ᐱᑦᔪᑎᒋᓪᓗᒋᑦ ᐅᖃᓚᐅᕐᐳᖅ: “ᐊᑕᓂᐅᑉ ᓇᒡᓕᒋᔭᖏᑦ ᐃᓂᖃᕐᐳᑦ ᓴᐳᑦᔭᐅᓯᒪᓂᕐᒥ ᑖᑦᓱᒧᖓ; ᑬᕙᓪᓚᒃᓯᒪᓪᓗᒋᑦ ᓴᐳᑎᓯᒪᕔᑦ ᐅᓪᓗᓕᒫᖅ ᓈᓪᓗᒍ, ᑖᒃᑯᓇᓂᓗ ᐃᓂᖃᕐᓗᓂ.”

ᒨᓯᓯ ᑕᓪᓕᒪᖏᑦ 33:28

ᑍᒤᒻᒪᑦ ᐃᓴᕆᐊᓕᐅᑉ ᑭᖑᕚᖏᑦ ᐃᓅᕗᑦ ᐃᓱᒫᓗᓇᖏᑦᑐᒥ, ᐸᒡᕕᓴᒃᑕᐅᓐᖏᓚᕐᓗ ᔧᑰᑉ ᑭᖑᕚᖏᑕ ᐃᓂᖓᑦ, ᓄᓇᖓᑦ ᐱᕈᕐᑐᓕᒃ ᓂᕿᒃᓴᓂᒃ ᕔᓂᒃᓴᓂᒡᓗ; ᐃᓛᒃ, ᕿᓚᖕᒥᑦ ᒥᓂᔪᒧᑦ ᓄᓇ ᖃᐅᓯᓕᕐᑎᕐᑕᐅᖃᑦᑕᕐᓗᓂ.

ᒨᓯᓯ ᑕᓪᓕᒪᖏᑦ 4:22

ᑕᒫᓂᓕ ᓇᔪᕐᑕᓂ ᓄᓇᒥ ᑐᖁᔪᒫᕐᐳᖓ ᑰᖕᒥᒃ ᔪᐊᕐᑕᓂᒥᒃ ᐃᑳᖃᑕᐅᓚᐅᖏᓪᓗᖓ, ᐃᓕᑦᓯᓕ ᐃᑳᕆᐊᕕᓕᕐᐳᓯ ᓄᓇᑖᕆᐊᕐᑐᕐᓗᓯ ᑕᕝᕗᖓ ᓄᓇᒧᑦ ᐱᕈᕐᑐᖃᑦᓯᐊᕐᑐᒧᑦ.

ᒨᓯᓯ ᑕᓪᓕᒪᖏᑦ 9:1

“ᐃᓴᕆᐊᓕᒥᐅᑦ ᓈᓚᒋᑦᓯ! ᐅᓪᓗᒥ ᐃᑳᕐᓂᐊᓕᕐᐳᓯ ᔪᐊᕐᑕᓂᐅᑉ ᑰᖓᒍᑦ, ᓄᓇᑖᖁᓪᓗᓯ ᐃᓅᖃᑎᒌᒡᔪᐊᓄᑦ ᐃᓕᑦᓯᓐᓂᑦ ᐅᓄᕐᓂᕐᓴᕐᔪᐊᖑᔪᓄᑦ ᐊᔪᖏᓐᓂᕐᓴᕐᔪᐊᖑᔪᓄᓪᓗ ᓄᓇᒋᔭᐅᔪᒥᒃ. ᐃᒡᓗᒐᓴᒡᔪᐊᓂᒃ ᐊᖏᔪᕐᔪᐊᖑᔪᓂᒃ, ᐊᕙᓗᕐᔪᐊᖏᓪᓗ ᕿᓚᖕᒧᑦ ᑎᑭᐅᒪᔪᓂᒃ.

ᔮᓱᐊᑉ ᐊᒡᓚᖏᑦ 11:23

ᑕᕝᕙ ᔮᓱᐊᑉ ᓄᓇᓕᒫᖅ ᓄᓇᑖᕆᓚᐅᕐᐹ, ᑍᒫᒃ ᐊᑕᓂᐅᑉ ᒨᓯᓯ ᐅᖃᐅᑎᓚᐅᕐᒪᒍ; ᔮᓱᐊᓪᓗ ᐃᓴᕆᐊᓕᒥᐅᓄᑦ ᓇᖕᒥᓂᕐᑖᕆᔭᐅᑎᓚᐅᕐᐹ, ᐊᕕᒃᑐᕐᑕᐅᑎᓪᓗᒍᓗ ᑭᖑᕙᕇᓄᑦ. ᑭᖑᓂᖓᒍᓪᓗ ᐅᓇᑕᕈᓐᓃᑍᓐᓇᓚᐅᕐᐳᑦ.

ᔮᓱᐊᑉ ᐊᒡᓚᖏᑦ 14:1

ᓄᓇᐅᑉ ᐊᕕᒃᑐᕐᑕᐅᓂᖏᑦ ᑭᖑᕐᖑᑎᔭᐅᖁᓪᓗᒋᑦ ᐃᓴᕆᐊᓕᒥᐅᑦ ᐃᓄᖏᓐᓄᑦ ᑬᓇᓂᐅᑉ ᓄᓇᖓᓂ, ᐅᑯᓄᖓ ᐱᓇᓱᐊᕐᑕᐅᓚᐅᕐᐳᑦ ᐃᓕᓯᕆ ᑐᓂᕐᕈᓯᕐᑎᑦᓯᔨᒧᑦ, ᔮᓱᐊᒧᓪᓗ ᓈᓂᐅᑉ ᐃᕐᓂᖓᓄᑦ, ᐃᓚᒌᓪᓗ ᐃᓴᕆᐊᓕᒥᐅᑦ ᓯᕗᓕᕐᑎᖏᓐᓄᑦ ᑖᒃᑯᐊ ᐊᒡᒍᐃᓚᐅᕐᐳᑦ ᐃᓄᐃᑦ ᑭᖑᕚᕇᖑᓂᖏᑦ ᒪᓕᒡᓗᒋᑦ.

ᔮᓱᐊᑉ ᐊᒡᓚᖏᑦ 3:17

ᐃᓄᐃᑦ ᐃᑳᕐᑎᓪᓗᒋᑦ ᓄᓇᒃᑯᑦ ᓴᓗᐊᒪᔪᒃᑰᓚᐅᕐᐳᑦ, ᑐᓂᕐᕈᓯᕐᑎᑦᓯᔩᓪᓗ ᐊᒡᔭᕐᓯᔪᑦ ᐊᑕᓂᐅᑉ ᐊᖏᖃᑎᒌᖕᓂᖓᑕ ᐃᒃᓯᕐᕕᖓᓂᒃ ᔪᐊᕐᑕᓂᐅᑉ ᑰᖓᑕ ᕿᑎᐊᓂ ᓄᖅᑲᖓᓚᐅᕐᐳᑦ ᐃᓅᖃᑎᒌᒡᔪᐊᑦ ᐃᑳᕇᓚᐅᖏᓐᓂᖏᓐᓂ.

ᔮᓱᐊᑉ ᐊᒡᓚᖏᑦ 4:12

ᕉᐱᓂᐅᑉ ᑭᖑᕚᖏᑦ, ᒑᓪᓗ ᑭᖑᕚᖏᑦ ᒫᓇᓯᐅᓪᓗ ᑭᖑᕚᖏᑦᑕ ᐊᕝᕙᖏᑦ ᑖᒃᑯᐊ ᐅᓇᑕᐅᑎᓖᑦ ᐃᑳᖅᑳᓚᐅᕐᐳᑦ ᐊᑐᐃᓐᓇᐅᓪᓗᑎᒃ ᐅᓇᑕᕐᓂᕐᒧᑦ, ᒨᓯᓯᐅᑉ ᑍᒫᒃ ᐅᖃᐅᑎᓚᐅᕐᓯᒪᖕᒪᒋᑦ.

ᓴᒧᐃᓕ ᓯᕗᓪᓖᑦ 7:12

ᑕᕝᕙ ᓴᒧᐃᓕ ᐅᔭᕋᖕᒥᒃ ᑎᒍᓯᓪᓗᓂ ᐃᓕᕚ ᒥᔅᐸᐅᑉ ᔨᓴᓇᐅᓪᓗ ᐊᑯᓐᓂᖓᓄᑦ, ᐊᑦᓯᕐᐹᓗ ᐃᐱᓂᓯᕆᒥᒃ ᐅᖃᕐᓗᓂ, “ᑕᒪᐅᖓ ᑎᑭᓪᓗᒍ ᐊᑕᓂᐅᑉ ᐃᑲᔪᓚᐅᕐᐹᑎᒍᑦ.”