7 ᐃᓕᑦᓯ ᑕᕝᕙ ᑕᒪᒃᑯᓂᖓ ᑕᑯᓯᒪᔪᓯ ᐊᑕᓂᐅᑉ ᐱᓇᓱᐊᕐᓯᒪᔭᖏᓐᓂᒃ.”
ᑭᐊ ᐊᑕᓂᐅᑉ ᐱᓂᐊᕐᓂᕐᔪᐊᖏᑦ ᐊᑕᖏᕐᓗᒋᑦ ᐅᖃᐅᑎᒋᔪᓐᓇᕐᐰᑦ? ᑖᑦᓱᒪᓗ ᓂᕐᑐᕐᑕᐅᔪᒃᓴᐅᓂᖓ ᐊᑕᖏᕐᓗᒍ ᑭᐊ ᓴᖅᑭᑎᑦᓱᓐᓇᕐᐸᐅᒃ?
ᐃᓄᐃᑦ ᕿᑐᕐᖓᖏᑦ ᐱᔪᓐᓇᕐᓂᕐᓄᑦ ᐱᓇᓱᐊᕐᓂᕐᓂᒃ ᖃᐅᔨᑎᑕᐅᖁᓪᓗᒋᑦ, ᐊᑕᓂᐅᕕᒃᐱᓪᓗ ᐃᓂᖁᓇᕐᑐᕐᔪᐊᖑᓂᖓᑕ ᓂᕐᑐᕐᓇᕐᓂᖓᓂᒃ.
ᓂᕐᑐᕐᓯᐅᒃ ᐱᓇᓱᐊᕐᓯᒪᓂᖓ ᐊᖏᔪᕐᔪᐊᖅ ᐱᓪᓗᒍ; ᓂᕐᑐᕐᓯᐅᒃ ᐊᖏᔪᕐᔪᐊᖑᓂᖓ ᐱᓪᓚᕆᐊᓘᓂᖓᓗ ᐱᓪᓗᒍ!
ᐃᖅᑲᐅᒪᒋᕗᓯ ᖃᓄᐃᓕᐅᓚᐅᕐᓂᖓᓂᒃ ᑖᑕᓂᒧᑦ ᐊᐱᕋᒧᓪᓗ, ᐃᓔᐊᐱᐅᑉ ᐃᕐᓂᖏᖕᓄᑦ ᕉᐱᓂᐅᑉ ᑭᖑᕚᖏᖕᓄᑦ. ᐃᓄᓕᒫᑦ ᑕᑯᓐᓇᕐᑎᓪᓗᒋᑦ ᓄᓇᕐᔪᐊᖅ ᐃᕐᐸᓚᐅᕐᒪᑦ ᑖᒃᑯᐊᓗ ᓄᓇᒧᑦ ᐄᔭᐅᓚᐅᕐᐳᑦ, ᐃᓚᓕᒫᖏᓪᓗ ᐃᓚᒋᓪᓗᒋᑦ, ᑐᐱᖏᓪᓗ, ᐱᔨᒋᔭᖏᓪᓗ ᐆᒪᔪᖁᑎᓕᒫᖏᓪᓗ, ᐃᓴᕆᐊᓕᒥᐅᑦ ᐊᑯᕐᖓᓐᓂᑦ.
“ᐱᖁᔭᓕᒫᑦ ᒪᓕᒃᑕᒃᓴᕆᕙᓯ ᐃᓕᑦᓯᓐᓄᑦ ᐅᓪᓗᒥ ᑐᓂᓯᒪᔭᒃᑲ. ᓴᓐᖏᔫᖁᓪᓗᓯ, ᓄᓇᒧᓪᓗ ᐃᑳᕈᓐᓇᖁᓪᓗᓯ ᓄᓇᑖᕆᐊᕐᑐᕐᓗᓯ ᑕᒪᑐᒥᖓ ᐃᑎᑐᐃᓐᓇᕆᐊᖃᓕᕐᑕᑦᓯᓐᓂᒃ.
ᑍᒤᒻᒪᑦ ᑖᓐᓇ ᓈᓚᒃᑕᒃᓴᕆᕙᓯ ᐱᖁᔭᓕᒫᖏᓪᓗ ᒪᓕᒐᒃᓴᐅᖁᔭᖏᓪᓗ ᒪᓕᑦᓯᐊᕐᓗᒋᑦ, ᐅᓪᓗᒥ ᐃᓕᑦᓯᓐᓄᑦ ᑐᓂᔭᒃᑲ.”
ᒨᓯᓯᐅᑉ ᐃᓄᓕᒫᑦ ᐃᓴᕆᐊᓕᒥᐅᑦ ᑲᑎᖁᓚᐅᕐᐰᑦ ᐅᖃᐅᑎᓪᓗᓂᒋᓪᓗ, “ᓇᖕᒥᓂᖅ ᑕᑯᓚᐅᕐᓯᒪᕗᓯ ᐊᑕᓂᐅᑉ ᖃᓄᐃᓕᐅᕆᓂᖓᓂᒃ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᐊᖓᔪᖅᑳᖁᑎᖏᓐᓄᓪᓗ, ᓄᓇᖁᑎᓕᒫᖓᓄᓪᓗ.
ᐃᓕᑦᓯ ᓇᖕᒥᓂᖅ ᑕᑯᓯᒪᒐᑦᓯ ᐊᑕᓂᐅᑉ ᒎᑎᑦᓯ ᐱᓇᓱᐊᕐᓯᒪᓂᖓᓂᒃ ᖃᖅᑲᒥ ᐰᓕ-ᐱᐅᕆᒥ, ᑕᕝᕙᓂ ᒎᑎᓐᖑᐊᒧᑦ ᐰᓕᒧᑦ ᑐᒃᓯᐊᕐᑐᓂᒃ ᓄᖑᑕᐅᑎᑦᓯᓚᐅᕐᒪᑦ,
ᓯᕗᓕᕆᓚᐅᕐᑕᑦᑎᓐᓄᑐᐃᓐᓇᐅᖏᑦᑐᖅ ᐊᖏᖃᑎᒌᒍᑎᖃᓚᐅᕐᐳᖅ, ᐅᕙᑦᑎᓐᓂᒡᓕ ᐅᓪᓗᒥ ᐃᓅᔪᓂᒃ ᐱᖃᓯᐅᑦᔨᓚᐅᕐᐳᖅ.
ᐃᖅᑲᐅᒪᔪᒃᓴᐅᕗᓯ ᐱᐅᖏᑦᑐᐊᓗᖕᓂᒃ ᖃᓂᒪᓐᓇᕐᑐᓂᒃ ᓇᖕᒥᓂᖅ ᑕᑯᖃᑦᑕᓚᐅᕐᑕᑦᓯᓐᓂᒃ, ᓇᓗᓁᒃᑯᑕᕐᓂᒃ ᑲᒪᓇᕐᑐᓂᒡᓗ, ᐱᔪᓐᓇᕐᓂᕐᔪᐊᕐᒧᑦ ᐊᔪᖏᓐᓂᕐᔪᐊᕐᒧᓪᓗ ᐊᑕᓂᐅᑉ ᒎᑎᑦᓯ ᐊᓂᑎᓚᐅᕐᒪᓯ ᕿᓚᕈᑦᔮᕐᑕᐅᔪᑎᑐᑦ. ᑍᒫᑦᓮᓐᓇᕐᑕᐅᖅ ᐄᑦᔨᑉᑎᒥᐅᓂᒃ ᓄᖒᑦᓯᓚᐅᕐᓂᕐᒥᑐᑦ, ᑖᒃᑯᐊ ᐱᓇᓱᐊᕐᕕᒋᔪᓐᓇᕆᕔᑦ ᒫᓐᓇ ᓯᕘᕋᒋᔭᓯ.
ᔮᓱᐊᓪᓗ ᐃᓅᓂᓕᒫᖓᓂ ᐃᓴᕆᐊᓕᒥᐅᑉ ᐃᓄᖏᑦ ᐊᑕᓂᕐᒥᒃ ᐱᔨᑦᓯᓚᐅᕐᐳᑦ, ᑐᖁᓂᖓᑕᓗ ᑭᖑᓂᖓᓂ ᐊᖓᔪᖅᑳᖑᔪᑦ ᔮᓱᐊᒥᑦ ᐃᓅᑯᑖᖕᓂᕐᓴᐅᓚᐅᕐᑐᑦ ᑲᔪᓯᑦᓯᐊᓚᐅᕐᐳᑦ, ᓇᖕᒥᓂᕐᓗ ᑕᑯᓚᐅᕐᐳᑦ ᐊᑕᓂᐅᑉ ᐱᓂᐊᕐᓂᕆᓚᐅᕐᑕᖏᓐᓂᒃ ᐃᓴᕆᐊᓕᒥᐅᓄᑦ.
