ᒨᓯᓯ ᑕᓪᓕᒪᖏᑦ 10:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᑍᑦᓱᒪᓂᐅᑎᓪᓗᒍ ᖃᖅᑲᒦᑎᓪᓗᒋᑦ ᓱᓕ ᐊᑕᓂᖅ ᑎᓕᓯᓚᐅᕐᐳᖅ ᐃᓄᖕᓂᒃ ᓕᕔᑎᒃᑯᑦ ᑭᖑᕚᖏᓐᓂᒃ ᐊᖏᖃᑎᒌᒍᑎᐅᑉ ᐃᒃᓯᕐᕕᖁᑎᖓᓂᒃ ᐊᐅᓚᑦᓯᔨᐅᖁᓪᓗᒋᑦ ᐊᒡᔭᕐᑕᐅᔭᕆᐊᖃᓕᕐᐸᑦ, ᐊᑕᓂᕐᒧᓪᓗ ᑐᓂᕐᕈᓯᕐᑎᑦᓯᔨᐅᖁᓪᓗᒋᑦ, ᐊᑕᓂᐅᓪᓗ ᐊᑎᖓᓂ ᓮᒻᒪᕐᑎᑦᓯᔨᐅᖁᓪᓗᒋᑦ. ᐅᓪᓗᒥᒧᓪᓗ ᑎᑭᓪᓗᒍ ᓱᓕ ᑖᒃᑯᐊ ᑕᒪᒃᑯᓂᖓ ᐱᓇᓱᐊᕐᑎᐅᕗᑦ.

ᒨᓯᓯ ᑕᓪᓕᒪᖏᑦ 10:8 Iomraidhean Croise

ᐊᑕᓃᑦ ᓯᕗᓪᓖᑦ 8:6

ᑐᓂᕐᕈᓯᕐᑎᑦᓯᔩᓄᑦ ᐊᑕᓂᐅᑉ ᐊᖏᖃᑎᒌᒍᑎᖏᑕ ᐃᒃᓯᕐᕕᖓ ᐊᒡᔭᕐᑕᐅᕗᖅ ᑐᒃᓯᐊᕐᕕᒡᔪᐊᑉ ᐃᓗᐊᓄᑦ ᐃᓕᓪᓗᒍᓗ ᐃᓂᒃᓴᖓᓄᑦ ᐃᑦᔪᕐᓁᓐᓂᕐᐹᒧᑦ, ᓯᕈᐱᒻ ᐃᓴᕈᓖᒃ ᐊᑕᓄᑦ.

ᑯᕉᓂᑲ ᓯᕗᓪᓖᑦ 15:2

ᑍᕕᑎᓗ ᐅᖃᕐᐳᖅ, “ᒎᑎᐅᑉ ᐃᒃᓯᕐᕕᖁᑎᖓ ᑭᓇᑐᐃᓐᓇᒧᑦ ᐊᒡᔭᕐᑕᐅᔪᒃᓴᐅᓐᖏᓚᖅ ᓕᕔᑎᓄᑦ ᑭᓯᐊᓂ, ᑖᒃᑯᐊ ᐊᑕᓂᐅᑉ ᓂᕈᐊᕐᓯᒪᖕᒪᒋᑦ ᐊᑕᓂᐅᑉ ᐃᒃᓯᕐᕕᖁᑎᖓᓂᒃ ᑲᒪᔨᐅᖁᓪᓗᒋᑦ ᐃᓱᖃᖏᑦᑐᒧᑦ.”

ᑯᕉᓂᑲ ᓯᕗᓪᓖᑦ 15:26

ᒎᑎᐅᓪᓗ ᐃᑲᔪᓚᐅᕐᒪᒋᑦ ᓕᕔᑏᑦ ᐊᒡᔭᕐᓯᔪᑦ ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓᓂᒃ, ᑐᓂᕐᕈᓯᓚᐅᕐᐳᑦ ᑐᒃᑐᕙᖕᓂᒃ 7ᓂᒃ ᓰᐲᓪᓗ ᐊᖑᓴᓪᓗᖏᓐᓂᒃ 7ᓂᒃ.

ᑯᕉᓂᑲ ᓯᕗᓪᓖᑦ 23:13

ᐊᒪᕌᒥᐅᑉ ᐃᕐᓂᖏᒃ: ᐂᕉᓂ ᒨᓯᓯᓗ. ᐂᕉᓂ ᓴᓂᕐᕙᒃᑕᐅᓯᒪᓚᐅᕐᐳᖅ ᐃᑦᔪᕐᓁᓐᓂᕐᐹᓂᒃ ᐱᓇᓱᐊᕐᑎᐅᖁᓪᓗᒍ, ᐂᕉᓂᓗ ᐃᕐᓂᖏᓪᓗ ᐃᓱᖃᖏᑦᑐᒧᑦ ᑎᐱᑦᓯᐊᕆᒃᑐᓂᒃ ᐳᔫᕐᑎᑦᓯᔨᐅᖁᓪᓗᒋᑦ ᐊᑕᓂᐅᑉ ᓵᖓᓂ, ᑖᓐᓇᓗ ᐱᔨᑦᓯᕐᓗᒍ ᓮᒻᒪᕐᑎᑦᓯᖃᑦᑕᕐᓗᑎᒡᓗ ᐃᓄᖕᓂᒃ ᑖᑦᓱᒪ ᐊᑎᖓᓂ ᐃᓱᖃᖏᑦᑐᒧᑦ.

ᑯᕉᓂᑲ ᓯᕗᓪᓖᑦ 23:26

ᓕᕔᑎᓪᓗ ᑐᐱᕐᒥᒃ ᐊᒡᔭᕐᓯᖃᑦᑕᕆᐊᖃᕈᓐᓃᕐᐳᑦ ᐅᕝᕙᓗ ᐱᖁᑎᖏᓐᓂᒃ ᐱᓇᓱᐊᕈᑎᒃᓴᓂᒃ.”

ᑯᕉᓂᑲ ᐂᑉᐸᖏᑦ 29:11

ᐃᕐᓂᒃᑳ, ᒫᓐᓇ ᐃᒃᐱᒍᓱᖏᑦᑑᑦᑍᓕᒋᑦᓯ, ᐊᑕᓂᐅᑉ ᓂᕈᐊᓚᐅᕐᒪᓯ ᓇᖏᖁᓪᓗᓯ ᑖᑦᓱᒪ ᓵᖓᓂ, ᐱᔨᑦᓯᕐᕕᒋᓗᒍ, ᑖᑦᓱᒧᖓᓗ ᐱᔨᑦᓯᕐᑎᒋᔭᐅᖁᓪᓗᓯ ᐃᑯᐊᓪᓔᖁᓪᓗᓯ ᑎᐱᑦᓯᐊᕆᒃᑐᒥᒃ.”

ᑯᕉᓂᑲ ᐂᑉᐸᖏᑦ 30:27

ᑕᕝᕙ ᑐᓂᕐᕈᓯᕐᑎᑦᓯᔩᑦ ᓕᕔᑏᓪᓗ ᒪᑭᓪᓗᑎᒃ ᐃᓄᐃᑦ ᓮᒻᒪᕐᑎᑉᐰᑦ, ᓂᐱᖏᓪᓗ ᑐᓴᕐᑕᐅᕗᑦ, ᑐᒃᓯᐊᕐᓂᖏᓪᓗ ᑎᑭᐅᑎᕗᑦ ᐃᑦᔪᕐᓁᑦᑑᑉ ᐃᓂᖓᓄᑦ ᕿᓚᖕᒧᑦ.

ᐃᓐᖏᕈᑎᑦ 134:1

ᕾᒋᑦᓯ, ᐊᑕᓂᖅ ᓂᕐᑐᕐᓯᐅᒃ, ᑕᒪᑦᓯ ᐊᑕᓂᕐᒧᑦ ᐱᔨᐅᔪᓯ, ᐊᑕᓂᐅᑉ ᐃᒡᓗᖓᓂ ᐅᓐᓄᐊᒃᑯᑦ ᓇᖏᖃᑦᑕᕐᑐᓯᒍᑦ!

ᐃᓐᖏᕈᑎᑦ 134:2

ᐊᒡᒐᓯ ᖁᒻᒧᐊᒃᑎᓯᐅᒃ ᐃᑦᔪᕐᓁᑦᑐᕕᖕᒥ, ᐊᑕᓂᕐᓗ ᓂᕐᑐᕐᓯᐅᒃ!

ᐃᓐᖏᕈᑎᑦ 135:2

ᐃᓕᑦᓯ ᐊᑕᓂᐅᑉ ᐃᒡᓗᖓᓂ ᓂᑯᕕᖓᔪᓯ, ᒎᑎᑦᑕ ᐃᒡᓗᖓᑕ ᐊᓃᕐᕕᖓᓂ!

ᔨᕆᒤᐊᐅᑉ ᐊᒡᓚᖏᑦ 15:19

ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ: “ᐅᕙᓐᓄᑦ ᐅᑎᕈᕕᑦ ᑕᕝᕙ ᐅᑎᕐᑎᓐᓂᐊᕐᐸᒋᑦ, ᐱᔨᑦᓯᓕᕐᓂᐊᕋᕕᖓ, ᐊᑐᕐᓇᕐᑐᓂᒡᓗ ᐅᖃᓪᓚᖃᑦᑕᓕᕐᓂᐊᕋᕕᑦ, ᐊᑐᕐᓇᖏᑦᑐᓂᒃ ᐅᖃᐅᓯᖃᕈᓐᓃᕐᓗᑎᑦ, ᖃᓂᕆᓕᕐᓂᐊᕆᕙᒋᑦ, ᑖᒃᑯᓄᖓ ᐅᐸᒃᑕᐅᔪᒫᕐᐳᑎᑦ, ᑖᒃᑯᓄᖓᓕ ᐅᐸᒍᑎᔭᕆᐊᖃᕐᓂᐊᓐᖏᓚᑎᑦ.

ᐃᓯᑭᐊᓕᐅᑉ ᐊᒡᓚᖏᑦ 44:11

ᐃᑦᔪᕐᓁᑦᑐᕕᖁᑎᓐᓂ ᐱᔨᑦᓯᕈᓐᓇᕐᓂᐊᕋᓗᐊᕐᐹᖓ, ᑐᒃᓯᐊᕐᕕᒡᔪᐊᑉ ᐃᑎᕐᑕᕐᕕᖓᓂ ᑲᒪᔨᐅᓗᑎᒃ, ᑐᒃᓯᐊᕐᕕᒡᔪᐊᒥᓗ ᐱᓇᓱᐊᕐᑎᐅᓗᑎᒃ; ᑐᖅᑯᕅᔨᐅᓗᑎᒡᓗ ᑐᓂᕐᕈᑎᒃᓴᓂᒃ ᐃᑯᐊᓚᑎᑕᐅᔪᒃᓴᓂᒃ ᑐᓂᕐᕈᑕᐅᓂᐊᕐᑐᓂᒡᓗ ᐃᓄᐃᑦ ᐱᑦᔪᑎᒋᓗᒋᑦ, ᐃᓄᖕᓄᑦ ᐃᓚᐅᔪᒃᓴᐅᕗᑦ, ᑖᒃᑯᓂᖓ ᐱᔨᑦᓯᕐᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 44:15

“ᑐᓂᕐᕈᓯᕐᑎᑦᓯᔩᓪᓕ ᓕᕔᒃᑯᑦ ᐃᓚᒌᖕᓂᖏᓐᓂᑦ ᐱᓯᒪᔪᑦ ᔭᑑᑭᐅᑉ ᑭᖑᕚᖏᓐᓂᓐᖔᕐᑐᑦ, ᓱᕐᕋᔪᐃᑦᑑᓪᓗᑎᒃ ᑐᒃᓯᐊᕐᕕᒡᔪᐊᕐᒥ ᐱᔨᑦᓯᓚᐅᕐᒪᖓ ᐊᓯᓕᒫᖏᑦ ᐃᓴᕆᐊᓕᒥᐅᑦ ᐅᕙᓐᓂᒃ ᕿᒤᒐᓗᐊᕐᑎᓪᓗᒋᑦ, ᑖᒃᑯᐊᑐᐊᑦ ᐅᕙᓐᓂᒃ ᐱᔨᑦᓯᕐᑐᒃᓴᐅᕗᑦ ᓇᔪᕐᑕᓐᓄᓪᓗ ᑐᓂᕐᕈᓯᕆᐊᕐᑐᕈᓐᓇᕐᓗᑎᒃ ᑐᓂᕐᕈᑎᑦ ᑐᓐᓄᖏᓐᓂᒃ ᐊᐅᖏᓐᓂᒡᓗ, ᐊᑕᓂᖅ ᒎᑎ ᐅᖃᕐᐳᖅ.

ᒨᓯᓯ ᐱᖓᔪᖏᑦ 8:9

ᓇᓴᕐᑎᑉᐹᓗ ᓂᐊᖁᐊᓄᑦ ᐃᒻᒧᓯᐅᑎᓯᒪᔪᒥᒃ ᒎᓗᒥᒃ ᓯᕗᒥᐅᑕᖃᕐᑐᒥᒃ ᒎᑎᐅᑉ ᐊᖓᔪᖅᑳᖁᑎᖓᓂᒃ ᓇᓗᓁᒃᑯᑕᕐᒥᒃ ᑍᒫᒃ ᐊᑕᓂᐅᑉ ᒨᓯᓯ ᐱᖁᓚᐅᕐᒪᒍ.

ᒨᓯᓯ ᐱᖓᔪᖏᑦ 9:22

ᐂᕉᓂᓗ ᐃᓵᒃᐳᖅ ᐃᓄᐃᑦ ᓵᓪᓗᒋᑦ ᓮᒻᒪᕐᑎᓪᓗᒋᓪᓗ. ᑐᓂᕐᕈᓯᕇᕋᒥ ᐊᔪᕐᓂᖅ ᐱᓪᓗᒍ, ᐃᑯᐊᓚᒐᒃᓴᒥᒡᓗ ᑐᓂᕐᕈᓯᕇᕋᒥ, ᐃᓚᒋᔭᐅᑦᓯᐊᕈᒪᓂᕐᒧᓪᓗ ᑐᓂᕐᕈᓯᕇᕋᒥ, ᑐᓂᕐᕈᓯᕐᕕᖕᒥᑦ ᐊᖅᑲᕐᐳᖅ.

ᒨᓯᓯ ᓯᑕᒪᖏᑦ 3:31

ᑖᒃᑯᐊ ᐱᔭᒃᓴᖏᑕ ᐃᓚᖏᑦ ᐃᒃᓯᕐᕕᒃ ᐊᖏᕈᑎᑕᓕᒃ ᑲᒪᒋᓗᒍ, ᐊᒻᒪᓗ ᓵ, ᓇᓂᕈᐊᓪᓗ ᐃᓂᖓ, ᑐᓂᕐᕈᓯᕐᕖᓪᓗ, ᑐᓂᕐᕈᓯᕐᑎᑦᓯᔨᐅᓪᓗ ᐱᓕᕆᑦᔪᑎᖏᓐᓂᒃ ᐃᑦᔪᕐᓁᑦᑐᕕᖕᒦᑎᓪᓗᒍ, ᑕᓗᕐᔪᐊᕐᓗ ᐃᑦᔪᕐᓁᑦᑐᕕᒧᑦ ᑖᓗᑕᖅ, ᐱᔭᒃᓮᓪᓗ ᑕᒪᑐᒧᖓ ᑐᕌᖓᔪᓕᒫᑦ.

ᒨᓯᓯ ᓯᑕᒪᖏᑦ 3:6

“ᓕᕔᑎᑦ ᑭᖑᕚᖏᑦ ᐅᕙᓐᓄᑦ ᖃᓂᒡᓕᑎᒃᑭᑦ, ᕾᑎᓪᓗᒋᓪᓗ ᐂᕉᓂᒧᑦ ᑐᓂᕐᕈᓯᕐᑎᑦᓯᔨᒧᑦ, ᑖᑦᓱᒥᖓ ᐱᔨᑦᓯᖁᓪᓗᒋᑦ.

ᒨᓯᓯ ᓯᑕᒪᖏᑦ 4:15

ᐂᕉᓂ ᐃᕐᓂᖏᓪᓗ ᐃᑦᔪᕐᓁᑦᑐᕕᖕᒥᐅᑍᑦ ᐃᓗᓕᓕᒫᖏᓪᓗ ᐅᓕᒃᑐᕇᕐᐸᒋᑦ, ᑕᖕᒫᕐᓯᒪᔪᓗ ᐸᕐᓇᒌᕐᐸᑕ, ᑕᕝᕙ ᑯᕼᐋᑎᐅᑉ ᐃᕐᓂᖏᑦ ᑖᒃᑯᓂᖓ ᐊᒃᔭᕐᓯᔭᕐᑐᕆᐊᖃᓕᕐᐳᑦ; ᐃᑦᔪᕐᓁᑦᑐᓂᒡᓕ ᓇᓪᓕᐊᓐᓂᒃ ᐊᒃᑐᐃᒋᐊᖃᓐᖏᓚᑦ, ᑐᖁᔪᖃᑐᐃᓐᓇᕆᐊᖃᕐᒪᑦ. “ᑖᒃᑯᐊ ᑕᕝᕙ ᑐᐱᕐᔪᐊᒥᑦ ᑲᑎᒪᕕᖕᒥᑦ ᐱᓯᒪᔪᑦ ᑯᕼᐋᑎᐅᑉ ᐃᕐᓂᖏᑕ ᐊᒡᔭᕆᐊᖃᕐᑕᖏᑦ.

ᔪᐊᓇᓯᐅᑉ ᐊᒡᓚᖏᑦ 15:16

ᓂᕈᐊᓚᐅᓐᖏᓚᑦᓯᓐᖓ, ᓂᕈᐊᓚᐅᕐᐸᑦᓯᓕ ᑎᓕᓪᓗᓯᓗ ᐸᐅᕐᖓᑲᕆᐊᕐᑐᖁᓪᓗᓯ ᐸᐅᕐᖓᖃᕐᓂᓯ ᑲᔪᓯᖁᓪᓗᒍ; ᓱᓇᑐᐃᓐᓇᕐᒥᒃ ᐊᑖᑕ ᑐᒃᓯᐊᕐᕕᒋᒍᑦᓯᐅᒃ ᐊᑎᓐᓂ, ᑐᓂᓯᓂᐊᕐᐳᖅ ᐃᓕᑦᓯᓐᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 13:2

ᐊᑕᓂᕐᒧᑦ ᑐᒃᓯᐊᕐᑎᓪᓗᒋᑦ ᓂᕆᑦᑍᓕᓪᓗᑎᒡᓗ, ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᐅᑎᕔᑦ, “ᐸᕐᓇᐹᓯᒃᑯᒃ ᓴᐅᓗᓯᒃᑯᒃ ᑎᓕᓚᐅᕐᓯᒋᒃ ᐱᓇᓱᐊᖁᓪᓗᒋᒃ; ᑕᒪᑐᒧᖓ ᕾᖁᓯᒪᒐᒃᑭᒃ.”

ᕉᒪᒥᐅᓄᑦ 1:1

ᐸᐅᓗᓯᒥᑦ ᔩᓱᓯ ᙭ᔅᑑᓯᐅᑉ ᐱᔨᖓᓂᑦ, ᐋᐴᓯᑕᓕᐅᓂᕐᒧᑦ ᕾᖁᔭᐅᓯᒪᔪᒥᑦ, ᓂᕈᐊᕐᑕᐅᓯᒪᔪᒥᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᒥᓐᖔᕐᑐᓂᒃ ᐊᔪᕆᕐᑐᐃᖁᓪᓗᒍ.

ᕉᒪᒥᐅᓄᑦ 12:7

ᓇᓪᓕᐊᑦ ᐱᔨᑦᓯᕐᓂᕐᒥᒃ ᑐᓂᕐᕈᓯᐊᕈᓂ ᐱᔨᑦᓯᕐᓕ; ᐃᓕᓐᓂᐊᕐᑎᑦᓯᓂᕐᒥᒃ ᑐᓂᕐᕈᓯᐊᕈᓂ ᐃᓕᓐᓂᐊᕐᑎᑦᓯᓕ;

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:17

ᑍᒤᒻᒪᑦ ᐊᑕᓂᖅ ᐅᖃᕐᐳᖅ, “ᑍᒃᑯᓇᓐᖓ ᐊᓂᒋᑦᓯ ᐃᓚᒋᔪᓐᓃᕐᓗᒋᓪᓗ. ᒎᑎᒧᑦ ᓇᕐᕈᓇᕐᑐᓂᒃ ᐱᓇᓱᐊᕐᓂᐊᕋᓯ, ᑕᕝᕙ ᐃᓚᓕᐅᕐᓂᐊᕐᐸᑦᓯ.

ᒐᓔᑎᐊᒥᐅᓄᑦ 1:15

ᒎᑎᐅᓪᓕ ᓂᕈᐊᕐᓯᒪᓚᐅᕐᐹᖓ ᐃᓅᓕᓚᐅᕐᑎᓐᓇᖓ ᓱᓕ, ᐱᑦᓯᐊᕐᓂᒥ ᐱᔪᓐᓇᕐᑎᑦᓯᓂᕐᒥᒍᑦ ᕾᖁᓚᐅᕐᐹᖓ,

ᒨᓯᓯ ᑕᓪᓕᒪᖏᑦ 17:12

ᓇᓪᓕᐊᓪᓕ ᓈᓚᖏᑦᑐᖅ ᒪᓕᖏᓪᓗᓂ ᐋᖅᑭᒃᓱᐃᔨᒥᒃ ᑐᓂᕐᕈᓯᕐᑎᑦᓯᔨᒥᒡᓘᓐᓃᑦ ᐱᓇᓱᐊᕆᐊᖃᕐᑕᒥᓂᒃ ᐱᓇᓱᐊᕐᑐᒥᒃ ᑖᓐᓇ ᑐᖁᑕᐅᔪᒃᓴᐅᕗᖅ; ᑍᒫᒃ ᑕᕝᕙ ᑍᒤᓕᐅᕐᓗᓯ ᐱᐅᖏᑦᑐᓕᓂᖅ ᐲᕐᑎᒐᔭᕐᐸᓯ ᐃᓴᕆᐊᓕᒥᑦ.

ᒨᓯᓯ ᑕᓪᓕᒪᖏᑦ 18:5

ᐊᑕᓂᖅ ᒎᑎᓯ ᑖᒃᑯᓂᖓ ᓂᕈᐊᕐᓯᒪᖕᒪᑦ ᑭᖑᕚᖑᖃᑎᓕᒫᑦᓯᓐᓂᑦ, ᓕᕔᑎᒃᑯᑦ ᑭᖑᕚᖏᓐᓂᒃ ᑐᓂᕐᕈᓯᕐᑎᑦᓯᔨᐅᓂᕐᒧᑦ ᐱᔨᑦᓯᖁᓪᓗᒋᑦ ᐊᑕᓂᐅᑉ ᐊᑎᖓᓂ, ᐃᓱᖃᖏᑦᑐᒧᑦ.

ᒨᓯᓯ ᑕᓪᓕᒪᖏᑦ 21:3

ᑕᕝᕙ ᐃᒡᓗᒐᓮᑦ ᑐᖁᑕᐅᓯᒪᔪᒥᒃ ᖃᓂᒃᓴᕐᓂᕐᐹᑉ ᐊᖓᔪᖅᑳᖏᑦ ᐃᒻᒧᒃᓯᐅᒐᕐᒥᒃ ᐱᕈᕋᑖᕕᓂᕐᒥᒃ ᐊᑐᐃᓐᓇᕈᐃᔪᒃᓴᐅᕗᑦ ᓱᓕ ᐊᑐᕐᑕᐅᓚᐅᕐᓯᒪᖏᑦᑐᒥᒃ ᐱᓇᓱᐊᕐᓂᕐᒧᑦ.

ᒨᓯᓯ ᑕᓪᓕᒪᖏᑦ 21:5

ᑕᕝᕙ ᓕᕔᑉ ᑭᖑᕚᖏᑦ ᑐᓂᕐᕈᓯᕐᑎᑦᓯᔩᑦ ᓯᕗᒧᐊᒃᑐᒃᓴᐅᕗᑦ, ᑖᒃᑯᐊ ᐊᑕᓂᐅᑉ ᒎᑎᑦᓯ ᓂᕈᐊᕐᓯᒪᖕᒪᒋᑦ ᐱᔨᑦᓯᖁᓪᓗᒋᑦ ᐃᒻᒥᓄᑦ ᓮᒻᒪᕐᑎᑦᓯᔨᐅᖁᓪᓗᒋᓪᓗ ᐊᑕᓂᐅᑉ ᐊᑎᖓᓂ, ᑖᒃᑯᐊ ᐅᖃᐅᓯᖏᑎᒍᑦ ᐊᑭᕋᕐᑑᑎᑦᔪᑎᓕᒫᑦ ᐋᓐᓂᕐᓯᓇᓱᐊᕐᓂᓕᒫᓪᓗ ᑖᒃᑯᓇᓐᖓᑦ ᐃᓱᐊᕐᓯᑎᑕᐅᔪᓐᓇᕐᒪᑕ.

ᒨᓯᓯ ᑕᓪᓕᒪᖏᑦ 31:9

ᒨᓯᓯᐅᓪᓗ ᐱᖁᔧᑦ ᑎᑎᕋᓚᐅᕐᐰᑦ ᑐᓂᓪᓗᒋᓪᓗ ᓕᕔᑎᓄᑦ ᑐᓂᕐᕈᓯᕐᑎᑦᓯᔨᓄᑦ, ᑖᒃᑯᐊ ᐊᒡᔭᕐᓯᔨᐅᖕᒪᑕ ᐊᑕᓂᐅᑉ ᐊᖏᖃᑎᒌᒍᑎᖏᑕ ᐃᒃᓯᕐᕕᖓᓂᒃ, ᐃᓴᕆᐊᓕᒥᐅᓪᓗ ᐊᖓᔪᖅᑳᖏᓐᓄᑦ.