ᒨᓯᓯ ᑕᓪᓕᒪᖏᑦ 10:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᑲᒪᒋᔭᐅᑦᓯᐊᖁᔨᓪᓗᓂᓗ ᐋᖅᑭᒃᓯᓲᖑᕗᖅ ᐃᓕᐊᕐᔪᖕᓂᒃ ᐅᐃᒡᒐᕐᓂᕐᓂᒡᓗ; ᓄᓇᖃᕐᑐᑐᖃᐅᖏᑦᑐᓪᓗ ᓇᒡᓕᒋᕔᑦ ᐃᓅᖃᑎᑦᑎᓐᓄᑦ ᓄᓇᖅᑲᑎᒋᔭᐅᔪᑦ, ᓂᕿᒃᓴᖃᕐᑎᓪᓗᒋᑦ ᐊᓐᓄᕌᒃᓴᖃᕐᑎᑉᐰᑦ.

ᒨᓯᓯ ᑕᓪᓕᒪᖏᑦ 10:18 Iomraidhean Croise

ᑯᕉᓂᑲ ᐂᑉᐸᖏᑦ 19:7

ᒫᓐᓇᓕ ᑕᕝᕙ, ᐊᑕᓂᐅᑉ ᓯᕘᕋᓇᕐᓂᖓ ᐃᓕᑦᓯᓐᓃᓪᓕ; ᑲᒪᑦᓯᐊᕆᑦᓯ ᐱᓇᓱᐊᕐᑎᓪᓗᓯ, ᐊᑕᓂᖅ ᒎᑎᕗᑦ ᓈᒻᒪᓈᖏᓐᓂᖃᖏᒻᒪᑦ, ᐃᓔᓐᓇᕐᓯᐅᕋᓂᓗ, ᐊᑭᓕᕐᑕᐅᓂᒃᑯᓪᓗ ᐊᓯᑦᔨᕐᓱᐃᓲᖑᓇᓂ.”

ᐃᓐᖏᕈᑎᑦ 10:18

ᐊᑖᑕᖃᖏᑦᑐᑦ, ᓵᓚᓯᐊᖑᔪᓪᓗ ᓴᐳᑎᔪᒪᕙᑎᑦ, ᐃᓄᐃᑦ ᓄᓇᒦᑦᑐᑦ ᑲᑉᐱᐊᓱᒃᑎᑦᓯᔪᓐᓃᖁᓪᓗᒋᑦ.

ᐃᓐᖏᕈᑎᑦ 103:6

ᐊᑕᓂᐅᑉ ᐃᑲᔪᕐᑎᒃᓴᖃᖏᑦᑐᓕᒫᑦ ᐱᓇᓱᐊᕐᕕᒋᕔᑦ ᐃᓱᐊᕐᓂᕐᒥᒃ ᓈᒻᒪᓈᑦᓯᐊᕐᓂᕐᒥᒡᓗ.

ᐃᓐᖏᕈᑎᑦ 145:9

ᐊᑕᓂᖅ ᐱᑦᓯᐊᕐᕕᖃᕐᐳᖅ ᑕᒤᓐᓄᑦ, ᓂᑲᒍᓱᒃᓗᓂᓗ ᓴᓇᓯᒪᔭᓕᒫᒥᓂᒃ.

ᐃᓐᖏᕈᑎᑦ 146:9

ᐊᑕᓂᐅᑉ ᓂᐅᕐᕈᐊᑦ ᑲᒪᒋᕔᑦ, ᐃᓕᐊᕐᔪᐃᑦ ᐅᐃᒡᒐᕐᓃᓪᓗ ᐃᑲᔪᕐᐰᑦ; ᐱᐅᖏᑦᑐᓪᓕ ᐊᖅᑯᑎᖏᑦ ᓄᖑᑎᑉᐰᑦ.

ᐃᓐᖏᕈᑎᑦ 68:5

ᐊᑖᑕᖃᖏᑦᑐᑦ ᐊᑖᑕᖓᑦ, ᐅᐃᒡᒐᕐᓃᑦ ᓴᐳᑦᔨᔨᖓᑦ, ᒎᑎ ᐃᓂᒋᔭᒥᓃᑉᐳᖅ ᐃᑦᔪᕐᓁᑦᑐᒥ.

ᐃᓐᖏᕈᑎᑦ 68:6

ᒎᑎ ᐃᓚᒋᔭᐅᕗᖅ ᐊᖏᕐᕋᒥ ᐃᓄᑑᔪᓂ; ᑎᒍᔭᐅᓯᒪᔪᑦ ᐊᓂᑎᑉᐰᑦ ᐊᔪᕐᓴᕐᓇᖏᑦᑐᒧᑦ; ᐊᑭᕋᕐᑐᕐᑐᓪᓕ ᐃᓂᖃᕐᐳᑦ ᓄᓇᒥ ᐸᓂᕐᑐᒥ.

ᒨᓯᓯ ᐂᑉᐸᖏᑦ 22:20

“ᓇᓪᓕᐊᑦ ᐊᑕᓂᐅᑉ ᐊᓯᐊᓄᑦ, ᒎᑎᒋᔭᐅᔪᓄᑦ ᑐᓂᕐᕈᑎᒃᓴᒥᒃ ᑐᓂᕐᕈᓯᕐᑐᖅ, ᑖᓐᓇ ᑐᖁᑕᐅᓪᓚᕆᒋᒋᐊᖃᕐᐳᖅ.

ᒨᓯᓯ ᐂᑉᐸᖏᑦ 22:21

“ᓂᐅᕐᕈᐊᒥᒃ ᐱᑦᓯᐊᖏᑦᑐᒃᓴᐅᓐᖏᓚᓯ ᐅᑯᒤᒃᓴᕐᑎᑦᓯᓇᓯᓗ; ᐃᓕᑦᓯᑦᑕᐅᖅ ᓂᐅᕐᕈᐊᖑᓚᐅᕐᒥᒐᑦᓯ ᐄᑦᔨᑉᑎᒥ.

ᒨᓯᓯ ᐂᑉᐸᖏᑦ 22:22

“ᐅᐃᒡᒐᕐᓂᕐᒥᒃ ᐃᓕᐊᕐᔪᖕᒥᒡᓘᓐᓃᑦ ᓱᓇᐅᓐᖏᑎᑦᓯᔪᒃᓴᐅᓐᖏᓚᓯ.

ᒨᓯᓯ ᐂᑉᐸᖏᑦ 22:23

ᑍᒤᑦᑐᓂᒃ ᓱᓇᐅᓐᖏᑎᑦᓯᓗᐊᑐᐊᕈᑦᓯ, ᐅᕙᓐᓄᓪᓗ ᐃᑲᔪᕐᑕᐅᔪᒪᓗᑎᒃ ᓂᓪᓕᐊᓕᕐᐸᑕ, ᑕᕝᕙ ᖁᓚᕐᓇᖏᑦᑐᒥᒃ ᓂᓪᓕᐊᓂᖏᑦ ᑐᓴᕋᔭᕐᐸᒃᑲ.

ᐂᓮᐊᓯᐅᑉ ᐊᒡᓚᖏᑦ 1:17

ᐊᑲᐅᔪᒥᒃ ᐃᓕᓐᓂᐊᓕᕆᑦᓯ, ᐸᓯᔭᐅᓐᓇᖏᑦᑐᒥᒃ ᕿᓂᕆᑦᓯ, ᓵᓚᓯᐊᖃᕐᓂᖅ ᐋᖅᑭᒋᐊᕐᓗᒍ; ᐃᓕᐊᕐᔪᐃᑦ ᓴᐳᓐᓂᐊᕐᓗᒋᑦ, ᐅᐃᒡᒐᕐᓃᓪᓗ ᐃᑲᔪᕐᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 49:11

ᐃᓕᐊᕐᔪᖁᑎᓯ ᕿᒪᒃᓯᐅᒃ, ᑲᒪᒋᓂᐊᕐᐸᒃᑲ, ᐅᐃᒡᒐᕐᓂᖁᑎᓯᑦᑕᐅᖅ ᐅᕙᓐᓂᒃ ᑕᑎᖃᕈᓐᓇᕐᓂᐊᕐᐳᑦ.

ᕼᐆᓯᐊᑉ ᐊᒡᓚᖏᑦ 14:3

ᐊᓯᕆᐊᒧᑦ ᐱᐅᓕᔭᐅᓂᐊᓐᖏᓚᒍᑦ, ᕿᒻᒥᕐᔪᐊᒃᑰᕐᓂᐊᓐᖏᓚᒍᑦ; ᐅᖃᕐᓂᐊᕈᓐᓁᕐᐳᒍᓪᓗ, ‘ᒎᑎᕗᑦ,’ ᐊᒡᒐᑦᑕ ᓴᓇᓯᒪᔭᖏᓐᓄᑦ. ᐃᓕᖕᓂᑦ ᐃᓕᐊᕐᔪᐃᑦ ᓂᑲᒋᔭᐅᓂᕐᒥᒃ ᓇᒡᕚᕐᒪᑕ.”

ᒨᓯᓯ ᐱᖓᔪᖏᑦ 25:35

“ᐃᓴᕆᐊᓕᒥᐅᖑᖃᑎᓯ ᐊᔪᕐᓴᓕᕐᐸᑦ ᐃᓅᑦᔪᑎᒃᓴᒥᓂᒡᓗ ᓇᖕᒥᓂᖅ ᐊᔪᓕᕐᓗᓂ, ᐃᑲᔪᕆᐊᖃᕐᐸᓯ ᓲᕐᓗ ᓂᐅᕐᕈᐊᑎᑐᑦ ᐃᖅᑲᓁᔭᕐᑎᑐᓪᓘᓐᓃᑦ ᑲᒪᒋᑎᒋᓗᒍ, ᓄᓇᑦᓯᓐᓂ ᐃᓂᖃᓯᐊᑦᓮᓐᓇᖁᓪᓗᒍ.

ᒨᓯᓯ ᓯᑕᒪᖏᑦ 10:32

ᐅᕙᑦᑎᓐᓄᑦ ᐊᐅᓪᓚᖃᑕᐅᒍᕕᑦ, ᐱᑎᑕᐅᖃᑎᒋᓂᐊᕐᐸᑦᑎᒋᑦ ᐱᐅᔪᓂᒃ ᐊᑕᓂᐅᑉ ᑐᓂᔭᖏᓐᓂᒃ ᐅᕙᑦᑎᓐᓄᑦ.”

ᒫᑎᐅᓯᐅᑉ ᐊᒡᓚᖏᑦ 5:45

ᕿᑐᕐᖓᕆᔭᐅᓕᖁᓪᓗᓯ ᐊᑖᑕᑦᓯᓐᓄᑦ ᕿᓚᖕᒦᑦᑐᒧᑦ; ᑖᑦᓱᒪ ᓯᕿᓂᓂ ᖃᐅᒻᒪᒃᑎᒻᒪᒍ ᐱᑦᓯᐊᕐᑐᓄᑦ ᐱᑦᓯᐊᖏᑦᑐᓄᓪᓗ, ᓯᓚᓗᒃᑎᑦᓯᕙᒡᓗᓂᓗ ᐊᑲᐅᔪᓕᔪᓄᑦ ᐊᑲᐅᖏᑦᑐᓕᔪᓄᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 14:17

ᓇᓗᓁᕐᓯᔪᓂᒃ ᐃᒻᒥᓄᑦ ᑐᕌᖓᔪᓂᒃ ᓴᖅᑭᑎᑦᓯᖃᑦᑕᓚᐅᕐᐳᖅ, ᐱᑦᓯᐊᕐᓂᕐᒥᓂᒃ ᓴᖅᑭᑎᑦᓯᕙᒃᓗᓂ ᕿᓚᖕᒥᑦ ᓯᓚᓗᒃᑎᑦᓯᕙᒃᑲᒥ ᐊᑲᐅᓈᑦᓯᐊᕐᑐᒥᒃ, ᑐᓂᓯᕕᒋᕙᒃᐹᓯᓗ ᓂᕿᒃᓴᓂᒃ, ᖁᕕᐊᓱᖕᓂᖃᕐᑎᓪᓗᓯᓗ ᐃᓗᑦᓯᒍᑦ.”

ᒨᓯᓯ ᑕᓪᓕᒪᖏᑦ 27:19

“‘ᒎᑎᐅᑉ ᓱᒋᐊᕐᑕᒃᓴᕆᕚ ᓇᓪᓕᐊᑦ ᐊᑦᔨᒌᒃᑎᑦᓯᓂᕐᒥᒃ ᐊᑐᖏᑦᑐᖅ ᐱᑦᓯᐊᕐᑕᐅᔭᕆᐊᖃᕐᓂᖏᓐᓂᒃ ᓄᓇᓕᑐᖃᐅᖏᑦᑐᑦ, ᐃᓕᐊᕐᔪᐃᑦ, ᐅᐃᒡᒐᕐᓃᓪᓗ.’ “ᑕᕝᕙ ᐃᓄᓕᒫᑦ ᑭᐅᔪᒃᓴᐅᕗᑦ, ‘ᐋᒦᓐ!’