ᒨᓯᓯ ᑕᓪᓕᒪᖏᑦ 1:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ “ᐱᓇᓱᐊᓚᐅᕐᐳᒍᑦ ᐊᑕᓂᐅᑉ ᒎᑎᑦᑕ ᐱᓇᓱᐊᕐᑕᐅᖁᓚᐅᕐᑕᖏᓐᓂᒃ. ᖃᖅᑲᒥᑦ ᕼᐆᕆᑉᒥᑦ ᐊᐅᓪᓚᓚᐅᕐᐳᒍᑦ ᐃᖏᕐᕋᓪᓗᑕᓗ ᓯᕕᑐᔪᐊᓗᒃᑯᑦ ᓯᐅᕅᓐᓈᓗᒃᑯᑦ ᓯᕘᕋᓇᕐᑐᒃᑯᓪᓗ ᐊᒧᕅᑎᒃᑯᑦ ᖃᖅᑲᖏᓐᓄᐊᕐᐸᓪᓕᐊᓪᓗᑕ, ᓄᓇᒧᓪᓕ ᑲᑎᓯ-ᐸᕐᓂᐊᒧᑦ ᑎᑭᓐᓇᑦᑕ,

ᒨᓯᓯ ᑕᓪᓕᒪᖏᑦ 1:19 Iomraidhean Croise

ᔨᕆᒤᐊᐅᑉ ᐊᒡᓚᖏᑦ 2:6

ᐅᖃᓚᐅᓐᖏᓚᓪᓘᓐᓃᑦ, ᐊᑕᓂᖅ ᓇᓃᒻᒪᖔᑦ, ᑭᓇᒧᓪᓗ ᐄᑦᔨᑉᑎᒥᑦ ᐊᐅᓪᓚᕐᑎᑕᐅᓚᐅᕐᒪᖔᕐᒥᒃ; ᑭᓇᒧᓪᓗ ᐃᓄᖃᖏᑦᑐᒃᑯᑦ ᑕᓯᐅᕐᑕᐅᓚᐅᕐᒪᖔᕐᒥᒃ, ᓄᓇᒃᑯᑦ ᓯᐅᕋᒃᑯᑦ ᑭᕕᓐᓇᕐᑐᓕᒃᑯᓪᓗ, ᓄᓇᒃᑯᓪᓗ ᑳᖕᓇᕐᑐᖃᕐᑐᒃᑯᑦ ᑲᑉᐱᐊᓇᕐᑐᖃᕐᑐᒃᑯᓪᓗ, ᓄᓇᒃᑯᑦ ᐊᐅᓚᕝᕕᐅᕙᖏᑦᑐᒃᑯᑦ ᓄᓇᖃᕐᕕᐅᕙᖏᑦᑐᒃᑯᓪᓗ.

ᒨᓯᓯ ᓯᑕᒪᖏᑦ 10:12

ᐃᓴᕆᐊᓕᐅᓪᓗ ᕿᑐᕐᖓᖏᑦ ᐃᓄᖃᖏᑦᑐᒥᑦ ᓮᓁᒥᑦ ᐃᖏᕐᕋᓯᓚᐅᕐᐳᑦ; ᓄᕗᔭᓗ ᓄᖅᑲᕐᓗᓂ ᐃᓄᖃᖏᑦᑐᒥ ᐸᕌᓐᒥ.

ᒨᓯᓯ ᓯᑕᒪᖏᑦ 13:13

ᐋᓱᕆᐅᑉ ᑭᖑᕚᖏᓐᓂᑦ, ᓯᑐᕆ ᒤᑰᑉ ᐃᕐᓂᖓ;

ᒨᓯᓯ ᓯᑕᒪᖏᑦ 13:26

ᐊᐅᓪᓚᕋᒥᒃ ᒨᓯᓯᒧᑦ ᐂᕉᓂᒧᓪᓗ ᐃᓴᕆᐊᓕᒥᐅᓄᑦ ᐅᑎᕐᐳᑦ, ᑲᑎᓯᒦᑦᑐᓄᑦ ᐃᓄᖃᖏᑦᑐᒥ ᐸᕌᓐᒥ; ᐅᓂᒃᑳᕐᓗᑎᒡᓗ ᐃᓄᖃᑎᒌᒡᔪᐊᓄᑦ, ᓄᓇᐅᓪᓗ ᐸᐅᕐᖓᖏᓐᓂᒃ ᑕᑯᑎᓪᓗᒋᑦ.

ᒨᓯᓯ ᓯᑕᒪᖏᑦ 14:14

ᐅᖃᐅᓯᕆᓂᐊᕐᐹᓪᓗ ᓄᓇᐅᑉ ᐅᐸᒐᓱᐊᕐᑕᑦᑕ ᐃᓄᖏᓐᓄᑦ. ᑐᓴᕐᓯᒪᖕᒪᑕ, ᐃᕝᕕᑦ ᐊᑕᓃᖅ, ᐃᓄᐃᑦ ᑖᒃᑯᐊ ᐃᓚᒋᒐᕕᒋᑦ; ᐃᕝᕕᓪᓗ ᐊᑕᓃᖅ ᑕᑯᕙᒃᑲᕕᒋᑦ ᑮᓇᕐᒥᑦ ᑮᓇᕐᒧᑦ ᓄᕗᔭᒧᓪᓗ ᖁᓚᖏᐊᖃᑦᑕᕋᕕᒋᑦ, ᓄᕗᔭᒧᓪᓗ ᓯᕗᓕᖃᑦᑕᕋᕕᒋᑦ ᐅᓪᓗᒃᑯᑦ ᐃᑯᐊᓚᔪᒧᓪᓗ ᐅᓐᓄᐊᒃᑯᑦ.

ᒨᓯᓯ ᓯᑕᒪᖏᑦ 32:8

ᓯᕗᓕᓯ ᑍᑦᓱᒪᓂ ᑎᓕᓚᐅᕋᒃᑭᑦ ᓄᓇᒥ ᑲᑎᓯ-ᐸᕐᓂᐊᒥᑦ ᓄᓇᒥᒃ ᕿᒥᕐᕈᔭᕐᑐᓚᐅᕐᐳᑦ.

ᒨᓯᓯ ᑕᓪᓕᒪᖏᑦ 1:2

(ᐅᓪᓗᓂᒃ 11ᓂᒃ ᐃᖏᕐᕋᓇᕐᐳᖅ ᖃᖅᑲᒥᑦ ᕼᐆᕆᑉᒥᑦ ᓰᐊᕆᐅᑉ ᖃᖅᑲᖏᑎᒎᕐᓗᓂ ᑲᑎᓯ-ᐸᕐᓂᐊᒧᑦ.)

ᒨᓯᓯ ᑕᓪᓕᒪᖏᑦ 1:20

ᐅᖃᐅᑎᓚᐅᕐᐸᑦᓯ, ‘ᒫᓐᓇ ᐊᒧᕅᑎᒃᑯᑦ ᖃᖅᑲᖏᓐᓄᐊᕋᑦᑕ ᐊᑕᓂᐅᑉ ᒎᑎᑦᑕ ᐅᕙᑦᑎᓐᓄᑦ ᑐᓂᔭᖓᓄᑦ,

ᒨᓯᓯ ᑕᓪᓕᒪᖏᑦ 1:7

ᐸᕐᓇᒡᓗᓯ ᑕᕝᕙᓐᖓᑦ ᓅᓕᕆᑦᓯ, ᐊᒧᕅᑎᒥᐅᑦ ᖃᖅᑲᖏᓐᓄᐊᕐᓗᓯ ᓄᓇᓕᓕᒫᓄᑦ ᖃᓂᒋᔮᓃᑦᑐᓄᑦ ᔪᐊᕐᑕᓂᐅᑉ ᓇᕐᓴᖓᓄᑦ ᑎᑭᓪᓗᓯ, ᖃᖅᑲᓕᖕᓄᑦ ᓇᑎᕐᓇᓕᖕᓄᓪᓗ, ᓄᓇᓕᖕᓄᓪᓗ ᐊᒃᐸᓯᖕᓂᕐᓴᓄᑦ ᓯᕿᓂᐅᑉ ᓇᓛᓃᑦᑐᓄᑦ ᓂᒋᑉᒥ, ᒥᑎᑎᕆᓂᐊᑉ ᐃᒪᖓᑕ ᑭᒡᓕᖓᓄᑦ ᑎᑭᓪᓗᓯ. ᑬᓇᓂᐅᑉ ᓄᓇᖓᓄᑦ ᐂᔪᒃᓴᐅᕗᓯ ᓕᐸᓇᓂᐅᓪᓗ ᖃᖅᑲᖏᑦ ᖄᖏᕐᓗᒋᑦ ᑰᒑᓗᖕᒧᑦ ᐃᕗᕅᑎᒧᑦ ᑎᑭᓪᓗᓯ.

ᒨᓯᓯ ᑕᓪᓕᒪᖏᑦ 2:7

ᐊᑕᓂᐅᑉ ᒎᑎᑦᓯ ᓮᒻᒪᕐᑎᓯᒪᖕᒪᓯ ᐱᓇᓱᐊᕐᓯᒪᔭᑦᓯᒍᑦ ᑕᒤᑎᒍᑦ. ᑖᑦᓱᒪᓗ ᑲᒪᒋᑦᓯᐊᕐᓯᒪᕚᓯ ᑕᒪᐅᓇ ᓄᓇᒃᑯᑦ ᐃᓄᖃᖏᑦᑐᒃᑯᑦ ᐃᖏᕐᕋᑎᓪᓗᓯ, ᑖᑦᓱᒪᓗ ᐃᓚᒋᓚᐅᕐᐹᓯ ᑖᒃᑯᓇᓂ ᐊᕐᕌᒍᓂ 40ᓂ, ᓱᓇᓕᒫᑦᓯᐊᓂᒡᓗ ᑭᓐᖒᒪᒋᔭᑦᓯᓐᓂᒃ ᑐᓂᓯᕕᒋᓯᒪᓪᓗᓯ.

ᒨᓯᓯ ᑕᓪᓕᒪᖏᑦ 32:10

ᑖᑦᓱᒪ ᓇᓂᓚᐅᕐᐹ ᐃᓄᖃᖏᑦᑐᒦᑎᓪᓗᒍ, ᓱᓇᖃᖏᑦᑐᒥ, ᐊᓄᕌᖏᓐᓇᕐᑐᒥ ᐃᓄᖃᖏᑦᑐᒥ; ᑖᑦᓱᒪ ᐊᕙᓗᓯᒪᓚᐅᕐᐹ ᓴᐳᑎᓯᒪᓪᓗᒍ ᑲᒪᒋᑦᓯᐊᕐᓗᒍᓗ, ᓴᐳᑎᓯᒪᓚᐅᕐᐹ ᐃᒻᒥᓂᒃ ᓴᐳᑎᓯᒪᒐᔭᕐᓂᕐᒥᑐᑦ.

ᒨᓯᓯ ᑕᓪᓕᒪᖏᑦ 8:15

ᑖᑦᓱᒪ ᑕᓯᐅᓚᐅᕐᒪᓯ ᓯᕕᑐᔪᐊᓗᒃᑯᑦ ᖁᐊᕐᓵᖓᓇᕐᑐᒃᑯᓪᓗ ᓱᓇᖃᖏᑦᑐᒃᑯᑦ, ᖁᒡᓗᒋᐊᖃᕐᑐᒃᑯᑦ ᑐᖁᓐᓇᕐᑐᓕᖕᓂᒃ ᓯᑯᐊᕐᐱᐅᓂᖃᕐᑐᑎᒍᓪᓗ. ᓄᓇᒃᑯᑦ ᐸᓂᕐᑐᐊᓗᒃᑯᑦ ᐃᒪᖃᖏᑦᑐᒃᑯᑦ ᐃᒥᕐᒥᒃ ᑰᓕᕐᑎᑦᓯᓚᐅᕐᐳᖅ ᐃᒥᕐᕕᒃᓴᑦᓯᓐᓂᒃ ᐅᔭᕋᖕᒥᑦ ᕾᕐᑐᓪᓚᕆᖕᒥᑦ.

ᔮᓱᐊᑉ ᐊᒡᓚᖏᑦ 10:41

ᔮᓱᐊᓪᓗ ᐃᓚᒋᔭᖏᑕᓗ ᓵᓚᒋᓚᐅᕐᐰᑦ ᑲᑎᓯ-ᐸᕐᓂᐊᒥᑦ ᒑᓴᒧᑦ ᐃᒪᐅᑉ ᓯᓈᓄᑦ ᑎᑭᓪᓗᒋᑦ, ᒎᓯᓂᐅᓪᓗ ᓄᓇᓕᓕᒫᖓ ᐱᖃᓯᐅᑎᓪᓗᒍ, ᑕᑉᐸᐅᖓᓕᒫᖅ ᓯᕿᓂᐅᑉ ᑕᕐᕌᖓᓄᑦ ᒋᐱᐅᓂ ᑎᑭᓪᓗᒍ.