ᑖᓂᐊᓕᐅᑉ ᐊᒡᓚᖏᑦ 9:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐊᑕᓂᖅ ᒎᑎᕗᑦ ᓈᒃᑭᒍᓱᖕᒪᑦ ᐃᓱᒪᒋᔪᓐᓁᕐᕕᖃᕈᓐᓇᕐᓗᓂᓗ, ᐅᕙᒍᑦ ᑖᑦᓱᒥᖓ ᐊᑭᕋᕐᑐᕐᓯᒪᒐᓗᐊᕐᑎᓪᓗᑕ;

ᑖᓂᐊᓕᐅᑉ ᐊᒡᓚᖏᑦ 9:9 Iomraidhean Croise

ᓴᒧᐃᓕ ᐂᑉᐸᖏᑦ 24:14

ᑕᕝᕙ ᑍᕕᑎ ᑭᐅᕗᖅ ᒑᑦᒧᑦ, “ᐊᖏᔪᒥᒃ ᐊᒃᓱᕈᕐᓇᕐᑐᒦᓕᕐᐳᖓ; ᐊᑕᓂᐅᑉ ᓇᖕᒥᓂᖅ ᓱᒋᐊᓕᕐᓕᑎᒍᑦ, ᑖᓐᓇ ᓈᒃᑭᒍᓱᖕᓂᕐᔪᐊᖃᕐᒪᑦ; ᑭᓯᐊᓂᓕ ᐃᓄᖕᓄᑦ ᓱᒋᐊᕐᑕᐅᔪᒪᓐᖏᓚᖓ.”

ᐊᑕᓃᑦ ᓯᕗᓪᓖᑦ 8:30

“ᐱᔨᕕᑦ ᑐᒃᓯᐊᕐᓂᖓ ᑐᓴᓚᐅᕈᒃ ᐃᓄᖁᑎᕕᓪᓗ ᐃᓴᕆᐊᓕᑏᑦ ᑐᒃᓯᐊᕐᓂᖏᑦ, ᑐᒃᓯᐊᕌᖓᑕ ᐅᕗᖓ ᓵᓐᖓᓗᑎᒃ; ᑐᓵᖃᑦᑕᕆᑦ ᕿᓚᖕᒥᑦ ᐃᓂᒋᔭᕐᓂᑦ; ᑐᓵᑐᐊᕈᕕᑦ ᐃᓱᒪᒋᔪᓐᓁᕐᕕᒋᑎᒍᑦ.

ᓂᕼᐃᒤᐊᐅᑉ ᐊᒡᓚᖏᑦ 9:31

ᑍᒤᒃᑲᓗᐊᕐᑎᓪᓗᒍ, ᓈᒃᑭᒍᓱᖕᓂᕐᔪᐊᕐᓄᑦ ᓇᕐᕈᒋᓕᓚᐅᓐᖏᓚᑎᑦ ᐊᓯᕈᓚᐅᕐᓇᒋᓪᓗ, ᐱᑦᓯᐊᕐᓗᑎᑦ ᓈᒃᑭᒍᓱᒡᓗᑎᓪᓗ ᒎᑎᐅᒐᕕᑦ.

ᐃᓐᖏᕈᑎᑦ 130:4

ᐃᓕᖕᓂᓕ ᐃᓱᒪᒋᔪᓐᓁᕐᕕᐅᓂᕐᑕᖃᕐᐳᖅ, ᓯᕘᕋᒋᔭᐅᔪᓐᓇᖁᓪᓗᑎᑦ.

ᐃᓐᖏᕈᑎᑦ 130:7

ᐃᓴᕆᐊᓕᑎᒃᑯᑦ, ᐊᑕᓂᖅ ᓂᕆᐅᒡᕕᒋᓯᐅᒃ! ᐊᑕᓂᕐᒥ ᓇᒡᓕᖕᓂᕐᑕᖃᕐᒪᑦ ᓱᖁᓯᔪᐃᑦᑐᒥᒃ, ᐱᐅᓕᔭᐅᕕᒃᓴᕐᑕᖃᕐᓗᓂᓗ ᐊᖏᔪᒥᒃ ᑖᑦᓱᒪᓂ.

ᐃᓐᖏᕈᑎᑦ 62:12

ᐊᑕᓃᖅ ᐃᕝᕕᓪᓗ, ᓇᒡᓕᖕᓂᖅ ᓱᖁᓯᔪᐃᑦᑐᖅ ᐱᒋᕙᑦ. ᑐᓂᓯᕙᒃᐳᑎᓪᓗ ᐊᑐᓂᑦ ᐱᓂᐊᕐᓂᖏᑦ ᒪᓕᒡᓗᒋᑦ.

ᐃᓐᖏᕈᑎᑦ 86:15

ᐃᕝᕕᓪᓕ ᐊᑕᓃᖅ, ᒎᑎᐅᕗᑎᑦ ᓂᑲᒍᓱᒃᑐᖅ ᐱᑦᓯᐊᕐᓗᑎᓪᓗ, ᕿᓄᐃᑦᑑᕗᑎᑦ ᓇᒡᓕᒍᓱᖕᓃᓪᓗ ᓱᖁᓯᔪᐃᑦᑑᓃᓪᓗ ᐃᓱᖃᕋᑎᒃ.

ᐃᓐᖏᕈᑎᑦ 86:5

ᐊᑕᓃᖅ, ᐱᐅᔫᒐᕕᑦ ᐃᓱᒪᒋᔪᓐᓁᕐᕕᖃᕐᓗᑎᓪᓗ, ᓇᒡᓕᖕᓂᖃᕐᐳᑎᓪᓗ ᓱᖁᓯᔪᐃᑦᑐᒥᒃ ᑕᒤᓐᓄᑦ ᐃᓕᖕᓄᑦ ᓂᓪᓕᐊᕕᖃᕐᑐᓄᑦ.

ᐂᓮᐊᓯᐅᑉ ᐊᒡᓚᖏᑦ 55:7

ᐱᐅᖏᑦᑐᓕᔫᑉ ᐊᖅᑯᑎᓂ ᕿᒪᓕᕐᓕᐅᒃ, ᓈᒻᒪᖏᑦᑐᓪᓗ ᐃᓱᒪᒋᔭᓂ ᓈᒻᒪᖏᑦᑐᑦ ᑐᓄᓪᓕᒋᑦ; ᓵᒋᐊᕐᓗᓂᓗ ᐊᑕᓂᕐᒧᑦ, ᑕᕝᕙ ᑖᑦᓱᒪ ᓈᒃᑭᒋᓂᐊᕐᐹ, ᒎᑎᑦᑎᓐᓄᓪᓗ ᓵᒋᐊᕐᓕ ᑕᕝᕙ ᑲᔪᓯᑦᓯᐊᕐᑐᒥᒃ ᐃᓱᒪᒋᔪᓐᓁᕐᕕᒋᓂᐊᕐᐹ.

ᐂᓮᐊᓯᐅᑉ ᐊᒡᓚᖏᑦ 63:7

ᐊᑕᓂᐅᑉ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐅᓂᒃᑲᐅᓯᕆᔪᒪᕙᕋ, ᐊᑕᓂᐅᓪᓗ ᓂᕐᑐᕐᓇᕐᓂᖓ, ᐊᑕᓂᐅᓪᓗ ᐱᓂᐊᕐᓂᕆᓯᒪᔭᓕᒫᖏᑦ ᐅᕙᑦᑎᓐᓄᑦ, ᐱᑦᓯᐊᕐᓂᕆᖃᑦᑕᕐᓯᒪᔭᖏᓪᓗ ᐃᓴᕆᐊᓕᒥᐅᑦ ᑭᖑᕚᖑᖃᑎᒌᖏᓐᓄᑦ ᐱᓂᐊᕐᓂᕆᕙᓚᐅᕐᑕᖏᑦ ᑖᒃᑯᓂᖓ ᓂᑲᒍᓱᖕᓂᕐᒥᓄᑦ.

ᔨᕆᒤᐊᐅᑉ ᐊᒡᓚᖏᑦ 14:7

ᐊᔪᕐᑐᓕᓂᕗᑦ ᐸᓯᔭᒃᓴᐅᑦᔪᑎᒋᒐᓗᐊᕐᐸᕗᑦ, ᐊᑕᓃᕐᓕ, ᐃᑲᔪᕐᑎᒍᑦ ᐊᑏᑦ ᐱᑦᔪᑎᒋᓗᒍ; ᑲᑕᒃᓯᒪᓂᕗᑦ ᐊᖏᔫᖕᒪᑦ, ᐃᓕᖕᓄᑦ ᐊᔪᕐᑐᓕᓚᐅᕋᑦᑕ.

ᐃᓯᑭᐊᓕᐅᑉ ᐊᒡᓚᖏᑦ 20:13

ᐃᓴᕆᐊᓕᐅᑉ ᑭᖑᕚᖏᑕ ᐃᓄᖃᖏᑦᑐᒦᓪᓗᑎᒃ ᐊᑭᕋᕐᑐᓕᓚᐅᕐᐹᖓ; ᐱᖁᔭᒃᑲ ᓯᖁᒥᓚᐅᕐᐰᑦ ᐱᓂᐊᕐᑕᐅᖁᔭᒃᑲᓗ ᓈᓚᓚᐅᕐᓇᒋᑦ, ᓈᓚᒃᑐᓄᑦ ᐃᓅᑦᔪᑕᐅᔪᓐᓇᕐᑎᓪᓗᒋᑦ; ᓴᐸᑎᖁᑎᒃᑲᓗ ᓇᕐᕈᓇᕐᓯᑎᓚᐅᕐᐰᑦ. ᓂᓐᖓᐅᒪᓂᓐᓄᑦ ᐱᒋᐊᕈᒪᓕᓚᐅᕋᓗᐊᕐᐸᒃᑲ ᐃᓄᖃᖏᑦᑐᒦᑎᓪᓗᒋᑦ, ᓄᖑᑦᓯᐊᒻᒪᕆᒍᒪᓪᓗᒋᓪᓗ.

ᑖᓂᐊᓕᐅᑉ ᐊᒡᓚᖏᑦ 9:5

“ᐱᐅᖏᑦᑐᓕᓯᒪᒐᑦᑕ ᓈᒻᒪᖏᑦᑐᓂᒡᓗ ᐱᓂᐊᕐᓂᖃᕐᓯᒪᓪᓗᑕ, ᐱᐅᖏᑦᑐᐊᓘᓯᒪᒐᑦᑕ ᐃᓕᖕᓂᒡᓗ ᐊᑭᕋᕐᑐᕐᓯᒪᓪᓗᑕ; ᒪᓕᒐᒃᓴᐅᖁᔭᕐᓂᒃ ᐱᖁᔭᕐᓂᒡᓗ ᕿᒤᓯᒪᒐᑦᑕ.

ᑖᓂᐊᓕᐅᑉ ᐊᒡᓚᖏᑦ 9:6

ᐱᔨᑎᑦ ᐅᖃᕐᑎᑎᑦ ᓈᓚᖃᑦᑕᕐᓯᒪᖏᓐᓇᑦᑎᒍ, ᐃᕝᕕᑦ ᐊᑎᖓᓂ ᐅᖃᓪᓚᖃᑕᕐᓯᒪᔪᑦ ᐊᖓᔪᖅᑳᕐᔪᐊᓄᑦ, ᐊᖓᔪᖅᑳᓄᓪᓗ ᓯᕗᓕᕕᓂᑦᑎᓐᓄᓪᓗ, ᐃᓄᖕᓄᓪᓗ ᓄᓇᑎᓐᓂ ᓄᓇᖃᕐᑐᓕᒫᓄᑦ.

ᑖᓂᐊᓕᐅᑉ ᐊᒡᓚᖏᑦ 9:7

ᐊᑕᓃᖅ, ᐃᓱᐊᕐᑑᒐᕕᑦ, ᐅᓪᓗᒥᓕ ᐃᓕᖕᓄᑦ ᑲᓐᖑᓱᖕᓂᕐᒥᒃ ᐅᓕᒃᓯᒪᕗᒍᑦ, ᐃᓄᐃᑦ ᔫᑕᒥ ᓄᓇᖃᕐᑐᑦ, ᔨᕉᓴᓕᒥᓗ ᓄᓇᖃᕐᑐᓕᒫᑦ, ᖃᓂᑦᑐᒧᑦ ᐅᖓᓯᒃᑐᒧᓪᓗ ᓄᓇᖃᑎᒌᒃᔪᐃᓪᓗ ᐊᓯᖏᓐᓄᑦ ᓯᐊᒻᒪᕐᑎᓯᒪᒐᑦᑎᒍᑦ, ᐃᓕᖕᓄᑦ ᑲᔪᓯᖃᑦᑕᕐᓯᒪᖏᓐᓂᑦᑎᓐᓄᑦ.

ᑖᓂᐊᓕᐅᑉ ᐊᒡᓚᖏᑦ 9:8

ᐊᑕᓃᖅ, ᐅᕙᒍᑦ ᐊᖓᔪᖅᑳᕐᔪᐊᕗᑦ, ᐊᖓᔪᖅᑳᕗᓪᓗ, ᓯᕗᓕᕕᓂᕗᓪᓗ ᐅᓕᒃᓯᒪᕗᒍᑦ ᑲᓐᖑᓱᖕᓂᕐᒥᒃ, ᐊᔪᕐᑐᓕᓯᒪᒐᑦᑕ ᐃᓕᖕᓄᑦ.

ᔫᓇᐅᑉ ᐊᒡᓚᖏᑦ 4:2

ᑐᒃᓯᐊᓕᕐᐳᕐᓗ ᐊᑕᓂᕐᒧᑦ ᐅᖃᕐᓗᓂ: “ᐊᑕᓃᖅ, ᐅᖃᐅᓯᕆᓚᐅᕐᑕᕋ ᓇᓚᐅᑦᓯᓐᖏᓛᖅ ᓄᓇᑦᑎᓐᓃᓪᓗᖓ ᓱᓕ ᑍᒤᓕᐅᕋᔭᕐᓂᕐᓂᒃ? ᑕᒪᓐᓇ ᐱᓪᓗᒍ ᑐᐊᕕᕐᓗᖓ ᕿᒫᓚᐅᕐᐳᖓ ᑖᕐᓯᓯᒧᑦ, ᖃᐅᔨᒪᒐᒪ ᐃᕝᕕᑦ ᒎᑎᐅᒐᕕᑦ ᐱᑦᓯᐊᕐᓂᖃᕐᑐᖅ ᓈᒃᑭᒍᓱᒃᑐᕐᓗ, ᓂᓐᖓᒃᓴᕅᖏᑦᑐᖅ ᓇᒡᓕᒍᓱᒃᑐᕐᔫᔪᕐᓗ, ᐃᓱᒤᓪᓗ ᓱᒋᐊᕐᓂᕐᒥᑦ ᓴᖑᑎᓲᕆᒐᕕᐅᒃ ᖃᕿᐊᓕᕐᑐᖃᑐᐊᕐᒪᑦ ᐊᑲᐅᖏᓐᓂᕐᒥᑦ.