ᑖᓂᐊᓕᐅᑉ ᐊᒡᓚᖏᑦ 9:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐱᔨᑎᑦ ᐅᖃᕐᑎᑎᑦ ᓈᓚᖃᑦᑕᕐᓯᒪᖏᓐᓇᑦᑎᒍ, ᐃᕝᕕᑦ ᐊᑎᖓᓂ ᐅᖃᓪᓚᖃᑕᕐᓯᒪᔪᑦ ᐊᖓᔪᖅᑳᕐᔪᐊᓄᑦ, ᐊᖓᔪᖅᑳᓄᓪᓗ ᓯᕗᓕᕕᓂᑦᑎᓐᓄᓪᓗ, ᐃᓄᖕᓄᓪᓗ ᓄᓇᑎᓐᓂ ᓄᓇᖃᕐᑐᓕᒫᓄᑦ.

ᑖᓂᐊᓕᐅᑉ ᐊᒡᓚᖏᑦ 9:6 Iomraidhean Croise

ᐊᑕᓃᑦ ᐂᑉᐸᖏᑦ 18:12

ᐊᑕᓂᕐᒥᒃ ᒎᑎᒥᒃᑕ ᓂᐱᖓᓂᒃ ᓈᓚᓚᐅᖏᒻᒪᑕ, ᐊᖏᖃᑎᒌᒍᑎᒋᓯᒪᔭᒥᖕᓂᒃ ᓯᖁᒥᑦᓯᓚᐅᕐᒪᑕ, ᐱᖁᔭᓕᒫᓂᒃ ᒨᓯᓯᒃᑯᑦ ᑐᓂᔭᐅᓚᐅᕐᑐᓂᒃ ᐊᑕᓂᐅᑉ ᐱᔨᖓᒍᑦ; ᓈᓚᒍᓐᓃᓚᐅᕐᒪᑕ ᐊᑕᓂᐅᑉ ᓂᐱᖓᓂᒃ ᒪᓕᒐᑎᒡᓗ ᐱᖁᔭᖏᓐᓂᒃ.

ᑯᕉᓂᑲ ᐂᑉᐸᖏᑦ 33:10

ᐊᑕᓂᖅ ᐅᖃᓚᐅᕐᐳᖅ ᒫᓇᓯᒧᑦ ᐃᓄᖁᑎᖏᓐᓄᓪᓗ, ᑖᒃᑯᐊᓕ ᓈᓚᓚᐅᓐᖏᓚᑦ.

ᐄᓱᕋᐅᑉ ᐊᒡᓚᖏᑦ 9:7

ᓯᕗᓕᑦᑕ ᐅᓪᓗᖏᓐᓂᑦ ᒫᓐᓇᒧᑦ, ᐅᕙᒍᑦ ᐃᓄᖁᑎᑎᑦ ᐊᔪᕐᑐᓕᓯᒪᕗᒍᑦ ᐊᖏᔪᒻᒪᕆᐊᓗᖕᒥᒃ, ᐸᓯᔭᒃᓴᐅᓂᕗᑦ ᐱᓪᓗᒋᑦ ᐊᖓᔪᖅᑳᕐᔪᐊᕗᑦ, ᑐᓂᕐᕈᓯᕐᑎᑦᓯᔨᕗᓪᓗ ᑎᒍᔭᐅᓚᕿᓯᒪᕗᑦ, ᐃᓅᖃᑎᒃᓴᔭᕆᓐᖏᑕᑦᑎᓐᓄᑦ ᐊᖓᔪᖅᑳᕐᔪᐊᓄᑦ, ᑐᖁᓴᕐᑕᐅᓯᒪᕗᒍᑦ, ᑎᒡᓕᒡᕕᐅᓯᒪᕗᒍᑦ, ᐊᐅᓪᓚᕈᑦᔭᐅᓯᒪᕗᒍᑦ ᑎᒍᔭᐅᓯᒪᔪᑎᑐᑦ, ᓇᕐᕈᓇᕐᓯᑎᑕᐅᓯᒪᕗᒍᑦ ᐅᓪᓗᒥ ᓱᓕ ᑍᒤᑉᐳᒍᑦ.

ᓂᕼᐃᒤᐊᐅᑉ ᐊᒡᓚᖏᑦ 9:30

ᐊᕐᕌᒍᓂᒃ ᐅᓄᕐᑐᓂᒃ ᕿᓄᐃᓵᕐᓗᑎᑦ ᐃᓂᕐᑎᖃᑦᑕᓚᐅᕐᐸᑎᑦ, ᐅᖃᕐᑎᑎᓪᓗ ᐊᓂᕐᓂᒃᑯᑦ ᐅᖃᕈᒪᔪᓐᓇᕐᑎᓚᐅᕐᐸᑎᑦ, ᐃᓄᖁᑎᑎᓪᓕ ᓱᓕ ᑐᓵᓐᖏᓴᓚᐅᕐᐳᑦ; ᑍᒤᒻᒪᑦ ᓵᓚᐅᑎᓚᐅᕐᐸᑎᑦ ᐃᓅᖃᑎᒌᒡᔪᐊᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 9:32

ᒎᑏᒃ, ᒎᑎᕗᑦ ᐊᖏᔪᕐᔪᐊᖑᕗᑎᑦ ᐊᔪᒐᖃᖏᑦᑐᕐᔪᐊᖑᓪᓗᑎᓪᓗ! ᑲᑉᐱᐊᓇᕐᑐᐊᓘᓪᓗᑎᑦ, ᐱᔪᓐᓇᕐᓂᕐᔪᐊᖃᕐᐳᑎᑦ! ᓇᒡᓕᒍᓱᖕᓂᕐᔪᐊᕐᓄᑦ ᐊᖏᖃᑎᒌᒍᑎᒋᓚᐅᕐᑍᑦ ᑲᔪᓯᑎᒃᑲᕕᐅᒃ: ᑍᑦᓱᒪᓐᖓᒥᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖏᑕ ᐅᖁᒤᒃᓴᕐᑎᓚᐅᕐᒪᑎᒍᑦ ᒫᓐᓇᒧᑦ ᐊᒡᓛᑦ ᐊᒃᓱᕈᕐᐳᒍᑦ. ᐊᖓᔪᖅᑳᕐᔪᐊᕗᑦ, ᓯᕗᓕᕐᑎᕗᑦ, ᑐᓂᕐᕈᓯᕐᑎᑦᓯᔨᕗᑦ, ᐅᖃᕐᑎᕗᓪᓗ, ᓯᕗᓕᕗᓪᓗ, ᐃᓅᖃᑎᓕᒫᕗᓪᓗ ᐊᒃᓱᕈᕐᑎᑕᐅᓯᒪᕗᑦ, ᐃᖅᑲᐅᒪᓚᐅᕆᑦ ᐊᒃᓱᕈᕐᑎᑕᐅᓯᒪᓂᑦᑎᓐᓂᒃ ᑕᒪᓐᓇᓗ ᒥᑭᔫᑎᑦᑍᓕᓗᒍ!

ᓂᕼᐃᒤᐊᐅᑉ ᐊᒡᓚᖏᑦ 9:34

ᐊᒡᓛᑦ ᐊᖓᔪᖅᑳᕐᔪᐊᕗᑦ, ᓯᕗᓕᕐᑎᕗᓪᓗ, ᑐᓂᕐᕈᓯᕐᑎᑦᓯᔨᕗᑦ ᓯᕗᓕᕗᓪᓗ, ᐱᖁᔭᕐᓂᒃ ᒪᓖᓐᓇᕐᓯᒪᖏᒻᒪᑕ, ᓈᓚᓚᐅᖏᒻᒪᑕ ᐱᖁᔭᕐᓂᒃ ᐃᓂᕐᑎᕆᐅᑎᒋᔭᕐᓂᒡᓗ, ᓇᓗᓁᕐᓯᓕᓚᐅᕐᐳᑎᑦ ᓈᒻᒪᒃᓴᖏᓐᓂᕐᓂᒃ ᑖᒃᑯᓂᖓ.

ᔨᕆᒤᐊᐅᑉ ᐊᒡᓚᖏᑦ 26:5

ᐅᖃᕐᑎᒪᓗ ᐅᖃᐅᓯᕆᔭᖏᑦ ᓈᓚᖏᒃᑯᑦᓯᐅᒃ, ᐃᓕᑦᓯᓐᓄᑦ ᑎᓕᖃᑦᑕᕐᓯᒪᔭᒪ ᐅᖃᐅᓯᖏᑦ ᓈᓚᓚᐅᖏᓐᓇᑦᓯᐅᒃ.

ᔨᕆᒤᐊᐅᑉ ᐊᒡᓚᖏᑦ 29:19

ᐅᖃᐅᓯᓐᓂᒃ ᓈᓚᓚᐅᖏᒻᒪᑕ, ᐊᑕᓂᖅ ᐅᖃᕐᐳᖅ, ᐅᓄᕐᑐᐃᕐᓱᕐᓗᖓ ᐅᖃᕐᑕᐅᖁᔭᓐᓂᒃ ᑐᓴᕐᑎᖃᑦᑕᓚᐅᕋᓗᐊᕋᒃᑭᑦ ᐅᖃᕐᑎᒃᑲ ᐊᖅᑯᑎᒋᓪᓗᒋᑦ, ᐃᓕᑦᓯᑦᑕᐅᖅ ᓈᓚᒍᒪᓚᐅᓐᖏᓚᓯ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 44:16

“ᐊᑕᓂᐅᑉ ᐊᑎᖓᓂ ᐅᖃᐅᓯᕆᔭᑎᑦ ᓈᓚᖕᓂᐊᓐᖏᓚᕗᑦ,

ᔨᕆᒤᐊᐅᑉ ᐊᒡᓚᖏᑦ 7:13

ᑕᒪᒃᑯᓂᖓ ᐱᔪᒥᓇᖏᑦᑐᓂᒃ ᐱᓇᓱᐊᕐᑎᓪᓗᓯ, ᐊᑕᓂᖅ ᐅᖃᕐᐳᖅ ᐃᓕᑦᓯᓐᓄᑦ ᐅᖃᕋᓱᐊᖃᑦᑕᓚᐅᕋᓗᐊᕐᐳᖓ ᐅᓄᕐᑐᐃᕐᓱᕐᓗᖓ, ᓈᓚᓚᐅᓐᖏᓚᑦᓯᓐᖓᓕ, ᐅᖃᐅᑦᔨᓇᓱᐊᕋᓗᐊᕐᑎᓪᓗᖓ ᑭᐅᔪᓐᓇᓚᐅᓐᖏᓚᓯ.

ᔨᕆᒤᐊᐅᑉ ᐊᒡᓚᖏᑦ 7:24

ᑭᓯᐊᓂᓕ ᑐᓴᓚᐅᓐᖏᓚᑦ, ᓈᓚᓚᐅᓐᖏᓚᓪᓘᓐᓃᑦ, ᒪᓕᖔᑐᐃᓐᓇᓕᓚᐅᕐᐳᑦ ᓈᒻᒪᖏᑦᑐᓂᒃ ᐆᒻᒪᑎᖏᑦ ᓯᑎᔫᒐᒥᒃ, ᐃᓱᒪᒥᖕᓂᒃ ᐃᓅᑐᐃᓐᓇᐅᓚᐅᕐᐳᑦ ᑭᖑᒧᑦ ᑕᑯᓐᓇᕋᒥᒃ ᓯᕗᒨᖏᑦᑐᖅ.

ᑖᓂᐊᓕᐅᑉ ᐊᒡᓚᖏᑦ 9:10

ᐊᑕᓂᖅ ᒎᑎᕗᑦ ᓈᓚᓚᐅᖏᓐᓇᑦᑎᒍ ᐱᖁᔭᖏᓪᓘᓐᓃᑦ ᐅᕙᑦᑎᓐᓄᑦ ᑐᓂᓯᒪᔭᖏᑦ ᒪᓕᓚᐅᕐᓇᒋᑦ ᐱᔨᒥᒍᑦ ᐅᖃᕐᑎᒥᒍᑦ ᑐᓂᓯᒪᔭᖏᑦ ᐅᕙᑦᑎᓐᓄᑦ.

ᑖᓂᐊᓕᐅᑉ ᐊᒡᓚᖏᑦ 9:9

ᐊᑕᓂᖅ ᒎᑎᕗᑦ ᓈᒃᑭᒍᓱᖕᒪᑦ ᐃᓱᒪᒋᔪᓐᓁᕐᕕᖃᕈᓐᓇᕐᓗᓂᓗ, ᐅᕙᒍᑦ ᑖᑦᓱᒥᖓ ᐊᑭᕋᕐᑐᕐᓯᒪᒐᓗᐊᕐᑎᓪᓗᑕ;

ᒫᑎᐅᓯᐅᑉ ᐊᒡᓚᖏᑦ 23:37

“ᐆ ᔨᕉᓴᓕᒻ, ᔨᕉᓴᓕᒻ, ᓇᓚᐅᑦᑍᔪᓂᒃ ᑐᖁᑦᓯᔪᑎᑦ, ᑎᓕᔭᐅᔪᓂᒡᓗ ᐅᔭᖅᑲᓄᑦ ᒥᓪᓗᕐᑐᑎᑦ! ᐃᓄᖁᑎᑎᑦ ᐅᓄᕐᑐᐃᕐᓱᕐᓗᖓ ᐃᕿᑦᓱᒪᖃᑦᑕᓚᐅᕋᓗᐊᕐᐸᒃᑲ, ᐊᕐᓇᕕᐊᑉ ᕿᑐᕐᖓᒥᓂᒃ ᐃᓴᕈᕐᒥᓄᑦ ᑲᑎᑎᑦᓯᕙᖕᓂᖓᑎᑐᑦ, ᑍᒤᑕᐅᔪᒪᓚᐅᖏᑦᑐᓯᓕ!

ᐋᐴᓯᑕᓖᑦ ᐱᓂᐊᕐᓂᖏᑦ 13:27

ᐃᓄᐃᑦ ᔨᕉᓴᓕᒻᒥ ᓄᓇᖃᕐᑐᑦ ᐊᖓᔪᖅᑳᕆᔭᖏᓪᓗ ᖃᐅᔨᒪᓚᐅᖏᒻᒪᑕ ᐱᐅᓕᔨᐅᖕᒪᖔᑦ, ᑐᑭᓯᓚᐅᖏᒻᒪᑕᓘᓐᓃᑦ ᓇᓚᐅᑦᑍᔪᑦ ᐅᖃᐅᓯᖏᓐᓂᒃ ᓴᐸᑎᑕᒫᑦ ᐅᖃᓕᒫᕐᑕᐅᕙᒃᑲᓗᐊᕐᑎᓪᓗᒋᑦ, ᔩᓱᓯᒥᒃ ᑐᖁᑕᒃᓴᓐᖑᕐᑎᑦᓯᓂᕐᒥᒍᑦ ᐅᖃᐅᓰᑦ ᓇᓚᐅᑦᓯᑎᑕᐅᓚᐅᕐᐳᑦ.