ᑖᓂᐊᓕᐅᑉ ᐊᒡᓚᖏᑦ 9:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ “ᐱᐅᖏᑦᑐᓕᓯᒪᒐᑦᑕ ᓈᒻᒪᖏᑦᑐᓂᒡᓗ ᐱᓂᐊᕐᓂᖃᕐᓯᒪᓪᓗᑕ, ᐱᐅᖏᑦᑐᐊᓘᓯᒪᒐᑦᑕ ᐃᓕᖕᓂᒡᓗ ᐊᑭᕋᕐᑐᕐᓯᒪᓪᓗᑕ; ᒪᓕᒐᒃᓴᐅᖁᔭᕐᓂᒃ ᐱᖁᔭᕐᓂᒡᓗ ᕿᒤᓯᒪᒐᑦᑕ.

ᑖᓂᐊᓕᐅᑉ ᐊᒡᓚᖏᑦ 9:5 Iomraidhean Croise

ᐊᑕᓃᑦ ᐂᑉᐸᖏᑦ 18:12

ᐊᑕᓂᕐᒥᒃ ᒎᑎᒥᒃᑕ ᓂᐱᖓᓂᒃ ᓈᓚᓚᐅᖏᒻᒪᑕ, ᐊᖏᖃᑎᒌᒍᑎᒋᓯᒪᔭᒥᖕᓂᒃ ᓯᖁᒥᑦᓯᓚᐅᕐᒪᑕ, ᐱᖁᔭᓕᒫᓂᒃ ᒨᓯᓯᒃᑯᑦ ᑐᓂᔭᐅᓚᐅᕐᑐᓂᒃ ᐊᑕᓂᐅᑉ ᐱᔨᖓᒍᑦ; ᓈᓚᒍᓐᓃᓚᐅᕐᒪᑕ ᐊᑕᓂᐅᑉ ᓂᐱᖓᓂᒃ ᒪᓕᒐᑎᒡᓗ ᐱᖁᔭᖏᓐᓂᒃ.

ᐊᑕᓃᑦ ᐂᑉᐸᖏᑦ 21:15

ᑍᒤᓕᐅᕐᕕᒋᔪᒪᕙᒃᑲ ᐃᓄᖁᑎᒃᑲ ᐊᔪᕐᑐᓕᓯᒪᖕᒪᑕ ᐅᕙᓐᓄᑦ ᓂᓐᖓᒍᑎᒃᓴᓂᒡᓗ ᐱᓇᓱᐊᖏᓐᓇᕐᒪᑕ ᑍᒪᓐᖓᑦ ᓯᕗᓕᕕᓂᖏᓐᓂᒃ ᐊᐅᓪᓚᕐᑎᑦᓯᓂᕆᓚᐅᕐᑕᒪ ᐄᑦᔨᑉᑎᒥᑦ, ᐅᓪᓗᒥᒧᑦ ᑎᑭᓪᓗᒍ.”

ᐄᓱᕋᐅᑉ ᐊᒡᓚᖏᑦ 9:6

ᐅᖃᕐᓗᖓᓗ: “ᒎᑏᒃ, ᑲᓐᖑᓱᓗᐊᕐᐳᖓ ᐃᓕᕋᓱᒃᓗᖓᓗ ᐃᓕᖕᓄᑦ ᐋᕐᓗᕆᐊᒃᓴᖅ ᒎᑎᒐ, ᓵᖕᓂ ᐊᔪᕐᓂᕗᑦ ᐳᕐᑐᓂᕐᓴᐅᓕᕐᒪᑕ ᓂᐊᖁᑦᑎᓐᓂᑦ; ᐸᓯᔭᒃᓴᐅᓂᕗᓪᓗ ᐊᓪᓛᑦ ᑎᑭᐅᑎᕗᑦ ᕿᓚᖕᒧᑦ.

ᐃᓐᖏᕈᑎᑦ 106:6

ᐊᔪᕐᑐᓕᓚᐅᕐᐳᒍᑦ ᓯᕗᓕᕆᓚᐅᕐᑕᕗᑦ ᐃᓚᒋᓪᓗᒋᑦ; ᓈᒻᒪᖏᑦᑐᓕᒻᒪᕆᒃᓯᒪᕗᒍᑦ, ᐱᐅᖏᑦᑐᓕᓯᒪᓪᓗᑕᓗ.

ᐃᓐᖏᕈᑎᑦ 119:102

ᐊᑐᕐᑕᐅᖁᔭᕐᓂᒃ ᓈᒻᒪᓈᕐᑐᓂᒃ ᕿᒤᓚᐅᓐᖏᓚᖓ, ᐃᕝᕕᑦ ᓇᖕᒥᓂᖅ ᐃᓕᓴᕐᑎᓚᐅᕋᕕᖓ.

ᐃᓐᖏᕈᑎᑦ 119:176

ᓰᐱᑎᑐᑦ ᐊᓯᐅᓯᒪᔪᑎᑐᑦ ᑕᒻᒪᓚᐅᕐᐳᖓ; ᐱᔩᑦ ᕿᓂᕆᐊᓚᐅᕈᒃ, ᐱᖁᔭᑎᑦ ᐳᐃᒍᓚᐅᖏᓐᓇᒃᑭᑦ.

ᐃᓐᖏᕈᑎᑦ 18:21

ᐊᖅᑯᑎᖏᑦ ᐊᑐᐃᓐᓇᕋᒃᑭᑦ ᐱᐅᖏᑦᑐᓕᓂᕐᒧᓪᓗ ᒎᑎᒥᒃ ᕿᒤᓚᐅᖏᓐᓇᒪ.

ᐂᓮᐊᓯᐅᑉ ᐊᒡᓚᖏᑦ 53:6

ᐃᓘᓐᓇᑕ ᓰᐱᑎᑐᑦ ᐊᕝᕗᑎᔪᑎᑐᑦ ᑍᒤᓯᒪᒐᑦᑕ; ᑕᒪᑦᑕ ᐊᑐᓂᑦ ᐱᔪᒪᔭᑐᐃᓐᓇᑦᑎᓐᓂᒃ ᐊᑐᓕᕐᓗᑕ, ᐊᑕᓂᐅᓪᓕ ᐱᐅᖏᓐᓂᕗᑦ ᑕᒪᑦᑕ ᑖᑦᓱᒧᖓ ᐱᑎᓚᐅᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 59:13

ᐊᔪᕐᑐᓕᓂᖅ ᐊᑕᓂᕐᒧᓪᓗ ᓴᒡᓗᕿᑦᑎᓯᒪᓂᖅ, ᒎᑎᑦᑎᓐᓂᒡᓗ ᑐᓄᑦᓯᓯᒪᓂᖅ, ᐅᖁᒤᒃᓴᕐᑎᑦᓯᓂᕐᒥᒃ ᐅᖃᐅᓯᖃᕐᓂᖅ ᓂᓐᖓᐅᒪᓂᕐᒧᓪᓗ ᐊᑭᓂᐊᕐᓂᖅ, ᐆᒻᒪᑎᒥᓪᓗ ᐱᔪᓂᒃ ᐋᓐᓂᕐᓇᕐᑐᓂᒃ ᐅᖃᐅᓯᖃᕐᓂᖅ ᓱᓕᖏᑦᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 64:4

ᑍᑦᓱᒪᓂᐊᓗᖕᓂᑦ ᑐᓴᕐᑐᖃᓚᐅᕐᓯᒪᓐᖏᓚᖅ ᓯᐅᑎᒥᖕᓄᓪᓗ ᑐᑭᓯᔪᖃᓚᐅᕐᓯᒪᓇᓂ, ᐃᔩᖕᓄᓪᓗ ᑕᑯᔪᖃᓚᐅᕐᓯᒪᓐᖏᓚᖅ ᒎᑎᒥᒃ ᐊᓯᖕᓂᒃ, ᐱᓇᓱᐊᕈᑦᔨᓲᒥᒃ ᐅᑕᖅᑭᔨᒥᓄᑦ.

ᔨᕆᒤᐊᐅᑉ ᐊᒡᓚᖏᑦ 14:20

ᐊᑕᓃᖅ ᓇᓗᓁᕐᓯᓕᕐᐳᒍᑦ ᐱᐅᖏᑦᑐᓕᓯᒪᓂᑦᑎᓐᓂᒃ; ᓯᕗᓕᑦᑕᓗ ᐸᓯᔭᒃᓴᐅᓂᖏᓐᓂᒃ, ᐄᓛᒃ ᐊᔪᕐᑐᓕᓚᐅᕐᐳᒍᑦ ᐃᓕᖕᓄᑦ.

ᔨᕆᒤᐊᐅᑉ ᐊᒡᓚᖏᑦ 14:7

ᐊᔪᕐᑐᓕᓂᕗᑦ ᐸᓯᔭᒃᓴᐅᑦᔪᑎᒋᒐᓗᐊᕐᐸᕗᑦ, ᐊᑕᓃᕐᓕ, ᐃᑲᔪᕐᑎᒍᑦ ᐊᑏᑦ ᐱᑦᔪᑎᒋᓗᒍ; ᑲᑕᒃᓯᒪᓂᕗᑦ ᐊᖏᔫᖕᒪᑦ, ᐃᓕᖕᓄᑦ ᐊᔪᕐᑐᓕᓚᐅᕋᑦᑕ.

ᔨᕆᒤᐊᐅᑉ ᐊᒡᓚᖏᑦ 3:25

ᑲᓐᖑᓱᖕᓂᕐᒧᑦ ᒪᑭᑕᔪᓐᓇᕈᓐᓃᕐᑐᒃᓴᐅᕗᒍᑦ. ᑲᓐᖑᓱᖕᓂᕐᒧᓪᓗ ᐅᓕᒃᑕᐅᔪᒃᓴᐅᕗᒍᑦ ᐊᔪᕐᑐᓕᓯᒪᒐᑦᑕ ᐊᑕᓂᕐᒧᑦ ᒎᑎᑦᑎᓐᓄᑦ ᑕᒪᑦᑕ ᐅᕙᒍᓪᓗ, ᓯᕗᓕᕗᓪᓗ ᐃᓅᓱᒃᑑᓂᑦᑎᓐᓂᑦ ᐅᓪᓗᒥᒧᑦ ᑎᑭᓪᓗᒍ, ᐊᑕᓂᖅ ᒎᑎᕗᑦ ᓈᓚᓚᐅᖏᓐᓇᑦᑎᒍ.”

ᔨᕆᒤᐊᐅᑉ ᐊᒡᓚᖏᑦ 30:14

ᐅᖓᒋᔨᒋᓚᐅᕐᑕᑦᓯ ᐳᐃᒍᕐᐹᓯ ᐃᒃᐱᒋᔭᐅᔪᓐᓃᕐᓗᓯᓗ ᑖᒃᑯᓄᖓ, ᐊᑭᕋᑦᑐᑦ ᐊᑭᓂᐊᕐᕕᒋᒐᑦᓯ, ᓇᒡᓕᖕᓂᖃᖏᑦᑐᑎᑐᑦ ᓱᒋᐊᕐᐸᑦᓯ ᐸᓯᔭᒃᓴᐅᓂᓯ ᐊᖏᔫᓗᐊᓕᕐᒪᑦ, ᐊᔪᕐᑐᓕᓯᒪᓂᓯᓗ ᐅᓄᓗᐊᓕᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 44:3

ᐃᓄᒋᓚᐅᕐᑕᖏᓐᓂᑦ ᓂᓐᖓᒃᑎᑕᐅᓚᐅᕋᒪ ᐱᐅᖏᑦᑐᓕᓂᖏᓐᓄᑦ, ᑐᓂᕐᕈᓯᕐᓗᑎᒃ ᑐᒃᓯᐊᕐᕕᖃᖃᑦᑕᓚᐅᕐᒪᑕ ᐊᓯᓐᓂᒃ ᒎᑎᒋᔪᒪᔭᒥᖕᓂᒃ ᑖᒃᑯᐊᓗ ᐱᔨᑦᓯᖔᓕᕐᓗᒋᑦ ᓯᕗᓕᕕᓂᖏᑕ ᓯᕗᓕᕕᓂᑦᓯᓗ ᑐᒃᓯᐊᕐᕕᒋᓂᐅᔭᓚᐅᓐᖏᑕᖏᓐᓂᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:18

ᐊᑕᓂᖅ ᓈᒻᒪᑦᓯᐊᕐᑐᒥᒃ ᐃᓕᖅᑯᓯᖃᕐᐳᖅ, ᐊᑭᕋᕐᑐᓕᓚᐅᕋᒃᑭᑦ ᐱᖁᔭᖏᑦ ᑐᓴᕐᑕᐅᔪᒪᓕᕐᐳᖓ ᐃᓄᖕᓄᑦ ᐋᓐᓂᐊᓂᒃᑲ ᑕᑯᔭᐅᖁᓪᓗᒋᑦ. ᐃᓅᓱᒃᑐᖁᑎᒃᑲ ᐅᐃᒡᒐᓱᖁᑎᒃᑲᓗ ᑎᒍᔭᐅᓪᓗᑎᒃ ᐊᐅᓪᓚᕈᑦᔭᐅᓯᒪᖕᒪᑕ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:20

ᐊᑕᓃᖅ, ᑕᑯᓚᐅᓐᖓ ᐋᓐᓂᐊᕐᑐᖓ, ᐃᓗᒃᑯᑦ ᐋᓐᓂᐊᓕᕐᐳᖓ, ᐆᒻᒪᑎᒐ ᓯᖁᒥᑉᐳᖅ, ᐊᔪᕐᑐᓕᓯᒪᓂᕋ ᐱᑦᔪᑎᒋᓪᓗᒍ, ᓯᓚᒥ ᑐᖁᕋᐅᑎᔪᑦ ᐅᓄᕐᐳᑦ, ᐃᒡᓗᒥᓗ ᑐᖁᖓᔪᕐᑕᖃᐅᓕᕐᐳᖅ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:42

“ᐊᔪᕐᑐᓕᓚᐅᕐᐳᒍᑦ ᐃᓕᖕᓄᑦ ᐊᑕᓃᖅ, ᐊᑭᕋᕐᑐᕐᓯᒪᒐᑦᑎᒋᓪᓗ ᐃᓱᒪᒋᔪᓐᓁᕐᕕᒋᓯᒪᓐᖏᓚᑦᑎᒍᑦ.

ᐃᓯᑭᐊᓕᐅᑉ ᐊᒡᓚᖏᑦ 5:6

ᔨᕉᓴᓕᒥᐅᓪᓗ ᐊᔪᕐᑐᓕᓪᓗᑎᒃ ᐱᖁᔭᓐᓂᒃ ᐊᑭᕋᕐᑐᓕᓚᐅᕐᐳᑦ ᐱᓂᕐᓴᐅᓕᕐᓗᑎᒃ ᐃᓅᖃᑎᒌᒡᔪᐊᓕᒫᓂᑦ, ᓈᓚᒍᓐᓇᖏᓐᓂᕐᓴᐅᓪᓗᑎᒡᓗ ᒪᓕᒃᑕᐅᖁᔭᓐᓂᒃ ᓄᓇᓕᒡᔪᐊᓂᑦ ᐊᕙᑖᓃᑦᑐᓂᑦ, ᔨᕉᓴᓕᒥᐅᑦ ᐱᖁᔭᓐᓂᒃ ᖁᔭᓈᕐᓯᓚᐅᕐᐳᑦ ᒪᓕᒍᒪᓇᑎᒡᓗ ᒪᓕᒃᑕᐅᖁᔭᓐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 6:9

“ᐃᓕᑦᓯ ᐊᓐᓇᒃᓯᒪᔪᓯ ᐃᖅᑲᕈᒫᕐᐸᑦᓯᓐᖓ ᐃᓅᖃᑎᒌᒡᔪᐊᓃᓕᕐᑎᓪᓗᓯ ᐊᐅᓪᓚᕈᑦᔭᐅᓯᒪᕕᒋᔭᑦᓯᓐᓂ, ᐃᓱᒪᕐᓱᕈᒪᓂᓯ ᓯᖁᒥᑎᒍᒃᑭᑦ ᐅᕙᓐᓂᒃ ᕿᒤᑦᔪᑎᒋᓚᐅᕐᑕᓯ, ᑕᐅᑐᖏᑦᔪᑎᒋᓚᐅᕐᑕᑦᓯᓐᓂᒡᓗ ᒎᑎᓐᖑᐊᖃᕈᒪᓂᕐᒧᑦ; ᐃᓕᑦᓯᓐᓄᑦ ᓇᕐᕈᓇᕐᓯᔪᒫᕐᒪᑕ ᐊᒡᓛᑦ ᑕᑯᑐᐃᓐᓇᕐᓗᒋᑦ ᐊᔪᕐᑐᓕᑦᔪᑎᒋᓯᒪᔭᓯ, ᒎᑎᒧᓪᓗ ᑕᒪᕐᒥᒃ ᓇᕐᕈᓇᕐᑑᓂᖏᓐᓂᒃ.

ᑖᓂᐊᓕᐅᑉ ᐊᒡᓚᖏᑦ 9:11

ᐃᓴᕆᐊᓕᑎᓕᒫᑦ ᓯᖁᒥᑦᓯᖃᑦᑕᕐᓯᒪᖕᒪᑕ ᐱᖁᔭᕐᓂᒃ ᒪᓕᖕᓇᒋᓪᓗ, ᐃᓕᖕᓂᒡᓗ ᓈᓚᒍᒪᓇᑎᒃ. ᑍᒤᒻᒪᑦ ᓇᕐᕈᓇᕐᓯᑎᑕᐅᓃᑦ ᐃᖅᑲᕐᑐᐃᓂᒃᑯᓪᓗ ᓱᒋᐊᕐᓯᓃᑦ ᒨᓯᓯᐅᑉ ᐱᔨᒋᔭᕕᑦ ᐱᖁᔭᖏᑎᒍᑦ ᑎᑎᕋᕐᓯᒪᔪᑦ, ᐅᕙᑦᑎᓐᓄᑦ ᑯᕕᓯᒪᕗᑦ, ᐃᓕᖕᓄᑦ ᐱᐅᖏᑦᑐᓕᓯᒪᒐᑦᑕ.

ᑖᓂᐊᓕᐅᑉ ᐊᒡᓚᖏᑦ 9:15

“ᒫᓐᓇᓕ ᐊᑕᓃᖅ, ᐃᓄᖁᑎᖕᓂᒃ ᐊᐅᓪᓚᕐᑎᑦᓯᓚᐅᕐᑐᑎᑦ ᐄᑦᔨᑉᑎᒥᑦ ᐊᒡᒐᕕᑦ ᐱᔪᓐᓇᕐᓂᖓᓄᑦ ᐊᑏᓪᓗ ᓱᖁᓯᕐᓂᐊᖏᒻᒪᑦ ᐅᓪᓗᒥᒧᑦ ᑎᑭᓪᓗᒍ, ᐱᐅᖏᑦᑐᓕᓯᒪᒐᑦᑕ, ᑕᒻᒪᕐᓯᒪᔪᐊᓘᒐᑦᑕ.

ᑖᓂᐊᓕᐅᑉ ᐊᒡᓚᖏᑦ 9:9

ᐊᑕᓂᖅ ᒎᑎᕗᑦ ᓈᒃᑭᒍᓱᖕᒪᑦ ᐃᓱᒪᒋᔪᓐᓁᕐᕕᖃᕈᓐᓇᕐᓗᓂᓗ, ᐅᕙᒍᑦ ᑖᑦᓱᒥᖓ ᐊᑭᕋᕐᑐᕐᓯᒪᒐᓗᐊᕐᑎᓪᓗᑕ;

ᕼᐆᓯᐊᑉ ᐊᒡᓚᖏᑦ 1:2

ᐊᑕᓂᖅ ᓯᕗᓪᓕᕐᐹᒥᒃ ᐅᖃᕐᑎᓪᓗᒍ ᕼᐆᓯᐊᒃᑯᑦ, ᐊᑕᓂᖅ ᐅᖃᕐᐳᖅ ᕼᐆᓯᐊᒧᑦ, “ᓄᓕᐊᓂᒋᐊᕐᑐᓕᕆᑦ ᐊᖑᓐᓂᐊᕐᑎᒥᒃ ᕿᑐᕐᖏᐅᕐᓗᑎᓪᓗ ᐊᖑᓐᓂᐊᕐᑎᒃᑯᑦ, ᓄᓇ ᑕᒪᓐᓇ ᐊᓯᓐᓂᐊᕐᓯᒪᔪᕐᔪᐊᖑᖕᒪᑦ ᐊᑕᓂᕐᒥᒃ ᕿᒤᓯᒪᓂᕐᒥᒍᑦ.”

ᒪᓚᑬᑉ ᐊᒡᓚᖏᑦ 3:7

ᓯᕗᓕᓯ ᐃᓅᑎᓪᓗᒋᑦ ᒪᓕᒃᑕᐅᖁᔭᓐᓂᒃ ᒪᓕᒍᓐᓁᓚᐅᕐᓯᒪᕗᓯ ᐊᑐᕈᓐᓁᕐᓗᒋᓪᓗ. ᐅᕙᓐᓄᑦ ᐅᑎᕆᑦᓯ, ᑕᕝᕙ ᐅᑎᕐᕕᒋᓂᐊᕐᐸᑦᓯ, ᕿᓚᖕᒥᐊᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ. ᐅᖃᕐᐳᓯᓕ, ‘ᖃᓄᕐᓕ ᐅᑎᕈᓐᓇᕐᐱᑖ?’

ᐄᑉᕈᐃᓄᑦ 3:12

ᑲᒪᑦᓯᐊᕆᑦᓯ ᐅᒃᐱᖃᑎᒃᑲ, ᓇᓪᓕᓯ ᐃᓱᒪᖃᕐᑍᓕᓕ ᐱᐅᖏᑦᑐᒥᒃ, ᐅᒃᐱᖏᑦᑐᒥᒡᓗ ᒎᑎ ᑐᖁᓱᐃᑦᑐᖅ ᓈᓚᒍᓐᓃᕐᓗᒍ ᐱᔪᒥᒃ.