ᑖᓂᐊᓕᐅᑉ ᐊᒡᓚᖏᑦ 9:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ “ᓇᓪᓕᐅᓐᓃᑦ 70 7ᐃᕐᑐᕐᓗᒋᑦ ᐅᖃᐅᓯᐅᕗᑦ ᐃᓄᖁᑎᖕᓄᑦ ᐃᒡᓗᒐᓴᖁᑎᖕᓄᓪᓗ ᐃᑦᔪᕐᓁᑦᑐᓄᑦ ᐱᐅᖏᑦᑐᓕᓂᖏᑕ ᓱᒋᐊᕐᑕᐅᓂᖏᑕ ᐃᓱᓕᕝᕕᒃᓴᖏᑦ, ᐊᔪᕐᑐᓕᓂᖅ ᐃᓱᓕᖁᓪᓗᒍ, ᐱᐅᖏᑦᑐᓕᓂᐅᑉ ᓴᓗᒻᒪᕐᑎᑕᐅᕕᒃᓴᖓᓄᑦ, ᐃᓱᐊᕐᑐᓕᓂᖅ ᐃᓱᖃᖏᑦᑐᒧᑦ ᐃᖏᕐᕋᓕᖁᓪᓗᒍ, ᑕᑯᑎᑕᐅᓂᖅ ᓇᓚᐅᑦᑍᓂᕐᓗ ᓇᕿᑦᔪᓯᕐᓗᒍ ᐃᑦᔪᕐᓁᓐᓂᕐᐹᕐᓗ ᐅᕐᓱᒧᑦ ᒥᖑᐊᕐᓗᒍ.

ᑖᓂᐊᓕᐅᑉ ᐊᒡᓚᖏᑦ 9:24 Iomraidhean Croise

ᑯᕉᓂᑲ ᐂᑉᐸᖏᑦ 29:24

ᑕᕝᕙ ᑐᓂᕐᕈᓯᕐᑎᑦᓯᔩᑦ ᑖᒃᑯᓂᖓ ᑐᖁᑦᓯᕗᑦ ᐊᐅᖏᓪᓗ ᑐᓂᕐᕈᓯᕐᕕᖕᒧᐊᕈᑎᕔᑦ ᐊᔪᕐᓂᕐᒧᑦ ᑐᓂᕐᕈᑎᐅᖁᓪᓗᒋᑦ, ᐃᓴᕆᐊᓕᒥᐅᓕᒫᑦ ᐊᔪᕐᓂᖏᑦ ᐲᔭᕐᑕᐅᖁᓪᓗᒋᑦ. ᐊᖓᔪᖅᑳᕐᔪᐊᖅ ᑎᓕᓯᓚᐅᕐᒪᑦ ᐃᑯᐊᓪᓔᓂᕐᒧᑦ ᑐᓂᕐᕈᑏᑦ ᐊᔪᕐᓂᕐᒧᓪᓗ ᑐᓂᕐᕈᑏᑦ ᐃᓴᕆᐊᓕᒥᐅᓕᒫᓄᑦ ᑐᕌᖓᖁᓪᓗᒋᑦ.

ᐃᓐᖏᕈᑎᑦ 2:6

“ᐊᖓᔪᖅᑳᕐᔪᐊᖁᑎᒐ ᐃᓕᕙᕋ ᓮᐅᓂᒧᑦ, ᖃᖅᑲᒥ ᐃᑦᔪᕐᓁᑦᑐᖁᑎᓐᓂ.”

ᐃᓐᖏᕈᑎᑦ 45:7

ᓇᓛᒎᕐᓂᖅ ᖁᕕᐊᒋᕙᑦ ᐱᐅᖏᑦᑐᓕᓂᕐᓗ ᐆᒥᒋᓪᓗᒍ; ᑍᒤᒻᒪᑦ ᒎᑎᐅᑉ, ᒎᑎᕕᑦ ᐅᕐᓱᕐᑎᓚᐅᕐᐹᑎᑦ, ᐅᕐᓱᒧᑦ ᖁᕕᐊᓱᖕᓂᕐᒧᑦ ᐃᓚᒋᔭᕐᓂᑦ ᐱᑎᑕᐅᓂᕐᓴᐅᓪᓗᑎᑦ.

ᐂᓮᐊᓯᐅᑉ ᐊᒡᓚᖏᑦ 42:4

ᑕᒪᐅᖎᓐᓈᕈᒫᓐᖏᓚᖅ ᓴᐱᓕᕋᓂᓗ, ᐊᑦᔨᒌᒃᑎᑦᓯᓂᕐᒥᒃ ᐊᑐᓕᕐᑎᑦᓯᖄᕋᓂ ᓄᓇᕐᔪᐊᕐᒥ; ᐃᒪᐅᓪᓗ ᓯᓈᓂ ᓄᓇᖃᕐᑐᑦ ᐊᔪᕆᕐᑐᐃᑦᔪᑎᖏᓐᓂᒃ ᓂᕆᐅᒍᒫᕐᐳᑦ.”

ᐂᓮᐊᓯᐅᑉ ᐊᒡᓚᖏᑦ 51:6

ᕿᓚᖕᒧᑦ ᑕᑯᓴᓕᕆᑦᓯ, ᐊᒻᒧᓪᓗ ᕿᕕᐊᕐᓗᓯ ᓄᓇᒧᑦ; ᕿᓔᑦ ᐳᔪᕐᑐᑦ ᐊᓯᐅᔪᒫᕐᐳᑦ, ᓄᓇᕐᔪᐊᕐᓗ ᐱᑐᖃᓐᖑᕈᒫᕐᐳᖅ ᐊᓐᓄᕌᑐᑦ, ᐃᓄᖏᓪᓗ ᐊᓇᓐᖏᕐᑎᑐᑦ ᑐᖁᕋᕈᒫᕐᐳᑦ; ᐱᐅᓕᒃᓯᓂᕋᓕ ᐃᓱᖃᖏᑦᑐᒧᑦ ᐃᓕᖓᕗᖅ, ᓇᓛᒎᕐᓂᕋᓗ ᓄᖑᑎᑕᐅᔪᒫᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 51:8

ᖁᐱᕐᕈᓄᑦ ᖃᓪᓗᓈᕐᑕᓂᒃ ᓂᕆᓲᓄᑦ ᓂᕆᔭᐅᔪᒫᕐᒪᑕ, ᖁᐱᕐᕈᓄᓪᓗ ᓄᕕᕐᓵᒃᓴᓂᒃ ᓂᕆᓲᓄᑦ ᓂᖃᐅᓗᑎᒃ; ᓴᐳᑦᔨᓂᕋᓕ ᐃᓱᖃᖏᑦᑐᒧᑦ ᓱᕐᕋᖕᓂᐊᓐᖏᓚᖅ, ᐱᐅᓕᒃᓯᓂᕋᓗ ᑭᖑᕚᖑᖃᑎᒌᓕᒫᓄᑦ.

ᐂᓮᐊᓯᐅᑉ ᐊᒡᓚᖏᑦ 56:1

ᐃᒫᒃ ᐊᑕᓂᖅ ᐅᖃᕐᐳᖅ: “ᐊᑦᔨᒌᒃᑎᑦᓯᓂᖅ ᐊᑐᕐᑕᐅᓕ, ᓇᓛᒎᕐᑐᒥᒡᓗ ᐱᓇᓱᐊᕐᓗᓯ, ᐱᐅᓕᒃᓯᓂᒃᓴᕋ ᖃᓂᑦᑑᓕᕐᒪᑦ, ᓴᐳᑦᔨᓂᕋᓗ ᓴᖅᑭᑎᓐᓂᐊᓕᕋᒃᑯ.

ᐂᓮᐊᓯᐅᑉ ᐊᒡᓚᖏᑦ 61:1

ᐊᑕᓂᐅᑉ ᒎᑎᐅᑉ ᐊᓂᕐᓂᖓᑕ ᓇᔪᕐᐹᖓ, ᐊᑕᓂᐅᑉ ᐅᕐᓱᕐᑎᓚᐅᕐᒪᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᓵᓚᐅᓯᒪᔪᓄᑦ; ᑎᓕᓚᐅᕐᐹᖓᓗ ᒪᒥᑎᑦᓯᖁᓪᓗᖓ ᐆᒻᒪᑎᒥᒍᑦ ᓯᖁᒥᓯᒪᔪᓂᒃ, ᑎᒍᔭᐅᓯᒪᔪᓂᒡᓗ ᐅᖃᐅᑦᔨᖁᓪᓗᖓ ᐊᓂᕕᒃᓴᖏᓐᓂᒃ, ᑎᒍᔭᐅᓯᒪᕕᖕᒦᑦᑐᓂᒡᓗ ᐊᓂᑎᑦᓯᖁᓪᓗᖓ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:22

ᓮᐅᓂ ᐊᔪᕐᑐᓕᓯᒪᓂᕐᒥᓄᑦ ᐊᑭᓂᐊᕐᕕᐅᖕᒪᑦ, ᐊᑕᓂᐅᑉ ᐊᐅᓪᓚᕈᑦᔭᐅᑎᓯᒤᓐᓇᕐᓂᐊᓐᖏᓛᓯ, ᐄᑐᒥᐅᑕᐅᔪᓯᓕ ᐊᑕᓂᕐᒧᑦ ᓱᒋᐊᕐᑕᐅᔪᒫᕐᐳᓯ ᐊᔪᕐᑐᓕᓂᓯ ᓴᖅᑭᑎᑦᓱᒫᕐᐰᑦ.

ᐃᓯᑭᐊᓕᐅᑉ ᐊᒡᓚᖏᑦ 28:12

“ᐃᓅᑉ ᐃᕐᓂᖓ ᑍᕆᒥᐅᑦ ᐊᖓᔪᖅᑳᕐᔪᐊᖓᓄᑦ ᐅᒡᒍᐊᕈᑎᓕᐅᕆᑦ, ᐅᖃᐅᑎᓗᒍᓗ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐋᖅᑭᒃᓯᓯᒪᑦᓯᐊᕈᓐᓇᕐᓂᖅ ᐱᓯᒪᓚᐅᕐᐸᑦ, ᓯᓚᑐᓂᖃᑦᓯᐊᕐᓗᑎᑦ ᑕᑯᒥᓇᕐᑑᓪᓗᑎᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 4:5

ᐊᔪᕐᑐᓕᓂᖏᑕ ᓱᒋᐊᕐᑕᐅᑦᔪᑎᒃᓴᖏᓐᓂᒃ ᐅᓪᓗᓂᒃ 390ᓂᒃ ᑐᓂᓯᕕᒋᓂᐊᕐᐸᒋᑦ, ᐊᕐᕌᒍᐃᑦ ᓱᒋᐊᕐᑕᐅᓂᒃᓴᖏᑕ ᓯᕕᑐᓂᖏᑦ ᒪᓕᒡᓗᒋᑦ; ᑍᒫᒃ ᓯᕕᑐᑎᒋᔪᒥᒃ ᓱᒋᐊᕐᑕᐅᔪᒫᕐᐳᑎᑦ ᐃᓴᕆᐊᓕᐅᑉ ᑭᖑᕚᖏᑕ ᓱᒋᐊᕐᑕᐅᓂᒃᓴᖏᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 4:6

ᑍᒤᓕᖓᔭᕆᐊᖃᕐᓃᑦ ᓈᒻᒪᒃᓯᒃᐸᑦ, ᑕᓕᕐᐱᖔᕐᓄᑦ ᓵᓪᓗᑎᑦ ᔫᑕᐅᑉ ᑭᖑᕚᖏᑕ ᐊᔪᕐᑐᓕᓂᖏᑦ ᓱᒋᐊᕐᑕᐅᑦᔪᑎᒃᓴᕆᕙᑎᑦ ᐅᓪᓗᓂᒃ 40ᓂᒃ, ᐊᔪᕐᑐᓕᓂᖏᑕ ᓱᒋᐊᕐᑕᐅᑦᔪᑎᒃᓴᖏᑦ ᒪᓕᒡᓗᒋᑦ, ᐅᓪᓗᖅ ᐊᑕᐅᓯᖅ ᑐᕌᖓᓗᓂ ᐊᕐᕌᒍᒧᑦ ᐊᑕᐅᓯᕐᒧᑦ.

ᒨᓯᓯ ᐱᖓᔪᖏᑦ 25:8

“ᓈᓮᔪᒃᓴᐅᕗᓯ ᐊᕐᕌᒍᓂᒃ 7ᓂᒃ 7ᐃᑐᕐᓗᒋᑦ, ᑲᑎᓪᓗᒋᑦ ᐊᕐᕌᒍᑦ 49ᖑᓗᑎᒃ.

ᒨᓯᓯ ᐱᖓᔪᖏᑦ 8:15

ᒨᓯᓯᐅᓪᓗ ᐸᖕᓂᖅ ᑐᖁᑉᐹ, ᐊᐅᖓᑕᓗ ᐃᓚᖓᓂᒃ ᐱᕗᖅ, ᑎᑭᕐᒥᓄᓪᓗ ᑐᓂᕐᕈᓯᕐᕕᐅᑉ ᓇᒡᔪᖏᑦ ᐊᐅᒥᑎᕐᐰᑦ, ᑐᓂᕐᕈᓯᕐᕕᒃ ᐃᑦᔪᕐᓁᑎᑕᐅᖁᓪᓗᒍ ᓴᓗᒻᒪᕐᓴᕐᓗᒍᓗ, ᐊᐅᒡᓗ ᑎᒍᒥᐊᕐᑕᓂ ᑯᕕᕚ ᑐᓂᕐᕈᓯᕐᕕᐅᑉ ᑭᒡᓕᖓᓄᑦ, ᑍᒤᓕᐅᕐᐳᖅ ᑐᓂᕐᕈᓯᕐᕕᒃ ᐊᑐᕐᑕᐅᖁᓪᓗᒍ ᓴᓗᒻᒪᕐᑎᓯᐊᕐᓗᒍᓗ ᐃᑦᔪᕐᓁᑯᓪᓗᒍ.

ᓴᑲᕅᐊᐅᑉ ᐊᒡᓚᖏᑦ 4:14

ᐃᒫᒃ ᐅᖃᐅᑎᕚᖓ, “ᐅᑯᐊ ᑕᕝᕙ ᐊᖑᑏᒃ ᒪᕐᕉᒃ ᓂᕈᐊᕐᑕᐅᓯᒪᓪᓗᑎᒃ ᐅᕐᓱᒧ ᓂᐊᖁᖓᒍᑦ ᑯᕝᕕᕆᔭᐅᓯᒪᔫᒃ ᐊᑕᓂᕐᒥᒃ ᐱᔨᑦᓯᕐᑎᐅᖁᓪᓗᒋᑦ ᓄᓇᕐᔪᐊᓕᒫᒥ.”

ᒨᓯᓯ ᓯᑕᒪᖏᑦ 14:34

ᐅᓪᓗᐃᑦ ᐅᓄᕐᓂᖏᑦ ᓄᓇᒥᒃ ᐃᔨᕋᕐᑐᕐᓗᓯ ᕿᒥᕐᕈᓚᐅᕐᓂᓯ ᒪᓕᒡᓗᒋᑦ, ᐅᓪᓗᐃᑦ 40ᐃᑦ ᐅᓪᓗᖅ ᐊᑕᐅᓯᖅ ᐊᕐᕌᒍᒧᑦ ᐊᑕᐅᓯᕐᒧᑦ ᐸᓯᔭᒃᓴᐅᑦᔪᑎᒋᓗᒍ, ᐃᒫᒃ ᐊᕐᕌᒍᓂᒃ 40ᓂᒃ, ᓈᒻᒪᒃᓴᖏᓐᓂᕋ ᖃᐅᔨᔪᒫᕐᐸᓯ.’

ᒫᑎᐅᓯᐅᑉ ᐊᒡᓚᖏᑦ 1:21

ᐃᕐᓂᕐᒥᒃ ᐃᕐᓂᔪᒫᕐᐳᖅ, ᑖᓐᓇ ᔩᓱᓯᒥᒃ ᐊᑎᕐᑖᕐᑎᓛᕐᐸᑦ, ᑖᑦᓱᒪ ᐃᓄᖁᑎᓂ ᐱᐅᓕᔪᒫᕐᒪᒋᑦ ᐊᔪᕐᓂᖏᓐᓂᑦ.”

ᒫᑎᐅᓯᐅᑉ ᐊᒡᓚᖏᑦ 11:13

ᓇᓚᐅᑦᑍᔪᑦ, ᒨᓯᓯᐅᓪᓗ ᐱᖁᔭᖏᑦ ᐅᖃᐅᓯᖃᕐᓯᒪᕗᑦ ᒎᑎᐅᑉ ᐊᑕᓂᐅᕕᖓᓂᒃ, ᔪᐊᓇᓯ ᑎᑭᓪᓗᒍ;

ᒫᑎᐅᓯᐅᑉ ᐊᒡᓚᖏᑦ 4:5

ᑕᕝᕙ ᓵᑖᓇᓯᐅᑉ ᔩᓱᓯ ᔨᕉᓴᓕᒻᒧᐊᕈᑎᕚ ᐃᒡᓗᒐᓴᖕᓄᑦ ᐃᑦᔪᕐᓁᑦᑐᓄᑦ, ᖃᑉᕕᕐᑎᓪᓗᒍ ᑐᒃᓯᐊᕐᕕᒡᔪᐊᑉ ᐳᕐᑐᓂᕐᐹᖓᓄᑦ.

ᒫᑯᓯᐅᑉ ᐊᒡᓚᖏᑦ 1:24

ᕾᒐᓛᓕᕐᐳᖅ, “ᐅᕙᑦᑎᓐᓂᒃ ᖃᓄᐃᓕᐅᕆᐊᕐᑐᕐᐲᑦ ᔩᓱᓯ ᓈᓴᕇᑎᒥᐅᖅ? ᐅᕙᑦᑎᓐᓂᒃ ᐊᓯᕈᐃᔭᕐᑐᕐᐲᑦ? ᖃᐅᔨᒪᕗᖓ ᑭᓇᐅᖕᒪᖔᕐᐱᑦ; ᒎᑎᐅᑉ ᐃᑦᔪᕐᓁᑦᑐᖁᑎᒋᕚᑎᑦ.”

ᓘᑲᓯᐅᑉ ᐊᒡᓚᖏᑦ 1:35

ᐂᖏᓕᐅᑉ ᐅᖃᐅᑎᕚ, “ᐊᓂᕐᓂᐅᑉ ᐃᑦᔪᕐᓁᑦᑑᑉ ᑎᑭᕝᕕᒋᓂᐊᕐᐹᑎᑦ, ᖁᑦᓯᖕᓂᕐᐸᐅᔫᓪᓗ ᐱᔪᓐᓇᕐᓂᖓᑕ ᐅᓕᖕᓂᐊᕐᐹᑎᑦ; ᑍᒤᒻᒪᑦ ᕿᑐᕐᖓᕐᑖᕆᓛᕐᑍᑦ ᐃᑦᔪᕐᓁᓐᓂᕋᕐᑕᐅᔪᒫᕐᐳᖅ, ᒎᑎᐅᑉ ᐃᕐᓂᖓᓂᒃ ᑍᔭᐅᓗᓂ.

ᓘᑲᓯᐅᑉ ᐊᒡᓚᖏᑦ 21:22

ᑖᒃᑯᐊ ᐅᓪᓗᐃᑦ ᓱᒋᐊᕐᑕᐅᕕᐅᖕᒪᑕ, ᐊᒡᓚᖕᓂ ᐅᖃᐅᓯᐅᓯᒪᔪᓕᒫᑦ ᓇᓚᐅᓯᖁᓪᓗᒋᑦ.

ᔪᐊᓇᓯᐅᑉ ᐊᒡᓚᖏᑦ 1:41

ᓯᕗᓪᓕᕐᐹᒥᒃ ᐊᖓᔪᒥᓄᐊᕐᐳᖅ ᓮᒨᓂᒧᑦ, ᐅᖃᐅᑎᓪᓗᒍ, “ᒥᓮᐊ ᓇᓂᕙᕗᑦ.” (ᑐᑭᖃᕐᐳᖅ “᙭ᔅᑑᓯ.”)

ᔪᐊᓇᓯᐅᑉ ᐊᒡᓚᖏᑦ 3:34

ᒎᑎᐅᑉ ᑎᓕᓯᒪᔭᖓ ᒎᑎᐅᑉ ᐅᖃᐅᓯᖏᓐᓂᒃ ᐅᖃᐅᓯᖃᕐᐳᖅ, ᒎᑎᐅᑉ ᐊᓂᕐᓂᕐᒥᓂᒃ ᑐᓂᓯᕕᒋᖕᒪᒍ ᐊᒥᒐᖏᑦᑐᒥᒃ;

ᐋᐴᓯᑕᓖᑦ ᐱᓂᐊᕐᓂᖏᑦ 3:14

ᑖᓐᓇ ᐃᑦᔪᕐᓁᑦᑐᖅ ᐊᑲᐅᔪᕐᓗ ᓇᕐᕈᒋᓚᐅᕐᐸᓯ, ᐃᓄᐊᕐᓯᒪᔪᒥᒃ ᐊᓂᑎᑕᐅᖁᔨᖔᓚᐅᕐᐳᓯ,

ᐋᐴᓯᑕᓖᑦ ᐱᓂᐊᕐᓂᖏᑦ 3:22

ᒨᓯᓯ ᐅᖃᓚᐅᕐᒪᑦ, ‘ᐊᑕᓂᐅᑉ ᒎᑎᑦᓯ ᑎᓕᓯᕕᒋᔪᒫᕐᐹᓯ ᓇᓚᐅᑦᑍᔪᒥᒃ ᐃᓅᖃᑎᑦᓯ ᐃᓚᖓᓐᓂᒃ ᑍᒫᑦᓮᓐᓇᖅ ᑎᓕᓚᐅᕋᒥᖓ. ᓈᓚᒋᐊᖃᕈᒫᕐᐸᓯ ᖃᓄᑐᐃᓐᓇᖅ ᐅᖃᐅᑎᑐᐊᕐᐸᓯ.

ᐋᐴᓯᑕᓖᑦ ᐱᓂᐊᕐᓂᖏᑦ 4:26

ᓄᓇᕐᔪᐊᑉ ᐊᖓᔪᖅᑳᕐᔪᐊᖏᑦ ᐅᐸᓗᖕᒊᔭᓕᕐᐳᑦ, ᐊᐅᓚᑦᓯᔨᓪᓗ ᑲᑎᒪᓕᕐᐳᑦ, ᐊᑭᕋᕐᑐᕈᒪᓪᓗᑎᒃ ᐊᑕᓂᕐᒧᑦ ᙭ᔅᑑᓯᖓᓄᓪᓗ.’

ᕉᒪᒥᐅᓄᑦ 5:10

ᒎᑎᒥᒃ ᐊᑭᕋᕐᑐᕐᑎᐅᓚᐅᕐᑐᒍᑦ ᒫᓐᓇ ᒎᑎᒥᒃ ᐃᓚᓐᓈᖃᕐᓂᕐᒧᑦ ᐅᑎᕐᑎᑕᐅᓯᒪᓕᕐᐳᒍᑦ ᐃᕐᓂᖓᑕ ᑐᖁᖓᒍᑦ, ᐊᖏᓂᕐᓴᒥᒡᓕ ᒫᓐᓇ ᐃᓚᓐᓈᖃᕐᓂᕐᒧᑦ ᐅᑎᕐᑎᑕᐅᓯᒪᔪᒍᑦ ᐱᐅᓕᔭᐅᔪᒫᓕᕐᐳᒍᑦ ᑖᑦᓱᒪ ᐃᓅᓯᖓᒍᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:30

ᑖᑦᓱᒨᓇᓕ ᑭᓯᐊᓂ ᙭ᔅᑑᓯ ᔩᓱᓯᒦᒃᑲᑦᓯ, ᒎᑎᐅᓪᓗ ᐅᕙᑦᑎᓐᓄᑦ ᙭ᔅᑑᓯ ᓯᓚᑐᓂᓐᖑᕐᑎᑉᐹ, ᑖᑦᓱᒨᓇᓗ ᐃᓗᐊᕐᑐᓕᔪᓐᖑᕐᑎᑉᐹᑎᒍᑦ, ᐃᑦᔪᕐᓁᑦᑐᓐᖑᕐᑎᓪᓗᑕᓗ, ᐱᐅᓕᔭᐅᑦᔪᑎᒋᓪᓗᑎᒍᓗ;

ᐱᓕᐱᒥᐅᓄᑦ 3:9

ᑖᑦᓱᒥᖓᓗ ᐃᓅᖃᑎᖃᑦᓯᐊᕈᓐᓇᖁᓪᓗᖓ, ᐅᕙᓐᓂᑦ ᐱᔪᒥᒃ ᐱᖁᔭᓂᒃ ᒪᓕᖕᓂᒃᑯᑦ ᓇᓛᒎᓐᓂᖃᕋᓱᐊᖁᓇᖓ, ᓇᓛᒎᕐᓂᕐᒥᒡᓕ ᐱᑎᑕᐅᕗᖓ ᐅᒃᐱᕐᓂᑯᑦ ᙭ᔅᑑᓯᒥ, ᑕᒪᓐᓇ ᓇᓛᒎᕐᓂᖅ ᒎᑎᒥᑦ ᐱᔪᖅ ᑐᓐᖓᕕᖃᕐᒪᑦ ᐅᒃᐱᕐᓂᒥᒃ;

ᑯᓘᓯᐊᒥᐅᓄᑦ 1:20

ᑖᑦᓱᒨᓇᓗ ᓱᓇᓕᒫᑦᓯᐊᑦ ᐃᒻᒥᓄᑦ ᐅᑎᕐᑎᓚᐅᕐᐰᑦ, ᓄᓇᒦᑦᑐᑦ ᕿᓚᖕᒦᑦᑐᓪᓗ, ᓮᒻᒪᕐᑎᓚᐅᕐᐰᑦ ᓴᓐᓂᖓᔪᓕᖕᒥ ᐊᐅᖓᒍᑦ.

ᑯᓘᓯᐊᒥᐅᓄᑦ 2:14

ᐃᖅᑲᕐᑐᕐᑕᐅᑦᔪᑎᒃᓴᕗᑦ ᑎᑎᕋᕐᓯᒪᓚᐅᕐᑐᑦ ᓵᑕᐅᑦᔪᑎᒃᓴᕗᑦ ᐲᓚᐅᕐᐰᑦ; ᑕᒪᕐᒥᒡᓗ ᐊᑐᕈᓐᓃᕐᑎᓪᓗᒋᑦ, ᑭᑭᐊᒃᑐᓚᐅᕐᐰᑦ ᓴᓐᓂᖓᔪᓕᖕᒧᑦ.

ᐄᑉᕈᐃᓄᑦ 10:14

ᑐᓂᕐᕈᓯᕐᓂᕐᒧᑦ ᐊᑕᐅᓯᕐᒧᑦ ᐃᑦᔪᕐᓁᑎᑕᐅᓂᐊᕐᑐᑦ ᑕᐅᕗᖓᓕᒫᖅ ᓈᒻᒪᒃᓯᑎᓚᐅᕐᐰᑦ.

ᐄᑉᕈᐃᓄᑦ 2:17

ᑍᒤᒻᒪᑦ ᐃᓅᖃᑎᓂ ᐊᑦᔨᒋᓕᕆᐊᖃᓚᐅᕐᐰᑦ ᓇᐅᒃᑯᑐᐃᓐᓇᓕᒫᖅ, ᓂᑲᒍᓱᒃᑑᓗᓂ ᓱᕐᕋᔪᐃᑦᑑᓗᓂᓗ ᑐᓂᕐᕈᓯᕐᑎᑦᓯᔨᐅᓗᓂ ᐊᖓᔪᖅᑲᐅᖁᓪᓗᒍ ᑖᒃᑯᓄᖓ ᐱᔨᑦᓯᕐᓗᓂ ᒎᑎᒥᒃ, ᐃᓄᐃᑦ ᐊᔪᕐᓂᖏᑦ ᐃᓱᒪᒋᔪᓐᓁᕐᑕᐅᖁᓪᓗᒋᑦ.

ᐄᑉᕈᐃᓄᑦ 7:26

ᑍᒤᑦᑐᒥᒃ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᕆᔭᑦᑎᓐᓄᑦ ᑭᓐᖒᒪᒋᔭᑦᑎᓐᓂᒃ ᐱᑎᑕᐅᕗᒍᑦ ᑖᑦᓱᒧᖓ ᐃᑦᔪᕐᓁᑦᑐᒧᑦ, ᐸᓯᔭᒃᓴᐅᓂᖃᖏᑦᑐᒥᑦ, ᓴᓗᒪᑦᓯᐊᕐᑐᒥᑦ, ᐊᔪᕐᑐᓕᔪᓄᑦ ᐃᓚᒋᔭᐅᖏᑦᑐᒥᑦ, ᕿᓔᑦ ᐅᖓᑖᓄᑦ ᖁᒻᒧᐊᒃᑎᑕᐅᓯᒪᔪᒥᑦ.

ᐄᑉᕈᐃᓄᑦ 9:26

ᑍᒤᒃᑯᓂ ᐋᓐᓂᐊᑎᑕᐅᖃᑦᑕᕋᔭᓚᐅᕐᐳᖅ ᐅᓄᕐᑐᐃᓱᕐᓗᓂ ᑍᒪᓐᖓᑦ ᓯᓚᕐᔪᐊᑉ ᐱᓐᖑᕐᑎᑕᐅᓂᖓᓂᑦ. ᑭᓯᐊᓂᓕ, ᒫᓐᓇ ᓴᖅᑭᓯᒪᕗᖅ ᐊᑕᐅᓯᐊᑐᐃᓐᓇᕐᓗᓂ, ᓯᓚᕐᔫᑉ ᓇᒡᒐᑖ ᖃᒡᓕᓕᕐᑎᓪᓗᒍ, ᐊᔪᕐᓂᕐᒥᒃ ᐲᕐᓯᖁᓪᓗᒍ ᓇᖕᒥᓂᖅ ᑐᓂᕐᕈᑎᒋᓂᕐᒥᒍᑦ.

ᐲᑦᑐᕉᓯ ᐂᑉᐸᖏᑦ 1:1

ᓮᒨᓂ ᐲᑦᑐᕉᓯᒥᑦ, ᐱᔨᒋᔭᐅᓪᓗᓂ ᐋᐴᓯᑕᓕᐅᔪᒥᑦ ᔩᓱᓯ ᙭ᔅᑑᓯᒧᑦ, ᐱᑖᕐᓯᒪᔪᓄᑦ ᐅᒃᐱᕐᓂᕐᒥᒃ ᐱᕕᐊᕐᓇᕐᑐᒥᒃ ᐅᕙᑦᑎᑐᑦ ᒎᑎᑦᑕ ᐃᓗᐊᕐᑐᓐᖑᕐᑎᑦᓯᓂᖓᓄᑦ ᐱᐅᓕᔨᑦᑎᒍᓪᓗ ᔩᓱᓯ ᙭ᔅᑑᓯᒃᑯᑦ:

ᔪᐊᓇᓯ ᓯᕗᓪᓖᑦ 3:8

ᓇᓪᓕᐊᑦ ᐊᔪᕐᑐᓕᔪᖅ ᑖᓐᓇ ᓵᑖᓇᓯᒥᑦ ᑍᒤᑎᑕᐅᕗᖅ, ᐱᒋᐊᕐᓂᖓᓂᑦ ᓵᑖᓇᓯ ᐊᔪᕐᑐᓕᖕᒪᑦ. ᑕᒪᓐᓇ ᐱᑦᔪᑎᒋᓪᓗᒍ ᒎᑎᐅᑉ ᐃᕐᓂᖓ ᓴᖅᑭᓯᒪᕗᖅ ᐊᓯᕈᐃᔭᕐᑐᕐᓗᓂ ᓵᑖᓇᓯᐅᑉ ᐱᓇᓱᐊᕐᓂᖏᓐᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:6

ᑭᖑᓂᖓᒍᑦ ᑕᑯᒋᕗᖓ ᐂᖏᓕᒥᒃ ᓯᓚᒃᑯᑦ ᖁᕝᕙᓯᓈᕐᓗᓂ ᖃᖓᑕᔪᒥᒃ, ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᓄᖑᓱᐃᑦᑐᓂᒃ ᐅᖃᐅᓯᒃᓴᓕᒃ ᓄᓇᕐᔪᐊᕐᒥᐅᓄᑦ, ᐃᓅᖃᑎᒌᒡᔪᐊᓕᒫᓄᑦ ᑭᖑᕚᕇᓄᑦ ᐅᖃᐅᓯᖃᑎᒌᖏᑦᑐᓄᑦ ᐃᓄᓕᒫᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:7

“ᐱᓚᑕᐅᓪᕕᐊᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓄᑦ ᑎᑎᕋᕆᑦ: “‘ᐅᖃᐅᓰᑦ ᐅᑯᐊ ᐱᕗᑦ ᐃᑦᔪᕐᓁᑦᑑᔪᒥᑦ, ᓱᓕᔪᒥᑦ, ᐅᒃᑯᐃᕈᑎᒥᒃ ᐱᓯᒪᔪᒥᑦ ᑍᕕᑎᐅᑉ ᐅᒃᑯᐃᕈᑎᖓᓂᒃ, ᐅᒃᑯᐊᖅ ᐅᒃᑯᐃᕐᐸᒍ ᑭᓇᒧᓪᓘᓐᓃᑦ ᐅᑯᐊᕐᑕᐅᓂᐊᓐᖏᓚᖅ, ᐅᒃᑯᐊᕐᐸᒍ ᑭᓇᒧᓪᓘᓐᓃᑦ ᐅᒃᑯᐃᕐᑕᐅᓂᐊᓐᖏᓚᖅ.