ᑖᓂᐊᓕᐅᑉ ᐊᒡᓚᖏᑦ 9:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᑎᑎᕋᕐᓯᒪᔪᑦ ᒨᓯᓯᐅᑉ ᐱᖁᔭᖏᓐᓂ ᒪᓕᒡᓗᒋᑦ, ᐱᓂᐊᕐᕕᐅᓯᒪᒐᑦᑕ ᖁᕕᐊᓇᖏᑦᑐᓂᒃ, ᑍᒤᒃᑲᓗᐊᕐᑎᓪᓗᒍ ᐊᑕᓂᖅ ᒎᑎᕗᑦ ᕿᓂᓚᐅᓐᖏᓚᕗᑦ ᐊᔪᕐᓂᑦᑎᓐᓂᒡᓗ ᕿᒤᓇᑕ ᓱᓕᑦᓯᐊᕐᓃᑦ ᑲᒪᒋᓚᐅᖏᓐᓇᑦᑎᒍ.

ᑖᓂᐊᓕᐅᑉ ᐊᒡᓚᖏᑦ 9:13 Iomraidhean Croise

ᐊᑕᓃᑦ ᐂᑉᐸᖏᑦ 22:16

ᐊᑕᓂᖅ ᐃᒫᒃ ᐅᖃᕐᐳᖅ, ᑕᑯᒋᑦ, ᓄᓇᒥ ᑕᒫᓂ ᐱᐅᖏᑦᑐᒥᒃ ᐱᑕᖃᕐᑎᑦᓯᔪᒫᕐᐳᖓ ᐃᓄᖏᓐᓄᓪᓗ, ᐊᖓᔪᖅᑳᕐᔪᐊᑉ ᐊᒡᓚᖕᓂᒃ ᐅᖃᓕᒫᖅᑲᐅᔭᖏᓐᓂ ᐅᖃᐅᓯᕆᓯᒪᔭᒃᑲ ᒪᓕᒡᓗᒋᑦ.

ᔫᐱᐅᑉ ᐊᒡᓚᖏᑦ 36:13

ᒎᑎᖃᖏᑦᑐᑦ ᓂᓐᖓᐅᒪᓂᕐᒥᒃ ᐃᓗᒥᐅᑕᖃᑦᓮᓐᓇᕐᐳᑦ; ᑖᑦᓱᒧᖓᓗ ᕿᓚᒃᑕᐅᒐᓗᐊᕋᒥᒃ ᐃᑲᔪᕐᑕᐅᔪᒪᓗᑎᒃ ᑐᒃᓯᐊᓚᐅᓐᖏᓚᑦ.

ᐃᓐᖏᕈᑎᑦ 119:18

ᐃᔩᒃᑲᒃ ᑕᑯᑎᒃᑭᒃ, ᑕᑯᖁᓪᓗᖓ ᐱᖁᔭᕕᑦ ᑲᒪᓇᕐᑐᐊᓘᓂᖏᓐᓂᒃ.

ᐃᓐᖏᕈᑎᑦ 119:27

ᑐᑭᓯᑎᓚᐅᓐᖓ ᐱᓂᐊᕐᑕᐅᖁᔭᕕᑦ ᑐᑭᖏᓐᓂᒃ, ᑕᕝᕙ ᐃᓱᒪᒃᓴᕐᓯᐅᕈᑎᒋᓂᐊᕐᐸᒃᑲ ᑲᒪᓇᕐᑐᓕᓂᑎᑦ.

ᐃᓐᖏᕈᑎᑦ 119:73

ᐊᒡᒐᒃᐱᑦ ᓴᓇᓚᐅᕐᐹᖓ ᐋᖅᑭᒃᓱᕐᓗᖓᓗ; ᑐᑭᓯᑎᓚᐅᓐᖓ ᐱᖁᔭᕐᓂᒃ ᐃᓕᑦᓯᔪᓐᓇᖁᓪᓗᖓ.

ᐃᓐᖏᕈᑎᑦ 85:4

ᐋᖅᑭᓚᐅᕐᑎᒍᑦ ᐅᑎᕐᑎᓪᓗᑕ, ᒎᑎᕗᑦ ᐱᐅᓕᔨᒋᔭᕗᑦ, ᓴᓂᕐᕙᓕᕈᒃ ᐅᕙᑦᑎᓐᓂᒃ ᓂᓐᖓᐅᑦᔨᓯᒪᓃᑦ!

ᐂᓮᐊᓯᐅᑉ ᐊᒡᓚᖏᑦ 31:1

ᑲᑉᐱᐊᓇᕐᑐᒦᑉᐳᑦ ᐄᑦᔨᑉᑎᒥᐅᓄᑦ ᐂᔪᑦ ᐃᑲᔪᕐᑎᖃᕈᒪᓪᓗᑎᒃ, ᕿᒻᒥᕐᔪᐊᖏᓐᓂᒡᓗ ᑕᑎᖃᕋᓱᒃᑐᑦ, ᕿᒻᒥᕐᔪᐊᖏᑕᓗ ᐅᓂᐊᒐᖏᓐᓂᒃ ᐊᒃᓴᓗᐊᓕᖕᓂᒃ ᑕᑎᖃᕋᓱᒃᑐᑦ, ᑍᒤᑦᑐᖁᑎᖏᑦ ᐅᓄᕐᒪᑕ ᕿᒻᒥᕐᔪᐊᒥᓗ ᐃᑭᒪᔪᑦ ᐱᔪᓐᓇᕐᓂᖃᕐᒪᑕ, ᑕᑯᓐᓇᕋᓱᐊᕋᑎᒃ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᓂᒃ ᐊᑕᓂᕐᒥᒡᓘᓐᓃᑦ ᐊᐱᕐᓱᕋᑎᒃ!

ᐂᓮᐊᓯᐅᑉ ᐊᒡᓚᖏᑦ 42:9

ᑕᑯᒋᑦ, ᐊᑐᓚᐅᕐᑐᑦ ᐊᓂᒍᕐᓯᒪᓕᕐᐳᑦ, ᒫᓐᓇᓗ ᓄᑖᓂᒃ ᓇᓗᓁᕐᓯᕕᒋᕙᑦᓯ; ᓱᓕ ᐊᑐᓕᓚᐅᕐᑎᓐᓇᒋᑦ ᐃᓕᑦᓯᓐᓄᑦ ᐅᖃᐅᓯᕆᕙᒃᑲ.”

ᐂᓮᐊᓯᐅᑉ ᐊᒡᓚᖏᑦ 43:22

ᐃᓕᑦᓯᓕ ᐅᕙᓐᓄᑦ ᑐᒃᓯᐊᓚᐅᓐᖏᓚᓯ ᔧᑰᑉ ᑭᖑᕚᖏᑦ; ᐅᕙᓐᓂᒡᓗ ᐃᓗᖏᕐᑐᕈᑎᖃᓚᐅᕋᓯ, ᐃᓴᕆᐊᓕᒥᐅᖑᔪᓯ!

ᐂᓮᐊᓯᐅᑉ ᐊᒡᓚᖏᑦ 64:6

ᐃᓘᓐᓇᑕ ᓴᓗᒪᖏᑦᑐᑎᑐᑦ ᓇᕐᕈᓇᕐᓯᕗᒍᑦ, ᐃᓱᐊᕐᑑᓇᓱᐊᕐᓂᕗᓪᓗ ᖃᓪᓗᓈᕐᑕᑎᑐᑦ ᓴᓗᒤᑦᑐᑎᑐᑦ ᑍᒤᑉᐳᑦ, ᐅᖃᐅᔭᑎᑐᓪᓗ ᑐᖁᓕᖓᔪᑎᑐᑦ ᑍᒤᑉᐳᒍᑦ, ᐊᔪᕐᑐᓕᓂᑦᑕᓗ ᐊᓄᕆᒧᑦ ᑎᒃᑕᐅᔪᑎᑐᑦ ᑍᒤᑎᑉᐹᑎᒍᑦ.

ᐂᓮᐊᓯᐅᑉ ᐊᒡᓚᖏᑦ 64:7

ᓇᓪᓕᐊᓐᓂᒃ ᐊᑎᕐᓄᑦ ᑐᒃᓯᐊᕐᑐᖃᓚᐅᕐᓯᒪᔪᓐᓃᕐᐳᖅ, ᐊᒃᓱᕈᕐᓗᓂᓗ ᐃᓕᖕᓄᑦ ᐊᔪᐃᓐᓇᕐᑐᖃᓚᐅᕐᓯᒪᔪᓐᓃᕐᐳᖅ; ᑮᓁᑦ ᐅᕙᑦᑎᓐᓄᑦ ᐃᔨᕐᓯᒪᓕᕋᕕᐅᒃ, ᓄᖑᑕᐅᕙᓪᓕᐊᑐᐃᓐᓇᓕᕐᐳᒍᑦ ᐊᔪᕐᓂᑦᑎᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 9:13

ᐃᓄᖏᓪᓕ ᓱᒋᐊᕐᑎᒋᔭᒥᖕᓄᑦ ᓵᒋᐊᓚᐅᓐᖏᓚᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓂᒃ ᓱᓕ ᕿᓂᕋᑎᒃ.

ᔨᕆᒤᐊᐅᑉ ᐊᒡᓚᖏᑦ 2:30

ᓱᒋᐊᕋᓗᐊᕋᑦᓯ, ᓱᒋᐊᕐᑕᐅᑦᔪᑎᓯ ᐋᖅᑭᒋᐊᕈᑎᒋᓐᖏᓚᓯ, ᓴᕕᒡᔪᐊᑦᓯᓐᓄᑦ ᐱᔪᖃᓛᕐᑐᒥᒃ ᐅᖃᕐᑎᖁᑎᓯ ᑐᖁᑉᐸᓯ ᓛᔭᑎᑐᑦ ᐃᕐᓯᓵᕐᑐᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 30:14

ᐅᖓᒋᔨᒋᓚᐅᕐᑕᑦᓯ ᐳᐃᒍᕐᐹᓯ ᐃᒃᐱᒋᔭᐅᔪᓐᓃᕐᓗᓯᓗ ᑖᒃᑯᓄᖓ, ᐊᑭᕋᑦᑐᑦ ᐊᑭᓂᐊᕐᕕᒋᒐᑦᓯ, ᓇᒡᓕᖕᓂᖃᖏᑦᑐᑎᑐᑦ ᓱᒋᐊᕐᐸᑦᓯ ᐸᓯᔭᒃᓴᐅᓂᓯ ᐊᖏᔫᓗᐊᓕᕐᒪᑦ, ᐊᔪᕐᑐᓕᓯᒪᓂᓯᓗ ᐅᓄᓗᐊᓕᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 31:18

ᐃᕗᕅᑎ ᕿᒃᓵᒡᓗᓂ ᐅᖃᕐᑐᖅ ᑐᓴᓚᐅᕐᐸᕋ, ᐋᖅᑭᒋᐊᓚᐅᕐᐸᕐᒪ ᓄᕐᕋᕐᑎᑐᑦ ᐃᓕᓴᕐᑕᐅᓯᒪᖏᑦᑐᑎᑐᑦ, ᐃᓂᕐᑎᕋᕕᖓ, ᐋᖅᑭᒍᑎᒋᕙᕋᓗ ᑕᒪᓐᓇ ᐅᑎᕐᑎᓚᐅᓐᖓ ᐅᑎᕐᓂᐊᕋᒪ ᐊᑕᓂᐅᒐᕕᑦ ᒎᑎᒐ.

ᔨᕆᒤᐊᐅᑉ ᐊᒡᓚᖏᑦ 44:23

ᑐᓂᕐᕈᓯᖃᑦᑕᓚᐅᕋᑦᓯ ᐊᑕᓂᕐᓗ ᐊᔪᕐᑐᓕᕕᒋᓪᓗᒍ, ᓈᓚᓚᐅᖏᓐᓇᑦᓯᐅᒃ ᐱᖁᔭᖏᓪᓗ ᒪᓕᖕᓇᒋᑦ ᑐᓴᕐᑕᐅᖁᔭᖏᓪᓗ ᐃᓱᒪᒋᓇᒋᑦ ᐊᖏᕐᓯᒪᓂᖏᓪᓘᓐᓃᑦ, ᑕᒪᑦᔭ ᑲᑉᐱᐊᓇᕐᑐᓂᒃ ᐊᑐᕈᑎᒋᓕᕐᑕᓯ ᐅᓪᓗᒥᓗ ᑕᑯᓯᒪᓕᕐᐸᓯ ᑍᒤᑦᑐᒦᑦᔪᑎᒋᔭᓯ ᓱᓇᒨᕐᒪᖔᑦ.”

ᔨᕆᒤᐊᐅᑉ ᐊᒡᓚᖏᑦ 44:27

ᑕᑯᒋᑦ, ᖃᐅᔨᓴᕐᓂᐊᓕᕐᐸᒃᑲ ᐊᓯᕈᕐᑕᐅᖁᓪᓗᒋᑦ ᐱᐅᔪᒥᒃ ᐱᕕᐅᖁᓇᒋᑦ, ᔫᑎᑦ ᐄᑦᔨᑉᑎᒦᑦᑐᑦ ᑐᖁᑕᐅᔪᒫᕐᐳᑦ ᐅᓇᑕᕐᑐᓄᑦ ᑳᖕᓇᕐᑐᕐᔪᐊᒧᓪᓗ ᑕᒪᕐᒥᒃ ᓄᖑᑕᐅᓚᐅᖏᓐᓂᓕᒫᒥᖕᓂ.

ᔨᕆᒤᐊᐅᑉ ᐊᒡᓚᖏᑦ 5:3

ᐊᑕᓃᖅ, ᓱᓕᔪᓂᒃ ᕿᓂᕐᐳᑎᑦ, ᐋᓐᓂᕋᓗᐊᕋᕕᒋᑦ ᐃᒃᐱᖕᓂᓐᖏᓚᑦ, ᐱᕕᒃᓮᕈᑎᒐᓗᐊᕋᕕᒋᑦ ᓱᓕ ᐋᖅᑭᒋᐊᕈᒪᓐᖏᓚᑦ. ᑮᓇᖏᑦ ᓴᖑᑎᑕᒃᓴᐅᖏᑦᑐᑎᑐᑦ ᑕᐅᑦᑐᖃᕐᐳᑦ ᓵᒋᐊᕈᒪᓇᑎᒡᓗ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:21

ᐊᑕᓃᖅ ᐃᓕᖕᓄᑦ ᐅᑎᕐᑎᓚᐅᕐᑎᒍᑦ ᐋᖅᑭᒃᑕᐅᖁᓪᓗᑕ, ᐅᓪᓗᕗᑦ ᓄᑖᓐᖑᕐᑎᒃᑭᑦ ᑍᑦᓱᒪᓂᐅᓚᐅᕐᑐᑎᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 16:43

ᐃᖅᑲᐅᒪᔪᓐᓁᕋᑦᓯᐅᒃ ᐃᓅᓱᒃᑑᑎᓪᓗᓯ ᐱᐅᓯᕆᓚᐅᕐᑕᓯ, ᓂᓐᖓᒃᑎᓚᐅᕋᑦᓯᓐᖓ ᑕᒪᒃᑯᓂᖓ ᐱᐅᖏᑦᑐᓂᒃ ᐱᓂᐊᕐᓂᑦᓯᓐᓄᑦ; ᑍᒤᒻᒪᑦ ᑕᑯᒋᑦ, ᐱᓂᐊᕐᓂᕆᓚᐅᕐᑕᑦᓯᓐᓄᑦ ᐊᑭᓂᐊᕐᕕᒋᔪᒫᕐᐸᑦᓯ, ᐊᑕᓂᖅ ᒎᑎ ᐅᖃᕐᐳᖅ. “ᓱᖕᒪᑦ ᐃᒃᓯᒎᕐᓂᖅ ᐃᓚᐅᑎᓐᓇᓱᓚᐅᕐᐱᓯᐅᒃ ᓇᕐᕈᓇᕐᑐᓕᓂᑦᓯᓐᓄᑦ?”

ᑖᓂᐊᓕᐅᑉ ᐊᒡᓚᖏᑦ 9:11

ᐃᓴᕆᐊᓕᑎᓕᒫᑦ ᓯᖁᒥᑦᓯᖃᑦᑕᕐᓯᒪᖕᒪᑕ ᐱᖁᔭᕐᓂᒃ ᒪᓕᖕᓇᒋᓪᓗ, ᐃᓕᖕᓂᒡᓗ ᓈᓚᒍᒪᓇᑎᒃ. ᑍᒤᒻᒪᑦ ᓇᕐᕈᓇᕐᓯᑎᑕᐅᓃᑦ ᐃᖅᑲᕐᑐᐃᓂᒃᑯᓪᓗ ᓱᒋᐊᕐᓯᓃᑦ ᒨᓯᓯᐅᑉ ᐱᔨᒋᔭᕕᑦ ᐱᖁᔭᖏᑎᒍᑦ ᑎᑎᕋᕐᓯᒪᔪᑦ, ᐅᕙᑦᑎᓐᓄᑦ ᑯᕕᓯᒪᕗᑦ, ᐃᓕᖕᓄᑦ ᐱᐅᖏᑦᑐᓕᓯᒪᒐᑦᑕ.

ᕼᐆᓯᐊᑉ ᐊᒡᓚᖏᑦ 7:10

ᐃᓴᕆᐊᓕᒥᐅᑦ ᐃᓄᖏᑕ ᐱᐅᔪᕆᓂᖏᑦ ᐃᒻᒥᖕᓄᑦ ᐊᑭᕋᕐᑐᕐᐳᑦ; ᓱᓕᓕ ᐅᑎᓚᐅᓐᖏᓚᑦ ᐊᑕᓂᕐᒧᑦ ᒎᑎᒥᖕᓄᑦ, ᑖᑦᓱᒥᖓᓗ ᕿᓂᓚᐅᕋᑎᒃ, ᑕᒪᒃᑯᐊ ᐊᑐᕐᑎᓪᓗᒋᑦ.

ᕼᐆᓯᐊᑉ ᐊᒡᓚᖏᑦ 7:14

ᐆᒻᒪᑎᒥᖕᓂᑦ ᐱᔪᒥᒃ ᐱᓇᑎᒃ ᑐᒃᓯᐊᕐᕕᒋᓚᐅᕐᐹᖓ, ᐃᓐᓇᖓᕕᖕᒥᖕᓂᑦ ᐃᓚᓐᓂᕐᓴᕐᓗᑎᒃ ᑐᒃᓯᐊᕐᕕᒋᓚᐅᕋᓗᐊᕐᐹᖓ; ᕿᓄᓪᓗᑎᒃ ᓂᐊᖂᔭᒃᓴᒥᒃ ᕔᓂᒥᒡᓗ ᐃᒻᒥᖕᓂᒃ ᑭᓪᓕᐊᓪᓗᑎᒃ, ᐅᕙᓐᓂᒃ ᐊᑭᕋᕐᑐᓚᐅᕐᐳᑦ.

ᕼᐆᓯᐊᑉ ᐊᒡᓚᖏᑦ 7:7

“ᐃᓘᓐᓇᑎᒃ ᐆᓇᒻᒪᕆᓕᕋᒥᒃ ᓂᕿᓕᐅᕐᕕᒃᑐᑦ, ᑕᕝᕙ ᐃᓄᐊᕐᐳᑦ ᐊᐅᓚᑦᓯᔨᒥᖕᓂᒃ. ᐊᖓᔪᖅᑳᓕᒫᖏᑦ ᐃᓄᐊᕐᑕᐅᕗᑦ; ᓇᓪᓕᐊᓐᓄᓪᓘᓐᓃᓪᓕ ᑐᒃᓯᐊᕐᕕᐅᓚᐅᓐᖏᓚᖓ.”

ᓘᑲᓯᐅᑉ ᐊᒡᓚᖏᑦ 24:45

ᑕᕝᕙ ᖃᐅᔨᑎᑉᐰᑦ ᐊᒡᓚᖕᓂᒃ ᑐᑭᓯᖁᓪᓗᒋᑦ,

ᔪᐊᓇᓯᐅᑉ ᐊᒡᓚᖏᑦ 10:35

ᒎᑎᐅᑉ ᐃᓄᐃᑦ ᑍᓚᐅᕐᐸᒋᑦ ᒎᑎᓂᒃ ᐃᓄᖕᓄᑦ ᐅᖃᓪᓚᒃᑎᓪᓗᒍ ᑍᑦᓱᒪᓂ, ᖃᐅᔨᒪᕗᒍᑦ ᐊᒡᓔᑦ ᐊᑭᕋᕐᑐᕐᑕᐅᔪᓐᓇᖏᒻᒪᑕ,

ᔪᐊᓇᓯᐅᑉ ᐊᒡᓚᖏᑦ 6:45

ᓇᓚᐅᑦᑍᔪᑎᒍᑦ ᑎᑎᕋᕐᓯᒪᕗᑦ, ‘ᑕᒪᕐᒥᒃ ᐊᔪᕆᕐᑐᕐᑕᐅᔪᒫᕐᐳᑦ ᒎᑎᒧᑦ.’ ᓇᓪᓕᐊᑦ ᐊᑖᑕᒥᒃ ᑐᓴᕐᑐᖅ, ᑖᑦᓱᒪᓐᖓᓪᓗ ᐃᓕᓐᓂᐊᕐᓗᓂ ᑖᓐᓇ ᐅᕙᓐᓄᑦ ᕾᕗᖅ.

ᔪᐊᓇᓯᐅᑉ ᐊᒡᓚᖏᑦ 8:32

ᓱᓕᔪᖅ ᖃᐅᔨᓂᐊᕐᐸᓯ, ᓱᓕᔫᓪᓗ ᕿᓚᕈᑦᔮᕐᓂᐊᕐᐹᓯ.”

ᐃᐱᓯᒥᐅᓄᑦ 4:21

ᑖᑦᓱᒥᖓᑦ ᑐᓴᑦᓯᐊᓚᐅᕐᐳᓯ ᑖᑦᓱᒪᓗ ᒪᓕᒃᑎᖏᑎᑐᑦ ᐊᔪᕆᕐᑐᕐᑕᐅᓯᒪᕗᓯ, ᓱᓕᓂᖅ ᑕᕝᕙ ᔩᓱᓯᒦᒻᒪᑦ.

ᒨᓯᓯ ᑕᓪᓕᒪᖏᑦ 29:4

ᑭᓯᐊᓂᓕ ᐊᒡᓛᑦ ᐅᓪᓗᒥᒧᑦ ᑎᑭᓪᓗᒍ ᓱᓕ ᑐᑭᓯᑎᓚᐅᕐᓯᒪᓐᖏᓛᓯ ᐊᑐᖃᑦᑕᓚᐅᕐᑕᑦᓯᓐᓂᒃ.

ᔧᒥᓯᐅᑉ ᐊᒡᓚᖏᑦ 1:5

ᓇᓪᓕᕐᓯᓕ ᓯᓚᑐᓂᕐᒥᒃ ᐊᔪᕐᓴᕈᓂ, ᒎᑎᒧᑦ ᑐᒃᓯᐊᕐᑐᒃᓴᐅᕗᖅ, ᑖᑦᓱᒪ ᑕᑉᕙ ᑐᓂᓯᕕᒋᓂᐊᕐᐹ ᐱᔪᒪᔭᖓᓂᒃ. ᐃᓄᓕᒫᑦ ᑐᓂᓯᕕᒋᕙᖕᒪᒋᑦ ᖁᕕᐊᒋᓪᓗᒋᑦ ᐊᓐᓂᕈᓱᒐᓂᓗ.