ᑖᓂᐊᓕᐅᑉ ᐊᒡᓚᖏᑦ 8:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᒎᑦᓯ ᑖᓐᓇ ᐊᔪᕈᓐᓃᕐᐸᓪᓕᐊᑐᐃᓐᓇᕐᐳᖅ, ᐱᔪᓐᓇᕐᓂᖓᑕ ᐊᔪᖏᓐᓂᕐᐹᖓᓂ, ᓇᒡᔪᖓ ᓇᑲᓪᓗᓂ ᐲᕐᐳᖅ, ᐃᓂᖓᓂᓕ ᐱᕈᕐᑐᖃᕐᐳᖅ ᓇᒡᔪᖕᓂᒃ ᓯᑕᒪᓂᒃ ᖁᒻᒧᑦ ᓴᖕᒥᔪᓂᒃ ᑐᕌᕐᓗᑎᒡᓗ ᕿᓚᐅᑉ ᐊᓄᕆᖏᓐᓄᑦ ᓯᑕᒪᓄᑦ.

ᑖᓂᐊᓕᐅᑉ ᐊᒡᓚᖏᑦ 8:8 Iomraidhean Croise

ᑯᕉᓂᑲ ᐂᑉᐸᖏᑦ 26:16

ᐱᔪᓐᓇᕐᓯᒐᒥ ᐆᒻᒪᑎᒥᒍᑦ ᐱᐅᔪᕆᓂᖃᓕᓚᐅᕐᐳᖅ, ᑕᒪᓐᓇᓗ ᑲᑕᒍᑎᒋᓪᓗᓂᐅᒃ. ᓱᓕᖏᑦᑐᒦᓕᓚᐅᕐᒪᑦ ᐊᑕᓂᕐᒧᑦ ᒎᑎᒥᓄᑦ, ᐃᓯᓚᐅᕐᒪᑦ ᐊᑕᓂᐅᑉ ᑐᒃᓯᐊᕐᕕᒡᔪᐊᖁᑎᖓᓄᑦ ᐃᑯᐊᓪᓔᒋᐊᕐᑐᕐᓗᓂ ᑎᐱᑦᓯᐊᕆᒃᑐᒥᒃ ᑐᓂᕐᕈᓯᕐᕕᖕᒥ.

ᐃᔅᑕᐅᑉ ᐊᒡᓚᖏᑦ 9:4

ᒧᐊᑎᑬ ᐱᓪᓚᕆᐊᓘᓕᓚᐅᕐᒪᑦ ᐊᖓᔪᖅᑳᕐᔪᐊᒃᑯᕕᖕᒥ, ᑖᑦᓱᒪᓗ ᐊᔪᖏᓐᓂᕋᕐᑕᐅᓂᖓ ᓄᓇᓕᖕᓂ ᐊᕕᒃᑐᕐᓯᒪᔪᓂ ᓯᐊᒻᒪᕐᓯᒪᓕᓚᐅᕐᒪᑦ; ᑖᓐᓇ ᒧᐊᑎᑬ ᐱᔪᓐᓇᕐᓂᕐᑖᕐᐸᓪᓕᐊᑐᐃᓐᓇᓚᐅᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 49:36

ᐃᓛᒥᐅᑦ ᐊᓄᕆᓂᑦ ᓯᑕᒤᓂᑦ ᐱᔪᓂᑦ ᐊᓄᕌᕐᕕᐅᑎᑦᓱᒫᕐᐸᒃᑲ, ᓯᐊᒻᒪᕐᑎᓪᓗᒋᓪᓗ ᐊᓄᕇᑦ ᓯᑕᒪᑦ ᐊᓄᕌᕐᕕᖏᓐᓄᑦ, ᐃᓅᖃᑎᒌᒡᔪᐊᓕᒫᑦ ᐃᓛᒥᐅᓄᑦ ᕿᒫᕕᒋᔭᐅᓯᒪᔪᐃᓐᓇᐅᓕᓚᐅᖅᑳᕐᑎᓐᓇᒋᑦ.

ᔨᕆᒤᐊᐅᑉ ᐊᒡᓚᖏᑦ 5:27

ᑎᖕᒥᐊᓄᓪᓗ ᑎᒍᐊᖃᕐᕕᒃᑎᑐᑦ, ᐃᒡᓗᖏᑦ ᑕᑕᑉᐳᑦ ᓴᒡᓗᕿᑦᑎᑦᔪᑎᒃᓴᒥᖕᓂᒃ, ᑍᒤᒻᒪᑦ ᐃᒻᒥᖕᓂᒃ ᐊᔪᕐᓴᕈᓐᓃᕐᑎᑉᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 16:7

ᐱᕈᕐᓗᑎᓪᓗ ᐱᕈᕐᓰᕕᖕᒥ ᐱᕈᕐᑐᑎᑐᑦ.’ ᐱᕈᕋᕕᓪᓗ ᐊᖏᔫᓕᓚᐅᕐᐳᑎᑦ ᐊᕐᓇᑦᓯᐊᕙᐅᓪᓗᑎᑦ, ᐃᕕᐊᖏᕐᑖᓚᐅᕐᐳᑎᑦ, ᓄᔭᖅᑯᕐᑐᓯᓪᓗᑎᓪᓗ; ᐊᓐᓄᕌᖃᓚᐅᓐᖏᓚᑎᓪᓕ ᐅᕕᓃᓐᓇᐅᓪᓗᑎᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 28:9

ᑐᖁᑦᓯᔭᕐᑐᕐᑐᑦ ᓵᖏᓐᓂ ᓱᓕ ᒎᑎᐅᓂᕋᕈᒫᕐᐲᑦ? ᐃᓄᑐᐃᓐᓇᐅᒐᕕᑦ, ᒎᑎᐅᓇᒡᓗ, ᑐᖁᑦᓯᔭᕐᑐᕐᑐᑦ ᓵᖏᓐᓃᓕᕈᕕᑦ.

ᑖᓂᐊᓕᐅᑉ ᐊᒡᓚᖏᑦ 11:4

ᓴᖅᑭᓯᒪᓕᕐᐸᑦ, ᐊᖓᔪᖅᑲᐅᕕᖓ ᐊᒡᒍᕈᒫᕐᐳᖅ, ᑐᓂᐅᖅᑲᐅᑕᐅᓗᓂᓗ ᕿᓚᐅᑉ ᐊᓄᕆᖏᓐᓄᑦ ᓯᑕᒪᓄᑦ; ᑭᖑᕚᖏᓐᓂᑦ ᑭᖑᕝᕕᕐᑕᐅᔪᒫᓐᖏᓚᖅ, ᐱᔪᓐᓇᕐᓂᕆᓚᐅᕐᑕᒥᑐᓪᓗ ᐱᔪᓐᓇᕐᑎᒋᔪᓐᓃᕐᓗᓂ, ᐊᖓᔪᖅᑲᐅᕕᖓ ᐊᒫᖏᓐᓂᑦ ᓄᓱᒃᑕᐅᔪᒫᕐᒪᑦ, ᑐᓂᔭᐅᓗᓂᓗ ᐊᓯᖏᓐᓄᑦ.

ᑖᓂᐊᓕᐅᑉ ᐊᒡᓚᖏᑦ 4:31

ᓱᓕ ᑍᒫᒃ ᐅᖃᓪᓚᒃᑎᓪᓗᒍ, ᓂᐱ ᕿᓚᖕᒥᑦ ᐅᖃᕐᐳᖅ, “ᐊᖓᔪᖅᑳᕐᔪᐊᖅ ᓂᐱᑯᓁᓴ, ᐃᓕᖕᓄᑦ ᐃᒫᒃ ᐅᖃᕐᐳᖓ, ᐊᖓᔪᖅᑳᕐᔪᐊᖑᓂᕕᑦ ᐱᔪᓐᓇᕐᓂᖓ ᐃᓕᖕᓂᑦ ᐲᕐᐸᕋ!

ᑖᓂᐊᓕᐅᑉ ᐊᒡᓚᖏᑦ 5:20

ᐊᔪᖏᓐᓇᓱᒋᓕᕐᒪᓪᓕ ᐱᐅᔪᕆᓂᕐᒧᓪᓗ ᓯᑎᔫᓕᕐᒪᑦ, ᐊᖓᔪᖅᑳᕐᔪᐊᑉ ᐃᒃᓯᕙᐅᑕᖓᓂᑦ ᐲᕐᑕᐅᓚᐅᕐᐳᖅ ᐱᐅᒋᔭᐅᓂᖓᓗ ᓄᖑᓚᐅᕐᐳᖅ.

ᑖᓂᐊᓕᐅᑉ ᐊᒡᓚᖏᑦ 7:2

ᑖᓂᐊᓕ ᐅᖃᕐᐳᖅ, “ᐅᓐᓄᐊᒃᑯᑦ ᑕᑯᑎᑕᐅᓪᓗᖓ ᑕᑯᓚᐅᕐᐳᖓ, ᐊᓄᕆᓂᒃ ᓯᑕᒪᓂᒃ ᕿᓚᖕᒥᑦ ᐱᔪᓂᒃ ᐃᒪᕐᔪᐊᒥᒃ ᐊᐅᓚᑎᑦᓯᔪᓂᒃ.

ᑖᓂᐊᓕᐅᑉ ᐊᒡᓚᖏᑦ 7:6

“ᑭᖑᓂᖓᓂ, ᑕᑯᓕᕆᕗᖓ ᐆᒪᔪᐊᓗᐃᑦ ᐃᓚᖓᓐᓂᒃ ᓕᐸᕐᑎᑐᑦ ᑕᐅᑦᑐᖃᕐᑐᒥᒃ, ᕿᒥᕐᓗᖕᒥᒍᑦ ᓯᑕᒪᓂᒃ ᐃᓴᕈᖃᕐᐳᖅ ᑎᖕᒥᐊᑉ ᐃᓴᕈᖏᑎᑐᑦ; ᓯᑕᒪᓂᒡᓗ ᓂᐊᖁᖃᕐᓗᓂ, ᐊᖓᔪᖅᑳᕐᔪᐊᖑᓂᕐᒥᒡᓗ ᑐᓂᓯᕕᒋᔭᐅᕗᖅ ᐊᐅᓚᑦᓯᖁᓪᓗᒍ.

ᑖᓂᐊᓕᐅᑉ ᐊᒡᓚᖏᑦ 8:22

ᓇᒡᔪᐃᑦ ᓯᑕᒪᑦ ᓇᒡᔪᖕᒥᒃ ᐲᕐᑐᒥᒃ ᑭᖑᕝᕕᐅᑎᔪᑦ, ᑐᑭᖃᕐᐳᑦ ᐊᖓᔪᖅᑲᐅᕕᖕᒥᑦ ᑕᕝᕙᓐᖓᑦ ᐃᓅᖃᑎᒌᒡᔪᐊᓂᑦ ᓯᑕᒪᑦ ᐊᖓᔪᖅᑳᕐᔪᐊᖃᕐᕖᑦ ᓴᖅᑭᑦᓱᒫᕐᒪᑕ, ᐊᑐᓂᓪᓕ ᐱᔪᓐᓇᕐᓂᖏᑦ ᐊᑦᔨᒌᒍᒫᓐᖏᓚᑦ.

ᑖᓂᐊᓕᐅᑉ ᐊᒡᓚᖏᑦ 8:5

ᑕᒪᑐᒥᖓ ᐃᓱᒪᒃᓴᕐᓯᐅᕐᑎᓪᓗᖓ, ᑕᕝᕔᓐᓇᖅ ᐊᖑᓴᓪᓗᖅ ᒎᑦᓯ ᓴᖅᑭᑉᐳᖅ ᓯᕿᓂᐅᑉ ᓂᐱᕕᐊᑕ ᓇᓛᓂᑦ, ᓇᒡᔪᖃᕐᑐᖅ ᐅᑦᔨᕐᓇᕐᑐᒥᒃ ᐃᔨᖏᒃᑕ ᐊᑯᓂᖓᓂ, ᓄᓇᕐᔪᐊᓕᒫᖅ ᐸᖓᓕᒃᕕᒋᕚ ᓄᓇᒧᑦ ᑐᓐᖓᓇᓂ.

ᑖᓂᐊᓕᐅᑉ ᐊᒡᓚᖏᑦ 8:7

ᑕᑯᕙᕋᓗ ᓰᐱ ᐊᖑᓴᓪᓗᖅ ᐊᐳᕐᒪᒍ, ᓇᒡᔪᖏᒃ ᒪᕐᕉᒃ ᓯᖁᒥᑉᐴᒃ, ᓰᐱ ᐊᖑᓴᓪᓗᖅ ᑖᑦᓱᒥᖓ ᐊᑭᒪᔪᓐᓇᓐᖏᓚᖅ; ᒎᑦᓯᐅᑉ ᐅᕐᕈᑎᑉᐹ ᓄᓇᒧᑦ ᑐᓪᓕᕋᕐᓗᒍᓗ, ᑭᐊᓘᓐᓃᑦ ᓰᐱ ᐊᖑᓴᓪᓗᖅ ᓴᐳᑎᔪᓐᓇᓐᖏᓛ ᒎᑦᓯᐅᑉ ᐱᔪᓐᓇᕐᓂᖓᓂᑦ.

ᒫᑎᐅᓯᐅᑉ ᐊᒡᓚᖏᑦ 24:31

ᑕᕝᕙ ᑎᑦᑐᓚᐅᑎᕐᔪᐊᑦ ᓂᐱᖏᑦ ᓂᓪᓕᕈᒫᕐᐳᑦ, ᐂᖏᓕᖁᑎᓂ ᑎᓕᔪᒫᕐᐰᑦ ᓄᓇᕐᔪᐊᓕᒫᒧᑦ ᓄᓇᐅᑉ ᐊᓄᕌᕐᕕᒋᓲᖏᓐᓄᑦ ᓯᑕᒪᓄᑦ, ᑖᒃᑯᐊ ᑲᑎᕐᓯᔪᒫᕐᐳᑦ ᑖᑦᓱᒪ ᓂᕈᐊᕐᓯᒪᔭᖏᓐᓂᒃ ᓄᓇᐅᑉ ᐃᓱᐊᓂᑦ ᐃᓱᐊᓄᑦ.”

ᒫᑯᓯᐅᑉ ᐊᒡᓚᖏᑦ 13:27

ᑖᑦᓱᒪ ᐂᖏᓖᑦ ᑎᓕᔪᒫᕐᐰᑦ, ᑲᑎᕐᓱᐃᖁᓪᓗᒋᑦ ᓂᕈᐊᕐᓯᒪᔭᖏᓐᓂᒃ ᓄᓇᕐᔪᐊᑉ ᐊᓄᕌᕐᕕᒋᕙᒃᑕᖏᓐᓂᑦ ᓯᑕᒪᓂᑦ, ᓄᓇᕐᔪᐊᑉ ᐃᓱᐊᓂᑦ ᕿᓚᐅᑉ ᐃᓱᐊᓄᑦ.”

ᒨᓯᓯ ᑕᓪᓕᒪᖏᑦ 31:20

ᓄᓇᒧᑦ ᑕᓯᐅᕐᓂᐊᕐᐸᒃᑲ ᓄᓇᑖᖁᓪᓗᒋᑦ ᐊᔪᕐᓴᕐᓇᖏᑦᑐᒧᑦ ᓂᕿᒃᓴᖃᑦᓯᐊᕐᑐᒧᓪᓗ, ᑕᒪᓐᓇ ᐅᖃᕕᒃᓗᖓ ᐊᖏᕈᑎᒋᓯᒪᒐᒃᑯ ᓯᕗᓕᕆᓚᐅᕐᑕᖏᓐᓄᑦ, ᑕᕝᕙᓂ ᓂᕆᓯᒪᓕᕐᐸᑕ ᐊᕿᐊᑦᑐᕐᓗᑎᒃ ᖁᐃᒃᓯᓪᓗᑎᒡᓗ, ᐊᓯᓐᓄᑦ ᒎᑎᓐᖑᐊᓄᑦ ᓵᖔᓕᕈᒫᕐᐳᑦ ᐱᔨᑦᓯᓕᕐᓗᒋᑦ, ᐅᕙᓐᓂᒃ ᖁᔭᓈᕐᓯᔪᒫᕐᐳᑦ ᐊᖏᖃᑎᒌᒍᑎᒋᓯᒪᔭᒃᑲᓗ ᓯᖁᒥᓪᓗᒋᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:1

ᑕᒪᑐᒪ ᑭᖑᕐᖓᒍᑦ ᑕᑯᒋᕗᖓ ᐂᖏᓖᓂᒃ ᓯᑕᒪᓂᒃ ᓇᖏᕐᑐᓂᒃ ᓄᓇᕐᔪᐊᑉ ᑎᓴᒤᓕᖃᖓᕕᖏᓐᓂ, ᑖᒃᑯᐊᓗ ᐊᓄᕆᓂᒃ ᓯᑕᒪᓂᒃ ᓄᓇᕐᔪᐊᑉ ᐊᓄᕌᕐᕕᒋᕙᒃᑕᖏᓐᓂᒃ ᓄᖅᑲᕐᑎᑦᓯᓯᒪᕗᑦ, ᐊᓄᕌᖁᓇᒍ ᓄᓇᕐᔪᐊᕐᒥ ᐃᒫᓂᓗ ᓇᐹᕐᑐᓂᓘᓐᓃᑦ.