ᑖᓂᐊᓕᐅᑉ ᐊᒡᓚᖏᑦ 8:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᑕᐅᑐᒃᑎᓪᓗᖓ ᓰᐱᐅᑉ ᐊᖑᓴᓪᓗᖓ ᐅᐸᒃᑐᖃᑦᑕᕐᐳᖅ, ᓯᕿᓂᐅᑉ ᓂᐱᕕᐊᑕ ᓇᓛᓄᑦ, ᐅᓐᓄᐊᓪᓗ ᓇᓛᓄᑦ, ᓯᕿᓂᐅᓪᓗ ᓇᓛᓄᑦ. ᐆᒪᔪᓂᑦ ᓱᓇᑐᐃᓐᓇᕐᓂᑦ ᐊᑭᕋᕐᑐᕐᑕᐅᔪᓐᓇᓐᖏᓚᖅ, ᑭᓇᒥᒡᓘᓐᓃᑦ ᑖᑦᓱᒪᖓᑦ ᓴᐳᑎᔭᐅᔪᖃᕈᓐᓇᕋᓂ, ᐃᓱᒪᒥᓂᒃ ᖁᕕᐊᒋᔭᒥᓂᒡᓗ ᐱᓇᓱᐊᑐᐃᓐᓇᕐᐳᖅ, ᐊᔪᖏᑦᑐᒪᕆᐅᓕᕐᓗᓂᓗ.

ᑖᓂᐊᓕᐅᑉ ᐊᒡᓚᖏᑦ 8:4 Iomraidhean Croise

ᐊᑕᓃᑦ ᓯᕗᓪᓖᑦ 22:11

ᔨᑎᑬᐊᓕ ᓯᓈᓇᐅᑉ ᐃᕐᓂᖓ ᓴᕕᕋᔭᖕᓂᒃ ᓇᒡᔪᓐᖑᐊᖕᓂᒃ ᓇᖕᒥᓂᖅ ᓴᓇᕗᖅ, ᐅᖃᕐᓗᓂᓗ, “ᐊᑕᓂᖅ ᐃᒫᒃ ᐅᖃᕐᐳᖅ, ‘ᑖᒃᑯᖕᓄᖓ ᓯᕆᐊᒥᐅᑦ ᐊᔭᐅᕈᒫᕐᐸᑎᑦ ᓵᓚᒋᒻᒪᕆᒡᓗᒋᑦ.’”

ᔫᐱᐅᑉ ᐊᒡᓚᖏᑦ 10:7

ᖃᐅᔨᒪᒐᓗᐊᕐᐳᑎᑦ ᐸᓯᔭᒃᓴᐅᖏᓐᓂᓐᓂᒃ, ᓇᓪᓕᐊᓐᓄᓪᓘᓐᓃᑦ ᓴᐳᑦᔭᐅᔪᓐᓇᕐᓇᖓ ᐊᒡᒐᖕᓂᑦ.

ᐃᓐᖏᕈᑎᑦ 44:5

ᐃᕝᕕᑦ ᐃᑲᔪᕐᑎᒋᓗᑎᑦ ᐊᑭᕋᕗᑦ ᓵᓚᒋᓂᐊᕐᐸᕗᑦ; ᐊᑏᑦ ᐊᑐᕐᓗᒍ ᑐᓪᓕᕋᕐᓂᐊᕐᐸᕗᑦ ᐅᕙᑦᑎᓐᓂᒃ ᐊᑭᕋᕐᑐᕋᓱᐊᕐᑐᑦ.

ᐃᓐᖏᕈᑎᑦ 50:22

ᑕᒪᓐᓇ ᐃᓱᒪᒋᓚᐅᕐᓯᐅᒃ, ᐃᓕᑦᓯ ᒎᑎᒥᒃ ᐳᐃᒍᕐᓯᒪᔪᓯ, ᐊᓕᒃᑐᐃᓕᖁᓇᖓ ᐃᓕᑦᓯᓐᓂᒃ, ᑭᓇᒧᓪᓘᓐᓃᑦ ᓴᐳᑎᔭᐅᔪᓐᓇᕐᓂᐊᓐᖏᓚᓯ.

ᐃᓐᖏᕈᑎᑦ 7:2

ᓛᔭᑎᑐᑦ ᐅᕙᓐᓂᒃ ᐊᓕᒃᑐᕐᓯᖁᓇᒋᑦ, ᑎᒥᒐ ᐊᒡᒍᕐᑕᐅᖁᓇᒍ, ᓴᐳᑦᔨᔨᒃᓴᖃᕐᑎᓐᓇᖓ.

ᐃᓯᑭᐊᓕᐅᑉ ᐊᒡᓚᖏᑦ 34:21

ᐊᔭᐅᕆᕙᒃᑲᑦᓯ ᐱᖑᔭᕐᓗᓯᓗ, ᓴᓐᖐᑦᑐᓕᒫᓪᓗ ᓇᒡᔪᖕᒥᒑᕆᓪᓗᒋᑦ ᐊᕙᓚᒃᑎᑉᐸᒃᐸᓯ, ᓰᐱᒃᑯᕕᖕᒥᑦ ᐊᓂᑎᑦᓯᖏᓐᓂᓕᒫᑦᓯᓐᓂ.

ᑖᓂᐊᓕᐅᑉ ᐊᒡᓚᖏᑦ 11:16

ᓵᓚᖃᕐᑐᖅ ᖃᓄᐃᓕᐅᕈᒪᔭᒥᓂᒃ ᐃᓱᒪᕐᓱᑦᓯᐊᕈᒫᕐᐳᖅ; ᑭᐊᓘᓐᓃᑦ ᐊᑭᒪᔪᓐᓇᕈᒫᓐᖏᓛ, ᐃᓂᑖᕈᒫᕐᓗᓂᓗ ᓄᓇᒥ ᑕᑯᒥᓇᕐᑐᒥᒃ ᐊᑎᖃᕐᑐᒥ, ᐱᔪᓐᓇᕐᓂᖃᕐᓗᓂᓗ ᑖᒃᑯᐊ ᐃᒡᓗᒐᓮᑦ ᓯᖁᒥᑦᓱᓐᓇᕐᓗᒋᑦ ᐱᔪᒪᒍᓂ.

ᑖᓂᐊᓕᐅᑉ ᐊᒡᓚᖏᑦ 11:36

“ᐊᖓᔪᖅᑳᕐᔪᐊᖅ ᐱᓂᐊᕐᓂᖃᕈᒫᕐᐳᖅ ᖃᓄᑐᐃᓐᓇ ᐱᔪᒪᔭᒥᓂᒃ, ᐃᒻᒥᓂᒃ ᐊᖏᔪᕈᕐᑎᑦᓱᒫᕐᒪᑦ ᓂᕐᑐᕐᑕᐅᔪᒪᓗᓂᓗ ᒎᑎᓐᖑᐊᓕᒫᓂᑦ ᐊᖏᓂᕐᓴᐅᔪᒪᓗᓂ; ᑐᓴᕐᑕᐅᓚᐅᕐᓯᒪᖏᑦᑐᓂᒃ ᓂᓪᓕᐊᔪᒫᕐᐳᖅ ᒎᑎᒋᔭᐅᔪᓕᒫᓂᑦ ᒎᑎᐅᓂᕐᐹᖑᔪᒧᑦ, ᐱᓇᓱᐊᕈᒪᔭᓕᒫᒥᓂᒃ ᐊᒡᕕᐊᕐᑕᐅᖏᓪᓗᓂ ᐃᓱᒪᕐᓱᕈᒫᕐᐳᖅ ᓇᓪᓕᐅᓐᓂᖅ ᒎᑎᐅᑉ ᓂᓐᖓᐅᒪᓂᖓ ᐃᓱᓕᖅᑳᕐᑎᓐᓇᒍ, ᐋᖅᑭᒃᑕᐅᓯᒪᔪᑦ ᑲᔪᓯᔭᕆᐊᖃᕐᒪᑕ.

ᑖᓂᐊᓕᐅᑉ ᐊᒡᓚᖏᑦ 5:19

ᐊᖓᔪᖅᑳᕐᔪᐊᖑᓂᖓᑕ ᐅᐱᒋᔭᐅᓂᖓᓂᒃ ᑐᓂᓯᕕᒋᓚᐅᕐᒪᒍ, ᐃᓄᐃᑦ ᓇᓂᑐᐃᓐᓇᖅ ᐃᓅᖃᑎᒋᒃᔪᐃᓪᓗ ᓇᓂᑐᐃᓐᓇᖅ ᖃᓄᑐᐃᓐᓇᕐᓗ ᐅᖃᐅᓯᓖᑦ ᑲᑉᐱᐊᒋᓚᐅᕐᐹᑦ ᓯᕘᕋᒋᓪᓗᒍᓗ. ᑐᖁᑕᐅᖁᔭᓂᓗ ᑐᖁᑕᐅᑎᓚᐅᕐᐰᑦ; ᐆᒪᖁᔭᓂᓗ ᐆᒪᑎᓚᐅᕐᐰᑦ; ᐊᖓᔪᖅᑳᖑᖁᔭᓂᓗ ᐊᖓᔪᖅᑳᓐᖑᕐᑎᓚᐅᕐᐰᑦ; ᒥᑭᒡᓕᑎᖁᔭᖏᓪᓗ ᒥᑭᒡᓕᑎᓚᐅᕐᐳᑦ.

ᑖᓂᐊᓕᐅᑉ ᐊᒡᓚᖏᑦ 5:30

ᐅᓐᓄᐊᒥᓗ ᑍᑦᓱᒪᓂ ᑲᐅᓪᑎᐊᒥᐅᑦ ᐊᖓᔪᖅᑳᕐᔪᐊᖓᑦ ᐱᐅᓪᓴᔮ, ᑐᖁᑕᐅᓚᐅᕐᐳᖅ.

ᑖᓂᐊᓕᐅᑉ ᐊᒡᓚᖏᑦ 7:5

“ᐆᒪᔫᓪᓗ ᐂᑉᐸᖓ ᓵᓐᓃᓕᕆᕗᖅ, ᓇᓄᕐᑎᑐᑦ ᑕᐅᑦᑐᓕᒃ, ᑖᓐᓇᓗ ᒪᑭᑎᑕᐅᕗᖅ, ᐱᖓᓱᓂᒡᓗ ᑐᓕᒫᓂᒃ ᑭᖕᒥᐊᕐᐳᖅ; ᐅᖃᐅᑎᔭᐅᓪᓗᓂᓗ, ‘ᒪᑭᓪᓗᑎᑦ ᓂᕆᔪᓐᓇᕐᑕᓕᒫᕐᓂᒃ ᓂᕿᒥᒃ ᓂᕆᒋᑦ!’

ᑖᓂᐊᓕᐅᑉ ᐊᒡᓚᖏᑦ 8:7

ᑕᑯᕙᕋᓗ ᓰᐱ ᐊᖑᓴᓪᓗᖅ ᐊᐳᕐᒪᒍ, ᓇᒡᔪᖏᒃ ᒪᕐᕉᒃ ᓯᖁᒥᑉᐴᒃ, ᓰᐱ ᐊᖑᓴᓪᓗᖅ ᑖᑦᓱᒥᖓ ᐊᑭᒪᔪᓐᓇᓐᖏᓚᖅ; ᒎᑦᓯᐅᑉ ᐅᕐᕈᑎᑉᐹ ᓄᓇᒧᑦ ᑐᓪᓕᕋᕐᓗᒍᓗ, ᑭᐊᓘᓐᓃᑦ ᓰᐱ ᐊᖑᓴᓪᓗᖅ ᓴᐳᑎᔪᓐᓇᓐᖏᓛ ᒎᑦᓯᐅᑉ ᐱᔪᓐᓇᕐᓂᖓᓂᑦ.

ᒤᑲᐅᑉ ᐊᒡᓚᖏᑦ 5:8

ᔧᑰᓪᓗ ᑭᖑᕚᖏᑕ ᐊᒥᐊᒃᑯᖏᑦ, ᔫᑎᐅᖏᑦᑐᓃᑦᓱᒫᕐᐳᑦ ᐃᓅᖃᑎᒌᒡᔪᐊᑦ ᐊᑯᕐᖓᓐᓂ. ᓛᔭᑐᑦ ᐆᒪᔪᐃᑦ ᐊᑯᕐᖓᓐᓂ, ᓛᔭᑐᓪᓗ ᐱᕈᕋᑖᑎᑐᑦ ᓰᐲᑦ ᐊᑯᕐᖓᓐᓂ, ᐊᖅᑯᓵᕈᓂᒋᓪᓗ ᐅᐸᒃᑐᕈᒫᕐᐰᑦ ᐊᓕᒃᑐᕐᓗᒋᓪᓗ, ᑭᓇᒧᓪᓘᓐᓃᑦ ᓴᐳᑎᔭᐅᔪᓐᓇᕐᓂᐊᓐᖏᓚᑦ.

ᒨᓯᓯ ᑕᓪᓕᒪᖏᑦ 33:17

ᐃᕐᓂᐊᖑᖅᑳᕐᑐᖅ ᐊᖑᓴᓪᓗᖅ ᐆᒪᔪᖁᑎᖏᓐᓂ ᐱᔪᓐᓇᕐᓂᖃᕐᐳᖅ, ᓇᒡᔪᖃᕐᓗᓂᓗ ᐃᒻᒧᒃᓯᐅᒐᐅᑉ ᓄᔪᐊᕐᑑᑉ ᐊᖑᓴᓪᓗᖓᑎᑐᑦ; ᑖᑦᓱᒪ ᓇᒡᔪᖕᒥᒃᐰᑦ ᐃᓄᒐᓮᑦ ᐊᔭᒡᓗᒋᑦ, ᐃᓘᓐᓇᑦᓯᐊᑎᒃ ᓯᓚᕐᔪᐊᑉ ᐃᓱᐊᓄᑦ ᑎᑭᓪᓗᒋᑦ. ᑍᒤᑦᑑᕗᑦ ᐃᕗᕅᒥᐅᑉ ᑭᖑᕚᖏᑦ 10,000 ᐅᖓᑖᓃᑦᑐᑦ, ᑍᒤᒃᑭᓪᓗᑎᒡᓗ ᒫᓇᓯᐅᑉ ᑭᖑᕚᖏᑦ 10,000 ᐅᖓᑖᓃᑦᑐᑦ.”