ᑖᓂᐊᓕᐅᑉ ᐊᒡᓚᖏᑦ 8:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᖁᒻᒧᑦ ᕿᕕᐊᕋᒪ, ᑕᑯᕗᖓ ᓰᐱᒥᒃ ᐊᖑᓴᓪᓗᕐᒥᒃ ᒪᕐᕉᖕᓂᒃ ᓇᒡᔪᖃᕐᑐᒥᒃ, ᑰᑉ ᓴᓂᐊᓂ ᓇᖏᕐᑐᒥᒃ, ᓇᒡᔪᖏᒡᓗ ᑕᑭᔪᐊᓘᕗᒃ: ᓇᒡᔪᖓᑕ ᐂᑉᐸᖓ ᐃᒡᓗᐊᓂᑦ ᑕᑭᓂᕐᓴᐅᕗᖅ ᑭᖑᓪᓕᐅᓪᓗᓂᓗ ᑎᑭᐅᑎᕗᖅ.

ᑖᓂᐊᓕᐅᑉ ᐊᒡᓚᖏᑦ 8:3 Iomraidhean Croise

ᑯᕉᓂᑲ ᓯᕗᓪᓖᑦ 21:16

ᑍᕕᑎᓗ ᖁᒻᒧᑦ ᑕᑯᓴᕋᒥ ᐊᑕᓂᐅᑉ ᐂᖏᓕᖓ ᑕᑯᕚ ᓯᓔᓐᓇᕐᒦᑦᑐᖅ ᓄᓇᕐᔪᐊᓪᓗ ᕿᓚᐅᓪᓗ ᐊᑯᓐᓂᖓᓂ, ᓴᕕᒡᔪᐊᕐᒥᒃ ᑎᒍᒥᐊᕐᓗᓂ ᐅᕐᓕᕐᑐᖅ ᔨᕉᓴᓕᒧᑦ. ᑕᕝᕙ ᑍᕕᑎ ᐊᖓᔪᖅᑳᓪᓗ, ᐊᓐᓄᕌᕐᓯᒪᓪᓗᑎᒃ ᐊᕐᔭᓕᓂᓕᖕᓂᒃ, ᒪᓂᖅᑲᒧᑦ ᐹᒻᒪᒃᐳᑦ ᓄᓇᒧᑦ ᐳᓪᓗᑎᒃ.

ᐄᓱᕋᐅᑉ ᐊᒡᓚᖏᑦ 1:2

“ᐅᓇ ᓮᕋᓯᐅᑉ ᑎᓕᓯᑦᔪᑎᖓ ᐊᖓᔪᖅᑳᕐᔪᐊᖑᔫᑉ ᐴᕐᓯᐊᒥ. ᐊᑕᓂᐅᑉ, ᕿᓚᐅᑉ ᒎᑎᖓᑕ ᐊᐅᓚᑦᓯᔨᓐᖑᕐᑎᓚᐅᕐᐹᖓ ᓯᓚᕐᔪᐊᕐᒥᐅᓕᒫᓄᑦ ᐱᔭᒃᓴᕐᑖᕐᑎᓚᐅᕐᐹᖓᓗ ᑐᒃᓯᐊᕐᕕᓕᐅᖁᓪᓗᖓ ᔨᕉᓴᓕᒥ ᔫᑎᐊᒦᑦᑐᒥ.

ᐄᓱᕋᐅᑉ ᐊᒡᓚᖏᑦ 4:5

ᐊᑭᓖᒐᓱᐊᓚᐅᕐᐳᑦ ᐴᕐᓯᐊᑉ ᒐᕙᒪᒃᑯᖏᑕ ᑭᒡᒐᕐᑐᑎᖏᓐᓂᒃ ᐱᓇᓱᐊᖁᓪᓗᒋᑦ ᑖᒃᑯᓂᖓ ᐊᑭᕋᕐᑐᕐᓗᑎᒃ, ᑍᒤᓕᐅᖏᓐᓇᓚᐅᕐᐳᑦ ᓮᕋᓯᐅᑉ ᐊᖓᔪᖅᑳᕐᔪᐊᖑᓂᓕᒫᖓᓂ ᑍᕉᓯᐅᑉ ᐊᖓᔪᖅᑳᕐᔪᐊᖑᓂᖓᓄᑦ ᑎᑭᓪᓗᒍ.

ᐃᔅᑕᐅᑉ ᐊᒡᓚᖏᑦ 1:3

ᐊᖓᔪᖅᑲᐅᓂᖓᑕ ᐊᕐᕌᒍᖏᑕ ᐱᖓᔪᖓᓐᓂ, ᓂᕆᕕᒃᔪᐊᕐᑎᑦᓯᓚᐅᕐᐳᖅ ᐊᖓᔪᖅᑳᖁᑎᓕᒫᒥᓂᒃ ᐱᔨᓕᒫᒥᓂᒡᓗ; ᐊᖓᔪᖅᑳᓕᒫᓄᑦ ᐱᔪᓐᓇᕐᓂᖃᕐᑐᓕᒫᓄᓪᓗ ᐴᕐᓯᐊᒥ ᒥᑎᐊᒥᓗ, ᓄᓇᓕᖕᓂ ᐊᐅᓚᑦᓯᔩᑦ ᐊᖓᔪᖅᑳᓕᒫᓪᓗ ᑕᕝᕙᓃᑉᐳᑦ.

ᐂᓮᐊᓯᐅᑉ ᐊᒡᓚᖏᑦ 13:17

“ᑕᑯᒋᑦ, ᒥᑏᔅᒥᐅᓂᒃ ᑲᔪᖏᕐᓮᓕᕐᐳᖓ ᑖᒃᑯᓂᖓ ᐅᓇᑕᕆᐊᕈᒪᓕᖁᓪᓗᒋᑦ. ᓯᐅᓪᕕᕆᒥᒃ ᓱᓇᐅᔪᕆᒃᓯᖏᑦᑐᓂᒃ ᒎᓗᒥᒡᓗ ᖁᕕᐊᒋᔭᖃᕋᑎᒃ.

ᐂᓮᐊᓯᐅᑉ ᐊᒡᓚᖏᑦ 21:2

ᑕᑯᑎᑕᐅᓚᐅᕐᐳᖓ ᐃᓕᕋᓇᕐᑐᓂᒃ ᐃᒫᒃ ᐅᖃᐅᑎᔭᐅᓪᓗᖓ; ᐱᒋᔭᕕᓂᕐᓂᒃ ᑎᒎᖅᑬᔪᖅ ᑎᒎᖅᑬᓕᕐᐳᖅ, ᑐᖁᕅᔪᕐᓗ ᑐᖁᕅᓕᕐᐳᖅ, ᐃᓛᒻᒥᐅᑦ ᐅᓇᑕᕐᑐᒃᓴᖏᑦ ᐅᓇᑕᕆᐊᓕᕆᑦᓯ, ᒥᑎᐊᒥᐅᓪᓗ ᐅᓇᑕᕐᑐᒃᓴᖏᑦ ᐊᕙᑕᖏᕐᓯᓕᕆᑦᓯ ᐃᒡᓗᒐᓴᒡᔪᐊᓂᒃ; ᐹᐱᓘᓂᒥᐅᑦ ᐃᓄᖕᓂᒃ ᐊᓂᕐᓴᐅᒥᑎᑦᓯᓂᖓᑦ ᐃᓱᓕᑎᑦᓱᒪᓕᕐᐸᕋ.

ᐂᓮᐊᓯᐅᑉ ᐊᒡᓚᖏᑦ 44:28

ᑭᓇ ᓮᕋᓯᒥᒃ ᐅᖃᕈᑎᖃᕐᓯᒪᕚ, ‘ᑖᓐᓇ ᐰᕐᓯᔨᖁᑎᒋᕙᕋ, ᑖᑦᓱᒪᓗ ᐱᓇᓱᐊᕐᓂᐊᕐᓯᒪᔭᒃᑲ ᑲᔪᓯᑎᑦᓱᒫᕐᐰᑦ,’ ᐅᖃᕐᓗᓂᓗ ᔨᕉᓴᓕᒧᑦ, ‘ᓴᓇᔭᐅᒃᑲᓐᓂᕈᒫᕐᐳᑎᑦ,’ ᑐᒃᓯᐊᕐᕕᒡᔪᐊᒧᓪᓗ ᐅᖃᕆᓪᓗᓂ, ‘ᑐᓐᖓᕕᒃᑎᑦ ᐋᖅᑭᒃᓱᕐᑕᐅᔪᒫᕐᐳᑦ.’”

ᔨᕆᒤᐊᐅᑉ ᐊᒡᓚᖏᑦ 51:11

“ᖃᕐᔪᓯ ᑮᓐᓇᒃᓴᓕᕐᓯᒋᒃ ᓴᐴᓗᑕᓯᓗ ᑎᒍᓗᒋᑦ! ᐊᑕᓂᐅᑉ ᒥᑏᔅᑯᑦ ᐊᖓᔪᖅᑳᕐᔪᐊᖏᑦ ᐊᐅᓚᑦᔭᒃᑎᒻᒪᒋᑦ ᐹᐱᓘᓂᒥᐅᓂᒃ ᐊᓯᕈᐃᔪᒪᓪᓗᓂ ᐃᓱᒪᒋᔭᖃᕐᒪᑦ, ᐊᑕᓂᖅ ᐊᑭᓂᐊᕈᒫᕐᒪᑦ ᑐᒃᓯᐊᕐᕕᒃᔪᐊᖁᑎᓂ ᐱᑦᔪᑎᒋᓗᓂᐅᒃ.

ᑖᓂᐊᓕᐅᑉ ᐊᒡᓚᖏᑦ 10:5

ᖁᒻᒧᑦ ᑕᑯᓴᕋᒪ, ᑕᑯᕗᖓ ᐊᖑᒻᒥᒃ ᓇᖏᕐᑐᒥᒃ, ᐊᓐᓄᕌᓯᒪᔪᖅ ᖃᓪᓗᓈᕐᑕᓂᒃ ᕿᑎᕈᓯᕐᓯᒪᓪᓗᓂᓗ ᒎᓗᒥᒃ ᐱᐅᓂᕐᐹᒥᒃ ᐆᐸᔾᒥᐅᑕᕐᒥᒃ.

ᑖᓂᐊᓕᐅᑉ ᐊᒡᓚᖏᑦ 2:39

ᑭᖑᓂᕐᓂ ᐊᖓᔪᖅᑲᐅᕕᒃ ᒪᑭᑦᓱᒫᕐᒪᑦ ᐃᕝᕕᑦ ᐊᖓᔪᖅᑲᐅᕕᖕᒐᓂᑦ ᓴᓐᖐᑦᑑᓂᕐᓴᖅ, ᓱᓕ ᐱᖓᔪᖓᑦ ᑭᖑᓂᒃᑲᓐᓂᕐᓂ, ᖃᑯᕐᓕᒃ, ᐊᖓᔪᖅᑳᕐᔪᐊᖑᔪᒫᕐᐳᖅ ᓄᓇᕐᔪᐊᓕᒫᒧᑦ.

ᑖᓂᐊᓕᐅᑉ ᐊᒡᓚᖏᑦ 5:31

ᑍᕉᓯᓗ ᒦᑎᒥᐅᑕᐅᑉ ᐊᖓᔪᖅᑳᕐᔪᐊᖑᕐᑎᑕᐅᓚᐅᕐᐳᖅ, ᐊᕐᕌᒍᖃᕐᓗᓂ 62ᓂᒃ.

ᑖᓂᐊᓕᐅᑉ ᐊᒡᓚᖏᑦ 6:28

ᑍᒤᒻᒪᑦ ᑖᓂᐊᓕ ᐱᔪᓐᓇᕐᓯᕙᓪᓕᐊᓚᐅᕐᐳᖅ ᓱᓇᑐᐃᓐᓇᕐᓂᒃ ᑍᕉᓯ ᐊᖓᔪᖅᑳᕐᔪᐊᖑᑎᓪᓗᒍ ᓮᕋᓯᓗ ᐴᕐᓯᐊᒥᐅᖅ ᐊᖓᔪᖅᑳᕐᔪᐊᖑᓂᖓᓂ.

ᑖᓂᐊᓕᐅᑉ ᐊᒡᓚᖏᑦ 7:5

“ᐆᒪᔫᓪᓗ ᐂᑉᐸᖓ ᓵᓐᓃᓕᕆᕗᖅ, ᓇᓄᕐᑎᑐᑦ ᑕᐅᑦᑐᓕᒃ, ᑖᓐᓇᓗ ᒪᑭᑎᑕᐅᕗᖅ, ᐱᖓᓱᓂᒡᓗ ᑐᓕᒫᓂᒃ ᑭᖕᒥᐊᕐᐳᖅ; ᐅᖃᐅᑎᔭᐅᓪᓗᓂᓗ, ‘ᒪᑭᓪᓗᑎᑦ ᓂᕆᔪᓐᓇᕐᑕᓕᒫᕐᓂᒃ ᓂᕿᒥᒃ ᓂᕆᒋᑦ!’

ᑖᓂᐊᓕᐅᑉ ᐊᒡᓚᖏᑦ 8:2

ᑕᑯᑎᑕᐅᓪᓗᖓ, ᐅᕙᓐᓂᒃ ᑕᑯᓚᐅᕐᐳᖓ ᐊᖓᔪᖅᑳᕐᔪᐊᑉ ᐃᒡᓗᖓᓃᓪᓗᖓ ᓄᓇᒥ ᓲᓴᒥ ᓄᓇᐅᑉ ᐊᕕᒃᑐᕐᓯᒪᓂᖓᑕ ᐃᓚᖓᓂ ᐊᑎᖃᕐᑐᒥ ᐃᓛᒥᒥᒃ, ᑕᑯᑎᑕᐅᓪᓗᖓ ᑰᑉ ᐊᑎᖃᕐᑑᑉ ᐅᓔᒥᒃ ᓯᓈᓂᓚᐅᕐᐳᖓ.

ᑖᓂᐊᓕᐅᑉ ᐊᒡᓚᖏᑦ 8:20

“ᓰᐱ ᐊᖑᓴᓪᓗᖅ ᒪᕐᕉᖕᓂᒃ ᓇᒡᔪᓕᒃ ᑐᑭᖃᕐᐳᖅ ᒥᑎᐊᑉ ᐴᕐᓯᐊᓪᓗ ᐊᖓᔪᖅᑳᕐᔪᐊᖃᕐᕕᐊᓂᒃ.

ᓴᑲᕅᐊᐅᑉ ᐊᒡᓚᖏᑦ 1:18

ᖁᒻᒧᑦ ᑕᑯᓴᕋᒪ ᑕᑯᕗᖓ ᓇᒡᔪᖕᓂᒃ ᓯᑕᒪᓂᒃ.

ᓴᑲᕅᐊᐅᑉ ᐊᒡᓚᖏᑦ 2:1

ᐊᒻᒪ ᓱᓕ ᑕᑯᑎᑦᔪᑎᐅᑉ ᐊᓯᐊᓂᒃ ᑕᑯᒋᕗᖓ, ᐊᖑᒻᒥᒃ ᐆᒃᑑᑎᒥᒃ ᑎᒍᒥᐊᕐᑐᒥᒃ.

ᓴᑲᕅᐊᐅᑉ ᐊᒡᓚᖏᑦ 5:1

ᓱᓕ ᖁᒻᒧᑦ ᑕᑯᒋᐊᕐᒥᒐᒪ, ᑕᑯᓕᕆᕗᖓ ᑎᑎᖅᑲᓂᒃ ᐃᒧᓲᓂ ᓯᓚᒃᑯᑦ ᐃᖏᕐᕋᔪᓂᒃ.

ᓴᑲᕅᐊᐅᑉ ᐊᒡᓚᖏᑦ 5:5

ᐂᖏᓕ ᐅᕙᓐᓄᑦ ᐅᖃᓚᐅᕐᑐᖅ ᓴᖅᑭᒻᒥᒐᒥ ᐅᖃᐅᑎᒋᕚᖓ, “ᖁᒻᒧᑦ ᑕᑯᓴᕆᑦ, ᓴᖅᑭᓕᕐᑐᒥᒃ ᑕᑯᖁᓪᓗᑎᑦ.”

ᓴᑲᕅᐊᐅᑉ ᐊᒡᓚᖏᑦ 5:9

ᖁᒻᒧᑦ ᑕᑯᓴᕋᒪ, ᐊᕐᓈᖕᓂᒃ ᒪᕐᕉᖕᓂᒃ ᑕᑯᕗᖓ ᖃᖓᑕᓪᓗᑎᒃ ᕾᔫᖕᓂᒃ ᐅᕙᓐᓄᑦ ᐃᓴᕈᖏᑦ ᐱᔪᓐᓇᕐᓂᖃᕐᐳᑦ ᑎᖕᒥᐊᑎᑐᑦ ᓯᑐᐊᕆᒃᒥᒃ ᑍᔭᐅᔪᑎᑐᑦ, ᑖᒃᑯᐊᒃ ᐃᕕᐅᔭᖅ ᑎᒍᕚᒃ ᑎᖏᑦᔪᑎᓪᓗᒍᓗ.

ᓴᑲᕅᐊᐅᑉ ᐊᒡᓚᖏᑦ 6:1

ᖁᒻᒧᑦ ᑕᑯᓴᕐᒥᒐᒪ, ᑕᑯᒋᕗᖓ ᐊᒃᓴᓗᐊᓕᖕᓂᒃ ᕿᒧᒃᓯᐅᑎᓂᑦ ᐅᓂᐊᕐᑕᐅᔪᓂᒃ ᓯᑕᒤᓂᒃ, ᓄᐃᓕᕐᑐᓂᒃ ᖃᖄᒃ ᒪᕐᕈᒃ ᐊᑯᓐᓂᖓᓂᑦ, ᖃᖄᓗ ᑖᒃᑯᐊᒃ ᑲᓐᓄᔭᐅᕗᒃ.

ᒨᓯᓯ ᓯᑕᒪᖏᑦ 24:2

ᐸᓛᒻ ᐊᕙᒻᒧᑦ ᕿᕕᐊᕋᒥ, ᐃᓴᕆᐊᓕᒥᐅᑦ ᑕᖕᒫᕐᓯᒪᔪᑦ ᑕᑯᕔᑦ ᐊᕕᒃᑐᕐᓯᒪᓪᓗᑎᒃ ᑭᖑᕚᖑᖃᑎᒌᑦ ᑲᑎᓐᖓᔪᑦ, ᒎᑎᐅᓪᓗ ᐊᓂᕐᓂᖓᑕ ᑎᑭᑉᐹ.

ᔮᓱᐊᑉ ᐊᒡᓚᖏᑦ 5:13

ᔮᓱᐊ ᔨᕆᑰᑉ ᓴᓂᐊᓃᓪᓗᓂ, ᑕᑯᓴᕋᒥ ᑕᑯᕗᖅ ᐊᖑᒻᒥᒃ ᓇᖏᕐᑐᒥᒃ, ᓯᕗᕋᕐᒥᓂ ᓴᕕᒡᔪᐊᒥᓂᒃ ᑎᒍᒥᐊᕐᑐᒥᒃ; ᔮᓱᐊᑉ ᐅᐸᒃᓗᒍ ᐊᐱᕆᕚ, “ᐅᓇᑕᕐᑐᒃᓴᖁᑎᒋᕙᑦᑎᒌᑦ ᐅᕝᕙᓗ ᐊᑭᕋᑦᑎᓐᓂᒥᐅᑕᐅᕕᑦ?”

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:11

ᑕᑯᒃᑲᓐᓂᕆᕗᖓ ᐆᒪᔪᐊᓗᖕᒥᒃ ᐊᓯᐊᓂᒃ ᓄᓇᕐᔪᐊᕐᒥᑦ ᓴᖅᑭᑦᑐᒥᒃ; ᒪᕐᕉᖕᓂᒃ ᓇᒡᔪᓕᖕᒥᒃ ᓄᕐᕋᐅᔭᕐᑐᑦ ᑐᕌᒎᓂᑐᓪᓗ ᐅᖃᓪᓚᐅᓯᖃᕐᐳᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:6

ᑕᕝᕙ ᑕᑯᕗᖓ ᓄᕐᕋᐅᔭᒥᒃ ᓇᖏᕐᑐᒥᒃ ᐃᒃᓯᕙᐅᑕᕐᔪᐊᑦ ᐊᑯᕐᖓᓐᓂ ᐆᒪᔪᓄᑦ ᓯᑕᒪᓄᑦ ᐊᖓᔪᖅᑳᓄᓪᓗ ᐊᕙᓗᔭᐅᓯᒪᔪᒥᒃ, ᑖᓐᓇ ᓄᕐᕋᐅᔭᖅ ᑐᖁᑕᐅᓯᒪᔪᕕᓂᐅᔮᕐᐳᖅ, 7ᓂᒃ ᓇᒡᔪᖃᕐᐳᖅ 7ᓂᒡᓗ ᐃᔨᖃᕐᓗᓂ, ᑖᒃᑯᐊ ᑕᕝᕙ ᒎᑎᐅᑉ ᐊᓂᕐᓂᖏᑦ 7 ᑎᓕᔭᐅᓯᒪᔪᑦ ᓄᓇᕐᔪᐊᓕᒫᒧᑦ;