ᑖᓂᐊᓕᐅᑉ ᐊᒡᓚᖏᑦ 8:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᐅᕙᖓ, ᑖᓂᐊᓕ, ᑕᖃᓚᐅᕐᐳᖓ ᐅᓪᓗᓂᒡᓗ ᐅᓄᕐᑐᓂᒃ ᖃᓂᒪᓪᓗᖓ, ᑭᖑᓂᖓᒍᑦ ᒪᑭᓐᓇᒪ ᐊᖓᔪᖅᑳᕐᔪᐊᑉ ᐱᔭᒃᓴᐅᑎᑕᖏᓐᓂᒃ ᐱᓇᓱᐊᓕᓚᐅᕆᕗᖓ. ᑕᑕᒥᓐᓂᐊᓚᐅᕐᐳᖓᓕ ᑕᑯᑎᑦᔪᑎᓂᒃ ᑐᑭᓯᔭᐅᔪᓐᓇᕐᑑᑉ ᐅᖓᑖᓃᓚᐅᕐᒪᑕ.

ᑖᓂᐊᓕᐅᑉ ᐊᒡᓚᖏᑦ 8:27 Iomraidhean Croise

ᑖᓂᐊᓕᐅᑉ ᐊᒡᓚᖏᑦ 10:16

ᑕᕝᕙ ᐊᖑᑎᑎᑐᑦ ᑕᐅᑦᑐᓕᐅᑉ ᖃᓂᕋ ᐊᒃᑐᕐᐹ, ᐂᑦᑕᕐᓗᖓᓗ ᐅᖃᓕᕐᐳᖓ ᓵᓐᓂ ᓇᖏᕐᑐᒧᑦ, “ᐊᑕᓂᕋ, ᕿᒃᓵᒃᑐᐊᓘᒐᒪ ᑕᑯᑎᑕᐅᓂᕋ ᑕᒪᓐᓇ ᐱᑦᔪᑎᒋᓪᓗᒍ, ᐱᔪᓐᓇᕐᓂᖃᖏᑦᓯᐊᓕᕋᒪ.

ᑖᓂᐊᓕᐅᑉ ᐊᒡᓚᖏᑦ 10:8

ᑍᒤᒻᒪᑦ ᐃᓄᑑᓕᓚᐅᕐᐳᖓ, ᑕᒪᑐᒥᖓ ᑕᑯᑎᑕᐅᓂᕐᔪᐊᒥᒃ ᑕᑯᓐᓈᕐᓗᖓ; ᓄᑭᖃᕈᓐᓃᓚᐅᕐᐳᖓ, ᑮᓇᕋᓗ ᑐᖁᖓᔪᑎᑐᑦ ᖃᑯᕐᓯᓪᓗᓂ, ᓄᑭᖃᖏᑦᓯᐊᓕᕐᓗᖓᓗ.

ᑖᓂᐊᓕᐅᑉ ᐊᒡᓚᖏᑦ 4:19

ᑕᕝᕙ ᑖᓂᐊᓕ ᐱᐊᓪᓴᔮᕆᒥᒃ ᑍᔭᐅᔪᖅ, ᐊᑯᓂ ᑕᑕᒥᓐᓂᐊᓚᐅᕐᐳᖅ ᐃᓱᒪᖓᑕᓗ ᑲᑉᐱᐊᓱᒃᑎᓚᐅᕐᐹ, ᑍᒤᒻᒪᑦ ᐊᖓᔪᖅᑳᕐᔪᐊᑉ ᐅᖃᐅᑎᕚ, “ᐱᐊᓪᓴᓵᕆ, ᓯᓐᓇᒃᑑᑉ ᑕᒪᑐᒪ ᑐᑭᖓᑕᓘᓐᓃᑦ ᐃᓱᒪᔮᕐᑎᑦᑍᓕᓕᑎᑦ.” ᐱᐊᓪᓴᓵᕆᐅᑉ ᑭᐅᕚ, “ᐊᖓᔪᖅᑳᒃ, ᑕᒪᓐᓇ ᓯᓐᓇᒃᑐᖅ ᐃᕝᕕᑦ ᐊᑭᕋᖏᓐᓄᑦ ᑐᕌᖓᔪᓐᓇᖁᔪᒥᓇᖅ, ᑐᑭᖓᓗ ᐊᑭᕋᕐᑐᕐᑎᖕᓄᑦ ᑐᕌᖓᖁᔪᒥᓇᖅ!

ᑖᓂᐊᓕᐅᑉ ᐊᒡᓚᖏᑦ 5:14

ᑐᓴᓚᐅᕋᒪ ᒎᑎᑦ ᐊᓂᕐᓂᖏᑕᒎᖅ ᐃᓚᒋᖕᒪᑎᑦ, ᖃᐅᔨᔪᓐᓇᕋᕕᒡᒎᖅ ᐃᓱᒪᑖᕈᓇᕐᓗᑎᓪᓗ ᑐᑭᓯᔪᓐᓇᕐᓗᑎᓪᓗ ᓯᓚᑐᓂᒃᑯᑦ.

ᑖᓂᐊᓕᐅᑉ ᐊᒡᓚᖏᑦ 7:28

“ᑖᒃᑯᐊ ᑕᕝᕙ ᑕᑯᑎᑕᐅᓃᑦ ᐃᓱᐊᑦ, ᐅᕙᖓ ᑖᓂᐊᓕ ᐃᓱᒪᔮᕈᑎᒋᓚᐅᕐᐸᒃᑲ, ᑮᓇᕋᓗ ᐊᐅᖃᕈᓐᓃᓚᐅᕐᐳᖅ, ᑭᓇᒧᓪᓘᓐᓃᑦ ᐅᖃᓚᐅᓐᖏᓚᖓ ᐆᒻᒪᒻᒥᐅᑕᕆᑐᐃᓐᓇᓚᐅᕐᐸᒃᑲᓕ.”

ᑖᓂᐊᓕᐅᑉ ᐊᒡᓚᖏᑦ 8:17

ᖃᓂᒋᔭᓐᓄᓪᓗ ᕾᕗᖅ, ᓯᕘᕋᓂᕐᒥᒡᓗ ᑕᑕᑉᐳᖓ ᓵᖓᓂᓗ ᐅᕐᕈᓪᓗᖓ ᐹᒻᒪᒃᐳᖓ, ᐅᖃᐅᑎᕚᖓᓗ, “ᐃᓅᑉ ᐃᕐᓂᖓ, ᑐᑭᓯᓕᕆᑦ ᑕᑯᑎᑕᐅᓂᖅ ᑕᒪᓐᓇ ᐱᑦᔪᑎᖃᕐᒪᑦ ᓱᓇᓕᒫᑦ ᐃᓱᒃᓴᖓᓂᒃ.

ᑖᓂᐊᓕᐅᑉ ᐊᒡᓚᖏᑦ 8:2

ᑕᑯᑎᑕᐅᓪᓗᖓ, ᐅᕙᓐᓂᒃ ᑕᑯᓚᐅᕐᐳᖓ ᐊᖓᔪᖅᑳᕐᔪᐊᑉ ᐃᒡᓗᖓᓃᓪᓗᖓ ᓄᓇᒥ ᓲᓴᒥ ᓄᓇᐅᑉ ᐊᕕᒃᑐᕐᓯᒪᓂᖓᑕ ᐃᓚᖓᓂ ᐊᑎᖃᕐᑐᒥ ᐃᓛᒥᒥᒃ, ᑕᑯᑎᑕᐅᓪᓗᖓ ᑰᑉ ᐊᑎᖃᕐᑑᑉ ᐅᓔᒥᒃ ᓯᓈᓂᓚᐅᕐᐳᖓ.

ᑖᓂᐊᓕᐅᑉ ᐊᒡᓚᖏᑦ 8:7

ᑕᑯᕙᕋᓗ ᓰᐱ ᐊᖑᓴᓪᓗᖅ ᐊᐳᕐᒪᒍ, ᓇᒡᔪᖏᒃ ᒪᕐᕉᒃ ᓯᖁᒥᑉᐴᒃ, ᓰᐱ ᐊᖑᓴᓪᓗᖅ ᑖᑦᓱᒥᖓ ᐊᑭᒪᔪᓐᓇᓐᖏᓚᖅ; ᒎᑦᓯᐅᑉ ᐅᕐᕈᑎᑉᐹ ᓄᓇᒧᑦ ᑐᓪᓕᕋᕐᓗᒍᓗ, ᑭᐊᓘᓐᓃᑦ ᓰᐱ ᐊᖑᓴᓪᓗᖅ ᓴᐳᑎᔪᓐᓇᓐᖏᓛ ᒎᑦᓯᐅᑉ ᐱᔪᓐᓇᕐᓂᖓᓂᑦ.

ᕼᐊᐸᑲᐅᑉ ᐊᒡᓚᖏᑦ 3:16

ᑕᒪᓐᓇᓗ ᑐᓴᕋᒃᑯ, ᐃᓗᒐ ᓴᔪᓕᕐᐳᖅ; ᖃᓂᕐᒪᓗ ᓯᓈ ᐆᓕᒃᑐᑎᑐᑦ ᑍᒤᓕᕐᐳᖅ ᑲᑉᐱᐊᓱᖕᓂᕐᒧᑦ. ᓴᐅᓂᒃᑲᓗ ᓴᐅᓂᓐᖑᔪᑎᑐᑦ ᑍᒤᓕᕐᐳᑦ, ᐃᑎᒐᒃᑲᓗ ᖁᐂᔭᕿᑦᑖᓕᕐᐳᑦ ᑐᖕᒪᕐᑕᒃᑯᑦ. ᓂᐱᖃᖏᓪᓗᖓ ᐅᑕᖅᑭᑐᐃᓐᓇᕐᓂᐊᓕᕐᐳᖓ ᑎᑭᓛᕐᑐᒥᒃ ᒎᑎᐅᑉ ᓱᒋᐊᕐᓯᓂᒃᓴᖓᓂᒃ ᐅᕙᑦᑎᓐᓂᒃ ᓱᒃᑯᔨᐊᖃᕐᑐᓂᒃ.

ᓴᒧᐃᓕ ᓯᕗᓪᓖᑦ 3:15

ᓴᒧᐃᓕᓕ ᐃᓐᓇᖎᓐᓇᕐᐳᖅ ᐅᓪᓛᒧᑦ ᑎᑭᓪᓗᒍ; ᒪᑭᓐᓇᒥᓗ ᐊᑕᓂᐅᑉ ᐃᒡᓗᖓᑕ ᐅᒃᑯᐊᖏᑦ ᒪᑐᐃᕐᐰᑦ. ᓴᒧᐃᓕᓕ ᓯᕘᕋᓚᐅᕐᐳᖅ ᐅᖃᐅᑦᔨᒋᐊᒃᓴᖅ ᐃᓔᒥᒃ ᑕᑯᑎᑕᐅᑦᔪᑎᒥᓂᒃ.