ᑖᓂᐊᓕᐅᑉ ᐊᒡᓚᖏᑦ 8:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᐅᖃᐅᑎᕚᖓ, “ᐅᖃᐅᑎᓂᐊᕋᒃᑭᑦ ᓱᓇᒥᒃ ᐱᔪᖃᕈᒫᕐᒪᖔᑦ ᐅᓪᓗᐃᑦ ᑭᖑᓪᓕᖏᓐᓂ ᓂᓐᖓᐅᒪᓂᕐᔪᐊᖅ ᓇᓪᓕᐅᑎᒃᐸᑦ, ᑕᑯᑎᑕᐅᓂᖅ ᑕᒪᓐᓇ ᐱᑦᔪᑎᖃᕐᒪᑦ ᐃᓱᐊᓂ ᐱᔪᒫᕐᑐᓂᒃ.

ᑖᓂᐊᓕᐅᑉ ᐊᒡᓚᖏᑦ 8:19 Iomraidhean Croise

ᐃᓐᖏᕈᑎᑦ 102:13

ᒪᑭᓪᓗᑎᑦ ᓮᐅᓂ ᓂᑲᒋᓕᕈᒫᕐᐸᑦ; ᖁᕕᐊᒋᔭᐅᓕᕐᓂᒃᓴᖓ ᐃᓕᖕᓄᑦ ᓈᒻᒪᒃᓯᕗᖅ, ᐄᓛᒃ, ᐱᕕᒃᓴᖓ ᑎᑭᓯᒪᓕᕐᐳᖅ.

ᑖᓂᐊᓕᐅᑉ ᐊᒡᓚᖏᑦ 11:27

ᑖᒃᑯᐊᒃ ᐊᖓᔪᖅᑳᕐᔪᐊᒃ ᒪᕐᕉᒃ, ᑕᒪᕐᒥᒃ ᐱᐅᖏᑦᑐᒥᒃ ᐆᒻᒪᑎᖃᕐᓗᑎᒃ, ᓂᕆᕕᖕᒥ ᐃᒃᓯᕙᖃᑎᒌᒍᒫᕐᐴᒃ ᓴᒡᓗᓂᕐᒥᒡᓗ ᐃᒻᒥᖕᓄᑦ ᓂᓪᓕᐊᖃᑎᒌᒡᓗᑎᒃ, ᓵᓚᒌᖃᑦᑕᐅᑎᔪᒫᓐᖏᓚᒃ ᐱᕕᒃᓴᖓᒃ ᓈᒻᒪᒃᓯᖏᒻᒪᑦ ᓱᓕ.

ᑖᓂᐊᓕᐅᑉ ᐊᒡᓚᖏᑦ 12:4

“ᐃᕝᕕᓪᓕ, ᑖᓂᐊᓖ, ᑎᑎᕋᕐᓯᒪᔪᑦ ᑖᒃᑯᐊ ᒪᑐᓕᒃᑭᑦ ᓇᕿᑦᔪᓯᕐᓗᒋᓪᓗ ᓱᓇᑐᐃᓐᓁᑦ ᐃᓱᓕᖅᑳᕐᑎᓐᓇᒋᑦ, ᐅᓄᕐᑐᑦ ᐊᕗᖓ ᒪᐅᖓᓗ ᐊᐅᓪᓚᕈᒫᕐᒪᑕ, ᐊᖏᓂᕐᓴᒥᒃ ᖃᐅᔨᒃᑲᓐᓂᕈᒪᓗᑎᒃ.”

ᑖᓂᐊᓕᐅᑉ ᐊᒡᓚᖏᑦ 8:23

“ᑖᒃᑯᐊ ᐊᖓᔪᖅᑳᕐᔪᐊᖑᑎᓪᓗᒋᑦ, ᐊᑭᕋᕐᑐᕐᑎᖏᑦ ᐱᐅᖏᑐᒻᒪᕆᐅᓕᕈᒫᕐᒪᑕ, ᐊᖓᔪᖅᑳᕐᔪᐊᑉ ᑮᓇᖓ ᐃᓕᕋᓇᕐᑐᖅ ᓯᓔᕐᕆᒃᓯᔪᓐᓇᕐᑐᖅ, ᒪᑭᑦᓱᒫᕐᐳᖅ.

ᕼᐊᐸᑲᐅᑉ ᐊᒡᓚᖏᑦ 2:3

ᑕᑯᑎᑦᔪᑎᑦ ᐱᕕᒃᓴᒥᖕᓂᒃ ᓇᓪᓕᐅᑎᕝᕕᐅᓯᒪᖏᒃᑲᓗᐊᕐᑎᓪᓗᒋᑦ; ᑭᖑᓪᓕᕐᐹᒥᒡᓕ ᐅᖃᐅᓯᖏᑦ ᓇᓪᓕᐅᑎᔪᒫᕐᐳᑦ ᓴᒡᓗᓂᐊᕋᑎᒡᓗ. ᓇᓪᓕᐅᑎᓂᐊᕐᓂᖓ ᐊᑯᓂᐅᖅᑰᔨᓂᐊᕋᓗᐊᕐᐳᖅ, ᐅᑕᖅᑭᑐᐃᓐᓇᕐᓯᐅᒡᓕ; ᐱᕕᒃᓴᖓ ᓇᓪᓕᐅᑎᓪᓚᕆᒍᒫᕐᒪᑦ, ᑭᖑᕙᕐᓂᐊᕋᓂᓗ.

ᓘᑲᓯᐅᑉ ᐊᒡᓚᖏᑦ 21:23

ᐊᖏᔪᒥᒃ ᑲᑉᐱᐊᓇᕈᒫᕐᐳᖅ ᑖᒃᑯᓇᓂ ᐅᓪᓗᓂ ᐊᕐᓇᓄᑦ ᓄᑕᕋᒃᓴᖃᕐᑐᓄᑦ, ᓄᑕᕋᓛᖃᕐᑐᓄᓪᓗ! ᓄᓇᕐᔪᐊᕐᒥ ᑲᑉᐱᐊᓇᕐᑐᖃᕈᒫᕐᒪᑦ ᐊᖏᔪᒥᒃ ᒎᑎᐅᓪᓗ ᓂᓐᖓᐅᓯᖓ ᑎᑭᐅᑎᔪᒫᕐᒪᑦ ᐃᓄᖕᓄᑦ ᑖᒃᑯᓄᖓ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:1

ᐅᑯᐊ ᓇᓗᓁᕐᓯᕗᑦ ᔩᓱᓯ ᙭ᔅᑑᓯᐅᑉ ᑕᑯᑎᑦᓯᓂᖓᓂᒃ, ᒎᑎᐅᑉ ᐱᔨᓂ ᑕᑯᑎᓚᐅᕐᐹ ᐱᔪᒫᕐᑐᒃᓴᓂᒃ ᖃᐅᔨᖁᓪᓗᒍ ᐊᑯᓂᐅᖏᑦᑐᖅ ᓇᓪᓕᐅᑎᔪᒫᓕᕐᑐᓂᒃ; ᑕᒪᒃᑯᐊ ᖃᐅᔨᒃᑲᐅᑎᒋᓚᐅᕐᐰᑦ ᐱᔨᒥᓄᑦ ᔪᐊᓇᓯᒧᑦ ᐂᖏᓕᒥᒃ ᑎᓕᓯᓪᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 10:7

ᐂᖏᓖᓪᓕ 7ᖓᑦᑕ ᑎᑦᑐᓚᐅᑦ ᓂᓪᓕᕐᑎᑉᐸᒍ, ᑕᕝᕙ ᒎᑎᐅᑉ ᓇᓗᓇᕐᓂᖏᑦ ᐅᖃᐅᓯᕆᓯᒪᔭᓂ ᐱᔨᒥᓄᑦ ᓇᓚᐅᑦᑍᔪᓄᑦ ᓇᓪᓕᐅᑎᑎᑦᓱᒫᕐᐰᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:18

ᐃᓅᖃᑎᒌᒡᔪᐊᑦ ᓂᓐᖓᕕᒡᔪᐊᕐᐳᑦ, ᓂᓐᖓᐅᓰᓪᓕ ᓇᓪᓕᐅᑎᓕᕐᐳᖅ, ᑐᖁᖓᔪᓪᓗ ᐃᖅᑲᕐᑐᕐᑕᐅᕕᒃᓴᖏᑦ ᓇᓪᓕᐅᑎᕗᑦ, ᐱᔨᕕᓪᓗ ᐊᑭᓕᕐᑕᐅᓂᒃᓴᖏᑦ ᓇᓪᓕᐅᑎᕗᑦ, ᓇᓚᐅᑦᑍᔨᖁᑎᑎᑦ, ᐃᑦᔪᕐᓁᑦᑐᖁᑎᑎᓪᓗ, ᐃᓕᖕᓂᒡᓗ ᐅᐱᒍᓱᒃᑐᑦ, ᐱᓪᓚᕆᐅᒃᐸᑕ ᐱᓪᓚᕆᐅᖏᑉᐸᑕᓘᓐᓃᑦ. ᓄᓇᕐᔪᐊᕐᒥᒡᓗ ᐊᓯᕈᕐᓮᔩᑦ ᐊᓯᕈᕐᑕᐅᕕᒃᓴᖓᑦ ᓇᓪᓕᐅᑎᕗᖅ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:1

ᕿᓚᖕᒥ ᑕᑯᓕᕆᕗᖓ ᑕᑯᓕᒪᓇᖏᑦᑐᒥᒃ, ᐊᖏᔪᒥᒃ ᐱᐅᔪᐊᓗᖕᒥᒃ, ᐂᖏᓕᓂᒃ 7ᓂᒃ ᑲᑉᐱᐊᓇᕐᑐᓂᒃ 7ᓂᒃ ᐱᖃᕐᑐᓂᒃ, ᑖᒃᑯᐊᓗ ᑭᖑᓪᓕᕐᐹᒃᓴᐅᕗᑦ, ᒎᑎᐅᑉ ᓂᓐᖓᐅᓯᖓᑕ ᑭᖑᓪᓕᕐᐹᖓᓂᒃ ᐱᓯᒪᔪᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:17

ᒎᑎᐅᑉ ᐃᓱᒪᖃᓕᕐᑎᑦᓱᒫᕐᒪᒋᑦ ᐱᓇᓱᐊᕈᒪᔭᒥᓂᒃ ᓈᒻᒪᒃᓯᑎᑦᓯᖁᓪᓗᒋᑦ ᐱᓇᓱᐊᖃᑎᒌᓂᕐᒥᒃᑎᒍᑦ ᐊᑕᐅᓯᕐᒥᒃ ᐃᓱᒪᖃᕐᓗᑎᒃ ᐊᖓᔪᖅᑳᕐᔪᐊᖑᓂᕐᒧᑦ ᐱᔪᓐᓇᕐᓂᕐᒥᖕᓂᒃ ᐃᑲᔪᕈᑎᖃᖁᓪᓗᒋᑦ ᐆᒪᔪᐊᓗᖕᒧᑦ ᐊᐅᓚᑦᓯᓂᕐᒥᒃᑎᒍᑦ, ᒎᑎᐅᑉ ᐅᖃᐅᓯᖏᑦ ᓇᓚᐅᑦᓯᔭᕇᓚᐅᕐᑎᓐᓇᒋᑦ.