ᑖᓂᐊᓕᐅᑉ ᐊᒡᓚᖏᑦ 8:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐅᖃᓪᓚᒃᑎᓪᓗᒍ, ᐃᑎᔪᒥᒃ ᓯᓂᓕᓚᐅᕐᐳᖓ, ᑮᓇᕋ ᒪᓂᖅᑲᒧᑦ ᑐᓐᖓᓪᓗᓂ: ᑖᑦᓱᒪ ᐊᒃᑐᕐᐹᖓ ᓂᑯᕕᑎᓪᓗᖓᓗ.”

ᑖᓂᐊᓕᐅᑉ ᐊᒡᓚᖏᑦ 8:18 Iomraidhean Croise

ᒨᓯᓯ ᓯᕗᓪᓖᑦ 15:12

ᓯᕿᓂᕐᓕ ᐊᒃᐸᓕᕐᒪᑦ, ᐂᑉᕋᒻ ᐃᑎᔪᒥᒃ ᓯᓂᓕᕐᐳᖅ; ᑕᑯᒋᓪᓗ, ᑲᑉᐱᐊᓇᕐᑐᒥ ᑖᕐᑐᐊᓗᖕᒦᓕᕐᐳᖅ.

ᔫᐱᐅᑉ ᐊᒡᓚᖏᑦ 4:13

ᑕᑯᑎᑦᔪᑎᒥᒃ ᕿᒥᕐᕈᐊᓚᐅᕐᐳᖓ ᐅᓐᓄᐊᒥ, ᐅᖁᒪᖏᐅᖅᑲᔪᑎᑐᑦ ᓯᓂᖕᓂᕋ ᑎᑭᑕᐅᓚᐅᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 2:2

ᐅᖃᓪᓚᒃᑎᓪᓗᒍ ᓱᓕ, ᒎᑎᐅᑉ ᐊᓂᕐᓂᖓᓄᑦ ᐃᑎᕐᕕᐅᓪᓗᖓ ᓂᑯᕕᑎᑕᐅᕗᖓ; ᑐᓵᕙᕋᓗ ᐅᕙᓐᓄᑦ ᐅᖃᓪᓚᒃᑎᓪᓗᒍ.

ᑖᓂᐊᓕᐅᑉ ᐊᒡᓚᖏᑦ 10:16

ᑕᕝᕙ ᐊᖑᑎᑎᑐᑦ ᑕᐅᑦᑐᓕᐅᑉ ᖃᓂᕋ ᐊᒃᑐᕐᐹ, ᐂᑦᑕᕐᓗᖓᓗ ᐅᖃᓕᕐᐳᖓ ᓵᓐᓂ ᓇᖏᕐᑐᒧᑦ, “ᐊᑕᓂᕋ, ᕿᒃᓵᒃᑐᐊᓘᒐᒪ ᑕᑯᑎᑕᐅᓂᕋ ᑕᒪᓐᓇ ᐱᑦᔪᑎᒋᓪᓗᒍ, ᐱᔪᓐᓇᕐᓂᖃᖏᑦᓯᐊᓕᕋᒪ.

ᑖᓂᐊᓕᐅᑉ ᐊᒡᓚᖏᑦ 10:18

ᓱᓕ ᐊᖑᑎᑎᑐᑦ ᑕᐅᑦᑐᓕᐅᑉ ᐊᒃᑐᕐᐹᖓ ᓄᑭᒃᑖᕐᑎᑉᐹᖓᓗ.

ᑖᓂᐊᓕᐅᑉ ᐊᒡᓚᖏᑦ 8:17

ᖃᓂᒋᔭᓐᓄᓪᓗ ᕾᕗᖅ, ᓯᕘᕋᓂᕐᒥᒡᓗ ᑕᑕᑉᐳᖓ ᓵᖓᓂᓗ ᐅᕐᕈᓪᓗᖓ ᐹᒻᒪᒃᐳᖓ, ᐅᖃᐅᑎᕚᖓᓗ, “ᐃᓅᑉ ᐃᕐᓂᖓ, ᑐᑭᓯᓕᕆᑦ ᑕᑯᑎᑕᐅᓂᖅ ᑕᒪᓐᓇ ᐱᑦᔪᑎᖃᕐᒪᑦ ᓱᓇᓕᒫᑦ ᐃᓱᒃᓴᖓᓂᒃ.

ᑖᓂᐊᓕᐅᑉ ᐊᒡᓚᖏᑦ 8:27

ᐅᕙᖓ, ᑖᓂᐊᓕ, ᑕᖃᓚᐅᕐᐳᖓ ᐅᓪᓗᓂᒡᓗ ᐅᓄᕐᑐᓂᒃ ᖃᓂᒪᓪᓗᖓ, ᑭᖑᓂᖓᒍᑦ ᒪᑭᓐᓇᒪ ᐊᖓᔪᖅᑳᕐᔪᐊᑉ ᐱᔭᒃᓴᐅᑎᑕᖏᓐᓂᒃ ᐱᓇᓱᐊᓕᓚᐅᕆᕗᖓ. ᑕᑕᒥᓐᓂᐊᓚᐅᕐᐳᖓᓕ ᑕᑯᑎᑦᔪᑎᓂᒃ ᑐᑭᓯᔭᐅᔪᓐᓇᕐᑑᑉ ᐅᖓᑖᓃᓚᐅᕐᒪᑕ.

ᓴᑲᕅᐊᐅᑉ ᐊᒡᓚᖏᑦ 4:1

ᐂᖏᓕᓗ ᐅᕙᓐᓄᑦ ᐅᖃᓪᓚᓚᐅᕐᑐᖅ ᕾᒋᕗᖅ, ᑐᐹᕐᐸᖓᓗ ᓯᓂᒃᑐᕕᓂᐅᔮᕐᑎᓪᓗᖓ.

ᓘᑲᓯᐅᑉ ᐊᒡᓚᖏᑦ 22:45

ᑐᒃᓯᐊᕐᓂᕐᒥᓂᑦ ᒪᑭᓐᓇᒥ, ᐃᓕᓐᓂᐊᕐᑎᒥᓄᑦ ᐅᑎᕐᐳᖅ ᓯᓂᒃᑐᑦ ᐅᐸᒃᐰᑦ ᕿᒃᓵᓗᐊᕐᓂᕐᒧᑦ ᓯᓂᒍᒪᑐᐃᓐᓇᓕᕐᑐᑦ.

ᓘᑲᓯᐅᑉ ᐊᒡᓚᖏᑦ 9:32

ᐲᑦᑐᕉᓯ ᐃᓚᖏᓪᓗ ᐅᐃᕐᖓᕐᓂᕐᒧᑦ ᓯᓂᓚᐅᕐᐳᑦ, ᐃᖅᑯᒻᒪᕋᒥᒃ ᔩᓱᓯᐅᑉ ᓂᕐᑐᕐᓇᕐᓂᕐᔪᐊᖓ ᑕᑯᕚᑦ ᐊᖑᑏᒡᓗ ᒪᕐᕉᒃ ᓇᖏᖃᑎᒋᔭᖏᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 26:6

ᒫᓐᓇᓕ ᐃᖅᑲᕐᑐᕐᑕᐅᑦᔪᑎᖃᕐᐳᖓ ᓂᕆᐅᖕᓂᖃᕐᓂᓐᓄᑦ ᒎᑎᐅᑉ ᐊᖏᕈᑎᒋᓚᐅᕐᑕᖓᓂᒃ ᓯᕗᓕᕕᓂᑦᑎᓐᓄᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:17

ᑕᑯᒐᒃᑯ, ᐃᑎᒐᖏᓐᓄᑦ ᐅᕐᕈᕗᖓ ᑐᖁᔪᑎᑐᑦ. ᑕᓕᕐᐱᖕᒥᓄᓪᓗ ᐊᒃᑐᕐᓗᓂᖓ ᐅᖃᐅᑎᕚᖓ, “ᑲᑉᐱᐊᓱᖕᓇᒃ, ᓯᕗᓪᓕᕐᐹᖑᕗᖓ ᑭᖑᓪᓕᕐᐹᖑᓪᓗᖓᓗ