ᑖᓂᐊᓕᐅᑉ ᐊᒡᓚᖏᑦ 8:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐅᓇᑕᕐᓂᖏᓐᓄᑦ, ᕿᓚᖕᒥᐅᒐᓴᒡᔪᐃᑦ ᐃᑦᔪᕐᓁᑦᑐᑦ, ᖃᐅᑕᒫᓪᓗ ᐆᒪᔪᓂᒃ ᑐᓂᕐᕈᓯᕐᓂᖅ ᑐᓂᔭᐅᕗᑦ ᑖᑦᓱᒧᖓ. ᑖᓐᓇᓗ ᖃᓄᐃᓕᐅᕐᑕᓕᒫᒥᓂᒃ ᐊᔪᕈᓐᓃᕐᐳᖅ, ᓱᓕᑦᓯᐊᕐᓂᕐᓗ ᓄᓇᒧᑦ ᐃᒋᑕᐅᕗᖅ.

ᑖᓂᐊᓕᐅᑉ ᐊᒡᓚᖏᑦ 8:12 Iomraidhean Croise

ᔫᐱᐅᑉ ᐊᒡᓚᖏᑦ 12:6

ᑎᒡᓕᒃᑏᑦ ᒎᑎᖃᖏᑦᑐᓪᓗ ᐃᓱᒫᓗᓇᖏᑦᓯᐊᕐᑐᒃᑯᑦ ᐃᓅᕗᑦ, ᓇᖕᒥᓂᖅ ᐱᔪᓐᓇᕐᓂᕐᒥᖕᓂᒃ ᒎᑎᑐᐊᖃᕐᑐᑦ.

ᐃᓐᖏᕈᑎᑦ 119:142

ᐃᓱᐊᕐᓃᑦ ᐃᓱᖃᖏᑦᑐᒧᑦ ᐃᓱᐊᕐᓂᐅᕗᖅ, ᐱᖁᔭᑎᓪᓗ ᓱᓕᔫᓪᓗᑎᒃ.

ᐃᓐᖏᕈᑎᑦ 119:43

ᐅᖃᐅᓯᕐᑎᑦ ᓱᓕᔪᑦ ᖃᓂᓐᓂᑦ ᐲᕐᑎᑦᑍᓕᒃᑭᑦ, ᒪᓕᒃᑕᐅᖁᔭᕐᓂᒃ ᓂᕆᐅᒋᔭᖃᕋᒪ.

ᐃᓐᖏᕈᑎᑦ 28:5

ᐊᑕᓂᐅᑉ ᐱᓂᐊᕐᓂᖏᓐᓂᒃ ᑲᒪᖏᒻᒪᑕ, ᐊᒡᒐᖕᒥᓄᓪᓗ ᓴᓇᓯᒪᔭᖏᓐᓂᒃ ᐊᒡᓛᑦ, ᑖᑦᓱᒪ ᓄᖑᑦᓱᒫᕐᐰᑦ, ᒪᑭᑎᓐᓂᐊᕈᓐᓃᕐᓗᒋᓪᓗ.

ᐂᓮᐊᓯᐅᑉ ᐊᒡᓚᖏᑦ 59:14

ᐊᑦᔨᒌᒃᑎᑦᓯᓂᖅ ᐅᑎᕆᐊᕐᓯᒪᖕᒪᑦ, ᓇᓛᒎᕐᓂᕐᓗ ᓇᖏᕐᐳᖅ ᐅᖓᓯᒋᔭᑦᑎᓐᓂ; ᓱᓕᑦᓯᐊᕐᓂᖅ ᐅᕐᕈᖓᕗᖅ ᐊᖅᑯᑎᓂ ᐃᓄᒋᐊᒡᕕᐅᕙᒃᑐᓂ, ᐃᓅᓯᖃᑦᓯᐊᕐᓂᕐᓗ ᐃᑎᕈᓐᓇᕋᓂ.

ᔨᕆᒤᐊᐅᑉ ᐊᒡᓚᖏᑦ 12:1

“ᐊᑕᓂᖅ ᐃᓱᐊᕐᓃᑦ ᓱᕐᕋᒍᓐᓇᖏᒻᒪᑦ, ᓇᓗᓕᕐᓯᒪᑦᔪᑎᒋᔭᒃᑲ ᓵᖕᓄᑦ ᓴᖅᑭᑦᓱᒪᕙᒃᑲ, ᓱᖕᒪᑦ ᐱᐅᖏᑦᑐᓕᔪᑦ ᐱᔪᓐᓇᑦᓯᐊᕐᐹᑦ? ᐅᒃᐱᖏᑦᑐᓪᓗ ᑲᔪᓯᑦᓯᐊᕐᓗᑎᒃ?

ᑖᓂᐊᓕᐅᑉ ᐊᒡᓚᖏᑦ 11:28

ᐅᓐᓄᐊᑉ ᓇᓛᓂ ᐊᖓᔪᖅᑳᕐᔪᐊᖅ ᓄᓇᒥᓄᑦ ᐅᑎᕈᒫᕐᐳᖅ ᐊᔪᕐᓴᖏᑦᑐᕐᔪᐊᖑᓗᓂ, ᒎᑎᐅᓪᓗ ᐊᖏᖃᑎᒌᒍᑎᒋᓯᒪᓪᓗᒋᑦ ᐃᓄᖁᑎᖏᑦ ᐅᓇᖕᒥᔪᒫᕐᐰᑦ ᐆᒻᒪᑎᒥᓂ, ᐃᓱᒪᕐᓱᑦᓯᐊᕐᓗᓂ ᓱᒃᑯᔨᐊᖃᕈᒫᕐᐳᖅ, ᓄᓇᒥᓄᓪᓗ ᐅᑎᕈᒫᕐᐳᖅ.

ᑖᓂᐊᓕᐅᑉ ᐊᒡᓚᖏᑦ 7:21

“ᑕᑯᓐᓈᕐᑎᓪᓗᖓ, ᓇᒡᔪᒃ ᑖᓐᓇ ᐅᓇᑕᖃᑎᖃᕐᐳᖅ ᐃᑦᔪᕐᓁᑦᑐᓂᒃ, ᓵᓚᒋᓕᕐᓗᒋᓪᓗ.

ᑖᓂᐊᓕᐅᑉ ᐊᒡᓚᖏᑦ 8:4

ᑕᐅᑐᒃᑎᓪᓗᖓ ᓰᐱᐅᑉ ᐊᖑᓴᓪᓗᖓ ᐅᐸᒃᑐᖃᑦᑕᕐᐳᖅ, ᓯᕿᓂᐅᑉ ᓂᐱᕕᐊᑕ ᓇᓛᓄᑦ, ᐅᓐᓄᐊᓪᓗ ᓇᓛᓄᑦ, ᓯᕿᓂᐅᓪᓗ ᓇᓛᓄᑦ. ᐆᒪᔪᓂᑦ ᓱᓇᑐᐃᓐᓇᕐᓂᑦ ᐊᑭᕋᕐᑐᕐᑕᐅᔪᓐᓇᓐᖏᓚᖅ, ᑭᓇᒥᒡᓘᓐᓃᑦ ᑖᑦᓱᒪᖓᑦ ᓴᐳᑎᔭᐅᔪᖃᕈᓐᓇᕋᓂ, ᐃᓱᒪᒥᓂᒃ ᖁᕕᐊᒋᔭᒥᓂᒡᓗ ᐱᓇᓱᐊᑐᐃᓐᓇᕐᐳᖅ, ᐊᔪᖏᑦᑐᒪᕆᐅᓕᕐᓗᓂᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:7

ᐃᑦᔪᕐᓁᑦᑐᓂᒡᓗ ᐅᓇᑕᕈᓐᓇᕐᑎᑕᐅᕗᖅ ᓵᓚᖃᕈᓐᓇᕐᑎᑕᐅᓪᓗᓂᓗ. ᐱᔪᓐᓇᕐᓂᖃᕐᑎᑕᐅᕗᕐᓗ ᑭᖑᕚᕇᓕᒫᓄᑦ ᐃᓄᓕᒫᓄᓪᓗ ᐅᖃᐅᓯᖃᖃᑎᒌᖏᑦᑐᓄᓪᓗ ᐃᓅᖃᑎᒌᒡᔪᐊᓄᓪᓗ.

ᓴᒧᐃᓕ ᓯᕗᓪᓖᑦ 23:9

ᑍᕕᑎ ᖃᐅᔨᒐᒥ ᓴᐅᓕᐅᑉ ᐱᐅᖏᑦᑐᒥᒃ ᐱᓇᓱᐊᕈᒪᓂᖓᓂᒃ ᐃᒻᒥᓄᑦ; ᑐᓂᕐᕈᓯᕐᑎᑦᓯᔨᒧᑦ ᐊᐰᐊᑕᒧᑦ ᐅᖃᕐᐳᖅ, “ᓴᒡᕕᖕᒥᐅᑕᖅ ᕾᓚᐅᕈᒃ.”