ᑖᓂᐊᓕᐅᑉ ᐊᒡᓚᖏᑦ 8:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐃᒻᒥᓂᒡᓗ ᐊᖏᔪᕈᕐᑎᑉᐳᖅ ᕿᓚᖕᒥᐅᒐᓴᒃᔪᐊᓄᓪᓗ ᐊᖓᔪᖅᑳᕐᔪᐊᒧᑦ ᑐᖏᓕᕆᔭᐅᓕᕐᓗᓂ, ᑐᓂᕐᕈᓯᕐᓃᓪᓗ ᖃᐅᑕᒫᕐᓯᐅᑎᑦ ᓄᖅᑲᕐᑎᑉᐰᑦ ᑖᑦᓱᒧᖓ ᑐᓂᕐᕈᑕᐅᕙᒃᑐᑦ, ᑐᓂᕐᕈᓯᕐᕕᐅᓪᓗ ᐃᓂᖓ ᐊᒃᐸᓯᒃᑐᓐᖑᕐᑎᑉᐹ.

ᑖᓂᐊᓕᐅᑉ ᐊᒡᓚᖏᑦ 8:11 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 37:23

ᑭᓇᒥᒃ ᒥᑕᐅᑎᖃᓚᐅᕐᐲᑦ ᐅᖃᕐᓂᕐᓘᑎᖃᕐᓗᑎᓪᓗ? ᑭᓇᒧᑦ ᓂᐱᖅᑯᕐᑐᓪᓗᑎᑦ ᓂᓪᓕᐊᓚᐅᕐᐱᑦ ᐃᔩᒃᑭᒡᓗ ᖁᒻᒧᑦ ᕿᕕᐊᖓᓪᓗᒋᒃ ᐱᐅᔪᕆᓂᕐᒧᑦ? ᐊᑭᕋᕐᑐᕐᓗᑎᑦ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᓐᓂᒃ!

ᐂᓮᐊᓯᐅᑉ ᐊᒡᓚᖏᑦ 37:29

ᐅᕙᓐᓄᑦ ᐊᒃᓱᕈᕐᓗᑎᑦ ᐊᑭᕋᕐᑐᕋᕕᑦ ᐱᐅᔪᕆᓃᓪᓗ ᓯᐅᑎᓐᓄᑦ ᑎᑭᑉᐳᖅ, ᑍᒤᒻᒪᑦ ᕿᖓᒃᑯᑦ ᓂᒃᓯᖕᓂᐊᕐᐸᒋᑦ ᖃᓂᒃᑯᓪᓗ ᕿᓪᓗᒻᒥᑦᔪᑎᑖᕐᑎᓪᓗᑎᑦ, ᐅᑎᕐᑎᓐᓂᐊᕐᐸᒋᑦ ᑕᒪᐅᓇᑦᓮᓐᓇᖅ ᑎᑭᕝᕕᒋᓚᐅᕐᑕᒃᑯᑦ.’”

ᔨᕆᒤᐊᐅᑉ ᐊᒡᓚᖏᑦ 48:26

“ᐋᖓᔮᓕᕐᑎᑕᐅᓕᑦ, ᐊᑕᓂᕐᒥᑦ ᐱᔪᓐᓇᕐᓂᕐᓴᐅᓇᓱᒋᓕᓚᐅᕐᒪᑕ, ᒧᐊᐱᒥᐅᑦ ᒥᕆᐊᒥᓂᒃ ᓇᓪᓚᖓᕕᖃᓕᕐᓕᑦ, ᒥᑕᐅᑎᒋᔭᒃᓴᐅᓗᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 48:42

ᒧᐊᐱᒥᐅᑦ ᐃᓅᖃᑎᒌᒡᔪᐊᖏᑦ ᐊᓯᕈᕐᑕᐅᔪᒫᕐᐳᑦ ᐊᑕᓂᕐᒥᑦ ᐱᔪᓐᓇᕐᓂᕐᓴᐅᓇᓱᒋᓚᐅᕐᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 46:14

ᐅᓪᓛᑕᒫᓪᓗ ᓂᐊᖂᔭᒃᓴᒥᒃ ᑕᓪᓕᒪᓂᒃ ᐅᖁᒤᓐᓂᓕᖕᒥᒃ ᑐᓂᕐᕈᓯᕐᓃᑦ ᐃᓚᒃᓴᖏᓐᓂᒃ ᐸᐅᕐᖎᓪᓗ ᐅᕐᓱᖓᓂᒃ ᐅᕐᓱᒃᓴᖃᐅᑎᑎᑐᑦ ᐊᖏᑎᒋᔪᒥᒃ ᐃᓚᓕᐅᑎᔪᒃᓴᒥᒃ ᓂᐊᖂᔭᒃᓴᒧᑦ ᑐᓂᕐᕈᓯᕈᑕᐅᓗᑎᒃ ᐊᑕᓂᕐᒧᑦ ᐊᑐᐃᓐᓇᕈᐃᖃᑦᑕᕐᑐᒃᓴᐅᕗᖅ; ᑕᒪᑦᔭ ᑐᓂᕐᕈᓯᕐᓂᕐᒧᑦ ᐃᑯᐊᓚᑎᑕᒃᓴᒧᑦ ᒪᓕᒐᒃᓮᑦ ᐊᑐᕐᑕᐅᔪᒃᓴᐅᔪᑦ ᑍᒪᓐᖓᓕᒫᖅ.

ᑖᓂᐊᓕᐅᑉ ᐊᒡᓚᖏᑦ 11:22

ᐅᓇᑕᕐᑐᒃᓴᒐᓴᒡᔪᐊᑦ ᓴᓂᕐᑕᐅᔪᑎᑐᑦ ᓵᓚᒋᔪᒫᕐᐰᑦ; ᐊᖓᔪᖅᑳᕐᔪᐊᒃᓴᕐᓗ ᐊᖏᖃᑎᒌᒍᑕᐅᓯᒪᔪᖅ ᑐᖁᓪᓗᒍ.

ᑖᓂᐊᓕᐅᑉ ᐊᒡᓚᖏᑦ 11:31

ᐅᓇᑕᕐᑐᒃᓴᕐᔪᐊᖁᑎᖏᑦ ᓱᕐᔪᒍᒫᕐᐳᑦ ᑐᒃᓯᐊᕐᕕᒡᔪᐊᑉ ᐊᕙᓗᕐᔪᐊᖓ ᐃᑦᔪᕐᓇᕐᓯᑎᓪᓗᒍ, ᓄᖅᑲᕐᑎᑦᓯᓗᑎᒡᓗ ᐆᒪᔪᓂᒃ ᖃᐅᑕᒫᑦ ᑐᓂᕐᕈᓯᖃᑦᑕᕐᓂᕐᒥᒃ; ᑕᕝᕙ ᐃᓕᓯᔪᒫᕐᐳᑦ ᐃᑦᔪᕐᓇᕐᑐᕐᔪᐊᒥᒃ ᑲᑉᐱᓇᕐᑐᕐᔪᐊᒥᒃ.

ᑖᓂᐊᓕᐅᑉ ᐊᒡᓚᖏᑦ 12:11

ᑍᑦᓱᒪᓂ ᖃᐅᑕᒫᑦ ᐆᒪᔪᓂᒃ ᑐᓂᕐᕈᓯᖃᑦᑕᕐᓂᐅᑉ ᓄᖅᑲᕐᑎᑕᐅᓂᖓᓂᑦ, ᐃᑦᔪᕐᓇᕐᑐᐊᓘᓪᓗ ᐃᓕᔭᐅᓂᖓ ᓱᕈᕐᑎᑕᐅᓐᓇᕐᑑᑉ ᐊᑯᓐᓂᖓᓂ, ᐅᓪᓗᐃᑦ 1,290ᐅᕗᑦ.

ᑖᓂᐊᓕᐅᑉ ᐊᒡᓚᖏᑦ 5:23

ᐃᓕᖕᓂᒃ ᐊᖏᔪᕈᕐᑎᓯᒪᒐᕕᑦ ᐊᑭᕋᕐᑐᓕᕐᓗᑎᓪᓗ ᕿᓚᖕᒥᐅᑦ ᐊᑕᓂᖓᓄᑦ; ᐃᒡᓗᖓᑕ ᐱᖁᑎᖏᓐᓂᒃ ᐃᒥᐅᑎᓂᒃ ᐃᓕᖕᓄᑦ ᕾᑕᐅᖁᔨᓚᐅᕋᕕᑦ, ᐊᖓᔪᖅᑳᖁᑎᑎᑦ ᓄᓕᐊᑎᓪᓗ ᐊᕐᓇᖁᑎᑎᓪᓗ ᐃᒥᖃᑎᒋᓪᓗᒋᑦ ᕔᓂᒥᒃ ᑖᒃᑯᐊ ᐊᑐᕐᓗᒋᑦ; ᓂᕐᑐᐃᓚᐅᕋᕕᓪᓗ ᒎᑎᖕᓂᒃ ᒎᓘᓂᒃ ᓯᐅᓪᕕᕆᓂᒡᓗ, ᑲᓐᓄᔭᓂᒡᓗ, ᓴᕕᕋᔭᖕᓂᒡᓗ, ᕿᔪᖕᓂᒡᓗ, ᐅᔭᕋᖕᓂᒡᓗ, ᑕᑯᔪᓐᓇᖏᑦᑐᓂᒃ ᑐᓵᔪᓐᓇᖏᑦᑐᓂᒡᓗ ᑐᑭᓯᐊᖏᑦᑐᓂᒃ, ᐅᐱᒋᓚᐅᖏᓐᓇᕕᐅᒃ ᒎᑎ ᐃᕝᕕᑦ ᐃᓅᓯᖓᓂᒃ ᑎᒍᒥᐊᕐᑐᖅ ᖃᓄᐃᓕᐅᕐᓂᓕᒫᓂᒃ.

ᑖᓂᐊᓕᐅᑉ ᐊᒡᓚᖏᑦ 7:25

ᑖᓐᓇ ᓂᓪᓕᐊᔪᒫᕐᐳᖅ ᖁᑦᓯᖕᓂᕐᐹᖑᔪᖅ ᐊᑭᕋᕐᑐᕐᓗᒍ ᐅᖁᒤᒃᓴᕐᑎᓪᓗᒋᓪᓗ ᖁᑦᓯᖕᓂᕐᐹᖑᔪᑉ ᐃᑦᔪᕐᓁᑦᑐᖁᑎᖏᑦ, ᐋᖅᑭᒃᓱᐃᓇᓱᐊᕈᒫᕐᓗᓂᓗ ᐱᖁᔭᓂᒃ ᓇᓪᓕᐅᓂᕐᓯᐅᕕᖕᓂᒡᓗ ᐊᓯᑦᔩᓇᓱᐊᕈᒫᕐᓗᓂ. ᖁᑦᓯᖕᓂᕐᐹᓪᓗ ᐃᑦᔪᕐᓁᑦᑐᖁᑎᖏᑦ ᓯᐊᓛᕆᑬᓐᓇᕈᒫᕐᐰᑦ, ᓇᓪᓕᐅᓐᓂᕐᓂᒃ ᐱᖓᓱᓂᒃ ᐊᕝᕙᕐᒥᒡᓗ.

ᑖᓂᐊᓕᐅᑉ ᐊᒡᓚᖏᑦ 8:12

ᐅᓇᑕᕐᓂᖏᓐᓄᑦ, ᕿᓚᖕᒥᐅᒐᓴᒡᔪᐃᑦ ᐃᑦᔪᕐᓁᑦᑐᑦ, ᖃᐅᑕᒫᓪᓗ ᐆᒪᔪᓂᒃ ᑐᓂᕐᕈᓯᕐᓂᖅ ᑐᓂᔭᐅᕗᑦ ᑖᑦᓱᒧᖓ. ᑖᓐᓇᓗ ᖃᓄᐃᓕᐅᕐᑕᓕᒫᒥᓂᒃ ᐊᔪᕈᓐᓃᕐᐳᖅ, ᓱᓕᑦᓯᐊᕐᓂᕐᓗ ᓄᓇᒧᑦ ᐃᒋᑕᐅᕗᖅ.

ᑖᓂᐊᓕᐅᑉ ᐊᒡᓚᖏᑦ 8:24

ᑖᑦᓱᒪ ᐱᔪᓐᓇᕐᓂᖓ ᓴᓐᖏᔪᕐᔪᐊᖑᓕᕈᒫᕐᐳᖅ, ᓇᖕᒥᓂᖅ ᐱᔪᓐᓇᕐᓂᕐᒥᓅᖏᑦᑐᖅ: ᑖᓐᓇ ᐊᖏᔪᐊᓗᖕᒥᒃ ᓵᓚᖃᕈᒫᕐᐳᖅ, ᖃᓄᐃᓕᐅᕋᓱᐊᕐᑕᒥᓂᒃ ᑕᒤᓐᓂᒃ ᑲᔪᓯᓗᓂ, ᓱᓇᐅᔪᓐᓁᕐᑎᑦᓯᔪᒫᕐᐳᖅ ᐊᔪᖏᑦᑐᕐᔪᐊᖁᑕᐅᔪᓂᒃ ᐃᓄᖕᓂᒡᓗ ᐃᑦᔪᕐᓁᑦᑐᓂᒃ.

ᑖᓂᐊᓕᐅᑉ ᐊᒡᓚᖏᑦ 8:25

ᑖᓐᓇ ᐅᐃᕕᕐᕆᒃᓯᓂᕐᒥᒍᑦ ᐊᔪᕈᓐᓁᕈᒫᕐᐳᖅ, ᐃᒻᒥᓂᒡᓗ ᐊᔪᖏᑦᑐᕐᔪᐊᖑᓂᕋᓕᕐᓗᓂ. ᓵᓚᐅᓂᐊᕋᓱᒋᖏᑦᑐᑦ, ᐅᓄᕐᑐᑦ ᓯᖁᒥᑦᓱᒫᕐᐰᑦ, ᐊᑭᕋᕐᑐᕐᓗᓂᓗ ᐊᖓᔪᖅᑲᐅᔪᓄᑦ ᐊᖓᔪᖅᑳᕐᔪᐊᓄᓪᓗ. ᑭᓯᐊᓂᓕ ᓵᓚᐅᔪᒫᕆᕗᖅ, ᐃᓅᑉ ᐱᔪᓐᓇᕐᓂᖓᓅᖏᑦᑐᖅ.

ᑖᓂᐊᓕᐅᑉ ᐊᒡᓚᖏᑦ 9:25

ᐅᓇ ᖃᐅᔨᒍᒃ ᑐᑭᓯᑦᓯᐊᕐᓗᒍᓗ; ᐱᖁᔨᓂᖅ ᔨᕉᓴᓕᐅᑉ ᓴᓇᔭᐅᒃᑲᓐᓂᕐᓂᒃᓴᖓᓂᒃ ᐅᑎᕐᑎᑕᐅᑦᓯᐊᕐᓂᖓᓂᒡᓗ, ᐱᔪᒫᕐᐳᖅ ᐅᕐᓱᒧᑦ ᒥᖑᐊᕐᑕᐅᓯᒪᔪᖅ ᐊᐅᓚᑦᓯᔨ ᑎᑭᑉᐸᑦ, ᑭᖑᓂᖓᓂ ᓇᓪᓕᐅᓐᓃᑦ 7ᐃᑦ 7ᐃᕐᑐᕐᓗᒋᑦ. ᐊᒻᒪᓗ ᓇᓪᓕᐅᓐᓃᑦ 62 7ᐃᕐᑐᕐᓗᒋᑦ, ᐃᒡᓗᒐᓮᑦ ᓴᓇᔭᐅᒃᑲᓐᓂᕈᒫᕐᐳᑦ, ᐊᑐᕆᐊᖏᓪᓗ, ᑰᒃᕖᓪᓗ, ᑲᑉᐱᐊᓇᕐᑐᑦ ᓇᓪᓕᐅᑎᓯᒪᑎᓪᓗᒋᑦ.

ᒨᓯᓯ ᓯᑕᒪᖏᑦ 28:3

“ᐅᖃᐅᑎᓗᒋᓪᓗ, ᑐᓂᕐᕈᑏᑦ ᑍᒤᑦᑐᖅ ᑐᓂᔭᕆᐊᖃᕐᐸᓯ ᐃᑯᐊᓚᑎᓪᓗᒍ ᐊᑕᓂᕐᒧᑦ: ᐃᒫᒃ, ᓰᐱᐅᑉ ᓄᕐᕋᖏᒃ ᒪᕐᕉᒃ ᐊᖑᑎᐅᓗᑎᒃ, ᐊᑕᐅᓯᕐᒥᒃ ᐊᕐᕌᒍᖃᕐᓗᑎᒃ ᓴᓗᒤᓐᓂᖃᖏᓪᓗᑎᒃ, ᖃᐅᑕᒫᑦ ᑖᒃᑯᐊᒃ ᑐᓂᕐᕈᑎᒋᖃᑦᑕᕐᓂᐊᕐᐸᓯ, ᑍᒪᓐᖓᓕᒫᖅ ᑐᓂᕐᕈᓯᕐᐸᒃᓗᓯ.

ᓘᑲᓯᐅᑉ ᐊᒡᓚᖏᑦ 21:24

ᐃᓚᖏᑦ ᓴᕕᒡᔪᐊᒧᑦ ᑐᖁᑕᐅᔪᒫᕐᐳᑦ, ᐃᓚᖏᓪᓗ ᑎᒍᔭᐅᓗᑎᒃ ᐊᐅᓪᓚᕈᑦᔭᐅᔪᒫᕐᐳᑦ ᔫᑎᐅᓐᖏᑦᑐᓄᑦ; ᔨᕉᓴᓕᒻᓗ ᑐᓪᓕᕋᕐᓴᐅᔪᒫᕐᐳᖅ ᔫᑎᐅᓐᖏᑦᑐᓄᑦ, ᐱᕕᒃᓴᖓᑦ ᐃᓱᓕᓚᐅᖏᓐᓂᖓᓂ.”

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:4

ᑕᒤᓐᓂᒃ ᒎᑎᓂᒃ ᑍᔭᐅᔪᓕᒫᓂᒃ ᐊᑭᕋᕐᑐᕐᑐᕐᔪᐊᖅ ᐱᔨᑦᓯᕐᓂᕐᓂᒡᓗ, ᑕᒤᓐᓂᓪᓗ ᐃᒻᒥᓂᒃ ᐊᖏᓂᕐᐸᐅᑎᑦᑐᖅ, ᐊᒡᓛᑦ ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓᓂ ᐃᒃᓯᕚᕆᐊᕐᑐᕈᒫᕐᐳᖅ, ᐃᒻᒥᓂᒃ ᒎᑎᐅᓂᕋᕐᓗᓂ.

ᐄᑉᕈᐃᓄᑦ 2:10

ᒎᑎᐅᑉ ᓈᒻᒪᒋᓚᐅᕐᒪᒍ, ᑖᑦᓱᒨᓇ ᓱᓇᓕᒫᑦ ᓴᖅᑭᑎᑕᐅᓯᒪᖕᒪᑕ, ᑖᑦᓱᒪᖓᓪᓗ ᓱᓇᓕᒫᑦ ᐱᓯᒪᓪᓗᑎᒃ, ᐋᓐᓂᐊᑎᑕᐅᓂᒃᑯᑦ ᓈᒻᒪᑦᓯᐊᓕᖁᓪᓗᒍ ᕿᑐᕐᖓᐅᓕᕐᑐᓂᒃ ᐊᒥᓱᓂᒃ ᓂᕐᑐᕐᓇᕐᓂᕐᔪᐊᖓᓂᒃ ᐱᖃᑕᐅᓕᖁᓪᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:14

ᑖᒃᑯᐊᓗ ᐅᓇᑕᕈᒫᕐᐳᑦ ᓄᕐᕋᐅᔭᒥᒃ, ᓄᕐᕋᐅᔭᕐᓕ ᓵᓚᖃᕈᒫᕐᐳᖅ ᑖᒃᑯᓂᖓ, ᐊᑕᓂᐅᒐᒥ ᐊᑕᓂᕐᓄᑦ ᐊᖓᔪᖅᑳᕐᔪᐊᖑᓪᓗᓂᓗ ᐊᖓᔪᖅᑳᕐᔪᐊᓄᑦ, ᐃᓚᖃᕈᒫᕐᒪᑦ ᕾᖁᔭᐅᓯᒪᔪᓂᒃ ᓂᕈᐊᕐᑕᐅᓯᒪᔪᓂᒡᓗ ᓱᕐᕋᔪᐃᑦᑐᒥᒃ ᒪᓕᒃᑎᐅᔪᓂᒃ ᑖᑦᓱᒥᖓ.”