ᑖᓂᐊᓕᐅᑉ ᐊᒡᓚᖏᑦ 7:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ “ᑕᑯᓐᓈᕐᑎᓪᓗᖓ, ᐃᒃᓯᕙᐅᑕᕐᔪᐃᑦ ᐃᓂᖏᓐᓄᑦ ᐃᓕᔭᐅᕗᑦ, ᑍᒪᖓᑐᖃᕐᓗ ᐃᓅᖏᓐᓇᕐᑐᖅ ᐃᒃᓯᕙᐅᑕᕐᔪᐊᒥᓄᑦ ᐃᖏᑉᐳᖅ, ᐊᓐᓄᕌᖏᑦ ᐊᐳᑎᑐᑦ ᖃᑯᕐᑎᒋᕗᑦ; ᓄᔭᖏᓪᓗ ᓰᐱᐅᑉ ᒥᖅᑯᖏᑎᑐᑦ ᖃᑯᕐᑎᒋᕗᑦ, ᐃᒃᓯᕙᐅᑕᕐᔪᐊᖓ ᐃᑯᐊᓚᕗᖅ, ᐊᒃᓴᓗᐊᖏᑦ ᐃᑯᒪᐅᓪᓗᑎᒃ.

ᑖᓂᐊᓕᐅᑉ ᐊᒡᓚᖏᑦ 7:9 Iomraidhean Croise

ᐊᑕᓃᑦ ᓯᕗᓪᓖᑦ 22:19

ᒤᑬᐊ ᐅᖃᕐᐳᖅ, “ᑍᒤᒻᒪᑦ ᐊᑕᓂᐅᑉ ᐅᖃᐅᓯᖏᓐᓂᑦ ᑐᓴᕆᑦᓯ: ᐊᑕᓂᖅ ᑕᑯᕙᕋ ᐃᒃᓯᕙᐅᑕᕐᔪᐊᕐᒥᓂ ᐃᒃᓯᕙᔪᖅ, ᕿᓚᖕᒥᐅᒐᓴᒡᔪᐃᓪᓗ ᓇᖏᕐᐳᑦ ᑖᑦᓱᒪ ᐊᕙᑖᓂ, ᑕᓕᕐᐱᐊᓂ, ᓴᐅᒥᐊᓂᓗ;

ᑯᕉᓂᑲ ᐂᑉᐸᖏᑦ 18:18

ᒤᑬᐊᓗ ᐅᖃᓕᕐᐳᖅ, “ᑍᒤᒻᒪᑦ ᐊᑕᓂᐅᑉ ᐅᖃᐅᓯᖓ ᑐᓴᕐᓯᐅᒃ: ᐊᑕᓂᖅ ᑕᑯᓚᐅᕐᐸᕋ ᐃᒃᓯᕙᔪᖅ ᐃᒃᓯᕙᐅᑕᕐᔪᐊᕐᒥᓂ, ᕿᓚᖕᒥᐅᒐᓴᒡᔪᐃᓪᓗ ᓇᖏᕐᑐᑦ ᑕᓕᕐᐱᐊᓂ ᓴᐅᒥᐊᓂᓗ;

ᐃᓐᖏᕈᑎᑦ 45:8

ᐊᓐᓄᕌᑎᑦ ᑎᐱᑎᕐᓯᒪᕗᑦ ᒧᕆᒥᒃ ᐋᓘᒥᒡᓗ ᑳᓯᐊᒥᒡᓗ. ᐊᖓᔪᖅᑳᕐᔪᐊᑉ ᐃᒡᓗᖏᓐᓂᑦ ᑑᒑᓂᒃ ᐱᐅᓴᕐᓯᒪᔪᓂᑦ, ᓄᖃᕐᑎᓕᖕᓂᓪᓗ ᓂᓪᓕᐊᑦᔪᑎᓂᑦ, ᖁᕕᐊᓱᒃᑎᑕᐅᕗᑎᑦ.

ᐃᓐᖏᕈᑎᑦ 90:2

ᖃᖅᑬᑦ ᓴᖅᑭᓚᐅᖅᑳᕐᑎᓐᓇᒋᑦ, ᐅᕝᕙᓗ ᓄᓇᕐᔪᐊᖅ ᓯᓚᕐᔪᐊᕐᓗ ᐱᓐᖑᕐᑎᑕᐅᓚᐅᖅᑳᕐᑎᓐᓇᒋᑦ, ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᒎᑏ ᒎᑎᐅᕗᑎᑦ.

ᐃᓐᖏᕈᑎᑦ 93:2

ᐃᒃᓯᕙᐅᑕᕐᔪᐊᑦ ᐋᖅᑭᒃᓯᒪᕗᖅ ᐃᑦᓴᕐᔪᐊᒥᑦ; ᐃᕝᕕᑦ ᐃᓱᖃᖏᑦᑐᒥᑦ ᐱᓯᒪᕗᑎᑦ.

ᐂᓮᐊᓯᐅᑉ ᐊᒡᓚᖏᑦ 6:1

ᐊᕐᕌᒍᒥ ᐊᖓᔪᖅᑳᕐᔪᐊᑉ ᐅᓮᐊᐅᑉ ᑐᖁᕝᕕᐊᓂ, ᐊᑕᓂᖅ ᑕᑯᓚᐅᕐᐸᕋ ᐃᒃᓯᕙᐅᑕᕐᔪᐊᖕᒥᓂ ᐃᒃᓯᕙᔪᖅ, ᖁᑦᓯᒃᑐᒥ ᐳᕐᑐᔪᒥᓗ, ᐊᓐᓄᕌᖓᑕᓗ ᐅᓕᒡᔪᐊᖓᑕ ᑐᒃᓯᐊᕐᕕᒡᔪᐊᑉ ᐃᓗᐊ ᓈᓯᒪᕚ.

ᐂᓮᐊᓯᐅᑉ ᐊᒡᓚᖏᑦ 9:6

ᓄᑕᕋᑯᓗᒃ ᐃᕐᓂᐊᖑᖕᒪᑦ ᐅᕙᑦᑎᓐᓄᑦ! ᐃᕐᓂᖅ ᑐᓂᔭᐅᖕᒪᑦ ᐅᕙᑦᑎᓐᓄᑦ! ᒐᕙᒤᑦ ᑐᐃᖏᓐᓃᑦᓱᒫᕐᐳᑦ. ᐊᑎᖓᓗ ᑍᔭᐅᔪᒫᕐᐳᖅ, “ᐋᖅᑭᒃᓱᐃᔨᑦᓯᐊᒥᒃ,” “ᒎᑎᒥᒃ ᐊᔪᒐᖃᖏᑦᑐᒥᒃ,” “ᐊᑖᑕᐅᔪᒥᒃ ᐃᓱᖃᖏᑦᑐᒥᑦ,” “ᖃᓄᐃᖏᑦᓯᐊᕐᓂᐅᑉ ᐊᖓᔪᖅᑳᖓᓂᒃ.”

ᔨᕆᒤᐊᐅᑉ ᐊᒡᓚᖏᑦ 49:38

ᐃᓛᒥᐅᓂ ᐊᖓᔪᖅᑲᐅᕕᒃᑖᕐᓂᐊᕐᐳᖓ, ᐊᖓᔪᖅᑳᕐᔪᐊᖏᑦ, ᐊᖓᔪᖅᑳᖁᑎᖏᓪᓗ ᐊᓯᕈᕐᑕᐅᖁᓪᓗᒋᑦ, ᐊᑕᓂᖅ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 1:26

ᐃᒡᓗᕕᒐᐅᔮᕐᑑᓪᓗ ᓂᐊᖁᖏᑕ ᖁᓛᓃᑦᑑᑉ ᖁᓛᓂ ᐃᒃᓯᕙᐅᑕᕐᔪᐊᖑᔮᕐᑐᖃᕐᐳᖅ, ᐅᔭᕋᒃᑎᑐᑦ ᓴᐰᕋᐅᔮᕐᑐᒥᒃ; ᐃᒃᓯᕚᕐᑐᕐᓗ ᐃᒃᓯᕙᐊᑕᕐᔪᐊᖑᔮᕐᑐᒥ ᐃᓄᒃᑎᑐᑦ ᑕᐅᑦᑐᖃᕐᑑᔮᕐᐳᖅ.

ᑖᓂᐊᓕᐅᑉ ᐊᒡᓚᖏᑦ 7:13

“ᑕᑯᑎᑕᐅᑎᓪᓗᖓ ᐅᓐᓄᐊᒥ ᑕᑯᕗᖓ ᐃᓅᑉ ᐃᕐᓂᖓᑕ ᐊᑦᔨᖓᓂᒃ ᓄᕗᔭᓃᑦᑐᒥᒃ, ᑍᒪᖓᑐᖃᕐᓗ ᐃᓅᔪᖅ ᐅᐸᒃᐹ, ᓇᔪᒐᖓᓄᐊᕐᑎᑕᐅᓪᓗᓂᓗ.

ᑖᓂᐊᓕᐅᑉ ᐊᒡᓚᖏᑦ 7:22

ᑍᒪᓐᖓᑐᖃᕐᓂᑦ ᐃᓅᔪᖅ ᕾᓚᐅᖏᓐᓂᖓᓂ, ᐃᖅᑲᕐᑐᐃᓂᕐᒥᒡᓗ ᓴᖅᑭᑎᑦᓯᓪᓗᓂ ᖁᑦᓯᖕᓂᕐᐹᑉ ᐃᑦᔪᕐᓁᑦᑐᖁᑎᖏᑦ ᓴᐳᑎᕔᑦ, ᓇᓪᓕᐅᑎᓪᓗᓂᓗ ᐊᖓᔪᖅᑲᐅᓂᖅ ᑖᒃᑯᓇᖓᑦ ᐱᓯᒪᔭᐅᓕᕐᕕᒃᓴᖓᑦ.

ᒤᑲᐅᑉ ᐊᒡᓚᖏᑦ 5:2

“ᐃᕝᕕᓪᓕ ᐱᑦᓕᐊᒻ ᐃᐸᕋᑕ, ᔫᑕᒥᐅᓂᑦ ᒥᑭᓐᓂᕐᐹᖑᒐᓗᐊᕐᑐᑎᑦ, ᐃᓕᖕᓂᑦ ᐱᔪᒫᕐᐳᖅ ᐊᐅᓚᑦᓯᔨᒃᓴᖅ, ᐃᓴᕆᐊᓕᒥᐅᓂᒃ ᐊᐅᓚᑦᓯᔨᐅᔪᒫᕐᑐᖅ, ᐃᓚᒌᓂᑦ ᑍᑦᓱᒪᓂᐊᓗᖕᓂᑦ ᐱᔪᒥᒃ ᐃᓱᖃᖏᑦᑐᒥᑦ.”

ᕼᐊᐸᑲᐅᑉ ᐊᒡᓚᖏᑦ 1:12

ᐊᑕᓃᖅ, ᐃᓱᖃᖏᑦᑐᒥᑦ ᒎᑎᐅᔪᑎᑦ ᒎᑎᒋᕙᒋᑦ, ᐃᑦᔪᕐᓁᑦᑐᑎᑦ ᐃᓱᖃᖏᑦᑐᑎᓪᓗ ᑐᖁᔪᒫᓐᖏᓚᒍᑦ. ᐊᑕᓃᖅ ᑍᒃᑯᐊ ᑍᒤᑎᑦᐸᑎᑦ ᐃᖅᑲᕐᑐᕐᑕᐅᑦᔪᑎᒃᓴᑦᑎᓐᓄᑦ; ᕾᕐᑑᔪᑎᑦ, ᓱᒋᐊᕐᑕᐅᑦᔪᑎᒃᓴᑦᑎᓐᓄᑦ ᐋᖅᑭᒃᓯᒪᕙᑎᑦ.

ᒫᑎᐅᓯᐅᑉ ᐊᒡᓚᖏᑦ 17:2

ᐃᓕᓐᓂᐊᕐᑎᑦ ᑕᑯᓐᓈᕐᑎᓪᓗᒋᑦ ᔩᓱᓯᐅᑉ ᑕᑯᒃᓴᐅᓂᖓ ᐊᓯᖑᕐᑎᑕᐅᕗᖅ, ᑮᓇᖓ ᖃᐅᒻᒪᒃᐳᖅ ᓯᕿᓂᐅᑉ ᖃᐅᒪᓂᖓᑐᑦ, ᐊᓐᓄᕌᖏᓪᓗ ᖃᐅᒪᔪᕐᔪᐊᖑᓕᕐᓗᑎᒃ.

ᒫᑎᐅᓯᐅᑉ ᐊᒡᓚᖏᑦ 28:3

ᑖᑦᓱᒪ ᓴᖅᑭᓐᓂᖓ ᖃᐅᒻᒪᓚᒃᑎᑐᑦ ᑕᐅᑦᑐᖃᓚᐅᕐᐳᖅ, ᐊᓐᓄᕌᖏᑦ ᐊᐳᑎᑐᑦ ᖃᑯᕐᑎᒋᓪᓗᑎᒃ.

ᒫᑯᓯᐅᑉ ᐊᒡᓚᖏᑦ 9:3

ᐊᓐᓄᕌᖏᑦ ᖃᑯᕐᓯᕕᒃᔪᐊᕐᓗᑎᒃ ᖃᐅᒪᓕᕐᐳᑦ, ᖃᑯᕐᓂᕐᐸᐅᓕᕐᓗᑎᒃ ᑕᒫᓂ ᓄᓇᒥ ᖃᑯᕐᓯᑎᑕᐅᔪᓐᓇᕐᑐᓂᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 2:30

ᑍᕕᑎ ᓇᓚᐅᑦᑍᔪᖁᑎᒋᓚᐅᕐᒪᒍ, ᖃᐅᔨᒪᓚᐅᕐᐳᖅ ᒎᑎᐅᑉ ᐊᖏᒻᒪᕆᒍᑎᒋᔭᒥᓂᒃ ᐅᖃᕕᒃᕕᒋᓚᐅᕐᒪᒍ; ᑭᖑᕚᖓᑕ ᐃᓚᖓᓐᓂᒃ ᐊᖓᔪᖅᑳᕐᔪᐊᓐᖑᕐᑎᑦᓯᓂᐊᕐᓂᕋᕐᓗᓂ ᑍᕕᑎᑐᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 2:33

ᑖᓐᓇ ᖁᒻᒧᐊᒃᑎᑕᐅᒐᒥ ᒎᑎᐅᑉ ᑕᓕᕐᐱᐊᓃᑉᐳᖅ, ᐊᑖᑕᐅᑉ ᐊᖏᕈᑎᒋᓯᒪᔭᖓᓂᒃ ᑐᓂᓯᕕᐅᓪᓗᓂ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ, ᑖᑦᓱᒥᖓ ᑕᕝᕙ ᑯᕕᓯᓚᐅᕐᐳᖅ, ᒫᓐᓇ ᑕᑯᔭᓯᓐᓂᒃ ᑐᓴᕐᑕᑦᓯᓐᓂᒡᓗ.

ᐱᓕᐱᒥᐅᓄᑦ 3:9

ᑖᑦᓱᒥᖓᓗ ᐃᓅᖃᑎᖃᑦᓯᐊᕈᓐᓇᖁᓪᓗᖓ, ᐅᕙᓐᓂᑦ ᐱᔪᒥᒃ ᐱᖁᔭᓂᒃ ᒪᓕᖕᓂᒃᑯᑦ ᓇᓛᒎᓐᓂᖃᕋᓱᐊᖁᓇᖓ, ᓇᓛᒎᕐᓂᕐᒥᒡᓕ ᐱᑎᑕᐅᕗᖓ ᐅᒃᐱᕐᓂᑯᑦ ᙭ᔅᑑᓯᒥ, ᑕᒪᓐᓇ ᓇᓛᒎᕐᓂᖅ ᒎᑎᒥᑦ ᐱᔪᖅ ᑐᓐᖓᕕᖃᕐᒪᑦ ᐅᒃᐱᕐᓂᒥᒃ;

ᑎᒧᑎᒧᑦ ᓯᕗᓪᓖᑦ 6:16

ᑖᓐᓇ ᑭᓯᒥ ᑐᖁᓱᐃᑦᑑᔪᖅ ᖃᐅᒪᔪᒦᑦᑐᖅ ᑭᓇᑐᐃᓐᓇᕐᒧᑦ ᑎᑭᑕᐅᔪᓐᓇᖏᑦᑐᒥᒃ, ᑭᓇᒧᓪᓘᓐᓃᑦ ᑕᑯᔭᐅᓚᐅᕐᓯᒪᖏᑦᑐᖅ ᑕᑯᔭᐅᔪᓐᓇᖏᑦᑐᕐᓗ. ᑖᓐᓇ ᐅᐱᒋᔭᐅᓕ ᐃᓂᖃᕐᓗᓂᓗ ᐃᓱᖃᖏᑦᑐᒥ. ᐋᒥᓐ.

ᔪᐊᓇᓯ ᓯᕗᓪᓖᑦ 1:5

ᑕᒪᑦᔭ ᐅᖃᐅᓯᖅ ᑖᑦᓱᒪᓐᖓᑦ ᑐᓴᕐᓯᒪᔭᕗᑦ ᐃᓕᑦᓯᓐᓄᑦ ᐅᖃᐅᓯᕆᕙᕗᑦ, ᒎᑎ ᖃᐅᒪᔫᖕᒪᑦ ᑖᑦᓱᒪᓂᓗ ᑖᕐᑐᖃᓐᖏᓚᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:14

ᓂᐊᖁᖓ ᓄᔭᖏᓪᓗ ᖃᑯᕐᑕᐅᕗᑦ ᓰᐱᐅᑉ ᒥᖅᑯᖏᑎᑐᑦ, ᐊᐳᑎᑐᓪᓗ ᖃᑯᕐᑎᒋᓪᓗᑎᒃ; ᐃᔨᖏᒡᓗ ᐃᑯᒪᔪᑎᑐᑦ ᑍᒤᑉᐴᒃ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:18

ᓂᕆᓕᕐᑕ ᐊᖓᔪᖅᑳᕐᔪᐊᑦ ᑎᒥᖏᓐᓂᒃ, ᐅᓇᑕᕐᑎᖁᑎᖏᑕᓪᓗ ᐊᖓᔪᖅᑳᖁᑎᖏᓐᓂᒃ, ᐅᓇᑕᕐᑐᒃᓴᖁᑎᖏᑕᓗ ᐊᔪᖏᑦᑐᕐᔪᐊᑦ ᑎᒥᖏᓐᓂᒃ, ᕿᒻᒥᕐᔪᐊᓂᒃ ᑕᕝᕙᓂᓗ ᐃᑭᒪᔪᑦ ᑎᒥᖏᓐᓂᒃ, ᐃᓅᓕᒫᓪᓗ ᑎᒥᖏᓐᓂᒃ, ᓯᐊᓛᓂᑦ ᓯᐊᓛᖑᖏᑦᑐᓂᓗ, ᒥᑭᔪᓂ ᐊᖏᔪᓂᒡᓗ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:4

ᑕᕝᕙ ᐃᒃᓯᕙᐅᑕᕐᔪᐊᓂᒃ ᑕᑯᒋᕗᖓ, ᑕᕝᕙᓂᓗ ᐃᒃᓯᕙᔪᑦ ᐱᔪᓐᓇᕐᓂᕐᒥᒃ ᑐᓂᓯᕕᐅᕗᑦ ᐃᖅᑲᕐᑐᐃᔪᓐᓇᖁᓪᓗᒋᑦ. ᑕᑯᒋᕗᖓᓗ ᓂᐊᖁᐃᕐᑕᐅᓯᒪᔪᑦ ᑕᕐᓂᖏᓐᓂᒃ ᐅᖃᐅᓯᖃᕐᓂᖏᓐᓄᑦ ᔩᓱᓯᒥᒃ ᒎᑎᐅᓪᓗ ᐅᖃᐅᓯᖏᓐᓂᒃ, ᑐᒃᓯᐊᕐᕕᖃᓚᐅᖏᑦᑐᓪᓗ ᐆᒪᔪᐊᓗᖕᒥᒃ ᐅᕝᕙᓗ ᐊᑦᔨᓐᖑᐊᖓᓂᒃ ᓴᓇᓯᒪᔪᒥᒃ ᓇᓗᓁᒃᑯᑕᖓᓂᒡᓗ ᓇᓗᓁᒃᑯᓯᕐᑕᐅᓚᐅᖏᑦᑐᑦ ᖃᐅᒥᒃᑎᒍᑦ ᐊᒡᒐᖕᒥᒃᑎᒍᓪᓘᓐᓃᑦ. ᑖᒃᑯᐊ ᐆᒻᒪᕋᒥᒃ, ᙭ᔅᑑᓯ ᐊᖓᔪᖅᑳᕐᔪᐊᖑᖃᑎᒋᕚᑦ ᐊᕐᕌᒍᓂᒃ 1,000ᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:2

ᑕᕝᕔᓐᓇᕐᓗ ᐊᓂᕐᓂᕐᒦᓕᕐᐳᖓ, ᑕᑯᒋᓪᓗ, ᕿᓚᖕᒦᑦᑐᒥᒃ ᑕᑯᕗᖓ ᐃᒃᓯᕙᐅᑕᕐᔪᐊᕐᒥᒃ, ᑕᕝᕙᓂᓗ ᐃᒃᓯᕙᔪᖃᕐᐳᖅ.