ᑖᓂᐊᓕᐅᑉ ᐊᒡᓚᖏᑦ 7:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ “ᓱᓕ, ᐅᓐᓄᐊᒥ ᑕᑯᑎᑕᐅᓪᓗᖓ ᑕᑯᒋᕗᖓ ᐆᒪᔪᐊᓗᐃᑦ ᓯᑕᒪᖓᓐᓂᒃ, ᑲᑉᐱᐊᓇᕐᑑᓪᓗᓂ ᓯᕘᕋᓇᕐᑐᖅ ᓴᓐᖏᔪᕐᔪᐊᖑᓪᓗᓂᓗ, ᑭᒍᑎᖃᕐᐳᖅ ᓴᕕᕋᔭᖕᓂᒃ ᐊᖏᔪᐊᓗᖕᓂᒃ; ᖃᖅᑯᐊᕐᐳᖅ ᓂᕆᓪᓗᓂᓗ ᓵᓚᒋᔭᒥᓂᒃ, ᑐᓪᓕᕋᕐᐰᓪᓗ ᐊᒥᐊᒃᑯᓂ. ᐆᒪᔪᕐᔪᐊᖑᖃᑎᒥᓂᑦ ᓯᕗᓪᓕᕐᓂᑦ ᐊᑦᔨᒋᔭᐅᓐᖏᓚᖅ, ᖁᓕᓂᑦ ᓇᒡᔪᖃᕐᑐᖅ.

ᑖᓂᐊᓕᐅᑉ ᐊᒡᓚᖏᑦ 7:7 Iomraidhean Croise

ᓴᒧᐃᓕ ᐂᑉᐸᖏᑦ 22:43

ᓯᖃᓪᓕᒐᒃᑭᑦ, ᐳᔪᕋᑐᐃᓐᓇᓐᖑᕐᐳᑦ, ᑐᓪᓕᕋᕐᐸᒃᑲ ᒪᕐᕋᕐᑎᑐᑦ ᐊᖅᑯᑎᒦᑦᑐᑎᑐᑦ.

ᔫᐱᐅᑉ ᐊᒡᓚᖏᑦ 41:14

ᑭᓇᒧᑦ ᐊᒡᓕᕈᖏᒃ ᐂᑦᑕᕐᑎᑕᐅᔪᓐᓇᕐᐹᒃ, ᑭᒍᑎᓂᒃ ᐊᕙᓗᓯᒪᑎᓪᓗᒋᒃ ᐅᓗᕆᐊᓇᕐᑐᓂᒃ?

ᐃᓯᑭᐊᓕᐅᑉ ᐊᒡᓚᖏᑦ 40:2

ᒎᑎᐅᑉ ᑕᑯᑎᑕᐅᓂᒃᑯᑦ ᐃᓴᕆᐊᓕᒥᐅᑦ ᓄᓇᖓᓄᐊᕈᑎᕚᖓ, ᖃᖅᑳᓘᓪᓗ ᐳᕐᑐᔫᑉ ᖃᖓᓄᐊᕐᑎᑉᐹᖓ, ᐃᒡᓗᒐᓴᒡᔪᐊᑎᑐᑦ ᓴᓇᓯᒪᔫᔮᕐᑐᓂᒃ ᐊᑭᓪᓗᐊᓐᓂ ᑕᑯᓕᕐᐳᖓ.

ᑖᓂᐊᓕᐅᑉ ᐊᒡᓚᖏᑦ 2:19

ᐅᓐᓄᐊᖑᑎᓪᓗᒍ ᓇᓗᓇᕐᑐᖅ ᑕᒪᓐᓇ ᓇᓗᓇᕈᓐᓃᕐᑎᑕᐅᕗᖅ ᑖᓂᐊᓕᒧᑦ ᑕᑯᑎᑕᐅᓂᒃᑯᑦ. ᑖᓂᐊᓕᐅᓪᓗ ᒎᑎ ᕿᓚᖕᒦᑦᑐᖅ ᓂᕐᑐᕐᐹ:

ᑖᓂᐊᓕᐅᑉ ᐊᒡᓚᖏᑦ 7:13

“ᑕᑯᑎᑕᐅᑎᓪᓗᖓ ᐅᓐᓄᐊᒥ ᑕᑯᕗᖓ ᐃᓅᑉ ᐃᕐᓂᖓᑕ ᐊᑦᔨᖓᓂᒃ ᓄᕗᔭᓃᑦᑐᒥᒃ, ᑍᒪᖓᑐᖃᕐᓗ ᐃᓅᔪᖅ ᐅᐸᒃᐹ, ᓇᔪᒐᖓᓄᐊᕐᑎᑕᐅᓪᓗᓂᓗ.

ᑖᓂᐊᓕᐅᑉ ᐊᒡᓚᖏᑦ 7:2

ᑖᓂᐊᓕ ᐅᖃᕐᐳᖅ, “ᐅᓐᓄᐊᒃᑯᑦ ᑕᑯᑎᑕᐅᓪᓗᖓ ᑕᑯᓚᐅᕐᐳᖓ, ᐊᓄᕆᓂᒃ ᓯᑕᒪᓂᒃ ᕿᓚᖕᒥᑦ ᐱᔪᓂᒃ ᐃᒪᕐᔪᐊᒥᒃ ᐊᐅᓚᑎᑦᓯᔪᓂᒃ.

ᑖᓂᐊᓕᐅᑉ ᐊᒡᓚᖏᑦ 8:10

ᑖᓐᓇ ᐊᖏᔪᕐᔪᐊᖑᓕᕐᐳᖅ ᕿᓚᖕᒥᐅᒐᓴᒃᔪᐃᑦ ᑎᑭᓪᓗᒋᑦ, ᐅᓪᓗᕆᐊᑦ ᐃᓚᖏᑦ ᐃᒋᑉᐰᑦ ᓄᓇᒧᑦ ᑐᓪᓕᕋᕐᓗᒋᓪᓗ.

ᑖᓂᐊᓕᐅᑉ ᐊᒡᓚᖏᑦ 8:22

ᓇᒡᔪᐃᑦ ᓯᑕᒪᑦ ᓇᒡᔪᖕᒥᒃ ᐲᕐᑐᒥᒃ ᑭᖑᕝᕕᐅᑎᔪᑦ, ᑐᑭᖃᕐᐳᑦ ᐊᖓᔪᖅᑲᐅᕕᖕᒥᑦ ᑕᕝᕙᓐᖓᑦ ᐃᓅᖃᑎᒌᒡᔪᐊᓂᑦ ᓯᑕᒪᑦ ᐊᖓᔪᖅᑳᕐᔪᐊᖃᕐᕖᑦ ᓴᖅᑭᑦᓱᒫᕐᒪᑕ, ᐊᑐᓂᓪᓕ ᐱᔪᓐᓇᕐᓂᖏᑦ ᐊᑦᔨᒌᒍᒫᓐᖏᓚᑦ.

ᓴᑲᕅᐊᐅᑉ ᐊᒡᓚᖏᑦ 2:1

ᐊᒻᒪ ᓱᓕ ᑕᑯᑎᑦᔪᑎᐅᑉ ᐊᓯᐊᓂᒃ ᑕᑯᒋᕗᖓ, ᐊᖑᒻᒥᒃ ᐆᒃᑑᑎᒥᒃ ᑎᒍᒥᐊᕐᑐᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:3

ᓱᓕ ᓴᖅᑭᑦᑐᖃᕆᕗᖅ ᑕᑯᓕᒪᓇᖏᑦᑐᒥᒃ ᕿᓚᖕᒥ; ᑕᑯᒋᓪᓗ ᐊᐅᐸᕐᑐᒥᒃ ᑐᕌᒎᓂᒥᒃ ᐊᖏᔪᕐᔪᐊᕐᒥᒃ ᓴᖅᑭᑦᑐᖃᕐᐳᖅ, ᓂᐊᖁᖃᕐᑐᒥᒃ 7ᓂᒃ ᖁᓕᓂᒡᓗ ᓇᒡᔪᖃᕐᑐᒥᒃ, ᐊᖓᔪᖅᑳᕐᓯᐅᑎᓂᒡᓗ ᓂᐊᖁᓕᒫᖏᑦ ᓂᐊᖂᓯᕐᓯᒪᓪᓗᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:1

ᐆᒪᔪᐊᓗᖕᒥᒡᓗ ᑕᑯᕗᖓ ᐃᒪᕕᖕᒥᑦ ᖃᑭᔪᒥᒃ, ᖁᓕᓂᒃ ᓇᒡᔪᖃᕐᑐᒥᒃ 7ᓂᒡᓗ ᓂᐊᖁᖃᕐᓗᓂ, ᓇᒡᔪᖏᓪᓗ ᐊᑐᓂᑦ ᐊᖓᔪᖅᑳᕐᔪᐊᕐᓯᐅᑎᓂᒃ ᓂᐊᖂᑎᖃᕐᐳᑦ, ᓂᐊᖁᖏᓐᓂᓗ ᑎᑎᕋᕐᓯᒪᔪᖃᕐᐳᖅ ᒎᑎᒥᒃ ᐅᖃᕐᓂᕐᓘᑎᖃᕐᑐᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:12

“ᓇᒡᔪᐃᓪᓗ ᖁᓖᑦ ᑕᑯᔭᑎᑦ ᐊᖓᔪᖅᑳᕐᔪᐊᖑᕗᑦ ᖁᓕᑦ ᓱᓕ ᐊᖓᔪᖅᑳᕐᔪᐊᓐᖑᓚᐅᖏᑦᑐᑦ, ᑭᓯᐊᓂᓕ ᐱᔪᓐᓇᕐᓯᑎᑕᐅᔪᒫᕐᐳᑦ ᐊᖓᔪᖅᑳᕐᔪᐊᖑᖁᓪᓗᒋᑦ ᐃᑲᕐᕋᕐᒥᒃ ᐊᑕᐅᓯᕐᒥᒃ, ᐊᐅᓚᑦᓯᖃᑎᖃᕐᓗᑎᒃ ᐆᒪᔪᐊᓗᖕᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:7

ᐂᖏᓕᐅᓪᓕ ᐅᖃᐅᑎᕚᖓ, “ᓱᖕᒪᑦ ᑲᒪᓂᐊᕈᑎᒋᕕᐅᒃ? ᐅᖃᐅᑎᔪᒪᕙᒋᑦ ᑖᒃᑯᐊ ᓇᓗᓇᕐᓂᖏᑕ ᑐᑭᖏᓐᓂᒃ, ᐆᒪᔪᐊᓘᓪᓗ ᓇᓗᓇᕐᓂᖓᓂᒃ ᓂᐊᖁᖃᕐᑐᒥᒃ 7ᓂᒃ ᓇᒡᔪᖃᕐᓗᓂᓗ ᖁᓕᓂᒃ ᐊᕐᓇᐅᑉ ᐃᑭᒪᕕᒋᔭᖓᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:8

ᑖᓐᓇ ᐆᒪᔪᐊᓗᒃ ᑕᑯᓚᐅᕐᑍᑦ ᐆᒪᓚᐅᕐᑑᒐᓗᐊᖅ, ᒫᓐᓇᓕ ᑐᖁᖓᓕᕐᑐᖅ, ᑖᓐᓇᓗ ᒪᑭᑦᓱᒫᕐᐳᖅ ᐃᑎᕐᓴᕐᔪᐊᒥᑦ ᓇᑎᖃᖏᑦᑐᒥᑦ ᐊᓯᕈᕐᑕᐅᔭᕐᑐᓕᕐᓗᓂ; ᓄᓇᕐᔪᐊᒥᓗ ᐃᓅᔪᑦ ᐃᓅᓯᕾᓐᓇᕐᓇᕐᑐᒥ ᐃᓅᔪᒃᓮᑦ ᐊᑎᖃᕐᕕᖏᓐᓂ ᐊᑎᖏᑦ ᑎᑎᕋᕐᑕᐅᓯᒪᖏᑦᑐᑦ ᑍᒪᓐᖓᓂᑦ ᓯᓚᕐᔪᐊᖅ ᐱᓐᖑᕐᑎᑕᐅᓂᖓᓂᑦ, ᑖᒃᑯᐊ ᐆᒪᔪᐊᓗᒃ ᑕᑯᓕᕈᓂᑦᔪᒃ ᑲᒪᓂᐊᕈᑎᒋᔪᒫᕐᐹᑦ, ᑖᓐᓇ ᐆᒪᓚᐅᕐᑑᒐᓗᐊᖅ ᒫᓐᓇᓗ ᑐᖁᖓᓕᕐᑐᖅ ᓱᓕ ᑕᑯᓕᕈᓂᑦᔪᒃ.