ᑖᓂᐊᓕᐅᑉ ᐊᒡᓚᖏᑦ 7:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ “ᑖᒃᑯᐊ ᑕᕝᕙ ᑕᑯᑎᑕᐅᓃᑦ ᐃᓱᐊᑦ, ᐅᕙᖓ ᑖᓂᐊᓕ ᐃᓱᒪᔮᕈᑎᒋᓚᐅᕐᐸᒃᑲ, ᑮᓇᕋᓗ ᐊᐅᖃᕈᓐᓃᓚᐅᕐᐳᖅ, ᑭᓇᒧᓪᓘᓐᓃᑦ ᐅᖃᓚᐅᓐᖏᓚᖓ ᐆᒻᒪᒻᒥᐅᑕᕆᑐᐃᓐᓇᓚᐅᕐᐸᒃᑲᓕ.”

ᑖᓂᐊᓕᐅᑉ ᐊᒡᓚᖏᑦ 7:28 Iomraidhean Croise

ᒨᓯᓯ ᓯᕗᓪᓖᑦ 37:10

ᑕᒪᑐᒥᖓᓕ ᐊᑖᑕᓂ ᐊᖓᔪᓂᓗ ᐅᓂᒃᑲᐅᑎᖕᒪᒋᑦ, ᐊᑖᑕᖓᑕ ᓱᐊᒡᓗᒍ, ᐅᖃᐅᑎᕚ, “ᓯᓐᓇᒃᑐᐃᓄᓇ ᖃᓄᖅ ᑐᑭᓕᒃ? ᐊᓈᓁᓪᓗ ᐊᖓᔪᑎᓪᓗ ᑍᒤᓪᓚᕆᒋᐊᖃᕐᐱᑖ ᓄᓇᒧᑦ ᐹᒻᒪᒃᑎᕐᑐᒃᓴᐅᕕᑖ ᓵᖕᓂ?”

ᒨᓯᓯ ᓯᕗᓪᓖᑦ 37:11

ᐊᖓᔪᖏᑕᓗ ᓯᒡᒐᑎᓕᕐᐹᑦ, ᐊᑖᑕᖓᑕᓕ ᑕᒪᓐᓇ ᐃᓱᒪᒥᐅᑕᕆᓕᕐᐹ.

ᑖᓂᐊᓕᐅᑉ ᐊᒡᓚᖏᑦ 10:16

ᑕᕝᕙ ᐊᖑᑎᑎᑐᑦ ᑕᐅᑦᑐᓕᐅᑉ ᖃᓂᕋ ᐊᒃᑐᕐᐹ, ᐂᑦᑕᕐᓗᖓᓗ ᐅᖃᓕᕐᐳᖓ ᓵᓐᓂ ᓇᖏᕐᑐᒧᑦ, “ᐊᑕᓂᕋ, ᕿᒃᓵᒃᑐᐊᓘᒐᒪ ᑕᑯᑎᑕᐅᓂᕋ ᑕᒪᓐᓇ ᐱᑦᔪᑎᒋᓪᓗᒍ, ᐱᔪᓐᓇᕐᓂᖃᖏᑦᓯᐊᓕᕋᒪ.

ᑖᓂᐊᓕᐅᑉ ᐊᒡᓚᖏᑦ 10:8

ᑍᒤᒻᒪᑦ ᐃᓄᑑᓕᓚᐅᕐᐳᖓ, ᑕᒪᑐᒥᖓ ᑕᑯᑎᑕᐅᓂᕐᔪᐊᒥᒃ ᑕᑯᓐᓈᕐᓗᖓ; ᓄᑭᖃᕈᓐᓃᓚᐅᕐᐳᖓ, ᑮᓇᕋᓗ ᑐᖁᖓᔪᑎᑐᑦ ᖃᑯᕐᓯᓪᓗᓂ, ᓄᑭᖃᖏᑦᓯᐊᓕᕐᓗᖓᓗ.

ᑖᓂᐊᓕᐅᑉ ᐊᒡᓚᖏᑦ 11:27

ᑖᒃᑯᐊᒃ ᐊᖓᔪᖅᑳᕐᔪᐊᒃ ᒪᕐᕉᒃ, ᑕᒪᕐᒥᒃ ᐱᐅᖏᑦᑐᒥᒃ ᐆᒻᒪᑎᖃᕐᓗᑎᒃ, ᓂᕆᕕᖕᒥ ᐃᒃᓯᕙᖃᑎᒌᒍᒫᕐᐴᒃ ᓴᒡᓗᓂᕐᒥᒡᓗ ᐃᒻᒥᖕᓄᑦ ᓂᓪᓕᐊᖃᑎᒌᒡᓗᑎᒃ, ᓵᓚᒌᖃᑦᑕᐅᑎᔪᒫᓐᖏᓚᒃ ᐱᕕᒃᓴᖓᒃ ᓈᒻᒪᒃᓯᖏᒻᒪᑦ ᓱᓕ.

ᑖᓂᐊᓕᐅᑉ ᐊᒡᓚᖏᑦ 12:13

ᐃᕝᕕᓪᓕ, ᐊᖏᕐᕋᓕᕆᑦ ᐃᓱᐊ ᐅᑕᖅᑭᓗᒍ ᑕᕾᕐᓯᕐᓗᑎᑦ, ᐅᓪᓗᐃᑦ ᐃᓱᓕᑉᐸᑕ ᒪᑭᑦᓱᒫᕋᕕᑦ ᓇᓚᐅᑦᑖᕈᑎᒃᑯᓪᓗ ᐱᑖᕆᔭᒃᓮᑦ ᐃᓕᖕᓄᑦ ᑐᓂᔭᐅᔪᒫᕐᐳᖅ.

ᑖᓂᐊᓕᐅᑉ ᐊᒡᓚᖏᑦ 12:9

ᑭᐅᕚᖓᓗ, “ᑖᓂᐊᓖ, ᐊᐅᓪᓚᓕᕆᑦ, ᐅᖃᐅᓰᑦ ᑕᒪᒃᑯᐊ ᒪᑐᓯᒪᖕᒪᑕ ᓇᕿᑦᔪᓯᕐᓯᒪᓪᓗᑎᒡᓗ ᑭᓯᐊᓂ ᐃᓱᐊᑕ ᓇᓪᓕᐅᑎᓂᖓ ᑎᑭᑉᐸᑦ.”

ᑖᓂᐊᓕᐅᑉ ᐊᒡᓚᖏᑦ 4:16

ᐃᓱᒪᖓ ᐊᓯᑦᔨᓕᕐᓕ ᐃᓅᑉ ᐃᓱᒪᑦᔪᓯᖓᓂᑦ, ᐆᒪᔪᐃᑦ ᐃᓱᒪᑦᔪᓯᖓᓂᒃ ᐃᓱᒪᖃᓕᕐᓕ, ᓇᓪᓕᐅᓐᓃᑦ 7 ᐊᓂᒍᕐᓗᒋᑦ.

ᑖᓂᐊᓕᐅᑉ ᐊᒡᓚᖏᑦ 4:19

ᑕᕝᕙ ᑖᓂᐊᓕ ᐱᐊᓪᓴᔮᕆᒥᒃ ᑍᔭᐅᔪᖅ, ᐊᑯᓂ ᑕᑕᒥᓐᓂᐊᓚᐅᕐᐳᖅ ᐃᓱᒪᖓᑕᓗ ᑲᑉᐱᐊᓱᒃᑎᓚᐅᕐᐹ, ᑍᒤᒻᒪᑦ ᐊᖓᔪᖅᑳᕐᔪᐊᑉ ᐅᖃᐅᑎᕚ, “ᐱᐊᓪᓴᓵᕆ, ᓯᓐᓇᒃᑑᑉ ᑕᒪᑐᒪ ᑐᑭᖓᑕᓘᓐᓃᑦ ᐃᓱᒪᔮᕐᑎᑦᑍᓕᓕᑎᑦ.” ᐱᐊᓪᓴᓵᕆᐅᑉ ᑭᐅᕚ, “ᐊᖓᔪᖅᑳᒃ, ᑕᒪᓐᓇ ᓯᓐᓇᒃᑐᖅ ᐃᕝᕕᑦ ᐊᑭᕋᖏᓐᓄᑦ ᑐᕌᖓᔪᓐᓇᖁᔪᒥᓇᖅ, ᑐᑭᖓᓗ ᐊᑭᕋᕐᑐᕐᑎᖕᓄᑦ ᑐᕌᖓᖁᔪᒥᓇᖅ!

ᑖᓂᐊᓕᐅᑉ ᐊᒡᓚᖏᑦ 5:6

ᑮᓇᖓᑕ ᑕᐅᑦᑐᐊ ᖃᑯᕐᓯᕗᖅ, ᑲᑉᐱᐊᓱᒻᒪᕆᓕᕐᓗᓂ ᓰᖅᑯᖏᒡᓗ ᓴᔪᒃᐴᒃ, ᓂᐅᖏᒃ ᓄᑮᕐᓗᑎᒃ.

ᑖᓂᐊᓕᐅᑉ ᐊᒡᓚᖏᑦ 7:15

“ᐅᕙᖓ ᑖᓂᐊᓕ, ᐊᓂᕐᓂᑯᑦ ᐃᓱᒪᔮᓚᐅᕐᐳᖓ, ᑕᑯᑎᑕᐅᓂᖅ ᐃᓱᒪᓐᓄᑦ ᑎᑭᓯᒪᔪᖅ ᐱᑦᔪᑎᒋᓪᓗᒍ.

ᑖᓂᐊᓕᐅᑉ ᐊᒡᓚᖏᑦ 8:1

ᐊᖓᔪᖅᑳᕐᔪᐊᑉ ᐱᐅᓪᓴᔮᐅᑉ ᐊᖓᔪᖅᑳᕐᔪᐊᖑᓂᖓᑕ ᐊᕐᕌᒍᑦ ᐱᖓᔪᖓᓐᓂ, ᐅᕙᖓ ᑖᓂᐊᓕ, ᑕᑯᑎᑕᐅᓚᐅᕐᐳᖓ, ᑍᑦᓱᒪ ᑕᑯᑎᑕᐅᓂᕐᒪ ᓯᕗᓪᓕᐅᑉ ᑭᖑᓂᖓᒍᑦ.

ᑖᓂᐊᓕᐅᑉ ᐊᒡᓚᖏᑦ 8:17

ᖃᓂᒋᔭᓐᓄᓪᓗ ᕾᕗᖅ, ᓯᕘᕋᓂᕐᒥᒡᓗ ᑕᑕᑉᐳᖓ ᓵᖓᓂᓗ ᐅᕐᕈᓪᓗᖓ ᐹᒻᒪᒃᐳᖓ, ᐅᖃᐅᑎᕚᖓᓗ, “ᐃᓅᑉ ᐃᕐᓂᖓ, ᑐᑭᓯᓕᕆᑦ ᑕᑯᑎᑕᐅᓂᖅ ᑕᒪᓐᓇ ᐱᑦᔪᑎᖃᕐᒪᑦ ᓱᓇᓕᒫᑦ ᐃᓱᒃᓴᖓᓂᒃ.

ᑖᓂᐊᓕᐅᑉ ᐊᒡᓚᖏᑦ 8:19

ᐅᖃᐅᑎᕚᖓ, “ᐅᖃᐅᑎᓂᐊᕋᒃᑭᑦ ᓱᓇᒥᒃ ᐱᔪᖃᕈᒫᕐᒪᖔᑦ ᐅᓪᓗᐃᑦ ᑭᖑᓪᓕᖏᓐᓂ ᓂᓐᖓᐅᒪᓂᕐᔪᐊᖅ ᓇᓪᓕᐅᑎᒃᐸᑦ, ᑕᑯᑎᑕᐅᓂᖅ ᑕᒪᓐᓇ ᐱᑦᔪᑎᖃᕐᒪᑦ ᐃᓱᐊᓂ ᐱᔪᒫᕐᑐᓂᒃ.

ᑖᓂᐊᓕᐅᑉ ᐊᒡᓚᖏᑦ 8:27

ᐅᕙᖓ, ᑖᓂᐊᓕ, ᑕᖃᓚᐅᕐᐳᖓ ᐅᓪᓗᓂᒡᓗ ᐅᓄᕐᑐᓂᒃ ᖃᓂᒪᓪᓗᖓ, ᑭᖑᓂᖓᒍᑦ ᒪᑭᓐᓇᒪ ᐊᖓᔪᖅᑳᕐᔪᐊᑉ ᐱᔭᒃᓴᐅᑎᑕᖏᓐᓂᒃ ᐱᓇᓱᐊᓕᓚᐅᕆᕗᖓ. ᑕᑕᒥᓐᓂᐊᓚᐅᕐᐳᖓᓕ ᑕᑯᑎᑦᔪᑎᓂᒃ ᑐᑭᓯᔭᐅᔪᓐᓇᕐᑑᑉ ᐅᖓᑖᓃᓚᐅᕐᒪᑕ.

ᒫᑯᓯᐅᑉ ᐊᒡᓚᖏᑦ 9:15

ᐃᓄᐃᑦ ᔩᓱᓯᒥᒃ ᑕᑯᒐᒥᒃ ᖁᐊᕐᓵᕐᐳᑦ, ᑐᐊᕕᕐᓗᑎᒃ ᔩᓱᓯᒧᐊᕐᐳᑦ ᑐᓐᖓᓱᒃᑎᓪᓗᒍ.

ᓘᑲᓯᐅᑉ ᐊᒡᓚᖏᑦ 2:19

ᒥᐊᕆᐅᓪᓕ ᑕᒪᒃᑯᐊᓕᒫᑦ ᐃᓱᒪᒥᐅᑕᕆᓕᕐᐰᑦ, ᐃᓱᒪᒃᓴᕐᓯᐅᕈᑎᒋᓪᓗᒋᓪᓗ.

ᓘᑲᓯᐅᑉ ᐊᒡᓚᖏᑦ 2:51

ᔩᓱᓯᐅᑉ ᐊᖓᔪᖅᑳᖕᓂ ᐊᖏᕐᕋᐅᖃᑎᒋᓕᕐᐹᒃ ᓈᓴᕇᑎᒧᑦ, ᓈᓚᑦᓯᐊᕐᓗᒋᒃ; ᐊᓈᓇᖓᑕᓕ ᑕᒪᒃᑯᐊ ᐅᖃᐅᓯᓕᒫᖏᑦ ᐃᓱᒪᒥᐅᑕᕆᓕᕐᐰᑦ.

ᓘᑲᓯᐅᑉ ᐊᒡᓚᖏᑦ 9:44

“ᐅᑯᐊ ᐅᖃᐅᓯᕆᓂᐊᕐᑕᒃᑲ ᐳᐃᒍᕐᑍᓕᓯᐅᒃ; ᐃᓅᑉ ᐃᕐᓂᖓ ᐱᑎᑕᐅᒋᐊᕕᓕᕐᐳᖅ ᐃᓄᐃᑦ ᐱᔪᓐᓇᕐᓂᖏᓐᓄᑦ.”