ᑖᓂᐊᓕᐅᑉ ᐊᒡᓚᖏᑦ 7:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ “ᑐᑭᓯᔪᒪᓚᐅᕆᕙᕋ ᐆᒪᔪᐊᓗᐃᑦ ᑕᑯᔭᒪ ᓯᑕᒪᖓᑕ ᑐᑭᖓ, ᑖᓐᓇ ᐊᑦᔨᒋᔭᐅᖏᑦᑐᖅ ᐆᒪᔪᐊᓗᖕᓂᑦ ᐊᓯᖏᓐᓂᑦ, ᑲᑉᐱᐊᓇᕐᓂᕐᐹᖑᓪᓗᓂᓗ, ᑭᒍᑎᖃᕐᑐᖅ ᓴᕕᕋᔭᖕᓂᒃ ᑯᑭᖃᕐᓗᓂᓗ ᖃᑯᕐᓕᕐᓂᒃ, ᑖᓐᓇ ᖃᖅᑯᐊᕐᐳᖅ ᓂᕆᓪᓗᓂᓗ ᓵᓚᒋᔭᒥᓂᒃ, ᑐᓪᓕᕋᕐᓗᓂᓗ ᐊᒥᐊᒃᑯᒥᓂᒃ.

ᑖᓂᐊᓕᐅᑉ ᐊᒡᓚᖏᑦ 7:19 Iomraidhean Croise

ᑖᓂᐊᓕᐅᑉ ᐊᒡᓚᖏᑦ 7:20

ᑐᑭᓯᔪᒪᓚᐅᕆᕙᒃᑲᓗ ᓂᐊᖁᖓᓂ ᓇᒡᔪᖏᑦ ᖁᓕᑦ, ᐃᓚᖓᓪᓗ ᐊᑯᓐᓂᖏᑎᒍᑦ ᐱᕈᕐᑐᖅ, ᑖᑦᓱᒪᓗ ᓯᕗᓂᐊᒍᑦ ᓇᒡᔪᐃᑦ ᐱᖓᓱᑦ ᐲᕐᑐᑦ, ᑖᓐᓇ ᑕᑯᓴᐅᓂᕐᓴᐅᔮᕐᑐᖅ ᐊᓯᒥᓂᑦ, ᐃᔨᖃᕐᓗᓂᓗ ᖃᓂᕐᒥᓄᓪᓗ ᓂᓪᓕᐊᔪᖅ ᐱᐅᔪᕆᓂᕐᒥᓂᒃ.

ᑖᓂᐊᓕᐅᑉ ᐊᒡᓚᖏᑦ 7:7

“ᓱᓕ, ᐅᓐᓄᐊᒥ ᑕᑯᑎᑕᐅᓪᓗᖓ ᑕᑯᒋᕗᖓ ᐆᒪᔪᐊᓗᐃᑦ ᓯᑕᒪᖓᓐᓂᒃ, ᑲᑉᐱᐊᓇᕐᑑᓪᓗᓂ ᓯᕘᕋᓇᕐᑐᖅ ᓴᓐᖏᔪᕐᔪᐊᖑᓪᓗᓂᓗ, ᑭᒍᑎᖃᕐᐳᖅ ᓴᕕᕋᔭᖕᓂᒃ ᐊᖏᔪᐊᓗᖕᓂᒃ; ᖃᖅᑯᐊᕐᐳᖅ ᓂᕆᓪᓗᓂᓗ ᓵᓚᒋᔭᒥᓂᒃ, ᑐᓪᓕᕋᕐᐰᓪᓗ ᐊᒥᐊᒃᑯᓂ. ᐆᒪᔪᕐᔪᐊᖑᖃᑎᒥᓂᑦ ᓯᕗᓪᓕᕐᓂᑦ ᐊᑦᔨᒋᔭᐅᓐᖏᓚᖅ, ᖁᓕᓂᑦ ᓇᒡᔪᖃᕐᑐᖅ.

ᑖᓂᐊᓕᐅᑉ ᐊᒡᓚᖏᑦ 7:8

ᓇᒡᔪᖏᓐᓂᒃ ᐃᓱᒪᒃᓴᕐᓯᐅᕈᑎᖃᕐᑎᓪᓗᖓ, ᓇᒡᔪᒃ ᒥᑭᔪᖅ ᓄᐃᕗᖅ ᓇᒡᔪᐃᑦ ᐊᑯᓐᓂᖓᑦᑎᒍᑦ, ᓇᒡᔪᐃᑦ ᓯᕗᓪᓖᑦ ᐱᖓᓱᑦ ᒪᓐᖑᖏᑎᒍᑦ ᑖᑦᓱᒪ ᐲᕐᑎᑉᐰᑦ, ᓇᒡᔪᒃ ᑖᓐᓇ ᐃᔨᖃᕐᐳᖅ ᐃᓅᑉ ᐃᔨᖏᒃᑎᑐᑦ ᖃᓂᖃᕐᓗᓂᓗ ᓂᓪᓕᐊᔪᒥᒃ ᐱᐅᔪᕆᓂᕐᒥᓂᒃ.”