ᑖᓂᐊᓕᐅᑉ ᐊᒡᓚᖏᑦ 7:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᖁᑦᓯᖕᓂᕐᐹᖑᔫᓪᓕ ᐃᑦᔪᕐᓁᑦᑐᖁᑎᖏᑦ ᐊᖓᔪᖅᑲᐅᕕᖕᒥᒃ ᑐᓂᓯᔭᐅᔪᒫᕐᐳᑦ, ᐱᓯᒤᓐᓇᓕᕐᓗᒍᓗ, ᐃᓱᖃᖏᑦᑐᒧᑦ, ᐃᓛᒃ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.’

ᑖᓂᐊᓕᐅᑉ ᐊᒡᓚᖏᑦ 7:18 Iomraidhean Croise

ᐃᓐᖏᕈᑎᑦ 45:16

ᐃᕐᓂᑎᑦ ᐊᑖᑕᕕᑦ ᐃᓂᖓᓃᑦᓱᒫᕐᐳᑦ, ᓄᓇᕐᔪᐊᓕᒫᒥᓗ ᐊᖓᔪᖅᑳᕐᔪᐊᒧᑦ ᑐᖓᓕᐅᑎᑦᓱᒫᕐᐸᑎᑦ.

ᐃᓐᖏᕈᑎᑦ 49:14

ᓰᐱᑎᑐᑦ ᑐᖁᖓᔪᑦ ᐃᓂᖓᓂ ᐃᓂᒃᓴᖃᕐᐳᑦ; ᑐᖂᑉ ᓂᕿᒋᔪᒫᕐᐰᑦ; ᓱᓕᑦᓯᐊᕐᑐᓪᓕ ᐊᖓᔪᖅᑳᖑᔪᒫᕐᐳᑦ ᑖᒃᑯᓄᖓ ᐅᓪᓛᒥ; ᐃᓂᖁᓇᕐᓂᖏᑦ ᓱᕈᕈᒫᕐᐳᑦ ᐃᓗᕕᕐᒥ, ᐊᔪᖏᓐᓂᕆᓚᐅᕐᑕᑎᒃ ᐅᖓᓯᒋᓕᕐᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 14:2

ᐃᓅᖃᑎᒌᒡᔪᐊᑦ ᔫᑎᐅᖏᑦᑐᑦ ᐃᓴᕆᐊᓕᒥᐅᓂᒃ ᐃᑲᔪᓕᕈᒫᕐᐳᑦ ᓄᓇᑐᖃᖏᓐᓄᑦ ᐅᑎᕐᑎᐅᕋᕐᓗᒋᑦ, ᐊᑕᓂᐅᑉ ᓄᓇᖁᑎᖓᓂ ᐊᖑᑎᑦ ᐊᕐᓁᓪᓗ ᓯᐊᓛᕆᓗᒋᑦ; ᑎᒍᓯᓯᒪᓕᕈᒫᕐᐳᑦ ᑎᒍᔨᒋᓚᐅᕐᑕᒥᖕᓂᒃ, ᐊᖓᔪᖅᑳᖑᕕᒋᓕᕐᓗᒋᓪᓗ ᓵᓚᒋᔨᒋᓯᒪᓚᐅᕐᑕᑎᒃ.

ᑖᓂᐊᓕᐅᑉ ᐊᒡᓚᖏᑦ 7:14

ᑖᓐᓇ ᐊᖓᔪᖅᑲᐅᓂᕐᒥᒃ ᑐᓂᓯᕝᕕᐅᕗᖅ, ᐃᓅᖃᓐᓂᕐᓂᕐᒥᒡᓗ ᐊᖓᔪᖅᑲᐅᓂᕐᒥᒡᓗ; ᐃᓄᓕᒫᓪᓗ, ᐃᓅᖃᑎᒌᒡᔪᐃᓪᓗ ᓇᑭᑐᐃᓐᓇᖅ ᐱᓯᒪᔪᑦ ᖃᓄᑐᐃᓐᓇᕐᓗ ᐅᖃᐅᓯᓖᑦ ᑐᒃᓯᐊᕐᕕᒋᕚᑦ: ᐊᖓᔪᖅᑲᐅᕕᖓ ᐃᓱᖃᖏᑦᑐᒧᑦ ᐊᖓᔪᖅᑲᐅᓂᐅᕗᖅ ᐃᓱᓕᓐᓂᐊᕋᓂᓗ, ᐊᖓᔪᖅᑳᔪᐊᖑᕕᖓ ᑍᒪᓐᖓᑦ ᓵᓚᐅᓂᐊᓐᖏᓚᖅ.”

ᑖᓂᐊᓕᐅᑉ ᐊᒡᓚᖏᑦ 7:17

‘ᐆᒪᔪᐊᓗᐃᑦ ᓯᑕᒪᑦ ᑕᑯᔭᑎᑦ ᓯᑕᒪᐅᕗᑦ ᐊᖓᔪᖅᑲᐅᕖᑦ, ᓄᓇᒥ ᐊᖓᔪᖅᑲᐅᓂᐅᔪᒫᕐᑐᑦ.

ᑖᓂᐊᓕᐅᑉ ᐊᒡᓚᖏᑦ 7:22

ᑍᒪᓐᖓᑐᖃᕐᓂᑦ ᐃᓅᔪᖅ ᕾᓚᐅᖏᓐᓂᖓᓂ, ᐃᖅᑲᕐᑐᐃᓂᕐᒥᒡᓗ ᓴᖅᑭᑎᑦᓯᓪᓗᓂ ᖁᑦᓯᖕᓂᕐᐹᑉ ᐃᑦᔪᕐᓁᑦᑐᖁᑎᖏᑦ ᓴᐳᑎᕔᑦ, ᓇᓪᓕᐅᑎᓪᓗᓂᓗ ᐊᖓᔪᖅᑲᐅᓂᖅ ᑖᒃᑯᓇᖓᑦ ᐱᓯᒪᔭᐅᓕᕐᕕᒃᓴᖓᑦ.

ᑖᓂᐊᓕᐅᑉ ᐊᒡᓚᖏᑦ 7:25

ᑖᓐᓇ ᓂᓪᓕᐊᔪᒫᕐᐳᖅ ᖁᑦᓯᖕᓂᕐᐹᖑᔪᖅ ᐊᑭᕋᕐᑐᕐᓗᒍ ᐅᖁᒤᒃᓴᕐᑎᓪᓗᒋᓪᓗ ᖁᑦᓯᖕᓂᕐᐹᖑᔪᑉ ᐃᑦᔪᕐᓁᑦᑐᖁᑎᖏᑦ, ᐋᖅᑭᒃᓱᐃᓇᓱᐊᕈᒫᕐᓗᓂᓗ ᐱᖁᔭᓂᒃ ᓇᓪᓕᐅᓂᕐᓯᐅᕕᖕᓂᒡᓗ ᐊᓯᑦᔩᓇᓱᐊᕈᒫᕐᓗᓂ. ᖁᑦᓯᖕᓂᕐᐹᓪᓗ ᐃᑦᔪᕐᓁᑦᑐᖁᑎᖏᑦ ᓯᐊᓛᕆᑬᓐᓇᕈᒫᕐᐰᑦ, ᓇᓪᓕᐅᓐᓂᕐᓂᒃ ᐱᖓᓱᓂᒃ ᐊᕝᕙᕐᒥᒡᓗ.

ᑖᓂᐊᓕᐅᑉ ᐊᒡᓚᖏᑦ 7:27

ᐊᖓᔪᖅᑲᐅᓂᖅ, ᐱᔪᓐᓇᕐᓂᕐᓗ, ᐊᖏᔫᓂᕐᓗ ᐊᑕᓂᐅᕕᖕᒥᑦ ᐱᔪᑦ ᕿᓚᐅᑉ ᐊᑖᓃᑦᑐᓕᒫᑦ ᑐᓂᔭᐅᔪᒫᕐᐳᑦ ᖁᑦᓯᖕᓂᕐᐹᑉ ᐃᑦᔪᕐᓁᑦᑐᖁᑎᖏᓐᓄᑦ, ᑖᑦᓱᒪ ᐊᑕᓂᐅᕕᖓ, ᐃᓱᖃᖏᑦᑐᒧᑦ ᐊᖓᔪᖅᑲᐅᓂᐅᔪᒫᕐᐳᖅ, ᐊᖓᔪᖅᑳᕐᔪᐊᓕᒫᓪᓗ ᐱᔨᑦᓯᕈᒫᕐᐹᑦ ᓈᓚᒡᓗᒍᓗ.’

ᐅᐸᑍᐊᑉ ᐊᒡᓚᖏᑦ 1:17

“ᖃᖅᑲᒥ ᓮᐅᓂᒥ ᕿᒫᓯᒪᔪᖃᕈᒫᕐᐳᖅ, ᐃᑦᔪᕐᓁᑦᑑᔪᒫᕐᐳᕐᓗ ᑖᓐᓇ ᖃᖅᑲᖅ; ᔧᑰᓪᓗ ᑭᖑᕚᖏᑕ ᓄᓇᒋᓚᐅᕐᑕᑎᒃ ᐅᑎᕐᑎᑦᓱᒫᕆᕔᑦ.

ᓘᑲᓯᐅᑉ ᐊᒡᓚᖏᑦ 1:33

ᐊᖓᔪᖅᑳᕐᔪᐊᖑᔪᒫᕐᐳᖅ ᔧᑰᑉ ᑭᖑᕚᖏᓐᓂᑦ ᐃᓱᖃᖏᑦᑐᒧᑦ; ᐊᑕᓂᐅᓂᖓ ᐃᓱᖃᕈᒫᓐᖏᓚᖅ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:2

ᖃᐅᔨᒪᓐᖏᓚᓰ ᒎᑎᐅᑉ ᐃᓄᖁᑎᖏᑕ ᓯᓚᕐᔪᐊᕐᒥᐅᑦ ᐃᖅᑲᕐᑐᕈᒫᕐᒪᒋᑦ? ᓯᓚᕐᔪᐊᕐᒥᐅᓂᒡᓕ ᐃᖅᑲᕐᑐᐃᔪᒫᕈᑦᓯ, ᐱᔭᕆᐊᑭᓐᓂᕐᓴᓂᒃ ᐃᖅᑲᕐᑐᐃᔪᓐᓇᓐᖏᓚᓰ?

ᐃᐱᓯᒥᐅᓄᑦ 1:3

ᓂᕐᑐᕐᑕᐅᓕ ᒎᑎ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐊᑖᑕᖓ! ᑖᑦᓱᒪ ᙭ᔅᑑᓯᒥ ᐊᓂᕐᓂᒃᑯᑦ ᓮᒻᒪᕐᑎᑕᐅᔪᑕᐅᔪᓐᓇᕐᑐᓂ ᑕᒤᓐᓂᒃ ᐱᑎᓚᐅᕐᐹᑎᒍᑦ, ᕿᓚᖕᒥᐅᑍᑦ ᓇᔪᕐᑕᖏᓐᓂᒃ ᙭ᔅᑑᓯᒥᐅᑕᐅᓂᑦᑎᓐᓄᑦ.

ᐃᐱᓯᒥᐅᓄᑦ 6:12

ᐃᓄᖕᓂᒃ ᑎᒥᖃᕐᑐᓂᒃ ᑕᑯᒃᓴᐅᔪᓂᒃ ᐅᓇᑕᖏᓐᓇᑦᑕ, ᐊᔪᖏᑦᑐᕐᔪᐊᓄᓪᓕ ᐅᓇᑕᕐᐳᒍᑦ, ᐱᔪᓐᓇᕐᑐᕐᔪᐊᓄᑦ, ᐊᐅᓚᑦᓯᔪᓄᑦ ᓯᓚᕐᔪᐊᕐᒥ ᐊᖓᔪᖅᑲᐅᔪᓄᑦ, ᐊᖓᔪᖅᑳᖑᑎᑕᐅᔪᓄᓪᓗ ᓯᓚᕐᔫᑉ ᑕᒪᑐᒪ ᑖᕐᑑᓂᖓᓂ ᐱᔪᓐᓇᕐᓂᕐᔪᐊᖃᕐᑐᓄᑦ, ᐊᓂᕐᓂᕐᓄᑦ ᐱᐅᖏᑦᑐᕐᔪᐊᓄᑦ ᕿᓚᐅᑉ ᐊᑖᓃᑦᑐᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:4

ᑕᕝᕙ ᐃᒃᓯᕙᐅᑕᕐᔪᐊᓂᒃ ᑕᑯᒋᕗᖓ, ᑕᕝᕙᓂᓗ ᐃᒃᓯᕙᔪᑦ ᐱᔪᓐᓇᕐᓂᕐᒥᒃ ᑐᓂᓯᕕᐅᕗᑦ ᐃᖅᑲᕐᑐᐃᔪᓐᓇᖁᓪᓗᒋᑦ. ᑕᑯᒋᕗᖓᓗ ᓂᐊᖁᐃᕐᑕᐅᓯᒪᔪᑦ ᑕᕐᓂᖏᓐᓂᒃ ᐅᖃᐅᓯᖃᕐᓂᖏᓐᓄᑦ ᔩᓱᓯᒥᒃ ᒎᑎᐅᓪᓗ ᐅᖃᐅᓯᖏᓐᓂᒃ, ᑐᒃᓯᐊᕐᕕᖃᓚᐅᖏᑦᑐᓪᓗ ᐆᒪᔪᐊᓗᖕᒥᒃ ᐅᕝᕙᓗ ᐊᑦᔨᓐᖑᐊᖓᓂᒃ ᓴᓇᓯᒪᔪᒥᒃ ᓇᓗᓁᒃᑯᑕᖓᓂᒡᓗ ᓇᓗᓁᒃᑯᓯᕐᑕᐅᓚᐅᖏᑦᑐᑦ ᖃᐅᒥᒃᑎᒍᑦ ᐊᒡᒐᖕᒥᒃᑎᒍᓪᓘᓐᓃᑦ. ᑖᒃᑯᐊ ᐆᒻᒪᕋᒥᒃ, ᙭ᔅᑑᓯ ᐊᖓᔪᖅᑳᕐᔪᐊᖑᖃᑎᒋᕚᑦ ᐊᕐᕌᒍᓂᒃ 1,000ᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:5

ᑕᕝᕙᓂᓗ ᐅᓐᓄᐊᖃᕈᓐᓃᕈᒫᕐᐳᖅ; ᖃᐅᒻᒪᖅᑯᑎᖃᕆᐊᖃᕈᒫᕋᑎᒡᓗ ᓯᕿᓂᕐᒥᒡᓘᓐᓃᑦ, ᐊᑕᓂᖅ ᒎᑎ ᖃᐅᒻᒪᖅᑯᑎᒋᔪᒫᕐᒪᑦᔪᒃ, ᑕᕝᕙᓂᓗ ᐊᖓᔪᖅᑳᕐᔪᐊᖑᖃᑕᐅᔪᒫᕐᐳᑦ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:21

ᓵᓚᖃᕐᑐᖅ, ᐃᒃᓯᕙᖃᑎᒋᔪᒫᕐᐸᕋ ᐃᒃᓯᕙᐅᑕᕐᔪᐊᓐᓂ, ᓵᓚᖃᕐᓯᒪᒐᒪᑦᑕᐅᑦ ᐊᑖᑕᒐ ᐃᒃᓯᕙᖃᑎᒋᓕᕋᒃᑯ ᐃᒃᓯᕙᐅᑕᕐᔪᐊᖓᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:10

ᑐᓂᕐᕈᓯᕐᑎᑦᓯᔨᓐᖑᕐᑎᑉᐸᑎᓪᓗ ᐊᑕᓂᐅᕕᖕᒥ ᒎᑎᑦᑎᓐᓄᑦ, ᐊᐅᓚᑦᓯᔨᐅᖁᓪᓗᒋᓪᓗ ᓄᓇᕐᔪᐊᕐᒥ.”