ᑖᓂᐊᓕᐅᑉ ᐊᒡᓚᖏᑦ 7:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐊᕐᕌᒍᑦ ᓯᕗᓪᓕᕐᐹᖓᓐᓂᒃ ᐱᐅᓪᓴᔭᐅᑉ ᐹᐱᓘᓂᒥ ᐊᖓᔪᖅᑳᕐᔪᐊᖑᓂᖓᓂ, ᑖᓂᐊᓕ ᓯᓐᓇᒃᑐᓚᐅᕐᐳᖅ ᑕᑯᑎᑕᐅᓪᓗᓂᓗ ᐃᒡᓕᕐᒥᓂ ᓇᓚᑎᓪᓗᒍ. ᐃᒫᒃ ᓯᓐᓇᒃᑐᕐᒥᓂᒃ ᑎᑎᕋᓚᐅᕐᐳᖅ.

ᑖᓂᐊᓕᐅᑉ ᐊᒡᓚᖏᑦ 7:1 Iomraidhean Croise

ᒨᓯᓯ ᓯᕗᓪᓖᑦ 15:1

ᑕᒪᑐᒪᓗ ᑭᖑᓂᖓᒎᓕᕐᑐᖅ ᐊᑕᓂᐅᑉ ᐅᖃᐅᓯᖓ ᐂᑉᕋᒻᒧᑦ ᑎᑭᑉᐳᖅ ᑕᑯᑎᑕᐅᓂᒃᑯᑦ, ᐅᖃᕐᓗᓂ, “ᑲᑉᐱᐊᓱᖕᓇᒃ ᐂᑉᕋᒻ ᓴᐴᓗᑕᕆᕙᕐᒪ; ᐊᑭᓕᕐᑕᐅᓃᑦ ᐊᖏᔪᕐᔪᐊᖑᔪᒫᕐᐳᖅ.”

ᒨᓯᓯ ᓯᕗᓪᓖᑦ 46:2

ᒎᑎᐅᓪᓗ ᐃᓴᕆᐊᓕ ᐅᖃᓪᓚᒡᕕᒋᕚ ᑕᑯᑎᑦᔪᑎᒃᑯᑦ ᐅᓐᓄᐊᖑᑎᓪᓗᒍ, ᐅᖃᕐᓗᓂ, “ᔧᑰ, ᔧᑰ!” ᑖᓐᓇ ᑭᐅᕗᖅ, “ᐅᕙᓃᑉᐳᖓ.”

ᔫᐱᐅᑉ ᐊᒡᓚᖏᑦ 4:13

ᑕᑯᑎᑦᔪᑎᒥᒃ ᕿᒥᕐᕈᐊᓚᐅᕐᐳᖓ ᐅᓐᓄᐊᒥ, ᐅᖁᒪᖏᐅᖅᑲᔪᑎᑐᑦ ᓯᓂᖕᓂᕋ ᑎᑭᑕᐅᓚᐅᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 30:8

ᒫᓐᓇᓕ ᑎᑎᕋᓕᕆᑦ ᐊᒡᓚᖕᓂᒃ ᐅᖃᐅᓯᕆᓗᒋᑦ ᐊᒡᓚᕕᒃᓴᑎᒍᑦ, ᑎᑎᕋᕐᓯᒤᓐᓇᕐᑐᖃᖁᓪᓗᒍ ᖃᐅᔨᒪᑦᔪᑕᐅᓂᐊᕐᑐᓂᒃ ᖃᓄᐃᑦᑑᖕᒪᖔᑕ.

ᐂᓮᐊᓯᐅᑉ ᐊᒡᓚᖏᑦ 8:1

ᐊᑕᓂᕐᓗ ᐅᕙᓐᓄᑦ ᐅᖃᕐᐳᖅ, “ᐊᖏᔪᒥᒃ ᐅᔭᕋᖕᒥᒃ ᑎᑎᕋᕐᕕᒃᓴᕐᑖᕐᓗᑎᑦ ᑎᑎᕋᕐᕕᒋᒍᒃ ᐊᖏᔫᑎᐅᓗᒋᑦ ᐃᒫᒃ, ‘ᑮᓇᐅᔭᕐᑖᑲᐅᕐᑐᕐᓂᖅ, ᐊᓯᐅᔨᑲᐅᕐᑐᕐᓂᕐᓗ.’ ‘ᒥᕼᐊ-ᓴᕼᐊᓚ-ᕼᐊᔅ-ᐸᔾ.’

ᔨᕆᒤᐊᐅᑉ ᐊᒡᓚᖏᑦ 23:28

ᐱᔪᖃᓛᕐᑐᒥᒃ ᐅᖃᕐᑎ ᓯᓐᓇᒃᑑᒪᓐᓂᕈᓂ ᓯᓐᓇᒃᑑᒪᒥᓂᒃ ᐅᓂᒃᑳᕐᓕ, ᐅᖃᐅᓯᓐᓂᒃᑕᐅᖅ ᐱᓯᒪᔪᖅ ᐅᖃᐅᓯᖃᕐᓕ ᑲᔪᓯᑦᓯᐊᕐᓗᓂ. ᓂᐊᖂᔭᒃᓴᖅ ᐊᑦᔨᖃᕈᓐᓇᕐᐹ ᐃᕕᒡᓱᒐᕐᒥᒃ? ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 27:7

ᐃᓅᖃᑎᒌᒡᔪᐊᓪᓗ ᐱᔨᑦᓯᕈᒫᕐᐹᑦ, ᐃᕐᓂᖏᓪᓗ ᐃᕐᖑᑕᖏᓪᓗᑦᑕᐅᖅ ᓇᖕᒥᓂᖅ ᐅᕐᕈᕕᒃᓴᖓ ᑎᑭᓚᐅᖅᑳᕐᑎᓐᓇᒍ, ᑭᖑᓂᖓᒍᓪᓗᑦᑕᐅᖅ ᐊᓯᒥᓄᑦ ᐊᐅᓚᑕᐅᓕᕈᒫᕆᕗᖅ ᐱᔪᓐᓇᕐᓂᖃᕐᓂᕐᓴᐅᔪᓄᑦ.

ᔨᕆᒤᐊᐅᑉ ᐊᒡᓚᖏᑦ 36:32

ᑕᒪᓐᓇ ᐱᓪᓗᒍ ᔨᕆᒤᐊ ᑎᑎᕋᕐᕕᒃᓴᒥᒃ ᐃᒧᑦᑕᕐᑐᒥᒃ ᐱᓪᓗᓂ ᐸᕉᒃᒧᑦ ᑎᑎᕋᕐᑎᒧᑦ ᓂᕅᐊᐅᑉ ᐃᕐᓂᖓᓄᑦ ᑐᓂᕔᑦ, ᔨᕆᒤᐊ ᐅᖃᕐᐸᓪᓕᐊᑎᓪᓗᒍ ᐸᕉᒃ ᑎᑎᕋᕐᐸᓪᓕᐊᓕᕐᐳᖅ ᓯᕗᓪᓕᕐᒦᓚᐅᕐᑐᑦ ᐅᖃᐅᓯᕐᑕᖏᑕ ᐊᑦᔨᖏᓐᓂᒃ, ᔨᕼᐅᐃᐊᑭᐅᑉ ᔫᑕᒥᐅᑦ ᐊᖓᔪᖅᑳᕐᔪᐊᖓᑦᑕ ᐃᑯᐊᓪᓚᓚᐅᕐᑕᖏᑦ ᐃᓚᒃᑲᓐᓂᕐᓗᒋᑦ ᑍᒫᑦᓮᓐᓇᑲᓵᒃ ᐅᖃᐅᓯᖃᕐᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 36:4

ᔨᕆᒤᐊᑉ ᐸᕉᒃ ᓂᕅᐊᐅᑉ ᐃᕐᓂᖓ ᕾᖁᓚᐅᕐᐹ, ᔨᕆᒤᐊ ᐅᖃᓪᓚᒃᐸᓪᓕᐊᑎᓪᓗᒍ ᐱᐅᕋᒃ ᑎᑎᕋᕐᕕᒃᓴᒃᑯᑦ ᐃᒧᑦᑕᕐᑐᒃᑯᑦ ᑎᑎᕋᖁᓪᓗᒍ, ᐊᑕᓂᐅᑉ ᐅᖃᐅᓯᕆᓚᐅᕐᑕᓕᒫᖏᓐᓂᒃ ᑖᑦᓱᒧᖓ.

ᐃᓯᑭᐊᓕᐅᑉ ᐊᒡᓚᖏᑦ 1:1

ᐊᕐᕌᒍᑦ 13ᒋᓕᕐᑕᖏᓐᓂ, ᑕᖅᑮᑦ ᓯᑕᒪᖓᓐᓂ, ᐅᓪᓗᖏᑕ ᑕᓪᓕᒪᖓᓐᓂ, ᐊᐅᓪᓚᕈᑦᔭᐅᓯᒪᔪᓂ ᓄᓇᖃᖃᑕᐅᑎᓪᓗᖓ ᑰᑉ ᓰᐸᕆᒥᒃ ᐊᑎᓕᐅᑉ ᖃᓂᒋᔮᓂ ᐹᐱᓘᓂᐅᑉ ᓄᓇᖓᓂ, ᕿᓚᒃ ᐊᖕᒪᕐᑐᖅ ᑕᑯᕙᕋ ᑕᑯᑎᑕᐅᓪᓗᖓᓗ ᒎᑎᒥᑦ.

ᐃᓯᑭᐊᓕᐅᑉ ᐊᒡᓚᖏᑦ 40:2

ᒎᑎᐅᑉ ᑕᑯᑎᑕᐅᓂᒃᑯᑦ ᐃᓴᕆᐊᓕᒥᐅᑦ ᓄᓇᖓᓄᐊᕈᑎᕚᖓ, ᖃᖅᑳᓘᓪᓗ ᐳᕐᑐᔫᑉ ᖃᖓᓄᐊᕐᑎᑉᐹᖓ, ᐃᒡᓗᒐᓴᒡᔪᐊᑎᑐᑦ ᓴᓇᓯᒪᔫᔮᕐᑐᓂᒃ ᐊᑭᓪᓗᐊᓐᓂ ᑕᑯᓕᕐᐳᖓ.

ᑖᓂᐊᓕᐅᑉ ᐊᒡᓚᖏᑦ 1:17

ᒎᑎᐅᑉ ᑖᒃᑯᐊ ᐃᓅᓱᒃᑐᑦ ᓯᑕᒪᑦ ᑐᓂᓯᕕᒋᕔᑦ, ᖃᐅᔨᒪᓂᕐᒥᒃ ᑐᑭᓯᔪᓐᓇᕐᓂᕐᒥᒡᓗ ᐃᓕᓯᒪᓂᕐᒥᒡᓗ. ᑖᓂᐊᓕᓗ ᑐᑭᓯᔪᓐᓇᕐᑎᑉᐹ ᑕᑯᑎᑕᐅᓂᕐᓂᒃ ᓯᓐᓇᒃᑑᒪᓂᕐᓂᒡᓗ.

ᑖᓂᐊᓕᐅᑉ ᐊᒡᓚᖏᑦ 2:1

ᓂᐱᑯᓁᓴ ᐊᖓᔪᖅᑳᕐᔪᐊᖑᓂᕐᒥ ᐊᕐᕌᒍᖓᑕ ᐂᑉᐸᖓᓂ, ᓯᓐᓇᒃᑑᒪᓚᐅᕐᐳᖅ; ᐃᓱᒪᔮᓕᕐᓗᓂ ᓯᓂᔪᐃᑦᑑᓕᕐᓗᓂᓗ.

ᑖᓂᐊᓕᐅᑉ ᐊᒡᓚᖏᑦ 2:26

ᐊᖓᔪᖅᑳᕐᔪᐊᓪᓗ ᑖᓂᐊᓕ, ᑍᔭᐅᕙᒃᑐᖅ ᐱᐊᓪᓴᔮᕆᒥᒃ ᐊᐱᕆᕚ, “ᖃᐅᔨᑎᑦᓱᓐᓇᕐᐱᖔ ᖃᓄᖅ ᓯᓐᓇᒃᑑᒪᓚᐅᕐᒪᖔᕐᒪ? ᑐᑭᖓᓂᒡᓗ ᐅᖃᐅᑎᓗᖔ?”

ᑖᓂᐊᓕᐅᑉ ᐊᒡᓚᖏᑦ 4:13

“ᑕᑯᑎᑦᔪᑎᒥᒃ ᑕᐅᑐᒃᑎᓪᓗᖓ ᓯᓂᒃᕕᓐᓂ ᓯᓂᒃᓗᖓ, ᑕᑯᓕᕆᕗᖓ ᐂᖏᓕᒥᒃ ᐃᑦᔪᕐᓁᑦᑐᒥᒃ ᖃᐅᔨᓴᕐᑎᒥᒃ ᕿᓚᖕᒥᑦ ᑎᓕᔭᐅᔪᒥᒃ.

ᑖᓂᐊᓕᐅᑉ ᐊᒡᓚᖏᑦ 4:5

ᓯᓐᓇᒃᑐᓚᐅᕐᐳᖓ ᑲᑉᐱᐊᓱᓕᕈᑎᒋᓪᓗᒍᓗ, ᓯᓂᒃᑎᓪᓗᖓ ᓯᓂᒡᕕᓐᓂ, ᑕᑯᓚᐅᕐᐳᖓᓗ ᑕᑯᑎᑕᐅᓂᕐᓂᒃ ᑲᑉᐱᐊᓱᓕᓚᐅᕐᐳᖓᓗ.

ᑖᓂᐊᓕᐅᑉ ᐊᒡᓚᖏᑦ 5:1

ᐊᖓᔪᖅᑳᕐᔪᐊᖅ ᐱᐅᓪᓴᔮ ᓂᕆᕕᒡᔪᐊᕐᑎᑦᓯᓚᐅᕐᐳᖅ ᐊᖓᔪᖅᑳᖁᑎᒥᓂᒃ 1,000ᓂᒃ, ᕔᓂᑐᖃᑎᒋᓪᓗᒋᓪᓗ.

ᑖᓂᐊᓕᐅᑉ ᐊᒡᓚᖏᑦ 5:22

“ᐃᕝᕕᓪᓕ ᐱᐅᓪᓴᔮ, ᒥᑭᒡᓕᑎᓚᐅᖏᓐᓇᕕᑦ, ᑕᒪᒃᑯᓂᖓᓕᒫᖅ ᖃᐅᔨᒪᒐᓗᐊᕐᓗᑎᑦ.

ᑖᓂᐊᓕᐅᑉ ᐊᒡᓚᖏᑦ 5:30

ᐅᓐᓄᐊᒥᓗ ᑍᑦᓱᒪᓂ ᑲᐅᓪᑎᐊᒥᐅᑦ ᐊᖓᔪᖅᑳᕐᔪᐊᖓᑦ ᐱᐅᓪᓴᔮ, ᑐᖁᑕᐅᓚᐅᕐᐳᖅ.

ᑖᓂᐊᓕᐅᑉ ᐊᒡᓚᖏᑦ 7:13

“ᑕᑯᑎᑕᐅᑎᓪᓗᖓ ᐅᓐᓄᐊᒥ ᑕᑯᕗᖓ ᐃᓅᑉ ᐃᕐᓂᖓᑕ ᐊᑦᔨᖓᓂᒃ ᓄᕗᔭᓃᑦᑐᒥᒃ, ᑍᒪᖓᑐᖃᕐᓗ ᐃᓅᔪᖅ ᐅᐸᒃᐹ, ᓇᔪᒐᖓᓄᐊᕐᑎᑕᐅᓪᓗᓂᓗ.

ᑖᓂᐊᓕᐅᑉ ᐊᒡᓚᖏᑦ 7:15

“ᐅᕙᖓ ᑖᓂᐊᓕ, ᐊᓂᕐᓂᑯᑦ ᐃᓱᒪᔮᓚᐅᕐᐳᖓ, ᑕᑯᑎᑕᐅᓂᖅ ᐃᓱᒪᓐᓄᑦ ᑎᑭᓯᒪᔪᖅ ᐱᑦᔪᑎᒋᓪᓗᒍ.

ᑖᓂᐊᓕᐅᑉ ᐊᒡᓚᖏᑦ 7:7

“ᓱᓕ, ᐅᓐᓄᐊᒥ ᑕᑯᑎᑕᐅᓪᓗᖓ ᑕᑯᒋᕗᖓ ᐆᒪᔪᐊᓗᐃᑦ ᓯᑕᒪᖓᓐᓂᒃ, ᑲᑉᐱᐊᓇᕐᑑᓪᓗᓂ ᓯᕘᕋᓇᕐᑐᖅ ᓴᓐᖏᔪᕐᔪᐊᖑᓪᓗᓂᓗ, ᑭᒍᑎᖃᕐᐳᖅ ᓴᕕᕋᔭᖕᓂᒃ ᐊᖏᔪᐊᓗᖕᓂᒃ; ᖃᖅᑯᐊᕐᐳᖅ ᓂᕆᓪᓗᓂᓗ ᓵᓚᒋᔭᒥᓂᒃ, ᑐᓪᓕᕋᕐᐰᓪᓗ ᐊᒥᐊᒃᑯᓂ. ᐆᒪᔪᕐᔪᐊᖑᖃᑎᒥᓂᑦ ᓯᕗᓪᓕᕐᓂᑦ ᐊᑦᔨᒋᔭᐅᓐᖏᓚᖅ, ᖁᓕᓂᑦ ᓇᒡᔪᖃᕐᑐᖅ.

ᑖᓂᐊᓕᐅᑉ ᐊᒡᓚᖏᑦ 8:1

ᐊᖓᔪᖅᑳᕐᔪᐊᑉ ᐱᐅᓪᓴᔮᐅᑉ ᐊᖓᔪᖅᑳᕐᔪᐊᖑᓂᖓᑕ ᐊᕐᕌᒍᑦ ᐱᖓᔪᖓᓐᓂ, ᐅᕙᖓ ᑖᓂᐊᓕ, ᑕᑯᑎᑕᐅᓚᐅᕐᐳᖓ, ᑍᑦᓱᒪ ᑕᑯᑎᑕᐅᓂᕐᒪ ᓯᕗᓪᓕᐅᑉ ᑭᖑᓂᖓᒍᑦ.

ᔪᐃᓕᐅᑉ ᐊᒡᓚᖏᑦ 2:28

“ᓇᓪᓕᐅᑎᔪᒫᕐᐳᖅ ᒪᑐᒪ ᑭᖑᕐᖓᒍᑦ ᐊᓂᕐᓂᕋ ᑯᕕᔪᒫᕋᒃᑯ ᐃᓄᓕᒫᓄᑦ; ᐃᕐᓂᓯ ᐸᓂᓯᓗ ᐅᖃᐅᓯᖃᖃᑦᑕᕈᒫᕐᐳᑦ ᐅᖃᐅᓯᐅᖁᔭᓐᓂᒃ, ᐃᓄᑐᖃᓯ ᓯᓐᓇᒃᑑᒪᖃᑦᑕᕈᒫᕐᐳᑦ, ᐃᓅᓱᒃᑐᓯᓗ ᑕᑯᑎᑦᔪᑎᓂᒃ ᑕᑯᖃᑦᑕᕈᒫᕐᐳᑦ.

ᐂᒨᓯᐅᑉ ᐊᒡᓚᖏᑦ 3:7

“ᓱᓕᓪᓚᕆᒃᐳᖅ ᐊᑕᓂᖅ ᐱᓂᐊᓲᖑᖏᒻᒪᑦ ᓇᓗᓇᕐᑐᒥᒃ, ᓇᓗᓁᕐᓯᓚᐅᖅᑳᕋᓂ ᐱᔨᓄᑦ ᐅᖃᕐᑎᖁᑎᒥᓄᑦ?

ᕼᐊᐸᑲᐅᑉ ᐊᒡᓚᖏᑦ 2:2

ᐊᑕᓂᐅᑉ ᑕᕝᕙ ᐃᒫᒃ ᑭᐅᓚᐅᕐᐹᖓ ᐅᖃᕐᓗᓂ: “ᑕᑯᑎᑦᓯᑦᔪᑎᒃᑲ ᐃᓕᖕᓄᑦ ᑎᑎᕋᒃᑭᑦ ᐅᔭᕋᒃᑯᑦ ᑕᑯᒃᓴᐅᑦᓯᐊᕐᓗᒋᑦ, ᐊᖅᑯᓵᕐᑐᓄᑦ ᐅᖃᓕᒫᕐᑕᐅᔪᓐᓇᖁᓪᓗᒋᑦ.

ᒨᓯᓯ ᓯᑕᒪᖏᑦ 12:6

ᐅᖃᕐᓗᓂᓗ, “ᐅᖃᐅᓯᒃᑲ ᓈᓚᑦᓯᐊᕐᓯᒋᒃ: ᐅᖃᕐᑕᐅᖁᔭᓐᓂᒃ ᐅᖃᕐᑎᑕᖃᕐᐹ ᐃᓕᑦᓯᓐᓂ, ᐅᕙᖓ ᐊᑕᓂᖅ, ᓇᖕᒥᓂᖅ ᑖᑦᓱᒧᖓ ᖃᐅᔨᑎᑦᓯᕙᒃᐳᖓ ᑕᑯᑎᑦᔪᑎᒃᑯᑦ; ᓯᓐᓇᒃᑑᒪᒃᑯᓪᓗ ᐅᖃᕐᕕᖃᓲᖑᕗᖓ.

ᕉᒪᒥᐅᓄᑦ 15:4

ᖃᓄᓕᒫᖅ ᑎᑎᕋᕐᓯᒪᔪᑦ ᓯᕗᓂᑦᑎᓐᓂ ᑎᑎᕋᕐᓯᒪᕗᑦ ᐊᔪᕆᕐᑐᕐᑕᐅᑦᔪᑎᒃᓴᑦᑎᓐᓄᑦ, ᕿᓄᐃᓵᕐᓂᒃᑯᑦ ᑲᔪᖏᕐᓴᕐᑕᐅᓂᒃᑯᓪᓗ ᐊᒡᓚᑎᒍᑦ ᓂᕆᐅᒋᔭᒃᓴᕐᑖᕈᓐᓇᖁᓪᓗᑕ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:1

ᓱᓕ ᓂᕐᑑᑎᔭᕆᐊᖃᕋᒪ; ᑕᒪᓐᓇ ᐱᕙᓪᓕᕈᑎᒃᓴᐅᖏᒃᑲᓗᐊᕐᑎᓪᓗᒍ, ᐅᖃᐅᓯᖃᕈᒪᕗᖓᓕ ᐊᑕᓂᕐᒥᑦ ᑕᑯᑎᑕᐅᓂᕐᒥᒃ, ᖃᐅᔨᑎᑕᐅᓂᕐᒥᒡᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:19

ᑕᑯᔭᑎᑦ ᑎᑎᕋᓕᒃᑭᑦ, ᒫᓐᓇ ᖃᓄᐃᓕᖓᓂᖏᑦ ᑭᖑᓂᖓᒍᓪᓗ ᓇᓪᓕᐅᑎᔪᒫᕐᑐᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 10:4

ᑲᓪᓗᐃᓪᓗ 7 ᓂᓪᓕᕐᒪᑕ ᑎᑎᕋᕈᒪᓕᓚᐅᕐᐳᖓ, ᓂᐱᒥᒡᓕ ᕿᓚᖕᒥᑦ ᑐᓴᕐᐳᖓ ᐅᖃᕐᑐᒥᒃ, “ᑲᓪᓗᐃᑦ 7 ᐅᖃᐅᓯᖏᑦ ᓇᕿᑦᔪᓯᒃᑭᑦ, ᑎᑎᕋᕐᑍᓕᓗᒋᑦ.”