ᑖᓂᐊᓕᐅᑉ ᐊᒡᓚᖏᑦ 5:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐊᖓᔪᖅᑳᕐᔪᐊᓪᓕ ᓯᓚᑐᔪᖁᑎᖏᑦ ᕾᕗᑦ, ᑎᑎᕋᕐᓯᒪᔪᓪᓗ ᐅᖃᓕᒫᕈᓐᓇᓐᖏᓔᑦ, ᖃᓄᐃᓕᖕᒪᖔᑕᓗ ᖃᐅᔨᒪᓇᑎᒃ.

ᑖᓂᐊᓕᐅᑉ ᐊᒡᓚᖏᑦ 5:8 Iomraidhean Croise

ᒨᓯᓯ ᓯᕗᓪᓖᑦ 41:8

ᐅᓪᓛᖑᓕᕐᑎᓪᓗᒍᓕ ᐃᓱᒪᔮᓕᕐᐳᖅ; ᑎᓕᓯᓪᓗᓂᓗ ᕾᖁᔨᕗᖅ ᐄᑦᔨᑉᑎᒥ ᐊᖓᒃᑯᓕᒫᓂᒃ ᐃᓕᓯᒪᔪᓕᒫᓂᒡᓗ; ᐰᕉᓪᓗ ᓯᓐᓇᒃᑐᒥᓂᒃ ᐅᓂᒃᑲᐅᑎᓕᕐᐰᑦ, ᓇᓪᓕᐊᓐᓂᒡᓘᓐᓃᓪᓕ ᑐᑭᓕᐅᕆᔪᖃᕈᓐᓇᓚᐅᓐᖏᓚᖅ ᐰᕉᒧᑦ.

ᐂᓮᐊᓯᐅᑉ ᐊᒡᓚᖏᑦ 47:9

ᐅᑯᓄᖓ ᒪᕐᕉᖕᓄᑦ ᑎᑭᑕᐅᔪᒫᕐᐳᑎᑦ ᐅᓪᓗᑦᓮᓐᓇᖅ; ᕿᑐᕐᖓᑎᑦ ᓄᖑᑦᓱᒫᕐᐳᑦ, ᐅᐃᒡᒐᕐᓗᑎᓪᓗ, ᑕᒪᒃᑯᐊ ᐃᓕᖕᓄᑦ ᑎᑭᐅᑎᔪᒫᕐᐳᑦ ᐊᒃᓱᕈᕐᓇᓪᓚᕆᒡᓗᑎᒃ, ᐊᖓᒃᑯᖁᑎᑎᑦ ᐅᓄᕐᑑᒐᓗᐊᕐᑎᓪᓗᒋᑦ, ᐊᖓᒃᑰᓵᕐᓂᖏᑦ ᐱᔪᓐᓇᕐᓂᓕᐊᓘᒐᓗᐊᕐᑎᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 50:35

ᐹᐱᓘᓂᒥᐅᑦ ᐅᓇᑕᕐᑕᐅᔪᒫᕐᒪᑕ, ᐊᑕᓂᖅ ᐅᖃᕐᐳᖅ, ᐃᓄᓕᒫᖏᑦ ᑎᑭᑕᐅᔪᒫᕐᐳᑦ ᐊᖓᔪᖅᑳᖁᑎᖏᑦ ᓯᓚᑐᔪᖁᑎᖏᓪᓗ.

ᑖᓂᐊᓕᐅᑉ ᐊᒡᓚᖏᑦ 2:27

ᑖᓂᐊᓕᐅᑉ ᐊᖓᔪᖅᑳᕐᔪᐊᖅ ᑭᐅᕚ, “ᐃᔨᕐᓯᒪᔪᖅ ᐊᖓᔪᖅᑳᕐᔪᐊᑉ ᑐᓴᕈᒪᔭᖓ, ᓯᓚᑐᔪᓄᑦ, ᑳᓪᑎᐊᒥᐅᑦ ᓯᓚᑐᔪᖁᑎᖏᓐᓄᓪᓘᓐᓃᑦ, ᐊᖓᒃᑯᓄᓪᓘᓐᓃᑦ, ᓇᓚᐅᑦᑍᔨᓄᓪᓘᓐᓃᑦ ᐅᖃᐅᓯᐅᔪᓐᓇᓐᖏᓚᖅ.

ᑖᓂᐊᓕᐅᑉ ᐊᒡᓚᖏᑦ 4:18

“ᑍᒫᒃ ᑕᕝᕙ ᐅᕙᖓ, ᐊᖓᔪᖅᑳᕐᔪᐊᖅ ᓂᐱᑯᓁᓴ, ᓯᓐᓇᑑᒪᓚᐅᕐᐳᖓ, ᑍᒪᓕ ᐃᕝᕕᑦ ᐱᐊᓪᓴᔮᕆ, ᐅᖃᐅᑎᓚᐅᓐᖓ ᑕᒪᓐᓇ ᖃᓄᖅ ᑐᑭᖃᕐᒪᖔᑦ, ᓯᓚᑐᔪᑦ ᐊᖓᔪᖅᑲᐅᕕᓐᓃᑦᑐᑦ ᓇᓪᓕᐊᑦᑕᓘᓐᓃᑦ ᑐᑭᖓᓂᒃ ᐅᖃᐅᑎᔪᓐᓇᖏᒻᒪᖓ, ᐃᕝᕕᓪᓕ ᐊᔪᖏᓐᓇᕕᑦ, ᒎᑏᑦ ᐃᑦᔪᕐᓁᑦᑐᑦ ᐊᓂᕐᓂᖏᑕ ᓇᔪᕐᒪᑎᑦ.”

ᑖᓂᐊᓕᐅᑉ ᐊᒡᓚᖏᑦ 4:4

“ᐅᕙᖓ, ᓂᐱᑯᓁᓴ, ᐊᖏᕐᕋᕐᓯᒪᓚᐅᕐᐳᖓ ᐃᒡᓗᒥ ᐊᖓᔪᖅᑳᕐᔪᐊᒃᑯᕕᓐᓂ, ᖁᕕᐊᓱᑦᓯᐊᕐᓗᖓ ᓈᒻᒪᒃᓯᓯᒪᑦᓯᐊᕐᓗᖓᓗ.

ᑖᓂᐊᓕᐅᑉ ᐊᒡᓚᖏᑦ 4:7

ᐊᖓᒃᑯᐃᓪᓕ, ᓇᓚᐅᑦᑍᔩᓪᓗ, ᑲᓪᑎᐊᒥᐅᓪᓗ ᓯᓚᑐᔪᖁᑎᖏᑦ, ᓯᕗᓂᒃᓴᒥᒡᓗ ᖃᐅᔨᒪᓇᓱᐊᕐᑏᑦ, ᕾᖕᒪᑕ ᓯᓐᓇᒃᑐᓐᓂᒃ ᐅᓂᒃᑳᕐᕕᒋᓚᐅᕐᐸᒃᑲ, ᑍᒃᑯᓇᖓᓪᓕ ᑐᑭᖓᓂᒃ ᐅᖃᐅᑎᔭᐅᔪᓐᓇᓚᐅᓐᖏᓚᖓ.

ᑖᓂᐊᓕᐅᑉ ᐊᒡᓚᖏᑦ 5:15

ᐊᖑᑎᑦ ᓯᓚᑐᔪᑦ ᐊᖓᒃᑯᐃᓪᓗ ᕾᑎᑕᐅᓚᐅᕐᒪᑕ ᐅᖃᓕᒫᖁᓪᓗᒋᑦ ᑎᑎᕋᕐᓯᒪᔪᓂᒃ ᐅᑯᓂᖓ ᑐᑭᖏᓐᓂᒡᓗ ᓇᓗᓁᕐᓯᖁᓪᓗᒋᑦ, ᐊᔪᓚᐅᕐᐳᓪᓕ.