ᑖᓂᐊᓕᐅᑉ ᐊᒡᓚᖏᑦ 5:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐊᖓᔪᖅᑳᕐᔪᐊᕐᓗ ᕾᖁᔨᕗᖅ ᓇᓚᐅᑦᑍᔨᓂᒃ, ᑳᓪᑎᐊᒥᐅᓪᓗ ᓯᓚᑐᔪᖁᑎᖏᓐᓂᒃ, ᐊᖓᒃᑯᓂᒡᓗ, ᐅᖃᐅᑎᓪᓗᒋᓪᓗ ᐹᐱᓘᓂᒥᐅᑦ ᓯᓚᑐᔪᖁᑎᖏᑦ, “ᓇᓪᓕᐊᑦ ᐅᑯᓂᖓ ᑎᑎᖅᑲᓂᒃ ᐅᖃᓕᒫᕐᑐᖅ, ᖃᓄᐃᓕᖕᒪᖔᑕᓗ ᐅᖃᐅᑎᓗᖓ, ᐊᓐᓄᕌᕐᑎᓐᓂᐊᕐᐸᕋ ᐊᐅᐸᓪᓚᕆᒃᑐᓂᒃ ᒎᓗᒥᒡᓗ ᐅᔭᒥᒃᑎᓪᓗᒍ, ᐊᖓᔪᖅᑲᐅᓂᓐᓂᓗ ᑐᖏᓕᕐᒪ ᐱᖓᔪᒋᓕᕐᓂᐊᐹ.”

ᑖᓂᐊᓕᐅᑉ ᐊᒡᓚᖏᑦ 5:7 Iomraidhean Croise

ᒨᓯᓯ ᓯᕗᓪᓖᑦ 41:8

ᐅᓪᓛᖑᓕᕐᑎᓪᓗᒍᓕ ᐃᓱᒪᔮᓕᕐᐳᖅ; ᑎᓕᓯᓪᓗᓂᓗ ᕾᖁᔨᕗᖅ ᐄᑦᔨᑉᑎᒥ ᐊᖓᒃᑯᓕᒫᓂᒃ ᐃᓕᓯᒪᔪᓕᒫᓂᒡᓗ; ᐰᕉᓪᓗ ᓯᓐᓇᒃᑐᒥᓂᒃ ᐅᓂᒃᑲᐅᑎᓕᕐᐰᑦ, ᓇᓪᓕᐊᓐᓂᒡᓘᓐᓃᓪᓕ ᑐᑭᓕᐅᕆᔪᖃᕈᓐᓇᓚᐅᓐᖏᓚᖅ ᐰᕉᒧᑦ.

ᐃᔅᑕᐅᑉ ᐊᒡᓚᖏᑦ 3:1

ᑕᒪᒃᑯᐊ ᑭᖑᓂᖓᑦᑎᒍᑦ, ᐊᖓᔪᖅᑳᕐᔪᐊᖅ ᐊᕼᐊᓱᐃᕋᔅ ᐊᖓᔪᖅᑳᕈᕐᑎᑦᓯᕗᖅ ᕼᐂᒪᓂᒥᒃ, ᕼᐊᒥᑕᑕᐅᑉ ᐃᕐᓂᖓᓂᒃ ᐊᒐᒊᑎᒥᐅᑕᒥᒃ, ᐊᐅᓚᑦᓯᔨᖁᑎᒥᓄᑦ ᓇᔪᕐᑎᒋᔭᓕᒫᒥᓄᑦ ᐊᖓᔪᖅᑳᕈᕐᑎᓪᓗᓂᐅᒃ.

ᒨᓯᓯ ᐂᑉᐸᖏᑦ 7:11

ᑕᕝᕙ ᐰᕉ ᐃᓕᓯᒪᔪᖁᑎᒥᓂᒃ ᐊᖓᒃᑯᖁᑎᒥᓂᒡᓗ ᐄᑦᔨᑉᑎᒥᐅᓂᒃ ᕾᖁᔨᓚᐅᕐᐳᖅ; ᑖᒃᑯᐊᑦᑕᐅᖅ ᑍᒤᓕᐅᓚᐅᕆᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:9

ᓄᓇᕋᕐᓂᒃ ᑕᑯᒥᓇᕐᑐᓂᒃ ᓂᐊᖂᓯᕐᓯᓯᒪᔪᑎᑐᑦ ᑍᒤᒻᒪᑕ, ᓲᕐᓗ ᐅᔭᒦᓪᓘᓐᓃᑦ ᑕᑯᒥᓇᕐᑐᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 1:10

ᐅᓗᐊᒃᑭᒃ ᑕᑯᒥᓇᕐᐴᒃ ᐱᐅᓴᐅᑎᓄᑦ, ᖁᖓᓰᓪᓗ ᐅᔭᒥᒃᓯᒪᓪᓗᓂ ᒎᓗᓂᒃ.

ᐂᓮᐊᓯᐅᑉ ᐊᒡᓚᖏᑦ 47:13

ᐅᖃᐅᑦᔪᕐᑕᐅᓂᕐᒥᒃ ᐃᕿᐊᓐᖑᕐᓯᒪᓕᕐᐳᓯ; ᑍᒃᑯᓄᖓ ᓇᖏᕐᓗᑎᒃ ᓴᐳᑎᔭᐅᓕᕆᑦᓯ, ᐅᓪᓗᕆᐊᑎᒍᑦ ᓇᓗᓇᕐᑐᓂᒃ ᖃᐅᔨᒪᓇᓱᐊᕐᑎᖁᑎᑦᓯᓐᓄᑦ, ᐅᓪᓗᕆᐊᓪᓗ ᐋᖅᑭᒃᓯᒪᓂᖏᑎᒍᑦ ᑐᑭᓯᐅᒪᔪᓐᓇᕐᑐᖁᑎᑦᓯᓐᓄᑦ, ᑕᖅᑭᐅᑉ ᓴᖅᑭᔮᕐᓂᖓᒍᑦ ᓇᓚᐅᑦᑍᕙᒃᑐᓄᑦ ᖃᓄᐃᑦᑐᖃᕐᓂᐊᕐᒪᖔᑦ.

ᔨᕆᒤᐊᐅᑉ ᐊᒡᓚᖏᑦ 50:35

ᐹᐱᓘᓂᒥᐅᑦ ᐅᓇᑕᕐᑕᐅᔪᒫᕐᒪᑕ, ᐊᑕᓂᖅ ᐅᖃᕐᐳᖅ, ᐃᓄᓕᒫᖏᑦ ᑎᑭᑕᐅᔪᒫᕐᐳᑦ ᐊᖓᔪᖅᑳᖁᑎᖏᑦ ᓯᓚᑐᔪᖁᑎᖏᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 16:11

ᐱᐅᓴᐅᓯᕐᓱᓚᐅᕐᐸᒋᓪᓗ, ᐊᒡᒐᐅᒻᒥᐅᑕᓂᒡᓗ ᐊᑎᑎᓪᓗᑎᑦ, ᖁᖓᓯᕐᒥᐅᑕᓂᒡᓗ ᐅᔭᒥᒃᓗᑎᑦ.

ᑖᓂᐊᓕᐅᑉ ᐊᒡᓚᖏᑦ 1:20

ᓯᓚᑐᓂᕐᓂᒃ ᑐᑭᓯᐅᒪᓂᕐᓂᒡᓗ ᐊᖓᔪᖅᑳᕐᔪᐊᑉ ᐊᐱᖁᑎᒋᔭᖏᓐᓂᒃ, ᖁᓖᕐᓱᓪᓗᐊᕐᓗᑎᒃ ᖃᐅᔨᒪᓂᕐᓴᐅᓚᐅᕐᐳᑦ ᐊᖓᒃᑯᓂᑦ ᓇᓚᐅᑦᑍᔪᓐᓇᕐᑐᓂᓪᓗ ᐊᖓᔪᖅᑳᕐᔪᐊᑉ ᐊᖓᔪᖅᑲᐅᕕᒋᔭᓕᒫᖓᓂ.

ᑖᓂᐊᓕᐅᑉ ᐊᒡᓚᖏᑦ 1:4

ᐊᖑᑎᓂᒃ ᐃᓅᓱᒃᑐᓂᒃ ᐃᓗᓯᕐᓗᖃᖏᑦᑐᓂᒃ, ᐃᓂᖁᓇᕐᑑᓗᑎᒃ, ᓯᓚᑐᔪᓂᒃ ᐃᓕᑦᓯᓴᕅᑦᑑᓗᑎᒃ, ᖃᐅᔨᒪᑦᓯᐊᕐᓗᑎᒃ ᓱᓇᓕᒫᓂᒃ, ᑐᑭᓯᓴᕅᑦᑑᓗᑎᒡᓗ, ᐊᖓᔪᖅᑳᕐᔪᐊᑉ ᐃᒡᓗᖓᓂ ᐱᓇᓱᐊᕈᓐᓇᕐᓗᑎᒃ. ᐃᓕᓐᓂᐊᕐᑎᑕᐅᖁᓪᓗᒋ ᐹᐱᓘᓂᒥᐅᑦ ᐅᖃᐅᓯᖏᓐᓂᒃ ᐱᐅᓯᖏᓐᓂᒡᓗ.

ᑖᓂᐊᓕᐅᑉ ᐊᒡᓚᖏᑦ 2:2

ᐊᖓᔪᖅᑳᕐᔪᐊᕐᓗ ᕾᖁᔨᕗᖅ ᐊᖓᒃᑯᓂᒃ, ᓇᓚᐅᑦᑍᔨᓂᒡᓗ, ᐱᔪᓐᓇᐅᑎᓕᖕᓂᒡᓗ, ᑳᓪᑎᐊᒥᐅᓪᓗ ᓯᓚᑐᔪᖁᑎᖏᓐᓂᒃ, ᑖᒃᑯᓄᖓ ᐅᖃᐅᑎᔭᐅᔪᒪᓪᓗᓂ ᓱᓇᒥᒃ ᓯᓐᓇᒃᑐᓚᐅᕐᒪᖔᕐᒥ. ᑖᒃᑯᐊᓗ ᕾᒐᒥᒃ ᐊᖓᔪᖅᑳᕐᔪᐊᑉ ᓵᖓᓂ ᓇᖏᕐᐳᑦ.

ᑖᓂᐊᓕᐅᑉ ᐊᒡᓚᖏᑦ 2:27

ᑖᓂᐊᓕᐅᑉ ᐊᖓᔪᖅᑳᕐᔪᐊᖅ ᑭᐅᕚ, “ᐃᔨᕐᓯᒪᔪᖅ ᐊᖓᔪᖅᑳᕐᔪᐊᑉ ᑐᓴᕈᒪᔭᖓ, ᓯᓚᑐᔪᓄᑦ, ᑳᓪᑎᐊᒥᐅᑦ ᓯᓚᑐᔪᖁᑎᖏᓐᓄᓪᓘᓐᓃᑦ, ᐊᖓᒃᑯᓄᓪᓘᓐᓃᑦ, ᓇᓚᐅᑦᑍᔨᓄᓪᓘᓐᓃᑦ ᐅᖃᐅᓯᐅᔪᓐᓇᓐᖏᓚᖅ.

ᑖᓂᐊᓕᐅᑉ ᐊᒡᓚᖏᑦ 2:48

ᐊᖓᔪᖅᑳᕐᔪᐊᑉ ᑕᕝᕙ ᑖᓂᐊᓕ ᐃᓂᑖᕐᑎᑉᐹ ᐊᖓᔪᖅᑳᖁᑎᒥ ᐳᕐᑐᓂᕐᐹᖓᓐᓄᑦ, ᑐᓂᓯᕕᒋᓪᓗᒍᓗ ᐱᐅᔪᓂᒃ ᐱᖁᑎᓂᒃ ᐅᓄᕐᑐᓂᒃ. ᐊᖓᔪᖅᑳᓐᖑᕐᑎᓪᓗᒍᓗ ᐹᐱᓘᓂᓕᒫᒧᑦ, ᓯᓚᑐᔪᖁᑎᓕᒫᒥᓄᓪᓗ ᐊᖓᔪᖅᑳᓐᖑᕐᑎᑉᐹ.

ᑖᓂᐊᓕᐅᑉ ᐊᒡᓚᖏᑦ 2:6

ᓯᓐᓇᒃᑐᓐᓂᒡᓕ ᐅᖃᐅᑎᒍᑦᓯᓐᖓ ᑐᑭᖓᓂᒡᓗ, ᑕᕝᕙ ᑐᓂᓯᕕᒋᓂᐊᕐᐸᑦᓯ ᑐᓂᕐᕈᑎᓂᒃ ᐊᑭᓕᐅᑎᓂᒡᓗ, ᐅᐱᒋᔭᐅᑎᑦᓱᒪᕙᑦᓯᓗ. ᑍᒤᒻᒪᑦ ᐅᖃᐅᑎᓚᐅᕐᓯᓐᖓ ᓱᓇᒥᒃ ᓯᓐᓇᑑᒪᓚᐅᕐᒪᖔᕐᒪ ᑐᑭᖓᓂᒡᓗ ᐅᖃᐅᑎᓗᖓ.”

ᑖᓂᐊᓕᐅᑉ ᐊᒡᓚᖏᑦ 4:14

ᑖᓐᓇ ᓂᓪᓕᐊᕗᖅ ᓂᐱᖅᑯᕐᑐᓪᓗᓂ: ‘ᑭᐱᓕᕐᓯᐅᒃ ᓇᐹᕐᑐᖅ, ᐊᕙᓚᖓᔪᖏᑦ ᓇᑲᑎᕐᓗᒋᑦ, ᐅᖃᐅᔭᖏᓪᓗ ᐲᔭᕐᓗᒋᑦ, ᐸᐅᕐᖓᖏᓪᓗ ᓇᒧᑐᐃᓐᓇᖅ ᓯᐊᒻᒪᒃᑎᓪᓗᒋᑦ, ᐆᒪᔪᑦ ᐊᑖᓂᑦ ᕿᒫᓕᕐᓕᑦ, ᑎᖕᒥᐊᓪᓗ ᐊᕙᓚᖓᔪᖏᓐᓂᑦ ᑎᖏᓕᑦ.

ᑖᓂᐊᓕᐅᑉ ᐊᒡᓚᖏᑦ 5:11

ᐊᖑᒻᒥᒃ ᐱᑕᖃᕐᐳᖅ ᐊᖓᔪᖅᑲᐅᕕᖕᓂ, ᒎᑎᑦ ᐃᑦᔪᕐᓁᑦᑐᑦ ᐊᓂᕐᓂᖏᓐᓂᒃ ᐱᓯᒪᔪᒥᒃ; ᐊᑖᑍᑦ ᓂᐱᑯᓁᓴ ᐃᓅᑎᓪᓗᒍ ᖃᐅᔨᒪᓂᖃᓚᐅᕐᑐᖅ ᑐᑭᓯᐅᒪᓂᖃᕐᓗᓂᓗ ᒎᑎᑎᑐᑦ, ᐊᖓᔪᖅᑳᕐᔪᐊᖅ, ᐅᖃᕐᐳᖓ, ᐊᖓᔪᖅᑳᕐᔪᐊᑉ ᐊᑖᑕᕕᑦ ᐊᖓᔪᖅᑳᓐᖑᕐᑎᓚᐅᕐᑕᖓ ᐊᖓᒃᑯᓄᑦ, ᓇᓚᐅᑦᑍᔨᓄᓪᓗ, ᑳᓪᑎᐊᒥᓗ ᓯᓚᑐᔪᓄᑦ, ᑐᖁᖓᔪᓂᒡᓗ ᐅᖃᖃᑎᖃᕐᐸᒃᑐᓄᑦ.

ᑖᓂᐊᓕᐅᑉ ᐊᒡᓚᖏᑦ 5:15

ᐊᖑᑎᑦ ᓯᓚᑐᔪᑦ ᐊᖓᒃᑯᐃᓪᓗ ᕾᑎᑕᐅᓚᐅᕐᒪᑕ ᐅᖃᓕᒫᖁᓪᓗᒋᑦ ᑎᑎᕋᕐᓯᒪᔪᓂᒃ ᐅᑯᓂᖓ ᑐᑭᖏᓐᓂᒡᓗ ᓇᓗᓁᕐᓯᖁᓪᓗᒋᑦ, ᐊᔪᓚᐅᕐᐳᓪᓕ.

ᑖᓂᐊᓕᐅᑉ ᐊᒡᓚᖏᑦ 5:16

ᑐᓴᓚᐅᕋᒪ ᓇᓗᓇᕐᑐᑦ ᑐᑭᖏᓐᓂᒃ ᓇᓗᓁᕐᓯᔪᓐᓇᕋᕕᒡᒎᖅ, ᐊᔪᕐᓇᕐᑐᓪᓗᒎ ᑐᑭᓯᔭᒃᓴᐅᖏᑦᑐᑦ ᓇᓗᓇᕈᓐᓁᕐᑎᑦᓱᓐᓇᕋᕕᒋᑦ, ᑎᑎᕋᕐᓯᒪᔪᑦ ᐅᑯᐊ ᐅᖃᓕᒫᕈᓐᓇᕈᕕᒋᑦ ᐅᖃᐅᑎᓗᖓᓗ ᖃᓄᐃᓕᖕᒪᖔᑕ, ᐊᐅᐸᓪᓚᕆᒃᑐᒥᒃ ᐊᓐᓄᕌᕐᑎᑦᓱᒪᕙᒋᑦ ᐅᔭᒥᒡᓗᑎᓪᓗ ᒎᓗᒥᒃ, ᐊᖓᔪᖅᑳᓐᖑᕐᑎᑦᓱᒪᕙᒋᓪᓗ ᐊᖓᔪᖅᑲᐅᓂᕐᒪ ᑐᖏᓕᖏᑕ ᐱᖓᔪᐊᓐᓄᑦ.”

ᑖᓂᐊᓕᐅᑉ ᐊᒡᓚᖏᑦ 5:29

ᐱᐅᓪᓴᔮᓪᓕ ᐱᖁᔨᓂᖓᓄᑦ, ᑖᓂᐊᓕ ᐊᓐᓄᕌᕐᑎᑉᐹ ᐊᐅᐸᓪᓚᕆᒃᑐᓂᒃ, ᐅᔭᒥᓕᕐᓗᒍᓗ ᒎᓗᒥᒃ, ᐊᖓᔪᖅᑳᓐᖑᕐᑎᓪᓗᒍᓗ ᐊᖓᔪᖅᑳᕐᔪᐊᑉ ᐊᖓᔪᖅᑲᐅᓂᖓᑕ ᑐᖏᓕᖏᑕ ᐱᖓᔪᖓᓐᓂᒃ.

ᒨᓯᓯ ᓯᑕᒪᖏᑦ 22:17

ᓱᓕᓗᖓ ᐊᖏᔪᒥᒃ ᐅᐱᒋᓂᐊᕐᐸᒋᑦ, ᖃᓄᑐᐃᓐᓇᕐᓘᓐᓃᑦ ᐅᖃᐅᑎᒍᕕᖓ ᐱᓇᓱᐊᕐᓂᐊᕐᐳᖓ. ᑍᒤᒻᒪᑦ ᕾᒋᑦ, ᐃᓄᒋᐊᒃᑐᕐᔪᐊᑦ ᐅᑯᐊ ᐱᐅᖏᑦᑐᒧᑦ ᐱᔭᐅᖁᓗᒋᑦ ᐅᖃᐅᓯᕆᓚᐅᒃᑭᑦ ᐱᑦᔪᑎᒋᓗᖓ.’”

ᒨᓯᓯ ᓯᑕᒪᖏᑦ 22:7

ᒧᐊᐱᒥᐅᑦ ᐊᖓᔪᖅᑳᖏᑦ ᒥᑎᐊᓂᒥᐅᓪᓗ ᐊᖓᔪᖅᑳᖏᑦ ᐊᐅᓪᓚᕐᐳᑦ ᖃᐅᔨᑎᑦᓯᔪᒃᓴᒧᑦ ᐊᑭᓕᐅᑎᒃᓴᒥᒃ ᓇᒃᓴᕐᓗᑎᒃ, ᐸᓛᒻᒧᑦ ᑎᑭᓐᓇᒥᒃ ᐅᖃᕐᕕᒋᕚᑦ ᐰᓚᑭᐅᑉ ᐅᖃᐅᓯᕆᖁᔭᖏᓐᓂᒃ.

ᒨᓯᓯ ᓯᑕᒪᖏᑦ 24:11

ᑍᒤᒻᒪᑦ ᒫᓐᓇ, ᐃᓂᖕᓄᑦ ᕿᒫᓕᕆᑦ. ᐅᖃᓚᐅᕐᐳᖓ ᐊᖏᔪᒥᒃ ᐅᐱᒋᓂᐊᕐᓂᕋᕐᓗᑎᑦ, ᑭᓯᐊᓂ, ᐊᑕᓂᐅᑉ ᐅᐱᒋᔭᒃᓴᐅᑎᓐᖏᓛᑎᑦ.”

ᓴᒧᐃᓕ ᓯᕗᓪᓖᑦ 17:25

ᐃᓴᕆᐊᓕᒥᐅᓪᓗ ᐊᖑᑏᑦ ᐅᖃᕐᐳᑦ, “ᐊᖑᑦ ᑖᓐᓇ ᑕᑯᓚᐅᕐᐱᓯᐅᒃ? ᑖᓐᓇ ᐃᓴᕆᐊᓕᒥᐅᓂᒃ ᒥᑕᐅᑎᖃᕐᐳᖅ; ᐃᒤᓕᖓᕗᖅ ᓇᓪᓕᐊᑦ ᑖᑦᓱᒥᖓ ᑐᖁᑦᓯᔪᖅ, ᐊᖓᔪᖅᑳᕐᔪᐊᑉ ᐊᑭᓕᕈᒫᕐᐹ ᐊᔪᕐᓴᖏᑦᔪᑎᒃᓴᓂᒃ, ᐸᓂᓂᓗ ᑖᑦᓱᒧᖓ ᑐᓂᔪᒫᕐᐹ, ᐊᑖᑕᒃᑯᖏᓪᓗ ᐊᑭᓖᖃᑦᑕᕈᓐᓃᕋᔭᕐᐳᖅ ᑖᒃᓰᕈᑎᓂᒃ ᐃᓴᕆᐊᓕᒥᐅᓂ.”