ᑖᓂᐊᓕᐅᑉ ᐊᒡᓚᖏᑦ 5:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᐃᓄᐃᑦ ᐃᓂᖓᓂᑦ ᐊᐅᓪᓚᕐᑎᑕᐅᓚᐅᕐᐳᖅ ᐆᒪᔫᑎᑐᓪᓗ ᐃᓱᒪᖃᓕᕐᓗᓂ; ᐃᓅᖃᑎᖃᓕᕐᓗᓂᓗ ᓯᐅᑎᖁᕐᑐᔪᓂᒃ ᓄᔪᐊᕐᑐᓂᒃ, ᐆᒪᔪᕐᑎᑐᓪᓗ ᐃᕕᒃᓱᒐᕐᓂᒃ ᓂᕿᖃᓚᐅᕐᐳᖅ; ᑎᒥᖓᓗ ᖃᐅᓯᕐᑎᑕᐅᖃᑦᑕᓚᐅᕐᐳᖅ ᓯᓚᐅᑉ ᐂᔪᖓᑎᑦᓯᓂᖓᓄᑦ, ᖃᐅᔨᓚᐅᖏᓐᓂᖓᓂ ᒎᑎ ᖁᑦᓯᖕᓂᕐᐹᑉ ᐊᐅᓚᑦᓯᓂᖓᓂᒃ ᐃᓄᐃᑦ ᐊᖓᔪᖅᑳᕐᔪᐊᖑᕕᖏᓐᓂᒃ, ᐊᖓᔪᖅᑲᕐᔪᐊᖑᑎᑦᓯᕙᖕᒪᑦ ᓇᓪᓕᐊᓐᓂᒃ ᐱᖁᔭᒥᓂᒃ.

ᑖᓂᐊᓕᐅᑉ ᐊᒡᓚᖏᑦ 5:21 Iomraidhean Croise

ᔫᐱᐅᑉ ᐊᒡᓚᖏᑦ 39:5

ᑭᐊ ᓯᐅᑎᖅᑯᕐᑐᔪᖅ ᓄᔪᐊᑐᖅ ᐃᓱᒪᕐᓱᓕᕐᑎᑉᐸᐅᒃ? ᑭᐊᓗ ᓯᐅᑎᖅᑯᕐᑐᔫᑉ ᐱᑐᒃᓯᒪᐅᑎᖓ ᐲᕐᑎᑉᐸᐅᒃ?

ᐃᓯᑭᐊᓕᐅᑉ ᐊᒡᓚᖏᑦ 17:24

ᐱᕈᕐᑐᓕᒫᑦ ᓇᐹᕐᑐᑦ ᓇᑎᕐᓇᒦᑦᑐᑦ ᖃᐅᔨᓕᖁᓪᓗᒋᑦ ᐅᕙᖓ ᐊᑕᓂᖅ ᓇᐹᕐᑐᒥᒃ ᑕᑭᔪᒥᒃ ᓇᑲᑦᓯᒐᒪ, ᓇᐹᕐᑐᕐᓗ ᐳᒃᑭᑦᑐᖅ ᐳᕐᑐᓯᑎᓪᓗᒍ, ᓇᐹᕐᑐᕐᓗ ᐆᒻᒪᐅᒐᓗᐊᖅ ᑐᖁᓕᑎᑉᐸᕋ, ᓇᐹᕐᑐᕐᓗ ᐸᓐᓇᑰᒐᓗᐊᖅ ᐆᒻᒪᕈᕐᑎᑉᐸᕋ. ᐅᕙᖓ ᐊᑕᓂᖅ ᑍᒫᒃ ᐅᖃᕐᓯᒪᒐᒪ, ᑍᒫᒡᓗ ᐱᓇᓱᐊᕐᓂᐊᕐᓗᖓ.”

ᑖᓂᐊᓕᐅᑉ ᐊᒡᓚᖏᑦ 4:14

ᑖᓐᓇ ᓂᓪᓕᐊᕗᖅ ᓂᐱᖅᑯᕐᑐᓪᓗᓂ: ‘ᑭᐱᓕᕐᓯᐅᒃ ᓇᐹᕐᑐᖅ, ᐊᕙᓚᖓᔪᖏᑦ ᓇᑲᑎᕐᓗᒋᑦ, ᐅᖃᐅᔭᖏᓪᓗ ᐲᔭᕐᓗᒋᑦ, ᐸᐅᕐᖓᖏᓪᓗ ᓇᒧᑐᐃᓐᓇᖅ ᓯᐊᒻᒪᒃᑎᓪᓗᒋᑦ, ᐆᒪᔪᑦ ᐊᑖᓂᑦ ᕿᒫᓕᕐᓕᑦ, ᑎᖕᒥᐊᓪᓗ ᐊᕙᓚᖓᔪᖏᓐᓂᑦ ᑎᖏᓕᑦ.

ᑖᓂᐊᓕᐅᑉ ᐊᒡᓚᖏᑦ 4:17

ᐃᓱᒪᒃᓴᕐᓯᐅᕐᓂᖅ ᑕᒪᓐᓇ ᐅᖃᐅᓯᐅᕗᖅ ᐂᖏᓕᓄᑦ ᖃᐅᔨᓴᕐᑎᓄᑦ, ᐃᑦᔪᕐᓁᑦᑐᓪᓗ ᑖᒃᑯᐊ ᑕᒪᑐᒥᖓ ᓇᓗᓁᕐᓯᕗᑦ, ᐃᓅᔪᑦ ᑐᑭᓯᓕᖁᓪᓗᒋᑦ ᖁᑦᓯᖕᓂᕐᐹᖅ ᐊᐅᓚᑦᓯᖕᒪᑦ ᐃᓄᐃᑦ ᐊᖓᔪᖅᑲᐅᕕᖏᓐᓂᒃ, ᐊᖓᔪᖅᑳᕐᔪᐊᖑᖁᔭᖏᓪᓗ ᐃᓱᒪᒥᓂᒃ ᐊᖓᔪᖅᑳᕐᔪᐊᖑᑎᑉᐸᒃᐰᑦ, ᐊᖓᔪᖅᑳᕐᔪᐊᖑᑎᓪᓗᒋᓗ ᒥᑭᓐᓂᕐᐹᓄᑦ ᓄᓇᒦᑦᑐᓄᑦ.’

ᑖᓂᐊᓕᐅᑉ ᐊᒡᓚᖏᑦ 4:22

“ᐃᕝᕕ ᐊᖓᔪᖅᑳᕐᔪᐊᖅ, ᑖᓐᓇᐅᕗᑎ ᓇᐹᕐᑐᖅ! ᐊᖏᔪᕈᕐᓯᒪᕗᑎᑦ ᓴᓐᖏᔫᓪᓗᑎᓪᓗ: ᐱᔪᓐᓇᕐᓃᑦ ᑎᑭᓯᒪᕗᖅ ᕿᓚᖕᒧᑦ, ᐊᖓᔪᖅᑲᐅᕖᓪᓗ ᑎᑭᓯᒪᕗᖅ ᓄᓇᕐᔪᐊᑉ ᐅᖓᓯᖕᓂᕐᐹᖏᓐᓄᑦ.

ᑖᓂᐊᓕᐅᑉ ᐊᒡᓚᖏᑦ 4:25

ᐃᓄᐃᑦ ᐃᓂᖏᓐᓂᑦ ᐊᐅᓪᓚᕐᑎᑕᐅᔪᒫᕋᕕᑦ ᐃᓅᖃᑎᖃᓕᕐᓗᑎᓪᓗ ᐆᒪᔪᓂᒃ ᓄᔪᐊᕐᑐᓂᒃ, ᓂᕿᖃᕈᒫᕐᐳᑎᓪᓗ ᐃᕕᒃᓱᒐᕐᓂᒃ ᐆᒪᔪᖁᑎᒋᔭᐅᔪᑎᑐᑦ ᖃᐅᓯᕐᑎᑕᐅᕙᒡᓗᑎᓪᓗ ᓯᓚᐅᑉ ᐂᔪᖓᓂᖓᓄᑦ, ᓇᓪᓕᐅᓐᓃᓪᓗ 7 ᐊᓂᒍᕐᐸᑕ, ᖁᑦᓯᖕᓂᐹᖅ ᖃᐅᔨᒍᕕᐅᒃ ᐊᑕᓂᐅᓂᖓᓂᒃ ᐃᓄᓕᒫᑦ ᐊᖓᔪᖅᑲᐅᕕᖏᓐᓄᑦ, ᐊᖓᔪᖅᑲᐅᓂᕐᓗ ᑐᓂᕙᖕᒪᒍ ᓇᓪᓕᐊᓐᓄᑦ ᑐᓂᔪᒪᔭᒥᓄᑦ.

ᑖᓂᐊᓕᐅᑉ ᐊᒡᓚᖏᑦ 4:26

ᓇᐹᕐᑑᑉ ᑭᐱᔭᐅᓂᖓᑕ ᐊᒥᐊᒃᑯᐊᑕ ᐊᒫᖏᑕᓗ ᓱᖁᓯᖁᔭᐅᖏᓐᓂᖓ, ᑐᑭᑲᕐᐳᖅ ᐊᖓᔪᖅᑲᐅᕖᑦ ᐃᓕᖕᓄᑦ ᐅᑎᕐᑎᑕᐅᔪᒫᕐᒪᑦ ᖃᐅᔨᒍᕕᑦ ᕿᓚᐅᑉ ᐊᐅᓚᑦᓯᓂᖓᓂᒃ.

ᑖᓂᐊᓕᐅᑉ ᐊᒡᓚᖏᑦ 4:34

“ᐅᓪᓗᐃᑦ ᑍᒃᑯᐊ ᐃᓱᓕᒻᒪᑕ, ᐅᕙᖓ ᓂᐱᑯᓁᓴ, ᕿᓚᖕᒧᑦ ᐋᕐᓗᕐᓗᖓ, ᖃᐅᔨᒪᓂᕋᓗ ᐅᑎᑦᓯᐊᓚᐅᕐᐳᖅ; ᖁᑦᓯᖕᓂᕐᐹᕐᓗ ᓂᕐᑐᕐᓇᕐᓯᑎᓚᐅᕐᐸᕋ, ᓂᕐᑐᓚᐅᕐᐸᕋᓗ ᐅᐱᒋᓚᐅᕐᐸᕋᓗ ᐃᓅᔪᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. “ᑖᑦᓱᒪ ᐊᑕᓂᐅᕕᖓ ᐃᓱᖃᖏᑦᑐᒧᑦ ᐊᑕᓂᐅᕕᐅᖕᒪᑦ, ᐊᖓᔪᖅᑲᐅᓂᖓᓗ ᓱᖁᓯᕐᓂᐊᓐᖏᓚᖅ ᑭᖑᕚᖑᖃᑎᒌᓂᑦ ᑭᖑᕚᖑᖃᑎᒌᓄᑦ.

ᑖᓂᐊᓕᐅᑉ ᐊᒡᓚᖏᑦ 4:35

“ᐃᓄᐃᑦ ᓄᓇᕐᔪᐊᒥ ᐃᓂᖃᕐᑐᑦ ᓱᓇᐅᖏᑦᑐᑎᑐᑦ ᑍᒤᒻᒪᑕ, ᐃᓱᒪᒥᓂᒃ ᕿᓚᖕᒥᐅᒐᓴᒃᔪᐃᑦ ᐊᐅᓚᑎᑉᐰᑦ, ᓄᓇᒦᑦᑐᓪᓗ ᐃᓄᐃ ᐃᓱᒪᒥᓂᒃ ᐊᐅᓚᑎᑉᐰᑦ: ᐱᔪᓐᓇᕐᓂᖓ ᓄᖅᑲᕐᑎᑕᐅᔪᓐᓇᓐᖏᓚᖅ, ᐅᖃᐅᑎᔭᐅᔪᓐᓇᕋᓂᓗ, ‘ᓱᖕᒪᑦ ᑍᒤᓕᐅᕐᐲᑦ?’

ᑖᓂᐊᓕᐅᑉ ᐊᒡᓚᖏᑦ 4:37

“ᒫᓐᓇᓕ ᐅᕙᖓ, ᓂᐱᑯᓁᓴ, ᕿᓚᖕᒥᐅᑦ ᐊᖓᔪᖅᑳᕐᔪᐊᖓᑦ ᓂᕐᑐᕐᐸᕋ ᐊᖏᔪᕈᕐᑎᓪᓗᒍᓗ, ᖃᓄᐃᓕᐅᕐᓂᖏᑦ ᐊᑲᐅᔪᐃᓐᓇᐅᖕᒪᑕ, ᐱᓂᐊᕐᓂᓕᒫᖏᓪᓗ ᐊᑦᔨᒌᒃᑎᑦᓯᓪᓗᑎᒃ, ᐱᔪᓐᓇᕋᓱᒋᓂᕐᒥᓗ ᐃᓅᔪᑦ ᒥᑭᒃᓕᑎᕈᓐᓇᕐᐰᑦ.”

ᑖᓂᐊᓕᐅᑉ ᐊᒡᓚᖏᑦ 5:18

“ᐊᖓᔪᖅᑳᕐᔪᐊᖅ, ᒎᑎᐅᑉ ᖁᑦᓯᖕᓂᕐᐹᑉ ᐊᑖᑍᑦ ᓂᐱᑯᓁᓴ ᑐᓂᓯᕕᒋᓚᐅᕐᐹ ᐊᖓᔪᖅᑲᐅᓂᕐᒥᒃ, ᐊᖏᔪᕐᔫᓂᕐᒥᒡᓗ, ᐅᐱᒋᔭᐅᓂᕐᒥᒡᓗ, ᐱᐅᒋᔭᐅᒻᒪᕆᖕᓂᕐᒥᒡᓗ.