ᑖᓂᐊᓕᐅᑉ ᐊᒡᓚᖏᑦ 5:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᐊᔪᖏᓐᓇᓱᒋᓕᕐᒪᓪᓕ ᐱᐅᔪᕆᓂᕐᒧᓪᓗ ᓯᑎᔫᓕᕐᒪᑦ, ᐊᖓᔪᖅᑳᕐᔪᐊᑉ ᐃᒃᓯᕙᐅᑕᖓᓂᑦ ᐲᕐᑕᐅᓚᐅᕐᐳᖅ ᐱᐅᒋᔭᐅᓂᖓᓗ ᓄᖑᓚᐅᕐᐳᖅ.

ᑖᓂᐊᓕᐅᑉ ᐊᒡᓚᖏᑦ 5:20 Iomraidhean Croise

ᐊᑕᓃᑦ ᐂᑉᐸᖏᑦ 17:14

ᓈᓚᒍᒪᓚᐅᓐᖏᓚᓪᓕ, ᓯᕗᓕᕕᓂᖏᑕ ᓯᑎᔫᓂᕆᓚᐅᕐᑕᖏᑎᑐᑦ ᑍᒤᓐᓇᒥᒃ, ᐅᒃᐱᕈᓱᓚᐅᓐᖏᓚᑦ ᐊᑕᓂᕐᒥᒃ ᒎᑎᒥᖕᓂᒃ.

ᑯᕉᓂᑲ ᐂᑉᐸᖏᑦ 32:25

ᕼᐃᓯᑬᐊᓕ ᖃᕿᐊᓕᓚᐅᓐᖏᓚᖅ ᑍᒫᑎᒋ ᐱᑦᓯᐊᕐᕕᐅᒐᓗᐊᕋᒥ, ᐆᒻᒪᑎᖓ ᐱᐅᔪᕆᓕᓚᐅᕐᒪᑦ. ᑍᒤᒻᒪᑦ ᓂᓐᖓᐅᓯᕐᒧᑦ ᑎᑭᑕᐅᓚᐅᕐᐳᖅ ᔫᑕᓗ ᔨᕉᓴᓕᓗ ᐱᖃᓯᐅᑎᓪᓗᒋᒃ.

ᑯᕉᓂᑲ ᐂᑉᐸᖏᑦ 36:13

ᑖᓐᓇᑦᑕᐅᖅ ᐊᑭᕋᕐᑐᓕᓚᐅᕐᐳᖅ ᐊᖓᔪᖅᑳᕐᔪᐊᒥᒃ ᓂᐱᑯᓁᓴᒥᒃ, ᑖᑦᓱᒪ ᐊᖏᒻᒪᕆᒃᑎᓗᓂᐅᒃ ᐅᖃᕕᒃᑎᓚᐅᕐᑎᓪᓗᓂᐅᒃ ᒎᑎᒃᑯᑦ ᓈᓚᑦᓯᐊᕐᓂᐊᕐᓂᕋᕐᓗᓂ; ᐃᒻᒥᓂᒃ ᐅᓗᕆᐊᑦᑍᑦᑑᑎᓪᓗᓂ ᐆᒻᒪᑎᓂ ᓯᑎᔪᕈᕐᑎᓪᓗᒍ ᓵᑦᑐᒪᓚᐅᓐᖏᓚᖅ ᐊᑕᓂᕐᒧᑦ, ᐃᓴᕆᐊᓕᒥᐅᑦ ᒎᑎᖓᓄᑦ.

ᒨᓯᓯ ᐂᑉᐸᖏᑦ 18:11

ᒫᓐᓇᓗ ᖃᐅᔨᕗᖓ ᐊᑕᓂᖅ ᐊᖏᓂᕐᓴᐅᖕᒪᑦ ᒎᑎᒋᔭᐅᔪᓕᒫᓂᑦ, ᐃᓄᐃᑦ ᐊᓂᑎᓚᐅᕐᒪᒋᑦ ᐄᑦᔨᑉᑎᒥᐅᑦ ᐱᔪᓐᓇᕐᓂᖏᓐᓂᑦ, ᑖᒃᑯᐊᓗ ᓂᑲᒋᔭᐅᖏᑦᑐᒻᒪᕆᐊᓘᑎᓪᓗᒋᑦ.”

ᒨᓯᓯ ᐂᑉᐸᖏᑦ 9:17

ᑭᓯᐊᓂᓕ ᓱᓕ ᑐᓴᕈᓐᓇᓐᖏᓚᑎᑦ ᐃᓄᖁᑎᒃᑲᓗ ᓱᓇᐅᒋᓇᒋᑦ ᐊᐅᓪᓚᖁᓐᖏᓚᑎᑦ.

ᒨᓯᓯ ᐂᑉᐸᖏᑦ 9:7

ᐰᕉᓗ ᑕᑯᔭᕐᑐᖁᔨᕗᖅ ᐃᓴᕆᐊᓕᒥᐅᑦ ᐆᒪᔪᖁᑎᖏᓐᓂᒃ, ᑕᑯᒋᓪᓗ ᐃᓴᕆᐊᓕᒥᐅᑦ ᐆᒪᔪᖁᑎᖏᓐᓂᒃ ᐊᑕᐅᓯᕐᒥᒡᓘᓐᓃᑦ ᑐᖁᔪᖃᓚᐅᓐᖏᓚᖅ. ᑭᓯᐊᓂᓕ ᓱᓕ ᐰᕉᑉ ᐆᒻᒪᑎᖓ ᓯᑎᔫᓚᐅᕐᐳᖅ, ᐃᓄᐃᓪᓗ ᐊᐅᓪᓚᖁᓚᐅᓐᖏᓔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:18

ᐱᐅᔪᕆᓂᖅ ᓯᕗᓪᓕᐅᕗᖅ ᐊᓯᕈᕐᑕᐅᓂᕐᒥᑦ, ᐊᔪᖏᓐᓇᓱᒋᓂᕐᓗ ᓯᕗᓪᓕᐅᕗᖅ ᑲᑕᖕᓂᕐᒥᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:5

ᐱᐅᔪᕆᔪᓕᒫᑦ ᐊᑕᓂᕐᒧᑦ ᓇᕐᕈᓇᕐᐳᑦ, ᖃᐅᔨᒪᓕᕆᑦ ᐊᑕᓂᐅᑉ ᓱᒋᐊᓐᖏᓮᓐᓇᕐᓂᐊᓐᖏᓔᑦ.

ᐂᓮᐊᓯᐅᑉ ᐊᒡᓚᖏᑦ 47:1

“ᐊᖅᑲᕐᓗᑎᑦ ᒪᓂᖅᑲᒥ ᐃᒃᓯᕚᓕᕆᑦ, ᐹᐱᓘᓂᐅᑉ ᐸᓂᖓ ᐅᐃᒡᒐᓱᒃ; ᒪᓂᖅᑲᒥ ᐃᒃᓯᕚᓕᕆᑦ ᐃᒃᓯᕙᐅᑕᕐᔪᐊᕐᒥᐅᖏᑦᑐᖅ, ᑲᐅᓪᑎᐊᒥᐅᑦ ᐸᓂᖓ! ᑍᔭᐅᓂᐊᕈᓐᓃᕋᕕᑦ ᐋᓐᓂᕐᓴᕅᑦᑐᒥᒃ ᓂᑲᓇᕐᑐᒥᒡᓗ.

ᔨᕆᒤᐊᐅᑉ ᐊᒡᓚᖏᑦ 13:18

ᐊᖓᔪᖅᑳᕐᔪᐊᖅ ᐊᓈᓇᖓᓗ ᐅᖃᐅᑎᒃᑭᒃ, ᐊᖓᔪᖅᑲᐅᕕᑦᓯᓐᓂᒃ ᐲᓕᕆᑦᓯᒃ, ᐊᖓᔪᖅᑳᕐᔪᐊᕐᓯᐅᑎᓯᒃ ᓂᐊᖂᑏᒃ ᑕᑯᒥᓇᕐᑐᑦ ᓂᐊᖁᑦᓯᖕᓂᑦ ᐲᕐᑕᐅᓯᖕᒪᑕ.

ᔨᕆᒤᐊᐅᑉ ᐊᒡᓚᖏᑦ 19:15

“ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐃᓴᕆᐊᓕᒥᐅᑦ ᒎᑎᖓ ᐅᖃᕐᐳᖅ, ᑕᑯᒋᑦ, ᐃᒡᓗᒐᓴᒡᔪᐊᓄᑦ ᓄᓇᓕᖕᓄᓪᓗ ᑎᑭᑎᑦᓯᓂᐊᕐᐳᖓ ᑲᑉᐱᐊᓇᕐᑐᓂᒃ ᑎᑭᓐᓂᐊᕐᓂᕋᕐᓯᒪᔭᓕᒫᓐᓂᒃ ᐃᓕᑦᓯᓐᓄᑦ, ᓯᑎᔫᓚᐅᕐᒪᑕ, ᑐᓴᕈᒪᓇᑎᒡᓗ ᐅᖃᐅᓯᓐᓂᒃ.”

ᔨᕆᒤᐊᐅᑉ ᐊᒡᓚᖏᑦ 48:18

ᑎᐴᓂᒥ ᓄᓇᖃᕐᑐᓯ, ᓂᕐᑐᕐᓇᕐᕕᑦᓯᓐᓂᑦ ᐊᖅᑲᕐᓗᓯ, ᒪᓂᖅᑲᒥ ᓄᓇᔭᖃᖏᑦᑐᒥ ᐃᒃᓯᕚᓕᕆᑦᓯ, ᒧᐊᐱᒥᐅᓂᒃ ᐊᓯᕈᐃᔭᕐᑐᕐᑐᓄᑦ ᑎᑭᑕᐅᓕᕐᐳᓯ, ᐃᒡᓗᒐᓴᒡᔪᐊᖁᑎᓯ ᐱᔭᐅᑦᔧᕐᓯᒪᔪᑦ ᓯᖁᑦᑎᕐᑕᐅᓂᐊᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 30:6

“ᐊᑕᓂᖅ ᐃᒫᒃ ᐅᖃᕐᐳᖅ: ᐄᑦᔨᑉᑎᒥᐅᑦ ᐃᑲᔪᕐᑎᒋᔭᓕᒫᖏᑦ ᑐᖁᕋᕐᑕᐅᔪᒫᕐᐳᑦ, ᐅᓇᑕᕐᑎᖁᑎᖏᑕᓗ ᐱᔪᓐᓇᕐᑐᕐᔪᐊᖁᑎᖏᑦ ᓄᖑᑕᐅᔪᒫᕐᐳᑦ; ᒥᒡᑐᓕᒥᑦ ᓮᓂᒧᑦ ᑎᑭᓪᓗᒍ ᐃᓄᖏᑦ ᑐᖁᕋᕐᑕᐅᔪᒫᕐᐳᑦ, ᐊᑕᓂᖅ ᒎᑎ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 31:10

“ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓇᐹᕐᑐᖅ ᑕᑭᔫᓕᕋᒥ ᓄᕗᔭᓄᓪᓗ ᑎᑭᐅᒪᔪᓐᓇᓕᕐᓗᓂ, ᐆᒻᒪᑎᖓ ᐱᐅᔪᕆᓕᕐᐳᖅ ᑕᑭᓂᕐᒥᓄᑦ.

ᑖᓂᐊᓕᐅᑉ ᐊᒡᓚᖏᑦ 11:36

“ᐊᖓᔪᖅᑳᕐᔪᐊᖅ ᐱᓂᐊᕐᓂᖃᕈᒫᕐᐳᖅ ᖃᓄᑐᐃᓐᓇ ᐱᔪᒪᔭᒥᓂᒃ, ᐃᒻᒥᓂᒃ ᐊᖏᔪᕈᕐᑎᑦᓱᒫᕐᒪᑦ ᓂᕐᑐᕐᑕᐅᔪᒪᓗᓂᓗ ᒎᑎᓐᖑᐊᓕᒫᓂᑦ ᐊᖏᓂᕐᓴᐅᔪᒪᓗᓂ; ᑐᓴᕐᑕᐅᓚᐅᕐᓯᒪᖏᑦᑐᓂᒃ ᓂᓪᓕᐊᔪᒫᕐᐳᖅ ᒎᑎᒋᔭᐅᔪᓕᒫᓂᑦ ᒎᑎᐅᓂᕐᐹᖑᔪᒧᑦ, ᐱᓇᓱᐊᕈᒪᔭᓕᒫᒥᓂᒃ ᐊᒡᕕᐊᕐᑕᐅᖏᓪᓗᓂ ᐃᓱᒪᕐᓱᕈᒫᕐᐳᖅ ᓇᓪᓕᐅᓐᓂᖅ ᒎᑎᐅᑉ ᓂᓐᖓᐅᒪᓂᖓ ᐃᓱᓕᖅᑳᕐᑎᓐᓇᒍ, ᐋᖅᑭᒃᑕᐅᓯᒪᔪᑦ ᑲᔪᓯᔭᕆᐊᖃᕐᒪᑕ.

ᑖᓂᐊᓕᐅᑉ ᐊᒡᓚᖏᑦ 4:26

ᓇᐹᕐᑑᑉ ᑭᐱᔭᐅᓂᖓᑕ ᐊᒥᐊᒃᑯᐊᑕ ᐊᒫᖏᑕᓗ ᓱᖁᓯᖁᔭᐅᖏᓐᓂᖓ, ᑐᑭᑲᕐᐳᖅ ᐊᖓᔪᖅᑲᐅᕖᑦ ᐃᓕᖕᓄᑦ ᐅᑎᕐᑎᑕᐅᔪᒫᕐᒪᑦ ᖃᐅᔨᒍᕕᑦ ᕿᓚᐅᑉ ᐊᐅᓚᑦᓯᓂᖓᓂᒃ.

ᑖᓂᐊᓕᐅᑉ ᐊᒡᓚᖏᑦ 4:28

ᑕᒪᒃᑯᐊᓕᒫᑦ ᐊᑐᓚᐅᕐᐳᑦ ᐊᖓᔪᖅᑳᕐᔪᐊᕐᒧᑦ ᓂᐱᑯᓁᓴᒧᑦ.

ᑖᓂᐊᓕᐅᑉ ᐊᒡᓚᖏᑦ 4:37

“ᒫᓐᓇᓕ ᐅᕙᖓ, ᓂᐱᑯᓁᓴ, ᕿᓚᖕᒥᐅᑦ ᐊᖓᔪᖅᑳᕐᔪᐊᖓᑦ ᓂᕐᑐᕐᐸᕋ ᐊᖏᔪᕈᕐᑎᓪᓗᒍᓗ, ᖃᓄᐃᓕᐅᕐᓂᖏᑦ ᐊᑲᐅᔪᐃᓐᓇᐅᖕᒪᑕ, ᐱᓂᐊᕐᓂᓕᒫᖏᓪᓗ ᐊᑦᔨᒌᒃᑎᑦᓯᓪᓗᑎᒃ, ᐱᔪᓐᓇᕋᓱᒋᓂᕐᒥᓗ ᐃᓅᔪᑦ ᒥᑭᒃᓕᑎᕈᓐᓇᕐᐰᑦ.”

ᑖᓂᐊᓕᐅᑉ ᐊᒡᓚᖏᑦ 8:8

ᒎᑦᓯ ᑖᓐᓇ ᐊᔪᕈᓐᓃᕐᐸᓪᓕᐊᑐᐃᓐᓇᕐᐳᖅ, ᐱᔪᓐᓇᕐᓂᖓᑕ ᐊᔪᖏᓐᓂᕐᐹᖓᓂ, ᓇᒡᔪᖓ ᓇᑲᓪᓗᓂ ᐲᕐᐳᖅ, ᐃᓂᖓᓂᓕ ᐱᕈᕐᑐᖃᕐᐳᖅ ᓇᒡᔪᖕᓂᒃ ᓯᑕᒪᓂᒃ ᖁᒻᒧᑦ ᓴᖕᒥᔪᓂᒃ ᑐᕌᕐᓗᑎᒡᓗ ᕿᓚᐅᑉ ᐊᓄᕆᖏᓐᓄᑦ ᓯᑕᒪᓄᑦ.

ᓘᑲᓯᐅᑉ ᐊᒡᓚᖏᑦ 18:14

ᐅᖃᐅᑎᕙᑦᓯ, ᑖᓐᓇ ᕉᒪᒥᐅᑦ ᑮᓇᐅᔧᕐᑎᑦᓯᔨᖓ ᒎᑎᒧᑦ ᓈᒻᒪᒋᔭᐅᓂᕐᓴᐅᓕᕐᓗᓂ ᐂᑉᐸᕆᔭᒥᓂᑦ ᐃᒡᓗᒥᓄᑦ ᐊᖏᕐᕋᓚᐅᕐᐳᖅ; ᓇᓪᓕᐊᑦ ᐃᒻᒥᓂᒃ ᐊᖏᔪᕈᕐᑎᑦᑐᖅ ᒎᑎᐅᑉ ᒥᑭᒡᓕᑎᕐᓂᐊᕐᐹ, ᐃᒻᒥᖕᓂᒡᓕ ᒥᑭᒡᓕᑎᕐᑐᖅ ᑖᓐᓇ ᐊᖏᔪᕈᕐᑎᑕᐅᓂᐊᕐᐳᖅ.”

ᐄᑉᕈᐃᓄᑦ 3:13

ᖃᐅᑕᒫᓪᓕ ᐃᓕᑦᓯᓐᓄᑦ ᐃᑲᔪᕐᑎᒌᓕᕆᑦᓯ, ᐅᓇ ᐅᖃᐅᓯᐅᓂᖓᓂ, “ᐅᓪᓗᒥ,” ᓇᓪᓕᑦᓯᓐᓂᒃ ᓯᑎᔫᑎᑕᐅᔪᖃᖁᓇᒍ ᐊᔪᕐᓂᐅᑉ ᑕᒻᒪᕐᑎᑦᓯᓂᖓᓄᑦ.

ᓴᒧᐃᓕ ᓯᕗᓪᓖᑦ 6:6

ᓱᖕᒪᑦ ᐆᒻᒪᑎᓯ ᓯᑎᔫᒋᐊᖃᕐᐸᑦ, ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑎᑐᑦ ᐰᕉᑐᑦ ᐄᑦᔨᑉᑎᒥᐅᑎᑐᓪᓗ ᐆᒻᒪᑎᖏᑦ ᓯᑎᔫᓚᐅᕐᓂᖏᑎᑐᑦ? ᐱᓐᖑᐊᕆᑐᐃᓐᓇᓕᓚᐅᕐᒪᒋᑦ, ᐃᓄᖁᑎᖏᓐᓂᒃ ᐊᐅᓚᕐᑎᑦᓯᓚᐅᕐᑎᓐᓇᒋᑦ, ᑕᕝᕙ ᐊᐅᓪᓚᕈᓇᕐᓯᑎᑦᓯᓚᐅᕐᐳᑦ.