ᑖᓂᐊᓕᐅᑉ ᐊᒡᓚᖏᑦ 5:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᑖᓐᓇ ᑖᓂᐊᓕ, ᐊᖓᔪᖅᑳᕐᔪᐊᑉ ᐊᑎᖃᑎᓚᐅᕐᑕᖓ ᐱᐊᓪᓴᔮᕆᒥᒃ, ᐃᓱᒪᖃᑦᓯᐊᕐᒪᑦ ᖃᐅᔨᒪᑦᓯᐊᕐᓗᓂᓗ, ᑐᑭᓯᒪᑦᓯᐊᕐᓗᓂᓗ, ᓯᓐᓇᒃᑐᐃᓪᓗ ᑐᑭᖏᓐᓂᒃ ᐅᖃᐅᓯᖃᕈᓐᓇᕐᓗᓂ, ᐅᖃᐅᓰᓪᓗ ᓇᓗᓇᕐᑐᑦ ᑐᑭᖏᓐᓂᒃ ᐅᖃᐅᓯᖃᕈᓐᓇᕐᓗᓂ, ᓇᓗᓇᕐᑐᓂᒡᓗ ᓇᓗᓁᕐᓯᔪᓐᓇᕐᓗᓂ; ᕾᖁᓚᐅᕈᒃ ᐅᖃᐅᑎᓂᐊᕐᒪᑎᑦ ᑎᑎᕋᕐᓯᒪᔪᑦ ᖃᓄᖅ ᑐᑭᖃᕐᒪᖔᑕ.”

ᑖᓂᐊᓕᐅᑉ ᐊᒡᓚᖏᑦ 5:12 Iomraidhean Croise

ᐃᓐᖏᕈᑎᑦ 16:3

ᐃᑦᔪᕐᓁᑦᑐᓪᓕ ᓄᓇᒦᑦᑐᑦ, ᓈᒻᒪᒋᔭᐅᔪᓪᓗ, ᑖᒃᑯᐊ ᖁᕕᐊᒋᕙᒃᑲ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 12:26

ᐃᓄᒃ ᐃᓱᐊᕐᑐᖅ ᐅᖃᐅᑦᔨᑦᓯᐊᕐᐸᒃᐳᖅ ᒪᓕᒐᒃᓴᓂᒃ ᐃᓚᓐᓇᕆᔭᒥᓄᑦ, ᐱᐅᖏᑦᑐᓪᓕ ᐊᖅᑯᑎᒋᑦ ᑕᒻᒪᕐᑎᑦᓯᕗᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 17:27

ᓂᓪᓕᖏᑦᑐᖅ ᖃᐅᔨᒪᓂᖃᕐᐳᖅ, ᑐᑭᓯᓂᖃᕐᑎᑕᐅᔪᕐᓗ ᐅᐃᒪᔮᖏᑦᑐᒥᒃ ᐊᓂᕐᓂᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 28:3

ᓯᓚᑐᓂᕐᓴᐅᒐᓗᐊᕐᐳᑎᑦ ᑖᓂᐊᓕᒥᑦ; ᐃᓕᖕᓄᑦ ᓇᓗᓇᕐᑐᖃᖏᒻᒪᑦ;

ᑖᓂᐊᓕᐅᑉ ᐊᒡᓚᖏᑦ 1:17

ᒎᑎᐅᑉ ᑖᒃᑯᐊ ᐃᓅᓱᒃᑐᑦ ᓯᑕᒪᑦ ᑐᓂᓯᕕᒋᕔᑦ, ᖃᐅᔨᒪᓂᕐᒥᒃ ᑐᑭᓯᔪᓐᓇᕐᓂᕐᒥᒡᓗ ᐃᓕᓯᒪᓂᕐᒥᒡᓗ. ᑖᓂᐊᓕᓗ ᑐᑭᓯᔪᓐᓇᕐᑎᑉᐹ ᑕᑯᑎᑕᐅᓂᕐᓂᒃ ᓯᓐᓇᒃᑑᒪᓂᕐᓂᒡᓗ.

ᑖᓂᐊᓕᐅᑉ ᐊᒡᓚᖏᑦ 1:7

ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖓᑕ ᑖᒃᑯᐊ ᐊᓯᖏᓐᓂᒃ ᐃᒫᒃ ᐊᑎᕐᑖᕐᑎᑉᐰᑦ: ᑖᓂᐊᓕ, ᐱᐊᓪᓴᔮᕆᒥᒃ; ᕼᐊᓇᓁᐊ, ᓵᑐᕌᑭᒥᒃ; ᒥᓮᐅᓪ, ᒥᓵᑭᒥᒃ; ᐊᔭᕅᐊᓗ, ᐊᐱᓐᑎᒎᒥᒃ.

ᑖᓂᐊᓕᐅᑉ ᐊᒡᓚᖏᑦ 2:26

ᐊᖓᔪᖅᑳᕐᔪᐊᓪᓗ ᑖᓂᐊᓕ, ᑍᔭᐅᕙᒃᑐᖅ ᐱᐊᓪᓴᔮᕆᒥᒃ ᐊᐱᕆᕚ, “ᖃᐅᔨᑎᑦᓱᓐᓇᕐᐱᖔ ᖃᓄᖅ ᓯᓐᓇᒃᑑᒪᓚᐅᕐᒪᖔᕐᒪ? ᑐᑭᖓᓂᒡᓗ ᐅᖃᐅᑎᓗᖔ?”

ᑖᓂᐊᓕᐅᑉ ᐊᒡᓚᖏᑦ 4:19

ᑕᕝᕙ ᑖᓂᐊᓕ ᐱᐊᓪᓴᔮᕆᒥᒃ ᑍᔭᐅᔪᖅ, ᐊᑯᓂ ᑕᑕᒥᓐᓂᐊᓚᐅᕐᐳᖅ ᐃᓱᒪᖓᑕᓗ ᑲᑉᐱᐊᓱᒃᑎᓚᐅᕐᐹ, ᑍᒤᒻᒪᑦ ᐊᖓᔪᖅᑳᕐᔪᐊᑉ ᐅᖃᐅᑎᕚ, “ᐱᐊᓪᓴᓵᕆ, ᓯᓐᓇᒃᑑᑉ ᑕᒪᑐᒪ ᑐᑭᖓᑕᓘᓐᓃᑦ ᐃᓱᒪᔮᕐᑎᑦᑍᓕᓕᑎᑦ.” ᐱᐊᓪᓴᓵᕆᐅᑉ ᑭᐅᕚ, “ᐊᖓᔪᖅᑳᒃ, ᑕᒪᓐᓇ ᓯᓐᓇᒃᑐᖅ ᐃᕝᕕᑦ ᐊᑭᕋᖏᓐᓄᑦ ᑐᕌᖓᔪᓐᓇᖁᔪᒥᓇᖅ, ᑐᑭᖓᓗ ᐊᑭᕋᕐᑐᕐᑎᖕᓄᑦ ᑐᕌᖓᖁᔪᒥᓇᖅ!

ᑖᓂᐊᓕᐅᑉ ᐊᒡᓚᖏᑦ 4:8

ᑭᖑᓪᓕᕐᐹᒥᒡᓕ ᑖᓂᐊᓕ ᕾᓚᐅᕆᕗᖅ ᓇᔪᒐᓐᓄᑦ, ᓯᓐᓇᒃᑐᓐᓂᒡᓗ ᐅᓂᒃᑳᕐᕕᒋᓚᐅᕐᐸᕋ. ᑖᓐᓇ ᐊᑎᖃᕐᑐᖅ ᐱᐊᓪᓴᔮᕆᒥᒃ, ᒎᑎᒪ ᐊᑎᖓᓂᒃ, ᑖᓐᓇ ᒎᑎᑦ ᐃᑦᔪᕐᓁᑦᑐᑦ ᐊᓂᕐᓂᖏᑕ ᐃᓂᒋᕚᑦ.

ᑖᓂᐊᓕᐅᑉ ᐊᒡᓚᖏᑦ 5:14

ᑐᓴᓚᐅᕋᒪ ᒎᑎᑦ ᐊᓂᕐᓂᖏᑕᒎᖅ ᐃᓚᒋᖕᒪᑎᑦ, ᖃᐅᔨᔪᓐᓇᕋᕕᒡᒎᖅ ᐃᓱᒪᑖᕈᓇᕐᓗᑎᓪᓗ ᑐᑭᓯᔪᓐᓇᕐᓗᑎᓪᓗ ᓯᓚᑐᓂᒃᑯᑦ.

ᑖᓂᐊᓕᐅᑉ ᐊᒡᓚᖏᑦ 5:16

ᑐᓴᓚᐅᕋᒪ ᓇᓗᓇᕐᑐᑦ ᑐᑭᖏᓐᓂᒃ ᓇᓗᓁᕐᓯᔪᓐᓇᕋᕕᒡᒎᖅ, ᐊᔪᕐᓇᕐᑐᓪᓗᒎ ᑐᑭᓯᔭᒃᓴᐅᖏᑦᑐᑦ ᓇᓗᓇᕈᓐᓁᕐᑎᑦᓱᓐᓇᕋᕕᒋᑦ, ᑎᑎᕋᕐᓯᒪᔪᑦ ᐅᑯᐊ ᐅᖃᓕᒫᕈᓐᓇᕈᕕᒋᑦ ᐅᖃᐅᑎᓗᖓᓗ ᖃᓄᐃᓕᖕᒪᖔᑕ, ᐊᐅᐸᓪᓚᕆᒃᑐᒥᒃ ᐊᓐᓄᕌᕐᑎᑦᓱᒪᕙᒋᑦ ᐅᔭᒥᒡᓗᑎᓪᓗ ᒎᓗᒥᒃ, ᐊᖓᔪᖅᑳᓐᖑᕐᑎᑦᓱᒪᕙᒋᓪᓗ ᐊᖓᔪᖅᑲᐅᓂᕐᒪ ᑐᖏᓕᖏᑕ ᐱᖓᔪᐊᓐᓄᑦ.”

ᑖᓂᐊᓕᐅᑉ ᐊᒡᓚᖏᑦ 6:3

ᑖᓂᐊᓕᓕ ᐊᖓᔪᖅᑳᖑᖃᑎᒥᓂᑦ ᐊᑦᔨᒋᔭᐅᓚᐅᓐᖏᓚᖅ ᐊᖓᔪᖅᑳᕐᔪᐊᓪᓘᓐᓃᑦ ᐊᖓᔪᖅᑳᖁᑎᖏᓐᓂᑦ, ᐊᔪᖏᑦᓯᐊᕐᒪ ᐊᐅᓚᒋᐊᓕᒃᑎᒍᑦ, ᐊᖓᔪᖅᑳᕐᔪᐊᖅ ᐃᓱᒪᓚᐅᕐᐳᖅ ᐊᖓᔪᖅᑲᐅᕕᓕᒫᒥᓄᑦ ᐊᖓᔪᖅᑲᐅᓕᖁᓪᓗᒍ.

ᑖᓂᐊᓕᐅᑉ ᐊᒡᓚᖏᑦ 6:4

ᑍᒤᒻᒪᑦ, ᐊᖓᔪᖅᑳᖑᖃᑎᖏᑦ ᐊᖓᔪᖅᑳᕐᔪᐊᓪᓗ ᐊᖓᔪᖅᑳᖁᑎᖏᑦ ᕿᓂᓚᐅᕐᐳᑦ ᑖᓂᐊᓕ ᐸᓯᔪᒪᓪᓗᒍ ᐊᖓᔪᖅᑲᐅᕕᖕᒥᒃ ᐊᐅᓚᑦᓯᓂᖓᒍᑦ, ᐸᑦᓯᑎᒃᓴᕐᓯᔪᓐᓇᓚᐅᓐᖏᓚᓪᓕ, ᓈᒻᒪᖏᑦᑐᒥᒃ ᓇᓂᓯᕝᕕᒋᔪᓐᓇᓚᐅᖏᓐᓇᒥᑦᔪᒃ, ᐃᕿᐊᓱᒍᓐᓇᖏᒻᒪᑦ ᓈᒻᒪᖏᑦᑐᒥᒡᓗ ᐱᓂᐊᕐᓂᖃᕋᓂ.

ᑯᓘᓯᐊᒥᐅᓄᑦ 1:29

ᑕᒪᓐᓇ ᐱᔭᕇᕈᒪᓪᓗᒍ ᐊᒃᓱᕉᑎᒋᕙᕋ ᐃᓗᖏᕐᑐᕐᓗᖓ, ᐱᔪᓐᓇᕐᓂᕐᒥᒃ ᐊᖏᔪᒥᒃ ᐊᑐᕐᑎᑕᐅᓪᓗᖓ ᑖᑦᓱᒪ ᐅᕙᓐᓄᑦ ᕾᓯᒪᔭᖓᓂᒃ.