ᑖᓂᐊᓕᐅᑉ ᐊᒡᓚᖏᑦ 4:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᑭᖑᓪᓕᕐᐹᒥᒡᓕ ᑖᓂᐊᓕ ᕾᓚᐅᕆᕗᖅ ᓇᔪᒐᓐᓄᑦ, ᓯᓐᓇᒃᑐᓐᓂᒡᓗ ᐅᓂᒃᑳᕐᕕᒋᓚᐅᕐᐸᕋ. ᑖᓐᓇ ᐊᑎᖃᕐᑐᖅ ᐱᐊᓪᓴᔮᕆᒥᒃ, ᒎᑎᒪ ᐊᑎᖓᓂᒃ, ᑖᓐᓇ ᒎᑎᑦ ᐃᑦᔪᕐᓁᑦᑐᑦ ᐊᓂᕐᓂᖏᑕ ᐃᓂᒋᕚᑦ.

ᑖᓂᐊᓕᐅᑉ ᐊᒡᓚᖏᑦ 4:8 Iomraidhean Croise

ᒨᓯᓯ ᓯᕗᓪᓖᑦ 41:38

ᐰᕉᓗ ᐅᖃᕐᐳᖅ ᐱᔨᒥᓄᑦ, “ᐊᖑᒻᒥᒃ ᐆᑐᓇᖅ ᑍᒤᑦᑐᒥᒃ, ᒎᑎᐅᑉ ᐊᓂᕐᓂᖓᓄᑦ ᓇᔪᕐᑕᐅᔪᒥᒃ ᓇᓂᓯᔪᓐᓇᕐᐱᑖ?”

ᐂᓮᐊᓯᐅᑉ ᐊᒡᓚᖏᑦ 46:1

ᐱᐊᓪ ᐹᒻᒪᒃᑎᕐᐳᖅ, ᓂᐴᓗ ᐅᑯᓪᓗᓂ; ᒎᑎᓐᖑᐊᖏᑦ ᓇᖕᒪᒃᑕᐅᕗᑦ ᐆᒪᔪᖁᑎᖏᓐᓄᑦ ᐃᒻᒧᒃᓯᐅᒐᖁᑎᖏᓐᓄᓪᓗ. ᓇᖕᒪᒃᑕᐅᓪᓗᑎᒃ ᑕᒪᒃᑯᐊ ᓇᒃᓴᕐᑕᓯ ᐅᖁᒤᑦᑑᕗᑦ ᐆᒪᔪᖁᑎᓄᑦ.

ᐂᓮᐊᓯᐅᑉ ᐊᒡᓚᖏᑦ 63:11

ᑕᕝᕙ ᐃᓄᖁᑎᖏᑦ ᐃᖅᑬᓕᓚᐅᕐᐳᑦ ᑍᒃᑯᓂᖓᑐᖃᖅ, ᒨᓯᓯ ᒎᑎᐅᑉ ᐱᔨᖓ ᐃᓅᑎᓪᓗᒍ ᐊᑐᕐᑕᐅᕙᓚᐅᕐᑐᓂᒃ, ᐅᖃᕐᓗᑎᒃ, “ᓇᐅᒡᓕᑍᒪ ᐃᒪᒃᑯᑦ ᐃᑳᕐᑎᑦᓯᓚᐅᕐᑐᖅ? ᐰᕐᓯᔨᖁᑎᖏᓪᓗ ᓰᐱᖁᑎᒥᓂᒃ? ᓇᐅᒡᓕ ᑍᒪ ᐊᓂᕐᓂᕐᒥᓄᑦ ᐃᑦᔪᕐᓁᑦᑐᒧᑦ ᓇᔪᕐᑕᐅᑎᑦᓯᓚᐅᕐᑐᖅ ᑖᒃᑯᓂᖓ?

ᔨᕆᒤᐊᐅᑉ ᐊᒡᓚᖏᑦ 50:2

“ᐃᓅᖃᑎᒌᒡᔪᐊᓂ ᐅᖃᐅᑎᒋᓯᐅᒃ ᑐᓴᕐᑕᐅᑎᓪᓗᒍᓗ, ᓇᓗᓁᒃᑯᑕᖃᕐᓗᓯ ᐅᖃᐅᓯᕆᓯᐅᒃ, ᑐᓴᕐᑕᐅᔭᕆᐊᓖᑦ ᐅᖃᐅᑎᒋᔧᓐᓇᕆᓯᐅᒃ ᐅᖃᕐᓗᓯᓗ, ᐹᐱᓘᓂᒥᐅᑦ ᓵᓚᐅᓗᑎᒃ ᑎᒍᔭᐅᓂᐊᕐᐳᑦ, ᒎᑎᖓᑦ ᐱᐊᓪ ᑲᓐᖑᓱᒃᑎᑕᐅᓂᐊᕐᐳᖅ, ᒎᑎᖓᓪᓗ ᒥᕈᑖᒃ ᑲᑉᐱᐊᓱᒃᑎᑕᐅᓂᐊᕐᐳᖅ, ᐊᑦᔨᖏᓪᓗ ᓴᓇᔭᐅᓯᒪᔪᑦ ᑲᓐᖑᓇᕐᑐᒥᒃ ᐊᑐᕐᓂᐊᕐᐳᑦ, ᒎᑎᒋᔭᓕᒫᖏᑦ ᑲᑉᐱᐊᓇᕐᑐᒦᑎᑕᐅᓂᐊᕐᐳᑦ!

ᐃᓯᑭᐊᓕᐅᑉ ᐊᒡᓚᖏᑦ 17:23

ᐃᓴᕆᐊᓕᒥᐅᑦ ᖃᖅᑲᖏᑕ ᐳᕐᑐᓂᕐᐹᖓᓐᓂ ᓇᑉᐸᕐᓯᔪᒪᕗᖓ, ᐊᕙᓚᖓᔪᕐᔪᐊᖃᓕᕈᒫᕐᐳᖅ ᐸᐅᕐᖓᖃᓕᕐᓗᓂᓗ, ᓇᐹᕐᑐᕐᔪᐊᖑᓕᖁᓪᓗᒍ ᓰᑕᕆᐅᓕᕐᓗᓂ; ᐆᒪᔪᓪᓗ ᖃᓄᐃᑦᑐᑐᐃᓐᓁᑦ ᓇᐹᕐᑑᑉ ᐊᑖᓂ ᐃᓂᖃᓕᕈᒫᕐᐳᑦ, ᐊᕙᓚᖓᔪᖏᑕᓗ ᑕᕐᕋᓕᓂᖏᓐᓂ ᑎᖕᒥᐊᑦ ᐊᑦᔨᒌᖏᑦᑐᑦ ᐅᓪᓗᖃᓕᕐᓗᑎᒃ.

ᑖᓂᐊᓕᐅᑉ ᐊᒡᓚᖏᑦ 1:7

ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖓᑕ ᑖᒃᑯᐊ ᐊᓯᖏᓐᓂᒃ ᐃᒫᒃ ᐊᑎᕐᑖᕐᑎᑉᐰᑦ: ᑖᓂᐊᓕ, ᐱᐊᓪᓴᔮᕆᒥᒃ; ᕼᐊᓇᓁᐊ, ᓵᑐᕌᑭᒥᒃ; ᒥᓮᐅᓪ, ᒥᓵᑭᒥᒃ; ᐊᔭᕅᐊᓗ, ᐊᐱᓐᑎᒎᒥᒃ.

ᑖᓂᐊᓕᐅᑉ ᐊᒡᓚᖏᑦ 2:11

ᐊᖓᔪᖅᑳᕐᔪᐊᑉ ᐱᔪᒪᔭᖓ ᐊᔪᕐᓇᓗᐊᕐᒪᑦ. ᐊᖓᔪᖅᑳᕐᔪᐊᖅ ᑕᒪᑐᒥᖓ ᐅᖃᐅᑎᔭᐅᔪᓐᓇᓐᖏᓚᖅ ᒎᑎᑦ ᑭᓯᒥ ᑍᒤᓕᐅᕈᓐᓇᕐᐳᑦ, ᑍᒃᑯᐊᓗ ᐃᓄᖕᓂ ᐃᓂᖃᕋᑎᒃ.”

ᑖᓂᐊᓕᐅᑉ ᐊᒡᓚᖏᑦ 2:26

ᐊᖓᔪᖅᑳᕐᔪᐊᓪᓗ ᑖᓂᐊᓕ, ᑍᔭᐅᕙᒃᑐᖅ ᐱᐊᓪᓴᔮᕆᒥᒃ ᐊᐱᕆᕚ, “ᖃᐅᔨᑎᑦᓱᓐᓇᕐᐱᖔ ᖃᓄᖅ ᓯᓐᓇᒃᑑᒪᓚᐅᕐᒪᖔᕐᒪ? ᑐᑭᖓᓂᒡᓗ ᐅᖃᐅᑎᓗᖔ?”

ᑖᓂᐊᓕᐅᑉ ᐊᒡᓚᖏᑦ 3:14

ᓂᐱᑯᓁᓴᐅᓪᓗ ᐅᖃᐅᑎᕔᑦ, “ᓵᑐᕌᑭ, ᒥᓵᑭ, ᐊᐱᓐᑎᒎ, ᓱᓕᕚ? ᒎᑎᒃᑲᒎᖅ ᐱᔨᑦᓯᕈᒪᖏᓐᓇᑦᓯᐅᒃ, ᐃᓄᓐᖑᐊᕐᓗ ᒎᓗ ᓴᓇᔭᐅᑎᓚᐅᕐᑕᕋ ᑐᒃᓯᐊᕐᕕᒋᔪᒪᖏᓐᓇᑦᓯᐅᒃ?

ᑖᓂᐊᓕᐅᑉ ᐊᒡᓚᖏᑦ 4:18

“ᑍᒫᒃ ᑕᕝᕙ ᐅᕙᖓ, ᐊᖓᔪᖅᑳᕐᔪᐊᖅ ᓂᐱᑯᓁᓴ, ᓯᓐᓇᑑᒪᓚᐅᕐᐳᖓ, ᑍᒪᓕ ᐃᕝᕕᑦ ᐱᐊᓪᓴᔮᕆ, ᐅᖃᐅᑎᓚᐅᓐᖓ ᑕᒪᓐᓇ ᖃᓄᖅ ᑐᑭᖃᕐᒪᖔᑦ, ᓯᓚᑐᔪᑦ ᐊᖓᔪᖅᑲᐅᕕᓐᓃᑦᑐᑦ ᓇᓪᓕᐊᑦᑕᓘᓐᓃᑦ ᑐᑭᖓᓂᒃ ᐅᖃᐅᑎᔪᓐᓇᖏᒻᒪᖓ, ᐃᕝᕕᓪᓕ ᐊᔪᖏᓐᓇᕕᑦ, ᒎᑏᑦ ᐃᑦᔪᕐᓁᑦᑐᑦ ᐊᓂᕐᓂᖏᑕ ᓇᔪᕐᒪᑎᑦ.”

ᑖᓂᐊᓕᐅᑉ ᐊᒡᓚᖏᑦ 4:9

ᐅᖃᐅᑎᓚᐅᕐᐸᕋᓗ, ᐱᐊᓪᓴᔮᕆ, ᐊᖓᒃᑯᐃᑦ ᐊᖓᔪᖅᑳᖓᑦ, ᖃᐅᔨᒪᕗᖓ ᒎᑎᑦ ᐊᓂᕐᓂᖏᑕ ᐃᓂᒋᖕᒪᑎᑦ, ᓇᓗᓇᕐᑐᓂᒡᓗ ᓴᐱᕈᑎᖃᖏᓐᓇᕕᑦ, ᐃᒫᒃ ᓯᓐᓇᒃᑐᓚᐅᕐᐳᖓ; ᑐᑭᖓᓂᒃ ᐅᖃᐅᑎᓚᐅᓐᖓ.

ᑖᓂᐊᓕᐅᑉ ᐊᒡᓚᖏᑦ 5:14

ᑐᓴᓚᐅᕋᒪ ᒎᑎᑦ ᐊᓂᕐᓂᖏᑕᒎᖅ ᐃᓚᒋᖕᒪᑎᑦ, ᖃᐅᔨᔪᓐᓇᕋᕕᒡᒎᖅ ᐃᓱᒪᑖᕈᓇᕐᓗᑎᓪᓗ ᑐᑭᓯᔪᓐᓇᕐᓗᑎᓪᓗ ᓯᓚᑐᓂᒃᑯᑦ.