ᑖᓂᐊᓕᐅᑉ ᐊᒡᓚᖏᑦ 4:32 - ᐊᒡᓔᑦ ᐃᑦᔪᕐᖕᓁᑦᑐᑦ

³² ᐃᓄᐃᑦ ᐃᓂᖏᓐᓂᑦ ᐊᐅᓪᓚᕐᑎᑕᐅᓂᐊᕐᐳᑎᑦ, ᐆᒪᔪᓪᓗ ᓄᔪᐊᕐᑐᑦ ᐃᓅᖃᑎᒋᔪᒫᕐᐸᑎᑦ: ᐆᒪᔪᖁᑎᒋᔭᐅᔪᑐᓪᓗ ᐃᕕᒃᓱᒐᕐᓂᒃ ᓂᕿᖃᕐᓂᐊᓕᕐᐳᑎᑦ, ᓇᓪᓕᐅᓐᓃᑦ 7 ᐊᓂᒍᕐᐸᑕ, ᖃᐅᔨᓕᕈᕕᑦ ᑭᓯᐊᓂ ᖁᑦᓯᖕᓂᕐᐹᖅ ᐊᐅᓚᑦᓯᖕᒪᑦ ᐃᓄᐃᑦ ᐊᖓᔪᖅᑲᐅᕕᖏᓐᓂᒃ, ᐊᖓᔪᖅᑲᐅᓃᓪᓗ ᑐᓂᕙᒃᐰᑦ ᑐᓂᔪᒪᔭᒥᓄᑦ.”

ᑖᓂᐊᓕᐅᑉ ᐊᒡᓚᖏᑦ 4:32 Iomraidhean Croise

ᑯᕉᓂᑲ ᐂᑉᐸᖏᑦ 33:13

ᑐᒃᓯᐊᕐᕕᒋᕚᓗ, ᒎᑎᐅᓪᓗ ᕿᓄᑦᔪᑎᖏᑦ ᐃᓚᓕᐅᕐᐰᑦ ᑐᒃᓯᐊᕐᓂᖓᓗ ᑐᓴᕐᓗᒍ ᐅᑎᕐᑎᑉᐹᓗ ᔨᕉᓴᓕᒧᑦ ᐊᖓᔪᖅᑲᐅᕕᖓᓄᑦ. ᒫᓇᓯᓗ ᖃᐅᔨᕗᖅ ᐊᑕᓂᖅ ᒎᑎᐅᖕᒪᑦ.

ᔫᐱᐅᑉ ᐊᒡᓚᖏᑦ 42:2

“ᖃᐅᔨᒪᕗᖓ ᖃᓄᓕᒫᑦᓯᐊᖅ ᐱᔪᓐᓇᕋᕕᑦ, ᐃᓱᒪᒋᓯᒪᔭᑎᓪᓗ ᐊᓯᖕᓄᑦ ᐊᐅᓚᑕᐅᔪᓐᓇᕋᑎᒃ.

ᔫᐱᐅᑉ ᐊᒡᓚᖏᑦ 9:12

ᑕᑯᒋᑦ, ᐱᔪᒪᔭᒥᓂᒃ ᐱᒃᐸᑦ; ᑭᓇᒧᑦ ᓄᖅᑲᕐᑎᑕᐅᔪᓐᓇᕐᐹ? ᑭᓇᒧᓪᓘᓐᓃᑦ ᐅᖃᐅᑦᔭᐅᔪᓐᓇᕐᐹ, ‘ᖃᓄᐃᓕᐅᓕᕐᐱᑦ?’

ᐃᓐᖏᕈᑎᑦ 115:3

ᒎᑎᕗᓪᓕ ᕿᓚᖕᒦᑉᐳᖅ; ᐱᓇᓱᐊᓲᖑᑦᓱᓂᓗ ᐱᓇᓱᐊᕈᒪᔭᒥᓂᒃ.

ᐃᓐᖏᕈᑎᑦ 135:6

ᐊᑕᓂᐅᑉ ᖁᕕᐊᒋᔭᓂ ᐱᓇᓱᐊᕐᐰᑦ, ᕿᓚᖕᒥ ᓄᓇᒥᓗ, ᐃᒪᕐᐱᖕᓂ, ᐃᑎᔪᕐᔪᐊᓂᓗ ᑕᒤᓐᓂ.

ᒨᓯᓯ ᐂᑉᐸᖏᑦ 8:10

ᐰᕉᑉ ᑭᐅᕚ, “ᖃᐅᒃᐸᑦ ᑐᒃᓯᐅᑎᓛᓕᕐᐸᕐᒪ.” ᒨᓯᓯ ᐅᖃᕐᐳᖅ, “ᑍᒤᓐᓂᐊᓕᕐᐳᖅ ᐅᖃᐅᓯᕆᔭᕐᑐᑦ, ᖃᐅᔨᖁᓪᓗᑎᑦ ᒎᑎᑕᖃᖏᓐᓂᖓᓂᒃ ᐊᑕᓂᕆᔭᑦᑕ ᒎᑎᐅᑉ ᐊᓯᐊᓂᒃ.

ᒨᓯᓯ ᐂᑉᐸᖏᑦ 9:14

ᑕᒪᑐᒪᓂᓕ ᓱᓕ ᐱᖁᔨᓂᐊᖏᒃᑯᕕᑦ ᑕᕝᕙ ᐱᔨᑎᑦ ᐃᓄᖁᑎᑎᓪᓗ ᓱᒋᐊᕐᑕᑐᐊᕆᓂᐊᕈᓐᓃᕐᐸᒃᑲ ᐃᕝᕕᓪᓕ ᓱᒋᐊᖃᓯᐅᑎᓂᐊᓕᕐᐸᒋᑦ, ᖃᐅᔨᓕᖁᓪᓗᑎᑦ ᐅᕙᑦᑐᑦ ᑍᒤᑦᑐᒥᒃ ᐱᑕᖃᖏᓐᓂᖓᓂᒃ ᓄᓇᕐᔪᐊᓕᒫᒥ.

ᒨᓯᓯ ᐂᑉᐸᖏᑦ 9:29

ᒨᓯᓯᐅᑉ ᐅᖃᐅᑎᕚ, “ᑕᕝᕙᓐᖓᑦ ᐃᒡᓗᒐᓴᖕᓂᑦ ᕿᒪᕉᑎᑐᐊᕈᒪ ᑕᓕᕋ ᐃᓵᖕᓂᐊᕐᐸᕋ ᐊᑕᓂᕐᒧᑦ; ᑕᕝᕙ ᖃᐅᒻᒪᓪᓚᒃ ᓄᖅᑲᕐᓂᐊᕐᐳᖅ, ᓇᑕᖅᑯᕐᓇᕈᓐᓃᕐᓗᓂᓗ, ᖃᐅᔨᓕᖁᓪᓗᑎᑦ ᓄᓇ ᐊᑕᓂᐅᑉ ᐱᖁᑎᒋᖕᒪᒍ.

ᐂᓮᐊᓯᐅᑉ ᐊᒡᓚᖏᑦ 37:20

ᒫᓐᓇᓕ ᐊᑕᓃᖅ ᒎᑎᕗᑦ, ᓴᐳᑎᓚᐅᕐᑎᒍᑦ ᑖᑦᓱᒪ ᐱᔪᓐᓇᕐᓂᖓᓂᑦ, ᓯᓚᕐᔪᐊᕐᒥᐅᑦ ᐊᖓᔪᖅᑳᕐᔪᐊᖃᕐᕕᓕᒫᖏᑦ ᑐᑭᓯᓕᖁᓪᓗᒋᑦ ᐃᕝᕕᑐᐊᖅ ᐊᑕᓂᑑᒐᕕᑦ.”

ᐂᓮᐊᓯᐅᑉ ᐊᒡᓚᖏᑦ 40:15

ᑕᑯᒋᑦ, ᓯᓚᕐᔪᐊᕐᒥ ᐃᓅᖃᑎᒌᒡᔪᐊᑦ ᖃᑦᑕᕐᒥᑦ ᑯᓯᕐᓂᑯᑐᐃᓐᓇᕐᑐᑦ ᐃᓱᒪᓇᕐᐳᑦ, ᓯᐅᕋᒐᓛᑯᓗᑎᑐᓪᓗ ᐃᓱᒪᓇᕐᓗᑎᒃ ᐅᖁᒤᓐᓂᕐᓂᐊᕐᕕᖕᒥ, ᑕᑯᒋᓪᓗ ᕿᑭᕐᑍᑦ ᒥᑭᔪᒍᓗᒃᑎᑐᑦ ᖃᖓᑦᑕᕐᑎᑉᐰᑦ.

ᐂᓮᐊᓯᐅᑉ ᐊᒡᓚᖏᑦ 40:17

ᐃᓅᖃᑎᒌᒡᔪᐊᑦ ᑲᑎᓪᓗᒋᑦ ᓱᓇᐅᖏᒻᒪᑕ ᑖᑦᓱᒪ ᓵᖓᓂ, ᐃᓱᒪᒋᕔᓪᓗ ᓱᓇᐅᖏᑦᑐᒥᑦ ᒥᑭᓐᓂᕐᓴᐅᔪᓂᒃ ᓱᓇᖃᖏᑦᑐᑎᑐᓪᓗ.

ᐂᓮᐊᓯᐅᑉ ᐊᒡᓚᖏᑦ 45:3

ᐱᒃᑯᒥᓇᕐᑐᓂᒃ ᐱᑖᕐᑎᓐᓂᐊᕐᐸᒋᑦ ᑖᕐᑐᒦᑦᑐᓂᑦ ᐊᔪᕐᓴᕈᓐᓃᕈᑎᓂᒡᓗ ᐃᔨᕐᑐᕐᓯᒪᔪᓂᒃ, ᖃᐅᔨᓕᖁᓪᓗᑎᑦ ᐅᕙᖓ ᑍᒤᑎᑦᓯᒐᒪ ᐊᑕᓂᖅ, ᐃᓕᖕᓂᒃ ᕾᖁᔨᓯᒪᔪᖅ ᐊᑏᑦ ᑍᓪᓗᒍ, ᐅᕙᖓᐅᕗᖅ ᐃᓴᕆᐊᓕᒥᐅᑦ ᒎᑎᖓᑦ.

ᔨᕆᒤᐊᐅᑉ ᐊᒡᓚᖏᑦ 27:5

ᐱᔪᓐᓇᕐᓂᕐᔪᐊᓐᓄᑦ ᐊᐅᓚᑦᓯᓂᓐᓄᓪᓗ ᓄᓇ ᓴᓇᓚᐅᕐᐸᕋ ᐃᓄᖏᓪᓗ ᐆᒪᔪᖏᓪᓗᑦᑕᐅᖅ, ᑐᓂᑦᔪᑎᒋᓪᓗᒋᓪᓗ ᑐᓂᑦᔪᑎᒋᔪᒪᔭᓐᓄᑦ.

ᑖᓂᐊᓕᐅᑉ ᐊᒡᓚᖏᑦ 2:21

ᐊᕐᕌᒍ ᐊᓂᒍᕐᐸᓪᓕᐊᑎᑉᐹ ᓇᓪᓕᐅᓐᓂᖃᕐᑎᓪᓗᒍ; ᐊᖓᔪᖅᑳᕐᔪᐊᑦ ᒪᑭᑎᑉᐰᑦ, ᐊᖓᔪᖅᑳᕐᔪᐊᓪᓗ ᐊᓯᖏᑦ ᐅᕐᕈᑎᓪᓗᒋᑦ. ᓯᓚᑐᓂᕐᒥᒃ ᑐᓂᓯᕗᖅ ᓯᓚᑐᔪᓄᑦ ᖃᐅᔨᒪᓂᕐᒥᒡᓗ ᑐᓂᓯᕗᖅ ᑐᑭᓯᐊᔪᓄᑦ.

ᑖᓂᐊᓕᐅᑉ ᐊᒡᓚᖏᑦ 4:31

ᓱᓕ ᑍᒫᒃ ᐅᖃᓪᓚᒃᑎᓪᓗᒍ, ᓂᐱ ᕿᓚᖕᒥᑦ ᐅᖃᕐᐳᖅ, “ᐊᖓᔪᖅᑳᕐᔪᐊᖅ ᓂᐱᑯᓁᓴ, ᐃᓕᖕᓄᑦ ᐃᒫᒃ ᐅᖃᕐᐳᖓ, ᐊᖓᔪᖅᑳᕐᔪᐊᖑᓂᕕᑦ ᐱᔪᓐᓇᕐᓂᖓ ᐃᓕᖕᓂᑦ ᐲᕐᐸᕋ!

ᑖᓂᐊᓕᐅᑉ ᐊᒡᓚᖏᑦ 5:21

ᐃᓄᐃᑦ ᐃᓂᖓᓂᑦ ᐊᐅᓪᓚᕐᑎᑕᐅᓚᐅᕐᐳᖅ ᐆᒪᔫᑎᑐᓪᓗ ᐃᓱᒪᖃᓕᕐᓗᓂ; ᐃᓅᖃᑎᖃᓕᕐᓗᓂᓗ ᓯᐅᑎᖁᕐᑐᔪᓂᒃ ᓄᔪᐊᕐᑐᓂᒃ, ᐆᒪᔪᕐᑎᑐᓪᓗ ᐃᕕᒃᓱᒐᕐᓂᒃ ᓂᕿᖃᓚᐅᕐᐳᖅ; ᑎᒥᖓᓗ ᖃᐅᓯᕐᑎᑕᐅᖃᑦᑕᓚᐅᕐᐳᖅ ᓯᓚᐅᑉ ᐂᔪᖓᑎᑦᓯᓂᖓᓄᑦ, ᖃᐅᔨᓚᐅᖏᓐᓂᖓᓂ ᒎᑎ ᖁᑦᓯᖕᓂᕐᐹᑉ ᐊᐅᓚᑦᓯᓂᖓᓂᒃ ᐃᓄᐃᑦ ᐊᖓᔪᖅᑳᕐᔪᐊᖑᕕᖏᓐᓂᒃ, ᐊᖓᔪᖅᑲᕐᔪᐊᖑᑎᑦᓯᕙᖕᒪᑦ ᓇᓪᓕᐊᓐᓂᒃ ᐱᖁᔭᒥᓂᒃ.

ᔮᓱᐊᑉ ᐊᒡᓚᖏᑦ 4:24

ᐃᓄᓕᒫᑦ ᓄᓇᕐᔪᐊᕐᒥᐅᑦ ᖃᐅᔨᖁᓪᓗᒋᑦ ᐊᑕᓂᐅᑉ ᐱᔪᓐᓇᕐᓂᕐᔪᐊᖓᓂᒃ; ᐃᓕᑦᓯᓗ ᐃᓕᕋᓱᐃᓐᓇᕐᓂᐊᕋᑦᓯ ᐊᑕᓂᕐᒥᒃ ᒎᑎᑦᓯᓐᓂᒃ ᐃᓱᖃᖏᑦᑐᒧᑦ.”