ᑖᓂᐊᓕᐅᑉ ᐊᒡᓚᖏᑦ 4:30 - ᐊᒡᓔᑦ ᐃᑦᔪᕐᖕᓁᑦᑐᑦ

³⁰ ᑕᕝᕙ ᐊᖓᔪᖅᑳᕐᔪᐊᖅ ᐅᖃᕐᐳᖅ, “ᐹᐱᓘᓂ ᐊᖏᔪᐊᓘᓐᖏᓛᖅ? ᐊᖓᔪᖅᑳᕐᔪᐊᒧᑦ ᐃᓂᓕᐊᕆᓚᐅᓐᖏᓚᕌ? ᐱᔪᓐᓇᕐᓂᓐᓄᑦ ᐊᖓᔪᖅᑳᕐᔪᐊᖑᓂᕐᒪᓗ ᐅᐱᒋᔭᐅᑦᔪᑎᒃᓴᖓᓄᑦ?”

ᑖᓂᐊᓕᐅᑉ ᐊᒡᓚᖏᑦ 4:30 Iomraidhean Croise

ᒨᓯᓯ ᓯᕗᓪᓖᑦ 10:10

ᐊᖓᔪᖅᑲᐅᕕᖃᕆᐊᓯᓚᐅᕐᐳᖅ ᐅᑯᓂᖓ ᐹᐱᓕ, ᐃᕆᒃ, ᐊᑳᑎᒥᒡᓗ, ᑳᓪᓂᒥᒡᓗ, ᑖᒃᑯᐊᓗ ᑕᒪᕐᒥᒃ ᓄᓇᒥ ᓯᓈᕆᒦᓚᐅᕐᐳᑦ.

ᐃᔅᑕᐅᑉ ᐊᒡᓚᖏᑦ 1:4

ᕿᒥᕐᕈᔭᐅᑎᑦᓯᕗᖅ ᐅᓪᓗᒐᓴᖕᓂᒃ ᐊᖓᔪᖅᑲᐅᕕᖓᑕ ᐊᔪᖏᑦᑐᕐᔪᐊᖑᓂᖓᓂᒃ ᐅᐱᓐᓇᕐᑐᕐᔪᐊᖑᓂᖓᓂᒡᓗ, ᐅᓪᓗᓂᒃ 180ᓂᒃ.

ᐃᓐᖏᕈᑎᑦ 104:1

ᑕᕐᓃᒃ, ᐊᑕᓂᖅ ᓂᕐᑐᕈᒃ! ᐊᑕᓃᖅ ᒎᑎᒐ ᐊᖏᔪᕐᔪᐊᖑᕗᑎᑦ; ᐊᓐᓄᕌᕐᓯᒪᕗᑎᑦ ᐅᐱᓐᓇᕐᓂᕐᒥᒃ ᐊᖓᔪᖅᑳᕐᔪᐊᖑᓂᕐᒥᒡᓗ,

ᐃᓐᖏᕈᑎᑦ 49:20

ᐃᓄᒃ ᐅᐱᒋᔭᐅᔪᖅ, ᓱᓕ ᖃᐅᔨᓐᖏᓚᖅ, ᓂᕐᔪᑎᑦ ᐊᑦᔨᒋᕔᑦ ᑐᖁᕙᒃᑐᑦ.

ᐃᓐᖏᕈᑎᑦ 73:8

ᐃᓅᖃᑎᒥᖕᓂᒃ ᒥᑕᐅᑎᒃᓴᕐᓗᑎᒃ ᐱᐅᖏᑦᑐᓂᒃ ᓂᓪᓕᐊᕗᑦ; ᑲᑉᐱᐊᓱᒃᑎᑕᐅᔪᑦ ᐱᐅᔪᕆᑦᔪᑎᒋᓪᓗᒋᑦ ᐅᖃᖃᑎᒌᒃᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:2

ᐱᐅᔪᕆᓂᖅ ᐊᑐᕐᑕᐅᓕᕋᖓᑦ ᑕᕝᕙ ᑲᓐᖑᓲᑎᒃᓴᑦ ᕾᒋᕗᑦ, ᒥᑭᒡᓕᑎᕐᓯᒪᔪᕐᓕ ᓯᓚᑐᓂᖃᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:18

ᐱᐅᔪᕆᓂᖅ ᓯᕗᓪᓕᐅᕗᖅ ᐊᓯᕈᕐᑕᐅᓂᕐᒥᑦ, ᐊᔪᖏᓐᓇᓱᒋᓂᕐᓗ ᓯᕗᓪᓕᐅᕗᖅ ᑲᑕᖕᓂᕐᒥᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:23

ᐊᖑᑦ ᐱᐅᔪᕆᓂᕐᒥᖕᓄᑦ ᑲᓐᖑᓱᒃᑎᑕᐅᔪᒫᕐᐳᖅ, ᐱᐅᔪᕆᖏᑦᑐᕐᓕ ᐊᓂᕐᓂᕐᒥᒍᑦ ᐅᐱᒋᔭᐅᓕᕈᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 13:19

ᐹᐱᓘᓂ ᐊᖓᔪᖅᑲᐅᕕᓕᒫᓂᑦ ᑕᑯᒥᓇᕐᓂᕐᐹᖑᔪᖅ, ᐅᐱᓐᓇᕐᓗᓂᓗ ᐃᓄᖏᓐᓄᑦ ᑲᐅᓪᑎᐊᒥᐅᓄᑦ, ᐊᑦᔨᖃᕈᒫᕐᐳᖅ ᓱᑑᒪᒥᒃ ᒍᒨᕋᒥᒡᓗ.

ᐃᓯᑭᐊᓕᐅᑉ ᐊᒡᓚᖏᑦ 29:3

ᐅᖃᕐᓗᑎᑦ ᐃᒫᒃ, ‘ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓ ᐰᕉ ᐊᑭᕋᕐᑐᕐᐸᒋᑦ, ᐆᒪᔪᕐᓘᔪᑎᑦ ᑐᕌᒍᓂ ᑰᖕᒥᐅᑕᐅᔪᑎᑦ, ᐅᖃᕐᐸᒃᓗᑎᓪᓗ, ᑰᒑᓗᒃ ᓁᓕ ᓇᖕᒥᓂᕆᕙᕋ ᓴᓇᓚᐅᕋᒃᑯ.’

ᑖᓂᐊᓕᐅᑉ ᐊᒡᓚᖏᑦ 4:31

ᓱᓕ ᑍᒫᒃ ᐅᖃᓪᓚᒃᑎᓪᓗᒍ, ᓂᐱ ᕿᓚᖕᒥᑦ ᐅᖃᕐᐳᖅ, “ᐊᖓᔪᖅᑳᕐᔪᐊᖅ ᓂᐱᑯᓁᓴ, ᐃᓕᖕᓄᑦ ᐃᒫᒃ ᐅᖃᕐᐳᖓ, ᐊᖓᔪᖅᑳᕐᔪᐊᖑᓂᕕᑦ ᐱᔪᓐᓇᕐᓂᖓ ᐃᓕᖕᓂᑦ ᐲᕐᐸᕋ!

ᕼᐊᐸᑲᐅᑉ ᐊᒡᓚᖏᑦ 1:11

ᑕᕝᕙ ᑲᔪᓰᓐᓇᕐᓗᑎᒃ ᐊᖅᑯᓵᕐᐳᑦ ᐊᓄᕆᑎᑐᑦ ᐊᓂᒍᕐᑐᑎᑐᑦ, ᐸᓯᔭᒃᓴᐅᓪᓗᑎᒡᓗ, ᐱᔪᓐᓇᕐᓂᕐᒥᖕᓂᒡᓗ ᒎᑎᖃᕐᓗᑎᒃ.”

ᓘᑲᓯᐅᑉ ᐊᒡᓚᖏᑦ 14:11

ᐃᒻᒥᖕᓂᒃ ᐊᖏᔪᕈᕐᑎᑦᑐᓕᒫᑦ ᒥᑭᒡᓕᑎᑕᐅᓂᐊᕐᐳᑦ, ᐃᒻᒥᖕᓂᒡᓗ ᒥᑭᒡᓕᑎᕐᑐᑦ ᐊᖏᔪᕈᕐᑎᑕᐅᓂᐊᕐᐳᑦ.”

ᓘᑲᓯᐅᑉ ᐊᒡᓚᖏᑦ 14:9

ᑖᑦᓱᒪ ᐃᓕᑦᓯᓐᓂᒃ ᓂᕆᔭᕐᑐᖁᔨᔫᑉ ᐅᐸᒡᓗᓂᑎᑦ ᐅᖃᐅᑎᒃᐸᑎᑦ, ‘ᐅᓇ ᐊᒡᕔᕈᒃ,’ ᑕᕝᕙ ᑲᓐᖑᓱᓕᕐᓗᑎᑦ ᐃᓂᑦᓯᐊᕙᐅᓐᖏᓐᓂᕐᓴᒧᑦ ᐃᖏᑦᓴᕆᐊᖃᓕᕋᔭᕐᐳᑎᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:31

ᑍᒤᒻᒪᑦ ᓂᕆᒍᕕᑦ, ᐃᒥᕈᕕᓪᓘᓐᓃᑦ, ᖃᓄᑐᐃᓐᓇᕐᓘᓐᓃᑦ ᐱᓇᓱᐊᕈᕕᑦ, ᐱᓇᓱᐊᕐᑐᒃᓴᐅᕗᑎᑦ ᒎᑎ ᓂᕐᑐᕐᑕᐅᖁᓪᓗᒍ.

ᐲᑦᑐᕉᓯ ᓯᕗᓪᓖᑦ 5:5

ᐃᓕᑦᓯᑦᑕᐅᖅ ᐃᓅᓱᒃᑑᔪᓯ ᐃᓐᓇᕐᓄᑦ ᐊᐅᓚᑦᓯᔨᓄᑦ ᐊᖏᕈᑎᒋᓯᒪᑦᓯᐊᕆᑦᓯ. ᑕᒪᑦᓯ ᐊᓐᓄᕌᕐᑐᒃᓴᐅᕗᓯ ᐱᐅᔪᕆᖏᓐᓂᕐᒥᒃ, ᐃᓕᑦᓯᓐᓄᑦ ᐱᔨᑦᓯᖃᑦᑕᐅᑎᓗᓯ, ᐊᒡᓔᑦ ᐅᖃᕐᒪᑕ, “ᒎᑎᐅᑉ ᐱᐅᔪᕆᔪᑦ ᐊᑭᕋᕐᑐᕐᐰᑦ, ᐱᐅᔪᕆᖏᑦᑐᓪᓕ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᖓᓂᒃ ᓮᒻᒪᕐᑎᑉᐰᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:8

ᑕᕝᕙ ᐂᖏᓕᐅᑉ ᐂᑉᐸᖓ ᑭᖑᓂᖓᒍᑦ ᓴᖅᑭᒃᑭᕗᖅ, ᐅᖃᕐᓗᓂᓗ, “ᑲᑕᒃᓯᒪᓕᕐᐳᖅ, ᑲᑕᒃᓯᒪᓕᕐᐳᖅ ᐹᐱᓘᓂ ᐊᔪᖏᑦᑐᕐᔪᐊᖅ, ᐃᓅᖃᑎᒌᒡᔪᐊᓕᒫᓂᒃ ᐃᒥᕐᑎᑦᓯᓯᒪᔪᖅ ᐅᐂᓂᒥᒃ ᓴᓐᖏᔪᒥᒃ ᐃᒃᓯᒎᕐᑎᑦᓯᔪᒥᒃ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:19

ᐃᒡᓗᒐᓴᒡᔪᐊᓪᓗ ᐊᕕᒃᐳᑦ ᐱᖓᓲᓕᓪᓗᑎᒃ, ᐃᓅᖃᑎᒌᒡᔪᐊᓪᓗ ᐃᒡᓗᒐᓴᒡᔪᐊᖏᑦ ᓯᖁᑦᑎᕐᐳᑦ, ᒎᑎᐅᓪᓗ ᐃᖅᑲᐅᒪᕚ ᐹᐱᓘᓂ ᐊᖏᔪᕐᔪᐊᖅ, ᑕᕝᕙ ᐃᒤᕐᓯᑎᑉᐹ ᖃᓪᓗᑎᒥᒃ ᓂᓐᖓᖕᓂᕐᔪᐊᖓᓂᒃ ᐃᒪᓕᖕᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:5

ᖃᐅᖓᒍᓪᓗ ᑎᑎᕋᕐᓯᒪᔪᖃᕐᐳᖅ ᐊᑎᕐᒥᒃ ᓇᓗᓇᕐᑐᒥᒃ: “ᐹᐱᓘᓂ ᐊᔪᖏᑦᑐᕐᔪᐊᖅ, ᐊᖑᓐᓂᐊᕐᑏᑦ ᐊᓈᓇᖓᑦ ᓄᓇᕐᔪᐊᒥ ᓇᕐᕈᓇᕐᑐᓕᓃᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:10

ᐅᖓᓯᒋᔮᓂ ᓇᖏᕐᓗᑎᒃ ᑕᑯᓐᓇᕈᒫᕐᐹᑦ, ᐋᓐᓂᐊᑎᑕᐅᓂᖓᓄᑦ ᐱᖃᓯᐅᑦᔭᐅᔪᒪᖏᓐᓂᕐᒧᑦ, ᐅᖃᕐᓗᑎᒡᓗ, “ᑲᑉᐱᐊᓐᓇᒦᒃ! ᑲᑉᐱᐊᓐᓇᒦᒃ! ᐹᐱᓘᓂᐅᑉ ᐃᒡᓗᒐᓴᒡᔪᐊᖏᑦ ᐊᔪᖏᑦᑐᕐᔪᐊᑦ! ᐃᑲᕐᕋᕐᒥᒃ ᐊᑕᐅᓯᕐᒥᒃ ᐃᖅᑲᕐᑐᕐᑕᐅᖕᒪᑦ ᓄᖑᑎᑕᐅᓪᓗᓂᓗ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:21

ᐂᖏᓕᓗ ᓲᖑᔪᕐᔪᐊᖅ ᐅᔭᕋᒃᔪᐊᕐᒥᒃ ᑭᕕᒃᓯᓪᓗᓂ ᓯᖃᓪᓕᓯᕕᐅᑉ ᐅᔭᕌᓗᒃᑕᖓᑐᑦ ᐊᖏᑎᒋᔪᒥᒃ ᑖᓐᓇ ᐃᒪᕐᔪᐊᕐᒧᑦ ᐃᒋᑉᐹ, ᐅᖃᕐᓗᓂᓗ, “ᑍᒫᒃ ᑕᕝᕙ ᐹᐱᓘᓂᐅᑉ ᐃᒡᓗᒐᓴᒡᔪᐊᖏᑦ ᐊᔪᖏᑦᑐᕐᔪᐊᑦ ᓂᑲᒋᔭᐅᖏᓪᓗᑎᒃ ᐃᒋᑕᐅᔪᒫᕐᐳᑦ ᑕᑯᔭᐅᒃᑲᓐᓂᕐᓂᐊᕈᓐᓃᕐᓗᑎᒡᓗ;