ᑖᓂᐊᓕᐅᑉ ᐊᒡᓚᖏᑦ 4:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᓇᐹᕐᑑᑉ ᑭᐱᔭᐅᓂᖓᑕ ᐊᒥᐊᒃᑯᐊᑕ ᐊᒫᖏᑕᓗ ᓱᖁᓯᖁᔭᐅᖏᓐᓂᖓ, ᑐᑭᑲᕐᐳᖅ ᐊᖓᔪᖅᑲᐅᕖᑦ ᐃᓕᖕᓄᑦ ᐅᑎᕐᑎᑕᐅᔪᒫᕐᒪᑦ ᖃᐅᔨᒍᕕᑦ ᕿᓚᐅᑉ ᐊᐅᓚᑦᓯᓂᖓᓂᒃ.

ᑖᓂᐊᓕᐅᑉ ᐊᒡᓚᖏᑦ 4:26 Iomraidhean Croise

ᑖᓂᐊᓕᐅᑉ ᐊᒡᓚᖏᑦ 2:18

ᑖᒃᑯᐊ ᒎᑎᒧᑦ ᕿᓚᖕᒦᑦᑐᒧᑦ ᓂᑲᒋᔭᐅᔪᒪᓪᓗᑎᒃ ᑐᒃᓯᐊᖁᕔᑦ ᑕᒪᓐᓇ ᓇᓗᓇᕐᑐᖅ ᐱᑦᔪᑎᒋᓪᓗᒍ; ᑖᓂᐊᓕ ᐃᓚᓐᓇᕆᔭᓂᓗ ᑐᖁᑕᐅᖃᑕᐅᔪᒪᓇᑎᒃ ᐹᐱᓘᓂᒥᐅᑦ ᓯᓚᑐᔪᖁᑎᓕᒫᖏᑦ ᐃᓚᒋᓗᒋᑦ.

ᑖᓂᐊᓕᐅᑉ ᐊᒡᓚᖏᑦ 2:19

ᐅᓐᓄᐊᖑᑎᓪᓗᒍ ᓇᓗᓇᕐᑐᖅ ᑕᒪᓐᓇ ᓇᓗᓇᕈᓐᓃᕐᑎᑕᐅᕗᖅ ᑖᓂᐊᓕᒧᑦ ᑕᑯᑎᑕᐅᓂᒃᑯᑦ. ᑖᓂᐊᓕᐅᓪᓗ ᒎᑎ ᕿᓚᖕᒦᑦᑐᖅ ᓂᕐᑐᕐᐹ:

ᑖᓂᐊᓕᐅᑉ ᐊᒡᓚᖏᑦ 2:37

ᐃᕝᕕᑦ ᐊᖓᔪᖅᑳᕐᔪᐊᖅ, ᐊᖓᔪᖅᑳᕐᔪᐊᖑᕗᑎᑦ ᐊᖓᔪᖅᑳᕐᔪᐊᓕᒫᓄᑦ, ᒎᑎᐅᑉ ᕿᓚᖕᒦᑦᑑᑉ ᑐᓂᓯᕕᒋᖕᒪᑎᑦ ᐊᖓᔪᖅᑲᐅᕕᖕᒥᒃ, ᐱᔪᓐᓇᕐᓂᕐᒥᒡᓗ ᐊᔪᖏᓐᓂᕐᒥᒡᓗ ᐅᐱᒋᔭᐅᓂᕐᒥᒡᓗ.

ᑖᓂᐊᓕᐅᑉ ᐊᒡᓚᖏᑦ 4:15

ᓇᐹᕐᑑᓪᓕ ᑭᐱᔭᐅᓂᖓᑕ ᐊᒥᐊᒃᑯᐊ, ᐊᒫᖏᓪᓗ, ᐊᑦᑐᖏᕐᑕᐅᓕᕐᓕᑦ ᓄᓇᒧᑦ ᓴᕕᕋᔭᖕᒧᑦ ᖃᖁᕐᓕᖕᒧᓪᓗ, ᓄᓇᒦᖏᓐᓇᓕᕐᓕ ᐃᕕᒃᓱᒃᑲᓂ ᑐᖑᔪᕐᑐᓂ, ᖃᐅᓯᕐᑎᑕᐅᓕᕐᓕ ᐂᔪᖓᓂᕐᒧᑦ ᕿᓚᖕᒥᑦ ᐱᔪᒧᑦ, ᐃᓅᖃᑎᖃᓕᕐᓕ ᐆᒪᔪᓂᒃ ᓇᑎᕐᓇᒥᐅᑕᕐᓂᒃ.

ᑖᓂᐊᓕᐅᑉ ᐊᒡᓚᖏᑦ 4:23

ᐊᖓᔪᖅᑳᕐᔪᐊᖅ, ᑕᑯᓚᐅᕐᐳᑎᓪᓗ, ᑎᓕᔭᐅᓯᒪᔪᒥᒃ, ᐃᑦᔪᕐᓁᑦᑐᒥᒃ, ᕿᓚᖕᒥᑦ ᐱᔪᒥᒃ ᐅᖃᕐᑐᒥᒡᓗ, ‘ᓇᐹᕐᑐᖅ ᑭᐱᔭᐅᓕ ᐊᓯᕈᑕᐅᓗᓂᓗ, ᑭᐱᓂᑯᐊ ᓄᓇᒦᑐᐃᓐᓇᕐᓕ, ᐊᑦᑐᖏᕐᓗᒍᓗ ᓄᓇᒧᑦ ᓴᕕᕋᔭᖕᒧᑦ ᖃᑯᕐᓕᕐᒧᑦ, ᓄᓇᒥ ᐃᕕᒃᓱᒃᑲᓂ ᑐᖑᔪᕐᑐᓂ, ᐊᒫᖏᑦ ᓄᓇᒧᑦ ᑲᐳᑎᓯᒪᑐᐃᓐᓇᕐᓕᑦ, ᖃᐅᓯᕐᑎᑕᐅᓕᕐᓕ ᓯᓚᐅᑉ ᐂᔪᖕᓂᖓᓄᑦ; ᐃᓅᓯᖃᓕᕐᓕ ᐆᒪᔪᑎᑐᑦ, ᓇᓪᓕᐅᓃᑦ 7 ᐊᓂᒍᓚᐅᕐᑎᓐᓇᒋᑦ.’

ᑖᓂᐊᓕᐅᑉ ᐊᒡᓚᖏᑦ 4:31

ᓱᓕ ᑍᒫᒃ ᐅᖃᓪᓚᒃᑎᓪᓗᒍ, ᓂᐱ ᕿᓚᖕᒥᑦ ᐅᖃᕐᐳᖅ, “ᐊᖓᔪᖅᑳᕐᔪᐊᖅ ᓂᐱᑯᓁᓴ, ᐃᓕᖕᓄᑦ ᐃᒫᒃ ᐅᖃᕐᐳᖓ, ᐊᖓᔪᖅᑳᕐᔪᐊᖑᓂᕕᑦ ᐱᔪᓐᓇᕐᓂᖓ ᐃᓕᖕᓂᑦ ᐲᕐᐸᕋ!

ᑖᓂᐊᓕᐅᑉ ᐊᒡᓚᖏᑦ 4:37

“ᒫᓐᓇᓕ ᐅᕙᖓ, ᓂᐱᑯᓁᓴ, ᕿᓚᖕᒥᐅᑦ ᐊᖓᔪᖅᑳᕐᔪᐊᖓᑦ ᓂᕐᑐᕐᐸᕋ ᐊᖏᔪᕈᕐᑎᓪᓗᒍᓗ, ᖃᓄᐃᓕᐅᕐᓂᖏᑦ ᐊᑲᐅᔪᐃᓐᓇᐅᖕᒪᑕ, ᐱᓂᐊᕐᓂᓕᒫᖏᓪᓗ ᐊᑦᔨᒌᒃᑎᑦᓯᓪᓗᑎᒃ, ᐱᔪᓐᓇᕋᓱᒋᓂᕐᒥᓗ ᐃᓅᔪᑦ ᒥᑭᒃᓕᑎᕈᓐᓇᕐᐰᑦ.”

ᑖᓂᐊᓕᐅᑉ ᐊᒡᓚᖏᑦ 5:20

ᐊᔪᖏᓐᓇᓱᒋᓕᕐᒪᓪᓕ ᐱᐅᔪᕆᓂᕐᒧᓪᓗ ᓯᑎᔫᓕᕐᒪᑦ, ᐊᖓᔪᖅᑳᕐᔪᐊᑉ ᐃᒃᓯᕙᐅᑕᖓᓂᑦ ᐲᕐᑕᐅᓚᐅᕐᐳᖅ ᐱᐅᒋᔭᐅᓂᖓᓗ ᓄᖑᓚᐅᕐᐳᖅ.

ᑖᓂᐊᓕᐅᑉ ᐊᒡᓚᖏᑦ 5:21

ᐃᓄᐃᑦ ᐃᓂᖓᓂᑦ ᐊᐅᓪᓚᕐᑎᑕᐅᓚᐅᕐᐳᖅ ᐆᒪᔫᑎᑐᓪᓗ ᐃᓱᒪᖃᓕᕐᓗᓂ; ᐃᓅᖃᑎᖃᓕᕐᓗᓂᓗ ᓯᐅᑎᖁᕐᑐᔪᓂᒃ ᓄᔪᐊᕐᑐᓂᒃ, ᐆᒪᔪᕐᑎᑐᓪᓗ ᐃᕕᒃᓱᒐᕐᓂᒃ ᓂᕿᖃᓚᐅᕐᐳᖅ; ᑎᒥᖓᓗ ᖃᐅᓯᕐᑎᑕᐅᖃᑦᑕᓚᐅᕐᐳᖅ ᓯᓚᐅᑉ ᐂᔪᖓᑎᑦᓯᓂᖓᓄᑦ, ᖃᐅᔨᓚᐅᖏᓐᓂᖓᓂ ᒎᑎ ᖁᑦᓯᖕᓂᕐᐹᑉ ᐊᐅᓚᑦᓯᓂᖓᓂᒃ ᐃᓄᐃᑦ ᐊᖓᔪᖅᑳᕐᔪᐊᖑᕕᖏᓐᓂᒃ, ᐊᖓᔪᖅᑲᕐᔪᐊᖑᑎᑦᓯᕙᖕᒪᑦ ᓇᓪᓕᐊᓐᓂᒃ ᐱᖁᔭᒥᓂᒃ.

ᒫᑎᐅᓯᐅᑉ ᐊᒡᓚᖏᑦ 21:20

ᐃᓕᓐᓂᐊᕐᑎᖏᓪᓕ ᑕᒪᑐᒥᖓ ᑕᑯᓐᓈᕋᒥᒃ ᑲᒪᓂᐊᕐᐳᑦ ᐅᖃᕐᓗᑎᒃ, “ᖃᓄᐊᓗᖑᓇ ᓇᐹᕐᑐᖅ ᐸᐅᕐᖓᓕᒃᓴᖅ ᕿᓚᒥᑯᓗᒃ ᑐᖁᓕᑲᐅᕐᑐᕐᐹ?”

ᒫᑎᐅᓯᐅᑉ ᐊᒡᓚᖏᑦ 5:34

ᒫᓐᓇᓕ ᐅᖃᐅᑎᕙᑦᓯ: ᓱᓇᑐᐃᓐᓇᕐᒥᒃ ᑍᓯᖃᓯᐅᑦᔨᓗᓯ ᐊᖏᒻᒪᕆᒃᑐᒃᓴᐅᓐᖏᓚᓯ, ᕿᓚᒡᓘᓐᓃᑦ ᑍᖃᓯᐅᑎᓗᒍ, ᒎᑎᐅᑉ ᐃᒃᓯᕙᐅᑕᕐᔪᐊᕆᖕᒪᒍ.

ᓘᑲᓯᐅᑉ ᐊᒡᓚᖏᑦ 15:18

ᐅᑎᕐᓂᐊᓕᕐᐳᖓ ᐊᑖᑕᓐᓄᑦ, ᐅᖃᐅᑎᓗᒍ, ‘ᐊᑖᑖᒃ ᐊᔪᕐᑐᓕᓚᐅᕐᐳᖓ ᒎᑎᒧᑦ ᕿᓚᖕᒦᑦᑐᒧᑦ ᐃᓕᖕᓄᓪᓗ;

ᓘᑲᓯᐅᑉ ᐊᒡᓚᖏᑦ 15:21

ᐃᕐᓂᖓᑕ ᐅᖃᐅᑎᕚ, ‘ᐊᑖᑖᒃ ᐊᔪᕐᑐᓕᓚᐅᕐᐳᖓ ᒎᑎᒧᑦ ᕿᓚᖕᒦᑦᑐᒧᑦ ᐃᓕᖕᓄᓪᓗ; ᐃᕐᓂᕐᓂᒃ ᑍᔭᐅᔪᒃᓴᐅᔪᓐᓃᕐᐳᖓ.’