ᑖᓂᐊᓕᐅᑉ ᐊᒡᓚᖏᑦ 4:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐅᖃᐅᔭᖏᑦ ᑕᑯᒥᓇᕐᑑᓚᐅᕐᐳᑦ, ᐸᐅᕐᖓᖃᕐᓗᓂᓗ ᐊᒥᒐᖏᑦᑐᓂᒃ, ᑕᒤᓐᓄᓪᓗ ᓂᕿᒃᓴᐅᓪᓗᑎᒃ: ᐆᒪᔪᐃᓪᓗ ᓄᓇᒥᐅᑍᑦ ᐊᑖᓂ ᑕᕐᕋᓕᓂᖃᕐᐳᑦ, ᑎᖕᒥᐊᓪᓗ ᑎᖏᕙᒃᑐᑦ ᐊᕙᓚᖓᔪᖏᓐᓂ ᐃᓂᖃᕐᓗᑎᒃ; ᑕᕝᕙᓐᖓᓪᓗ ᐆᒪᔪᐃᑦ ᓱᓇᑐᐃᓐᓁᑦ ᐅᕕᓂᓕᓕᒫᓪᓗ ᓂᕿᖃᕐᐳᑦ.

ᑖᓂᐊᓕᐅᑉ ᐊᒡᓚᖏᑦ 4:12 Iomraidhean Croise

ᔫᐱᐅᑉ ᐊᒡᓚᖏᑦ 12:24

ᓄᓇᕐᔪᐊᕐᒥᐅᑦ ᐊᖓᔪᖅᑳᖏᑕ ᑐᑭᓯᓯᒪᓂᖏᑦ ᐲᔭᕐᐰᑦ, ᓇᓗᓕᕐᑎᓪᓗᒋᓪᓗ ᐃᓄᖃᖏᑦᑐᒥ ᐊᓯᐅᑎᑉᐰᑦ.

ᔫᐱᐅᑉ ᐊᒡᓚᖏᑦ 14:7

ᓇᐹᕐᑐᖅ ᓱᓕ ᐊᑐᕈᓐᓇᕐᐳᖅ ᓇᑲᑕᐅᓯᒪᓕᕐᓗᓂ; ᐆᒻᒪᕈᒃᑲᓐᓂᕐᓗᓂ ᐆᒻᒪᕈᓐᓇᕐᒪᑦ ᐱᕈᕐᕕᐅᓕᕐᓗᓂᓗ.

ᔫᐱᐅᑉ ᐊᒡᓚᖏᑦ 14:9

ᐃᒫᓃᓕᕈᓂᓕ ᐊᒫᕐᑖᓕᕈᓐᓇᕐᐳᖅ ᐊᕙᓚᖓᔪᕐᑖᓕᕐᓗᓂᓗ ᐱᕈᕐᑎᑦᓯᓕᕋᔭᕐᐳᖅ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:20

ᐊᑕᓂᐅᑉ ᐅᕐᓱᕐᑎᕐᓯᒪᔭᖓ ᐃᓅᓯᖃᕐᕕᒋᔭᕗᑦ, ᑎᒍᕚᑦ ᐃᑎᕐᓴᓕᐊᕆᓯᒪᔭᒥᖕᓂ, ᐅᖃᐅᓯᕆᓚᐅᕐᑕᕗᑦ, “ᑖᑦᓱᒪ ᑕᕐᕋᖓᓂ ᐃᓅᔪᒫᕐᐳᒍᑦ ᐃᓅᖃᑎᒌᒡᔪᐊᑦ ᐊᑯᕐᖓᓐᓂ.”

ᐃᓯᑭᐊᓕᐅᑉ ᐊᒡᓚᖏᑦ 17:23

ᐃᓴᕆᐊᓕᒥᐅᑦ ᖃᖅᑲᖏᑕ ᐳᕐᑐᓂᕐᐹᖓᓐᓂ ᓇᑉᐸᕐᓯᔪᒪᕗᖓ, ᐊᕙᓚᖓᔪᕐᔪᐊᖃᓕᕈᒫᕐᐳᖅ ᐸᐅᕐᖓᖃᓕᕐᓗᓂᓗ, ᓇᐹᕐᑐᕐᔪᐊᖑᓕᖁᓪᓗᒍ ᓰᑕᕆᐅᓕᕐᓗᓂ; ᐆᒪᔪᓪᓗ ᖃᓄᐃᑦᑐᑐᐃᓐᓁᑦ ᓇᐹᕐᑑᑉ ᐊᑖᓂ ᐃᓂᖃᓕᕈᒫᕐᐳᑦ, ᐊᕙᓚᖓᔪᖏᑕᓗ ᑕᕐᕋᓕᓂᖏᓐᓂ ᑎᖕᒥᐊᑦ ᐊᑦᔨᒌᖏᑦᑐᑦ ᐅᓪᓗᖃᓕᕐᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 31:17

ᒪᓕᒍᒫᕐᐹᓪᓗ ᑐᖁᓯᒪᔪᑦ ᐃᓂᖓᓄᐊᖃᑎᒋᓗᒍ, ᓴᕕᒡᔪᐊᒧᑦ ᑐᖁᑕᐅᓯᒪᔪᑦ; ᐃᓛᒃ, ᑕᕐᕋᓕᓂᖓᓂ ᐃᓂᖃᖃᑦᑕᓚᐅᕐᑐᓕᒫᑦ ᐃᓅᖃᑎᒌᒡᔪᐊᑦ ᑐᖁᖃᑕᐅᔪᒫᕐᐳᑦ.

ᑖᓂᐊᓕᐅᑉ ᐊᒡᓚᖏᑦ 4:14

ᑖᓐᓇ ᓂᓪᓕᐊᕗᖅ ᓂᐱᖅᑯᕐᑐᓪᓗᓂ: ‘ᑭᐱᓕᕐᓯᐅᒃ ᓇᐹᕐᑐᖅ, ᐊᕙᓚᖓᔪᖏᑦ ᓇᑲᑎᕐᓗᒋᑦ, ᐅᖃᐅᔭᖏᓪᓗ ᐲᔭᕐᓗᒋᑦ, ᐸᐅᕐᖓᖏᓪᓗ ᓇᒧᑐᐃᓐᓇᖅ ᓯᐊᒻᒪᒃᑎᓪᓗᒋᑦ, ᐆᒪᔪᑦ ᐊᑖᓂᑦ ᕿᒫᓕᕐᓕᑦ, ᑎᖕᒥᐊᓪᓗ ᐊᕙᓚᖓᔪᖏᓐᓂᑦ ᑎᖏᓕᑦ.

ᒫᑎᐅᓯᐅᑉ ᐊᒡᓚᖏᑦ 13:32

ᑖᓐᓇ ᐱᕈᕐᓯᐊᒃᓴᓕᒫᓂᑦ ᒥᑭᓐᓂᕐᐸᐅᕗᖅ, ᐱᕈᕋᒥ ᐱᕈᕐᑐᓕᒫᓂᑦ ᐊᖏᓂᕐᐸᐅᓕᕐᐳᖅ ᓇᐹᕐᑑᓕᕐᓗᓂ, ᑕᕝᕙ ᑎᖕᒥᐊᑦ ᑕᕝᕙᓂ ᐅᓪᓗᓕᐅᓕᕐᐳᑦ ᓇᐹᕐᑑᑉ ᐊᕙᓚᖓᔪᖏᓐᓂ.”

ᒫᑯᓯᐅᑉ ᐊᒡᓚᖏᑦ 13:32

“ᐅᓪᓗᑉ ᑕᒪᑐᒪ ᓇᓪᓕᐅᓐᓂᖓ ᐃᑲᕐᕋᕐᓘᓐᓃᑦ ᓇᓪᓕᐊᓐᓄᑦ ᖃᐅᔨᒪᔭᐅᓐᖏᓚᖅ, ᐂᖏᓖᑦ ᐊᒡᓛᑦ ᕿᓚᖕᒦᑦᑐᑦ, ᐃᕐᓂᐅᓪᓘᓐᓃᑦ ᖃᐅᔨᒪᖏᓐᓂᕚ, ᐊᑖᑕᐅᑉ ᑭᓯᒥ ᖃᐅᔨᒪᕚ.

ᒫᑯᓯᐅᑉ ᐊᒡᓚᖏᑦ 4:32

ᑭᖑᓂᖓᒍᑦ ᑖᓐᓇ ᑲᓐᖓᕐᓲᑕᐅᒐᒥ ᐱᕈᕐᐸᓪᓕᐊᓯᕗᖅ ᐱᕈᕐᑐᓕᒫᓂᑦ ᐊᖏᓂᕐᐸᐅᓕᕐᓗᓂ, ᐊᕙᓚᖓᔪᖏᑦ ᐊᖏᒡᓕᕐᒪᑕ, ᑎᖕᒥᐊᑦ ᑕᕝᕙᓂ ᐅᓪᓗᖃᕈᓐᓇᓕᕐᐳᑦ ᑕᕐᕋᓕᓂᖓᓂ.”

ᓘᑲᓯᐅᑉ ᐊᒡᓚᖏᑦ 13:19

ᐃᒤᑦᑑᔮᕐᐳᖅ, ᐱᕈᕐᓯᐊᒃᓴᖅ ᒥᑭᓐᓂᕐᐹᖅ ᒪᓯᑕᕐᑦ ᐊᖑᑎᐅᑉ ᐱᕈᕐᓯᐊᒃᓴᖅ ᒥᑭᔪᑯᓗᒃ ᐱᒐᒥᐅᒃ ᐱᕈᕐᓰᕕᖕᒥᓄᑦ ᑲᓐᖓᕐᓲᑎᒋᕚ; ᑖᓐᓇ ᐱᕈᓕᕐᐳᖅ ᓇᐹᕐᑐᓐᖑᕐᓗᓂ, ᑎᖕᒥᐊᑦ ᑕᕝᕙᓂ ᐊᕙᓚᖓᔪᖏᓐᓂ ᐃᕙᕕᖃᕈᓐᓇᕐᓯᓪᓗᑎᒃ.”